|
كتب الكاتب الفاتح جبرا المتوفرة بمعرض الدوحة
|
|
 Re: يا مريخاب كلكم .. افيدونا !! (Re: حمزاوي)
|
| Quote: قبل ما نجاوبك كدا أسأل الهلالاب عن بطولات المريخ الخارجية ( المحمولة جواً ) |
-يا خال - نشكر علي الزيارة اسال الهلالاب من شنو ؟؟ وانت ما مقتنع بي كاساتكم ولاشنو ... ؟؟
يكفي ان التاريخ سجلها لكم با سم السودان - عجبي !!
يلا جواب علي السؤال الجادي
| |
 
|
|
|
|
|
|
|
|
Re: يا مريخاب كلكم .. افيدونا !! (Re: وليد عبد اللطيف)
|
| Quote: هل انتم تمنيتوا لهم كاس سيكافا |
يا وليد سيكافا لم اتمنيها للمريخ - لانها كانت استعداد لكاس الانديه الابطال وهم منافسين الهلال وفي نفس المجموعه -فلابد ان يطلعو منها محطمين ونفيسياتهم منتيه - ولكن لم اشجع اي فريق ضد المريخ .. مجرد تمني بس !
| |
|
|
|
|
|
|
|
|
|
Re: يا مريخاب كلكم .. افيدونا !! (Re: عبدالله كع)
|
Quote: هل الاخوة المريخاب حقيقة لايتمنون - كاس ابطال انديه افريقيا للهلال باسم السودان ؟؟
|
الاخ عبد الله
التحية و التجلة
هذا السؤال الصريح يتطلب اجابة صريحة بعيدا عن المجاملات و المحسنات اللفظية ...
شخصيا ، انا مريخابى منذ مولدى ، اشجع المريخ بكل مشاعرى ، و كنت حين يكون الهلال يلاعب فريقا خارجيا
لا احس تجاهه الا احساسى تجاه الفريق القومى ، افرح لانتصاره و اتألم لخسارته ، حتى كانت الطامة حين اتى
جمهور الهلال فعلا المنى و ما زال يحز فى نفسى .. حين حملوا نعشا افتراضيا للمريخ و طافوا به مهللين منتشين ...
منذ ذلك الحين مات فى داخلى ذلك الاحساس و صار سيان عندى الهلال او الاشانتى كوتوكو ، بل ان المرارة تدفع
نفسى البشرية لاغتنام اى سانحة تفشى تخفف عنى ذلك الحزن المرير .
| |
|
|
|
|
|
|
|
|
|
Re: يا مريخاب كلكم .. افيدونا !! (Re: انور التكينة)
|
يا الحبيب المولد أنفض خلاص كدي لملم أطراف وتعال الموسم القادم بعد فوزك بالممتاز وأعد الكره يمكن تسلم الجرة يوم 18 وحاتك إلا تشترو مازيمبي من هسي !!
ياخي الخماسيات دي شالت تراب المقبرة وجنس غبره في الضريح اسألو الأرباب
ياكع أنت بتحلم الأجابة دي دايره كم سنيين ضوئية كده عشان تتغير المفاهيم وبعد داك يجو أجيال تعرف كيف يكون الأنتماء للوطن والغيرة علي الشعار وكيفية حبه كدي تقدر تربي مصعب علي حب المريخ عندما يلعب بأسم السودان ؟
بعدين تعال لسؤالك ياصحبي أنسي وحينما تنتصر تعال أملئ المكان وغيظ أهل المريخ بأي أسلوب تشاء بقت مافارقه أبداً وماشاهدناه من جمهور الهلال يجعل ما سأل عنه مجاب ضمنياً
لك ودي ياصحبي ،،
مع أنو ماقول ليك ولا حتي هاردلك وقتها لأنك بتكون في حالت زعل شديد
،،،،أبوقصي،،،،
| |
|
|
|
|
|
|
|
|
|
Re: يا مريخاب كلكم .. افيدونا !! (Re: عبدالله كع)
|
ياعبد الله كع
انا ما عدو
ولكن البادي اظلم
وكان تقيفوا مع المريخاب في دورة سيكافا
وهل تعلم اني اقرب الى الهلال من المريخ
ولكن خلاص الكره السودانية اصبحت مشكله
واذا فتحت بوست بهذا الموضوع ياريت تجي وتشاركنا الحلول
بوست موفق
| |
|
|
|
|
|
|
|
|
|
Re: يا مريخاب كلكم .. افيدونا !! (Re: وليد عبد اللطيف)
|
| Quote: هل الاخوة المريخاب حقيقة لايتمنون - كاس ابطال انديه افريقيا للهلال باسم السودان |
دع عنك هذا الحلم الافتراضي
هل الهلالاب فخورين بكاسات المريخ المحموله وباعتبار انه النادي الوحيد السوداني الذي حصل علي بطوله خارجيه؟؟؟؟
