بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-07-2016, 10:27 PM الصفحة الرئيسية

مكتبة ياسين سليمان حبيب نورة(حبيب نورة)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

مذكرات مراهق!!!!

01-07-2007, 03:33 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

مذكرات مراهق!!!!

    آآآآء أسد .... ماء مسح ... فاء فقُر هاء واو لام الألف ياء ياسين ود الحاجة زكية ..... وحمامات المدرسة الثانوية يتطاوف بين صفاها ومرواها ما بين زائغ من حصة الكيمياء ... و آخر الله يعلم مافي صدره من نوايا بزيئـــها و بريئـــها ......

    كنت في الحمام رقم 8 الما عندو باب شكلِ بوفيه مفتوح !! بحاول تصليح ( الكركاســـة) عشان كنت متوقع الجلد في الحصة الجاية كالمعتاد... كما حدث في اليوم السابق عندما أمسك أستاذ التربية الاسلامية رواية ( عبير) العاطفية في يدي... وباقي التلامذة يرددون آيات سورة الانفال في خشوع تام وهذه كانت مرحلة.



    المغامرون الخمسة ...... والشياطين التلتاشر ..... ومثلي الاعلي (أدهم صبري ) رجل المستحيل ..... مغامرات السندباد البحري

    أربعة عشر رجلاً ماتو من أجل صندوق !!! الليث الأبيض ... غرندايزر و باقيرا .... بوجي و طمطم و أبو الحروف .... الكابتن ماجد ..... و بوكيمون.......!! كل هذه اللافتات تضامنت وشكلت (فولترون) مع أنسياب شخوص مثل العم (تنقو) في مجلة الصبيان

    وميكي وسمير بداخلي !!!

    لم أكن أبحث عن أمي كما في الفقرة الأولي من قانون الكلاب المشردة ... وبالتأكيد لم أكن أبحث عن فضولي !!

    بل كنت أصر أن أبقي أغبشــاً غباشةً لا يدانيها الفول المدمس ولا جحش عمر السماني ( الديراوي ) ... فيما تعدني أمي بالوعيد والخبت الشديد و الضريب شقاق العناقريب!! لو ما أستحميت عشان كدة كرهت ليك الطشت و الليفة و الصابون وحجر الكرّاش...!!!

    ونشأت بيني وبين الجلسرين علاقة غير متصالحة.. فقد كان يؤلمني في الجضوم و الشلاضيم والكراع أم شقــّاً يدخل الضب ....!



    السندريلا سعاد حسني ..... ليلي علوي .... أميتاب باتشان .... سلفستر ستالون ........ أبراهومة الديسكو .... منتخب التانغو الارجنتيني ...... أبرز ملامح ( غاليري) حيطة الأوضة التي كان يشاطرني رائحة بولها أخواني التلاتة .......

    وأبي بصوته الوقور ينتذعنا من وسادة أحلامنا بشدة ... للذهاب لأداة صلاة الفجر ... انا كنت أتفنّن في أساليب الخداع والزوغان لدرجة أني كنت بدفق موية الابريق علي الأرض و أمسح جبهتي بحفنة من التراب........ داعياً الله انا يجعلها صلاةً مقبولةً وان يجعل من عنقريبي صعيداً طاهراً ........!



    صياح بياع الترمس .... و أم بلينا ست الدندرمة .... التومة بت حسن أزاعة الحلة المحلية والناطقة الرسمية باسم (كونغريس) الجبنة و برلمان المشاط! .... ود الضو بياع الجزلين ....... الجامع الورا .... ودكان كمال الدين ..... كلها قيم تصنع بداخلي أوركسترا من شفيف التعلق بلوحة المكان الصوتية ..... و أضيف للصورة بعداً ثالثاً ......! ريحة التراب و ضل الشجرة ... همس القمرة وموية النيل والليل و المطرة.........! سلطة اللاأنعتاق وصولجان التبعية المطلقة ... وبروج مشيدة من الولاء الأعمي لدستور وتشريعات الرقيب الاجتماعي ...!



