|
|
 الهلال 2 مازيمبي صفر من يتحدي
|
قبل مباراة الهلال والمريخ الأخيرة
توقعنا نتيجة المباراة وكانت
بعض التوقعات صحيحة .. اليوم نفتح
الباب مرة أخري لنتوقع نتيجة هلال × مازيمبي
وإبتدر التوقعات بتوقعي الشخصي بفوز الهلال بهدفين
دون مقابل لمازيمبي ...
وفي إنتظار باقي التوقعات ...
|
|
 
|
|
|
|
|
|
|
|
Re: الهلال 2 مازيمبي صفر من يتحدي (Re: ثروت سوار الدهب)
|
يا ثروت إنت محبط ونحن بنبحث عن الأمل
والبلد دي لو ما فيها الهلال ، والـ ...... و التمباك
كان زمان متنا ...
الهلال يتأهل لدوري المجموعات في البطولة الكبري لأفريقيا
عدة سنوات متتالية يعني أنه أفضل من غيره ، وأن هنالك أمل
وجماهير الهلال هي ركن أساسي من أركان الفريق فلا ضير في أن
تكون هي العامل الحاسم في فوزه ..
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
يا وليد
دون تهويل أوتفاؤل لا سند له أعتقد أن الهلال هذا العام مؤهل
تماماً لنيل بطولة أفريقيا ، للهلال تاريخ ناصع في هذه البطولة
فقد حل الثالث مرتين والوصيف مرتين ، فما الذي يمنع الهلال
من الفوز بالبطولة هذه المرة .. الهلال أعرق الفرق المشاركة
في دوري الأربعة ، فمازيمبي تأسس عام 1940 أي بعد عقد كامل
من تأسيس الهلال ، الفريقين النيجريين حديثي التأسيس .
الهلال يملك مجموعة موهوبة من اللاعبين ومدرب علي مستوي عالي
وجمهور ضخم وهو من أكبر الفرق التي لها قاعدة جماهيرية علي
مستوي القارة ...
لماذا لا نراهن علي مثل هذا الواقع ، تفاءل بالخير تنله . أليس كذلك .؟
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
Quote: وإبتدر التوقعات بتوقعي الشخصي بفوز الهلال بهدفين
دون مقابل لمازيمبي ... |
ســــت الودع ... ارمى الودع ..
لــى كشكشيييييييييى !!
يا زميــل انضبــط !!
صــدقا .. اتمنى فوز الهلال وصعوده للنهائى
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
خليهم يقولوا .. ذي ما الناس يقولوا ..
حلاة الرد عليهم .. بعد ما الناس يطيروا ...
يا صفيراب هوي .. ما تحلموا ساي ..
البطولات لا تأتي بالتمني .. ولا بالعراقة والتاريخ ...
فريقكم الحالي وصل لهذه المرحلة باللعب الممرحل والمتقن خارج الملعب ..
فهو أصلاً خارج المنافسة منذ الدور 32 .. والجميع على علم تام بتفاصيل ماحدث في هذه المرحلة ..
والمرحلة التي تلتها ... وما في داعي نطلع المستور والمعلوم والفضائح ...
سؤال برئ ... متين الهلال أحرز المركز الثالث في هذه البطولة .. وهل أصلاً يوجد مركز ثالث في هذه البطولة ..
ومن من لاعبي الهلال تم توشيحة بالميدالية البرونزية في هذه البطولة .. أفيدونا أفادكم الله ... للعلم والتاريخ ...
حولااااا .. وكمان مرتين ...
يا أخوانا نحنا بنعرف المركز الأول والثاني بسسسس ..
الثالث دا علاً تكونو قاصدين بيهو زاهر مركز ...
أحلموا هذه الأيام فقط .. قبل العودة إلى مربع الأحباطات الأول ..
وربنا يستر عليكم ....
