|
|
|
 Re: المظهر العام (Re: abubakr)
|
سلامات استاذ abubakr
كل سنة و انت طيب...
انا ح اكتب كل اللى خطر على بالى و انا بقرا فى البوست. سامحنى اذا كانت الافكرا شكلها غير مرتبة.
المشكله فى حكاية المظهر العام ده انو ما ربونا عليه. يعنى ابدا ما كان المظهر العام جزء من الثقافة السودانية.....خاصة فى الشمال. لانى لاحظت ان كل معارفى من الجنوب بيلبسوا مليون مرة احسن من اللى فى الشمال. فى الجامعة كنت بحب البس قمصان الاولاد لانها واسعة و مريحة. زملائى من الجنوب هم اللى كانوا بيورونى اجيب قمصان وجيه من وين.
حكاية البول فى الشارع دى حكايه بشعة جدا جدا. لكن ....فى بلدنا ما فى حمامات عامة...الناس تعمل شنو؟ سوق ذى السوق الشعبى..الاف شغالين فيه طوال اليوم..و ما فى اى حماما عام ممكن يستعملوه..اكيد ح يستعملوا اول حيطة تلاقيهم. لكن فى وجهة نظر تانيه بتقول لو كان الحمام بالنسبة للناس دى مهم ( و كانوا فعلا محتاجين ليه) كانوا بنوا واحد و استعملوه.
اى زول بيلاقينى اول مرة بيلاحظ انى بمشى مدنقرة راسى ..بعاين فى الارض طوال الوقت (الموضوع ده بدا يتصلح الان مع السن و العيشه خارج السودان). السبب انى اتعوت على كده من و انا صغيرة. بكون خايفه اعفص على (عدم المؤاخده) سفه و اى سائل حيوى اخر من الفم البشرى.
ليه السودانيين ما بيستعملوا مناديل؟. (البنات احسن كتير فى الموضوع ده). ازكر فى ايام الجامعة... بس البنات اللى بتلاقى فى شنطهم مناديل ورق و لبان. و اللبان ما للفنكهة...بس بنحتاج ليه لننا بنكون فى لابات احيانا لمدة اكتر من تلاته ساعات. الولد الوحيد فى دفعتنا اللى كان بيكون فى جيبه مناديل ورق و لبان كان مضحكة باقى اولاد الدفعة.
حتى الديكور المنزلى احنا متخلفين فيه.....نادرا ما امشى بيت سودانى و يعجبنى شكل اللبيت و تنسيق الالوان.
احتمال يكون الفقر جزء من المشكلة...احنا من دولة فقيرة جدا جدا و كمان فاكنها فى روحنا و قايليين روحنا احسن ناس.
__________________________
معليش على البرى...بس مفروض قانون النظام العام يكون لبهدلة الرجال
| |
 
|
|
|
|
|
|
|
|
Re: المظهر العام (Re: smart_ana2001)
|
إبن عمي العزيز أبوبكر
كل سنة و أنت تنعم بدثار العافية و أسرتك حولك
| Quote: لماذا لبسنا في مجمله غير متناسق ويؤكد علي عدم الاهتمام وعشوائية الاختيار وسوء في الذوق العام .... |
قلتُ ذات مرة أن الشعب السوداني لا يؤمن بمقولة الشيخ فرح ود تكتوك ( كُلْ يا فمي قبل كمي ) أو كما جاء في الأثر ,,,
فكل أهل السودان قاطبة يؤمنون بأن الملبس و حسن المظهر هو في المقام الثالث يأتي بعد الجوهر ثم ( الذي في الجيب من مال ) ...
تحدثنا كثيرا عن هذا الأمر هنا و في ندوات و كلها صرخات في وادٍ غير ذي زرع ...
تخيل بعد إنتهاء العيد رحت أودع أسرة أتتني من جدة .. و في المطار قابلت طبيبا مرموقا بجلابية و طاقية ... و كأنه قام لتوه من غرفة نومه ..
يبدو أن الأمر له رواسب أعمق من أن تتبناها في الصحف أو المنابر .. الأمر يحتاج إلى حملة قومية من الداخل
غايتو
آفيلقو وووو أبننقنتو
| |
|
|
|
|
|
|
|
|
|
Re: المظهر العام (Re: emad altaib)
|
| Quote: تسلم يا هندسة ياأنيق |
تسلم ياعماد وكل سنة وانت طيب يا طيب...
تمن جسر واحد من جسور المتعافي الما ليها لزوم تكفي لبناء الاف من الحمامات العامة في كل انحاء العاصمة المثلثة ...
حكاية "الجوهر" الشفاهي والما مقرون بعمل مادي وشكل يقبله الاخر دة مخدر واداة كسالي وخامليين ...لا يمكن ان نقدم سانوتشا مكوناته ممتاز ه من خبز فاخر وحشوة مغذية جيدة الطبخ و نلفها في دلقانه وسخانة ونقول احسن ساندوتش ومغذي كمان .. دة كيدة بيودي القرافة زي ما بيقولو اولاد بمبة ....
ما في جوهر من عير غطاء يليق به يحميه ويعبر عن مكنونه ....
حكاية احنا واحنا بتاع ايه دي القالا قريبنا داك حماسة لم تقترن بعمل يحسن حال العباد والبلاد....
| |
|
|
|
|
|
|
|
|
|
Re: المظهر العام (Re: emad altaib)
|
الاستاذ الفاضل أبوبكر
لك التحية
Quote: مظهرنا العام سئ وعشوائي وفوضوي وينم عند انعدام ذوق واستهتار بالاخر وبالعمل وعدم التزام بالاديان كلها والتي تدعو الي النظافة وحسن المظهر قولا وفعلا وملبسا ....
كفانا جحجعة باننا الاحسن والارقي ومظهرنا هذا هو عنواننا وهو الذي يراه الاخر ..... ] |
أتفق معك فى كل ما ذهبت اليه فيما يخص المظهر العام للسودانى داخل و خارج السودان فى حقيقة الامر نحن شعب ذوى السنة طويلة و خشنة تجاه الاخرين و لكننا لا نمارس النقد الذاتى لنصلح من شأننا و لا نقبل النصح من أقرب الناس إلينا و غالبا ما نواحه ذلك بالصدود و الرفض و عدم الرضى الصريح او الضمنى , الاستاذ الفاضل و مربى الاجيال الزين حامد كان يهتم جدا بمظهر الطالب و سلوكه و قد كان نمذوجا و قدوة فى ذلك و كان أنيقا فى مظهره و منظم و مرتب الى درجة كبيرة جدا كنا طلابا فى المرحلة الثانوية بكسلا و كان الاستاذ الزين مديرا للمدرسة فتعلم منه من رغب من الطلاب .
بصورة عامة فنحن شعب ينبغى ان نتعلم كيف نرتدى الباس المناسب و المتناسق من الملابس و كيف نتحدث بصوت مسموع و غير مزعج للغير و كيف نخاطب الغير بعبارات تناسب الموقف لابد من الاهتمام بالشعر الكث الغير مهذب الذى يصر عليه الكثيرون من أهل السودان الشارب و الغير مشذب و اللحية المعولقة .
بعد صلاة الجمعة بصحبة صديقى الغير سودانى قابلنا سوانيين اثنين شباب فى عمر الزهور امام المسجد أحدهما فى جلباب أبيض نظيف و مكوى بينما الاخر فى جلباب متسخ تماما و فيه كثير من البقع الظاهرة و كان ذلك ملفتا للنظر فقال لى صديقى : كيف يكون هذا سودانى و هذا سودانى و يشبهون بعض شوف هذا كيف و شوف أخيه ...!!! فخجلت و حزنت لمظهره و ما كان أمامى إلا الانصراف من ذلك المكان و تغيير الموضوع.
| |
|
|
|
|
|
|
|
|
|
Re: المظهر العام (Re: الطيب رحمه قريمان)
|
| Quote: أتفق معك فى كل ما ذهبت اليه فيما يخص المظهر العام للسودانى |
ياابو بتنا رزان (اها تاكيدا للعنصرية!! ) الملابس صارت رخيصة وفي مقدور اي شخص والامر كله في الذوق العام وهذا ينطبق علي الاكل والمخاطبة والالتزام بالوقت واحترام راي الاخر وعدم المكابرة ...احب الهدوء كثيرا واعيش في مبني سكانه هادؤون جدا جدا بحيث انني لا اعرف من هم ولا اي جنس او بلد ولكن عندما اسمع صوتا عاليا وضجيجا فاعرف اما ان احدا من بلادي! زائر او غلط في العنوان ....
يغيظني من يصر علي لبس بدلة كاملة ولكن لا يهتم بان تكون مكوية ومتناسقة مع القميص والكرفتا والحذاء ...الخ ... السبهللية في السير كذلك بصورة تعطي انطباعا بان الشخص خامل وكسلان او لا يبالي ....
اليس الصلاة هي بيننا وخالقنا ولذا يجب ان نكون امامه في احسن صورة؟؟ فلماذا جلابية او عراقي مترب وسخ وشعر منكوش ولحية لم تحلق والبعض يذهب الي المسجد في نفس الجلباب الذي كان ينوم به ..الخ ......
المشكلة في جيل رزان حينما يرو ذلك في بلاد غريبة ويبدؤون في المقارنة بين اهل بلدهم وغيرهم من الاجناس ؟؟؟؟
من محاسن الاغتراب والهجرة والسفر هو الاستفادة من المحاسن الموجودة عند الاخريين فلماذا مئات الاف من السودانيين في الاغتراب والمهجر لا ياخذون من حسنات الغير ويعطوهم مما تيسر من حسنات لدينا ..؟؟
| |
|
|
|
|
|
|
|
|
|
Re: المظهر العام (Re: ابو جهينة)
|
Quote: يبدو أن الأمر له رواسب أعمق من أن تتبناها في الصحف أو المنابر .. الأمر يحتاج إلى حملة قومية من الداخل
غايتو |
ابنينقنتوود .. هو الداخل دة ما ذاتو The can full of worms اها نهبشو يجو طالعيين ؟؟؟ بس احسن يجو طالعيين ونخلص منها مرة واحدة ونبدء من الاول نظيف ...
| |
|
|
|
|
|
|
|
|
|
Re: المظهر العام (Re: smart_ana2001)
|
| Quote: معليش على البرى...بس مفروض قانون النظام العام يكون لبهدلة الرجال |
كل سنة وانتي واسرتك بالف خير ..
قانون نظام عام ونجيب ليهو شرطة من بلد تانية بتعرف النظام حكاية من دقنو فتلو دي ما نافعة ....
