دعواتكم لزميلنا المفكر د.الباقر العفيف بالشفاء العاجل
|
|
 المرا دي فقـُر ... الله لا غزّا فيها بركة ...
|
كانت المطرة تناغم في البيوت الطينية الغبشاء .. والممسحة بي دِلكة البعر المارق
من بطن الزرايب التي لم تبيت مواشيها القوّي أبداً .. ولم تعدم إسم البرسيم ولو
مقدار كُلّيقة ..
سخلات الفِرقان الممطورة تنطط في زقاقات البصر وهي تردّد في إنبساط
شبع و روي( ... أم) البايت القوي !
..ومصارين السِّعِد واللوبيا لم تشتكي من لوّاية محل
ولكنها بدأت تترّع من شدّة الشبع .. ولم تعد تتذكّر أيامات السجم والرماد
التي كان فيها دونها ودون الضرع .. خٌرتاية من قائمة الممنوعات!
الغيمة دقّت طناش من أنين البيوت الطينية .. التي ما عادت تحتمل عفصة كراع
من شدّة ما تفجّخت سقوفها من لبعات المطر..
ولكنها أصطنعت ثمة رجالة .. وهي تلعن وتسب .. وتقول بينها وبين المِرق
المعصور .. والخايف من تشتُّت الرصاص والقنا والحصير ...
فيها شنو لو المطرة تغيِّر رأيها وتجي بعدين ؟
السباليق .. تخُم وتصُر من مثانة السما ... فيزنقها شوية إحتقان
فتتبوّل علي الحيشان !
فتبادلها الملامة
وتصُر وشيشا ... المكتّح بالدفاق
المرا أم جعبات دي حايمة هسة تقوم تقع تكسر كراعا!!
تقع فوق هوِيّة ورقبتك ملويّة !
تطنطن عجبت في زهج
إتي بتقولي في شنو ؟ خُشِّي يخش فيك قندراني!
يا راجل مالك بتنبح هسة؟ أنا دايرة أدخل طبق الكسرة .. التّكُل دة بصُب !
تمنت عجبت لو انها كانت محمد صالح الحلفاوي
إذن لسبّت دين ..مكعّب لي حسبو أبو عيالا
ولكنها قالت أخير السكات .. تساهر بيها عقرب ولا يفتح حسبو خشمو دة
طبق الكسرة كان مبلول .. فقد أنسرقت بضعة قطرات من المطر و غافلت الرقيطا
التي كانت مفروشة في سقف التُكُل ..وحلّة المفروكة قد تحتاج لي كتحة ملح
أيضاً .. حتي يعود إليها طعمها .. ولكنها لن تتلايق مرةً أخري
فقد أفقدتها موية المطرة تماسكها..
عجَبت بمؤخرتها الجبّارة تحاول أن تبقي متوازنة وهي تحمل طبق الكسرة في رأسها
وحلّة المفروكة في يدها اليسري
خرتت كمية من الزبالة وهي تحاول أن لا تتوحّل في الطين.. وفي نفس الوقت تخاف
علي سفنجتها الجديدة نمرة حداشر !
مؤخرتها الجبّارة تشدّها إليها .. وهي تحاول أن تأمر صدرها المترهِّل بأن يوزن الشغلانة
ولكن لعب الما قدرك بفِك سدرك !
وووردُلُب ...
وووووب علي يا برير ود الحسين الظلط الما بِلين !!
الله لا غزّا فيكي بركة .. الوليّة أم جعبات دي الليلة أدتنا الجوع في الزِّيفة دي!
أظنّوا الخريف سكّينوا حمرا السنة دي ..
كل يوم ضابح سحابة
الشديرات المريوقة .. شبعت مرارة وشيّة ... و أتكرّعت
فلقة المطرة ... بتجرح خاطر المحل
بس جرح النشاف ... منوسِر وخالف الكي ..
عجَبت في نص الطين ...
جلابية حبوبة المشروطة ..كشفت عدم إهتمامها بإرتداء السراويل
لم تكن تحفل برجلها التي ربما تحتاج لزيارة لمنزل خضر البصير
ولكنها كانت تجهر بالثكلي من أجل طبق الكسرة
وحلّة المفروكة ..
