دعواتكم لزميلنا المفكر د.الباقر العفيف بالشفاء العاجل
|
|
 يعني نحن ما ناسك يا مُحي الدين جبريل!؟
|
الجميل مُحيِ الدين جبريل
إهداء حتة كدة!!
الزول البِفِش غبينة الصحرة
خدار و بلاد
المطر الكان من غير ميعاد
....
طريتك وصلاح الضي في صينية جغرافية المسافات
واحد حنين و صلّحوا !
جبخانة الدموع
تهنضب نوم عيونك سهر
وحسّك بناغِم في شوقك للبنيّة الضحكة
وهي مشغولة عنك بي حتّة كراميللا
وبالونة تطرشق زي حلم منفوخ بي وهم كضّاب ....
كنا أتنين
التالت كان جناح مطرة
مفرور في سماك نخلة
ولمّن جيت
طارت فر
قمرية عديمة شغلة مفتكرة إنو غراب سنة رابعة غافل من صوتها
وهي بتمدح في نبي الغنا
وتنقُر في طار ريش جناحا وتقول
نحن ما ناسك .. ما ناسك نحن ما ماناسك
شبابك نحن ريدتك نحن ما عمرك
نحن ما عمرك ....
تفتح في شباك عليك
تعاين لي حلم أتعتَّر في شارع بتلفّت ليك
زرّيت في نص السكة
زازيت في آخر الخطوة
شان تلقي الممشي والشارع حالف ما يتغشّي ...
وانت تغالط في المنفي
والبت الضحكة وتسأل
نحن ما ناسك !!
ما نحن الوعد الفرهد هسة !!
ما نحن الحلم الما بتدسّي ؟؟
....
نحن ما ناسك !!
مالك بتتغير يا شوق !!
بتخلف الميعاد عشان قلت والله بحبوني ؟
عشان خاطرنا ترجع .. نحن ما ناسك !!
|
|
 
|
|
|
|
|
|
|
 Re: يعني نحن ما ناسك يا مُحي الدين جبريل!؟ (Re: حبيب نورة)
|
أبو آمنة حامد
صلاح الضي
نحن ما ناسك !
لو بتلقى زول بحبك زينا
زول بشيلك في عيونو
وفي ضلوعو وفي دموعو
في ابتاسمتو وهناهو في شجونو
ما بنعاتبك
لو بتلقى ما بنعاتبك
ياما جيناك وياما بابك
لوبحس دقات قلوبنا
كان حكالك كان بكالك
نحن ما ناسك .. ما ناسك
شبابك نحن ريدتك ونحن ماعمرك
ليه بتهدم انت في لحظة تجنى
البنيناهو في عمر مخضر طويل
الدموع في عيونا
تتحجر عشانك ما بتسيل
وقدر ما نحاول نشيل همك
بتتمرض قلوبنا وما بتشيل
نحن ما ناسك .. ماناسك
انت ما علمتنا الحب بسمة صافية
فيها عزة وفيها بهجة
بتسجير بعاطفة دافئة
نحن عشناها بشعورنا
وبعواطفنا الرحيبة
انت ما ضيعت أرواحنا في صحارى التيه
ما ترجع تجيبها
لية تلوعنا وتسيبا ليه
| |
|
|
|
|
|
|
|
|
 Re: يعني نحن ما ناسك يا مُحي الدين جبريل!؟ (Re: حبيب نورة)
|
العزيز / حبيب نوره
رمضان كريم
معليش المعزره جيت ناطى ..
عشان أقول ليك رمضان كريم
وأنا كنت فى زيارة القاهرة خلال أيام
عملية الأخ/ بهاء عيسى وفى الحقيقة أنا عرفت بالعمليه
من خلال البوست بتاعك ـ وقمت بزيارة الأخ/بهاء فى العناية بمستسفى إبن سينا ولسوء حظى عرفت
من بهاء إنا خرجت قبل عشرة دقائق ـ وعدنى الأخ/بهاء بترتيب لقاء معك بعد خروجه
من المستفى كماوعدنى بالإتصال لكنه لظروف لم يستطيع فعاودت الإتصال به مرة أخرى
للإطمئنان عليه و برضو وعدنى مرة أخرى لكن ظروفه لم تسمح
أخى حبيب تعارفنا أنت وبهاء وأنا والبقيه إسفيريا ويبقى أن نلتقيكم يوما من الأيام
الآن عدت لمقر عملى بالسعوديه وبإذن الله خلال الأسبوع القادم لنا عوده للقاهرة مرة أخرى
نأمل اللقيا تحياتى لك ولكل الإخوه
| |
|
|
|
|
|
|
|
|
|
Re: يعني نحن ما ناسك يا مُحي الدين جبريل!؟ (Re: saber alhawatti)
|
صابر الحواتي .. رمضان كريم وكل سنة وانت بالف خير .. .. النايم
والعيان وخاصة الطالع من العناية مرفوع عنكم القلم عشان كدة لك
المعذرة وكلمت حبيب نورة في حينه ولكن ظروفه وظروفي كانت مرتبكة
وان شاء الله المرة القادمة تلقانا مع بعض في انتظارك خاصة واننـي
والحمد لله الان خارج غرف المرض .. يعني في الشارع .. في انتظارك يا
رجل ياجميل ..
