كتب الكاتب الفاتح جبرا المتوفرة بمعرض الدوحة
|
|
 إظـهـــــار رقــم !
|
خط الاستواء
عبد الله الشيخ
إظهار رقم!
اختطلت الأمور.. و"اتشقلبت" الصور!.. وهذا هو الإفساد في الأرض.. زول واحد في البلد دي وقعت ليهو "الحاجات دي" في كرتلة المحلية... الزول الواحد دا ممتلكاتو التي تحصى هي: اثنين تلاجة فواكه ( لتخزين الموز والعنب المستورد من بلاد الشام، والشمام، والطماطم، وأيضاً كذلك الجرجير!).. ومصنع للمرايات (مرايات غرف النوم، والعربات، والمرايات الصغيرة التي تحتاجها القوارير من أجل الـcheck الأخير على وجوههن قبل ابتداء الحفل)!.. وكافتريا على الكورنيش (تبيع السندوتشات لركاب البصّات العابرة للقارات من وإلى مدني وبورتسودان والدمازين، وتبيع البارد للقادمين من بادية البطانة للتسوّق في الحصاحيصا)!.. وفرن آلي..! ليس فرناً آلياً وحيداً، إنما فرنان آليان (لبيع الرغيف لسكان كمبو المحالج، وناس الكنابي، ولعريبي الجزيرة اللي شروهو وكروهو.. وختوك تراب)!.. وموقع استثماري في السوق (نحدثكم عن محاسنه بعد اكتمال تشييده)!..
ولسه الخبر ما انتهى.. زول واحد في البلد دي وقعت ليهو (الحاجات دي) في كرتلة المحلية.. بقية تفاصيلها على هذا النحو: تبرعات من الخيرين في الخليج وأرض السودان الحبيب.. كميات معتبرة من العجوة المقرطسة، حاويات.. حاويات من أقمشة التيترون والتوتال الأصلي.. وتصديق بعدد مائتي حافلة هايس "كرّنت حالياً في الكرين"؛ واحتمال يكون أكمل إجراءاتها واشتغلت في خط "سحافا شرق"!..
والخبر لسة ما انتهى.. يمتلك شحنات من السكر، وتصديقات بشحنات أخرى في الطريق.. ثم أخيراً، وليس آخراً.. محاولات حثيثة من جانبه لإفراغ سوق الفاكهة من الفكهنجية وعدد الفكهنجية المستهدفين في "حلة عباس" حوالي خمسين فكهانياً "بيحب الفاكهة، وبيموت في الموز والمنقة"!..
والخبر لسة ما انتهى.. هناك وظائف تم تخصيصها له لاستيعاب خريجيه، سواء كانوا من "الخلوة" أو من "جماعة جزاك الله خير" المتخرجين من الجامعة..
والخبر لسه ما انتهى، لكن نقول شنو؟..
نقول "يا حليلنا"، ويا حليلك!... حليلك يا العشمان في مخدة وملاية، وغيرك بيلغف خروف السماية، وواحد تصدق بيلهط ولاية!..
واستهدوا بالله.. البلد بي خيرا.. شيء بترول، وشيء دهب أسود وأبيض، وشيء عوايد، ومطرنا يرشح، ونيلينا تساب، ومصانع اسمنتينا مدورة، وجرايدنا أكثر من مستشاري الدولة.. ومع ذلك يطلع ليك واحد و"يبراك" كلام عن الأزمة الاقتصادية!.. الحكاية شنو؟ الناس دي أصلها ما بتشبع؟..
في بداية الإنقاذ قادني عشقي للمدائح النبوية إلى "مطب".. كنت أتسمع المدائح وأنا محشور في إحدى بصات الحاج يوسف، وكان عنوان الأزمة في سوق تلك الأيام هو الأسمنت؛ والأسمنت طار وصل السما، وكان راديو البص يمدح: (خليل إبني، خالد إبني، حسن إبني... إلخ).. وفجأة هدر صوت جهور من الزحام، ومن المقاعد الخلفية تحديداً، ولاشك عندي انه صوت واحد شيوعي!! قال: "والله المحيرني إنو الناس دي بتبني!! الناس دي لقت الأسمنت وين"!؟.. دحين خلينا نسألك أيها الرجل، يا أيّها المتحفز لابتلاع الحصايا" حلة عباس" مثلما ابتلع حسين كامل أرض الكويت.. نسألك: الحاجات دي "لميت فيها، ولميتا" كيف؟..
|
|
 
|
|
|
|
|
|
|
|
Re: إظـهـــــار رقــم ! (Re: عبد الله الشيخ)
|
الأستاذ عبد الله الشيخ
بالله مره واحده وخرّم وخد سنده في مشروع التاكسي
الجديد .. أنما حتة دين مشروع ! ..
العربات بدت تصل الخرطوم ..
والتسليم بدا ..
والمساكين وقعوا في الفخ لأن العربات لا تصلح
للتاكشي .. حتتفقش قريب في الشوارع وتتحول
إلى أكوام صفيح أمام بيوت المساكين الذين وقعوا في الفخ .. إذا فضلت ليهم بيوت ..
فسوف يقبض صاحب الصفقة أمواله بالكامل .. واظنو قبضا .. عافيه يا عافي .. يا متعافي!!
وتتكسر العربات ..
وتقع المطالبات على رؤوس المساكين الذين تم ذبحهم على أصول شريعة مداري ..
وتمتلئ بهم أمعاء السجون الغليظة .. تدفع واللا تنحبس طوالي ..!
