|
|
 لا بأس عليك شاعر الشعب محجوب شريف
|
تعرض الاستاذ محجوب شريف لوعكة صحية ألزمته مستشفي تقي
منذ يوم السبت الماضي ، وحالته مستقرة تماماً ويتماثل
للشفاء وتحت رعاية طبية مكثفة من الأطباء والإختصاصيين.
وكان شاعر الشعب قد أصيب بإلتهاب رئوي إضافة لملاريا
حادة . كنت في زيارته قبل قليل ، ولم أستطع مقابلته
لأن الطبيب المعالج قرر عدم فتح الزيارة نسبة للعدد
المهول من الزوار الذين تدفقوا علي المسشتفي للإطمئنان
علي صحته ، وعرفت من مي الإبنة الصغري لأستاذ محجوب بانه
بكامل عافيته ، ويتماثل الآن للشفاء من مضاعفات الملاريا
والإلتهاب ،، كل الأمنيات للأستاذ بصحة موفورة وعمر مديد
|
|
 
|
|
|
|
|
|
|
|
Re: لا بأس عليك شاعر الشعب محجوب شريف (Re: BAKTASH)
|
محجوب الانسان المرهف
دعوات كل الشعب معك
لتعد موفور الصحة
يا زول يا صاح في زمن ما زمنك
ــــــــــــــــــــــــــــ
آسف يمكن ده بالاصح زمنك
ففي مثل هذه الازمنة نحتاج للانبياء
والمخلصين وانت رسول خير في هذا الزمان
الكالح السواد...
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: NEWSUDANI)
|
ناذر الفنان
سأقوم بطباعة كل هذه المداخلات وتسليمها للأستاذ محجوب شريف ليعرف
عمق المجبة ومدي الإلفة التي يحيطها به الناس ... وهي مساهمة لرفع
الروح المعنوية لمحجوب شريف والتي لم تنخفض قط ، لا بفعل أمراض
الشمولية ولا أمراض الجسد ...
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: محمد مكى محمد)
|
عزيزي عمر سعد
بعد رحلة العلاج الطويلة التي قضاها
الأستاذ محجوب شريف حذره الأطباء من
الإرهاق ، والغبار ، والدخان وغيرها
فهل إستمع لواحدة من هذه التحذيرات
لا اعتقد تجده أمام مستشفي آسيا حيث
ينطلق الغبار من هذه المنطقة ليعم كل
المدينة ، ومحجوب يلف وجهه بالعمامة
حتي لا تتسرب ذرات الترابة لرئته المريضة
يقف بالساعات ليوفر حقنة غالية الثمن ونادرة
الوجود لمريض في مستشفي أمدرمان يعاني المرض
والفاقة ، يعود لمنزله بعد الثانية عشر ليلاً
وهو غاية في الإنهاك ولكن في أقصي درجات السعادة .
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
نعم يا صلاح الأمين أذكر تلك الليلة حينما
اقترحت عليك أن نذهب لمحجوب شريف ونقول
(ليهو حمد الله علي السلامة) لم نكن نعرف المنزل
أتصلنا بصديق نصيحته أن نذهب قرب سوق حلايب ونسأل
أول من يقابلنا ، وجدناه تحت تلك النيمة مكانه المحبب
للجلوس والسمر ومعه حسن الجزولي ، وكان اللقاء الأول
كمن يلتقي أصدقاء طفولته ، وخاصته المقربون ، وشربنا
الشاي باللبن واصحبنا فعلاً أصدقاءه المقربون .
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
العزيزة محاسن
أستاذ محجوب بألف خير كما أفادت زوجته الأستاذة أميرة الجزولي
في إتصال هاتفي قبل قليل ، منذ البارحة تحسنت حالته تماماً
ويمارس حياته كما المعتاد ، إلا أن الأطباء ينصحون بمزيد من الراحة
ولا زال محروماً من الزيارات ، التلفونات ، وساندوتشات الطحنية بالجرجير ..
