|
|
 قد لا تتلقــَّي ردَّاً من (((فلانــات ))) لأن حالتهـا صعبة
|
علي فكرة
الكلام ليك يالمنطّط عينيك
دي الأرادة والمقدّر لاح يفوت ولا السكة تشيل خطواتو بعيد
لي متين الخبز الناشف يصبح شاهد علي أتنين
جايعين و سمان من فكرة
شوقين يا سمحة
فرحين يا القمحة
سمحة وقمحة
والسمح سوّي السمح جاب السمح دهب القمح
لا تدعني للأسي يدفعني مدّاً وجزرا
لكن خليني أكتب عن جواتي
و أقول لساتي ما زلتُ ( شادي) في عيون فيروز بالرغم من تزمّرهُ حين
قررت أن تكتب باسمه.. الهوي
الهوي؟؟ ليتهُ هوي !!!
يا بنت يا شجرة
تفاحة برق الغيمة الكضبة هي البشبع منها آدم وجعة وهم
وتزرع أرضو جناين فال... بتطرح يأس في درب المنية الغنية
ضلوع الزولة الأعرج ( حوّة) تسرج لينا خيول كيف نرحل منك
شان نلقاك؟؟؟
طيب أديني تزاكر الرحلة الماشة عليك وبعيد.. أخلفي وعدك بي جيّاتك
جهجهي أستقرار العشم البكرة .. وحلم الجوعان بالكسرة قصيدة
حس خطواتك فرح الغبش الأغنياء عفـّة و موية فول صوت رجلينك ضو الليل
العتمة الشمس.. بس كيف تدّي الشجر اللون الاخضر ؟
ومين بينظّم حركة المرور جوّاك ؟
ما خايفة من تصادم كروية دم عاشقة بي نجمة شوق ضوّاية؟
انا ما بسكت !! بحاول الأنتصار عليك راضياً بالهزيمة !!
بقول حد الصمت
يا لهوي ىىىىىىىىى
بس أنتي أعملي شخييييييييط ـــــ وتعالي بعيد مني !!
|
|
 
|
|
|
|
|
|
|
 Re: قد لا تتلقــَّي ردَّاً من (((فلانــات ))) لأن حالتهـا صعبة (Re: حبيب نورة)
|
شوية كلام مليان و فاضي
يا لهوي ىىىىى ممكن تقحم نفسها بعمق في كبد السيناريو
علي فكرة لا جديد تحت الشمس
الجغرافيا تتّحد مع التاريخ
ولست بصدد التأسيس ل ( ببلوغرافيا) ولا سيرة ذاتية
فقد سبقوني آخرين
ومع ذلك ومع ذلك
الأرض والنهر هنالك
ويا لهوي ىىىى تفرض وجودها علي وتشيّد الف ألف حائط للمبكي
ولا يسعني الا ان أردّد
يا أنثي تسافر فيني ولا تستقلّ قطـار العودة
يا أمــيرةٌ أثار غـبار ترحـالها فيني كل
طـرقـات مـدني .
يا لهوييىىىىىىى !!!
| |
|
|
|
|
|
|
|
|
|
Re: قد لا تتلقــَّي ردَّاً من (((فلانــات ))) لأن حالتهـا صعبة (Re: حبيب نورة)
|
حبيب نورة
Quote: عصومي
أريتك تبقي نورة في نص الدرب
آآآآه من عتمة الزمن الضلام
يا نورة آآآآآآآآه
علي فكرة
قد لا تتلقي ردا! من ((()))) لأن حالتهُ بالخارج!!!
بتاوق علي فججـاً هناك
هناك بلقي نفسك بقول لي سلام
بفتش نسيمك وكت تبقي حر
بكوس لي حديثك وعطر الكلام
يا لهوي ىىىىىىىىى !! |
ياهو دا الجن نفسه
انت ماخد جرعة جرعتين على الاقل ....
وياهو زى كلامك دا بخلينى اقول انك من الجماعة اياهم ...