    بدأت أتمتع بمزايا أستقلالية أكثر ... وتمدد هامش الحرية قليلا .. و أخالني كنت عدواني مع اولاد الشارع التاني .... اما صبيان الحلة الورا ! فقد كانت العلاقة الشحمة والنار .........

    لا أنسي مطلقاً اول مرة أتعلمت فيها الحديث و لبست القميص ..!

    أمي قالت لي مودنّك الدلالة؟؟؟

    تفتحت مساماتي شوية كدة...و أكتشفت أني ود سمح !!

    صاحبي معتذ تروتسكي أتجاوز بمهارة حتة انو الصلعة عاهة مستديمة وعائق حضاري .... وقال لي في فصاحة : عليك الله انا ذاتي ما سمح؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    يا ود أمي سمح قلمك وسمح فهمك .....! و بعدها طبقت كتاب البلاغة وكراس التاريخ ومشيت درس العصر وانا ممسح بي نص باقة زيت الملاح !! كنت بلمع و برقش والشارع الكبير دة ملان أشكال أشكال ..... عوض ظط ...... السراج العوير..... التيمان عمر وخالد ..... حنان بت عثمان ... وبت جيراننا الحلفاوية .....و امونة كانت ماشة فصل الأعادة........

    ياااااااااااااااااااااااااااااه الزمن داك نورة كانت تمبوشـــة وحلمها صغمبروتي !!!!! حتة كرميللا وحجوة تهدهد من حبوبة !

    ما تمت ستة ....... وكانت حتتتتتتة الا شعاعا بضوي الحتة !!

    شتلة منقاية و رشة مطراية ........

    ياااااااااااااااااااااااااه نورة كانت جُغـــمة برتكـــــــان !

    تغشي حلقك زي حلاوة قطن .... وتفوتك وانت بتتكــرّف جغمة برتكان ..........!!



    امونة كانت بتكاويني بي صدرها المليان .... كلما أشوفا وهي في وسط العيال زي الجامع نص الحلة .........

    بتزكر ساعة كنا نسترق السمع لي جارنا الجعلي في ليلة دخلتو علي سعدية العزباء انا و أمونة .....وهو يقول لها :

    سعدية لاكي صغيرة لاكي جاهلة.... مانعة وممنّعة من زمن الطليان والجيش حفيان ...... دحين أنعدلي و أنستري ساهي ..... والولية عفيت منها عفويــاً يدخلا الجنة .... أنعدلت و أنسترت .....!

    لمن جينا راجعين من الدرس... أدتني اول قدّوم غير شرعي في حياتي ... وبعديها أكتشفت أني و جدع أوي ...... طبعاً تكلنا ليك القديديم دة في الكهربة القاطعة دي !! الشئ الذي أكسبني عذراً شرعياً لعدم أداء صلاة الفجر صبيحة اليوم التالي .....!



    بدأت اكره الرحلات التي تنظمها المدارس و الأسر الي منتزه المقرن العائلي وجنينة الحيوانات ....... والمتحف وبيت الخليفة والخزان ... أجدها سخيفة و طفولية ومافيها أيي موضوع ..... أحب أن أستقل عن هذا الجو الغير مشحون بالأثارة والأنطلاقة !!!

    الجو الذي لايضخ ( الأدرينالين ) في عروقي ...

    أصبحت آخذ أدوار أكثر بطولية في الحلة .....و أزكر اني يوم أقتحمت ميدان الكورة و انا أكورك ...: عرقلة عرقلة !!!

    الليلة يا ألعب و تدوني الفنيلة نمرة 10 يا ما ح تتلعب؟

    حتي تبرع واحد من أصحابي لاقناعي قائلاً :

    حركات الشفع دي شنو هسة؟؟ وطوالي مرقت من الميدان عشان ما أطلع شافع في نظرو .........!