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
الف سلامة ليك يا ابو مريم
____
الصورة :
دعوة من شاعرنا الجليل محجوب شريف احتفاءا بزميل المنبر آدم موسى
من اليمين الزميل خالد سند ... زهير الزناتي .... محجوب شريف ... ووهبة
عشّانا فول وشرّبنا شاي ... قرشك حلال
ربنا يرفعك ويرد عليك عافيتك
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: عبدالوهاب علي الحاج)
|
والنملة في الصف العجيب
وعلى انفراد
نفس النشاط والأنضباط
نفس الحماس
تسعى وتجيب ولا من رقيب
ولا حتي في الأمر التباس
ولا في اختلاس
أحسن كتير من بعض ناس
ولا في اختلاس
وهيلا .. وهيلا هيلا .. هيلا
تلقى تفسها في سفينة
وهيلا .. وهيلا هيلا .. هيلا
تاني في شارع مدينة
والحكمة بنفس الحماس
تلقاها في الصف العجيب
كم مرة تهرب من مداس
من طفل عابث ومن لهيب
بالحبة تمسك في عناد
الحبة ملك الاتحاد
ألف لا بأس لأستاذنا الكبير شاعر الشعب الأستاذ محجوب شريف...نسأل الله أن يقوم من هذه
الوعكة معافا مشافا وبنفس الحماس...
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
يا وهبة يا ....... حبيب
تشكر علي الصورة ، لمحجوب إناس لهم في القلب حجرات
وآدم موسي من هؤلاء ،، كنا نجول الصالحة حتي ساعات
الفجر الأولي ، لنري الخضاب علي يدي آدم ونسمع بنات
الفريق وهن يغنين (حننو حننو بنات امه جو.....)
رجعنا ، إلا محجوب فقد شارك آدم فرحته ...
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
الرشيد ... رعم أحزانك أتيت لشاعر الشعب
Quote: محجوب شريف..
يا كم لطيف..
يامي أبوك..
كمين ظريف..
وسعت مواعينو الكلام..
الفين سلام..
يا ذا الهمام..
يا من تخلل في المسام..
يا من تواتر في النزيف..
نغما شفيف..
وطنا مقام..
فوق النجوم..
وسط القلب..
جوة العضام..
فارس صدام..
يا مي ابوك.. ما هو الضعيف
أو المضام..
بس هو الرهيف..
لامن يغازل..
من شوارع أم در رصيف
كالضو عنيف..
ما بين جهالات الضلام
كالضل خفيف..
لما يزحف في المسام
فكر واضح..
والتزام..
من قام عفيف..
كالحب نضيف..
كالحب نضيف..
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
الأخ زهير وكل محبي محجوب شريف ....... تحياتي.
في مطلع العام 2007 شرّف الدوحة الإنسان الوطن محجوب شريف. من ضمن برامج الإحتفاء به، نظم أصدقاء محجوب شريف بالدوحة حفل تكريم كان حدثاً، ومن ضمن فقرات الحفل قدمت فرقة الكورال بمصاحبة أطفالنا عملين للمحتفى به. أحد هذين العملين قصيدة (عافية) صاغت كلماتها الأستاذة/ آسيا سكينجة، ووضع لحنها أستاذنا الموسيقار محمد آدم المنصوري. كلمات القصيدة تقول:
زهر الربيع الطل شايل شذي الياسمين
شفق المغيب محمر شوفتو بتسر العين
النيل ضفاف مخضر دايماً هواه عليل
محجوب شريف أجمل شامخ عفيف ونبيل
محجوبنا تاج عزة
....................
يانا المهيريات
في الحارة ما بننجم
بالصبر نتحزم
نعرف نشيل الليل
نعرف نقسم الهم
محجوبنا يا أكرم
دين الوطن كمين
ورينا دينك كم؟
....................
ليك من عيونا النور
ليك من وريدنا الدم
ليك في الفجر دعوات
العافية ليك تنتم
ومن عزة حنية
تهب عليك نسمات
تغشاك مع الصلوات
تلقاك تتبسم
تتنسم الصحة
وتطويه توب الهم
....................
والفرحة تملا الكون
الرملة جنب النيل
يغازلوا في القمرة
والقمرة وضاحة
بتضوي مليون ميل
ونخلاتنا تتمايل
والقمري ليهو هديل
و(السنبلاية) تميل
ومعاها (مريم ومي)
وعزة في اليوم داك
بالفرحة عايزة تطير
باللَّه وريها
قول ليها دينك كم؟
....................
(محجوب) بشارة الخير
يا شمعة ضواية
يا غيمة فوق الكل
يا نجمة سراية
محجوب حديثك در
يا المن حروفك نور
كحل عيون عزة
وختاها فوق الحور
* * *
يا المن سماك رذاذ
نقّع سقي الوديان
خدّر ربوع سودانا
وعلينا ما عزَّ
....................