-------------------
حبيب نورة مالك فاتح طاقة حلوة للزول القامة محي
الدين جبريل ؟؟ الزول دة والله يستاهل كتير .. ..
| |
|
|
|
|
|
|
|
|
|
Re: يعني نحن ما ناسك يا مُحي الدين جبريل!؟ (Re: baha eassa)
|
حبيبها سلام يغشاك متل كلامك الكبار كبار دا
بهاء حمداً لله علي سلامتك ياراجل
Quote: حبيب نورة مالك فاتح طاقة حلوة للزول القامة محي
الدين جبريل ؟؟ الزول دة والله يستاهل كتير .. .. |
محي الدين شهادتنا فوقو مجروحة تب
علا برضو ...............
كان ما رمضانك ده كان قلت ليك : خلي المسنوح في حالو طاقة تطقو في صنقورو)
| |
|
|
|
|
|
|
|
|
 Re: يعني نحن ما ناسك يا مُحي الدين جبريل!؟ (Re: baha eassa)
|
بهاء الجميل
او بهاء أخوي في رواية لبوردابية شهيرة
Quote: حبيب نورة مالك فاتح طاقة حلوة للزول القامة محي
الدين جبريل ؟؟ الزول دة والله يستاهل كتير .. ..
|
ياخي الزول دة نفاج الزمن السمح
عشان كدة بنفتح كل الطاقات عليه
وبنمد في السكة
ومدّر مدّر يا رواسي...
| |
|
|
|
|
|
|
|
|
|
Re: يعني نحن ما ناسك يا مُحي الدين جبريل!؟ (Re: محي الدين جبريل)
|
محي الدين
خاف أنت دة!
علي اليمين وانا بكتب وشوية نعاس يجرجر فيني لي إشتهاء سرير
حسيت إني بكتب في مشروع حلم صاحي
وحلفت الحروف كان تنيخ باقي الحاجات المدسوسة في حشا الفكرة
جيتك مكتّح بي شوية ضريرة
من باقي قيدومة فرح قديمة
و تاكل حيلي علي جريدة نخل
وبلوك في باقي غنية
وسيّرو
والعديلة عاملة فيها صولة في سلم الشوق الخماسي
يعني دايرة تزعِّل مننا صلاح الضي
ونحن من كم و أربعين سنة
بنعاتب فيه
وبنسأل!
نحن ما ناساك
ما ناسك
نحن ما ناسك
ما ناسك!
يعني عامل تقيل يا مطر!!!
بين قوسين
مسعول من الخير!
الفاصل المداري هسة بكون وصل وين ؟
| |
|
|
|
|
|
|
|
|
|
Re: يعني نحن ما ناسك يا مُحي الدين جبريل!؟ (Re: حبيب نورة)
|
حبيب نورا... والله إنت قاصدنى مع سبق الإصرار والترصد ...
وبعدين
| Quote: والوعد بينا النجاض |
نجاض أكتر من الحاصل ده ...
صورة البروفايل الجديدة دى ح تجهجه زعيم الحقد الطبقى سفيان نابرى
ح أمشى ليهو فى بوست المجنونة وود الموج
أحححححححححححححححححححححح
| |
|
|
|
|
|
|
|
|
|
Re: يعني نحن ما ناسك يا مُحي الدين جبريل!؟ (Re: حبيب نورة)
|
حبيب نورة .... يافيروس المواجع ...
والله رسالتك وصلتنى أمس 4 صباحا بتوقيتنا طبعا...
إتخيلتك إنت والشلة نازلين من قهوة يعقوبيان ... وتيرمومترات الإنبساطة عندكم طالعة فوق فوق للسماء ..
نحن الوكت داك طبعا بكون صاحى القعوى والباعوضة والحرامية .....
أنا الساعة ديكى صحانى محمد ولدى ... قال لى إلا تدقها ... قلت ليهو شنى هى ... قال الحييا وطبعا يقصد القاشورة ... الباعوضة ..
المهم....
فتحت الرادى الجنب راسى بعد داك ... قلت سهر لى سهر نشوف الحاصل شنو فى الأثير ده ...
لقيت ليك ناس إذاعة البيت السودانى عاملين إعادة لحلقة قديمة عن صالح الضى ...
وتمو الناقصة ....
محبتى التى تعلم
أو زد عليها قليلا
| |
|
|
|
|
|
|
|
|
 Re: يعني نحن ما ناسك يا مُحي الدين جبريل!؟ (Re: محي الدين جبريل)
|
ود جبرين
والله الزمن فاقدك والحاجات كلها بتندهك
أكتشفنا زي ما قلت ليك فول أسكندراني رهييييييب
في مطعم البرينس
وياسر المرضي أفترا علينا
اليومين ديل في مدينة نصر
وبقي أسموا ملعلع في اليوتيوب وكدة
وما شغال بينا يا عم
المهم والله مشتاقين
وقدر ما تلقي أفقدنا
ونحن موعدنا الرسائل يا جميل
في امان الله
برجع ليك تاني
علي فكرة الشروق في القاهرة
علي كيف كيفك!!
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
saber alhawatti
baha eassa
ممدوح أبارو
محي الدين جبريل
يوسف الخضر
فيس بوك
تويتر
انستقرام
يوتيوب
بنتيريست