|
|
 إنتو حسبتوها واللا كاورتوهـــا..
|
والله فعلا الواحد بقى قاعد ساكت في البورد دا .. يغيب يومين يكون ما عارف حاجة .. يجي بعد اسبوع برضو ما يعرف حاجة ..
الواحد بقى ما ناقش ابو النوم ..
إنتو بكري بجيب الناس دي من وين ..؟
خليك من جيبان بكري .. إنتو الناس دي جاادة..؟
|
|
 
|
|
|
|
|
|
|
 Re: إنتو حسبتوها واللا كاورتوهـــا.. (Re: Mayada)
|
| Quote: عارف ياتمبس الليلة بدينا قطيعة الصباح بيك... |
والله يا (ميموز) من ما جيت لقيتم ليك حارسين الكورة .. قعدت معاهم شوية واعتذرت ليهم عن المشاركة
طبعا قاليك في معرب القطيعة مش كدا ..
بعدين شنو البت زينة دي مضيقاها كدا دا ..؟
والله مشتاقين كميات .. والقدم ليهو رافع ..
| |
|
|
|
|
|
|
|
|
 Re: إنتو حسبتوها واللا كاورتوهـــا.. (Re: tmbis)
|
Quote: والله يا (ميموز) من ما جيت لقيتم ليك حارسين الكورة .. قعدت معاهم شوية واعتذرت ليهم عن المشاركة
طبعا قاليك في معرب القطيعة مش كدا .. |
اكيد طبعا، فتاها فتّ، انا ما قلت ليك الرجال الجلاكين ديل ابعد منهم...
| Quote: بعدين شنو البت زينة دي مضيقاها كدا دا ..؟ |
زينة طبعا لازم تضيقها، ماك عارف ابوها!!!
| Quote: والله مشتاقين كميات .. والقدم ليهو رافع .. |
كان البكان بقى ليك بعيد اعزمني غدا انشالله كان في سكاليني، مابقول لأ...
مسعول من الخير، داش وين...
قول ليهو ميادة قالت ليك، ما القهوة دي، خلاص بطلناها...
ست البنيــــــــــات
| |
|
|
|
|
|
|
|
|
 Re: إنتو حسبتوها واللا كاورتوهـــا.. (Re: على محمد على بشير)
|
الظاهر لي الوشوش التلاتة دي كويسة معاك بتريحك ..
بس قصة الحمر دي ابعدني منها .. خليني انقز منتدى المريخ .. احتمال كبير اجازف ليك كلب ميت .. يا غطاية حله اجيبه ليك للرد ..
بالمناسبة إنت بعدما ربنا فتح عليك بي نعمة الظهور والرد والكتابة بي طلاقة فيما يتعلق بي امر الكورة وما يخص الهلال .. تقدر توريني مسحته شنو..؟
اوووعكم تكتبو وتمسحو ثم تمسحو تكتبو ..
الواحد خايف بعد داك تطالبوهو بي قزازة فاضية شان تكبو ليهو (محاية) .. اصلو بقيتو جنكم حجابات وديوك وحمير
| |
|
|
|
|
|
|
|
|
 Re: إنتو حسبتوها واللا كاورتوهـــا.. (Re: doma)
|
Quote: سيد الناس جاء الولد البشيل حملي والبفش ضيمي
تعال كاور لي البطيخاب ديل بالجمله حلاقه نضيفه بموس ميته
بالذات الكباشي البكري وهارون دياب والود بقال |
.. والله كدا يا مامتو .. بتخليني اغلب ليكم مازنبي براي بي مشجعنو وكشافاتو..
هارون والكباشي ديل (اولادنـا) .. بس زعلانين شوية ... .. لكن يخربني بقال دا ما عارفو شايت على وين .. أوعــه كمان يكون كتب في الكورة .. دي تبقى كارثة .. الزول دا قال ناشط سياسي وقلنا معليش .. لكن كمان جابت ليها كورة ..؟
كورة وسياسة ..؟ والله ياها الحلاقة زاته
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: doma)
|
وينك يا مامتو .. يا ست الكل .. 
قلتي لي الجماعة ضابحين .. وداقين نقارتم ..؟
ديل ناسي يا مامتو .. حسسع انا قطعت شغلي عديل كدا ..