التي مصمصت مياه الأمطار شلاليفا
وتركتها بلا أخضر شفاه !
يا وليّة ما تقومي قامت قيامتك ..
عليك الله هو أنا كان قادرة ما كان لحقت كسرتي وحلّتي دي!
الشي دة ما بحميك المشي.. أنا عارفوا يوم برميك!
المطرة مغزغزة كيعانا .. وتمصمص في شفاه شماتة ..
والغيوم بتقول : بركة
عجبني ليك!
عجبت تحاول التملُّص من صُلبها الكبير .. وهو حالف ما يقوم من بطن الوراطــة
وعمّك حسبو .. شتّت قصبوا .. وهو يكيل لعناته وشتائمه إليها
فقُر ... عليكم الله شوفوا المسينيحة دي !
ضاقت المياه .. التي تتظاهر في الحوش زرعاً بالحيطة أم كرش ..
فلكزتها في بطنها ..
وهي كانت تامّة للولادة ..
فلم تصمد مقدار أصبعين ..
ولم تمد قرعة رجاءها إلي مجري الطلق الصناعي .. أسفل فتحة الباب
وووردُلُب ...
مرا فقُر ...
أصلوا اليوم دة أنا مسابروا من الصباح
عمك حسبو .. ينبح ويردح في نص الحوش العريان
بعد أن حلّت المياه المتظاهرة تِكَّة سرواله
مرا فقُر ... أنستري يكشف حالك .. يا فقُر
كانت الغيوم عديمة الشغلة هذا المساء ..
فقررت أن تتمشط و تشغل نفسها قليلاً بالهطول
ولكنها أسرفت في القطيعة مع البيوت الطينية الفترانة .. ولم تشعر بمرور الوقت
ولكنها نسيت حلّة ملاحها
والغريبة إنها ما حرقت .. لكن الحِلّة غرقت !
عجبت تجرجر مؤخرتها الجبّارة إلي داخل الأوضة الكبيرة .. و المِرِق الكبير يتوجّع من
شدّة التعب والموية التي عسّمت ضهره
أجيد ليكم بي البلل !
عبارة كانت ترددها حبوبة عشة كثيراً كلما جاء الخريف
ونزل المطر
ونط العجل
الخور الكبير أسرف في الشرب كثيراً
وبدأ يقل أدبه علي شوارع الحلة المجاورة
ويكيل السباب إلي عدد من البيوت الطينية التي تأدبت خوفاً من طولن لسان سيلهُ
هووووي يا ناس الحِلّة
(... أم )أي زول !! أيي (.......) هنا دة يجي يفتح خشموا بطلِّع (....)
مجبورة سكتت البيوت
جار الخور مجبور علي التّرّس !
عجبت تحاول النهوض وهي تُكفِّت بصدرها المترهِّل وش المطر
ومؤخرتها الكبيرة تحاول إقناعها بالرجوع إلي الوراء
تخشي من طول لسان حسبو
وهو يحاول أن يبني جداراً من القماش .. يحفظ به ما تبقّي من كرامة الحيطة الواقعة
المطرة تقول طالبة الواطـة مغسة
تمشي وتجي علي كيف كيفها
مرا فقُر ..
عمك حسبو يكابد المطر والزِّيفة .. وهو يحاول أن يثبت القماش في الشِّعّب
والشُّعّب الهوائية لصدرهِ تشتعل غضباً من عجَبت
وكأنها هي التي أمرت المطر بالهطول
المرا أم جعبات دي .. مرا فقُر الله لا غزّ فيها بركة !
المطرة
كيتاً علي عم حسبو
عايرة و أدوها صوط
فنجطت .. ورفست حسبو في صنقورو
وهو ينهق في غضب و يحاول ان يسرع قليلاً حتي يحتمي بالأوضة الكبيرة
وروروووووووك
الترس كسر
ألحقونا الحِلّة غرقت ...