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: عبده عوض)
|
Quote: دون تهويل أوتفاؤل لا سند له أعتقد أن الهلال هذا العام مؤهل
تماماً لنيل بطولة أفريقيا ، للهلال تاريخ ناصع في هذه البطولة
فقد حل الثالث مرتين والوصيف مرتين ، فما الذي يمنع الهلال
من الفوز بالبطولة هذه المرة .. الهلال أعرق الفرق المشاركة
في دوري الأربعة ، فمازيمبي تأسس عام 1940 أي بعد عقد كامل
من تأسيس الهلال ، الفريقين النيجريين حديثي التأسيس .
|
؟؟؟؟؟؟؟؟
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: عبده عوض)
|
خذها مني يازهير ياحبيب (وبإذن الواحدا الأحد)
الهلال 4
ما(ذنبي) صفر،،
الهلال لن يضيع هذه الفرصة بإذن الله ، وأي نتيجة غير هذه
لن تخدم الهلال خارج الديار،،
سادومبا سيحلل قريشاته في هذه المباراة ،،
بس لو جات تضرب لي تلفون بعد المباراة
(تلفوني تلقاهو عند ود الصايم،) ؛ قلت إيه؟؟؟؟؟
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
زهير
المباراة 3/1
واسالنى كيف جاء الهدف الثالث,,,
هذا الفريق له هجوم خطير
ووسط قوى,,ودفاع فتة,,,,
على الهلال ان يلعب متوازن فقط
الا يلج مرماه هدف
وانا من راى 2/صفر,,افضل من 3/1
اذا اراد الهلال الفوز على تطبق خطط المدرب ليلة امس فى عالم الرياضة ,,لو كنت حضرتها
لعرفت ان هذا المدرب له عقل كبير وفكر واسع,,,,الهلال محظوظ فى اتنين وغير مرزق فى التالتة
فى المعترفين والمدربين,,وغير مرزق فى جلب الكاسات الخارجية,,ومعظمها بفعل فاعل
اتمنى ان نتخطى مازمبى فقط,,,,وانا عندى احساس كبير,,باننا نحن ابطال افريقيا هذا العام
ولك خالص الود
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: فايزودالقاضي)
|
ابو قوتة الهلالابي
أتفق الجميع علي أن قوة مازيمبي تكمن في هجومه الذي
يضم المرعب موبوتو وكذلك خط وسطه ، مع ضعف واضح في
الدفاع ، أعتقد أن فريق الهلال متوازن في كل خطوطه
وفي بداية الموسم كان هنالك تخوفاً من الدفاع إلا
أن المدرب البرازيلي عمل علي إصلاح الخلل في هذا الخط
ليتميز في المباريات اللاحقة، عدد كبير من الناس لديهم
إعتقاد أن وسط الهلال هو أقوي الخطوط ، وبه لاعبي إرتكاز
علي أعلي مستوي وهم الذين يحملون العبء عن خط الدفاع
بعمل ساتر فولاذي يقلل حدة الهجمات المرتدة (يعني يبردها
ليهم وهم يلقوها جاهزة) ، كما أنهم من يحرز الأهداف لخط
الهجوم أضعف خطوط الفريق أي أن الهلال هو وسط في المقام
الأول والأخير ، وهذا التحليل أعتقد أنه منطقي لحد ما
إلا أن قوة دفاع الهلال أصبحت واضحة في المباريات الأخيرة
وتألق لافت خاصة للاعبي وسطه ديمبا وسامي ومنير حينما يلعب
بديلاً له ، اما الهجوم يضم لاعبين علي أعلي مستوي مهاري وقد
يكونوا الأكثر مهارة في لاعبي الهلال (سادومبا ، أمبيلي ، مهند
الطاهر ، كاريكا) ، ومن يشاهد مباريات الهلال بقليل من التروي
يري أن هجوم الهلال ينفذ تعليمات المدرب بحرفية عالية ، وذلك
بفتحهم لأطراف الملعب حينما يستحوذ الهلال علي الكرة ، وسحب
المدافعين لهذه المنطقة وذلك لإفساح المجال للاعبي الوسط لإحراز الأهداف
مع ملاحظة أن المدرب يبقي علي لاعبي الطرف في وسط الهلال ونادراً ما
يتقدموا للإمام بناءً لهجة تاركاً المهمة للمهاجمين . وأعتقد أن
كامبوس يلعب دائماً بخطة تعتمد علي الدفاع في المقام الأول .