ديل يا مامتو كان خلوهم احتمال كبير يفتكرو نفسم هم الغالبين
هوووي يا .. إنتو البلد دي ما فيها هلالاب زعلانين واللا شنـــو..؟
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: tmbis)
|
Quote: قلتي لي الجماعة ضابحين .. وداقين نقارتم ..؟
ديل ناسي يا مامتو .. حسسع انا قطعت شغلي عديل كدا .. |
تخيل حتي الود بقال يا تمبس!!!
بالله كعبرهم لي خليهم عبره لمن يعتبر
الي ان يفر اخر جربوع الي جحره حيث يجب ان يكون
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: doma)
|
Quote: اوووعكم تكتبو وتمسحو ثم تمسحو تكتبو ..
|
كاااااااااااااااااااااك
لا والله يا تامبا .. فى الاول الوشوش ابت تظهر كلو كلو
قمت عملت اعادة توطين ليها وكدا ..
ما تتحسس ابوى ..
سردب بس ..
| |
|
|
|
|
|
|
|
|
 Re: إنتو حسبتوها واللا كاورتوهـــا.. (Re: على محمد على بشير)
|
| Quote: لا والله يا تامبا .. فى الاول الوشوش ابت تظهر كلو كلو |
..ابت تظهر ليييه .. مغلوبة تلاتة واحد اصلو ..؟
حتى الوشوش علمتوها حركاتكم دي يا علي ..؟
Quote: ما تتحسس ابوى ..
سردب بس .. |
نحن مسردبين ممتعنكم .. ومضروبين ممتعنكم .. حكاية الرش ليكم دي .. اعفيني منها احتمال تمشي تاني ما تجيني راجع ..
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: قيقراوي)
|
| Quote: بركة الجيتي يمة . . و تمبس ربنا يغز فيهو كل البركة |
قيقا الحريف ..
سلامات يا مواطن .. وهاردلك .. وبالتأكيد وجودك ضمن الكتيبة الزرقاء بالاحساس والاعتقاد بيثبت فرضية عظمة الهلال ..
(يمـة) دي يا قيقا .. بتزعل .. وتمشي بالسنين .. وبتخلينا نشتاق ليها .. لكن الشئ الثابت في الحاجة دي إنها ما بتقدر على بعادنـا .. ولا نحن كمان ..
علشان كدا لما تمشي قاعد احتفل بيها بي طريقتي الخاصة .. ولما ترجع قاعد احتفل بيها برضو بي طريقتي الخاصة ..
والله يا (مامتو) .. بنحبك شديد جدا
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: وليد محمد المبارك)
|
والغريبة كمان ..
في واحدين كانو عاملين ليك فيها سياسيين .. وشابكننا ليك .. الوطن .. الثورة .. اكتوبر .. حداشر سبتمبر
وشعارات .. والواحد تتكلم معاهو يشبكك تعال وقع لي هنـا ..
امبارح القريبه دي فكو سياسة .. وقلبوها دافوري ..
والله النجيضة كدا ..
اخير ليهم يكوجنو في سياستم دي ..
الكورة دي ما عندهم ليها لياقة .. الواحد كان جات ماشه بي جمبو .. يفقد سوايل ..
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: tmbis)
|
يا وليد انت...ناس مازمبي ديل ...اتنازلوا ليكم من قونين والله شنو؟
نحن يتريقوا علينا ناس مازمبي وناس مبوتو وناس الامل عطبرة...
الا انتو !!!
وبالجد كده قوة العين دي جايبنها من وين؟؟؟؟
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: وليد محمد المبارك)
|
لابد لنا أن ندخل هنا
هلالاب العالم - الملايين - الذين لا يفقدون الأمل
الهلال هلال يا وليد والمزعوط بالثلاثة مظعوط حتى لو انتصر مازمبي على الهلال
ما بعيد على الله أبداً أن ينتشل هلالنا ونتزع النصر هلالنا من براثن الدجالين
والمسحورجية المازمبيين ومن شابههم في لوممباشي.
ودائماً هلالنا قاعد يجيبها من بعيد زي ما كانت ناساورا ومع اهلي مصر
قد تكون مع مازمبي.
أبوفتحية
| |
|
|
|
|
|
|
|
|
 Re: إنتو حسبتوها واللا كاورتوهـــا.. (Re: رقم صفر)
|
سلاموعليكو
الود تامباشتا
والله جيت بس أخمس معاكم البوست دة
و أهتف بملأ صوتي
من أين أتي هؤلاء!