| |
|
|
|
|
|
|
|
|
|
Re: يا مريخاب كلكم .. افيدونا !! (Re: وليد عبد اللطيف)
|
كعاكيعو يا حلو كيفك وعيالك
تعرف والله يوم المباراة انا كنت بشجع الهلال
والشاهد عبد الغفار وبكري ويوسف وداعة الهلالاب
وبعد انتهت المباراة (طبعاً عبد الغفار طلع مشى من قون الدرون التاني
المهم بعد انتهت ضرب لي صاحبنا ازهري بخيت المريخابي وكان سعيد جداً
وتفاجأ بردة فعلي وقفل التلفون وبعديها ضرب لي صديق حمدتو وبرضو طبعاً
كان فرحان ومفشوش خااالص . قلت ليهو والله يا صديق انا كنت بشجع في الهلال
قال لي هوووووي يا امير هووووي ارجع لي عقلك وارجع لي مريخيتك الصاقية بدون
شوائب .. قال لي انت محتاج تمشي السودان الايام دي عشان تعرف الحاصل .. قال لي
انت عارف الهلالاب يوم مباراة المريخ وزيسكو في الخرطوم وزّعوا الحلاوة في الشوارع
ويوم مباراة اتراكو في نهائي سيكافا مسيرات الفرح الهلالية ادهشت الروانديين ذاتهم.
فبصراحة يا عبد الله بعد الكلام ده انا فعلاً رجعت لي عقلي .
في حاجة نسيت اقولها ليك صديق قال لي برضو الوطنية ديمع المنتخب بس وضرب لي مثل قال لي يعني
انت عايز مشجعين مانشستر يونايتد يشجعوا شيلسي في مباراة خارجية وشيلسي فيها اتنين بس انجليز وما اصليين وسيد النادي روسي!!
والله اقنعني تخيل ورجعني لي عقلي ؟
| |
|
|
|
|
|
|
|
|
|
Re: يا مريخاب كلكم .. افيدونا !! (Re: محمد عمر جبريل)
|
ألمني جداً حينما أنهزم المريخ في نيجيريا بالثلاثة من كانو بيلازر و خرجت صحيفة حبيب البلد الهلالابية حتى النخاع و هي تحمل هذا العنوان ..
( التلاتة حلاتة )
لم يجرؤ أحدكم حينها يا رشاشات على إستهجان هذا السلوك الذي ينم عن حقد دفين على المريخ ..
فهل تريدنا بعد ذلك أن نحزن لهزيمتكم ..
لا يا أخوي النصيحة لقد عملتوها واضحة فأوصلتمونا إلى مرحلة صرنا فيها نتكيف لهزيمتكم و إندحاركم أكثر من سعادتنا في حالة فوزنا ..
ليس هنا مقام الحديث عن وطنية أو خرابيط ..
و البادي أظلم ..
| |
|
|
|
|
|
|
|
|
|
Re: يا مريخاب كلكم .. افيدونا !! (Re: عصام دهب)
|
نتمنى ان يحرز السودان كاسا خارجية ولكن هل الهلال هو السودان ؟
وبعدين انتو كنتو عميان لما البوستات كانت تتطاقش عندما يهزم المريخ
ام لم تسمع بكاس المجاعة وكاس ما عارف شنو وكانها كانت هبه للمريخ ولم تأتي بجهد وعرق
يحق لكل قبيلة المريخ ان تفتخر بكاساتها المحمولة جوا والتي نتمني تتكرر مرارا .
| |
|
|
|
|
|
|
|
|
|
Re: يا مريخاب كلكم .. افيدونا !! (Re: نيازي مصطفى)
|
Quote: نتمنى ان يحرز السودان كاسا خارجية ولكن هل الهلال هو السودان ؟
وبعدين انتو كنت عميان لما البوستات كانت تتطاقش عندما يهزم المريخ
ام لم تسمع بكاس المجاعة وكاس ما عارف شنو وكانها كانت هبه للمريخ ولم تأتي بجهد وعرق
يحق لكل قبيلة المريخ ان تفتخر بكاساتها المحمولة جوا والتي نتمني تتكرر مرارا |
| Quote: هل الهلال هو السودان ؟ |
نعم في هذه المرحله يلعب باسم دولة السودان الشقيق -
ـــــــــــــــــــــــــــ
نيازي والله كيفتني كيف السنين - اشكر ك - وانت تحب مريخك
| |
|
|
|
|
|
|
|
|
|
Re: يا مريخاب كلكم .. افيدونا !! (Re: عصام دهب)
|
Quote:
ألمني جداً حينما أنهزم المريخ في نيجيريا بالثلاثة من كانو بيلازر و خرجت صحيفة حبيب البلد الهلالابية حتى النخاع و هي تحمل هذا العنوان ..
