|
|
 هتروك سودن أوو آجلوا ....!
|
أو ولكو ياق أجلو
اليق أو فإنقا نينتاني
ـــــــــــ
الكلمات أعلاه لشاعر نوبي بسيط يدعي شنان
لم أجد تعبيراً أجمل من ذلك لأكتب وهو وصف حي لحال المكان الذي اعيش فيه الان
فالعذر كله للناطقين بغيرها فقد استهواني المكان علي رغم مافيه من آفات
وعلي رغم مافيه من تهميش وربما تهشيم مقصود .
ربما اعود لأكتب عن هذا الجزء المسني من كوكب الارض المسماة افتراضاً (الولاية الشمالية)
جهورية السودان . اعود لأكتب عن المعاناة عن النيل الذي انحسر وعن الحسرة التي تملأ قلوب
الناس قبل المآقي .
الكوكنكشن سيئ للغاية فأعذروني ان غبت ايها السادة والسيدات .
كما لا يفوتني ايها الناس ان اهنئ الجميع هنا واصدقائي وصديقاتي علي وجه الخصوص بمناسبة عيد الفطر المبارك اعاده الله علينا وعلي الجميع بالخير واليمن والبركات ومعليش جات متأخرة .
البوست سيكون مكرساً لنقل تصاوير من المنطقة النوبية ، صور وحكايات وتفاصيل تستحي منها الملائكة لكنها تمدد هنا كتمدد افاعي السحت علي طول البلاد وعرضها .
ان تأخرت فأعذروني فخدمة النت هنا اندر من اسنان الدجاج .
وشدوا الضراع .
ــــــــــــ
الاخ مدحت (فريقنتود)
لدي صور جميلة عن فريق وجدي وسبو وكجبار
صور حية من شوارع لاتخون
فكن قريباً يا ابن الطريق
ملحوظة : نزار عابدين يهديك التحايا
تحول بقدرة العطالة من خريج يحمل مرتبة الشرف من كلية العلوم جامعة الخرطوم لمزارع بسيط يحمل في يمناه منجلاً وبقيضة اليد اليسري يحمل الارض واحلامها كيفما اتفق .
اعدك بالصور متي عدت للخرطوم
لكم جميعاً القلب قبل التحايا .
|
|
 
|
|
|
|
|
|
|
|
Re: هتروك سودن أوو آجلوا ....! (Re: خضر حسين خليل)
|
إرون خيرو تيقا
ملّــلك سلامج ... دوي دوي
_________
بالله يا خضر اعرج على "عبري كنن" قصاد البحر الآرتي
و اخد لي صورتين تلاتة و شوف لي بيت ابو الشام كيف
حالو و لعل الديوان لسه قايم على حيلو و زير السبيل ملان ولا لأ ...
وكان لقيت طريقة تقبل "لكو" لغاية "جنس" و تحديدا "فنتي اسكليه"
شوف لي بيتنا وحالو و التعريشة صنديدة ولا لحقت صبرنا
و امشي "فنتي تو نوقري" و جيب لي مفتاح بيت جدي ضمان و ذكرى
لو باكر شال السيل الطين، نصبر الطين الذي بطرفنا بشيء ملموس ...
