|
بورداب فرنسا مساعدة عاجلة لله
|
كيفنكم يا الحنينين مغرودلي في كتاب الله يديكم الفي مرادكم بنيتي ريم ممتحني السنة دي للاعدادي باقي قاعدي تقرالا في مدرسة فرنسية دحين طلبولنا كتاب بتاع رياضيات سلقط ملقط ما لقيناهو هني وقالولنا شوفولكم زول في فرنسا يرسلوا ليكم وباقي اخوكم دة البينو وبين الفرنسي زي البين ود الصايم ولعبة الجمباز دحين دة اسم الكتاب: mathematique triangle 6 edition 2009 والله ماني عارف ان بقيت كتبته صاح دحين الداير يكسب فينا خير يشوفلنا كتاب الجن دة ودة ايميلي: [email protected]
|
|
|
|
|
|
|
|
Re: بورداب فرنسا مساعدة عاجلة لله (Re: طارق جبريل)
|
غايتو ياطارق أخوي لو لي الليلي المسا ماجاك رد من ناس فرنسا أنا في مدينه علي الحدود الفرنسيه يعني جدعة حجر كدي (حوالي 60 كيلومتر) بتنا دي والله مانحوجها إنو تنتظر كتير (المشكله برغم قربنا منها، لكن غير بونجور وميرسي ماخابرين فيها حاجه) لكن كان علي الكتاب ده هين بي نرسمو بي ضبانتو
| |
|
|
|
|
|
|
Re: بورداب فرنسا مساعدة عاجلة لله (Re: كمال حسن)
|
كمال كيفنك ابوي شفت القرايي ام دق دي وحاتك السودان لليلي بي خيرو وصلني تلاتة ايميلات من سودانييين ما بعرفهم غير البوست دة والله يديهم الفي مرادهم وهم رافضين اذكر اسماءهم حتى في النيت شفتة الناس دي سمحي كيفن
ياخي البت ممتحني وانا لي شهر افتش في النصيبي دي وخلاص حكت في الركاب وقالولا الاسبوع دة لازم تجيب كتاب الجن دة قلنا كدي نشوف منبر بكري دة
| |
|
|
|
|
|
|
Re: بورداب فرنسا مساعدة عاجلة لله (Re: سيف الدولة كامل)
|
استذنا سيف كيفنك الحمد لله حواء لسة ولادة ياخي في السودان يعلم الله ناس ما جمعتني بيهم حاجة غير انهم قروا البوست دة وضربوا لي هم كمان والحمد لله الكتاب في الطريق الله يديهم قدر نيتهم دي والله والله مهما تكلمت لن اوفيهم حقهم
| |
|
|
|
|
|
|
Re: بورداب فرنسا مساعدة عاجلة لله (Re: معتز تروتسكى)
|
العزيز ود جبرين تحايا نضرةQuote: mathematique triangle 6 edition 2009 والله ماني عارف ان بقيت كتبته صاح |
غايتو ان كتبتوا صاح ...اخوك بالرغم من انو من ناس فرنسا ..لكنو من الجيران و من دربو ده وعلي المكتبة ....اقلو نسويلنا جميل فوق رقبتك عشان ساعة نجيك بي هناك ما تعمل حميل
| |
|
|
|
|
|
|
Re: بورداب فرنسا مساعدة عاجلة لله (Re: البدري عبد الله)
|
طارق جبريل : كيفك ؟ ...صدفني الكتاب دا لو طبعناه نحن الا نشوف ليك. وبعدين الكتابه صاح ما فيها غلط وهي علي حسب معرفتي بالفرنس ((حساب المثلثات _ الطبعه السادسه)) ولي باكر ان ما ظهر ليك زول حندق ابواب فرنسا ومعاريفنا هناك موجودين وما تشيل هم. وانشاءالله ريم من الناجحات باذن الله.