كل القلتيهو تمام وعدم وجود الحمامات العامة دليل سوء المظهر العام عند الانسان السوداني و تخلف اداري منذ الاستقلال فلقد كانت في الخرطوم زمااااااان بعض حمامات عامة في اماكن عامة ولكن بعد الاستقلال فالادارات السودانية كانت مشغولة بتقسيم الواطة لبناء قري سموها احياء بغرض جلب الريف كلو الي الخرطوم تسهيلا للانتخابات وجمع الاصوات وعليه مافي واطة فضلت للحمامات والفسحات كانت للدافوري والبول العام والكوش العامة والليالي السياسية ..
البول العام بيستفيدو منو الرجالة برضو .. مساكيين نساء السودان حتي في دي ما في مساواة ولا انسانية .. يعني انا وشريكتي سامية عندنا -بعيد عنك- سكري من جراء اسقاطات غربة ممتدة ومنذ بدايات حياتنا المشتركة ولذا لو مشينا السوق الركزي واهو السكري بيعمل من غير ميعاد Urge to urinate اها ما انا راجل بباصر الامر في بول عام وهي تسوي شنو تسمم يعني ..!!!
الجزء الجنوبي مننا انسان يهتم بمظهره وملبسه رغم شح امكاناته ويستحم مرات وقبل اعوام ليست بعيدة وفي ملجا للسودانيين من الجنوب في اطراف كينيا مع ملاجئ اخري للصوماليين .وغيرهم تم تفتيش عام بواسطة منظمات دولية فوجدو ان الملجا السوداني نظيف ومنسق ويهتم ساكنيه بالنظافة وجمع القمامة ..الخ ....
علمنا عيالنا علي نسق معين ونظافة واهتمام بالمظهر والذات والتخاطب بادب وصوت لا يؤذي الغير وحكينا لهم قصصا كثيرة عن بلادنا التي لم يروها الا اطفالا يافعيين وعن ماض تليد وعزة وكرامة وووووو وفجاءة وعندما كبرو وفي مشوارهم للعلم والعمل وجدو سودانيين لا يهتمون بالمظهر ولا الوقت ولا العمل ولا الدراسة فاتو الينا ساخطيين يسالون اين النسخة التي حدثناهم عنها اين توجد ؟؟؟؟؟؟( يابتي والله احنا كذابيين جنس كذب وبنسرح بعيالنا وبالعالم ساااااي ؟ )...
وبعديين .....كيف نخرج من المطب دة ...؟؟؟
| |
|
|
|
|
|
|
|
|
 Re: المظهر العام (Re: abubakr)
|
| Quote: الدعوة لتثقيف عام ووعي يحسن من المظهر العام .... |
ازيك يا هندسة , ياخي موضوعك ده والله واقف لي في حلقي
وبصراحة ما قادر أفهم الظاهرة دي من شنو ؟؟
العجب لمن تلاقي ليك زول لابس ليهو عراقي مقطع ووسخان جدا
ولابس معاه سفنجة وماشي في الشارع ( أنا بتكلم عن المغتربين )
وفي السودان حدث ولا حرج .
| |
|
|
|
|
|
|
|
|
|
Re: المظهر العام (Re: نجوان)
|
قريبي الباشمهندس
ابوبكر...تحياتي و احترامي...
واها...
الحالة الصوفية عن الانسان السودان عموما..جعلته بسيطا متواضعا..! في مسألة اللبس
لكن؟؟؟؟؟؟؟؟؟؟؟؟؟؟ ...انقلبت الامور فصارت:
من صوفية
الي تواضع
الي بساطة
الي قنوع
الي عدم اهتمام
الي عدم اكتراث
الي عدم معرفة
الي سبهللية
الي بشتنة
الي عولاق
الي..............
كلامك أعلاه جعلني اتحسس (دولابي جيدا)...ههههههههه
| |
|
|
|
|
|
|
|
|
|
Re: المظهر العام (Re: هواري نمر)
|
سلام يا باشمهندس,,
التطور والتقدم هو سنة الحياة وكل ما تقدم الزمن بشعب فإن تطوره وتدرجه الطبيعى فى أوجه حياته وممارساته اليومية وطريقة حياته هو ما يفترض أن يحدث!!!
نحن نسير للوراء بخطا سريعة جدا أو محلك سر فى أحسن الأحوال !! حتى مظهرنا الشخصى يتعرض للتراجع والتخلف فى أبشع صوره!!
أجيال سابقة كانت أكثر ذوقا وأكثر أدبا ورقيا وتعرف كيف تظهر بالمظهر المناسب حسب الوقت وحسب الموقف,,
ما السر فى ذلك يا ترى ما سر هذا الرجوع للوراء!!
بعدين الظاهر الأخرى إنتو نحن سودانيين أم أفغان أم بتان بخصوص الذقون المهملة وغير المشذبة أو المرتبة؟؟
سؤال للعلم فقط رقم المعرفة أن المسألة شخصية !!
حدث يوما أنه كان منع من السفر من مطار الخرطوم من لا يرتدى الزى المناسب ومن يرتدى الزى السودانى عليه إرتدائه كاملا والبعض كان يأتى للمودعين سائلا أن يعطوه (عمة) حتى يتمكن من اللحاق برحلته ولكن اليوم مطار الخرطوم نفسه يبكى نفسه!!وحاله يغنى عن السؤآل ,,,
الله كريم,,
| |
|
|
|
|
|
|
|
|
|
Re: المظهر العام (Re: أيمن الطيب)
|
ياهندسه
ربنا يصلح الحال وكلامك في الصميم
وخلاني اول شي اعاين الى نفسي
ملاحظة :-
كثرة صوالين الحلاقه والساونا ونظافة البشره للرجال بالسودان اكثر من كوفيرات النساء
واقول ياربي دي مرحله متقدمه البداية بالاجسام وبعدين اللبس
| |
|
|
|
|
|
|
|
|
|
Re: المظهر العام (Re: Tabaldina)
|
سلام يا هندسه ..
موضوع - كبير ولكن ...
Quote: لابس عراقى وسفنجه وتكرر المشهد فى ابوظبي .. ؟؟ ديل مبرراتهم شنو
واللبس ارخص مما يتوقع .. |
تبلدينا .. اتفق معك في كل ما سوقته بخصوص المظهر العام داخليا - ووبخصوص العراريق الحايمه في شارع العليا وابو ظبي التي لم ارها - لا اتفق معك - تلكم العراريق الحايمه في هذه المدن - لهم اعزارهم فهم سائقي دينات وعمال شحن وتفريغ وان طبيعة عملهم تتطلب منهم ان يكونو بهذه العراريق والسفنجات - وبحكم انك زرته تلك المدن واظنك كنت مقيم في العربيه السعوديه وتحديدا في الرياض - هل المظهر العام للسودان عموما ينم عن عدم معرفة الزوق العام -
واظن ان ما زكره الاخ صالح تبلدينا - هو واقعناالزي نعيش ولايمكن تغيره بين عشية وضحها ..
| |
|
|
|
|
|
|
|
|
|
Re: المظهر العام (Re: عبدالله كع)
|
| Quote: واقعناالزي نعيش ولايمكن تغيره بين عشية وضحها .. |
يا عبدالله قبل يوميين فقط كنت اقرء مذكرات حاكم بريطاني عاش وسط قبائل الملاي في زمان غابر وحيث كانت الامكانات شحيحية والتخلف ضارب في تلك المناطق ولكنه ذكر ان رجل المالاي رغم فقرهم يستحمون مرتيين في اليوم ويمتعون انفسهم باللبس الجميل ليكون مظهرهم جميلا ....امر ليس امكانات ولكن رغبة اكيدة في ان يكون المظهر لائقا احتراما للذات والاخر ....
| |
|
|
|
|
|
|
|
|
|
Re: المظهر العام (Re: Tabaldina)
|
| Quote: الظاهر انت لسه مغتاظ من عدم التناسق بتاع مجموعة اغانى واغانى |
وليوم الدين .. دييل كرهونا عيونا ذاتا الشافتم .... اها دييل ناس ملح الارض الماعندهم امكانيات ؟؟؟ دييل عندهم فلوس بس ما عندهم التكتح من الذوق في اللبس...Quote: معقولة يا جماعة فى الزمن دا انا اكون عندى الامكانيات
والوضع الاجتماعى والاقتصادى اركب هنتر والبس تموت تخلى
واستحم بصابونه غسيل ..!!؟
مستحيل .. |
ياتبلدينا انا لي عقود ما مشيت جوه (الداخل) والحوالينا -وما علينا- عندهم امكانيات والقمصان والمناطليين والبدل والسفاري وحتي الجلاليب اشكال والوان شي باريس وبرازيلي وايطالي واسباني وهندي وباكستاني وماليزي ولبناني وصنع عجمان وكلو موجود والعربات السمحة ما تدييك الدرب بس تشوف عربية كلها كتاحة يا راكبا زوول او صومالي او يمني ....وااااه من الكرفتا اااااااه ...وتقولي ناس ملح الارض ...ديلك بس خليهم في البول العام والمبرر ....
اها الحيكومة ذاتا ما عندها مظهر عام لا لبسا ولا شكلا ولا خطابا اها نخلي روحنا مبشتتتين ومبهدليين بشانها ... مالو الجحلابية الوحيدونة لو غسلانها بموية النيل المجاني بدل ما تبقي كرتون من الوساخة والعرق...
ااااه
| |
|
|
|
|
|
|
|
|
|
Re: المظهر العام (Re: عبد الناصر الخطيب)
|
Quote: [
لكن السؤال الحقيقى ..
البخلى الناس البره .. المغتربين والمهاجرين .. مبهدلين شنو ؟؟
والله اذكر مره اننى رايت احد السودانيين فى شارع العليا بالرياض
لابس عراقى وسفنجه وتكرر المشهد فى ابوظبي .. ؟؟ ديل مبرراتهم شنو
واللبس ارخص مما يتوقع ..
|
يا تبلدينا...
ازيك و عيدك سعيد...
اها . ده الكــــــــــــلام المفيد؟؟
و السؤال المهم؟؟
واعتقد البوست في مجمله يقصد الشريحة دي!!!
