|
إنتو مزمل دا جادي ..؟
|
Quote: ومجلس المريخ لايجيد اساليب اللعب خارج المستطيل الاخضر. * لم تتوقف قسوة الحكم علي المريخ في طرده الباشا فحسب.. بل انه أفقده خدمات دامر والشغيل والدافي بالانذارات في المباراة المقبلة امام كانوبيلارز.
* فوز كانو بيلارز علي المريخ قد يفقد الهلال صدارة المجموعة ويفرض عليه ملاقاة مازمبي المرعب.
* وخسارة المريخ للقاء المقبل واردة في ظل النقص الكبير وتدهور معنويات اللاعبين والجمهور.
* ناهيك عن ان المواعيد المحددة للقاء تصعب مهمة المريخ أصلاً.
*مبروك للهلال... وسننتظر منه تأكيد جدارته بالحصول علي اول لقب قاري في تاريخه.
* فهل ينجح في مبتغاه؟ |
والله فعلا الغلـــب حــار .. والله الزول دا كان يوم الليلة دا عمل فيها عيـان . وتم باقي يومو دا نوم .. كان اخير ليهو من التهريج البيعمل فوقو دا .. ياخ هم ناس ترشو تلالالالاتة كدا عينك يا تاجر .. يجي يتمها تحكيم .. وجيبو ليكم كاس .. وهل ينجح في مبتغـاهـ..؟
|
|
|
|
|
|
|
|
Re: إنتو مزمل دا جادي ..؟ (Re: tmbis)
|
والله أنـا لو كنت في مكانك .. كان مشيت شفت لي طريقـة شكوى طوااالي .. إن شاء الله اشتكي في التـلاتة أقوان دي ..
المريخ يشتكي الهــلال .. طاعنـا في ثلاثيته .. ليلة امس .. ويقول كان تدونا ليها تالت يوم في العيد ..
| |
|
|
|
|
|
|
Re: إنتو مزمل دا جادي ..؟ (Re: طلحة عبدالله)
|
Quote: الحقيقة انو المريخ خسر بسبب ضعفه وقوة الهلال وليس بسبب أي عوامل أو مؤثرات أخري . |
الحمد لله الذي قيد شواطينك في رمضان يا طلحة عشان ترجع لي عقلك ورشدك وتكون طلحة بتاع زمان
| |
|
|
|
|
|
|
Re: إنتو مزمل دا جادي ..؟ (Re: Fadl Karrar)
|
Quote: عشان ترجع لي عقلك ورشدك وتكون طلحة بتاع زمان |
يا فضـل .. تعرف في ناس كدا الصدمـة الارتدادية .. أو العكسية .. بتعمل ليهم تصحيح .. وبترجعم لي الوضع الطبيعي اهـا طلحـة دا بي مسكنتو دي .. الاقوان التلاتة دي عملت ليهو خلل شوية كدا ح ياخد ليهو تلاتـة ايام وبيكون كويس والله يا طلحـة بقيت مكشوف .. ياخ اعلـن هلاليتك وتعال قدم فروض الطاعـة .. وادفع الجزية ..
| |
|
|
|
|
|
|
Re: إنتو مزمل دا جادي ..؟ (Re: طلحة عبدالله)
|
Quote: رمضان كريم يا تامبا الحقيقة انو المريخ خسر بسبب ضعفه وقوة الهلال وليس بسبب أي عوامل أو مؤثرات أخري . |
الله اكرم يا طلحـة .. بالمناسبة .. انا بصفتي دكتور اليومين دي .. مديك راحـة لمدة تــلاتة أيام .. امشي ارتاح ابوي .. رمضان دخل في العضم .. والرش بتاع امس دا طلع في الراس .. ما ترهق نفسك معانا الايامات دي .. لانو دي مواسم احتفالات قومية ووطنية وكدا ريح نفسك على الآخــر .. بالتلاتة دي
| |
|
|
|
|
|
|
Re: إنتو مزمل دا جادي ..؟ (Re: tmbis)
|
غايتو بختكم يا ناس هارون .. ووليد الفت .. وأميرة الشيخ وطلحـة المسكين والعم همزاوي .. وصديق المووج ومن لف لفكم .. بختكم مبيضه ليم في قفص .. مزمل .. اداكم البنج المرة دي .. شمــم .. يعني الواحد فيكم يشيل علبتو .. ويشمها .. ويعد لحدت تــلاتة .. أنا خايف بعد التــلاتة زاتو البنج يفك ..
