|
|
 شطارة د. جون قرنق جابت المنكورات لمؤتمر جوبا .
|
شاهدت بقناة الجزيرة بعض من جلسات مؤتمر الاحزاب السودانية بمدينة جوبا ...
…شريط من الصور والدكريات تداخلت في دهني في تلك اللحظة…
اجتماعات هيئة قيادة التجمع الوطني الديمقراطي بفندق السلام باسمرا
..كمرد شيرمان بقامته المديدة ولونه الابنوسي الجميل ....استادي التيجاني الطيب بدقته المعهودة
…الراحل الخاتم عدلان بحضوره البهي ..وهو يدير النقاشات في بهو الفندق ..الراحل عبدالرحمن عبدالله واخرون .
..مؤتمر مصوع عام الفين ونحن نستقبل وفد الداخل بالهتاف والتصفيق ...كان فيهم الراحلين كدودة ومحمد محجوب ..جاء معهم نقدالله وجوزيف موديستو . ومن لندن جاءت استادة فاطمة احمد تسير على كرسي متحرك ..استاده سعاد ابراهيم احمد .. قفشات ود الناظردكتور منصور يوسف العجب .
والقادة الميدانيين جاءوا ايضا بلباسهم البسيط والانيق
كوماندور باقان
كوماندور الحلو
وكوماندور مالك ..
|
|
 
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: Hussein Mallasi)
|
تاخرت الجلسة الختامية عدة دقائق ..كانت الجلسة لانتخاب رئيس التجمع ..تأخرت الجلسة لان كمرد شيرمان قد طلب تأخير الجلسة حتى يتشرف بحضور انتخاب الرئيس الجديد للتجمع ..
جاء مولانا ضاحكا ..بجانبه جلس رئيس اللجنة التحضيرية للمؤتمر استادي التيجاني الطيب ..جاء الشيرمان وكعادته حيا الجميع برفع قبضة يده ..لتبدأ الجلسة
..الكاميرات ..الات التسجيل
وبدات الجلسة
...
رفع يده الكوماندور نيال دينق نيال وقال
لرئاسة التجمع الوطني الديمقراطي ...ارشح مولانا السيد محمد عثمان الميرغني .
ثناه القائد عبدالعزيز خالد ...
وقف الجميع وصفقوا ...
طلب د.جون الميكرفون وقال
نحن في SPLA لما نشوف حاجة كويس نقول
SPLA ,واييييييي
عشان كده انا بقول محمد عثمان وايييييييييييي
وكررها تلاتة مرات
وقال ارتريا واييييييييييييييييي
مصوع وايييييييييييييييييي
SPLA وايييييييييييييييييييي
سودان جديد واييييييييييييييييي
| |
|
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: salah elamin)
|
عندما شاهد رجل من قبيلة المادي بشرق الاسئوائية
صديقنا ياسر جعفر وهو يقود كتيبة من ابناء قبيلة المادي والاشولي
اندهش وقال :
والله دكتور جون دا زول شاطر شطارة شديد
قدر يقنع المندكورات عشان يخشوا الغابة .
فالنسبة لدلك الشاب السوداني الجنوبي فان المندكورو في داكرته هم
من يقتلون اهله وهم من باعوهم ارقاء في سوق النخاسة .
فان يأتي مندكورو ليحارب معه مندكوروا اخر فهده قمة الشطارة من
د.جون قرنق ….
| |
|
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: Zakaria Joseph)
|
قضيت جزء كبير من طفولتي وصباي بمدينة جوبا حيث كان والدي يعمل
هناك بالتجارة ,,
كان اندادنا من الاطفال الجنوبيين لا يسألوننا من اين انتم
اين بلدكم ؟ من اين قبيلة انت ؟
بل كانوا يجمعونا كلنا في اننا مندكورات
او بنق بنق
لا يهم من الغرب انت
او من الشرق
ام من الوسط
ام من الشمال الادني ام الاقصى
كنا كلنا مندكورات
او بنقبنقات ..