أكيد جايين من كوكب منزه في علوك
لو خمسوك
أو في الزريبةِ بشتنوك
وبقدرِ مامرض الهلال هم جندلوك
يا دوما الخمسوك
طبعاً يا تامباشتا
دايرة أحكي ليك حاجة كدة
خليك معاي خمسة كدة
أنا طول عمري بسمع بقولوا ليك وتنفست الجماهير الصعداء
وانا من شدة غباي
ما كنت عارف الصعداء دي بتعني شنو!
لكن يا تامباشتا
ودوما المصنقرة في عنقريب الحسرة بتسلّي روحا بتمشيط ضفائر المغس
أتنفست ليك جنس صعداء
والله ما ببالغ لو قلت ليك أستنفدت المخزون الإستراتيجي من الصعداء
الله لا يحرمنا من الصعداء ياخ!
يوم الهلال المات الليلة يا حليلو
غلبوهو بي الخمسات الليلة يا حليلو
فرّحتوا للشمات
الليلة يا حليلو
يا ناس فكيكم مات الليلة يا حليلو
والغنية دي حصرية
وعلي فكرة فيها كمية من الصعداء ما تخلص
ممكن تخمس معانا شوية!!
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: رقم صفر)
|
Quote: اعتقد ان قمة الانهزامية ان تنتظر الآخر ان ينتصر لك ، فهذا قبل كل شئ اعتراف
بضألتك وقلة حيلتك ، وهذا في رأي اكبر انتصار لنا ...... ونهاية لما يسمي ب (الندية )
بين الناديين ،،،،، |
من ناحية الندية يا معتصم ونهايته دي مسالة منتهية من بدري ..
كدي امسك لي بس .. البطولة دي .. وشوف الهلال ومستواهو .. عامل كيفن ..
شوف الناس الدخلت البطولة دي وكانت مصنفه على راس قايمة هي وين ..؟
المضحك المبكي إنو الجماعة ديل لما انتابتهم حمى (النقطتين) قاموا روجو لي امكانية الندية .. وقفو الهلال في نقاطو التمنية .. وجابو ليهم جدول لوغريثمات وحسبوها إنهم ح يعملوا كدا .. ولو طلعوا بي الواحد ح يختو الخمسة وح يغلبو الهلال كم كدا ما عارف .. بعداك انتقلنا لي مرحلة ما بعد الاحلام الظ########ة .. لي ملاحلة الأحلام الوردية ومحاولة الندية بي جهالة .. (ما بنطير برانـا) .. وطبعا نحن بنعاين ليهم ساااكت كدا دا ..
بعد ما بنطير برانـا .. طارو والله براهم جنس بريـه ..
انتقلنـا للمرحلة الحساسة .. مرحلة ، أغلب لي يا مازيمبي .. والثابت في المسالة دي إنو قبل الماتش يبتدي الجماعة قالو الروووب .. وحمى المباراة والتبريرات ظهرت ..
واحدين قالو .. معاكم في خندق واحد ..
واحدين جابو... ليهم عروق محبة ولبان بخـور .. وديوك رومية .. وفرشو عديل ..
واحدين نامو... من أول امبارح قبل المباراة .
واحدين جابو .. كمية بنج خياليه .. شان يقاموا بيها السخانة ..
واحدين قاليك .. لما شافو القمر في سماء الخرطوم .. كانو (بيستذأبو) يعني الواحد بتقوم ليهو اضافرين وانياب عديل كدا .. وببقى (مرفعين)
عفواً .. أعلاه بس توضيح لي محاولات النديه البفتشو عنها .. وماظنيتم يلمو فيها قريبات دي ..
دا طبعا بالإضافة لي إنو .. والحاجة المدهشة في المسالة دي .. إنو نحن بي خمستنا دي .. لحدت الآن عندنا مباراة رد .. ودي حساباته بترجع لينا نحن ديل .. مفترض الناس دي كان تأجل (الكيتة) حقته دي وتصبر شوية .. لانو دخلو نفسم في حتة ضيقة شديده خلاص ..
غايتو أنا ما عارف .. عندي صاحبي كدا .. والله (شنبو) في المصيدة عديل كدا ..