هذه قراءة سريعة لخطوط الهلال وطريقة لعبه ...
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: سيف بخيت موسي)
|
نزار يا حبيب
بس الواحد دا مافي ليهو داعي ,,,
انا جني وجن الهدف علي ملعبك ..
تعرف من أسباب صعود الهلال للمربع
الذهبي باكراً ، هو هدف مساوي في كانو
بنيجيريا ، عشان كدا عليك الله خلينا من
4/1 دي وقبلانين بـ 3 صفر أو 2 صفر
ولازم تكون (لف) زي ما قال كيكي
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
يازهير الزناتي
ماتقول هذا فريق عريق وهذا مغمور
ونتكلم كلام كوره
اذا لعب الهلال بالطريقة التي لعب بها ضد المريخ
وكان في انضباط تكتيكي وشكل مرتب
الهلال باذن الله ينال الكاس
واتوقع المباراه
2/1 للهلال
والله الهدف الواحد ده بفشفش مرارتي وبخليني اكره اي شي
باكمبا لاعب المريخ والهلال السابق قال
3/0 لصالح الهلال حسب اداءه في كل المباريات
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: وليد عبد اللطيف)
|
سلام يا زناتي
سلام يا اسياد البلد (في البر والبحر)
سلام يا أحباب البرنس وأخوانه
دعونا نتمناها نصرا هلاليا دون تحديد
فالهدف الواحد يقود الي النهائي مثله مثل الاهداف الثلاثة أو الاربعة
اللهم أنصر هلال الملايين
اللهم اكتب الفرح لاهل السودان
اللهم آمين
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: عبود عبد الرحيم)
|
أعيد هنا كتابة ما كتبته في بوست الأخ احمد الريح
- والعلم كله أوله وآخره عند الخالق عز وجل وحده -
ستكون مباراة شيقة ... وأسرد لكم بعضاً من تفاصيلها (والعلم كله أولاً وأخيرا عند الخالق عز وجل):
ستنتهي المباراة بنتيجة 3 للهلال مقابل 2 لمازيمبي
ستبدأ المباراة بداية قوية وستشهد حذرأ من لاعبي مازيمبي في البداية ومحاولة لإغلاق الثغرات الدفاعية
وسينجح لاعبو مازيمبي في إحراز الهدف الأول في الدقيقة 15 من الشوط الأول من هجمة مرتدة.
بعد ذلك سيدخل الهلال في حالة عدم توازن لمدة عشرة دقائق أو أكثر بقليل تنتهي بإحراز هدف التعادل لفريق الهلال إلا أن مازيمبي سيتمكن من إحراز الهدف الثاني قبل نهاية الشوط الأول وسيخرج الهلال متأخراً في الشوط الأول ....
يبدأ الشوط الثاني بحماس شديد من الهلال ينتج منه هدف التعادل المفاجئ في الدقيقة الخامسة من شوط المباراة الثاني.
بعد ذلك يسيطر الهلال على ملعب المباراة مع هجمات مرتدة خطرة لمازيمبي
يسجل الهلال هدفاً ثالثاً في الدقيقة الخامسة والثلاثين من شوط المباراة الثاني ...
ويهمل لاعبوه الدفاع قليلاً مما ينتج عنه وصول مازمبي إلى مرمى الهلال دون أن يتمكن من إحراز هدف.
ويعلن حكم المباراة إنتهاء المبارة بفوز الهلال بثلاثة أهداف مقابل هدفين ...
- ستشهد المبارة أحداث عنف والعديد من الكروت على الجانبين وخصوصاً.
- قد تصدر بعض التصرفات من جماهير الهلال خلال فترة تقدم فريق مازيمبي خلال الشوط الأول وخلال الهجمات المرتدة لمازيمبي في الشوط الثاني ....