الولاية حتقول بعدين : وأنا مالي؟
ألحق يا خوي عبد الله باقي المساكين الباقين ينالناوينالك ثواب ..
على الأقل المطالبة بلجنة فنية تحدد صلاحية العربات للتاكسي ..
أصلو المشروع تمتفصيله بعد وصول السيارات ..
| |
|
|
|
|
|
|
|
|
|
Re: إظـهـــــار رقــم ! (Re: سالم أحمد سالم)
|
Quote: وتقع المطالبات على رؤوس المساكين الذين تم ذبحهم على أصول شريعة مداري ..
وتمتلئ بهم أمعاء السجون الغليظة .. تدفع واللا تنحبس طوالي ..!
الولاية حتقول بعدين : وأنا مالي؟ |
ود الشيخ
يحلنا الحلة بلة
تتحياتي
| |
|
|
|
|
|
|
|
|
|
Re: إظـهـــــار رقــم ! (Re: سالم أحمد سالم)
|
يا باسط .. د. سالم بيقول ليك انو الموضوع تم تفصيلة ( بعد وصول العربات) ..
يبقى ..
كيف؟..
يحلنا الحلا بله؟
وبعدين يا دكتور سالم .. لازم قبل ما نخش فى الموضوع دا لازم نتكلم اولاُ عن خراب النقل الميكانيكى الذى كان يستخرج شهادات الميلاد للعربات وفق المواصفات ،
وكمان نتناول موضوع العربات
أ, بالاحرى علب الصفيح
النوبيرا .. اين هى الآن؟
والامجادات .. عشاية الضيفان..
وغايتو ..
ده موضوع إلا الواحد يكون صبى ميكنيكى عشان يفهمو..
لكن حنحاول ..
تحياتى ومودتى
| |
|
|
|
|
|
|
|
|
|
Re: إظـهـــــار رقــم ! (Re: عبد الله الشيخ)
|
الأستاذ باسط المكي والأستاذ عبد الله
أنتو بلّه ده حلّ شنو؟ صاموله ياربي ؟
لوبلّه حلّ صامولة يكون هو الذي سوف يحل الموضوع !!
يعني نطلب من بلّه يحلحل العربية صاموله صامولة ويقول هل تصلح
للتاكسي أم لا ؟
وطالما أن النقل الميكينيكي قد حلحلت صواميله عن بكرة أبيها وأمها كمان،
نطلب لجنة تقصي حقائق دولية .. ودي ساهلة .. بس قول للسيد كي مون عاوزين
لجنة دولية للسودان يوافق على طول ..
نطلب تحويل الملف إلى الدوحه .. ومافيش حد أحسن من حد ..
كلها "حركات" والسيارات جزء من "حركة المرور" ...!!
ما رأيكم في تكوين حركة للقضية باسم "حركة المرور" ؟؟
| |
|
|
|
|
|
|
|
|
|
Re: إظـهـــــار رقــم ! (Re: سالم أحمد سالم)
|
يادكتور سالم ..
بله دا حسب معلوماتى اتحلحل من القيد بطريقة ( جهنمية) ..
والموضوع ده كان زمن المهدية ..
اعتقد ان الطريقة الجهنمية بتاعة بله برضو ما بتحلنا ..
الاخ باسط المكى .. لو عندك سيناريو تانى قولو ..
.. وقبل كل شيئ لازم نحدد .. من هو بله (الحالى أو الآنى بلغة المثقفين) .. هل هو مشروع التاكسى ،ام مشروع السكن الشعبى ، أم هو المحكمة الجنائية ، ام اتفاق السلام ، أم الانتخابات ، ام عوائد البترول ، ام التعددية ، ام البرالمة الجدد؟؟ ام كل هذا وذاك ؟؟
"البلات " ..جمع بلة ..
بقت كتيرة ..
وانتو عارفين ..!
طيب .. يحلو ياتو ويخلو ياتو ؟
| |
|
|
|
|
|
|
|
|
 Re: إظـهـــــار رقــم ! (Re: عبد الله الشيخ)
|
| Quote: دحين خلينا نسألك أيها الرجل، يا أيّها المتحفز لابتلاع الحصايا" حلة عباس" مثلما ابتلع حسين كامل أرض الكويت.. نسألك: الحاجات دي "لميت فيها، ولميتا" كيف؟.. |
*** يا ود الشيخ ... شــكرا جزيلا .. واسلوبك جميل .
*** لاكين يا أخوى زولا حرامى زى ده متستر عليه مالك ؟ ياكل حق المرضى و الفقراء و الاطفال !!!
*** الناس ديل ما خافوا من الله انت خايف عليهم من شنو ؟ و السكوت على النوعية دى جريمة .
*** تقبل كامل الاحترام
| |
|
|
|
|
|
|
|
|
|
Re: إظـهـــــار رقــم ! (Re: الطيب عثمان يوسف)
|
الأخ عبدالله الشيخ
لك التحية والتقدير
الم يقال فى السابق عش رجبا ترى عجباً ؟؟؟
نحن الان اصبحنا نرى فى العجب فى كل صباح جديد او بالاصح نسمع به ونندهش
لقد اصبحنا كتلة دهشة مما يحدث فى بلادى ...
لك الله يا وطن ...
ولك الله يا انسان هذا الوطن اللامنتمى ....
| |
|
|
|
|
|
|
| |
عبد الله الشيخ
سلمى الشيخ سلامة
سالم أحمد سالم
باسط المكي
emad altaib
الطيب عثمان يوسف
قرشـــو
معتصم الطاهر
فيس بوك
تويتر
انستقرام
يوتيوب
بنتيريست