أنا خايف (وقتئذ) الموقع دا ما يفتح إلا لما تعمل (دبل كلك) من موقع هيثم مصطفى الرسمي .. يا بالميت .. يدوك الفاتحة من منتدى الهلال ..
هي الناس دي قايله الهلال دا ساااهل كدا دا ..؟
الناس دي ما بتعرف كورة واللا شنــو..؟
| |
|
|
|
|
|
|
|
|
 Re: إنتو حسبتوها واللا كاورتوهـــا.. (Re: doma)
|
Quote: تخيل حتي الود بقال يا تمبس!!!
بالله كعبرهم لي خليهم عبره لمن يعتبر
الي ان يفر اخر جربوع الي جحره حيث يجب ان يكون |
.. غايتو من الله خلقني في البورد دا .. بقال دا ما شايفو شايل ليهو كفر بضقل بيهو هنا دا ..
غايتو ..
هي اصلها خربانة خربانة .. واحد يجي يفسح ليك في كلامك وحايم بيهو .. وبقال يكتب في شأن الهلال .. اوعه يكون مريخابي بس .. ؟
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: حمد فتح الرحمن)
|
| Quote: بعدين إنت يا ابو الشباب القاعد تفسح في كلامي دا .. لو عاجبك بالطريقة دي .. تعال محلات لقيت الكلام دا اتفسح هناك .. يعني في داعي تتلتني كدا معاك .. وانا مغلوب خمسة اتنين ؟؟ |
تعرف .. يشهد الله ... قبل ما أرد ليك في بوست أساسي كتبت ليك كلام كتيييييييير بي جاي
وبعد ما خلاص .. عايز أعمل أضف رد .. قلت ياخ أنسى .. مافي داعي .. الراجل ده الغلب حارقو شديد
وإحتمال كبير جدا يقوم يفهمني غلط .. ودي نقطة مافي صالحي .. إنت بالذات ..!
يعني لو أي واحد من الرشاشات ديل كان فلقتو فوق راسو لمن عرف حاجة ..
لكن ذكرياتي لمن كنت بتاوق ليكم من بره البورد ده فرضت علي أحترامك , وإحترامك أهم لي (حاليا)
من مكاواة بتاعة كورة .. حاليا دي أنا قاصد أختها بين قوسين .. (وجه لسه ما عرفت بجيبوه من وين)
فـــــــا .. دي القصة
ما يجي واحد ناطي هسي يقول ده كسير تلج وبتاع ..
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: محمد عمر جبريل)
|
| Quote: مفروض يكون اسة عرفو براهم و اضايروا و خجلو لكن نقول شنو مع قوة العين و عدم الخجلة |
يا حمد عليك دينك ما تقولو .. عايز تودينـا اللقيط واللا شنـو ..؟ نحن نضاير فيهم بي جاي وبي جاي الجماعة ديل ما يقومو يفكو ناس مازيمبي يمسكو فيك إنت دا ..
حاجة دومه دي ما تدردقك .. اصلو الخمسة دي عامله ليها نفسيات ليها يومين ..
..
Quote: من مكاواة بتاعة كورة .. حاليا دي أنا قاصد أختها بين قوسين .. (وجه لسه ما عرفت بجيبوه من وين)
فـــــــا .. دي القصة
|
يازول دي قصة تمام .. وأنا لو اصلو ما وقعت لي في جرح .. قايلني كان بشتغل بيك ..؟
المسالة يا محمد عمر كورة وكربنة .. في ناس بتقدر تبلع كلامم وفي ناس بتنطهم ..
المسالة ما كسير تلج .. والاحترام والله قايم إلى يوم الدين ..
حسع انا جعان .. وبخاري اتخارج بدري شايفو ليهو يومين بقى يزوغ بدري التقول هلالابي ..
ح اكسح البيت وبكره بنجي نتم الحنك دا ...
هوووي يــا ناس السبعات بتاعت الأردن .. خليكم من بكري أبوبكر دا ..
إنتو قاعدين تجيبو لينا الناس دي من وين ..؟
اي واحد جاي جديد جاي يتشربك ويتلولو مع اسياد البلد ..
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: tmbis)
|
تمبس ســـلامات
قلت لى غبت يومين ... الحمد لله ما غبت ( خمسة ) ايام.