ديل تعمل ليهم شنو؟؟؟
| |
|
|
|
|
|
|
|
|
|
Re: المظهر العام (Re: عبد الناصر الخطيب)
|
Quote: بتصوري المسألة ( أذواق ) وتنشأة ومن المفترض _ بعد الزواج _ يكون مظهر الرجل من إهتمامات زوجتو
لانها المفروض تهتمه بماذا يلبس ومدي ذوق وتناسق ملابسه قبل خروجه من البيت
الجزئية دي كانت موجودة في المجتمعات السودانية بفترة ليس بالبعيدة وقالو أهلنا زمان
(لو عوز تعرف فاطمة في البيت عين لمحمد في السوق ) |
يالخطيب لو الراجل عامل سي سيد وابو العريف وبيفتكر انو القميص الاصفر مع المنطلون الاحمر وكرفته لون زينب الموضة ايام الشغل وانو لبسة البتان ليوم الجمعة والا عليهو بالطلاق تسوي هي شنو اللا شنو...
اهتممت بمظهري كثيرا وفق الامكانات قبل الزواج وبعد ذلك وجدت ان شريكتي ذوقها اجمل فتركت امر اللبس لها برغبتها ورغبتي دون ان ازيد في اعبائها الكثيرة كزوجة وام تهتم بمظهر ابنائنا كذلك ....لازم الزوج يكون متفهما وعندو ذووق ....
| |
|
|
|
|
|
|
|
|
|
Re: المظهر العام (Re: وليد عبد اللطيف)
|
| Quote: واقول ياربي دي مرحله متقدمه البداية بالاجسام وبعدين اللبس |
خليهم يلبسو كويس ويتمشو وياخدو جكة كل يوم في شارع النيل ويحلقو او يمعطو الدقون كدة يوفرو فلوس والكروش تنكمش والدم يجري والوجوه تنتعش...
| |
|
|
|
|
|
|
|
|
|
Re: المظهر العام (Re: أيمن الطيب)
|
| Quote: ما السر فى ذلك يا ترى ما سر هذا الرجوع للوراء!! |
ياايمن كا هنالك قديما بعض من ارث نظام اداري واجتماعي يهتم بالمظهر العام واستمر فترة بعد رحيل الانجليز وعندما توجهت الانظار الي مغانم انتخابية وحزبية وانقلابات جهوية كان الضحية الاولي "النظامsystem" لتسهييل مهمة الافساد السياسي والاجتماعي والاقتصادي والمحصلة ان اثر ذلك النظام تلاشي وانتعشت الفوضوية في المظهر العام ....
| |
|
|
|
|
|
|
|
|
|
Re: المظهر العام (Re: هواري نمر)
|
| Quote: الحالة الصوفية عن الانسان السودان عموما |
يا قريبي هل هي حقيقة حالة "صوية" ام تسربل بصوفية غطاء لسبهليلة وعشوائية ...؟؟؟
| |
|
|
|
|
|
|
|
|
|
Re: المظهر العام (Re: نجوان)
|
Quote: م الآخر كده:
نحن شعب طيب، متكاتف، كريم، شهم، ذكي، دوغري اكتر من كتيرين،..
. |
يا نجوان المواصفات الجيدة دة لو ما ترجمت الي شئ ايجابي مادي ملموس يعكس في عمل وتطور وتصرف فانها تبقي امورا جد شخصية لا تضيف الي نهضة اي امة
| |
|
|
|
|
|
|
|
|
|
Re: المظهر العام (Re: محمد سنى دفع الله)
|
Quote: تــعــظــيــم
ســــــــــلام
واصل
مصيرة
القربة
تــنــســـــد |
يا قريبي الفنان لازم تنسد اليوم واللا باكر لازم ... لكم انتم المسرحيين دور عظيم في ان توجهو الناس الي الاهتمام بالمظهر وليس العكس وفي بوست اخر باسم "العك المرئ..الخ " نناقش البهدلة التي تروجها الفضائيات من عك في اللبس ..الخ ... ويساهم عدد مقدر من المسرحيين السودانيين في هذا العك حين تكون المشاهد في اوسخ الاماكن والبستهم اسوؤ الملابس والكوميديا عندهم تعابيير وجوه كالحة و وهاك ياشاي كوفتي ..
| |
|
|
|
|
|
|
|
|
|
Re: المظهر العام (Re: abubakr)
|
ــــ
الحالة الصوفية عن الانسان السودان عموما..جعلته بسيطا متواضعا..! في مسألة اللبس
لكن؟؟؟؟؟؟؟؟؟؟؟؟؟؟ ...انقلبت الامور فصارت:
من صوفية
الي تواضع
الي بساطة
الي قنوع
الي عدم اهتمام
الي عدم اكتراث
الي عدم معرفة
الي سبهللية
الي بشتنة
الي عولاق
الي..............
عزيزنا وأستاذنا هواري نمر : سلام وتحايا
تفهمت نظرتك التحليلة الإجمالية وإرتكازها علي الحالة (الصوفية) , ولكن ففي الشطر الأخر لاحت شبه....! وعلي كل حال الصوفية الحقيقية هي نهج خير البرية و ليست هي السبهللية ولا البشتنة ولا التعولق , وليست التواضع هو البهدلة والقوقعة والأمبالا , فالنبي الكريم أكثر الناس تواضعاً فهو القائل "هون عليك فإني لست بملك انما انا ابن امرأة تأكل القديد" وهو أكثر الناس نوراً وجمالاً وبهاء وهيبة ووضاء وليس الصوفية عدم الإكتراث فأشرف المتطهرين هو القائل "النظافة من الإيمان" وهو النبي الحكيم القائل "أرأيتم لو أن نهراً بباب أحدكم، يغتسل فيه كل يوم خمس مرات، هل يبقى من درنه شيء؟ ..."
هو الرسول الذي يقطر عرقه ما أجمل من المسك ويفوق نسماته الشذي والعنبر رياحين, الصوفية الحقيقة هم أهل المعرفة ويكفي سيدهم أعطي جوامع الكلم, ولم يحرم علينا من اللبس إلا (الحرير) نعم المعرفة الصوفية الحقيقة هي التي تغوص في الباطن من النصوص ولكنها لا تهمل الظاهر فهو أيضا علم كليهما مكمل الأخر فعندما تتحدث عن الطاهرة هي تعني بها في الأصل الخاص والمقصد الآولي لها تطهر القلب والعقل من النفاق والريا والعجب والتكبر وأيضاً تتمسك بالظاهر فهو الشرع فطاهرة الثوب وبالبدن هي الأولي من حيث الترتيب .
والكثير الكثير
فلا ترموا الأشياء في غير مواضعها .
تحياتي وإحترامي أستاذنا هواري
| |
|
|
|
|
|
|
|
|
|
Re: المظهر العام (Re: emad altaib)
|
ــــ
درسنا في التاريخ لحضارة السودان القديم وأقصد به ما قبل الميلاد ,( ق.م ) أنهم أهل حضارة ضاربة في الجذور وفي القدم وعرفوا أنهم أقدم بشر إستخدم (الحمام) والتصريف و(البلاط) وتشهد المناطق الأثرية بذلك , واليوم نحن من أكثر عالم في الكرة الأرضية تتخلف مدننا بالصرف الصحي , ويا للمفارقة أول من نعرف وأخر من يستفيد إذا حدثت تلك الفائدة ..!
يجب الكشف علي الحلقات الضائعة في سبب التخلف بالطرق العلمية بعيداً عن الإتهامات جزافاً.
وتحاياتي لك يا هندسة .
| |
|
|
|
|
|
|
|
|
|
Re: المظهر العام (Re: emad altaib)
|
Quote: درسنا في التاريخ لحضارة السودان القديم وأقصد به ما قبل الميلاد ,( ق.م ) أنهم أهل حضارة ضاربة في الجذور وفي القدم وعرفوا أنهم أقدم بشر إستخدم (الحمام) والتصريف و(البلاط) وتشهد المناطق الأثرية بذلك , واليوم نحن من أكثر عالم في الكرة الأرضية تتخلف مدننا بالصرف الصحي , ويا للمفارقة أول من نعرف وأخر من يستفيد إذا حدثت تلك الفائدة ..!
يجب الكشف علي الحلقات الضائعة في سبب التخلف بالطرق العلمية بعيداً عن الإتهامات جزافاً. |
التاريخ ياعماد يبقي سجلا في الكتب واثارا في المواقع والمتاحف الم نستمد منها معرفة وعظة .... اشرت في غير مكان الي ما اصاب ذلك المهندس الامريكي والذي طلب مني ان امده برسم لبيت نوبي قديم فرسمت من الذاكرة بيتنا الذي تحت الماء وارسلته له فرد متسائلا ان كانت الحجرتيين الصغيرتيين في اخر البيت والمكتوب عليهما Pit Latrine (Male/Female) اقصد بانه في ذاك الزمان خمسينات القرن الماضي كانت هنالك في بلد افريقي فقير مراحيض في البيوت فرديت عليه ايجابا وارفقت صورة من بانيو من المرمر من كتاب لبروفيسور ادامز من موقع اثري في كلبنارتي بالنوبة فرد مندهشا و قائلا بانه ينتمي الي اسرة امريكية سوداء كبيرة في جورجيا وكانت للاسرة الممتدة مزرعة كبيرة يعيشون فيها كلهم (مجموعة اسر صغيرة) وكان لكل هذا العدد مرحاض واحد في اخر المزرعة كان الاطفال يخافون ليلا الذهاب اليه وسط اشجار كثيرة ... كان ذلك في مطلع ستينات االقرن الماضي ...
انها حقيقة ياعماد حلقة مفقودة ....!! حلقة مفقودة تجعل المتعافي يصرف ملايين في جسور وطرق هالكة ولا يبني مصارف ولا حمامات عامة تكفي العاصفة وبثمن جسر واحد....
لن يصلح الحال الم يهتم الفرد بامر المظهر العام فليس المظهر العام يعني الكلفة والامكانات المادية ولكن الرغبة والاهتمام بالذات وبالاخريين ...
| |
|
|
|
|
|
|
|
|
|
Re: المظهر العام (Re: emad altaib)
|
| Quote: تفهمت نظرتك التحليلة الإجمالية وإرتكازها علي الحالة (الصوفية) , ولكن ففي الشطر الأخر لاحت شبه....! |
الاخ الكريمemad altaib
تحياتي و عيد سعيد
اعاده الله عليك باليمن و الخير و البركات..
شكرا لك أخي,لتخصيصك الرد باسمي,وتعليقك علي ما كتبت انا أعلاه..
أخي الكريم..
انا لم اقصد (الصوفية) كفكر و مشايخ و مريدين..بالبشتنة و العولاق و السبهللية..
ذكرت الحالة الصوفية العامة للانسان السوداني,التي تجعله متواضعا زاهدا في كل شئ, وليس معني كلامي كل شخص (أخذ الطريق) وصار صوفيا..
بل عنيت الحالة العامة للسوداني.