قالو مزمل ابو القاسم ,.. حب يجرب البنج في نفسو .. وقف قدام المرايـا وبخ تلاتة بخـات .. وعد من واحد لحدت تلاتــة .. بعد التلاتة عدات البنج فكــه .. قعد يكورك ايفوسـا .. ماسورا .. وارقــو .. ماسورة .. مازدا .. ماسورة الكلام دا قدام المراية طبعا
| |
|
|
|
|
|
|
Re: إنتو مزمل دا جادي ..؟ (Re: tmbis)
|
Quote: إنتو مزمل دا جادي ..؟ |
إنت يا تمبس .. العنوان ده ما غريييييييب على !! يا رب شفتو وين ؟؟ إنت يا تمبس بقيت تهكر عناوين الناس التانيين ولا شنو ..؟؟ يا ربي شفتو وين ؟؟ وين ؟ وين ؟؟ آآآآآه اتذكرت !! ياخي تشابهت عليا العناوين عديل كده !! داكـ عنوان تاني كان اسمو ( انتو المريخ دا جادي؟ )
| |
|
|
|
|
|
|
Re: إنتو مزمل دا جادي ..؟ (Re: عمران حسن صالح)
|
Quote: * ومجلس المريخ لايجيد اساليب اللعب خارج المستطيل الاخضر.
|
والله يا تمبس من قبيل بزازي بي الجمله دي وفكرت افتح بوست بي اسمك وكيكي عشان تشرحوا لينا التناقض الغريب في كتابات المخدر دا !! انت كيف كصحفي بتسعي لكشف ومحاربه الفساد في الهلال والاتحاد العام والاتحاد الافريقي وفي نفس الوقت تلوم ادارة فريقك علي عدم رشوه الحكام والتعامل بالفساد . يعني تحارب في الفساد بي هناك وتنصح بيهو ادارتك هنا !! قمة التناقض
| |
|
|
|
|
|
|
Re: إنتو مزمل دا جادي ..؟ (Re: Maawya Hussein)
|
Quote: * كما ان الباشا قصد الاحتجاج علي القرار وليس الاعتداء علي سادومبا
|
شوف التبرير !!اول حاجه الاعتداء علي عمر بخيت وليس سادومبا وبعدين الاعتراض علي الحكم وقذف الكره ولو علي الارض فيها كرت احمر خليك من وش لاعب ..وبي تعمد
| |
|
|
|
|
|
|
Re: إنتو مزمل دا جادي ..؟ (Re: Maawya Hussein)
|
Quote: علي عمر بخيت وليس سادومبا وبعدين الاعتراض علي الحكم |
يا معاوية .. بالمناسبة الزوول دا من امس مغبي .. يعني ما شايف كويس .. الزول دا جاي يكتب علشان يخدر المريخـاب زي كل مرة .. تخدير .. تخدير .. تخدير .. مسكين والله مزمل .. حالتو تخـدر
| |
|
|
|
|
|
|
Re: إنتو مزمل دا جادي ..؟ (Re: فيصل نوبي)
|
Quote: سلام يا علاء الذ حاجة المريخ مغلوب واحد صفر صاحبكـ قام رسل لي رسالة مفادها ( فتحنا ليكم يا حمام يا ميت ) لكن ربكـ ما كريم جابو قون الدرون بالله سجدو تقول صلاة مودع |
.. طبعا يا نوبي صاحبك دا .. قلبو محدثو من أول وقال اخير يبادر قبلما الصواريخ تصل ليهو .. تعرف الرسالة دي جاتني بالنص .. يكون رسله ليك ولي ود الصايم ولي في وكت واحد .. يعني تفتكر انو اكون قلت ليهو .. شكرا لي فتحانكم .. وحيات ابتسامتك اديتو ليك من الصواريخ المعتمدة لمن عرف حاجة ..
Quote: الكلام ده معناهو شنو ؟ |
دا معناتو يا نوبي زيادة الجرعـة .. مخدر ابوالقاسم .. متعود بعد كل مباراة يفشل فيها المريخ .. يزيد الجرعـة .. ليعمل على تغبيش الحقيقة ويتبعه من هم على شاكلته .. هناك اشياء محددة يجب اتباعها في حالتي النصر والهزيمة وهم صنوان .. عند الهزمية المحاسبة الفورية .. ومعرفة اماكن القصور والخلل .. وعند النصر .. العمل على نصر اكبر لنيل عتبة أعلى وهذا مع التحفيز المناسب.,, لكن عند مخدر ابو القاسم الخبر اليقين حالتي النصر والهزيمة .. فعند النصر يهرع للمقارنة بنده الهلال العظيم .. ويحدثنا عن خيول مجنحـة واحلام سرمدية .. ويحدثنا تارة عن المقصورة والنجيل الصناعي .. وعند الهزيمة والانكسار .. يجري يفتش عن طريقة الشكوى وما ادراك ما تحكيم .. ويلقى ليهو طريقة يدخل بيها الهلال من غير سبب .. وكالعادة ايضا يتبعه الشعراء الذين يجيدون المدح له .. وبذلك يستمر الحال وتطغي لغة التخدير على الحقائق وتبقى امر مثبت لا يقبل المريخاب النقاش فيه لطالما انه يخدم لهم غرض الضرب في المليان الهلالي .. وتجاوز مرارات الهزيمة التي فلسفها لهم مخدر ابو القاسم بأنها من سابع المستحيلات .. والنتيجة الحتمية هاهو المريخ .. يمرمط بالأرض .. ويحصبه جمهوره بالحجارة .. ويترجم بالتلاتة مع الرحمـة ..
