|
|
 من دفاتر الصبا .. الرد على قصيدة : سامحني واصفح يا حبيب ..
|
1996
بصورة مفاجئة قررت أن أذهب لزيارة أهلي الطيبين في الشمالية ، وهناك قرأت قصيدة رائعة للشاعر : علاء الدين عبدالرحيم ، حقيقة تأثرت بالقصيدة الأكثر من رائعة ، وتأثرت أكثر حينما علمت بأن القصة التي تتحدث عنها القصيدة حقيقية وحدثت قبل سنوات ليست بالطويلة .
لم أبرح مكاني قيد أنملة حتى نظمت قصيدة ارد فيها على كل مقطع .. قصيدة احاول أن لا اخرم منها ولو بيتاً واحداً ، واعذروني ان نسيت بعض الابيات ، فقد مرت السنوات سراعاً وانساني عراك الحياة الكثير مما اعتقدت انه لن يبرح جوانحني .. مهما حدث !!
|
|
 
|
|
|
|
|
|
|
|
Re: من دفاتر الصبا .. الرد على قصيدة : سامحني واصفح يا حبيب .. (Re: محمد عبدالله مختار)
|
وكتب علاء الدين :
طمني حالك انت كيف والبي يهون مهما ماصعب
انا اصلي زول احساس ومات من بدري معتادي الضرب
كم مرة شانك يامناي من حنضل الالام شرب
من خشمي تتقاطر دماي لو ينطق اسمك بالكضب
وكتبت :
كيفن يكون حالي وبراك عارفاني محزون ما سعيد
من غيرك انتي حياتي موت والحسرة في كل يوم تزيد
الذكرى تنتر بالألم نيرانا في جواي تقيد
واللهفة تنهش في القليب والدمعة للأحزان تعيد
يا ريتو لو احساس مات كان للجماد اصبَح نديد
لكني في جواي فؤاد ما كتله جامده من الحديد
زي ما سقوك مرّ الألم ساقنّي من كاس المكيد
وانا لسه صابر ومحتسب وانا راضي بي الله المجيد
| |
|
|
|
|
|
|
|
|
|
Re: من دفاتر الصبا .. الرد على قصيدة : سامحني واصفح يا حبيب .. (Re: محمد عبدالله مختار)
|
وكتب علاء الدين :
نفوني من نص الديار يوم عرفوا اني انا ليك بحب
لكنو كل مازاد بعادي .. لقيته شخصك لي قرب
سجنوني بين اربع حيط زربوني من جيهتك زرب
لكني شايفاك كل يوم هل طيف خيالك يحتجب ؟
وكتبت :
زي ما نفوكي من الديار جافوني أصبحت الوحيد
في عزله دايماً في الفريق بين الأهل زي الطريد
لا شاب يقول كلمة سلام لا جد ولا حتى الحفيد
شان لسه من جواي بقول عنك محال ممكن أحيد
| |
|
|
|
|
|
|
|
|
|
Re: من دفاتر الصبا .. الرد على قصيدة : سامحني واصفح يا حبيب .. (Re: محمد عبدالله مختار)
|
وكتب علاء الدين :
باريت لي زول بالجتة بس .. بارنك الروح والقلب
انا قلبي لو فارق ضراك ما اظنه من بعدك كسب
متحملي الام براي شايلي الهموم ما بتتحسب
ومالقيت لي زول حس العلي قاسمني همي معاي تعب
وكتبت :
باراك فؤادي بلا أحس والروح معاك والبال بعيد
انا زول محطّم بي وراك لا آذى لا أقدر أفيد
اعماقي مسرح للعذاب والهم دماي الفي الوريد
شايل همومك والمعاي ما بحسو غير زولاً فريد
| |
|
|
|
|
|
|
|
|
|
Re: من دفاتر الصبا .. الرد على قصيدة : سامحني واصفح يا حبيب .. (Re: محمد عبدالله مختار)
|
وكتب علاء الدين :
عرفت صح الم الضرب مابحسه زول غير الضرب
الغربة كيف وعذابه ما ما بيطراه الا المغترب
فوضت لي الله الامر وكتين من التحنيس غلب
مظلومة والمظلوم دعوته من الاله ما بتتحجب
وكتبت :
حاسيبو ألمك والقليب من جوّه يلهج بالقصيد
كلماتو عنوان للضياع ذكراكي لي فيها النشيد
عايش بلاك وسط الاهل في غربة تايه في الهويد
انا زاتي مظلوم والإله ينصفنا من ظلم العبيد
| |
|
|
|
|
|
|
|
|
|
Re: من دفاتر الصبا .. الرد على قصيدة : سامحني واصفح يا حبيب .. (Re: محمد عبدالله مختار)
|
وكتب علاء الدين :
بكتبلك اسع يالحبيب مصبرة وماسكى القلم
بكت لك اسع والقليب مجروح يعاني من الالم
مكتوبي من شهر العسل شهرالمرض وشهر السجم
ملفوفة بي كفن الزفاف والحنة في ايديا دم
وكتبت :
بكتبلك انتي رساله جات بي حسرة من قلباً جهيد