وذكرت..بأن تلك الحالة الصوفية الزاهدة.عند الشخصية السودانية...
فجأة انقلبت ...الي عدم اكتراث و سبهللية..
اتحدث أخي الكريم عن الانسان السودان في عمومياته و لم, أدخل في عالم المتصوفة و لا مريديهم..
يعني مثلا..من الاثر الصوفي عند الشخصية السودانية..
تواضع علماؤنا و مفكرينا ..
خذ مثلا...عبد الله الطيب...والطيب صالح..
هنا تجد اثر السماحة و التواضع و الزهد ...وهما لو كانا في اي دولة في العالم...لرفعت الاعلام لهما و عزف النشيد الوطني,ولكن
هما تساميا عن هذا و ترفعا عنه ..وتواضعا ..تواضع العلماء.
اتمني ان اكن وفقت في شرح وجة نظري..
و عذرا اخي ان اساءك ما كتبت او مسك او اهل المتصوفة شئ مما ذكرت..
قانا من منطقة تكثر فيها القباب و المشايخ و اهل الطريق....
ولك الشكر و التقدير
كل الاحترام
| |
|
|
|
|
|
|
|
|
|
Re: المظهر العام (Re: emad altaib)
|
Quote: والله العظيم الشعب الكحيان دا شعب بحب الحاجة السمحة
بحب البوبار والفشخرة
بحب اللبس السمح والاكل السمح والعربات السمحة
والعطور والجنصصصة والقشرة .. بحب الحاجات السمحة ..
شوف من حولك اى زول تتاح ليه امكانيات او وضع مادى مريح
بلبس نضيف وبركب نضيف وبيأكل نضيف ومتجدع للاخر .. والامثلة كثيرة
هل بتفتكر لو كل البروتاريا ديل لقو الامكانية حيظلو وسخانين ؟؟
وغير مهتمين بمظهرهم او ملبسهم ؟؟ لا اعتقد بل اؤكد العكس ؟؟
|
بكرى تحياتنا ليك وجميل ماذهبت اليه
نتفق مع تبلدينا فى كلماته الواقعيه
ولابد ان نشير الا ان موضوع المظهر فيه شقان
الاول هم من اشار اليهم الاخ تبلدينا وهم الاغلبيه
المطحونه المقهورة التى لاتجد من الوقت مايكفيها
لترتيب وتنسيق اللبس ده اذا سلمنا انها عندها اصلا
وياباشمهندس اعتقد ان المظهر الجميل الانيق له ارتباط كبير
بالعامل النفسى والمعنويات وكلما كانت النفسيات تمام والامور
مرتبه وفى انسياب فى الاشياء كلما كانت هناك دوافع للظهور بالمظهر
الانيق وعلى العكس تمام كل ماكثرت الهموم والمشاكل والجرى واللهث
وراء الرغيف كلما صارت هذه المسائل لاتعدو ان تكون من الشكليات والكماليات
فكيف للذى لايمتلك مايسد رمقه ولايمتلك مصاريف العيال ان يفكر فى القشره والاناقه
كأن بك تطالب هؤلاء بان يبتسموا والدموع فى اعينهم
والشق الثانى وهم موجودون اولئك الذين تحدثت عنهم لايحبون الاناقه والقشرات على
الرغم من توفرها لديهم ومنهم من تربى على هذا الامر ومنهم من يعتبره على سبيل التقشف
ومنهم من لايريد وهؤلاء يحتاجون الى اعادة صياغه ودون شك المظهر الانيق شى ضرورى ومهم
وجميل .............
مودتى
| |
|
|
|
|
|
|
|
|
|
Re: المظهر العام (Re: emad altaib)
|
الاديان تدعو للطهارة مظهرا وقولا والصوفية طهارة للقول والفعل والمظهر ولكن المظهر المتواضع الزاهد الطاهر الذي يحبه الناس ولا ينفرو منه اما غير ذلك فليس من الصوفية في شئ
| |
|
|
|
|
|
|
|
|
|
Re: المظهر العام (Re: فيصل نوبي)
|
عزيزى ابوبكر
احكى ليك حادثتين
الاولى تثبت مدى تشبعنا بثقافة البهدلة والسبهللية
بحيث اصبحنا نتندر ونستخف بالمظهر الانيق باعتباره نوع من السلوك الشاذ الملفت للنظر
فنضطر الى مجاراة الوضع ونمارس السبهللية حتى يتقبلنا المجتمع
فى دكتور بشتغل فى مستشفى فى الخرطوم
وقد اعتاد هو الوحيد دون زملائه الدكاتره العاملين معه على استخدام الكارافته من قبيل احترامه للمهنة والظهور بمظهر لائق
لكن ما بربطها الا بعد ما يدخل المستشفى
ولما يطلع من المستشفى ماشى البيت بطلعها ويشيلها فى كيس ...!!!
الادهى انو زملاؤه فى العمل معروف لديهم بابو كارافته...!!!
الحادثة الثانية كانت فى مسقط
تقدم احد السودانيين من ذوى الشهادات العالية والخبرة الطويلة فى السودان لاحدى الوظائف بتوصية من احد معارفه المتواجدين بالسلطنة
شاءت الصدف ان تقدم لنفس الوظيفة احد الاخوة الشاميين
طبعا اخونا السودانى جاى للمعاينة لابس قميص وبنطلون عادى ومنتعل شبشب
اخونا الشامى جا مهندم على الآخر فول سوت وجزمة ترقش وعطر فايح
نتيجة المعاينة كانت لصالح الشامى طبعا اختاروه هو للوظيفة
الراجل المسئول عن التعيين اتصل بصاحبو السودانى صاحب التوصية وقال ليهو :
زميلك السودانى ماشاء الله شهاداتو ممتازة جدا لكن للاسف وانا محرج منك جدا ما قدرت اقبل تعيينه لانو مظهروا غير لائق
بصراحة المظهر والشكل العام مهم عندنا جدا فى شغلنا ده لانو بعتمد على العلاقات العامة
نحن دايرين موظف يجيب لينا شغل فلازم مظهروا يكون مقبول عشان الغير ياخدوا فكره جيدة عن شركتنا من خلاله ويتقبلوا التعامل معاه
فانا مضطر اعين الراجل الشامى ده لانو مظهره ممتاز رغم ان شهاداتو لا تقارن بشهادات السودانى
لكن الشغل عاوز كده ...
ومازلنا نصر وفى جميع الاحوال على مقولة "العبرة بالجوهر" كأن المظهر والجوهر متضادان لا يلتقيان أبداً ...
| |
|
|
|
|
|
|
|
|
|
Re: المظهر العام (Re: الفاتح الجنيد)
|
الفاتح الشاعر شكرا للاضافة
| Quote: ومازلنا نصر وفى جميع الاحوال على مقولة "العبرة بالجوهر" كأن المظهر والجوهر متضادان لا يلتقيان أبداً ... |
كل منهما ترجمةللاخر ....
| |
|
|
|
|
|
|
|
|
|
Re: المظهر العام (Re: abubakr)
|
الأخ أبو بكر
والأخوة الكرام
لكم التحية
السبهللية موجودة
الخرمجة موجودة
عدم الإهتمام بما نلبس وبكيف نتحدث وماذا نقول وأين ولماذا و و و ....
المشكلة لما يكون الشئ دا حاصل في قنواتنا الفضائية (زي بدل مقدمي برنامج عالم الرياض الما قدرهم وقديمة ووسخانة فيها لمعة المكوة)
وزي كتير من ضيوف هذه القنوات
فنان كبير زي حسين شندي يغني في حفل عمام ولابس بدلة ما زالت (القطعة الممغنطة الكاشفة للسرقة) معلقة تحت الكم
ولا معظم من ياتي للتلفزيون ببدلة جديدة تلاقيهو محتفظ (الليبل) معلق بالكم
أما السيدات بالرغم من الإجتهادات الآن في التياب والحنة والذهب إلا إنو هناك مشكلة كبيرة جدا ألا وهي طريقة الجلسة والأرجل متباعدة والتي تخلو من أي أنوثة بل هي غير مهذبة ويجب ألا يعتمدن على تغطية التوب
الحل شنو:
نبدأ أنا وإنت وكل من مرّ من هنا ومقتنع بالكلام دا بأنفسنا بالتدقيق في كل صغيرة وكبيرة في ما يتعلق بالمظهر
نربي أبناؤنا على أهمية هذه الأشياء
نتحدث إلى كل من نستطيع توجيهه
الموضع جميل ومحتاج كلام كتير
| |
|
|
|
|
|
|
|
|
|
Re: المظهر العام (Re: سامي عبد الوهاب إدريس)
|
Dear Ababakr ,
Salam
I agree with you that we should be caring of our appearance.
| Quote: لماذا لا نهتم بالتفاصيل الصغيرة ونعتبرها شكليات وهي اهم جزئيات التطور والصناعة والانتاج |
I think this is an invalid statement. Unless your talking about entertainment industry development and production !
What is wrong with this ?
And what are the standards ?
Thanks for the post
| |
|
|
|
|
|
|
|
|
|
Re: المظهر العام (Re: Mohamed E. Seliaman)
|
عزيزي محمد الحسن
شاكر للاضافة
Quote: What is wrong with this ?
And what are the standards ? |
اكيد يوجد قياس معياري standard حيث يقاس طول البنطال من ما يعرف بالفرقة crotch الي مشط القدم instep وهذا الذي يعرف بال inseam ووفق معايير امريكية فتكون قياسات كما يلي :
Size(in)
30 S
31 M
32 L
33 XL
34 XXL
ولذا فان البنطال الذي يصل الي اعلي ذلك بحيث يكشف بعض من الساق والجراب فهو قصير .. وهذا يختلف عن الاردية او الشورت
مودتي
| |
|
|
|
|
|
|
|
|
|
Re: المظهر العام (Re: سامي عبد الوهاب إدريس)
|
Quote: نبدأ أنا وإنت وكل من مرّ من هنا ومقتنع بالكلام دا بأنفسنا بالتدقيق في كل صغيرة وكبيرة في ما يتعلق بالمظهر
نربي أبناؤنا على أهمية هذه الأشياء
نتحدث إلى كل من نستطيع توجيهه |
صدقت يا سامي وهذا البوست قصد به ذلك .. السكوت كما ذكرت هو ترسيخ للواقع
| |
|
|
|
|
|
|
|
|
|
Re: المظهر العام (Re: abubakr)
|
في الثانوي العام وفي اقاصي الريف
ممنوع ترك القميص خارج الرداء(لازم يكون مشكوك)
ممنوع انتعال السفنجة او الشبشب.