Quote: يشهد ربي انا أمس ما شفت كلتشي ده الا وهو مارق يبدل العجب .. هو كان وين ؟ كلو كوم و شايف مزمز قال كان عندو فرصة يجيب قون .. متين ووين الكلام ده ؟ الزول ده شغال يخدر في جمهوره لامن هو زاتو إتخدر |
.. غايتو يا فيصل لو رجعته لي وراء شوية ح تلقى انو مزمل دا كان بيكتب شعر عديل في كلتشي ومن المعاجم الخاصة حقتو .. وهو ما عارف نفسيات اللعيبة المحترفين دي بتكون عامله كيف .. في اوكات محددة .. كدي خليك من كلتشي .. وارغووو دا والله مزمل من شدة ما كتب فوقو انا افتكرتو خمره ومزمل دا مش مخدر .. مالك عديل كدا .. طيب يا مخدراتي إنت .. طالما بتكتب شعر .. وبتمدح لعيبة وبتنفخ بالونات وبتكسر تلج .. ياخ وارغوو دا ما تدينا ليهو بيت بيتين .. زول مسجلنو بي ميزانية صندوق النقد الدولي .. وفشل افريقيا .. كما فشل محليـا .. ما كمان يا اما تعمل ليهو تمثال يا إما نعمل ليهو هو تمثال .. اصحووو .. يا بتاعين المريخ من المخدر دا .. شوفو ليكم طريقة بندول يا موية ملح يا خلووو واحد يقرصكم .. الجاي عليكم وراء تقيل والله .. زولكم دا يا يفك درب الهلال الما عندو ليهو رقبة دا .. يا كمان يفك دربكم .. لانو وجع قلبكم بي البنج دا .. النوعية الجديدة دي قوية عليكم ..
| |
|
|
|
|
|
|
Re: إنتو مزمل دا جادي ..؟ (Re: Maawya Hussein)
|
Quote: وفكرت افتح بوست بي اسمك وكيكي عشان تشرحوا لينا التناقض الغريب في كتابات المخدر دا !! |
.. والله يا معاوية انا همي كلو كان .. العمود حق صاحبك دا .. عارفو ح يكون تحفـة .. والجرعـة بتاعت المخدر تقيلة .. كنت متمني كيكي .. يقطعـه ليهو في راسـو .. ويعمل ليهو نظام رفع مساحي .. لكن اهو زي ما شايف .. شغال تخدير لسـة .. حسع يكون هو زاتو مخــدر
| |
|
|
|
|
|
|
Re: إنتو مزمل دا جادي ..؟ (Re: عمران حسن صالح)
|
هلا يا فضل كرار كل سنة وانت طيب ياخ والاهل والاولاد طلحة بتاع زمان قاعد والله العظيم لكن بس في المنبر دا بكون طلحة بتاع صاحبك تامبا وود البشري والصايم وعم وهبة وهلم رجرجة ( ضع الوش المناسب) _________ تامبا يا مسكين مسكنة السواد واللواد الظاهر على احرجتك بي ردي الفوق دا واللي أظنو نزل قبيل كلامك بتاع (مزمل خدرنا) بلحيظات .
| |
|
|
|
|
|
|
Re: إنتو مزمل دا جادي ..؟ (Re: حيدر حسن ميرغني)
|
Quote: مزَمزق ده حارقو الغلب ياتمبس وفيها شنو لو ما جبنا الكأس ؟ |
لا يا حيدر إنت ما ناقش مخدر ابو القاسم دا بيفكر كيف ؟؟ طبعا مخدر ابو القاسم .. بيقوم يجرب زي ما قلت ليك العينات قدام المراية .. لو لقاها (دشـة) نضيفه .. بيقوم يلفها بالصدى ويوزعـه في العمود .. يللا بعداك يجو الجماعة يستلمو .. يعني بي صراحـة كدا .. لاحظ معاي .. من بداية الرش والخوف من الرش .. ظهرت الشكوى والسيناريوهات حقت الشكوى .. والحليفة .. والـ DHL والغريبة تلقى المساكين المخدرين داخلين ليك الحلقة .. ورطت ال DHL و الأتحـاد العـام والهـلال وأبوبكـر مصطفي ... - كفايـة حراااااام وتستمر الاسطوانة دي سنوات عدة .. والمريخ مرشوش .. يفك ناس الـ DHL يطلبع ليك بي وهمـة سادومبا رجلو اليمين تكالة ، امبيلي لقوهو صايق ليهو بطـة .. إلخ .. يعني بي صراحـة كدا يا حيدر .. الزول دا الغلب مسخن معاهو سخانة شديدة .. والمخدر بتاعو دا .. قال اخير يستعملو كدا دا من غير تجربة ماف وكت .. يللا المرحلة الجاية .. دي الاسطوانة .. والظاهر لي وإن شاء الله لما يشوف هيثم سيدا في المقصورة طالع للكاس .. اراهنك ح يقوليهو .. والله ولا بتقدر ترفع الكاس دا لانو الصيام هد حيلك
| |
|
|
|
|
|
|
Re: إنتو مزمل دا جادي ..؟ (Re: الامين عباس احمد)
|
Quote: هههه والله حالة تبكي .. خلاص نسوا الزعيم وبقي المرعب مازمبي ؟؟!!! دا زول ربنا يشفيهو |
والله يا الامين .. الزول دا كل مرة بيدخ نفسو في حتات ضيقة .. مازيمبي دا اترشه امس رش المريخ . اتنين مع الرافـة برضو .. اها النشوف بعداك في منو ..؟ أنا خايف بي تخديرو دا .. يقوم يدخل لينـا الأهلي القاهري المنافسة من أول وجديد .. بيعمله كان لقى انها بتأخر الهلال ..