| |
|
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: salah elamin)
|
العزيز صلاح الأمين
كنت أنوي علي سبيل التحية لهذا المؤتمر والمدينة الجميلة فتح بوست عنها
مع الربع الجديد ولكن لا يمنع هذا أن أتنازل لك عن بعض الصور تحية لروح القائد العظيم
جون قرنق دي مبيور ولهذا الحكي الجميل الذي يمس عصب الحياة الكم كدا ما عارف وما خسارة فيك ،
| |
|
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: Zakaria Joseph)
|
| Quote: شطارة جابت المندكورات لمؤتمر جوبا؛ ثم ذهبت بالجنوب للانفصال. |
لا يا سيد ملاسى,
الدخلاء و الوافدين على بلادنا هم اسباب بلاوينا. لو ادرك الوطنين فى جوبا دور البقايا الاستعمارية و الرعاة الوافدين الى بلادنا فى تاجيج الفتنن بين السودانين, فسوف يعيش السودان ليوم اخر معزز و موحد.
| |
|
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: Zakaria Joseph)
|
التحية للقائد جون قرنق
لا اعتقد ان شطارته كانت لتعلق علي حدث كهذا(مؤتمر جوبا ) بمثل ما علق عليها
خلفاءه
Quote:
سؤال برئ اول : البخلى الاحزاب الهزيلة دى تقبل الرشوة شنو ؟؟؟ اذا كان هى عينها على حلحلة مشاكل الوطن ويهمها بالدرجة الاولى ان تضع المصالح العامة للبلد امام مصالحها الضيقة !!!!! اتخيل لى من الحتة دى من الفضيحة انو الناس تنسب فشل المؤتمر لى قصة الرشوة واستلام اموال لانو ده بيزيد زيادة فى غضب الشعب على احزاب المعارضة الهزيلة الملت البلد دى !!!!
واتخيل لى نجاح المؤتمر من فشله مربوط بقدرة الناس القدرو صمدو فى جوبا على تنزيل مقررات المؤتمر على ارض الواقع وايجاد الية سليمة لتعامل هذه الكتلة الجديدة مع الحكومة وضغطها ومحاولة الوصول الى بر الانتخابات القادمة وقيام هذه الانتخابات بصورة نزيهة ..... |
اندهاشي من تعليق ( و استغلال ) النخب السياسية الجنوبية لهذا المؤتمر في توسيع الهوه
بين الجنوبين و الشماليين بمثل ما جاء به مالك عقار و قوبل بأستحسان من قبل اغلب البرلمان
الجنوبي و كأن المؤتمر القصد منه ترسيخ الانفصال و اخذ بصمات الاحزاب الشمالية علي ذلك ==
عندي احساس ان الاحزاب الشمالية قد تم ( تدقيسها ) عن عمد
و د جون قرنق ما كان ليفعل ذلك لشطارتة
تحياتي
| |
|
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: عثمان رضوان)
|
يا صديقي فعلا هي الشاطرة بتاعت الدكتور هي التي اتت بهم
يعني لولا الدكتور كان في واحد استمتع بقسمة كيكة السلطة مع الجبهة
اسمع دي ياابو صلاح. كمرد الطيب موسى هو ممثل منطقة ابقوتة في مجلس تشريعي ولاية الجزيرة
قال لي اول مرتب استلمته من الصراف قلت الله يرحمك يا دكتور جون
يعني زول من الجزيرة الخضراء يدخل المجلس التشريعي بحصة الحركة الشعبية دي بالله عليك ما شطارة من دكتور جون قرنق ديمبيور
نفس الشخص بالمناسبة رشح نفسه ضد النائب الاول في مؤتمر الحركة الاخير بجوبافي منصب رئيس الحركة الشعبية لتحرير السودان
يا اخي دي شطارة عدييل
وسودان جديد ووووووووووي وووووووي
شكرا كمرد صلاح على البوست
| |
|
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: salah elamin)
|
ادكر وانا طفل بجوبا كنت ادهب لاحضار الفول من دكان صغير مبنى من الاخشاب
كانت تلك الانواع من الدكاكين تسمى هناك… كلوب
وكان المحل صاحبه شمالي ..لا ادرى من اين مكان في الشمال
لكنه كان مندكورو على كل حال
اكتشفت مصادفة ان لدلك المندكورو
قدرتين كبيرتيتن يصنع فيهم الفول
قدرة للزبائن الشماليين والاخري للزبائن الجنوبييين
وبنفس السعر
لكن الفول الدي في قدرة الشماليين كان فول نضيف ..ايوه فول درجة اولى
والاخر….فول الجنوبيين كان متسخا .. نعم كان فول مهمشين بحق .