في حالة الأصابة في الرجل تلبس فردة من دا وفردة من داك
اذكر بالخير استاذي ومدير المدرسة متعه الله بالصحة و العافية محمد الخليفة سعيد ابوشعر(بلة)الذي لم يدخل المدرسة والا ببدلة كاملة من ربطة العنق وحتى الحذاء ابورباط.
وقد عدينا ليهو اكثر من 48 بدلة مختلفة.
اما اليوم....................
روح شوف الجامعات
| |
|
|
|
|
|
|
|
|
|
Re: المظهر العام (Re: MOHAMMED ELSHEIKH)
|
| Quote: في الثانوي العام وفي اقاصي الريف |
تعرف يا محمد انا من الجيل الذي درس الاولية والوسطي .. اولية في قري نوبية بعيدة .. ما زال في الذاكرة المظهر العام لمدرسينا واناقتهم واهتمامهم بمظهرنا العام والعقاب الذي يكون جزاء من لا يهتم به ...هذا ينفي ان الامكانات المادية هي التي دفعت ب"المظهر العام " السوداني الي قاع بئر التخلف والعشوائية ...
| |
|
|
|
|
|
|
|
|
|
Re: المظهر العام (Re: abubakr)
|
قراءت في صحيفة يومية قديمة جدا وراتبة بان احد الممثليين المعروفيين يعتمد علي "العوارة" في انتقاد الناس ... شاهدت لهذا الممثل في رمضان الماضي بعض من عوارته وشعرت بالم كبير حيث ان عوارته تبث الي العالم وتعطي صورة للانسان السوداني وليس من المطلوب من خلق الله فبي العالم ان يبحثو وينقبو عن ماهية الشخصية السودانية في الكتب والمراجع ويذهبو الي السودان ليعرفوها فالفضائيات تاتي اما بصورة ممسوخة او اشد قتامة عن الواقع او واقعا قبيحا كان يجب ان يبقي في الداخل ويصلح ويهذب قبل ان يؤخذ الي الخارج ...
| |
|
|
|
|
|
|
|
|
|
Re: المظهر العام (Re: abubakr)
|
| Quote: لماذا لانهتم نحن السودانيون رجالا بالاخص بمظهرنا العام من ملبس (هندام) ومجلس واحيانا مخاطبة في مكان عام |
ابو بكر الجميل تسلم يا صاحب الذوق العالى
من اهم ما قرأت فى الفترة الاخيره من مواضيع نيرة تهمنا جميعا
وياريت لو الناس تسمع وتعى وتتجاوب مع الرسالة المهمة دى
لكن ليس الرجال فقط اخى العزيز هم المقصودين بل المرأة هى ايضا وهى الاهم
للمرأة هنا العبء مضاعف .. الاهتمام بهندام وترتيب البيت وافراد الاسرة
مثلا بعض الرجال لا يهتمون بمظهر خروجهم خصوصا لو كان ماشى السوق مثلا
يلفح ليه اقرب حلابيه واحيانا لا مؤاخذة بى شبشب البيت ويتوكل على الله
متجاهل نظرة العامه له فى عدم مبالاة واضح
هنا تجى مهمة الزوجة .. مش بصيغة امر .. لآ بل بى اسلوب رقيق يتم التنبيه مره واتنين واكيدحايتعود
الشىء التانى وده البحرق الروح فعلا ... بعض النساء اكرر بعضهن عشان ما يعم اللوم
بالزات الفى الخليج هنا .. يعنى مافى شىء ناقصها بالعكس تلقى دولابها ملان تياب واشياء اخرى للزينة
لما تمشى المول مثلا واكيد اى تجمع بره لامى الشوام والخليجين بشتى انواعهم وكلنا عارفنهم ناس لبس وفشخرة كمان
نحن ما دايرين الفشخرة .. لكن دايرين الجيهه المميزه . فى مشاوير زى دى نشوف البهدلة والبشتنة !!!
فى حين انه لو ماشة ليها اى مشوار فيه صاحباتها تتبارا فى لبس الغالى ونفيس!!!
طيب ما ممكن بنفس المظهر ده يكون حالك طوالى ؟؟!!.. الله المستعان
والشكر ليك اخى ابو بكر اظنان واطنان
| |
|
|
|
|
|
|
|
|
|
Re: المظهر العام (Re: soma)
|
| Quote: كفانا جحجعة باننا الاحسن والارقي ومظهرنا هذا هو عنواننا وهو الذي يراه الاخر ..... |
أشهد انك قد أديت الرسالة وبلغت الأمانة
وحدثت عن نبينا بكلام كتير وليس كلمة واحدة
وعن كل ماتدعو إليه الحضارة والإنسانية والزوق العام
بل وكل مانزلت به وماتدعو له الديانات السماوية
لقد أسمعت لو ناديت حيًا ...
أبوبكر سيد أحمد
لك التجلة وكثير التقدبر
وجمعتك مباركة وكل أوقاتك طيبة.
| |
|
|
|
|
|
|
|
|
|
Re: المظهر العام (Re: soma)
|
شكرا الشاعرة سوما لللاضافة
| Quote: لكن ليس الرجال فقط اخى العزيز هم المقصودين بل المرأة هى ايضا وهى الاهم |
اكييد فالمراة اهم ودورها اهم كثيرا في تحسين المظهر العام كونها قائدة لنواحي كبيرة ومهمة من الحياه ... ولكن المجتمعات الذكورية التي نعيش فيها في مناطق التواجد الكمي الغالب للسودانيين في الخارج وحتي الداخل الممعن كذلك في ذكوريته يعطي الرجل مساحات ماهلة من الحرية في الملبس والمظهر والقول فيكون ما ياتي به من سالب واسع الانتشار. المراة في مجتمع هكذا محدودة الحراك ولكن دورهامطلوب وكبير في ان تحسن واجهة الرجل مظهرا عاما كبير ومن تترك زوجها او ابنها يمارس هذه الفوضي ملبسا وقولا وتصرفا فهي ملامة ومن تمارسه كذلك اكثر ملامة وايلاما ...
| |
|
|
|
|
|
|
|
|
|
Re: المظهر العام (Re: abubakr)
|
موضوع جميل يا باش...و فاقع للمرارة بنفس القدر!
ناديت في أكثر من موضع إلى ضرورة أن نُدخل مناهج تربوية جديدة فيما يختص بالتعليم الأساسي...
تتضمن حصص سلوكية تدريبية تعريفية..تشمل مهارات سلوك أو Personal Skills بسيطة...
مهارة الإعتذار..مهارة قبول الإعتذار...مهارة تقبل النقد...مهارة الإنتقاد..
مهارة الحوار..مهارة تقبل الرأي الآخر...مهارة إحترام خصوصية الآخر..إحترام الممتلكات..إلخ
كانت - في الماضي - المدرسة هي الوسيلة التربوية الاساسية و كانت وزارتها فعلاً وزارة التربية و التعليم
لكنها الآن فقدت كلاهما.
نتمنى ان يعود للمدارس دورها الماضي و نرى باعيننا اطفال الغد وهم يكتسبون مهارات كانت في الماضي فطرية و جُبل عليها الكثيرون
لكنها اصبحت الآن تُدرٌس و لا تُورٌث !
| |
|
|
|
|
|
|
|
|
 Re: المظهر العام (Re: mamkouna)
|
تركزت مداخلتي فيما يمكن فعله لأطفال الغد...
لأني أؤمن أن ما يحدث من فوضى الآن - داخلياً و خارجياً - حالة ميئوس منها..
و لا أملك إلا أن أتفق مع عزاز..
IT IS A HOPELESS CASE.
| |
|
|
|
|
|
|
|
|
|
Re: المظهر العام (Re: mamkouna)
|
Quote: كانت - في الماضي - المدرسة هي الوسيلة التربوية الاساسية و كانت وزارتها فعلاً وزارة التربية و التعليم
لكنها الآن فقدت كلاهما.
نتمنى ان يعود للمدارس دورها الماضي و نرى باعيننا اطفال الغد وهم يكتسبون مهارات كانت في الماضي فطرية و جُبل عليها الكثيرون
لكنها اصبحت الآن تُدرٌس و لا تُورٌث ! |
يا ممكونة دور المدرسة التربوي هو الحل لازمة السودان الاجتماعية التي تفاقمت بعد ان همش التعليم تماما في السودان بحجة ثورة تعليمية كمية لا كيفية وغير مدروسة .. يجب ان يعود المعلم قائدا للمجتمع كما كان في السابق يقوم بارشاد النشئ وتعليمهم وتربيتهم مشاركة مع البيت .. لابد ان يكون المردود المادي للمعلم هو الاعلي ويتم توفيير ومعينات التدريب والمتابعة له ....
| |
|
|
|
|
|
|
|
|
|
Re: المظهر العام (Re: abubakr)
|
الموضوع ده يا خال hopeless case قدر الله و ما شاء فعل
أقول قولي هذا و انا عائدة للتو من الممشى العريض المخصص للرياضة،
حيث اكتحلت عيناي بمشهد سوداني بكامل أناقته من جلابية و مركوب و ملفحة مطرزة
"يجك" وسط سيل من المهرولين بملابسهم الرياضية و احذيتهم المخصصة للجري ...
انا اتعسمت من المنظر خليك من كرعينو هو ..!!
_________
سعد زغلول قال مافيش فايدة ... مافيش فايدة
| |
|
|
|
|
|
|
|
|
|
Re: المظهر العام (Re: عزاز شامي)
|
Quote: الموضوع ده يا خال hopeless case قدر الله و ما شاء فعل
أقول قولي هذا و انا عائدة للتو من الممشى العريض المخصص للرياضة،
حيث اكتحلت عيناي بمشهد سوداني بكامل أناقته من جلابية و مركوب و ملفحة مطرزة
"يجك" وسط سيل من المهرولين بملابسهم الرياضية و احذيتهم المخصصة للجري ...