( التلاتة حلاتة ) |
يا دهب يا مجمر -
في المرحلة دي لابد ان يكون اعلام الهلال وجمهوره ضدك لانك منافس له في هذه المرحلة - فلاتبتأس ولا تحذن
ولكن الان وانتم خارج ( القصه ) تمني الكاس هلاليه با سم السودان ... ولو بالكضب سااااااكت ياخينا
عموما تسلم من الالم - نحمدالله انك مررته من هنا
| |
|
|
|
|
|
|
|
|
|
Re: يا مريخاب كلكم .. افيدونا !! (Re: محمد عمر جبريل)
|
يا عبد الله يا كع
ما تشيلك الهاشميه ساكت ..
لانو الاحنا فيهو دا من صنع ايديكم وازكرك بأن هذه المرحله
المتاخره التى وصل اليها جمهور الناديين قد بدأت فى سيكافا
التى جرت احداثها فى الخرطوم
يومها انا دخلت مباراه نهائى سيكافا من عصرا بدرى ولقبت الاستاد ليس فيه
موضع لقدم وكانت شغاله مباراة تحديد المركزين التالت والرابع
وكانت بين الهلال والاكسبريس اليوغندى او قورماهيا الكينى لا ازكر الان
ووجدت انو الهلال مغلوب واحد صفر وشويه كدا وتقوم جماهير المريخ عن بكرة
ابيها من داخل الاستاد بتشجيع الهلال تشجيع داوى وينتفض الهلال والجماهير الحمراء
باعلامها ودفوفها تزيد فى التشجيع ويتعادل الهلال وينتصر وبعد نهاية المباراه
ياتى لاعبى الهلال يشكرون جمهور المريخ وهم يصفقون ويلوحون للجماهير على طول
الملعب .. كل ذلك وجمهور الهلال فى المسطبه الشماليه على قلتهم كانوا ساكتين
وغير راضين
شويه كدا وبدأت مباراة المريخ والبيره الكينى على الكأس وشويه كدا بدينا نسمع
صرخات خافته من الناحيه الشماليه كلما صوب رماة البيره كوره نحو مرمى المريخ
وعلى شاكلة .. واااااى ... وااااى
وشويه كدا الصرخات بدأت تعلو مع الهدف الاول للبيره فى شباك المريخ
اما مع الهدف التانى للبيره فاصبح التشجيع عيانا بيانا واصبحت الكواريك
ونغمة .. وااااى .. وااااى والضحك والشماته هى سيدة الموقف .. واصبح جمهور
المريخ فى زهول مما يحدث امامه من هزيمه لفريقه ومن موقف جماهير الهلال العلنى
والذى كان سابقه لم تحدث من قبل
اكثر من ذلك سيرت جماهير الهلال مسيرات بعض المباراه وقالوا فيها هتافات
لا ازكرها الان وان كنت ازكر انهم قالوا .. البيره حلاتا شنو كدا ما عارف
وازكر جدا انو جمهور المريخ رد على جمهور الهلال على تلك السابقه الفريده
ردو عليهم فى مباراة لاحقه جمعت الهلال بالاهلى المصرى وانهزم فيها الهلال
لذلك لا ارى اى سبب للزعل والغضب يا كع لان ما يحدث صنعتوهو انتم بايديكم
وتزكروا مباراة زسكو والمريخ القريبه دى وشوف انتوا سويتوا شنو وعملتوا شنو
واسال اى واحد فى العاصمه قول ليهو جماهير الهلال عملت شنو ليلتها
وارجع لارشيف المنتديات وابحث فى كل السايبر عن تعليقات جماهير الهلال
فى شأن هزيمة المريخ من زسكو .. وشوف ح تلقى شنو
ودور عن ارائكم بعد هزيمة الصفاقصى السميتوها زو القعده وشوف هزيمتنا
من الوحدات انتوا عملتوا فيها شنو
يا زول لو داير تزعل ازعل من الهلال وبس
ما تزعل مننا نحنا
لانو دى بضاعتكم قد ردت لكم !!
| |
|
|
|
|
|
|
|
|
|
Re: يا مريخاب كلكم .. افيدونا !! (Re: على محمد على بشير)
|
| Quote: يا زول لو داير تزعل ازعل من الهلال وبس ما تزعل مننا نحنا |
لا بزعل منكم ولا الهلال بزعل - موجودين داخل البطين الايمن
يا ابو علوووه انتو ما صفووووووووووه -
ومفروض تكونو اكبر من كدا - وتكون نظرتكم للسودان والمصلحه العامه
عموما - تحيات طيبات -
| |
|
|
|
|
|
|
|
|
|
Re: يا مريخاب كلكم .. افيدونا !! (Re: امير عوض الجمري)
|
| Quote: فبصراحة يا عبد الله بعد الكلام ده انا فعلاً رجعت لي عقلي . |
تحياتي امير الامير -
كدا انسي الصراحه حقتك دي - وبيني وبينك لمن مازمنبي اتعادل مع الهلال 2-2 من جواك كدا ما قلت
هههههههههههههههههههههههههههههههههههههههه ..