هذا والخالق عز وجل أعلم
احترامي لكم جميعاً
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: khaleel)
|
Quote: والبلد دي لو ما فيها الهلال ، والـ ...... و التمباك
كان زمان متنا ...
|
هسع بعد ما يرشوكم الملايين القلتوهم ديل يلقوا ليهم كمية النقط نقط دي وين
غايتو الا نشيل كوتتنا من هسع
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
=========================
وليد نتمني أن يلعب كامبوس بحذر
وهو ما نتوقعه لأن أي هدف يدخل مرمي
الهلال سيأثر علي تخطيه لمازيمبي
لانه فريق قوي وفريق بطولات وحاز علي
هذه البطولة مرتين قبل ذلك ..
========================
دا الكلام يازهير ودا منطق الكورة
لان اللعب ضد فريق له ثقافة حصد البطولات صعب جدا
وربنا يوفق الهلال وكل السودانيين لينالوا هذا الشرف
اخخخخخخخخخخخخخخخخخخخخخخخخخخخخخخخخ
ذكرتني مازدا الفاسده لايعرف كيف يتاعمل مع المباريات
النهائية وكيف اضاع كاس سيكافا للمريخ وللسودان
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
سيد البلد سيكسب المباراة 2|0 بإذنه تعالى...
Quote: يا صفيراب هوي .. ما تحلموا ساي ..
البطولات لا تأتي بالتمني .. ولا بالعراقة والتاريخ ..
ما دام لقينا لينا طيشابي مخدر مزملياً كدي النسأله
المريخ ضدالجريف انتهت كم؟؟ وان شاء الله الحكم ما ظلمكم..
الطيشب قالوا الحكم ظلمهم مع زيسكو الذي قهرهم بقثلاثية في ربع ساعة
ياخ الحكم طرد لاعب من الخصم وأهداكم ضربة جزاء !!! تاني اعمل ليكم شنو... |
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: عثمان جلال الدين)
|
Quote: وانا اتوقعها كذلك 3/ صفر
ولقاء الاياب 2/1
وصعود الهلال ومقابلة كانو
وهناك في نيجريا صفر / صفر
وفي السودان 2/صفر
وفوز الهلال بكأس دوري الابطال لهذا العام باذن الله |
لا حولاااااااااااا !!!!
يا صفيراب هوي .. ما قدر دا ...
كدي أمرقوا من القدامكم دا في الأول ,,
وخليكم من نيجيريا والبعدا وكدا ....
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: عبده عوض)
|
يا هاني
معظم التوقعات تذهب لفوز الهلال بهدفين أو ثلاثة أهداف
اما أن يلج مرماه هدفين فهي شئ لا نود حصوله حتي لو فاز
الهلال بِأربعة أو خمسة أهداف لأنها حتماً ستغير الموازين
في مباراة العودة ...
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
ابو الزهور
ابلغني كيكي بالمكالمة معك وعلمت ان الخرطوم كلها جاهزة موية ونور
وتذكرت نفس المشهد ايام مباراة الاهلي القاهري والتي انتهت تلاتة صفر
بنفس الدفع وبنفس الشحن عائزين الكورة تنتهي تلاتة صفر
عشان نمشو الكنغو في مباراة الرد نجيب بن وشاي ونتفسح ونجي
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: خليفة موسى حمدان)
|
يا خليل ،،، تذاكر المباراة تطرح في نفس اليوم
عند الساعة الثانية عشر ظهراً ويبدأ الناس في الدخول
للإستاد منذ ذلك الوقت ,, وذلك للزحام الشديد ففي مباراة
الهلال وكانو قدر عدد الذين رجعوا من الإستاد وفشلوا في الدخول
بحوالي 25.000 متفرج وموضوع الدخول للإستادات والتشجيع دا عايز
ليهو ونسة براهو ...
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
يا وليد هذه المرة الإهتمام يختلف
وسائل الإعلام ، الإدارة ، اللاعبين
الجمهور ، الجهاز الفني ، كل من له
علاقة بالكرة حتي الناس العاديين
كل هؤلاء إهتمام بالمباراة لا مثيل
له ، بدأنا نكتسل ثقافة الفوز وحصد
البطولات والناس متفائلة بشكل كبير ...