| |
|
|
|
|
|
|
Re: بورداب فرنسا مساعدة عاجلة لله (Re: Mahassin Ibrahim)
|
ود جبرين والله اللغة الفرنسية دي جميله واسهل من الانجليزي بالله انا لو كنت واصلت دراسة في المركز الفرنسي ما كان اخير لي بدل ما قضيناها عطلة وتسكع في السودان شفت كيف الندم الليله دفعتي نضميهم التقول بلاتيني بس
يارب تجمع في الكتاب
| |
|
|
|
|
|
|
Re: بورداب فرنسا مساعدة عاجلة لله (Re: وليد عبد اللطيف)
|
ضمة ما بتجيها عوجة اخوالها واعمامها في فرنسي قاعدين نرفع لهم البوست عشان يشوفوهو
ازيك يا ود جبرين قدر ما قطعت فوق البوست مرتين تلات لمن فتحته قلت كان غرض لزول كبير حسادة ساكت ما بنرفعو علا لكن طلع لبنيتك الحليوة ربنا يحفظها باكر تكبر وتفتح لنا مستشفي في اوسلي والقرير ومروي و وكريمي بالفرنساوي
الفاتح ود عثمان
| |
|
|
|
|
|
|
Re: بورداب فرنسا مساعدة عاجلة لله (Re: مزمل خيرى)
|
Quote: تصدق كنت ناوى افتشو ليكـ جنب الجامع الكبير والكمبونى .. الحتات دى اكيد كنت حالقى الكتاب دا. ياخوى بركة الجمعتا . |
تعرف يا ابو جوان والله نفسي اتحاوم في الحتة ديك واشتري لي ((اطلس)) اللخدر داك وكمان مذكرات عمسيب بتاعة الكيمياء ديك زمن يااااخ
| |
|
|
|
|
|
|
Re: بورداب فرنسا مساعدة عاجلة لله (Re: Mahassin Ibrahim)
|
محاسن بت اهلي الحنان بالحيل نحمد الله البوست جابلو نتيجي والواحد عرفلو اخوان زينين بالحيل وحاتك ضربولي تليفونات ورسلولي الكتاب بعلم الله ووكتين قلتلم احولكم القروش وحات الله قربوا يدقوني كله كله شفتي الناس دي سمحي كيفن
| |
|
|
|
|
|
|
Re: بورداب فرنسا مساعدة عاجلة لله (Re: البدري عبد الله)
|
Quote: غايتو ان كتبتوا صاح ...اخوك بالرغم من انو من ناس فرنسا ..لكنو من الجيران و من دربو ده وعلي المكتبة ....اقلو نسويلنا جميل فوق رقبتك عشان ساعة نجيك بي هناك ما تعمل حميل |
البدري كيفنك عشان خوة التليح دي ربنا رسلنا ناس عزاز وقضولنا غردنا
يا زول حبابك الف
| |
|
|
|
|
|
|
Re: بورداب فرنسا مساعدة عاجلة لله (Re: عبدالله عثمان)
|
يا سلام يا أبو نسب عروستنا ممتحنه للأعدادي ان شاء الله موفقة دايما وسعيدة ورافعة راسكم يا رب العالمين اها.. نلز معاك البوست ونرفعه لفوق شفت العضلات كيف؟ -وجه باسم- خارج النص" كيف ناصر وأبو الجيكيتات السود؟
| |
|
|
|
|
|
|
Re: بورداب فرنسا مساعدة عاجلة لله (Re: غادة عبدالعزيز خالد)
|
دة بدل ترسلي لينا حق القراية اصلو هو مهركم دة لو ما جانا هسي وسط الزنقات دي بعدين نسوي بيه شنو
ناصر بخير ورجع شغال معاي في المغرب يعني بقينا تلاتة تاني في المغرب
ابو جاكيتات الايام دي مهيص في السودان عرس اخوه الكبير بعد شهر ورابيها بهناك
كيف العرسان وابوهم
| |
|
|
|
|
|
|
|