    الفاضل سعيد .... محمود سراج .... عمر الخضر .... وبالتالي بت قضيم ..
    أبو قبورة ... فرقة الأصدقاء .... ليالي الحلمية .... الشهد والدموع ... القبضة الحديدية..
    وزحمة من التفاصيل الميلودرامية ... ساعدت في حقن شراييني بهجين من طرق الأفصاح
    عن أنماط الحياة الانسانية ... مع أمكانية التلوُّن والتقولب مع أنسيابية المعايشة
    أو عدمها ... كل هذا في أطار ما يعرف ب( سيسولوجيا) المسرح و التحليل النفسي
    البالغ الدقة لشخصيتي... ومدلولاتها وطرق التحايل والألتفاف والتقليد
    والمحاكاة و التغمّص ... ومحاولة أداء الأدوار الصعبة وسبر الأغوار العميقة
    في زمن كانت فيه القمرة مارقــة للريبــا والتـلاف !!!!
    ولا تؤمن بازدواجية السلطــة ..! حتي في در الأضواء و أستحلاب النهارات المسائية !
    النجـــوم أيضاً كانت لها فلسفــــة خاصة ... فقد كانت تستعين بمليشــيات الثريا
    غير آبهــة بجنـجـويد الليالي القمرية ...!
    وجوه الناس مألوفة وطيبة ... لم تعفِّرها أتربة الهجرات
    ولا كتاحــــــــة الحيكومات !

    هذه المنعطفات صنعتني.... و انما يولد الأنسان من نطفــة تعترف وتقر بالمصادفة
    وانا كنت كذلك .... محض صدفــة!
    أنا أعلم بأنني مجرد زول... طول عمري حاسس بي كدة....
    الجمال جلابية ربنا .... والعارف عزو مستريح... و في كريستيان ديور....
    انا معاي جلابية ربنا ....
    معتز تروتسكي دة كافر واللا شنو !!!!!


    قد نواصل....!


                   |Articles |News |مقالات |بيانات

01-07-2007, 03:55 PM

مهند الجيلي بادي
<aمهند الجيلي بادي
تاريخ التسجيل: 10-12-2006
مجموع المشاركات: 324

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)



    حبيب نورة ،،


    أقرأك بكل حواسي
    ولا تقل قد ..
    بل .. سآتي وأواصل

    سرد مريح ومجبر على المتابعة

    كذا مراهقة كل الصبية في زمان مضى ..
    الهسة ديل ما عارف مراهقتهم كيف



    مرفق :
    محبتي وتقديري
    بــــادي
                   |Articles |News |مقالات |بيانات

01-07-2007, 04:05 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: مهند الجيلي بادي)

    مهند الجميل
    حاسس بيك
    ومستمتع كتير بي الكيمياء الرهيبة البدت تتكون في كبدينا
    أبري قلمك
    وتعال لي بي كامل حنينك
    اشوفك حلم عشم ممدود قدح كسرة
    حلم بنوتة بالسترة
    كلام ناساً حنان بالحيل
    ولي قدام
                   |Articles |News |مقالات |بيانات

01-09-2007, 01:55 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    يا زمن انت عولاق واللا شكلك كدة؟؟
    أحساسي وانا بنضرب في القفا
    ودة كان لأول مرة!
    بت جيراننا الحلفاوية ما راعت الخوة ولا العشرة
    وانا بي كامل عظمتي وصولجاني
    في أنتخابات أتحاد المدرسة
    منفوخ بي المنصبين
    السكرتير الثقافي و الرياضي
    تحلف تقول راجل مرتين!
    الواحد لمن يحس الاحساس للمرة الأولي حاجة رهيبة جدا!
    ياااااااه الخيانة كان شئ فظيع ساعتها
    لكن كان برضو شعور ممفيد جدا
    يعني أهو قدرت أعرف انو الدنيا دي بي وشين
    وعرفت أني ممكن ٌأقدر أواجه الصدمات واللكمات
    اول درس في حياتي قدمتوا لي بت جيراننا الحلفاوية
    it takes 2 to tango
    لكل فعل رد فعل طبعاً وانا ما أتعودت أسيب حقي
    خصوصاً في مسألة الكرامة
    عليك الله كرامة شنو و سماية شنو في بلد الهجايم دي ؟؟؟