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: tarig alnour)
|
أبو الزوز أظنك عارف اني متحاشي التحدي من قبيل...نتمنى فوز الهلال 3/صفر..
كنت أتفرج في مباراة مازيمبي و النجم في تونس و التي انتهت لصالح النجم 2/1
و رغم أنه لا يكفي أن تقيم فريق من مباراة واحدة...الا أنني و من خلال هذه المباراة
أقول لكي يفوز الهلال يجب أن يقوم بالتالي:
1-أن يعتمد على العناصر التي تلعب حتى آخر دقيقة دون توقف..فمازيمبي فريق يلعب
التسعين دقيقة بنفس واحد.
2-أن يمتلك الكرة تماما و أن لا يسمح للاعبي مازيمبي بامتلاك الكرة..فلاعبو مازيمبي
يجيدون نقل الكره فيما بينهم بسرعة و مهارة.
3- أن يستغلوا تماما سرعة سادومبا وأمبيلي أو كاريكا...لأن خط ظهرهم بطيئ نسبيا او
ربما لاعبيه كبار السن..
4- أن لا يضيعوا الفرص أو حتى أنصاف الفرص...فمازيمبي فريق يسجل اذا لم تسجل فيه..
5- يجب التسجيل في الدقائق الأولى...فمازيمبي فريق تهبط معنويات لاعبية عندما يسجل
فيه و العكس صحيح...
6- يجب التركيز على الركنيات و الضربات الثابتة...فلاعبي الظهر في مازيمبي قصار القامة
نسبيا...
أبو الزوز هذه روشتتي للفوز...لا أشك في خبرة كامبوس فهو لا شك قد قرأ مازيمبي جيدا..
تبقي كل الأماني للهلال بالفوز العريض...
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
أسوأ ما أخافه على الهلال هو الإعلام اللاواعي والتضخيم بلا داعي ....
أعداء الهلال هم من يشحنون اللاعبين قبل المباراة ويتحدثون لهم عن المعارك ويدخلون اللاعبين في شد نفسي وعصبي
أعداء الهلال من من يطمئنون اللاعبين إلى الفوز الأكيد الذي لا يحتاج إلى مجهود
أعداء الهلال هم من يصورونه وقد فاز بسهولة قبل أن تبدأ المباراة
أعداء الهلال هم من يدفعون الجمهور إلى القيام بأي تصرف لا مسئول أو خاطئ في الملعب
إذا ابتعدت كل هذه العوامل عن لاعبي الهلال وجمهوره
يمكن للهلال أن يفوز إن شاء الله بالمباراة
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: Hani Arabi Mohamed)
|
يا عبود ناس الإذاعة الرياضية ديل
ماقادرين يتعاملوا مع مسألة هلال مريخ
دي بمهنية ، عشان كده قاعدين يتخبطوا
وتشويه النشيد الجميل ده جريمة لا تغتفر
وليتهم يتراجعون عن هذا القرار ...
ويبدو أنهم تعرضوا لضغوط من جماهير
وإعلام المريخ ، طيب إذا تعرضوا لضغوط
من جماهير الهلال وإعلامه حا يعملوا شنو .؟
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
طارق النور
ياخي بالغت معاي عديل كده ، عليك الله انا الجابني للصلع الكبيرة دي شنو .؟
ياخي نزار نصار دا في مصر كان صلعته أكبر من صلعة كوجاك ...
لكن بيني وبينك ياهو انا ذاتي وكمان دفعتهم وبتذكرك كويس ولك ودي وسلامي وتحياتي
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
الرشيد .. والله تنفع تنضم للجهاز الفتي لفريق الهلال
لأنك شكلك قريت فريق مازيمبي كويس ،، تعرف مشاهدة
المباريات نفسها فن، يعني ممكن تشاهد مباراة عشان
تستمع بالكورة وإثارتها وحلاوتها ، وممكن تتفرج علي
كورة عشان تشوف التكتيك وحركة اللاعبين في الميدان وأدواهم
البينفذوها حسب خطة المدرب ، ودي عايزه عرفه وخبره ..