والله حاجه تمام انك تشجع الهلال ولو ظاهريا .. ولكن حقيقة تمنيت الكاس الافريقيه للهلال ؟؟؟
اشكرك كتير جدا جد علي الطله
| |
|
|
|
|
|
|
|
|
|
Re: يا مريخاب كلكم .. افيدونا !! (Re: مجدي عبدالرحيم فضل)
|
| Quote: يا الحبيب المولد أنفض خلاص كدي لملم أطراف وتعال الموسم القادم بعد فوزك بالممتاز وأعد الكره يمكن تسلم الجرة يوم 18 وحاتك إلا تشترو مازيمبي من هسي !! |
كدا يا مجدي انت قول خير وتمني الكاس هلاليه .. والمولد الجاي ده امرو ساهل
قول - متمنيها هلاليه يا شيخ ولو با كضب ساااااكت ..
صفووووووووة !
| |
|
|
|
|
|
|
|
|
|
Re: يا مريخاب كلكم .. افيدونا !! (Re: Hisham Osman)
|
Quote: تحياتي امير الامير -
كدا انسي الصراحه حقتك دي - وبيني وبينك لمن مازمنبي اتعادل مع الهلال 2-2 من جواك كدا ما قلت
هههههههههههههههههههههههههههههههههههههههه ..
والله حاجه تمام انك تشجع الهلال ولو ظاهريا .. ولكن حقيقة تمنيت الكاس الافريقيه للهلال ؟؟؟
اشكرك كتير جدا جد علي الطله |
كعاكيعو تعرف لمن مازيمبي جاب القون التاني انا كنت في التكل وجيت
داخل الصالون مع القون عبد الغفار فت قام على حيلو ومشى وجريت وراهو وخصّمتو
بالرسول يرجع قال لي كدي دقيقة النخش حمام الجامع واجي (نسى انو بيتنا فيهو حمام)
وبعديها ما جاء راجع تاني (عليك الله بعد الحصل لي عبد الغفار ده في حاجة تخليني افرح؟)
واحلف ليك اني كنت بشجع الهلال لحظتها حتى باطنياً لأنه كان في خاطري فتح ومجدي وشهاب وكع وابقاوون
وكل احبابي الهلالاب وكان جنبي عبد الغفار وبكري ويوسف وداعة .
امّا امنيتي بانو الهلال يشيل الكاس فكنت متوقع كده من واقع الاندية وكنت بقول انه دي اكبر واقرب فرصة للتحقيق يلقاها الهلال لأنه الفرق التلاتة الباقية فعلا تعبانة .. بس اتضح ان الهلال اكتر تعب منهم .
اما أمنية ان يشيل الهلال الكاس في الحاصل اسي في كل الامكنة بين المريخاب والهلالاب (فما اظن في زول بيتمنى الموت)
| |
|
|
|
|
|
|
|
|
|
Re: يا مريخاب كلكم .. افيدونا !! (Re: معاوية محمد الحسن)
|
نقفل البوست ده خلاص .. ونشكر كل من جانا واجاب علي تسألنا بكل اريحيه
ولكن .. اتانا امير الامير حقيقة - بهذا (( الوحيد )) الصفوة بما تحمل الكلمة من معني ..
Quote: واحلف ليك اني كنت بشجع الهلال لحظتها حتى باطنياً لأنه كان في خاطري فتحي ومجدي وشهاب وكع وابقاوون
وكل احبابي الهلالاب وكان جنبي عبد الغفار وبكري ويوسف وداعة |
اذا حصل في يوم من الايام تمنيت الخير ل (( طيش افريقيا )) سو ف تكون دوافعي المداخلة اعلاه
فلكم الشكر الجزيل ..... يا ورم
| |
|
|
|
|
|
|
| |
عبدالله كع
Faisal Elrasheed
الصادق صديق سلمان
وليد عبد اللطيف
انور التكينة
مجدي عبدالرحيم فضل
فايزودالقاضي
علي مزمل
الصادق عوض
نيازي عبدالله مرحوم احمد
امير عوض الجمري
دورنقاس
محمد عمر جبريل
طلحة عبدالله
منتصر الامين
عصام دهب
نيازي مصطفى
على محمد على بشير
MOHAMMED ELSHEIKH
أحمد ابراهيم عثمان
Hisham Osman
معاوية محمد الحسن
فيس بوك
تويتر
انستقرام
يوتيوب
بنتيريست