انا اتعسمت من المنظر خليك من كرعينو هو ..!! |
والله يابتي عزاز انا القريت دة اتعسمت ... المشكلة اذن في مفهوم الانسان السوداني فيما يختص بالمنظر العام وليس في الامكانات فهذا الشخص لا يعرف الفرق بين الرياضة وحضور اجتماعي وان الامر يتطلب لبسا خاصا بالرياضة ام ان الامر عنده اعلانا لجلابيته وملفحته المطرزة ومركوبه (واخشي ان تكون جلد نمر او اصلة عشان يلمو فيه ناس ال WWF ويبشتفوه )
| |
|
|
|
|
|
|
|
|
|
Re: المظهر العام (Re: abubakr)
|
الباشمهندس ( ابوبكر) لك التحية وكامل الاحترام ... اود الاشادة اولا بهذا البوست ..والذي هو بالفعل ما نحتاجه نحن ( معشر) بني السودان ...المظهر العام ..لا ادري لماذا ..تواردت الى ذهني :شرطة النظام العام ..لماذا لا تكون هناك شرطة (للمظهر العام) ...لان الانحدار الذي حدث في مظهرنا العام يحتاج بالفعل لشرطة ..لتضبطه ...فوضى في الملبس ..فوضى في المأكل...فوضى في مظهر الشارع العام من حيث النظافة ..وعدم الاكتراث في رمي القاذروات ،غير آبهين بصحة البيئه ... ونتيجة لكل ذلك (اجتمعت ) كل امراض الاوساخ في بلدنا..الملاريا،الكوليرا،التايفويد وغيرها.. التحية لكل ( حضور) البوست ...ومزيدا من ( تسليط ) الاضواء ...عسى ولعل ..تنصلح الاحوال...
| |
|
|
|
|
|
|
|
|
|
Re: المظهر العام (Re: الفاتح عبد الله طه)
|
| Quote: .عسى ولعل ..تنصلح الاحوال... |
عزيزي الفاتح شكرا للاضافة ونامل في اصلاح للامر فالحالة تزداد سوء وتستفحل يوما عن يوم ...نحن نحتاج الس شرطة داخل عقولنا تنظم تصرفاتنا العامة والتي تسئ الي مظهرنا وتقلل من قبول الاخر لنا...الاصرار علي المحتوي فقط لا يفيد.. اصلاح المظهر العام يشملننا من اعلي الهرم السي اسفله .. ان نظرت الي اجتماع مصور لمجلس الوزراء لراعك ما فيه من عدم التزام بمظهر عام موحد وانما كل علي مزاجه وفق ما تيسر ز. ان كان ذلك هو واقع اعلي هرم السلطة فكيف ستكون المكاتب والادارات والشركات ..الخ ....حتي القوات النظامية فهذا بلحية كبيرة وذلك من دونها واخر كرشه خارج بنطاله والملابس الرسمية تحتاج الي "بودرة نشا" كما كان يطلب منا في المدارس فلقد كنا نكوي الملابس العسكرية باضافة محلول النشا لتكون مستقيمة كالورقة وكان ذلك ونحن طلاب صغار امر شاقا نقوم به في وقت بعد وجبة الغداء وقبل التدريب العسكري( ساعة واحدة كانت تفصل بينهما في ظهيرة حارة )...اللون الازرق الفاتح لقوات الشرطة لون باهت يتوسخ بسرعة في جو بلادنا المتقلب .. اللون الخاكي (الكاكي) هو الذي اتفقت عليه شعوب العالم لتحمله لتقلبات الطقس ....لكن في بلادنا الجيش لا يريد للشرطة ان تلبس مثله ؟؟؟؟
مودتي
| |
|
|
|
|
|
|
|
|
|
Re: المظهر العام (Re: abubakr)
|
بكور سيد الهندسة
في السابق كان الذي يرتدي جلابية ملونة يقال له
(قوم عامل كدة زي بياع الريحة)
واليوم الشباب كله جلاليب ملونة والموضة ايضا في السودان
(دقن علي شكل لجام )
وشعر مفلفل
تخيل في بعض الشباب يصبون البيبسي علي شعورهم (عشان الفلفلة)
| |
|
|
|
|
|
|
|
|
|
Re: المظهر العام (Re: khaleel)
|
| Quote: تخيل في بعض الشباب يصبون البيبسي علي شعورهم (عشان الفلفلة) |
يابو الخل دة نرده عدم ثقة بالذات . احترام الانسان لشكله كما هباه اياه الخالق وتهذيب مظهره هو من احترام للذات ...لكل شعر جماله مفلفل والا سايب ..الخ المهم انو الواحد يكون مظهره لائق ...
| |
|
|
|
|
|
|
|
|
|
Re: المظهر العام (Re: abubakr)
|
الزعيم أبوبكر
سلام
ياخ أنا بتعرض للإحراج كتير خلاص بسبب بهدلة وبشتنة السودانيين ..
أقابل يومياً(بحكم العمل) مختلف أنواع البشر الباحثين عن وظائف
أها الوظائف معظمها (كبيرة) ، مهندسين، وقانونيين، ومحاسبين، وغيرها..
يعني يا أبوبكر زول متقدم لوظيفة زي دي إنت بتفترض (أو على الاقل تعشم) إنو يكون
مهتم بمظهره ،، لكني وللاسف ما شفت مبهدلين ومبشتنين أكتر من السودانيين
لو كانوا جايين من السودان ، أو من أي من دول مجلس التعاون الخليجي ، فالحال وااااااااحد..
الناس الجوه ديل أنا في رأيي إنهم أحسن من ناس بلاد بره !!
ناس جوه ديل رغم قلة الإمكانيات ، لكنهم أنضف من ناس بره وأكثر أناقة
والمبهدل فيهم بيشوف الجماعة نضاف بيتنضف زيهم ، وما ناشر وسخو وبشتنتو للعالم
بعكس الزول القاعد بره ده ، سبب واحد يخليه يتبهدل مافي ، إلا يكون هو أصلاً زول مبهدل ، والمصيبة اتو ناشر وساختو وبهدلتو دي للجنسيات العايش وسطهم
زمان في الخرطوم الاهليه المتوسطة ، ناظرنا المرحوم المربي الفاضل محمد حمزة
كان مثالاً للأناقة (البدلة الكاملة) لبسه المفضل ..
هو من جيل صُناّع الاستقلال ، كان يعتبر أن النظافة لا تنفصل عن التعليم ..
زينا المدرسي كان مختلف ، رداء كاكي وقميص أبيض ، وشبط بني ، ويا ويل من لم يلتزم بالزي
أو يقبضوه هدومو وسخانة.
يوم السبت ، (تفتيش) لبسك ، شعرك ، أضافرك ، وملابسك الداخلية إذا استدعى الأمر ..
الحاجات دي هسي مافي ، عشان كده اتبهدلنا واتوسخنا ..
مرات السودانيين زاتهم لو شافوك لابس البدلة كاملة أو حتى كرفته يقعدوا يتغامزوا !!!
أهلنا في البلد رغم حياتهم الصعبة المرتبطة بالأرض والزراعة والنخيل ، تجدهم بعد الانتهاء
من أعمالهم نضيفين ، خاصة كبار السن منهم..
عندنا صورة لجدي ، أُخذت في ثلاثينات القرن الماضي ، يقف فيها بكامل أناقتة ( بدلة كاملة )
وعصاية صغيرة وطربوش وجزمة أسود بأبيض
ويجلس صديقه ، بالجلابية والقفطان والعمة والعصاية (الجلابية فيها حزام عريض في النص)
ناس كانوا في قمة الاناقة قبل قرن من الزمان أو أقل
أحفادهم الآن ، مزعمطين وممعطين ومبشتنين ومعولقين ،، شئ غريب..
ياخي نحن راجعين للخلف بنشاط شديد ..
أنا خايف بالطريقة دي نقاوم محمد على باشا لما يجي يفتح السودان ...
| |
|
|
|
|
|
|
|
|
|
Re: المظهر العام (Re: Salah Abdulla)
|
جنابو صلاح التحايا
| Quote: ياخ أنا بتعرض للإحراج كتير خلاص بسبب بهدلة وبشتنة السودانيين .. |
هو احراج بس دة زي ما قلت بنيتنا عزاز شغلة بتعسمنا وتكسر رقبتنا ...
الpresentation اهم فاتح شهية او هو فاتح الشهية الاول ..ولذا الاكل الما مستف تمام ومعروض كويس بسد النفس ... المظهر العام اكثر من 50% احيانا في بعض المعاينات..العمل فيه زبائن من الداخل وهم من يعمل معك وزبائن من الخارج هم من تعمل لاجلهم او لهم اعمال خارجية معك ويجب ان تنال رضا الاثنيين بما لا يقل عن 80% من اداءك .. يعني لو ما رضو دييل عنك انت لا مهندس ولا دكتور ولا محامي ولا قاضي ولا مدرس ..الخ ...
المرسة لازم تعود كاداة رئيسة في تهذيب البشر في السودان.. ما ال لبس معلمي في مراحل التعليم هو معيار تقييمي حتي اليوم.. فرغم امكاناتهم المحدودة كان لبسهم انيقا ومهذبا وراقيا ...التزامهم بالمظهر العام كان يبدء من عندهم اولا ويطبقونه علينا...
الصورة التي اشرت اليها للمرحوم جدك يبدو انها معيار لكل الصور في مناطقنا ولقد كانو كذلك حين يجلسون امام البيوت مهندميين مطيبين وراقيين منظرا ولسانا ...
الف شكر لللاضافة القيمة
مودتي
ابوبكر
| |
|
|
|
|
|
|
|
|
 Re: المظهر العام (Re: abubakr)
|
الشكر والعرفان للذين يُسهمون في رفعة الوعي
العزيز المهندس المعماري الذي بيده قمر العِلم وشمس الفن وسماوات الثقافة :
أبو بكر.
تحية لكَ ولأضيافك الكرام وضيفاتك الفُضليات .
أمسكت أنت بجبل ، نحن نراه كجبل الجليد ، جسده الأكبر منذ فجر التاريخ .
نحن يا سيدي مأزومين بإرث ضخم من أرض مُترامية الأطراف، ليست بدولة كما يتفضل
بالحديث بعض الأحباء هنا ، أرض مفتوحة على الأفق ، يدخلها من يريد من دول الجوار
ويستوطنون ما شاء لهم الاستيطان ، دون حساب ودون ضبط . بلد تأتي إليها القبائل من إثيوبيا ليُبايعون " رث الشُلك " في السودان!!! ،
آتين بالماشية والذبائح ، عابرين الأوطان ...!!!!
وكذلك من الغرب والشرق والجنوب ومن أخاديد أخرى .
نحن يا سيدي بلد يتمدد فيها الإنسان من : الذي يرتدي الملبس المُتمدن وإلى الإنسان الأشبه بالأول و " بلا ملابس "!!!
ومن هنا كان من الصعب الحديث عن رباط العُنق ، ونحن في بلد فيه مما يشبه الإنسان الأول ثم يرتقي إلى من يسعى و يقاتل ليكن في مرتبة تتناسب والقرن الحادي والعشرين . وهنالك الكثيرون الذين ينتظرهم إدارة الوقت وإدارة الحياة وإدارة الإقتصاد وإدارة الحياة الإجتماعيةوإدارة العلوم والثقافية والدين....الخ بما تُناسب العصر .