| |
|
|
|
|
|
|
Re: إنتو مزمل دا جادي ..؟ (Re: طلحة عبدالله)
|
Quote: تامبا يا مسكين مسكنة السواد واللواد الظاهر على احرجتك بي ردي الفوق دا واللي أظنو نزل قبيل كلامك بتاع (مزمل خدرنا) بلحيظات |
لحيظات شنو يا مسكين ؟؟ ياخ قلت ليك إنت تـلاتة أيام ح تكون في ذمتنــا .. تلغلغ تلاتة ايام لسانك تقيل من البنج البخـاخ دا يللا البنج يفك .. تنتقل لي مرحلـة البكــا .. يعني بعد ما البنج يفك بي لحيظات .. تقعد تبكي يا مسكين
| |
|
|
|
|
|
|
Re: إنتو مزمل دا جادي ..؟ (Re: عمران حسن صالح)
|
تمبسيا حبيب
اول حاجة مبروك الفوز الذي أعاد الامور الي نصابها ووضع كل ذي مقام في مقامه
ثانيا: يتخيل لي انك انت الوحيد القريت عمود مزمل الليلة
لانو المريخاب بطنهم طمت وهو ذاتو مابيكون قرا عمودو
| |
|
|
|
|
|
|
Re: إنتو مزمل دا جادي ..؟ (Re: عمران حسن صالح)
|
Quote: الناس التانيين ولا شنو ..؟؟ |
يا عمران عناوين الناس التانيين شنو عليك الله ..؟ كدي اتحداهو لمدة تلات ايام يجي داخـل البورد دا هههههه.. تخيل صاحبك سيد البوست بتاع المريخ جادي دا .. امس مع القون الأول رسل لي رسالة قال لي فاتحين ليكم .. اديتو الفيها النصيب .. بعد التاني والتالت .. اخد ليهو صنـة وعمل مجنون .. قام الظاهر لي حسه بيها قام اتصل علي .. قال لي الكورة كم كم حسع دي ..؟؟ قلت ليهو الكورة تلاتـة ظوطات لي واحد .. قال لي .. لي منـو .. قلت ليهو لي العصمة الكاملين قال لي والله انا ما حاضره انا في الصناعية عربيتي فيها صيانـة .. قال لي لكـن والله الليلة قاعد اشجع في الهـلال كنته .. .. والله حنني مسافـة كدا لمن قعدته ابكي .. تررر دموعي جـــرن .. عليك الله شوف ليك زي دجـال زي دا ..؟؟! مخــدر ابو القاسم يشبكك مبروك وإن شاء الله تجيبو الكاس .. واساسي يقوليك والله كنت بشجع فيكم .. إنت الناس ديل قايلين ما عندنـا حديده واللا شنــو ..؟
| |
|
|
|
|
|
|
Re: إنتو مزمل دا جادي ..؟ (Re: tmbis)
|
Quote: فوز كانو بيلارز علي المريخ قد يفقد الهلال صدارة المجموعة ويفرض عليه ملاقاة مازمبي المرعب.
* وخسارة المريخ للقاء المقبل واردة في ظل النقص الكبير وتدهور معنويات اللاعبين والجمهور.
|
دا كلام صحفي محترف!
| |
|
|
|
|
|
|
Re: إنتو مزمل دا جادي ..؟ (Re: مزمل خيرى)
|
تمبس مبروك : انتصار الهلال الصعود لمربع الذهب هزيمة المريخ و الطيران فضائح مزمز فى الكتابات وبيع الوهم نقطة البوليس و نقطه سطر جديد قون ديمبا صاروخ عمر بخيت راجمات ايفوسا المازدا 3x7
تانى شنو ؟
| |
|
|
|
|
|
|
Re: إنتو مزمل دا جادي ..؟ (Re: tmbis)
|
الجدية الجد جد حقت الهلال والهلالاب كان عندهم 7 نقاط ويتحدثون بحذر عن التأهل أنا أول التصنيف فطوالي مخدر وبي نقطتين بس ويتحدثوا عن التأهل الغريبة صلاح إدريس ينصح جمال الوالي ما نفع إعلام الهلال ينصح في المريخاب ويكابرو حقيقي مستجد النعمة حالتو صعبة وأهم شئ بياض النوايا
| |
|
|
|
|
|
|
Re: إنتو مزمل دا جادي ..؟ (Re: tmbis)
|
Quote: انا بصفتي دكتور اليومين دي .. مديك راحـة لمدة تــلاتة أيام |
راحة شنو يا عمك رش من طرف .. مرسل لك من طرفنا تلاتة كراتين بنج ..رش بالوريد خلي الجماعة في احلامهم الوردية
انا طبعا ما عندي ادنى شك انو المزمل ابو القاسم ده هو داء المريخ الحقيقي..