إشراق صباحاتنا
أطفالك الحلوين
ما عرفو نوم الليل
سامروا النجمات
إتلموا لعبوا شليل
شع من عيونم ضو
صح الصباح في التو
إتنادو مافي مقيل
إتغنوا أنشدوا كم
قصيدة لي محجوب
وقالوا ناذرين دم
كرامة لي محجوب
وجوك جارين سيل
وإلتفوا هم حواليك
ذي سكسكاً منضوم
في وسطو سوميتة
وسمعتهم سألوك
يا بابا دينك كم؟
باللَّه ورينا
يا بابا قول لينا
باللَّه دينك كم؟
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
نحن المكتفنا الوجع
موت الأماني البرعمه
حيل المروه المنتزع
طاعم السنين متعلقمه
تاكلين مطرنا علي الهرع
مروادو والكحل العما
إلاّكـا غيرنا يا شريف
إياكـا خيرنا ياوريف
سامق حروفك أوسمه
فالق زمانك والنزيف
طالق ضراعك للسما
طايل جميلك ياشفيف
جينات بذورك والغني
ما وقفك زمناً مخيف
حمي البلاهة ملاعِنه
وانت العفيف
هذبتنا جيهة الوطن
علمتنا نسق الزمن
كيف المباهج ومعدنه؟
سانداكـ هي..
تلك العزيزة كما الوطن
أم السنابل والسنا
وإنت البهي..
حاشاك ما كت متلهي
عن أرضنا..
عن عرضنا..
عن فرضنا..
عن شعبنا..
يوم البعيد أو حين دنا
ما اظن سماحك بنتهي
شقشق مقصك للفنا
حرفاً سخي ..
وضّح لنا درس الوطن
بالإنكتب والإنبهم والإترطن
قالوا الكبار ..
نار البطون تلد الرماد
مريم ومي نيرانك الحلم المُعاد
أم البنيات العماد..
ما اتوسدت مره السكات
لو المذله تكون ممات
من يومه أطول مننا
تلك البسيطه كما البسيطه
تلك العظيمة كما الحصاد
أم اليتامي وأمنا
وطن المسافرين البعاد
وعنك بعيدا أبينا الرحيل
وبيك إعتزاز الصباح الجميل
نعزّك شريفاً نبيلاً أصيل
نهِّزك نخيلاً يدلِّي الجميل
وزيك تماماً نعاف السخافه
نخاف الوضاعه البتصبح دليل
جميلك جميلنا..
يبرِّد مقيلنا..
نردو وحاتك..
سلام الخليل
نريدكـ ونيلنا..
دمانا وحيلنا..
جميلك بجيلنا..
سنابك لخيلنا..
وشوفنا العليل
تعالو قبالو ..
نشمر مقالو..
ونرد الجميل
نرد الجميل
كل الأماني القلبية الصادقة بالعافية تغشاك يا أبو مريم ومي..
يارب عافيتك لهذا الأنيق الذي جملنا وهذب دواخلنا كيفما أردنا..
ستعود يا حبوب إن شاء الله ..
كالنخلة هامة..
قامة وإستقامة
هيبه مع البساطة
أصدق ما تكون.
فاروق أب حوه
شكراً زهير علي هذا الزاوية الموشحة بالوفاء النبيل لهذا الخليل
تحياتي لك وله ،،
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
عبد الله الحبيب
Quote: لقيتك في طشاشي دليل...
وفي حر الهجيرة مقيل
ركزت علي ضراك عصاي
لقيتك في حياتي جذور
بنيه اتلفحت بالنور
مهجنه من غنا الأطفال...
ومن سعف النخيل والنيل
ومن وهج الشمس موال
وأنا اخترتيني انسانا عزيز النفس بتمنى..
وبسيط الحال
علي حرمت زرعا
ما سقيتو حلال
وما فصد حصادو قفاي
وبيني وبينك الضحكة..
ورحيق الشاي
وطعم الخبز والسترة
ومساء النور
وعمق الإلفة....
بين النهر والنخلة
وغنا الطمبور
وصدق العشرة بين الأرض..