إنتو حسبتوها واللا كاورتوهـــا..
تعرف بمناسبة الحساب :
ذكرتنى نكتة:
واحـــد جاء من المقبرة ...عفواً المدرســــــة زعلان وإشتكى لأبوه قال ليهو الأستاذ- دى مالا تشبه الأستاد- جلدنى.
ابوه : جلـــدوك كـــم يا ولــــد؟
قال ليهو: ما عـــارف يا أبـــوى ... أنا أبكـــى ولا أحســــــــــــب.
دحين السؤال: إنت حسبت كم قبل الكُوار؟
زمااااااان قلنا ليكم الأيام دول.
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: أبوبكر أبوالقاسم)
|
| Quote: هوووي يا .. إنتو البلد دي ما فيها هلالاب زعلانين واللا شنـــو..؟ |
زعلانين الهينة دي , يمين دايرين نطق عديل كدا
والله لولا ذكريات حداشر سبتمبر و شوتة عمر بخيت أظن كان جاني سكر عديل كدا
حمد ابوي ..
اديني ليه بالمسنجر طيب
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: سيف الدولة كامل)
|
والله ما كنت ناوى أشارك فى بوست فيهو كورة ممغوص مغصة شينة....بقيت لابقرأ جرايد ولا بفتح تلفزيون..حالتى بقت صعبه...اليوم المشؤوم كنت فى السودان..الكهرباء قطعوها..هدير ألأستاد سامعو فى أذنى..
جبنا القون ألأول فرحت ويافرحة ماتمت...تعادلوا الله يغيظهم..والكهرباء برضو ماجات..بصبر فى ناس البيت كلهم هلالاب..واحمد ولدى شغل ألأذاعة من الجوال.... والله مازمبى لما جابو القون بتاع التعادل أنا قلت الهلال جاب الثانى..أتارى ديل المريخاب..حاجة غريبة..التشجيع فى السودان بقى غيظنى وأغيظك زى أعلامنا بدون رؤية وهدف...
الله يبارك فيك يا أختنا دومه والله شجعتينى ادخل.. واقول الفى قلبى عشان ارتاح..فى ناس فى الدنيا دى وهم...ما بعرفوا يشجعوا حتى...
يالله ياتمبس البقدرك على الله سوى....تسلم وتحياتى لكل من مره من هنا...........................إسماعيل محمد احمد عباس....
| |
|
|
|
|
|
|
|
|
|
Re: إنتو حسبتوها واللا كاورتوهـــا.. (Re: سيف الدولة كامل)
|
والله ما كنت ناوى أشارك فى بوست فيهو كورة ممغوص مغصة شينة....بقيت لابقرأ جرايد ولا بفتح تلفزيون..حالتى بقت صعبه...اليوم المشؤوم كنت فى السودان..الكهرباء قطعوها..هدير ألأستاد سامعو فى أذنى..
جبنا القون ألأول فرحت ويافرحة ماتمت...تعادلوا الله يغيظهم..والكهرباء برضو ماجات..بصبر فى ناس البيت كلهم هلالاب..واحمد ولدى شغل ألأذاعة من الجوال.... والله مازمبى لما جابو القون بتاع التعادل أنا قلت الهلال جاب الثانى..أتارى ديل المريخاب..حاجة غريبة..التشجيع فى السودان بقى غيظنى وأغيظك زى أعلامنا بدون رؤية وهدف...
الله يبارك فيك يا أختنا دومه والله شجعتينى ادخل.. واقول الفى قلبى عشان ارتاح..فى ناس فى الدنيا دى وهم...ما بعرفوا يشجعوا حتى...
يالله ياتمبس البقدرك على الله سوى....تسلم وتحياتى لكل من مره من هنا...........................إسماعيل محمد احمد عباس....
| |
|
|
|
|
|
|
| |
tmbis
doma
على محمد على بشير
Mayada
وليد محمد المبارك
nazar hussien
قيقراوي
الصادق صديق سلمان
حمد فتح الرحمن
رقم صفر
حبيب نورة
محمد عمر جبريل
أبوبكر أبوالقاسم
محمد البشرى الخضر
طارق جبريل
محمد عبد الماجد الصايم
سيف الدولة كامل
ismeil abbas
فيس بوك
تويتر
انستقرام
يوتيوب
بنتيريست