| |
|
|
|
|
|
|
Re: إنتو مزمل دا جادي ..؟ (Re: Alfarwq)
|
توقعاتكم لعمود صحاف المريريخ مزمل ابوالقاسم مبروك ياتمبس
Quote: رمضان كريم يا فاروق المانشيت الاول الحكم يغتال المريخ ...شوهد الحكم الجنوب أفريقي برفقة صلاح أدريس بالهلتون 2 - المدرب العالمي سكولاري يدرب المريخ وجمال الوالي يدرس تصميمات الطابق الرابع للمريخ!! 3- الباشا يتأمر علي المريخ وقد شاهده حو وصة قبل المبارة برفقة هيثم مصطفي!! 4- لاعب هلالي مخضرم ضبط وهو يتعاطي المنشطات!! 5- نحن قوم لايبطرنا نصر ولاتكسرنا هزيمة!! وأرفع رأسك أنت صفوة!! 6- وارغو يفوز بجائزة الصدي كنجم لمبارة القمة !! 7- 7- قرن شطة مسؤول عن إختفاء بطاقة أنزار علاء الدين الثانية!! 8- جمال الوالي أداري القرن وشاخورة وحجوج وأبو العائلة لم يتمتعوا بعشر قدراته!! 8 - الدوري العام أحمر والمريخ يبدأ أستعدادته لأستعادة سيكافا!! 9- إيفوسا أكبر مقلب وأمبيلي أكبر ماسورة!! 10- مازيمبي يستعد لإلتهام الوصيف !! |
كمال
| |
|
|
|
|
|
|
Re: إنتو مزمل دا جادي ..؟ (Re: abdalla osman)
|
Quote: والله فعلا الغلـــب حــار .. والله الزول دا كان يوم الليلة دا عمل فيها عيـان . وتم باقي يومو دا نوم .. كان اخير ليهو من التهريج البيعمل فوقو دا .. ياخ هم ناس ترشو تلالالالاتة كدا عينك يا تاجر .. يجي يتمها تحكيم .. وجيبو ليكم كاس .. وهل ينجح في مبتغـاهـ..؟ |
انتو ياتمبس مزمل كان عاجبكم وبتجروا جري للعموده مانعطيكم لي اعارة حتى تاخذ ليكم كاس خارجي زي ماقال (اعــاره فقــط ) عليكم الله دا حبينا
هسع انا من الصباح كايس لي عموده مالاقيـه قلت اكيد واحد هلالابي يعطيني الرابط والحمدلله
كمل كمل يامزمل
ابومصطفى
| |
|
|
|
|
|
|
Re: إنتو مزمل دا جادي ..؟ (Re: keiga2000)
|
والله يا كنغ الهلالاب ديل زول غبرهم بكمل الصدى مافى والله العظيم اليوم جريده واحده مافى من عدد الصدى والله العظيم مشيت مغر الجريده طبعا انا مريخابى قامو ادونى نسخه وقالو لى اقراها ورجعها لانها محجوزه
سالتهم الحاجزه منو قالو: ((صلاح ادريس شفتا جنس المصايب دى))
| |
|
|
|
|
|
|
Re: إنتو مزمل دا جادي ..؟ (Re: Alfarwq)
|
Quote: : فوز كانو بيلارز علي المريخ قد يفقد الهلال صدارة المجموعة ويفرض عليه ملاقاة مازمبي المرعب.
* وخسارة المريخ للقاء المقبل واردة في ظل النقص الكبير وتدهور معنويات اللاعبين والجمهور. |
قال دا كلام صحفي محترف قال! ؟؟ يعني خسارة المريخ ما كانت واردة في ظل الإكتمال والمعنويات العالية المخدرة ومازدا ؟؟
تمبس لينا زمن كيفك يا رائع
| |
|
|
|
|
|
|
Re: إنتو مزمل دا جادي ..؟ (Re: عاطف عبدالله)
|
عمود مزمل اليوم:
خسر المريخ وغادر ربع النهائي مبكراً وتذيل مجموعته لانه لم يحترم منطق المنافسة وفرط في نقاط عزيزة في ملعبه بالتعادل مع الهلال والخسارة امام زيسكو قبل ان يختم مسيرته بخسارة قاسية امام نده بثلاثية موجعة
* أهدر المريخ شوطاً كاملا في لقاء الأمس بأداء رتيب أمام فريق يمتلك مدربا يعرف قدرات لاعبيه جيداً ويدرك مطلبه الواقعي من المباراة بدليل انه لعب بمهاجم واحد وركز علي امتلاك منطقة المناورة بستة لاعبين
* قسوة الحكم علي المريخ لن تمنعنا بالاعتراف بأفضلية الهلال في المباراة وجدارة فوزه بالنتيجة علي الرغم من تحفظنا علي اداء الحكم الذي قسا علي المريخ وأثر مردوده حتي بعد ان استيقظ متأخراً ونجح في ادراك التعادل بهدف قلق.
