|
Re: 30 % من فساد العالم عربي .. كم نصيبنا منه ؟ (Re: طارق ميرغني)
|
لست اني هنا للتعمق كثيرا في امور السياسة رغم قناعتي التامة ان
الفساد السياسي يقود الي فساد مالي واجتماعي واخلاقي
لكن ما يؤرق مضجعي ويغض في حلقي ان تري حقوق المساكين والمرضي والفقراء الذي لا يجدون ما يسد
رمقهم وهم يتفرجون علي التماسيح يسرحون ويمرحون في حقوقهم دون وازع من ضمير ديني او اخلاقي
| |
|
|
|
|
|
|
Re: 30 % من فساد العالم عربي .. كم نصيبنا منه ؟ (Re: طارق ميرغني)
|
** إبن خالى ** جُمعتك مُباركه.. *** قلت لى نسبة الفساد فى العالم العربى 30% ,, أكيد نحنا نسبتنا بتدخلنا طب أو هندسه :- *** وهى لله هى لله ,, لا للسلطه أو الجاه ..( دا الشعار) لكن الواقع :- هى للسلطه والجاه والنهب المُصلح للمال العام... *** إنت عارف انو أحسن زبائن لشراء العقارات فى دبي هُم القادمون من السودان لايفاصلون فى السعر يدفعون من مالنا المنهوب من دون نقاش ,, ماأصلو المال السايب بيعلم السرقه.. (ودام الود بيننا) (ابو محمد فؤاد)
| |
|
|
|
|
|
|
Re: 30 % من فساد العالم عربي .. كم نصيبنا منه ؟ (Re: طارق ميرغني)
|
Quote: لكن ما يؤرق مضجعي ويغض في حلقي ان تري حقوق المساكين والمرضي والفقراء الذي لا يجدون ما يسد
رمقهم وهم يتفرجون علي التماسيح يسرحون ويمرحون في حقوقهم دون وازع من ضمير ديني او اخلاقي |
والله يا طارق أخوي أنا في اخر إجازة لي سٌفت مناظر ومواقف تٌدمي القلب ياخي الناس بقت جارية وما عارفة الحاصل شنو ؟؟ يطلعوا من صباح الرحمن ويرجعوا يد وراء ويد قدام , وكنت في حيرة حقيقية حتى إني كتبت قصيدة سميتها ( فقدت الذاكرة في السودان ) واليك نصها
فقدت الذاكرة في السودان بقيت تائه بدون عنوان وفي السودان بتبقي غريب تشوف الناس طيف الوان
فقد الذاكرة حقيقة تحير الإنسان وفي السودان قدر محتوم وخط مرسوم وفي واقع حياتنا لزوم
وفي السودان تكابس انتا طول يومك تساسق لرزق يومك تنوم تصحي بهمومك ومهما حلمت في يومك تكون هاني ورزقك زي مطر دافر وبيتك بألاكل وافر !! وأطفالك وست بيتك يناموا معاك في حضنك يداعبوا بحنان شنبك ويطلعوا ليك في ضهرك ويتشابوا ويقولوا ليك بابا هسع نحنا ما قدرك
وسيارتك ملانة بضاعة تتكدس وصالونك كبير واسع وبضيفانو يتمدد وأعمالك كتيرة خلاص وربحك منو تتبسم
وفجاءة وفي وسط حلمك يدق الباب ويقولوا ليك في ناس هناك راجنك الجزار ... واللبان ... وصاحب الإيجار وتمرق إنتا من بيتك زي أسد كاسر لا خائق من صاحب إيجار ولا بُمبان وتنهر بخشم مليان اصِبروا شوية يا الحبان باكر بيفرجا الرحمن
وتمشي عديل علي شٌغلك تشاكل في جميع الناس واللهِ معاك ما فرقت لا ولداً صغير شافع معاك بيسلم ولا راجل كبير شايب تقولوا يا عم ولا بتعرف مُقبل وين !! ولا بتعرف ترمِش العين !!