عشان كده نحن كمتفرجين دائماً أحكامنا خاطئة حول اللاعبين
مجاهد حينما كان في الهلال، كان لاعب المدربين الأول ، في
حين إنه كان صاحب النصيب الأوفر من سخط الجمهور .. ودا
الفرق بين الزول البيتفرج كمشاهد عادي ،،، والزول النظرته
فنية ...
ولك الود ونتمني التوفيق للهلال في مباراة الغد ..
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
يا ابو الزوز
النتيجة1/1
في الخرطوم
أسمعها مني
قال لي كده إحساسي
وفي الكونغو 2/2
والهلال حايلعب النهائي
1987 الهلال وصيف بأمر لاراش
ولقد حضرت الكورة في استاد القاهرة
1992 الهلال وصيف مع الوداد المغربي
الثالثة ثابتة 2009م
الهلال بطل أفريقيا
وحا تهرونا
لكنا سنحتمي بالوطنية
والكاسات الجوية
فنحن السابقون
وما تقول ده ما كاس الكئوس أو مانديلا
ده شغل لسان
الفي القلب خلي
لكن لو جبتوه بالحكم
حا نمسخوا ليكم
عايزنوا حمرة عين
ولعب كدارين
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: عبد الحفيظ عباس)
|
تعرف يا هاني إعلام الهلال يختلف عن إعلام المريخ
فإعلام الهلال دائم النقد للفريق ، ولا يشيد بالفريق بالحق
والباطل ، وإن كان الجناحين يفتقدان لكثير من المهنية
والإحترافية ولديهما من العيوب ما يدمر كل الكرة السودانية
وأعتقد أن الإعلام هو الحلقة الأضعف في الكرة السودانية بعد
الإدارات الرياضية .
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
هذا ماصرح به ممثل فريق ما زيمبي
| Quote: واشار الى انهم يتحفظون على ماحدث الى ذلك اضاف مطالبا بحماية كاملة لفريقه من جمهور الهلال الذى وصفه بالشرس ويستخدم اساليب متعددة فى تحقيق انتصارات فريقه وذهب ابعد من ذلك واتهم جمهور الهلال بالشعوذة والدليل على ذلك اقتحام مشجع للملعب حاملا معه (جدادة) فى مباراتنا مع الهلال فى العام الماضى .. |
لم يتم الإلتزام حرفياً بتعليمات الفكي في المرة السابقة
أتوقع أن نرى اليوم أي مشجع هلالي بدلاً من رفع علم الهلال أن يرفع جدادة زرقاء
في هذه الحالة .... الجداد عفواً الهلال حتما سينتصر ..
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: عبد الرازق سعيد)
|
حقو تبقو على التمباك و العرقي
ادمان الهلال نتائجه سيئة للغاية
دا مستواه الحقيقي
حده يغلب فريق رمه في مستواه زي المريخ
بلا لمه
ياريتني لو اتحديتك بقروش
كان انفضك، حق سفة ماتلقاهو.
على العموم سوري
تذكر
ان المجتمعات المقهورة لا تنتج فرق تنتصر
لو خرج جماهير الهلال في انتفاضة ضد النظام لانتزاع حقوقهم ربما يحلموا بالنصر يوما
فالنصر عملية مترابطة
تحاياي زهير
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: عبداللطيف حسن علي)
|
يا ثروت يا عزيز الفوز والهزيمة وجهان لعملة واحدة ...
الهلال لا يمثل الحكومة ولكنه الممثل الشرعي
لجماهير غفيرة من الشعب السوداني ، ولنا أن نعتبره
من منظمات المجتمع المدني التي لم ولن تستطيع الحكومة
السيطرة عليها ، هزيمة الهلال اليوم أمر طبيعي في كرة
القدم ، وهنالك عدد كبير من دول غرب أفريقيا لم تعرف
يوم ما هي الديمقراطية وظلت منذ إستقلالها ترزح تحت
وطأة الديكتاتوريات والنظم الفاشستية ولكنها ظلت ترفد
الملاعب العالمية بمواهب كروية واحدة تلو الأخري ، وليس
ببعيد عن الأذهان أن جورج ويا حينما كان يبدع في أكبر
الأندية الأوربية كانت بلاده تعيش أسواء حرب أهليه تشهدها
القارة في زمن المجرم شارلس تايلور والذي تجري محاكمته
الآن كمجرم حرب والأمثلة عديدة في القارة الأفريقية ....