* ولو نجح كليتشي في تسجيل الفرصة الذهبية التي سنحت له عقب هدف قلق لاختلفت المحصلة بالتأكيد
*وعدم تأهل المريخ للنهائي لن يعمي عيوننا عن النتائج الجيدة التي حققها في الادوارالأولي عندما نجح في التاهل الي ربع النهائي بلا هزيمة
* لكن مسيرته في دور المجموعات شهدت تعثراً كبيراً عقب تفريطه في المدرب الذي قاده للتأهل بلا هزيمة.
*انتهي مشوار وابتدأ آخر وكرة القدم لاتعرف الدوام علي حال
آخر الحقائق
* مطلوب من كل اهل المريخ الالتفاف حول ناديهم.. ومؤازرته في وقت الشدة
*الهياج وتبادل الاتهامات والاساءة للاعبين والجهاز الفني ستفاقم الوضع سوءاً
* الحالة التي طرد فيها الحكم الجنوب افريقي دامون جيرومي الباشا لا تستحق الطرد
*الكرة لم تكن مخالفة في الاصل.
* لعب مدافع المريخ علي الكرة و حصل عليها دون ان يعيق لاعب الهلال.
* كما ان الباشا قصد الاحتجاج علي القرار وليس الاعتداء علي سادومبا
* كل الحالات المشكوك فيها احتسبت لصالح الهلال.
* مرة أخري نقول ان مباريات دوري الأبطال لا تلعب داخل الملعب وحده.
* ومجلس المريخ لايجيد اساليب اللعب خارج المستطيل الاخضر.
* لم تتوقف قسوة الحكم علي المريخ في طرده الباشا فحسب.. بل انه أفقده خدمات دامر والشغيل والدافي بالانذارات في المباراة المقبلة امام كانوبيلارز.
* فوز كانو بيلارز علي المريخ قد يفقد الهلال صدارة المجموعة ويفرض عليه ملاقاة مازمبي المرعب.
* وخسارة المريخ للقاء المقبل واردة في ظل النقص الكبير وتدهور معنويات اللاعبين والجمهور.
* ناهيك عن ان المواعيد المحددة للقاء تصعب مهمة المريخ أصلاً.
*مبروك للهلال... وسننتظر منه تأكيد جدارته بالحصول علي اول لقب قاري في تاريخه.
* فهل ينجح في مبتغاه؟
| |
|
|
|
|
|
|
Re: إنتو مزمل دا جادي ..؟ (Re: كمال عباس)
|
قبل ان يجف قلم الصحفي مزمل ابو القاسم اصبح فريق مازيمبي المرشح الاول للخروج من دوري المجموعات بعد خسارته قبل قليل من هارتلاند النيجيري ..فالخساره القادمه للفريق من النجم الساحلي تعني خروجه من دوري الـ8 وصعود النجم الساحلي مع فريق هاتلاند النيجيري والذي ضمن الصعود اليوم ..
| |
|
|
|
|
|
|
Re: إنتو مزمل دا جادي ..؟ (Re: كمال عباس)
|
ايها التنابسة(من تمبس) و الرشاشات انا قلت للكوتش قبل شوية ياخي عنتر كتلو واحد اعمي !!