اقامة طيبة و عبئ زكايب الذاكرة، حتحتاج ليها شديد
| |
|
|
|
|
|
|
|
|
|
Re: هتروك سودن أوو آجلوا ....! (Re: عزاز شامي)
|
الاعزاء
ود الصائم
ابارو
عزاز
تحياتي وكل سنة وانتو طيبين
معليش للتأخير (بالمناسبة التأخير هنا ممكن يكون من ساعة الي قيام الساعة) حسب التساهيل
والكونكشن والكاكاو (الدكاي يا ودالصائم)
ـــــ
عزوز
مشيت عبري
وتذكرت الخليل وجيلي حتي كدوده عليه الرحمتات تذكرته
عبري لم تعد كسابق عبري ولا يحزنون
غايتو
الفارق الوحيد بقينا نمشي عبري بالهايسات بدل بصات الاتنين وبرينسات اوشيمتو
وهاك ياترس
سلام
| |
|
|
|
|
|
|
|
|
|
Re: هتروك سودن أوو آجلوا ....! (Re: ابو جهينة)
|
المك ابو جهينة
كل سنة وانت طيب
مشيت قبة يجي خمسين مرة والناس تمام التمام
امورك وبورداب الرياض لعلكم تمام
نحنا نصاح والتقيل قدام يا ابوجهينة
عندي مشكلة كونكشن معذبني عذاب
في صور وكتير حكايات
خليك قريب حتماً حتبل شوقك
| |
|
|
|
|
|
|
|
|
|
Re: هتروك سودن أوو آجلوا ....! (Re: كمال علي الزين)
|
كيمو
ياصاحبي
وينك وكل سنة وانت كمال
الشوق بحر والله
اخوك مرق من السخانة ونقيق الضفادع (والبعوض السل)
غايتو يا كيمو امنت اننا في حوجة ماسة
للتنمية المتوازنة (تنمية بي مسطرينة معلم) عديل
غير دا مافي اي حلل
مشتاقين ياكمال
وتلفوني معاك
| |
|
|
|
|
|
|
|
|
|
Re: هتروك سودن أوو آجلوا ....! (Re: عبدالوهاب علي الحاج)
|
وهبة
ازيك ياصديق
جانا العيد وانت بعيد (ولا أنا ما عارف)
شوق المسافات الطوال ياصاحبي
الخرطوم لسه عجاجها في السماء الاحمر ولا الامور راقت
يازول سيب البنادر وابق مارق للضهاري
منها تنجم ومنها ترتاح شوية
كل سنة وانت وهبة ياخ
| |
|
|
|
|
|
|
|
|
|
Re: هتروك سودن أوو آجلوا ....! (Re: خضر حسين خليل)
|
خضروف تحياتى وأرجو أن تكون مستمتعاَ هنالك وخاصة فى هذا الموسم العجيب ،، كما طلبوا منك قبلى هنا أرجو أن تاخد رجلك إلى نلوتى الجزيرة وقطعاَ ستجد أن ( توبن أووتى ) كما هى فى مكانها السرمدى قصاد بيت ناس أرصد ،، فإن واراها الدميرة فقط جر ليك واحد سلك لسيدى بندق سيأتى برفاصه فى لحظات ،، أمشى صلى ليك ركعتين فى مسجدنا هنالك وستستغرب بأن من سيؤمك هو إبن دفعتك نسيبى كمال أحمد مختار حيث قارب أن يكون شيخاَ كبيرا بعد أن طبق شهادة البكلاريوس فى الهندسة الكيمائية تحت القوسيهات تماماَ مثل صاحبك الذى قابلته المحس الذى فعل نفس الشىء ،، يخالنى يقين فى بعض الأحيان بأن مثل هؤلاء هم من سيجبروننا للرحيل العكسى من الخرطوم للبلد فإن إستطاعوا فإننى أشكرهم جزيل الشكر فإنهم سيعتقوننا من عبودية الإغتراب والخراطيم .
تحياتى الخالصة لجميع أهل مقيدين وموصرة وكل من تقابله فى طريقك أو فى مجالس الشربوت .
ماهر
| |
|
|
|
|
|
|
|
|
|
Re: هتروك سودن أوو آجلوا ....! (Re: mohmmed said ahmed)
|
إبن الخالة خضر
أوو هسونتون سودن آجلو ؟
نحييك على طلتك البهية من أرض الصمود ... بالله عليك فى صمود أكثر من مناكفة الحياة فى المكان اللى انت متواجد فيه اليوم؟
ما عايز أزيد فى قائمة المطالب ... بس عايزين صور من البر والبحر والجو
أها نجي لكلام ماهر
ما تشوف ليك طريقة أقنع كمال احمد مختار, يجي يستخرج شهاداته من الجامعة اللى رفضت تسلمه شهاداته ... يمكن يكونوا رجعوا الى صوابهم.... موش بيقولوا الأرضى جربت الحجر ؟
موصركيقون دوري دوري ويكا أقورمون نوركا ... إر طبعاً إدين ارقدا موصرل آقنم.
لغير الناطقين بها:
موصرة هي العاصمة التجارية السابقة لقرية أبو راقة
| |
|
|
|
|
|
|
| |
خضر حسين خليل
ممدوح أبارو
محمد عبد الماجد الصايم
عبدالوهاب علي الحاج
كمال علي الزين
ابو جهينة
ممدوح عثمان
اسعد صلاح البدري
mohmmed said ahmed
الفاتح شلبي
فيس بوك
تويتر
انستقرام
يوتيوب
بنتيريست