والنسان
وبيني وبينك الفكرة
وجمال الذكرى
والنسيان
وحن الظن
ومشوار الحيا اليوماتي
ما بين الجبل والسهل
ما بين الصعب والسهل
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
ابو الريش لم اري شخص محب للأطفال كأستاذ محجوب شريف ، كنا في زيارة لأحد
أصدقاءه الذين أقعدهم المرض في منزله ، وفي حوش المنزل وجدنا هذا الطفل
يبكي بشدة ، ولم يدخل أستاذ محجوب المنزل إلا بعد استطاع أسكات هذا الطفل
وإنتزاع إبتسامة منه ..
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: فيصل محمد خليل)
|
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
أسأل الله العظيم رب العرش العظيم أن يشفيك
الف لابأس عليك يالمحجوب الشريف
ألف سلامة لك أيهاالفنان الانسان
اجر وعافية
شكرا للعزيز زهير على التنبيه
سلام للجميع
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
يا سلام يا سلمي زي مطايبتك دي من بلاد الله البعيدة
هي البترد العافية والصحة لأستاذ محجوب وكل الناس
العيانة ، وتعالي نغني
Quote:
عصفورة من أخر بلاد
في رحلة لي أخر بلاد
تعرف مواعيد الحصاد
وكل دورات الفصول
وأنضر ايام الحقول
وتعادي أسراب الجراد
وتنادي لوكركب زناد
صياد على العش والولاد
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
خالد العبيد
بعض الناس تتهم محجوب شريف بالتعالي علي الإعلام المحلي ومقاطعته ، مع ظهوره
المتكرر في الإعلام الخارجي ، ولأستاذنا حججه وتبريراته لهذا الموقف ، فهو يعتقد
أن أوضاع الحريات في بلادنا في أسواء أحوالها عكس ما يحاول أن يروج النظام.
وظهور شخصيات معروفة بموقفها السياسي والفكري من هذا النظام في وسائل إعلامه
ذاك الظهور المبتسر ذي المحظورات العديدة ، لن يسهم إلا في غرس أرجل النظام
علي جسد شعبنا . اما مجمل ظهوره في وسائل الإعلام الأجنبية لا يخرج عن نطاق الترويج
لرد الجميل ومشاريعها من آجل آلاف الغبش الذين فتحت لهم كوة من الأمل ...
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
زهير : لك الشكر أجزله.
سلامه ليهو من كل شر ...ونتمني سلامة من مثله ...لانو انسان وحبيب للكل وقلبه وفؤاده مع التعابي والغلابه واللي محتاجبن ليهو حدادى مدادى.
افادتنا برفم التلفون مفيد جدا....ومتابعتك لينا افيد
ما عدمنكم زهير.
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: Mahassin Ibrahim)
|
الف سلامة ليك سيدي الشريف محجوب شريف
وأجر وعافية وكم اتمنىان تكون دوما في
خير , فنحن نستمد منك الامل في بكرة
أتمنى ان نطمئن عليه صورة وصوت يا زناتي
ياصاحب ياجميل .
دوما في البال مذ تلك الزيارة الخالدة في
مخيلة أولادي ودائماً يذكرونه بالخير ويتمنون
تكرار الزيارة أتمنى له كل العافية .
......................................حجر.
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: عصام علي أحمد)
|
تسلم يا أبو مريم و مى ....سلامتك يا محجوب شريف ..." حمدالله الف على السلامة "...فى إنتظار عودتك و خروجك من المستشفى أكثر نضاراً و بهاء ... " حارنك نحن و دارنك ...للشمس حتمشى مبارنك.....عشقاً جوانا أتارنك "...فى إنتظارك " عما قريب، الهمبريب ...يفتح شبابيك الحبيب ...و الحال يطيب " ( محجوب يطيب ) .