و ارجع اقول ليهو فريق القرن (الأهلي)أخرجه من الأدوار الأولى اعمى آخر لا يتعدي عمره العشرين واقول اليهو برضو:
على العموم اهي دي الحياة يغرق البعرف يعوم و يرسب الحاضن الكتاب و ينجح الطووول السنة عداها نوم احلى الطيور مقفولة في اقفاص حديد و الحرة طايرة بلا شروط: غربان وبوم
و قلت ليهو:
مبروك عليكم وربنا يقدمكم قدام عشان تتخارجو من عقدة الصفر الدولي
اها قصرت معاكم؟ حبيبكم ود الشيخ
| |
|
|
|
|
|
|
Re: إنتو مزمل دا جادي ..؟ (Re: Haytham Abdulaziz)
|
علاء مبروك للهلال
اخر الاخبار قالو مزمل عندو شكوى غريبة للكاف للكااف قانون لا يسمح بتمرير اى باص ل لاعب لك معه صلة رحم او قرابة ودى مادى غير مستخدمة زى مادة الاعارة التى استفاد منها الهلال
#الشكوى فى هدف عمر بخيت لان الباص من نسيبه هيثم مصطفى
عن الاخوان الذين يتحدثون عن خطورة مازمبى انا من راى مازمبى اخف قدرا من الفرق النيجيرية النيجيرين شرسين وسط جمهورهم
مازمبى سيلتهم النجم الساحلى لانه ضعيف ويعانى كثيرا لكن حتى مازمبى عنده مشكلة واضحة فى الدفاع,,وهو فريق عادى انا بقول,,,الهلال قادر ان يهزم زيسكو ويتصدر المجموعة وخلى كانو بالزر يطبك لهم الحنة,,اصلهم دا حالهم
اخيرا مزمل كاتب لا علاقة له بالصحافة الرياضية دا شخص مشجع فقط يكتب على الورق
انا على حسب احساسى على رغم انف مزمل الهلال بطل افريقيا هذا العام لانه فريق جاهز بكل المقايسس
| |
|
|
|
|
|
|
Re: إنتو مزمل دا جادي ..؟ (Re: مجدي عبدالرحيم فضل)
|
Quote: ياخ قلت ليك إنت تـلاتة أيام ح تكون في ذمتنــا .. تلغلغ تلاتة ايام لسانك تقيل من البنج البخـاخ دا يللا البنج يفك .. تنتقل لي مرحلـة البكــا .. يعني بعد ما البنج يفك بي لحيظات .. تقعد تبكي يا مسكين |
ههههههههههههههههههههههههههههههههههههههه
يا تمبس بلاي طلحة دا ...بعد ما يفك البنج ويعدي مرحلة البكاء...أدوه قون عمر بخيت...عنداللزوم...
وبالمرة منها تتأكدو من سلامة نظرو...
شووووووووووووووووو...عاد هي ما كشحة البرنس وزاغ...
| |
|
|
|
|
|
|
Re: إنتو مزمل دا جادي ..؟ (Re: مجدي عبدالرحيم فضل)
|
حاجه تحير فريق يتغلب الناس تشيلها لصحفي!!!!!
مزمل ده صحفي ما مدرب ولا رئيس نادي بيشجع فريقو زيو وزي اي صحفي و بطبل زيو وزي اي صحفي و بيسعي للكسب المادي زيو وزي اي صحفي و بيهاتر زيو وزي اي صحفي بس هو حامض شوية.....
| |
|
|
|
|
|
|
Re: إنتو مزمل دا جادي ..؟ (Re: أحمد ابراهيم عثمان)
|
Quote: حاجه تحير فريق يتغلب الناس تشيلها لصحفي!!!!! |
.. يللا يا جماعة عندكم نموذج خطير جدا .. اخوكم دا (دايخ) من أول امس بالليل .. ... يكون بعد الكورة ما انتهت جرى فتش ليهو عدد قديم للصدى نام بيهو .. والله معليش يا احمد ابراهيم .. اتضطريت ارد عليك من تحت خالص .. حالتك تحنن .. الواحد تاني يجي داخل ليك البوست دا وبصلتو في ايدو .. يا (تشم) .. يا كمان تدينا من حاجات مزمل النضيفه دي ..
| |
|
|
|
|
|
|
Re: إنتو مزمل دا جادي ..؟ (Re: tmbis)
|
ان ما مريخابي انا موردابي و كمان لي كم موسم كده عندي ميل قلبي بسيــ البلدــــد بس مزمل ده انا شايف الناس عصرت عليه شويه رغم انو صحفي رياضي سوداني عاااادي
مبروك ال700 الف دولار و عقبال الكاس
| |
|
|
|
|
|
|
Re: إنتو مزمل دا جادي ..؟ (Re: أحمد ابراهيم عثمان)
|
Quote: ان ما مريخابي انا موردابي و كمان لي كم موسم كده عندي ميل قلبي بسيــ البلدــــد بس مزمل ده انا شايف الناس عصرت عليه شويه رغم انو صحفي رياضي سوداني عاااادي |
اهــا انت كنت قاصد الجمعة الجاية ..؟
غايتو واحد في الاتنين بي كلامك الفوقاني دا .. احتمال تكون شربت العلبة كلها بتاعت البنج دي .. ياخ مزمل قاليك ,.. شربه تلاتـــة مرات في اليوم .. تقوم ترقد بي العلبه كلهـا اشرب وخلي لي اخوانك معاك .. يعني مزمل دا يتقطع ليكم ؟؟
| |
|
|
|
|
|
|
Re: إنتو مزمل دا جادي ..؟ (Re: أحمد ابراهيم عثمان)
|
يا احمد مافي زول هنا حمل مزمل مسؤوليه هزيمه المريخ من الهلال لانها طبيعيه جدا ,,وهزيمه المريخ البتحمل مسؤليتا كامبوس وديمبا وعمر وايفوسا وبقيه العقد الفريد ..
البوست دا بناقش تناقضان صحفي محترف ظل يتربص بالهلال في كل صغيره وكبيره ومن حقنا نحن نرد ليهو الدين ..
