|
|
 الاخ الهميم بكرى ابوبكر
|
سعدت حقا بقبول طلبى للانضمام بعضوية صفحاتكم فلك منى الشكر اجزله, وكنت فى غاية الاندهاش لسرعة ردكم على الطلب لمقدرتك الفائقة للرد على الكم الهائل للطلبات التى تنهال عليك يوميا بجانب العمل الكثير كالاشراف وغيره على سودانيزاونلاين. فهذه همة عالية تحسد عليها. اسأل لك الله التوفيق ولنا واكرر شكرى.
ولا يفوتنى ايضا ان ابعث الشكر للاخ الفاضل شعلة بوسطن الاصيل سيف اليزل برعى على التزكية ومعه اخونا حسين محى الدين (نوباتيا). فها هى بوسطن مركز العلم والمعرفة ليس لامريكا فحسب بل عاصمة العلم لكل العالم تتحرك (لا اقصد بذلك نفسى فانا فقير فى مجال العلم ولكن فقط اتمتع بشرف الانتماء اليها) وستضيف لهذا الويب كلما هو جديد ومفيد بفضل الاخوة الذين ذكرتهم وآخرون كثر. سلام
محمد النيل
|
|
 
|
|
|
|
|
|
|
 Re: الاخ الهميم بكرى ابوبكر (Re: محمد النيل)
|
مرحب بيك يا ود النيل... كم انا سعيد ب انضمامك وكذلك انضمام الاخوه السودانيين ....
ونشكر معك صاحب الدار الذي اتاح لنا الفرصة للالتقاء هنا....
والتحايا عبر لاهلنا في بوسطن...
| |
|
|
|
|
|
|
|
|
|
Re: الاخ الهميم بكرى ابوبكر (Re: بشير خلف الله علي)
|
السلام عليكم
الاخ محمد عبد العظيم ( مناديلي )
اولا الشكر كل الشكر للباش مهندس و الرجل المعلومة ابن حبيب الناظر
بكري ابو بكر ,( الله يخلي البورد دا مفرهد و مخضر للزمان المشتهينو )
بوجود كل الناس و الناس الزيك يا اخ سيف البرعي برضو مشكور ..
الاخ النيل برغم الشواغل نتمني انك تواصل في كل الاتجاهات من تاسيس
صالون بوسطن الادبي
العمل علي جمع التراث النوبي و تدريس اللغة النوبية في المدرسة النوبية
ركن تعليم و تنشئة البراعم فنيا و موسيقيا في الجمعية السودانية
العمل علي لم شمل الجالية السودانية و انتا من رواده المؤهلين
وأنا بسمع في غناك في حفلة العيد اتمني ان لا تضع كلمة سابق ..
ولازم تنزل الحاجات الحلوة دي في البورد دا عشان نكلم ( مسكة ) في العزوزاب
تكلم ناس الدباسين يمشوا لي ابو ادم يصحوا الكلاكلات عشان تسمع النضم السمح
غناك صحوة أهة في الخاطر بصحي الزول غيم السماء الماطر .
في غفلة زمن قدام بنتلاقي ..
راجنك مدد و سلام
| |
|
|
|
|
|
|
|
|
|
Re: الاخ الهميم بكرى ابوبكر (Re: بشير خلف الله علي)
|
السلام عليكم
بشبش عوج الدرب
علي قول القدال نمرأ في النمور كمبودي وام رخم الله مكسيكية
دا انتا و لا أنا بشوف بي اللوندي
الله يكضب الشينة ( انثرني ) ..
عتب بكل عنفوان .. الزيك منو ..
الجماعة ما بهوبوا عليك
هنا يتسع الفضاء لكل .. مغرد .. لا دكتور طارق ولا دكتور مارق
هنا حيث ترتفع قامة كل احدب ... لا مكان لقزم او متعملق كذاب .. الا من رحم ربي
و ما بنقدر نجازيك يا بكري ابو بكر إلا ما ( نسلم بشير خلف الله )
دا بدل البشر ( ما تقول قاعد في امريكا)
و نشكر كل من ساهموا في بناء هذاالصرح .. طوبة .. طوبة
ابو الشباب
| |
|
|
|
|
|
|
|
|
|
Re: الاخ الهميم بكرى ابوبكر (Re: سيف اليزل برعي البدوي)
|
شباب بوسطون الحلوين
أنا سعيد جدا بأن اري هذا الكم من البوستونيون متجمعين
وشكرا جزيلا لما قمتم به من شكر تجاهنا
وفرحتي هي مزيد من البورداب من مدينة العلم بوسطون
ومبروك للنيل ولبشير ولدكتور عبد الرحمن
ودمتم اضافة وذخرا لمنبرنا العامر بكم وبالجميع
خالص مودتي
سيف اليزل
| |
|
|
|
|
|
|
| |
محمد النيل
نصار
محمد عبد الماجد الصايم
سيف الدولة كامل
عماد الدين عبدالله
انور التكينة
بله محمد الفاضل
احمد محمد بشير
هاشم محمد الحسن عبدالله
مجدي عبدالرحيم فضل
ياسر بيناوي
محمد الفاتح خالد حسون
Siddig A. Omer
حسين نوباتيا
سيف اليزل برعي البدوي
فيس بوك
تويتر
انستقرام
يوتيوب
بنتيريست