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: عصام علي أحمد)
|
لك العافية وطول العمر يا شاعرنا الانسان الذي ما زاغت عيونه ولا انكفأ وجدانه عبر سنوات الاعتقال كان شجاعا ثابتا أروع مثال لأجيالنا الجديدة وأطفالنا الذي كتب لهم الشعر الصادق وانتمى لقضاياهم ومشكلاتهم وأواهم مشردين وفقراء
لك حبي الدائم وتمنياتي المتواصلة بدوام الصحة
ماما سعاد
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: Abdlaziz Eisa)
|
| Quote: تسلم يا أبو مريم و مى ....سلامتك يا محجوب شريف ..." حمدالله الف على السلامة "...فى إنتظار عودتك و خروجك من المستشفى أكثر نضاراً و بهاء ... " حارنك نحن و دارنك ...للشمس حتمشى مبارنك.....عشقاً جوانا أتارنك "...فى إنتظارك " عما قريب، الهمبريب ...يفتح شبابيك الحبيب ...و الحال يطيب " ( محجوب يطيب |
حمد لله علي السلامة
يازول البلد الاصيل
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: باسط المكي)
|
(نغني ونحن في أسرك وترجف وأنت في قصرك)
وحياة أمنا الخرطوم
أشيل شيلي وأشد حيلي
و أموت واقف على حيلي
وأقولك يا أعز الناس
على الوعد القديم جايين
وبين الثورة والسكين
شيوعيين
حتى الموت شيوعيين ))
طوال النهار و الليل
في عيني شايلك شيل
لكني شادى الحيل
والخوف علي داهم
هاك قلبي ليك منديل
الدمعة لما تسيل
قشيها يا مريم
ألف سلامة محجوب شريف
يا من تكتب كى توقظ الضمير الانسانى
يا قمة الفن الثورى الأصيل
يا حبيب الشعب
شكرا زهير الزناتى
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: عمر ادريس محمد)
|
عفواً أحبتي .. دعوني اخرق العرف السائد بالرد علي التتالي لأحني هامتي
لماما سعاد ، وأفسح لها مجالاً واسعاً لتعبر عن حبها لأستاذ محجوب وتتمني
له العافية . هذه النخلة السامقة هي من نفس طينة محجوب شريف .. واضحة
زي الشمس ، لا تخاف ولا تهاب ، ولا تزوق الكلام . هي الوجه الآخر لعملة واحدة
منحازة للفقراء وقضايا اهلها النوبة العادلة . شجاعة مثله هزمت المرض
والعمر لنجدها في كل ساحات العمل الوطني .. شكراً لك إيتها العملاقة .
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: عمر ادريس محمد)
|
العزيزة محاسن كل التحايا النواضر
سأرفد البوست بالأخبار السعيدة اولاً بأول
وتلفون الأستاذ 0916349079 - وكذلك المستشفي
خصصت ثلاثة هواتف للإستفسار عن صحة الأستاذ :
0187420421
0187420422
0187420423
لمن هم خارج السودان عليهم سحب الصفر في بداية كل رقم وإضافة
المفتاح الدولي 00249
لا زلت في إنتظار إيميلك
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
الرفاعي ..
الأطفال يحبون من يحبهم ويتعلقون بمن يتعلق بهم ، هم أذكي بكثير مما نتصور
خاصة فيما يتعلق بالمشاعر ، لا يمكن خداهم أو منافقتهم ، لذا محبتهم لمحجوب بذات
الصدق الذي يحبهم به ... لك ولهم ولأمهم كل التحيات
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: عوض أبوجديرى)
|
قلقو كل التحايا والأمنيات لك ولأستاذنا العظيم
Quote:
هُب يا نسيم الزمن
بالذكريات الندي
برد هجير الحشا
رجع خطاهم صد ي
ا لشال كتابو ومشي
والدابو عمرو ابتدأ
أشواقي لي ضحكتهم
وأشواقي لي ضمتهم
وأشواقي لي للمتهم
بلا حدود آو مدي
يسهر معاي النجم
يمشي ويجيني الكري
يلقاني كم منسجم
واللفته بتذكرا
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: عوض أبوجديرى)
|
فيصل يا حبيب
Quote: مليون سلام
يا شعبنا ومليون حباب
والاغتراب
يا ابونا ما طول الغياب
الاغتراب فال البخونك ويزدريك
ونحن بين سنكيهو والزنزانة
والسجن السميك
منك قُراب
أحرار وحريتنا في إيمانّا بيك
ثوار بنفتح للشمس في ليلنا باب
لي يوم جديد
وبنفتديك
وحنفتديك
ما بنرمى إسمك في التراب
وعيونا تتوجه اليك
إنت المعلم والكتاب
*
أبداً جُذورك فينا تمتدَّ وتجيك
والبزدريك
ياويلو من زحفك عليهو
ومن مشيك
يا ويلو من أجَلو الوشيك
يوم ينكسر قيد الحديد
والسنكي والزنزانة والسجن السميك
وخطى الشهيد
من حولو تهدر والنشيد
وإنت الشمس من بين إيديك
تطلع عليك من كل باب
مليون سلام يا شعبنا ومليون حباب
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: rosemen osman)
|
العزيز الأرباب
الأستاذ متابع ما يكتب هنا ويغريكم السلام واحد تلو الآخر
وكم هو سعيد بهذا الفيض الجياش من المشاعر التي أحطتموها
به . ويشكر كل من سأل عنه أو إتصل تلفونياً من داخل أو خارج
السودان ، وكل من تكبد المشاق لزيارته في المستشفي .