فمن يا تُرى يعرف ومن يا تُرى يتفكر؟ّ
******
دراسات في الحضارة والمدنية
نقدم مقال خاص الأستاذ / أحمد عيسى
باحث في مقاله ما له علاقة بما أنت بصدده والآخرين :
وهذا هو النص :
ماهية الحضارة والمدنية
تضاربت الآراء حول معنى الحضارة والمدنية فلا يوجد معنى واحد لها وحتى في العلوم الاجتماعية نفسها لا يوجد اتفاق بين العلماء على معان لهذه الألفاظ.
ومع كل هذا نستطيع إذا ما استعرضنا المعاني المختلفة لهذه المصطلحات في العلوم الاجتماعية أن نعطيها مفهومين:
المفهوم الأول :
وهو الأكثر أهمية ، هو إن المدنية بحد ذاتها ماهي إلا شكل من أشكال الحضارة وفي طيها نجد ثلاثة أشكال لاستخدام كلمة مدنية
* استخدام كلمتي حضارة ومدنية بمعنى واحد أي كمرادفين
* المدنية هي الحضارة حين تتعقد هذه وتتميز بخصائص معينة
* المدنية هي الحضارة إذا ما وصلت إلى درجة واضحة من الرقي وأمكن قياسها بمقاييس خاصة 0
المفهوم الثاني :
ويستدل على مقابلة المدنية بالحضارة ، فالحضارة تتجرد حتى تصبح معبرة عن مجرد أفكار ومبتدعات إنسانية متعلقة بالأساطير والدين والفن والأدب ، في حين أن المدنية تدل على المبتدعات الإنشائية المتعاقة بالعلوم التكنولوجية.
بعد هذا بدأت مرحلة جديدة في استخدام اللفظين ففريق من العلماء يذهب قائلا إلى أن المدنية شكل من أشكال الحضارة يختلف نوعاً وكيفاً عن الإشكال الأخرى وهذا المفهوم لا يزال قائماً حتى يومنا هذا وهذا بطبيعة الحال يرجع إلى القرن الثامن عشر الميلادي حين كان العلماء متأثرين بما أحدثته الاكتشافات العلمية في القرن السابع عشر والثامن عشر الميلادي من تقدم وتطور في مجال الحياة الاجتماعية وكانت المدنية عندهم تعني التحضر والتمدن .
فالمدنية عند العلماء في القرنين السابع عشر والثامن عشر هي (مجموعة من القيم والنماذج التي تحققها الإنسانية في تطورها ومجموعة من الألفاظ الاجتماعية والأخلاقية والصناعية التي يحققها المجتمع للوصول إلى السعادة الإنسانية).
وقد كان يعتقد بعض مفكري القرن التاسع عشر بأن المدنية خاصة بالمجتمعات الغربية حيث اعتبروا أن التقدم العلمي والتطور التكنولوجي هو معيار للتفقه بين الشعوب غير المتحضرة ، ويمكننا الرد على هذا القول المتعصب والصيغة الفحوى جعل العلماء القرن التاسع عشر الميلادي أن يأخذوا مثل هذا المعيار وهو معيار العلم والتقدم التكنولوجي أكثر من اتخاذهم معايير أخلاقية كأساس لتلك التفرقة .
فالعالم شبنكلر في فلسفته للتأريخ يعرّف المدنية بأنها مرحلة تفسخ الحضارة تلك المرحلة تفقد فيها الحضارة حيويتها الخلاقة ومن ثم تتحول إلى شيء ميكانيكي جامد في حين ذهب العلماء في تعريفهم للحضارة بأنها المجموع الكلي لما يتعلمه الفرد في مجتمعه من سلوك.
أن الحضارة تهتم بالنواحي الأخلاقية والروحية في حياة المجتمع إلى جانب المظاهر المدنية ويتعلق بتلك المعايير الخاصة بالمدنية اكتظاظ المدن المزدحمة بالسكان ووجود صناعات وحرف معقدة تقوم على التخصص الدقيق .هناك من يربط فكرة المدنية بتطور المجتمع العلمي والتكنولوجي وان كان لا ينكر ما لهذا التطور من اثر في المجال الحضاري أو الأخلاقي ففي انتشار العلم والتكنولوجيا مثلا ما يصرف الناس عن السحر والشعوذة وهناك علماء آخرون يفرقون بين المدنية والحضارة على أساس الكم والكيف .
فالمدنية شكل معقد من أشكال الحضارة .
فيما يرى آخرون أن المدنيات كلها قديمها وحديثها والسائد منها اليوم ليست إلا حالات خاصة من الحضارة تتميز بكمية مضمونها وفقد أنماطها ولكنها لا تختلف عن الناحية الكيفية والنوعية عن حضارات من يسمون بالشعوب غير المتحضرة .
وهناك فريق آخر من العلماء يفصلون مجال المدنية عن الحضارة نهائياً فهم يقصرون كلمة حضارة على النظم والمعايير التي تعبر عن حياة الجماعة الروحية كالدين والأدب والفن والغايات الأخلاقية العليا .
أما المدنية فتنصب على المظاهر المادية والميكانيكية التي ابتدعها الإنسان في محاولة لضبط ظروف حياته.
وفي الحقيقة فان ابن خلدون نظر إلى تطور المجتمع البشري من خلال مروره في أربع حالات تتدرج من البساطة إلى التعقيد وهي حالة البداوة وحالة الملك وحالة الحضارة وحالة التمدن.
فمفهوم الحضارة إذن عند ابن خلدون هو ذلك النمط من الحياة المناقض للبداوة والمتصف بالاستقرار في الحضر أي المدن، والقرى وما نشا من زراعة للأرض وانتظام في الإدارة والصنائع والعلوم ومكاسب العيش ومن وسائل الرفاه الأخرى.
فالتعرف الحديث للحضارة حسب البحوث الاجتماعية الحديثة تعني مستوى معيناً للحياة المادية والروحية والاجتماعية لمجتمع من المجتمعات أي يقصد بها مجموع الحياة التي يحياها شعب واحد أو شعوب عدة بما تضم من تنظيم في الحكم وسبل في تحصيل المعاش وعلاقات اجتماعية ومعرفة نظرية وقواعد سلوكية وغيرها من المقومات التي تتمثل بها تلك الحياة.
إذا حاولنا استعمال كلمة (حضارة) للإشارة إلى مجتمع يسود فيه نظام خلقي وعقيدة مشتركة فان كلمة مدنية تتصف بالإقليمية وبالروح المحلية أو بالمفهوم المكاني الجغرافي وهي نتاج المادية والاقتصادية فالحضارة تستند على إذابة العناصر الغريبة والمختلفة بعملية من التمثيل الاجتماعي، وذلك بتحويل أنظمتها الدينية والخلقية إلى قوانين دنيوية ففي ظل الإمبراطوريات يعيش الناس من مختلف الأجناس والعناصر جنباً إلى جنب وبالنتيجة تسود حضارة واحدة في كافة المجتمعات.
ولا يمكن قيام الحضارة بوجود الانقسامات الطائفية والطبقية حيث أن نشأتها وتطورها وازدهارها يتطلب إجماعا في الرأي لان الإجماع في الرأي يعني وجود تفاهم عام.
وأهداف عامة ومصالح مشتركة حيث أن النقل الفكري عن طريق المساهمة والمشاركة في حياة عامة.
أخيرا يمكننا القول بان الحضارة ظاهرة فريدة إذ تختلف اختلافاً كبيراً عن العناصر المكونة للمدنية التي تباع وتشترى.
ثم أن مقومات المدنية لا تتصف بالقدسية والاحترام كمقومات الحضارة لان باستطاعة كل فرد أن يدخل في حوزته المدنية لغرض التمتع بفائدتها ومنفعتها.
أن الروابط التي تربط أفراد الحضارة بعضهم بالبعض الآخر هي المشاعر والالتزامات الخلقية والروحية والإخلاص
والولاء المتبادل بينما تعم في المدنية الروابط المحلية والتجارية.
الوصل هنا :
http://www.basaernews.com/news2458.htm
**
(عدل بواسطة عبدالله الشقليني on 10-03-2009, 05:12 PM)
(عدل بواسطة عبدالله الشقليني on 10-03-2009, 08:13 PM)
(عدل بواسطة عبدالله الشقليني on 10-03-2009, 08:22 PM)
| |
|
|
|
|
|
|
|
|
|
Re: المظهر العام (Re: عبدالله الشقليني)
|
| Quote: أمسكت أنت بجبل ، نحن نراه كجبل الجليد ، جسده الأكبر منذ فجر التاريخ . |
يا صديقي الفنان بيكاسو ..ذاب هذا الجليد عند شعوب وبلاد كثيرة ولكنه يكبر عندنا.. ربما تحول مجراه وصار كله عندنا وهذه هي مشكلة ...ربما المدنية والحضارة بمعناهما المادي في سبات في مناطقنا الا ان بعض من روحهما يجب ان تكون موجودة بفضل ديانات وبعض من تاريخ كان متحضرا يوما ما ...الاهتمام بالاخر هو في نظري مربط الفرس فالفوضي في المظهر العام رغم انها عدم احترام لذواتنا هو تهميش للاخر الذي يرانا ونعايشه.....العالم ليس لنا وحدنا لنفعل في انفسنا ما نريد ونؤذي الاخر بما نفعل ...جهد عام ربما يساعد في اصلاح ما فسد
مودتي
ابوبكر
| |
|
|
|
|
|
|
|
|
|
Re: المظهر العام (Re: abubakr)
|
الخال و زوارك سلام ... قفز موضوع البوست للخاطر و انا أراقب اسراب الموظفين يغادرون مبنى العمل اليوم، بدى الموظفون من الجنسيات العربية مهندمين و ملابسهم بها نفحة من أناقة لا تخطأها العين، نسائهن مرتبات أنيقات و احذيتهن لامعة و متسقة مع الألوان ... لا زركشة و لا دهب و لا "تنكش تنكش ... برقش برقش" ابيض أسود و ما بينهما من ألوان ترابية و لا مشجر ولا مفصطن ولا نقط نقط ... الرجال بدل سوداء بقصمان بيضاء زي البفتة و الكرافة أما حمراء قانية أو مخططة بألوان قاتمة ... الشراريب سوداء و الجزم كذلك ... الشباب أغلبهم لبسو قمصان زرقاء و بنطلونات بيج أو أسود ... الجنسيات الآسوية و خصوصا الفلبينين كانو أكثر أناقة و بساطة و هندمة نساء و رجال و طعموا مظهرهم ببعض الماركات و حتى "الكاجوال" منهم كان يرتدي بنطلون AJ و قمصان بولو Ralph ... و شنط الظهر أو الغدا برضو لطيفة و مرتبة و الجرايد مطوية بعناية في مكان قنينة الماء .... قطع تسلسل المنظر اخوتنا الأفارقة من أعلى القارة مرورا بالسودان وصولا للصومال .. إيشي بني في أصفر وشي بنطلون كفتو واقعة ذكرني عمنا السر قدور و شبشب يطقطق "طرررررق طرررررررررق" و المحفظة ناطة من الجيب الفوقاني و شي قميص كمو قصيروني وشي قميص زرايرو ما شبه بعض و الجزمة ما شبه الشراب و الشعر واقف و الدقن تقول داخل داخلية شباب وراهم امتحان بعد اسبوع ... قعدت ابدل بنطلون ده مع قميص داك مع حزام داك يا دوووووب قدرت امرق لي ترتيب كويس ... غايتو يعني الوحيدين الممكن ينافسونا في البشتنة هم الهنود و السيرلانكيين مع فارق بسيط يحسب لصالحهم انهم برغم اختيارهم لنوعيات رديئة من الملابس إلا انهم يحافظون على تناسق الألوان بعكس الافارقة التقول لبسو في ضلمة و لا وقعو في دولاب هدوم ما حقهم .. اقول قولي هذا و اللهم اجعل كلامنا خفيف عليهم ...