وتركب إنتا في الحافلة معاك همك معاك في الحافلة اصناف من جميع الناس ناساً ... تبكي مغبونة و ناساً ... تحكي في همومة و ناساً ... بالحسرة ممكونة
وفي السودان ناس لا ضاقت المُرة ولا زازت فردِ مرة ولا بتعرف كمان تعرق ولا بتعرف تصٌر الوش
يشيلو قروش من السودان يوزعوا فيها في كل مكان لا بيهتموا للتعبان ولا المرضان ولا العائش دوام فقران يحكموا الناس بإسم الدين يقولوا للعلم تامين!! ايه وفرتو للغائبين !! شفطتو دمانا يا باردين قلعتو حقوقنا حُمرة عين بدون خدمات بدون تامين
ويوم ما تمشي للإعراس تقول واللهِ أسعد ناس تقول واللهِ محظوظين رقيص ... وهجيج موضات كيف ؟؟ ومكياج كيف ؟؟ وجه ابيض شعر أشقر ولو في لحظة غمضتا ! تقول دا حِلم أظني اكون سافرت للبنان !!
فقدت الذاكرة يا الحبان بقيت في السكة اتلفت شارع بيتنا اصبح وين ؟؟ وناس الحِلة الكٌتار ومٌساخ وين قاعدين ؟؟
لا صبحية بيستنوا ولا ضهرية بيهتموا ولا عصرية بيتلموا وفي الأسواق حاجة تحرق الأعصاب لا تاجر معاك بصِدق وكل تجارتو بالشيكات
| |
|
|
|
|
|
|
Re: 30 % من فساد العالم عربي .. كم نصيبنا منه ؟ (Re: هاشم أحمد خلف الله)
|
Quote: يشيلو قروش من السودان يوزعوا فيها في كل مكان لا بيهتموا للتعبان ولا المرضان ولا العائش دوام فقران يحكموا الناس بإسم الدين
|
كلام معبر اخي هاشم
هذا بالفعل ما ارمي اليه
مشكور علي القصيدة التي ذكرتني بعم عبد الرحيم للرائع حميد
اخي هاشم نحن نستورد من اوروبا كل شيء ماعدا النزاهة والاخلاق
فهل المناهج لتربية الجيل الجديد تحد من ذلك او في منع الرشوة ؟
وهل يجدي تعليم الاطفال محاربة الفساد وانواعه في مناهج التربية الوطنية والدينية.
يجب وقوف الكل الاعلام ، التربية المؤسسة الدينية وتوظيف التعليم لتنمية محاربة الفساد
كبث الافلام في رياض الاطفال كما في هونج كونج حيث يعلمون الطفل ان لا يقطف وردة في الشاعر
| |
|
|
|
|
|
|
Re: 30 % من فساد العالم عربي .. كم نصيبنا منه ؟ (Re: طارق ميرغني)
|
في مصر حيث اصبحت الرشوة كشرب زجاجة عصير - لو ظهرت بوادر الثراء علي موظف يتم التحقيق معه - وهناك قضاة يخضعون للتحقيق في قضايا تقبضها الحكومة نفسها - تم تقليل اجراءات الاستثمار وحصرها في موظف واحد وهو يتعامل مع بقية الموظفين يعني باب الرزق مفتوح لواحد فقط
فماذا نحن فاعلون ؟؟؟
| |
|
|
|
|
|
|
Re: 30 % من فساد العالم عربي .. كم نصيبنا منه ؟ (Re: طارق ميرغني)
|
حسب منظمة الشفافية الدولية سقف الحرية مرتفع في الكويت ,والتي فيها : - راتب البرلماني 10000 دولار فقط ومع ذلك في الانتخابات يدفع الملايين ليصبح عضوا في فيه - في الكويت ايضا رفعوا شعار لا تنمية مع الفساد. - يعتقد الكثير من الكويتيون ان هنالك نقص تشريعي لمحاربة الفساد .
| |
|
|
|
|
|
|
Re: 30 % من فساد العالم عربي .. كم نصيبنا منه ؟ (Re: طارق ميرغني)
|
Quote: في مصر حيث اصبحت الرشوة كشرب زجاجة عصير - لو ظهرت بوادر الثراء علي موظف يتم التحقيق معه - وهناك قضاة يخضعون للتحقيق في قضايا تقبضها الحكومة نفسها - تم تقليل اجراءات الاستثمار وحصرها في موظف واحد وهو يتعامل مع بقية الموظفين يعني باب الرزق مفتوح لواحد فقط فماذا نحن فاعلون ؟؟؟ |
نحن فاتحون باب الرزق لواحد تنين تلاتة مية الف .. ما تعدش !
| |
|
|
|
|
|
|
|