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: rosemen osman)
|
ابو حوه :
Quote:
وانت العفيف
هذبتنا جيهة الوطن
علمتنا نسق الزمن
كيف المباهج ومعدنه؟
سانداكـ هي..
تلك العزيزة كما الوطن
أم السنابل والسنا
وإنت البهي..
حاشاك ما كت متلهي
عن أرضنا..
عن عرضنا..
عن فرضنا..
عن شعبنا..
|
الف لا بأس عليك يا شاعر الشعب
كل الشوارع و المشاعر و شعبك اكف مرفوعة بالضراعة بمليون سلام و سلامة . . و الفين عافية و دوام
-------------
شكراً استاذ زهير . .
و اذنك و عفوك استاذنا فاروق ابو حوّه
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: rosemen osman)
|
البنج ود جادين
Quote: سؤالك لي متين جرح الوطن يشفى متين تصفى سماء الخرطوم
|
Quote: عمّا قريب..
الهمبريب
يفتح شبابيك الحبيب
والحال يطيب
يا محمد أحمد تستجِمْ
والبيت يتمْ
تتلم تلمْ
تفرح فرح
تحلم حِلِم
كم تطمئن
حقك يجيك لافيهو شك..
يمكن واظن
ويفوتو همْ
والعدل يعمْ
وتغني أمْ
كادت تجن
كبر الولد جُوّا السجن
فاقداهو هى
دا كلو كلو ينتهى
دا كلو كلو ينبهى
زولاً تريدو وتَشْتهِى
تلقاهو فى
لا فى السِّجِن..
لا مختفى
لا يقولو ليك ما تمشي لى
دا كلّو كلّو ينتهى
دا كلّو كلّو ينتهى
دا كلّو كلّو ينتهى
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: الوليد محمد الامين)
|
باسط المكي
Quote: الاسم بالكامل
إنسان
الشعب الطيب والدىّ
الشعب حبيبى وشريانى
أدانى بطاقة شخصيّه
من غيرو الدنيا وقبالو
قدامى جزائر وهميّه
لا لون..
لا طعم
ولا ريحه
وايام مطفيّه مصابيحها
زي نجمه بعيده ومنسيّه
المهنه:
بناضل وبتعلم..
تلميذ فى مدرسة الشعبِ
المدرسة..
فاتحه على الشارع
والشارع فاتح فى القلبِ
والقلب..
مساكن شعبيّه
ودينى محل ما تودينى
شرّد اخواتى واخوانى
فتش أصحابى وجيرانى
خلينى فى سجنك...
وانسانى
في سجنك جُوّه زنازين
أرمينى وكتّف ايدىّ
من أجل الشعب السودانى
وعشان أطفالنا الجايين..
والطالع ماشى الورديّه
وحياه الشعب السودانى
فى وش المدفع
تلقانى
قدام السونكى
حتلقانى
وانا بهتف تحت السكين
الثوره طريقى وايامى
معدوده
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: الوليد محمد الامين)
|
العزيز ياسر شبيكة
Quote: أنا عارفه اسمك مين
أنا عارفه شفتك وين
!ما زلت بتذكر
!ما زلت بتذكر
الزمان يا شباب:
أكتوبر الأخضر
المكان:
شارع
غضبان بيتفجر
وكنا خمسه بنات..
عاملات هلال أحمر
نزحف مع الثوار..
ونضمد الجرحى
ضمّدت جرحك ليك..
وربطتو بالطرحه
وقبل انت تفيق.. من قبل ما تصحى
لقيتو اسمك فوق
مكتوب على الدفتر
وعرفتَ اسمك مين
وعرفت إنّك مين
وعرفت إنّك شاب..
بتحب بلادك موت
!مازلت بتذكر
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: الوليد محمد الامين)
|
عمر إدريس
Quote: أحبك...