حتما سأعود لاني قبل شوية لاقيت واحدة في الممشي جاية هي و شفعها التلاتة ... واحد بيلعب بالعربية و قرب يوقع البيجرو والاتنين التانين قلعو الشباطة و بقو يلعبو سك سك في الرصيف و هي بتقول ليهم " يا ولد ... اقعد ساكت" و بتمشي براااااااااااااااااااااااااااااااااااااااااحة ولابسة شبط صباع و ريحة الدخان شايلة الشارع و النقاب مايل و نخرتها مارقة من الفتحات ... و وقفت عملت بزازة للصغير في نص الرصيف ... ايييييه ما علينا ... السلوك العام برضو محتاج مراجعة في نفس السياق بتاع المظهر لانو بصراحة تصرفات اغلب السودانين بتدل على primitive behavior كأنهم جايين من سقط لقط لا بيعاشرو ناس لا بيشوفو تلفزيونات لا بيقروا ...
| |
|
|
|
|
|
|
|
|
|
Re: المظهر العام (Re: عزاز شامي)
|
المهندس ابوبكر
شكراً لتطرقك لموضوع المظهر العام و هو بحق يحتاج منا الى وقفه .
هل حدث ان لاحظت مظهر المطاعم و المقاهي السودانية بدول المهجر ؟!
يشهد الله ما رأيت اوسخ من المطعم السوداني على وجه الارض و كذلك العامل السوداني فيه .. حيث اللبس الغير متسق و المظهر البائس فضلاً عن وساخة المطعم نفسه من الباب و الطاولات القديمة من الخشب او الحديد المصنوع سنة ستين مروراً باكواب الماء و اواني الطعام و لا تنسى مظهر المغاسل و الروائح الكريهة التي تنبعث منها مع تراكم الاوساخ و ظهور البقع السوداء من فضلات الذباب على اي لوحة وضعت كزينة ان وجدت اصلاً .
و الغريب في الامر ارتفاع تكلفة الوجبة في المطعم السوداني بمظهره السئ لانه مطعم سوداني و لأن السوداني مجبور ان يتناول وجبته .. يا الله .. كم نحن مخدوعين و غير واعين لواقعنا الاليم ؟!
بالله عليكم اكتبوا اعلانات لاصحاب المطاعم و ضعوه امام محلاتهم طالبوهم بضرورة مراعاة النظافة و مظهر المطعم احتراماً لذواتنا امام الاخرين .
مع الود .
| |
|
|
|
|
|
|
|
|
|
Re: المظهر العام (Re: الصادق ضرار)
|
صحبى الجميل
قبل سنتين كنت فى السودان
كتبت فى جريدة الخرطوم مقال اسمه
ثقافة القبح
بناءا على ما شهدته فى السودان
فانت مواجه منذ لحظة دخولك الى مدخل المطار بالقبح
الموظف "وشو مكرفس وزهجان "
العتاد مردوم على مدى البصر فى المطار
الحقائب منكوشة الحاجيات
تخرج من المطار باتجاه المواصلات فتجد التكاسى عفا عليها الدهر
ثم ان حمامات المطار حدث عنها ولا حرج
دخلت يا صحبى الى الوزارات عدد منها
فوجدت ان الموظفين والموظفات لا علاقة لهم بالعمل العام لا مظهرا ولاجوهرا
انهيت ذلك المقال فى اسى عميق لما شاب الخدمة العامة من انهيار
ثم انى لاحظت ان الاتاوات فى اعلى معدلاتها
حيث تمر جماعات من البشر ضاربة الابواب سائلة عن "الضرائب التى تخص جمع القمامة "
ولم ار صندوقا واحدا لتلك القمامة
سالت احد جامعى الضرائب هؤلاء "اين البراميل الخاصة بالزبالة ؟"
فلم اجد اجابة تشفى
الى كل ذلك تجد سائقى البصات العامة احد المشاهد المحبطة التى تتواجه بها
فهو اى السائق "وسخان بمعنى الكلمة " يلبس ما اتفق ويتحدث ما اتفق بلغة لاحول لله منها
والباعة فى المطاعم حسبى الله والطباخين ايضا رغم ان المحل يبدو نظيفا
لكن العاملين فيه انا لله
بل ان هناك تكشيرة تصحب كل هؤلاء من لحظة دخولك الى خروجك
قلت لاحد اصحاب المطاعم "يا ابنى ابتسم فى وجه زبائنك ؟"فرد
ـ انتى عايزة تاكلى ولاتحبى ؟؟؟؟؟
فوجدت ان الشان كما قالت الصديقة عزاز ميئوس منه
اقعد عافية
| |
|
|
|
|
|
|
|
|
|
Re: المظهر العام (Re: فضل الصادق)
|
| Quote: كان لأحد معارفى مقابلة فى إحدى السفارات الغربية كانت كل أوراقه مكتملة لكنه كان يلبس بدلة كاملة وبشبب فكان منظره يشيب له الولدان ، خلاصة الامر تم رفض طلبه وكنت لا زلت أعتقد أن السبب هو هذا الشبب غير المتسق مع اللبس . |
شكرا يالصادق للاضافة .. اكيد سبب كافي فهم لا يريدون افساد ما انجزوه في قرون .. هذه الصورة االبائسة تتكرر حتي في قنواتنا الفضائية فتنتشر وينظر الينا الاخر بتعجب وربما اشمئزاز .. ماذا يكلف الواحد طالما صرف علي بدلة كاملة في ان يصرف علي نعل وشراب محترميين ...؟؟
| |
|
|
|
|
|
|
|
|
 Re: المظهر العام (Re: abubakr)
|
اشاهد في التلفزيون وزراء وحكام من كل العالم الفقير جدا والفقير والمستور الحال والمتوسط والغني والغني جدا واجد تناسقا عاما في لبسهم ومظهرهم العام واشاهد وزراء السودان في صورة منفردة وفي اجتماعات المجلس والولايات..الخ ... في اجتماعات المجلس والتي اشاهدها في اخبار التلفزيون السوداني اجد كل وزير بمظهر مختلف هذا بلبسة سفاري وذلك بقميص فقط واخر ببدلة دون كرافته واخر ببدلة كاملة واخر بلباس وفق مزاجه واخر بلباس قوات نظاميةواخر بصديري واخر بجلباب وتابيتا بلون اصفر يوما ويوم اسود ويوم ابيض ويوم اخضر واراهم وهم جلوس وكل واحد ينظر في اتحاه اخر وفي وجوه كثير منهم كسل وسأم وجلوس جد عشوائي ...هذا مظهر عام "رسمي" ويعتبره من يراه من غير السودانيين بانه يعكس المظهر السوداني العام طالما ان حكومتنا هذا هو مظهرها ....لماذا لا يلتزم الرسميون السودانيون بمظهر رسمي متناسق ويجلسون بوقار واحترام للمجلس الذي يحكم البلد والشعب ويمثل اعلي سلطة في البلاد ...لماذا لا تكون هنالك لائحة لبس Dress Code تلزم الجميع بلباس يليق بالموقع والمنصب .. لماذا الاصرار رسميا وشعبيا علي البشتنه ؟؟؟
| |
|
|
|
|
|
|
|
|
|
Re: المظهر العام (Re: abubakr)
|
| Quote: قطع تسلسل المنظر اخوتنا الأفارقة من أعلى القارة مرورا بالسودان وصولا للصومال .. إيشي بني في أصفر وشي بنطلون كفتو واقعة ذكرني عمنا السر قدور و شبشب يطقطق "طرررررق طرررررررررق" و المحفظة ناطة من الجيب الفوقاني و شي قميص كمو قصيروني وشي قميص زرايرو ما شبه بعض و الجزمة ما شبه الشراب و الشعر واقف و الدقن تقول داخل داخلية شباب وراهم امتحان بعد اسبوع ... قعدت ابدل بنطلون ده مع قميص داك مع حزام داك يا دوووووب قدرت امرق لي ترتيب كويس ... غايتو يعني الوحيدين الممكن ينافسونا في البشتنة هم الهنود و السيرلانكيين مع فارق بسيط يحسب لصالحهم انهم برغم اختيارهم لنوعيات رديئة من الملابس إلا انهم يحافظون على تناسق الألوان بعكس الافارقة التقول لبسو في ضلمة و لا وقعو في دولاب هدوم ما حقهم .. اقول قولي هذا و اللهم اجعل كلامنا خفيف عليهم ... |
| |
|
|
|
|
|
|
| |
abubakr
abdalla osman
smart_ana2001
ابو جهينة
emad altaib
الطيب رحمه قريمان
هاشم أحمد خلف الله
نجوان
هواري نمر
أيمن الطيب
وليد عبد اللطيف
فيصل محمد خليل
عبدالله كع
محمد سنى دفع الله
مدثر قرجاج
فيصل نوبي
الفاتح الجنيد
سامي عبد الوهاب إدريس
Mohamed E. Seliaman
MOHAMMED ELSHEIKH
mamkouna
الفاتح عبد الله طه
khaleel
عبدالله الشقليني
الصادق ضرار
سلمى الشيخ سلامة
فيس بوك
تويتر
انستقرام
يوتيوب
بنتيريست