أنا لسه في جواي جرح من نزفو دون شك حا أبيد
ناديت : مظلوم يا صحاب لكن صداي الكان رديد
ما لقيت غير صبري الدوام يفتح حسابي بلا رصيد
| |
|
|
|
|
|
|
|
|
|
Re: من دفاتر الصبا .. الرد على قصيدة : سامحني واصفح يا حبيب .. (Re: محمد عبدالله مختار)
|
وكتب علاء الدين :
انسانة صرت بلا طموح بلا مبادى بلا قيم
قنعت من الرحمة تب بس فيك ماتقطع العشم
ولازلت ياك مالك القليب رغم انه امري انا انحسم
ولازلت بفخر بيك واقول انت الحبيب في كل ملم
وكتبت :
لا زال طموحي معاك أمل عقداً يزين ليكي جيد
لا زال هواك ياهو العشم يجمعنا في العش الرغيد
ارجوكي لا تشيلي الهموم اكسيهو قلبك بالحديد
راجيكي لا آخر العمر كيف انسى ماضينا التليد
| |
|
|
|
|
|
|
|
|
|
Re: من دفاتر الصبا .. الرد على قصيدة : سامحني واصفح يا حبيب .. (Re: محمد عبدالله مختار)
|
وكتب علاء الدين :
اخواني سيبهم يفرحوا انا جرحي لسع مالتئم
يمكن ضميرهم يوم يحس ويعرفو اني ان انظلم
ويعودوا شان يبنو الوقع كيفن بيبنو الانهدم؟
ديل ناس هوايتم الظلم ديل خلوا عيشتي بلا طعم
وما سوو بي حكم العقل ما بيندم الليهو احتكم
وكتبت :
اخوانك الطعنو القليب باعوكي في السوق الكسيد
بالقوة يفخروا كلو زول داير ينصّب نفسو سِيد
دايرين يدمروا حبي ليك وانا حبي ليك شامخ عتيد
كان هم عنادهم لي كِتِر أنا حبي أكتر من عنيد
| |
|
|
|
|
|
|
|
|
|
Re: من دفاتر الصبا .. الرد على قصيدة : سامحني واصفح يا حبيب .. (Re: محمد عبدالله مختار)
|
قصيدة علاء الدين جمعتها كاملة هنا :
سامحني واصفح ياحبيب ساقوني منك بالغصب
ندمانه ليه سبتك براك تتباكى في نص الدرب
طمني حالك انت كيف والبي يهون مهما ماصعب
انا اصلي زول احساس ومات من بدري معتادي الضرب
كم مرة شانك يامناي من حنضل الالام شرب
من خشمي تتقاطر دماي لو ينطق اسمك بالكضب
نفوني من نص الديار يوم عرفوا اني ليك بحب
لكنو كل مازاد بعادي .. لقيته شخصك لي قرب
سجنوني بين اربع حيط زربوني من جيهتك زرب
لكني شايفاك كل يوم هل طيف خيالك يحتجب ؟
طالوني باليد واللسان مافي شيتأ ما سُلب
غير حبك الما قدروا يوم يصلوهو .. ماساكن القلب
واغرب شىء اني انا بي وراك بنزل واتهان وانضرب
لكني في لحظة لقاك بنساهو زي الكان لعب
وريتم اني انا لي حبيب لو خنته بشعر بالذنب
ساقيني راويني المحبة ومن حنانو كمان شرب
ياخوية زي ريدك وليداك وبرضي للمريود بحب
والله لو حاس بالعلي مابترضى بيتنا يتخرب
زي ماب تدورلهم السمح لي برضوا خير الدنيا حب
لكني القى الدايره وين من ناس معين خيرن نضب
بالشورة زي بيعة الملح باعوني في السوق بالجلب
وماراعو لي امي الدوام تتباكى شاني وتحتجب
باريت لي زول بالجتة بس .. بارنك الروح والقلب
انا قلبي لو فارق ضراك ما اظنه من بعدك كسب
متحملي الام براي شايلي الهموم ما بتتحسب
ومالقيت لي زول حس العلي قاسمني همي معاي تعب
عرفت صح الم الضرب مابحسه زول غير الضرب
الغربة كيف وعذابه ما ما بيطراه الا المغترب
فوضت لي الله الامر وكتين من التحنيس غلب
مظلومة والمظلوم دعوته من الاله ما بتتحجب
بكتبلك اسع يالحبيب مصبرة وماسكى القلم
بكت لك اسع والقليب مجروح يعاني من الالم
مكتوبي من شهر العسل شهرالمرض وشهر السجم
ملفوفة بي كفن الزفاف والحنة في ايديا دم
مرقت من سجن الطغاة وقعت في الذل والوهم
قبلت بالواقع المرير امنت بي امر القسم
قبلت بالدايرنوا لي كم قبلي مظلوم انظلم
ويئست من عيشة عذاب راماني في زول مارحم
انسانة صرت بلا طموح بلا مبادى بلا قيم
قنعت من الرحمة تب بس فيك ماتقطع العشم
ولازلت ياك مالك القليب رغم انه امري انا انحسم