اقرا العمود دا تاني شوف الزول دا ناقض نفسو في كم حته وفي نفس العمود !!
1-قال ليهم ننسي الماضي ونبدا من جديد في بدايه العمود وفي نهاية العمود قال ليهم كورتكم الجايه انتو خسرانييين 2- حمل اللاعبين مسؤليه الطرد المتكرر والانزارات في اخر المباريات وبعد سطر حمل الحكام اسباب طرد العيبه 3- اتهم اداره المريخ اتهام صريح بشراء الحكام خارج الملعب (ولكنها لاتجيد ذلك) يعني لبس فيهم تهمتين بدل واحده 4- تخيل صحفي يكتب ليل نهار عن الفساد ومحاربه الفساد ويتهم مجلسه بعدم اجادة الفساد 5- حذر من استفزاز اعلام الهلال لجمهور المريخ وهو الذي يستفز جمهور الهلال في كل عمود 6-قال بالواضح علي المريخ خسارة مباراته القادمه واهداء الصداره لكانو لكي يلاقي الهلال مازمبي الخطير (ويطير)
| |
|
|
|
|
|
|
Re: إنتو مزمل دا جادي ..؟ (Re: أحمد ابراهيم عثمان)
|
يا تامبا .. ياخي الزول دا أكبر أخصائي تخدير في البلد .. عنده شنو تاني يكتبه أو يقولو .. خليهو أول حاجة يبلع كلامه القاله عن الإعارة والتزوير والدي إتش إلـ وشراء الحكام .. والشكاوي القال ح يكسبوها .. ظن مزمل أبوالقاسم بأنه الوحيد الفاهم وأن المريخ سيلعب في الميدان وخارجه .. ولكنه واهم صور لنفسه بما لا يملك وخدع حتى نفسه .. فالينوم المريخاب على عسل مزمل وينتظروا فريق الدريم تيم يلعب لهم على صفحات الصدى وعمود كبد الإبل ..
خليهو يجي تاني بدري ..
| |
|
|
|
|
|
|
Re: إنتو مزمل دا جادي ..؟ (Re: tmbis)
|
تمبس إزيك
Quote: مبروك للهلال... وسننتظر منه تأكيد جدارته بالحصول علي اول لقب قاري في تاريخه. |
إنتا بس ركِّز على دى وأنسى مزمل
ركز شديد
| |
|
|
|
|
|
|
Re: إنتو مزمل دا جادي ..؟ (Re: walid taha)
|
Quote: إنتا بس ركِّز على دى وأنسى مزمل ركز شديد |
.. ياخ قول مبروك يا وليد .. اصلها تلاتة شنو الواجعاكم دي ..؟ خليك من تركيزي انت .. إنتو كدي اطلعو منها واقعدوا هناااك .. بررره .. نجيب كاس ما نجيب دي حاجة حقتنا إنتو الجبتو الكاسات اهو طلعتو بي نقطتين وتلاتة صواريخ عامله ليكم نفسيات .. إنتو مش مشيتو الشارع ..؟ اوووعه تقول لي عندنا امل .. لانو كان قلت لي عندنـا أمل .. بقول ليك الأمل عطيرة ..؟
| |
|
|
|
|
|
|
Re: إنتو مزمل دا جادي ..؟ (Re: tmbis)
|
قلت لي يا تمبس صاحبك احمد دا ..شجع 3 فرق في ظرف 3 يوم حكمتو بالغه لكن
الجمعه مريخابي ..السبت مو,ردابي ..الاحد قلب وش عدييييييييييل كدا شكلو يوم الجمعه بالليل مشي نادي الهلال مع الجماعه قالوا ليهو الا تغسل مريختك دي في نادي تاني وتعال لينا نضيف
________
بيت المال ماكان اقرب ليهو من المورده
| |
|
|
|
|
|
|
Re: الصحفي الموسوعي عبده قابل يهنئ المريخ!!!!!!! (Re: كمال عباس)
|
Quote: قلت لي يا تمبس صاحبك احمد دا ..شجع 3 فرق في ظرف 3 يوم حكمتو بالغه لكن
الجمعه مريخابي ..السبت مو,ردابي ..الاحد قلب وش عدييييييييييل كدا شكلو يوم الجمعه بالليل مشي نادي الهلال مع الجماعه قالوا ليهو الا تغسل مريختك دي في نادي تاني وتعال لينا نضيف
________
بيت المال ماكان اقرب ليهو من المورده |
بالجد كده كنت اتوقع خسارة الهلال من المريخ و كنت بستغرب لمن اشوف الهلالاب متفائلين ليس الا و بصراحة الهلال في البطولة دي حتي الان لعب كورتين بس امام كانو في نيجيريا و امام المريخ في المقابر
Quote: الجماعه قالوا ليهو الا تغسل مريختك دي في نادي تاني وتعال لينا نضيف |
ده قويةهههه
________ بالجد كده اخر كلام انا موردابي و بشجع اللعبة الحلوة في اوقات الفراغ
| |
|
|
|
|
|
|
|