وطيلة العهود الديمقراطية والشمولية كانت البرازيل هي
الدولة الأميز في كرة القدم ، ولم تغب عن نهائيات كاس
العالم قط منذ ثلاثينيات القرن الماضي وحتي القادمة في
جنوب أفريقيا .. فيا عزيزي ثروت لا تخلط الكيمان ..
سيظل الهلال هو الهلال وتذهب هذه الحكومة وقبلها عشرات
الحكومات ...
ولي عودة
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: عبد الحكيم نصر)
|
قيقا
الهلال فريق كبير شئنا أم أبينا ، وهو من الكبار علي مستوي
القارة .. الهزيمة بالخمسة ليست نهاية المطاف .. الركون
إلي أن الحكومة هي سبب البلاء .. سيجعلنا أكثر تخلفاً .
يجب الحفاظ علي أهلية الرياضة ، وإبعاد الجهات الرسمية
من إدارة النشاط . والعمل علي ديمقراطيته من أجل تطويره ..
لك شكري
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
| Quote: يا ساتر علي الحراسات الليلة |
تعرف يا عبد اللطيف هذه الناس من حقها أن تفعل كل شئ
البارحة الخرطوم نامت هادئة ، وأصبحت أيضاً هادئة ..
إنتصار الهلال يعني الحياة لآلاف الأسر التي تنتظر مباريات
الهلال علي أحر من الجمر ، فوز الهلال يعني إنتعاش الحياة
الاقتصادية في كل قطاعات المهمشين ، هزيمته تعني الكساد
وتراكم المشاكل الاقتصادية ، الهلال هو ليلة القدر لكثير
من الأسر . ليتهم يعلمون هذه الحقيقة .. البارحة نامت
أمبدة واطرافها علي وجه الخصوص حزينة .
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
Quote: دون تهويل أوتفاؤل لا سند له أعتقد أن الهلال هذا العام مؤهل
تماماً لنيل بطولة أفريقيا |
ثم .......
Quote: هزيمة الهلال اليوم أمر طبيعي في كرة
القدم
|
ولا املك الا ان اقول
كاااااااااااااك يا زناتى
| |
|
|
|
|
|
|
|
|
|
Re: الهلال 2 مازيمبي صفر من يتحدي (Re: زهير الزناتي)
|
النبي فيك يا ود الموج كان إتكهنت بمبارة الرد
دي بنعمل ليها مسابقة بعد يوم 18 والهلال عائد من
لوبومباشي ...
كتبت علينا الهزائم يا ود الموج وانا خايف من هزيمة
إبريل 2010 تبقي علينا زي حقت أمبارح دي ...
ياخي مافي طريقة تشوفوا لي فيزا إنشاء الله فكي
نتخارج من جمهورية الهزائم دي
| |
|
|
|
|
|
|
| |
زهير الزناتي
ثروت سوار الدهب
وليد عبد اللطيف
Mohamed Foto7li
محمد عيد
تاج السر محمد حامد
طارق جبريل
عبده عوض
abuguta
محمد صديق
عبدالكريم الامين احمد
nazar hussien
فايزودالقاضي
عبدالله السفاح
سيف بخيت موسي
عبود عبد الرحيم
Hani Arabi Mohamed
ارصد محمد جلال
khaleel
عبداللطيف حسن علي
نجلاء سيد أحمد
بدرالدين يعقوب
Mohamad Shamseldin
معاوية عوض الكريم
الرشيد بابكر
جلال عثمان
عبد الحفيظ عباس
قيقراوي
عبد الحكيم نصر
صديق الموج
على محمد على بشير
Magdi Ahmed Elsheikh
Dr.Elsadig Abdalla
فيس بوك
تويتر
انستقرام
يوتيوب
بنتيريست