كتب الكاتب الفاتح جبرا المتوفرة بمعرض الدوحة
|
|
 يا عماد عبد الله يعني شاغلكـ ( الــــــــدوام ) ؟؟؟
|
وحتى لا تطير عيشة الحوش .. ويجينا زائر (جديد) يلاقي عناوين حوشنا بلا ( تاريخ ) قلنا نصحي الخلايا النائمة دي ... ساكين الدوام الله يقلع الدوام وسنينو
هي يازول إت قايل نفسكـ حق روحكـ براكـ .. ؟؟؟
أصلو مرَ خريفاً شين (يا قول حبوبتي ) ، والخريف ( دعاش ) و (ردة ) روح يا حبوبة ، أها بعض بيوت حوشنا جالوص يا مان ، والمطرة (كبَت) شديد (ماصت) الحيطان ولازمنا صيانة !!!
ما صيانة عناوين!!
الـ ( بيبان ) ( بنتاقيها ساكت ) ..
الكلام ( الأوض) جوة ..
( دايراله لياسة ) .. ليــاســـــــــــــــــــــــــــــة
أها قلنا نرجع نشوف السحَارة من (أوضكـ ) الفي الأرشيف ( المليَســة ) نمرق من حاجاته لي الضيفان ديل عشان يجونا راجعين .
.
.
.
.
.
كسير شيكولاته عديل كده ..... 
|
|
 
|
|
|
|
|
|
|
 Re: يا عماد عبد الله يعني شاغلكـ ( الــــــــدوام ) ؟؟؟ (Re: عمران حسن صالح)
|
| Quote: جنوب الخرطوم مطوقٌ بحزام الفقر .. لا خاصرة للأرض هنا .. بل كلها مؤخرة ملتهبة بالعوز و الفقر و محازن و ظلامات الدنيا و العالمين .. و قد كنتُ أعرف عن الخرطوم شغفها بالفارغة منذ أن عدتُ موسوماً بصفة ( المواطن المقيم ) من بعد أن ظللتُ زمناً أدمَغ بالتعريف العجيب : مقيم . و بما أنني عدتُ بفارق زمني هو فلكيٌ بمقاسة أهل البلاد السودانية من المواطنين الصابرين الصامدين المنكربين العاضين على القضية و المؤلفة معاناتهم و الواطئين الجمر و المُكدبين على أيّما شيء يقيم الأود و يسند شوية الكرامة التي فضلت لديهم كورقة توت يتيمة .. و آخر حصنٍ ما تهاوى بعدُ ، من بعدِ تهاوي كل تلك الترهات |
__________________________________________________________
توطين التايتانِك
.
.
.
| |
|
|
|
|
|
|
|
|
|
Re: يا عماد عبد الله يعني شاغلكـ ( الــــــــدوام ) ؟؟؟ (Re: عمران حسن صالح)
|
Quote: و كان ( سوط المطر ) قوساً لوناً من أول السماء لآخرها ..
قالت أمي بأن ( ميكاييل ) وكيل المطر يهشُ بالسوط على قطعان السحابات و « يسوقها قدامو « حتى لتصل إلى الحجاز .. حتى لبيت النبي .
و كنت استأنس بالصورة التي صنعتها طفولتي للنبي .. كحيل العينين واسعها ، طيب القسمات ، حنوناً .. و كيف أن بيته مثله : طيباً و حنوناً .. ببرنداتٍ واسعات و حوشٍ مقشوشٍ مرشوش . |
___________________
.
.
يا سوط المطر ..
.
.
| |
|
|
|
|
|
|
|
|
|
Re: يا عماد عبد الله يعني شاغلكـ ( الــــــــدوام ) ؟؟؟ (Re: عمران حسن صالح)
|
بالمناسبة مكتبتكـ ناقصة كتير ، في حاجات ضاعت وأكيد انت حافظه . من ضمنها موضوع بعنوان غريب أعدت أنا نشره لكـ لو تذكر؟؟
أقلاها نزلو هنا ( نذاكر ) بيهو ..
سلمت أينما كنت ...
وأقول مع الجندرية : | Quote: وارجى الجاياك من جراء تعذيبنا بهكذا كتابات |
والجايييكـ خير للطيش ...
.
.
.