ترسخت تلك الصورة في دهني تماما وانا لا زلت طفلا
لا افقه شيئا في السياسة او غيرها
ولا ادرى لمادا كانت ترد تلك الصورة في دهني للحظات كلما مددت يدي لمصافحة الشهيد د.جون
و كلما قابلته مع اخرون في اسمرا
او كلما جلست اتسامر مع صديق او صديقة من جنوب الوطن
| |
|
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: salah elamin)
|
كانت اول نيفاشا في تاريخ السودان
هو تحالف جبل موية بين قادة الفونج وقادة العبدلاب
اقول ..قادة وانا اعني دلك فقد كان هدا التحالف الدي بمقتضاه
يصبح الفونج هم المكوك والعبدلاب الوزراء
كان تحالفا فوقيا بين الحكام لم يستشار فيه الرعية
اي ان هدا التحالف لم يكن تحالفا جماهيريا بل كان تحالفا سياسيا الغرض منه ايقاف المناوشات بين الفريقين والحفاظ علي سلطة كل الطرفين .
كانت دولة سنار هي المركز وكان ما يعرف الان بالشمال النيلي
هو الهامش .
راجع خطاب ودعدلان الى الجيش الغازي للسودان عام 1821 ...لايغرنكم انتصاركم على الجعليين والشايقية ...فنحن الملوك وهم الرعية .
فكان هدا الاتفاق الكارثة هو الدي نتج عنه الاستعلاء الاسلاعروبي
والدي هو خميرة مشاكل هدا الوطن منذ اتفاق جبل موية والى يوم الناس هدا .
والاغرب ان الكثير من مثقفي الشمال النيلي وحتي اكثرهم ديمقراطية لازال يحتفى بهدا الاتفاق .
| |
|
|
|
|
|
|
|
|
|
Re: شطارة د. جون قرنق جابت المنكورات لمؤتمر جوبا . (Re: salah elamin)
|
نيفاشا التانية
جاءت كاتفاق في غرف مغلقة بين الحركة الشعبية والمؤتمر الوطني فرغم ان العمق الجماهيري كان غائبا في الاتفاق الا ان نيفاشا قرنق وعلى عثمان ساهمت في الايقاف المباشر للحرب في جنوب الوطن وجبال النوبة والانقسنا واعطت الفرصة للجنوبيين قوميين ووحدويين ان يدلوا برأيهم في ان يكون سوادان واحد او سودانيين اتنين
ولعل ما لا يسعد الجلابة ان نيفاشا ثورت الريف
او بمعني سوداني قرنقت الريف اي جعلت الشهيد دكتور جون
وصوته وفكره في اي مكان من ريف السودان
اعطت المهمشين الامل في انه يمكن لهم لو ختوا قرنق في قليهم
ان يصنعوا طريقم لوحدهم .
| |
|
|
|
|
|
|
| |
salah elamin
Hussein Mallasi
Zakaria Joseph
زهير الزناتي
نصرالدين صلاح
عثمان رضوان
فيس بوك
تويتر
انستقرام
يوتيوب
بنتيريست