وحبك النادر بشرفنى
وبى نفسى بيعرفنى
وبالزمن اللى ضاع منى..
بيصادفنى
والاقيه
على الحلم اللى غالى علىْ
كان احلم بىْ
صحَانى
على استسلامى عضانى
ووصّانى
اغنى اغنى..
وصّانى
وخلانى أحس لوجودى
فى عيونك طعم تانى
وللفرح البعيد من عمرى
طول أيامى ودانى
طلعتِ علي متحمل..
عذاب الأرض
طالع من جرح
قانى
تعالى تعالى
نتماسك على الروعه
ونتجاسر على اللوعه
ونتقاسم سوا..
الهجره الطويل مشوارا
والهجعه
ونطلع للحياه أنداد
زي سيفين مساهر..
فيهم الحدّاد
ونطلع من بذور الأرض
زرعاً فارع الأعواد
حبابك يا سما الأعياد
أحبك يا ضحى الميلاد
ويا وطناً بدون أسياد
ويا انشاد عصافيراً
ببالن ما خطر
صياد
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
عبد العزيز عيسي
Quote: يا شعباً تسامى..
يا هذا الهمام
تفجّ الدنيا ياما
تطلع من زحامها
زى بدر التمام
تدّى النخله طولها
والغابات طبولها
والأيام فصولها
والبذره الغمام
*
قدرك عالى قدرك
يا سامى المقام
يا ملهم
رماحك سننّاها الصدام
أم در والطوابى..
فى صدرك وسام
ملامح..كم تسامح
تغضب لا تلام
*
همّه وعبقريّه
ذمّه وفنجريهّ
ضد العنصريه
تحلم بالسلام
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
الأستاذ محمد عثمان إبراهيم
Quote: تلفون العالم حوِّل
إتنين وتلات أصفار
البرق هناك
مستني
والشمس على
استنفار
فلنزحف نحو
النور
لو ننحت بالأظفار
من حقنا نحلم
بي عالم
بي عالم
يتسالم
ضدَ التسليح
الخبز .. الحريات
المكننة
والتلقيح
لن نقبَل بالمعتاد
العكننة والتبريح
العدل بلا تمييز
الحظر على
البمبان
العطر مهب الريح
دوران الأرض
مراجيح
والشفع لؤلؤ منثور
سادين السكَّة
أناشيد
ما دين الدنيا
بساتين
ورداً..قمصان
وفساتين
والنهر بيعمل زقزاق
من خضرة وحفلة
ياسمين
ناساً جينا تم زيناتم
جنياتم خِلقة
وأخلاق
شبت حبت من لسَّعَ
في الخاطر شوق
وحنين في عيون
العُشاق...
كم مُدُناً طيَّ
الأشواق
حاراتا حتملا
الأسواق
وشوارع تجري
ملايين
لِسَّع في سنَن
الأقلام
أنفاس الناس القِدام
وخُطى الأقدام
في القرن الواحد
وعشرين
من خير الأرض
الممتد
تنعم أفواه
ومناقير
والحبّه ظلال
وعصافير
والخطوة بتبقى
جماهير
والهمسة بتبقى
هتافات
تتفكك لعب
أطفال
وأسرّة وإسعافات
آفات
فتكت بالسلم
جنازير
وتقرب بينَّا
مسافات
كنا بنمشيها
محاذير
وتفرهد ياما
ثقافات
تتنفس حق
التعبير
لا رجعة لظلمٍ
قد فات
تلقوه هناكَ
ملفات
فى ركن القرن
العشرين
إلقاء القبض على
الخوف
الخلا النسمة
أعاصير
والشجر الأخضر
أوتاد..
من حَقنا إننا نحلم
لن نقبل بالمعتاد
نتماسك أيدي
ونرتاد
القرن الواحد
وعشرين
شُبَّاكاً جنب
الشُباك
آفاقاً ذاتَ مصابيح
تلفون العالم حول
...
