يا إدارة البورد..يا أنا ..يا ناس شرير وجيمس وأهل العوض في البورد دا

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-12-2018, 08:39 PM الصفحة الرئيسية

مكتبة الزاكي عبد الله محمد الزاكي(nile1)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-06-2003, 06:55 PM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


يا إدارة البورد..يا أنا ..يا ناس شرير وجيمس وأهل العوض في البورد دا

    يا إدارة سـلام
    أكيد تكونوا لاحظتوا(ودي حاجه في ذمتكم) إني من ما دخلت البورد العامر دا..ماحصــل يوم إتكلمت في السياسه أو قلت البغله في الإبريق أو قلت الديك طلع فوق طربيزة العده ولا أي حاجه من الحاجات البتودي الواحد في ستين داهيه..وطبعا دا لعدة إعتبارات..منها إنو أنا راجل على قدر حالي ومابفهم في السياسه عشان إتكلم فيها..وكمان عندي وليدات داير أربيهم..عشان كدا ساكت لى كم سنه... مابتكلم..بس عندي مشكله واحده..في حاجات تانيه ما بفهم فيها زي الكلام المقنن في أمور الصحه والتعليم والنور والمويه لكن برضو بتكلم فيها ما عارف ليه؟؟؟يمكن شلاقة ترابلــه..أو يمكن عشان بخاف من الملاريا والمدارس الكنبها واطه والنور الغايب وفاتورته حاضره والمويه الرضينا بيها بي طينها وهي ما رضت بينا...عموما الجماعه ديل عرفوا نقطة الضعف دي وإستغلوها..وقرروا يتآمروا على...ليه؟؟ والله ماعارف..الظاهر عاوزين يأكدو نظرية المؤامره عشان بعض الناس مكضبنها..قبل كدا أهل العوض دا إتكلم عن الضرايب والزفارات وجرجرني كان عاوز يوديني في داهيه بس ربك ستر...وجيمس هسع جاب خبر الحريقه بتاعة محطة بري وأتاريه متفق مع الشرير يجرجروني عشان اتكلم..والشرير دا أصله من زمان مداقرني وجاري وراي..هسع لو تلاحظوا في بوست حريق بري..كل ما أقفل الموضوع يقوم ينكتوا معاي تاني وكل مره أنا اسخن زيــاده والحكايه دي نهايتها شنو الله أعلم وحمدوا في بطن الجماعه والجماعه ديــل..وعموما أنا بديكم يومين بس...يا ترفدوني من البورد دا..ويا كمان ترفدوا الجماعه ديل بعد ما تحققوا معاهم يمكن الشبكة تكون كبيره وفيها غيرهم...وللا كمان تكتبوهم تعهــــد ما يتحرشوا بي ويستفزوني تاني
    منتــدى النيــــل
                   |Articles |News |مقالات |بيانات

04-06-2003, 05:45 AM

james
<ajames
تاريخ التسجيل: 21-06-2002
مجموع المشاركات: 2718

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: nile1)

    يا نيل يا نيل
    انت متفق مع اب جضيمات ولا شنو؟
    كمان جابت ليها تحرش واستفزاز
    علييييك الله القعد يستفز منو؟
    وكمان تطلع من مهندس مسئول...دي كبيره...وين الهندسة والعمل )
    بالأصول؟؟؟ )

    انت عارف بتتكلم عن منو؟
    ده المهـ نـ د س هــيــثـــــم

    وبعدين ده تحرش منك عديييل للمـهـــندس هــــيـــثــــم

    انا عموما ما قلت حاجة لسع لكن بحاول اقرأ الشيء الذي اخفيته بين سطورك

    وبعدين انا قاااعد هنا يا فيها يا ...... اها كيف معاك
                   |Articles |News |مقالات |بيانات

04-06-2003, 06:52 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: james)

    يا جيمس
    ولسع ما قلت حاجه؟؟؟إنت هسع ماك داير تولعها وليعة بري ذاتها..أنا خايف منك ومن الشرير وقريبي أهل العوض تقوم تحرش على واحد تاني؟؟؟وبعدين أنا ما بتحرش بي زول...وعموما كلامي عن الموضوع خليهو ..كلامي إن شاء الله طاير....إنت رأيك شنو؟؟؟؟؟؟
    بعدين أوعك تجيب لي سيرة اب جضيمات دا...دا كمان لاقيني زول الله ساكت...ياع لي ما خلى حاجه...مش الصعيدي قالوا باعو ليهو الترماي؟؟..دا ياسيد باع لى حاجات كتيره...دفار الصحافه زلط..شارع الجمهورية...عمارة الكويتيه...وكان على وشك يبيع لى طياره من ناس سودانير..بس الظاهر راجيها تطلع من العمره
    منتـــدى النيــــــل

    (عدل بواسطة nile1 on 04-06-2003, 07:14 AM)

                   |Articles |News |مقالات |بيانات

04-06-2003, 06:32 AM

ghariba
<aghariba
تاريخ التسجيل: 09-03-2002
مجموع المشاركات: 12965

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: nile1)

    اخوي الزاكي
    لمن اتكلمنا زي كلامك دة سمعنا وسمعنا وفي الآخر جرينا واطي

    القصة مش هندسة القصة عاوزة ليها ( لوبي )
    فاحسن ليك شكل ليك لوبي مع اي ناس تعرفهم وانا اولهم ونعمل لينا لوبي مدنكل كدة ونشوف لينا كم واحد من الناس الدايشين اللافين ومالقين ليهم ضل
    وباقي الكلام علشان سري شوية حاقولو ليك في التلفون احسن علشان ما ناس بكري يسمعوا