    في جزئية تانية ح أضطر أحكي ليكم عن قصة التار البايت
    مع بنت جيراننا الحلفاوية
                   |Articles |News |مقالات |بيانات

01-09-2007, 03:36 PM

عبدالله وداعه الامين

تاريخ التسجيل: 06-14-2004
مجموع المشاركات: 2070

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    جيت تاناي يا مجنون؟

    تلب جوه النار واتوضى
    وما تتلفت بل واطاتك
    اسقي الحال من مطر السترة
    وسد الشر بي وش نعلاتك
    يا مطموس بي حب العشرة
    وداسي الهم في جب مخلايتك
    ديش الوش الما اشتاقك
    والعن وش الضو ان فاتك
    سجم النورة العرفت سرك
    فضحت امرك من بخراتك
    ختفت قلبك مننا نحنا
    وسابت لينا عقاب كلماتك
    وبرضو نحبك زي عارفنك
    يا عولاق ادينا صلاتك
    تف الحرف النازف فكرة
    وعبى البال بي كل حجواتك
    يا مسكون بي واقع حلمك
    وحلم الناس الفي غنواتك
    سجم الحلم القصر منك
    ما اتلبس ضل نخلاتك
    كسر الضو بي عين العرفة
    وفي الطيبين كبّر شتلاتك
                   |Articles |News |مقالات |بيانات

01-16-2007, 11:11 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: عبدالله وداعه الامين)

    عبد الله وداعة
    ياااااااااااااه من حسك جمب الساقية وحضن النيل
    خاف من الله ياخ

    Quote: اسقي الحال من مطر السترة
    وسد الشر بي وش نعلاتك
    يا مطموس بي حب العشرة
    وداسي الهم في جب مخلايتك
    ديش الوش الما اشتاقك
    والعن وش الضو ان فاتك
    سجم النورة العرفت سرك
    فضحت امرك من بخراتك



    الله عليك يا سيدي!!!!!!
                   |Articles |News |مقالات |بيانات

01-09-2007, 03:38 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 25636

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    ياخي إنت قلمك رائع
    البورد أمس كان يسد النفس و الخور فاض والمزاج إتعكر
    لكن كتابتك تعدله
    بالله كلما تلقى الكتاحة قايمة تعال روقها بي رشة من قلمك

    بتاعة....
    أنا زمني دا كله بقرأ "حبيب نورة" كنت فاكر نورة دي الوالدة
                   |Articles |News |مقالات |بيانات

01-16-2007, 11:21 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: محمد البشرى الخضر)

    ود البشري
    التحية ليك
    بقدر عمقك في دواخلي
    و بتفضل نورة حلابة اللبيني
    ودرارة الفرح النبيل
    تسلم كتير
                   |Articles |News |مقالات |بيانات

01-09-2007, 09:57 PM

ست البنات

تاريخ التسجيل: 10-02-2002
مجموع المشاركات: 4632

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    كنت في الحمام رقم 8 الما عندو باب شكلِ بوفيه مفتوح
    ---------------------------------------------

    حبيب نورة - الله يديك العافية -

    كلام جميل -

    واصل - ومتابعين .

    ست البنات .
                   |Articles |News |مقالات |بيانات

01-16-2007, 11:25 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: ست البنات)

    ستنا
    كلنا
    وانا لساتي راجيك
    في شارع الروح قدام الخاطر



    شكررن كتير....!!!!!
                   |Articles |News |مقالات |بيانات

01-16-2007, 12:14 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)
                   |Articles |News |مقالات |بيانات

02-18-2007, 10:49 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    up
    رفع بناءاً علي رغبة بنت جيراننا الحلفاوية
    ياسيييييييييين
    عليك الله انت وين البوست بتاع أيام زمان!
    قصدك شنو يا بت؟
    ياخي البوست الكاتب فيه كلام عن ايام كنا صغااااااار!
    أيواااا
    ليك علي يا بت أرفعوا ليك بالضمة
    وأفتحوا بالفتحة الظاهرة علي آخره!!
                   |Articles |News |مقالات |بيانات