واكد الموضع اكثر عادل جبارة هنا ...
Quote: طيب نحنا من زمان كنا بنأذِّن في مالطا ؟؟
حبيب نورة الجماعة كشفوا نومتك .. أنا متخارج مع السلامه !!! |
عادل متخارج بدرى مالك يادوب القعدة احلوت ...
والكونياك والجن بقى على الطربيزة ...
| |
|
|
|
|
|
|
|
|
|
Re: قد لا تتلقــَّي ردَّاً من (((فلانــات ))) لأن حالتهـا صعبة (Re: تماضر الخنساء حمزه)
|
((((((خناس))))))
يا لهويىىىى
مكرر إتنين :
أخبرتك ؟
أمس رمى درويش الحى جلبابه القديم وحلق لحيته _ لا شذبها لم يحلقها_ ووضع الكتير من عطره الصندلي ذاك , نعم ذاك العطر الصندلي , وأخرج من دولابه جلبابه , جبّة المولد الكبير , قفطان , وحذاء جديد لم تغبّره ذرّات من رمال الذكر ذات خميس ...
مضى الدرويش في ليله ذاك إليها ..
ليل الدرويش كان ليل إلى ليلى أخرى
وعندما وصل ..
عندها ..
ليلى ..
ومن ثم بدأت في الصراخ في حلقة الذكر
يا لهويييييىىىىىىىى
| |
|
|
|
|
|
|
|
|
|
Re: قد لا تتلقــَّي ردَّاً من (((فلانــات ))) لأن حالتهـا صعبة (Re: تماضر الخنساء حمزه)
|
(((((خناس)))))
أشعرُ انّ لغـتي ما عـادت قادرة علي الصمود
فهي تخزلني دائماً حين أشهـرُ سيفـاً أستردّ
به قـلاع بلاغـتي , و عندما أحاول أن أعوّض
قـصر سـيفي بخطـوةٍ شجـاعة, أكـتشـفـني
خـطوتها للوراء , ولا أدرك هذا الا بعد ان
أصـطدم ُ بسـرابية ملامحـها وتنعدم رؤيتي.
أحبها سودنية خالصة , لم تنسيها المنافي
شكل الخريطة ونهر النيل , في بلد المليون
وجع مربع ,,,
ومع ذلك ومع ذلك
يا لهويىىىىىىىىى
| |
|
|
|
|
|
|
|
|
|
Re: قد لا تتلقــَّي ردَّاً من (((فلانــات ))) لأن حالتهـا صعبة (Re: عاصم ابوبكر حامد)
|
Quote: أريتك تبقي نورة في نص الدرب
آآآآه من عتمة الزمن الضلام
يا نورة آآآآآآآآه
علي فكرة
قد لا تتلقي ردا! من ((()))) لأن حالتهُ بالخارج!!!
بتاوق علي فججـاً هناك
هناك بلقي نفسك بقول لي سلام
بفتش نسيمك وكت تبقي حر
بكوس لي حديثك وعطر الكلام
يا لهوي ىىىىىىىىى !! |
حبيب نورة ده أبداع ما بعده أبداع ولا كنياك ولا فوتكأولا حتي البيزرع في الغرب
بطلع ده بس لما يفوح عطر من نورة أو حتي أتر الدرب ورئحة التراب ودقه في الباب
بنرد نقول حباب الأحباب والجانه من رمشات العيون تنزل الدمعات علينا ويظلل الغمام
سماناونروي من دمعك شجرنا وردة تنبت من فرحنا وبقي الكون كل أخضر وتفرح دنيانا
الكئيبه وياسماحي ويافنوني أنت بدرأ مسافر وأنت لهمسات خاطــــــــــــــــر.