لا شك االرقم
!! صحيح
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
روزمين الشاعرة المجيدة
Quote: يمة شفتك فى المنام
وانتِ بين سربين حمام
نازله سكّه وادى أخضر
شايله سلّة ورد أحمر
وحزمتين أحلى الكلام
يتبعوك طفلين حلاوه
طاروا عصفورين علىَّ
ركّوا فى اسود عينىّ
ورحت في غمرة ندواه
كنتَ مُجْهد
قلبي فَرْهد
ورشّ أيامى الغمام
صحيت وقفت
مشيت أعاين
القى بينى وبين عيونك
كم ضواحى
وكم مداين
وانطوت كل الجناين
فى غيابك
وفى الظلام
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
واجمل الاطفال قادمون ساعة بساعة عيونهم اشد بريقا من عيوننا
صدوهم بما وهبت اكثر اتساعا وحين يكبرون ياابى سيوفهم تزيد من سيوفك
الطوال طولا..................
الانسان محجوب شريف ادام الله عليك نعمة الصحة والعافيه
ودمت لنا ....مازلنا نحبك ومازلنا نحتاجك
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
الوليد
Quote: أشوفك جنبى..واتمّناك
واكذّب عينى إنى أراك
أصدق كيف بتحكى الشوق
وليل الغربه..لى مضناك
لى أنا..اللى بحلم بيك
ولى أنا..اللى بترجاك
يا حلمى البعيد..وعزيز
زمان يا حلمى مأ أقصاك
أعِد أيامى.. وأحسب بيك
ثوانى العمر ..واستناك
وما فكّرت يوم أنساك
ولو فكّرت كيف انساك؟
وذكراك يا أعزّ حبيب
دوام رغم الزمن ذكراك
انتَ الليله..جنبى قريب
بأىِّ مشاعر..أتلقّاك؟
وين أعصاب بتتحمل..
وين أحرف بِقَدْر هواك؟
*
تعال يا ماضى من عمرى
تعال..أنا من جديد أحياتك
النيل أحمد
|
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: naeem ali)
|
الكوبي .....
عدم إهتمام محجوب شريف بصحته هم يؤرق أسرته وأصدقاءه ..
فيقضي يومه هنا وهناك من أجل مشاريع منظمة رد الجميل
علي حساب صحته ونفسه .. ليته يعلم كم أقلق محبيه علي
إمتداد العالم ، ليهتم قليلاً بصحته ولك ودي
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
تعافي الأستاذ محجوب من الوعكة التي ألمت به
وغادر المستشفي ولسانه يلهج بالشكر لأدارة
مستشفي تقي ، الأطباء وكل الكادر الطبي
والإداري لمستشفي تقي والعاملين ..
كما يشكر الأستاذ كل من سأل عنه أو زاره في المستشفي
والذين أتصلوا من داخل وخارج السودان ..
| |
|
|
|
|
|
|
|
|
|
Re: لا بأس عليك شاعر الشعب محجوب شريف (Re: زهير الزناتي)
|
بالعافية يا محجوب .. يا مبدع
يا شعبا لهبك ثوريتك
تلقى مرادك والفي نيتك
يا
رد الجميل
يا
ديل أنحنا القالو متنا
وقال فتنا
وقال للناس انتهينا
الليله جينا
جينا زي ما كنا حضنك يحتوينا
في حضرة جلالك يطيب الجلوس
مهذب أمامك يكون الكلام
الله يديك العافية
| |
|
|
|
|
|
|
| |
زهير الزناتي
BAKTASH
عبد الحكيم نصر
ناذر محمد الخليفة
عمر سعد
salah elamin
محاسن أحمد محمد
محمد مكى محمد
عبدالوهاب علي الحاج
الرشيد بابكر
عفاف ابوكشوه
محمد أبوالعزائم أبوالريش
Abd Alla Elhabib
فاروق أبوحوه
ضياء الدين ميرغني
سلمى الشيخ سلامة
خالد العبيد
امبدويات
محمد سنى دفع الله
فيصل محمد خليل
سيف بخيت موسي
الرفاعي عبدالعاطي حجر
قلقو
ادهم عبد الرحمن نصر
عادل التجانى
wadalzain
محمد الشيخ أرباب
محمد عبد الماجد الصايم
عصام علي أحمد
Abdlaziz Eisa
باسط المكي
ياسر شبيكة
عمر ادريس محمد
عوض أبوجديرى
محمد عثمان ابراهيم
rosemen osman
قيقراوي
حمزه بابكر الكوبي
مدثر قرجاج
naeem ali
Mohamed Abdelgaleel
منصور عبد الرازق
فيس بوك
تويتر
انستقرام
يوتيوب
بنتيريست