02-18-2007, 11:10 PM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    Quote: المغامرون الخمسة ...... والشياطين التلتاشر ..... ومثلي الاعلي (أدهم صبري ) رجل المستحيل ..... مغامرات السندباد البحري

    أربعة عشر رجلاً ماتو من أجل صندوق !!! الليث الأبيض ... غرندايزر و باقيرا .... بوجي و طمطم و أبو الحروف .... الكابتن ماجد ..... و بوكيمون.......!! كل هذه اللافتات تضامنت وشكلت (فولترون) مع أنسياب شخوص مثل العم (تنقو) في مجلة الصبيان

    وميكي وسمير بداخلي !!!


    حبيب نورا...
    سعدية العزباء براها من زمن الطليان و الجيش حفيان.. ؟؟!!!
                   |Articles |News |مقالات |بيانات

02-19-2007, 10:41 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: mamkouna)

    ممكونة
    شكيتك علي الله دة يا بت أمي !!!

    Quote:
    حبيب نورا...
    سعدية العزباء براها من زمن الطليان و الجيش حفيان.. ؟؟!!!




    يعني هسة في داعي انك تشيري لي السادة الجمهوربالحتة دي؟؟
    ما تقوليها عديل كدة يا زولة؟
    مافي ناس كتاااار من زمن التركية و المهدية
    مالك ما زكرتيهم!!!!!!!!!!
                   |Articles |News |مقالات |بيانات

02-19-2007, 12:02 PM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    حبيب نورة , الفنون جنون والظاهر عليك أنت مجنون وحاتجننا معاك

    ياخ انت عسل عديل كده , الحالة ماقاعد تستحمة ومال لو كنت بتستحمة

    ريحتك كانت تكون كيف ؟؟؟

    تابعتك في فلسفة القبل وبقدرة قادر حولتها من فلسفة قبل إلي شلاليف

    وقداديم , علي فكرة لسع قاعد في ا ؟؟ الله يستر عليك من البواسير

    والذي منو .

    خالص التحايا والود غايتو انا وانت بنتلما بس في كتابة الشعر والحمدلله

    اني عرفتك بعد ما ابوي مات , كان قال لي أوع اشوف خلقتك دي مع الود

    المطموث ده , الشين ده ؟
                   |Articles |News |مقالات |بيانات

02-19-2007, 07:24 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: هاشم أحمد خلف الله)

    هاشم أحمد
    ياخينا هسة انت السعلك منو؟؟
    عليكم الله شوفو الزول دة!
    هسة يقوموا يحولوني لي التجاني
    الماحي أصلو الايام دي تاج السر
    بعد ما الكورة غلبتوا عامل ليه
    بوست بتاع صعود وهبوط؟؟
    انا خايف ألقي روحي في الصراية
    الصفراء علي قول المصريين!!
    وبعدين تعال هنا !!
    انا أكتشفت أني ود سمح من زمااااان
    مالك عايز تعمل لي نفسيات هسة؟؟
                   |Articles |News |مقالات |بيانات

02-19-2007, 12:15 PM

abas
<aabas
تاريخ التسجيل: 07-26-2002
مجموع المشاركات: 6119

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    حبيبه

    واصل

    لكن هي ماله

    لكن هي ماله

    بنت جيرانكم الحلفاويه
                   |Articles |News |مقالات |بيانات

02-19-2007, 07:56 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: abas)

    عباس
    أززززيك ياخ

    والله ما عنديش أيي فكرة
    يمكن....!!!!!!
                   |Articles |News |مقالات |بيانات

02-19-2007, 09:46 PM

ابو تميم
<aابو تميم
تاريخ التسجيل: 12-22-2002
مجموع المشاركات: 796

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    حبيب نورة












    ألم تؤرخ بعد ؟؟؟؟؟











    اعطني سلماً وسوف أتبعك
                   |Articles |News |مقالات |بيانات

02-20-2007, 12:12 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: ابو تميم)

    ابو تميم
    يا سيدي كيف الحال!