أبوقــ مجدي عبدالرحيم ــصى،،
| |
|
|
|
|
|
|
|
|
|
Re: قد لا تتلقــَّي ردَّاً من (((فلانــات ))) لأن حالتهـا صعبة (Re: عادل جبارة)
|
حاجة فيك
تقطع نفس خيل القصائد
تشده أجراس المعابد
توهتني .. تعبتني .. جننتني
جننت حرف الكلام
وبرضو أدتني السلام
حاجة في شرف المدائن
في غرف كل السفاين
جوه في عمق المناجم والعيون
حاجة زي ما تكون محلَق في العواصف
فجأة تهبط في السكون
حاجة زي نقر الأصابع
لما ترتاح للموسيقى
حاجة زي أخبار تناغم من جريدة
حاجة زي وتر الموانئ
لما يصدح لي سفينة
حاجة فيك لا بتبتدي
لا بتنتهي
خلتني أرجع للقلم
أتحدى بالحرف الألم
واضحك مع الزمن العريض
وانسف متاريس الطريق
واعرف متين أبقى المطر
وافهم متين أصبح حريق ..
..................
هاشم صديق ده كان صاحبك الظاهر !!
أن تاني متخارج بعد إذنك يا عاصم ..
| |
|
|
|
|
|
|
|
|
|
Re: قد لا تتلقــَّي ردَّاً من (((فلانــات ))) لأن حالتهـا صعبة (Re: حبيب نورة)
|
شان نلقاك؟؟؟
طيب أديني تزاكر الرحلة الماشة عليك وبعيد.. أخلفي وعدك بي جيّاتك
جهجهي أستقرار العشم البكرة .. وحلم الجوعان بالكسرة قصيدة
حس خطواتك فرح الغبش الأغنياء عفـّة و موية فول صوت رجلينك ضو الليل
العتمة الشمس.. بس كيف تدّي الشجر اللون الاخضر ؟
ومين بينظّم حركة المرور جوّاك ؟
ما خايفة من تصادم كروية دم عاشقة بي نجمة شوق ضوّاية؟
كلام ياعوض دكام
حبيب نورة
انت يازول شاعر بشنو
عندك التهاب جمالي مزمن
تحياتي
| |
|
|
|
|
|
|
|
|
|
Re: قد لا تتلقــَّي ردَّاً من (((فلانــات ))) لأن حالتهـا صعبة (Re: حبيب نورة)
|
| Quote: لكن يا ود أمي التزاكر علي منو!!!! |
حبيب نورة إتصلت عليك الليلة في الأول ردت علي وأحدة وقالت لي طلعت مشوار
تاني مرة إتصلت رد علي وأحد قال اسمو عصام ود خالتك , أنا خائف أكون
إتصلت عليك في بيت الظار ( حبيب نورة في بيت الظار ) وعلي كل حال
إذا كنت ترغب في الحضور للسعودية بفيزا زيارة فكما قلت لك ( زيارة تجارية )
يعني تشوف ليك وأحد من الجماعة حقنك وأطلب منه يرسل ليك زيارة تجارية بهذه
الكيفية :-
1- تغير جواز سفرك ليكون مدير عام شركة أو مدير مشتريات أو صاحب شركة خاصة .
2- ترسل صورة جواز سفرك للجهة التي ستقوم بإصدار الزيارة لك حسب النظام المتبع .
3- ربما يطالبونك في السودان ما يثبت أعلاه البند رقم (1) وانت وواسطتك في السودان.
4- ساقوم بمساعدتك في متابعة سير الفيزا داخل وزارة الخارجية وحتي في
القنصلية السعودية في السودان .
5- رقم جوالي علي البروفايل حقي لكن برضوا بكتبوا ليك تاني (0564155973)
وتلفون العمل هو (4055000 تحويلة اولي 5657 تحولية ثانية 5658) 0
وربنا يقدرني علي مساعدتك يا حبيب نورة .
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
عاصم ابوبكر حامد
مجدي عبدالرحيم فضل
هاشم أحمد خلف الله
أبوذر بابكر
نهال الطيب
فيس بوك
تويتر
انستقرام
يوتيوب
بنتيريست