|
|
|
 Re: ماليزيا روعة وجمال متناهى000 الصور بالكوم (Re: احمد محمد بشير)
|
Quote: ماليزيا جنة جماعة الكيزان و المنافقين لعنهم الله..
نقول حاجات و حاجات... لكن بتزعل جماعة معينة.. |
كلام ساي لا دليل عليه واشاعات لا اساس لها
ماليزيا بلد العلم والعلماء وطلاب العلم من السودانين
يا عادل تجي ماليزيا وما تقول لينا عوك
نجي نحتفي بيك ونسلم؟
| |
 
|
|
|
|
|
|
|
 Re: ماليزيا روعة وجمال متناهى000 الصور بالكوم (Re: د.نجاة محمود)
|
معليش يا دكتوره نجاة ...
انتي أكيد ما كوزه والكلام ما بيخصك...لانو انا قولت الكلام بيزعل
جماعة معينه فقط... واعتقد انتي لستي منهم....
Quote: كلام ساي لا دليل عليه واشاعات لا اساس لها
ماليزيا بلد العلم والعلماء وطلاب العلم من السودانين |
** اخدي المعلومة دي مني...
نحنا لمن كنا في الجامعة كانو بيرسلوا الكيزان "فقط "من الجامعة
لتحضير الدراسات العليا والدكتوراه في ماليزيا وغيرها من الدول..
* وبعدين الكيزان ديل لمن يجوكم بي هناك ما بيقولوا نحنا كيزان..
يعني بيخلوها كتامي كده لحدي ما يتموا الهدف بتاعهم هنا ك ويرجعو
للجماعة الكبري في البلاد...
_____
لحدي كده خلاص يا أحباب عشان ما نفسد ليكم الصور الجميله...
عليكم الله ما تدوا كلامي دا اي اعتبار.. وواصلو في ما ترونه مناسب.
انشاء الله ما يجي علاء سيد بتاع خلية النحل ويرد علي...
لانو لو شافني معلق أي بوست بيبوظ ليكم موضوع البوست بالمهاتره...
الحمد لله علاء الدين سيد احمد نايم الان حسب توقيت الخرطوم.
| |
|
|
|
|
|
|
|
|
|
Re: ماليزيا روعة وجمال متناهى000 الصور بالكوم (Re: احمد محمد بشير)
|
Quote: نحنا لمن كنا في الجامعة كانو بيرسلوا الكيزان "فقط "من الجامعة
لتحضير الدراسات العليا والدكتوراه في ماليزيا وغيرها من الدول |
سلامات يا ولدي
ماليزيا الان فيها 2000 طالب في المستوى الجامعي او الدراسات العليا
المبعوثين منهم ما بيصلو 100 طالب البقية تدر على حسابها الغالبية العظمى اتو من
الخليج ودول الاغتراب..
اي طالب بيكون مجتاز الشرط بتقبلوا الجامعات لا بعرفوا كوز لا كباية
انا شخصيا اعرف عدد مقدر من المبعوثين ما عندهم اي انتماء
فقط التعميم الانت كتبت بيه كانه اي زول هنا كوز
ودا ما صاح..
ماليزيا قوام جاليتنا طلاب العلم او اساتذة بداوا الحضور هنا من الثمانيات
يعملون بكل احترام وتقدير من اهالي البلد
ويرفعواالراس,,
في فترة من الفترات كان كل رؤساءالاقسام في كلية علوم الوحي والدراسات الانسانية
من الاساتذة السودانين..
اسهم هؤلاء الاساتذة في ادارة الجامعة وتاسيسها بصورة ممتازة جدا نالوا بها احترام
الكل..
| |
|
|
|
|
|
|
|
|
 Re: ماليزيا روعة وجمال متناهى000 الصور بالكوم (Re: د.نجاة محمود)
|
| Quote: المبعوثين منهم ما بيصلو 100 |
الخاله د.نجاة...
شوفتي الميه المعاكم ديل انا ببصم بالعشره انهم تبع لي جماعة المنافقين...
وغيرهم الكثير المتخفي... وديل الانا بقصدهم...
____
لحدي هنا البوست ماشي كويس... معليش يا صاحب البوست...
بوستك دا احتمال يخرب لمن الجماعة بتاعين السودان ديل يصحوا...
ولمن يخربو ليك البوست خليك عارف انو هما الحيبوظو ليك الموضوع.
ولكم الود...
| |
|
|
|
|
|
|
|
|
|
Re: ماليزيا روعة وجمال متناهى000 الصور بالكوم (Re: حسن إبراهيم خليفة)
|
اخونا احمد محمد بشير ياخ ما يهمك لو الكيزان اختارو جنة الدنيا نحن بنختار جنة الاخرة وربنا كريم علينا
على قولهم الكيشة قدمه والحقه
ما تزعل نفسك كتير هم قالو دايرين ينقلوا التجربة الماليزية للسودان عشان كده ودو وليداتهم ينقلوا من هناك وانت عارف النقل بيحتاج فلوس والفوس عند العروس والعروس عاوزة ال والباقى معروف
ياخ يديك العافية
اوعى بزيارتى الصغيرة دى لماليزيا تكون حسبتنى مع الجماعة ديل
اكان كدى والله هسع احرد وارجع
| |
|
|
|
|
|
|
|
|
|
Re: ماليزيا روعة وجمال متناهى000 الصور بالكوم (Re: عادل عبدالعزيز عبد الرحيم)
|
البرج ده بقى حكايه لحاله اول حاجة يقع فى قلب كولا لامبور وانت من على سطحه بتعمل فوكسنق على كل الاصمة وفيه مناظير تقرب البعيد ينى تكون المدينة كلها على بعد خطوة من ناظريك وغير كده فيه دليل سياحى مصور فى شكل دى فى دى صغير تكون حامله فى يدك وتنظر من الشباك رقم 1 مثلا ويقوم بتعريفك على المنظر الذى امامك بكل تفاصيله وهكذا الشباك الذى يليه الى ان تدور على العاصمة كلها وانت فى برجك هذا
فكرة متقدمه تختصر عليك الكتير وتديك المفيد بدون تعب
عالم متطورة بشكل يعقد
| |
|
|
|
|
|
|
|
|
|
Re: ماليزيا روعة وجمال متناهى000 الصور بالكوم (Re: عادل عبدالعزيز عبد الرحيم)
|
الحبيب اسامة خليفة لك العتبى حتى ترضى ما شفت مداخلتك معليش العتب على النظر وكده
اتصلت عليك فى موبايلك فى ماليزيا ورد على واحد اخ سودانى وابلغنى انك فى اجازة فى السودان
اتمنى ان تكون اجازة سعيدة ووجدت الاهل والاصدقاء بخير
على العموم شكرا ياحبيب انا عارفك ما كنت بتقصر لو كنت فى ماليزيا
الى لقاء قريب
| |
|
|
|
|
|
|
| |
عادل عبدالعزيز عبد الرحيم
Adam Omer
ذواليد سليمان مصطفى
احمد محمد بشير
الصادق عوض
Sidgi mattar
يسرى معتصم
اسامه خليفه
فيس بوك
تويتر
انستقرام
يوتيوب
بنتيريست