_______________________________________________________________________________
التوقيع :
صديق ( إسفيري ) يحبكـ لوجه الواحد الأحد ...
| |
|
|
|
|
|
|
|
|
|
Re: يا عماد عبد الله يعني شاغلكـ ( الــــــــدوام ) ؟؟؟ (Re: عمران حسن صالح)
|
حقو الواحد يعضيك في راسك ..
ياخي يا عمران أنا ناوي أبقى زول مرطب ..
شغال بيديني و كرعيني في سبيل ذلك الهدف النبيل .
نفسي ياخي اتفنكه كده و أدلع رقبتي و أحسبها من زمرة الناس التي هي ممنجهة ..
و سأسعى لذلك جهد جهدي و طاقة طاقتي .. عشان أمرق من دايرة الفقر الشريرة دي الهلكتنا ياخي ..
ساعدني يا عمران ياخ بدل ما تقوم تتور علي الضرس العوير بتاع الكتابة و الرسم و الأوهام الما بتجيب حقها دي ياخي .
هسه كده كويس ؟ .. البيزنس مان الزيي كده صعب عليهو يضيع عشرة دقايق في هذا الكلام الملغوس الذي تسمونه كتابة و ما بعرف إبداع و شغل ميت .
إنت يا عمران ما زدوكم علم إدارة الوقت ياخي ؟ .. يدوكم ليهو وين صحي و إنتو الفنانون في الأرض و أصحاب القضايا الإنسانية و الجمالية و الأدبية و الفنية .. و كل ذلك الكلام الكبار كبار الهلكنا ياخي و ضيعنا فيهو عمرنا فشوش ساكت !!
......
تعرف أنا بحبك ليه ؟
عشان أنت أكتر زول فقر في الدنيا و ماسك في حاجاتك و مكدب فيها .. و مهموم بيها و ما داير تفكها و كلو فوق راي ..
بس ياهو حكاية ( الفقري رايو واسع ) .
بجيك بالليل يا عمران .. و نقزقز الكلام ..
أقول ليك شكراً إنك بتردني لجادة البني آدميين ؟؟
يا زول يا صاح .
| |
|
|
|
|
|
|
|
|
|
Re: يا عماد عبد الله يعني شاغلكـ ( الــــــــدوام ) ؟؟؟ (Re: عمران حسن صالح)
|
| Quote: و سأسعى لذلك جهد جهدي و طاقة طاقتي .. عشان أمرق من دايرة الفقر الشريرة دي الهلكتنا ياخي .. |
قطيعة تقطع الفقر وسنين الفقر ..
فقراً ودانا الصحاري نفتش لى البملأ (باقة) الزيت من غير ما (سيد) الدكان يرجع الحاجَة يدينا فاضيات ...
فقراً مليان ملاريا وفر دم وحرامية مرقنا من ريحة الدعاش ومن كلام ( الدنيا دي شن فيها غير لمت ناس حُنان ) ..
حسي العايز العض في راسو منو ؟؟ رجعتني تاني !!
...........
.
| |
|
|
|
|
|
|
|
|
|
Re: يا عماد عبد الله يعني شاغلكـ ( الــــــــدوام ) ؟؟؟ (Re: الوليد محمد الامين)
|
| Quote: مساء الخير ايها الأصدقاء ... |
ومساءكـ يا الوليد ...
عشان كده قلنا عايزين صيانة لي غرفنا وحاجاتنا ، عشان الزيكـ يا وليد ( شارد من الحوش ) ...
شايف ( حيَط ) حوشنا شاخت وخايف تقع عليكـ حيطة ولا سقف ...
من 2003 ، دفعة الناس الكانت عايشة هنا ، ان شاء الله بس تجي وتمسي علينا ، أو تمسي على أهل الجمال زي عماد عبد الله وآخرون .
تمسي وترفع البوست فوق عشان الناس البتستمتع تلقى الحاجات الجميلة في وشها .. العناوين المغرية ( بالجمال) أو الكاتب المميز
بقى ما في زمن لي SEARCH والناس عايزة القدامه ... يلا يقوم عماد ده يجي ويكتب ونحن نجي نمسي بس ... وبالعدم فوق ..
| |
|
|
|
|
|
|
| |
عمران حسن صالح
طارق جبريل
Emad Abdulla
أميرة فاروق عبد العال
هواري نمر
فيس بوك
تويتر
انستقرام
يوتيوب
بنتيريست