ولازلت بفخر بيك واقول انت الحبيب في كل ملم
ولازلت بي اسمك بصيح لو حتى ساكت اتهجم
وبقوله قدام اي زول ماخايفة اصلو الموت هو كم ؟
واخر رسالتي بطمنك ارجوك ماتشيل ليا هم
خليك في عهدك معاي ارجاني لا تفوت بالسأم
احفظني في جواك فرح .. بلسم تداويبو الالم
زي حفظي ليك بين الضلوع انت وقليبي انا جم وجم
اخواني سيبهم يفرحوا انا جرحي لسع مالتئم
يمكن ضميرهم يوم يحس ويعرفو اني ان انظلم
ويعودوا شان يبنو الوقع كيفن بيبنو الانهدم؟
ديل ناس هوايتم الظلم ديل خلوا عيشتي بلا طعم
وما سوو بي حكم العقل ما بيندم الليهو احتكم
الناس بتنقاس بالعقول ما بالجلاليب والعمم
وانا ماسكي في حبل الصبر في الله املي انا ما اتعدم
| |
|
|
|
|
|
|
|
|
|
Re: من دفاتر الصبا .. الرد على قصيدة : سامحني واصفح يا حبيب .. (Re: محمد عبدالله مختار)
|
وقصيدتي جمعتها كاملة هنا :
أرجوكي يا حبي الوحيد لا تبكي دمعك ما بفيد
نحنا اتظلمنا ومن زمان حكم القدر دايماً أكيد
ايه ذنبك انتي عشان يكون منك كلام وافي وعديد
طالبي السماح من غير ذنب في غلطة ما ليك فيها ايد
شان يا مناي قلبك رهيف بهواكي من جواي شديد
والمستحيل أنساكي يوم أو غيرك انتي اكون بريد
كيفن يكون حالي وبراك عارفاني محزون ما سعيد
من غيرك انتي حياتي موت والحسرة في كل يوم تزيد
الذكرى تنتر بالألم نيرانا في جواي تقيد
واللهفة تنهش في القليب والدمعة للأحزان تعيد
يا ريتو لو احساس مات كان للجماد اصبَح نديد
لكني في جواي فؤاد ما كتله جامده من الحديد
زي ما سقوك مرّ الألم ساقنّي من كاس المكيد
وانا لسه صابر ومحتسب وانا راضي بي الله المجيد
زي ما نفوكي من الديار جافوني أصبحت الوحيد
في عزله دايماً في الفريق بين الأهل زي الطريد
لا شاب يقول كلمة سلام لا جد ولا حتى الحفيد
شان لسه من جواي بقول عنك محال ممكن أحيد
شقّيش مشيت أنا اتأذيت لو حتى في جوه المسيد
في كلو يوم ضايق الألم لو كان فرح والدنيا عيد
ما راعو للوالدة البكت رغم انو في القرءان وعيد
انا عمري ما ضريت زول شان قلبي ما بعرف يكيد
باراك فؤادي بلا أحس والروح معاك والبال بعيد
انا زول محطّم بي وراك لا آذى لا أقدر أفيد
اعماقي مسرح للعذاب والهم دماي الفي الوريد
شايل همومك والمعاي ما بحسو غير زولاً فريد
حاسيبو ألمك والقليب من جوّه يلهج بالقصيد
كلماتو عنوان للضياع ذكراكي لي فيها النشيد
عايش بلاك وسط الاهل في غربة تايه في الهويد
انا زاتي مظلوم والإله ينصفنا من ظلم العبيد
بكتبلك انتي رساله جات بي حسرة من قلباً جهيد
أنا لسه في جواي جرح من نزفو دون شك حا أبيد
ناديت : مظلوم يا صحاب لكن صداي الكان رديد
ما لقيت غير صبري الدوام يفتح حسابي بلا رصيد
لا زال طموحي معاك أمل عقداً يزين ليكي جيد
لا زال هواك ياهو العشم يجمعنا في العش الرغيد
ارجوكي لا تشيلي الهموم اكسيهو قلبك بالحديد
راجيكي لا آخر العمر كيف انسى ماضينا التليد
جوايا حافظك بالفرح والبلسم الشافي الأكيد
بتمنى ليك كل السعد والبهجة في العمر المديد
ريدتنا أطهر من كلام رصاهو حاسد أو بليد
ريدتنا كاسيها العفاف وبراءة الطفل الوليد
اخوانك الطعنو القليب باعوكي في السوق الكسيد
بالقوة يفخروا كلو زول داير ينصّب نفسو سِيد
دايرين يدمروا حبي ليك وانا حبي ليك شامخ عتيد
كان هم عنادهم لي كِتِر أنا حبي أكتر من عنيد
الحكمة يا ناس من زمان معروفة في أشعار لبيد
خسران أكيد تارك العقل لو يبقى هارون الرشيد
الناس موازين كلو زول ميزانو بالراي السديد
لساتي برمي شباكي بس لي حلمي ما قادر أصيد
| |
|
|
|
|
|
|
| |
محمد عبدالله مختار
هند محمد
فيس بوك
تويتر
انستقرام
يوتيوب
بنتيريست