    سلام
                   |Articles |News |مقالات |بيانات

04-06-2003, 07:18 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: ghariba)

    باشمهندس غريبه سلام
    أنا من هسع جاري واطي...بعدين اللوبي دا كان ياهو اللوبي الفي بلدنا أنا ما قاعد آكله...عندي قولون عصبي...أخير ما نحاول نمرق من دائرة التهميش..ويا بخت من بات مهمش وما همش
                   |Articles |News |مقالات |بيانات

04-06-2003, 07:30 AM

قرشـــو
<aقرشـــو
تاريخ التسجيل: 05-02-2002
مجموع المشاركات: 11371

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: nile1)


    حبيبنا الباشمهندس الزاكى

    لك التحيات وطيب الامنيات

    ياخوى والله الحكاية بقت لا عايزة سياسة ولا يحزنون حتى انا المسكين ده بقيت انضم ساكت بلا تابلت..

    لكن بالله وزير ومهندس يقول الهناى والبتاع وما عارف شنو زى البتكلم ليه عن لعبة طفل اتكسرت ... ياخى الناس بلا كده كهربتهم قاطعة وحالتهم حاله كمان تتحرق محطة حرارية ما يقدر يدى الناس تقرير مفيد ...

    لكن فعلا اللوم على اخونا جيمس ده هو البنكت لينا المحن والمشاكل من وين ما عارفه.

    غايتو يا زول اقول ليك قوله الناس الاشرار ديل باين راسمنها وانت احسن حاجة تكتل ليهم الدش فى ايدهم وتخليهم لى الله ..
    اذا الحكومة الناس بياكلو حق الشعب بتقول خليناهم لى الله..

    خلاص دى فيها كلام كمان؟؟؟


    لك تحياتى
                   |Articles |News |مقالات |بيانات

04-06-2003, 07:45 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: قرشـــو)

    حبيبنا قرشو
    صباحاتك بيض
    يعني باقي ليك ابلع موقفي دا واشرب عليه كوز مويه وأسكت؟؟؟؟ياخي والله الناس ديل بتوكوني كان قعدت في البورد دا...هم ما بسكتو وأنا إنت عارفني تربال طربش..من ما تجي سيرة المويه وللا النور والمدرسه والشفخانه عفاريت الدنيا كلها تنطط قدامي وأتلبش وأقعد أكتب وانضم ..وأنضم واكتب..وبعدين ياخوي العرب قالوا ..مقتل الرجل بين فكيه...وبعدين بلدا وزيرها ما بيعرف يتكلم...ناسها الغبش الزي حالتي دي يسووا شنو؟؟؟..وجيمس الظاهر ربط في وداير يودرني..هو كان داير يتكلم خليه يتكلم في الحاجات الأنا ما بعرف إتكلم فيها زي السياسه مثلا..غايتو..خلاص نعتبر البوست دا تقفيل للملف وإن شاء الله ما يفتحوه تاني ويناوشوني...قول آميـــن
                   |Articles |News |مقالات |بيانات

04-06-2003, 07:55 AM

Ahlalawad
<aAhlalawad
تاريخ التسجيل: 05-02-2002
مجموع المشاركات: 2816

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: nile1)

    يا باشمهندس صباحك خير
    غايتو المرة الجاية غمض وتعال البورد
    بعد كم يوم الساعة عشرة وربع عندي بوست عن شبكة المجاري بمدينة أم طرقا عراض وارتباط ذلك بـ أوناسيس و ديك تشيني
                   |Articles |News |مقالات |بيانات

04-06-2003, 08:11 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: Ahlalawad)

    أهل العوض ..لعلك طيب ياخوي
    والله الظاهر عليك داير تقلعني من عرقي.....ياخي ليه بتحكي الذكريااااات..آخر مره شفت فيها مجاري بتتحفر هناك..أيام كنت صغير بلعب في التراب..وكان كل الغبش قادرين ياكلوا كباب...هسع والله ما لاقين التراب..يازول ودعناكم الله..أنا البجيبني هنا شنو....خلونا ناكل عيش ونربي وليداتنا

    منتــــدي النيـــل
                   |Articles |News |مقالات |بيانات

04-06-2003, 08:28 AM

ايهاب
<aايهاب
تاريخ التسجيل: 06-05-2002
مجموع المشاركات: 2877

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: nile1)

    باين عليها الاجازه قربت
    loOoOoOoOoOoOoOoOoOLZ
    هسه انا حالتي قلتا قبل ما امشي اجدد الجواز مافي غيرك
    استنصحو
                   |Articles |News |مقالات |بيانات

05-06-2003, 07:36 AM

nile1
<anile1
تاريخ التسجيل: 11-05-2002
مجموع المشاركات: 2747

للتواصل معنا

FaceBook
تويتر Twitter
YouTube


Re: يا إدارة البورد..يا أنا ..يا ناس شرير وجيمس وأهل العوض في البورد دا (Re: ايهاب)

    إيهاب سلام
    الله يعينك على تجديد الجواز.......حلاقه عديل...وصلعه كمان..ضريبه...زكاه..دفاع..قناه فضائيه...كانت قناة جونقلى زمان..ويمكن تكون ظهرت حاجات جديده كمان..ديل ناس مجددين.بعد ما ترجع من الضرائب..قصدى السفاره...طمنا عليك
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de