    زمن يا حنيييييييييين
    والله الفكرة في الدماغ
    لكن في حاجات تانية حامياني
    ظروف يا مان
    وشكراً علي لطيف المرور
                   |Articles |News |مقالات |بيانات

02-20-2007, 01:44 PM

الفاتح وديدي
<aالفاتح وديدي
تاريخ التسجيل: 04-11-2005
مجموع المشاركات: 614

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    Quote: أربعة عشر رجلاً ماتو من أجل صندوق !!!

    وبعدين ياحبيب نورة؟!
    شايف في محاولات حثيثة لتزييف التاريخ!
    الناس ديل زمان لمّن أدونا ليهم في (جزيرة الكنز) "ستيفنسون" قال: (خمسة عشر رجلاً..)
    شايفك بي كل طيبة خاطر أنقذت ليك واحد منهم!!
    يعني بي كدة حتنقلها لينا من خانة (الإبادة الجماعية) للموت تحت بند (التفلتات الأمنية العادية)!!
    شغل الحكومات ده شنو يا حبيبها؟!!
    واصل يارايق جميل تداعيك
                   |Articles |News |مقالات |بيانات

02-20-2007, 01:53 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: الفاتح وديدي)

    وديدي
    ياخي انت عسل عديل كدة
    والله انا ولا علي بالي
    علي اليمين قايلهم اربعتاشر
    أتاري كان في واحدمات في غرفة العناية المركزة
    وبعدين الدكتور هو ماقال أتعدي مرحلة الخطر!!
    خلاس دة يكون من التسمم
    عشان قالوا الاكل هبشنوا كدايس المستشفي
    Quote: يعني بي كدة حتنقلها لينا من خانة (الإبادة الجماعية) للموت تحت بند (التفلتات الأمنية العادية)!!
    شغل الحكومات ده شنو يا حبيبها؟!!



    ههههههههههااااااااااي
    مبالغة طبعاً يا وديدي
    شكيتك علي الله
    او كما قال زولنا داك
    الله لا كسبك!!!!!!!!
                   |Articles |News |مقالات |بيانات

02-20-2007, 02:57 PM

الفاتح وديدي
<aالفاتح وديدي
تاريخ التسجيل: 04-11-2005
مجموع المشاركات: 614

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: حبيب نورة)

    طيب كويس إنك اتراجعت..
    خلاص قبل ما نصل مع الحلفنكو ديل (خشم القربة) ومحل (الهوت سينز).. ممكن تقدّم لينا اعتذار تاني على حاجة مهمة:
    Quote: أبو قبورة ... فرقة الأصدقاء ...
    ياخ (فرقة الأصدقاء) دي لو قلبتها لينا (محطة التلفزيون الأهلية) حاسي بيها بتكون أصدَق.. خصوصاً وأنا شايف شبح المجايلة مع تروتسكي يدُبْ في أركان السرد
                   |Articles |News |مقالات |بيانات

02-20-2007, 07:48 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مذكرات مراهق!!!! (Re: الفاتح وديدي)

    الفاتح وديدي
    ياخي انت عارف من النوع النجاض
    البخليك قاعد في كانون شنو
    قول بركان و بستمتع بي نجاضك في نشوة
    لكن سكاتك ولا الكلام الني
    عارف انا بموت في النوعية الناقدة دي
    عشان هي البتوديني لي قدام
    وبقدر أتحاشي مواقع الزلل
    تعال ودعني أقوم ميلي وسنادي
    السناد نوع من عيوب الشعر
    كأن تقول مثلاً

    لهفي عليكم يا أحبة من ظهور ملاكي
    أن الهلال أذا أطل تبرّك من ضياك
    والملاحظ أنو القافية كافية
    لكن الموسيقي شترا زي رقصة علوب!!


    عليك الله تجيني تاني و تنجضني زي ما عايز!!
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

������� ��������� � ������ �������� �� ������� ������ ������� �� ������ ������ �� ���� �������� ����� ������ ����� ������ �� ������� ��� ���� �� ���� ���� ��� ������

� Copyright 2001-02
Sudanese Online
All rights reserved.

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de