حسبو يجدِّف بقوّة حتي يدخل إلي الأوضة الكبيرة ويهرب بنفسهِ من شلاليت المطر
عجبت تحاول أن تلوِي زراع الجلابية العتيقة حتي تجفّف الماء والطين منها
وتمنعها مؤخرتها الكبيرة من الوصول إلي بعض المناطق النائية
فتكتفي بالتيمُّم بالحائط الأغبش
الذي أكتسب لونهُ من نيران الكوانين التي تولع فيه لإعداد الشاي
حسبو يقترب من دخول الأوضة الكبيرة
والمِرِق يكاد ان يقول الروب من ثقل ما يحمل
ووووردُلُب
الله حي
أمانة ما وقع راجل
ألحقيني يا عجبت ... أنا كِتلت !
يا مراااا
وروروووووووك
ألحقوني يا ناس الحلة
عجبت بمؤخرتها الكبيرة تحاول أن تنهض وتستدعي أصحاب المروّة
وفجأة
ينهض حسبو من النوم
فيلتفت ليجد عجبت السوط بجواره في العنقريب الجرتق
وهو يردد
أصبحنا بي الله .. عليكم الله شوفوا المرا الناشفة دي
مرا كملانة من لحم الدنيا ... مرا فقُر
عم حسبو يردح وينبح في نص الحوش المحاصر بالرمال
والصحرء تزحف ببطء نحو أرجاء المكان ...
ماتت الأشجار هذه المرّة جالسة ....
الخور الكبير الذي كان في يوم من الأيام مجري للسيل
أصبح من ضمن الخطة السكانية لسكان حلّة النشيفانة
وحسبو التعيبان ينظر لزوجتهِ المنهكة شذراً وهو يردد
أعوذ بالله ... مرا فقُر
مرا كملانة من لحم الدنياً
مرا فقُر .. فقُر ... فقٌر ....!
فقُر ...!
|
|
 
|
|
|
|
|
|
|
 Re: المرا دي فقـُر ... الله لا غزّا فيها بركة ... (Re: عبدالرازق الطيب يس)
|
| Quote: حبيب نوره دائما اتحاشي التعليق علي ما تكتب انت وعبدالغني كرم الله و كمال علي الزين لاستمتع اكثر وتكون صورة الكاتب خلف حروفه وابني له صوره خاصة بي نابعه من. إبداعه ولا استطيع الوصول اليه دعك من أحاوره بس دايراسأل أنتو الكلام دا بتجيبوه من وين |
عبد الرازق
هذه اللغة تسكنني في كل الخطي
الخطي الممهورة بحبر الدم
أتراها هي نفس التهاويم التي أفني سلفادور دالي عمرهُ أسيرا ًلها؟؟؟
سؤال ليس للإجابة!
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: doma)
|
Quote: الوليد المستهبل
امانه ماك
كتاب
وممسوخ. |
وبس يامجنونة أفراح الشعب
بالمناسبة امبارح افراح في
عثمان حسين إنكشفت وطلعت قصيرة
النفس في اغنية دوليب ...
مجنون لكن بالجد مجنون هذا الفتى
لما يكتب ومفرح اكتر بكتير من افراح
................................حجر.
| |
|
|
|
|
|
|
|
|
 Re: المرا دي فقـُر ... الله لا غزّا فيها بركة ... (Re: فاروق أبوحوه)
|
Quote: ودي علي وزن شلاليف الخطر والله شنو؟
إنت عارف يا جنا يا مشوطن انت ..
مرات المطره بتكب من مافي غتا الرمله ، وبعض (عولاق) و (عوالق ) الجو السافل لا هو مصعّد ولا هو الحارن.
وكمان مرات بتخت مخلاية النم فوق كتف الغيم وهاك يا كب وهاك يا شوف .. وعيك سب ، وفيك يا خب .
أوعاك تقولي الزرقاء..وما ادراكما اليمامة ،،
وعلي أعتاب القيامة يخنقني اليوم وزر أن آتي حافي اليقين من نعيم ،، . |
يااااااااااه يا أبو حوّة
برقك قِبلي ياود الزمن العبّادي !!
جيتك دي جهجهت لي الفاصل المداري
هسة يكون وصل سابع سبلوقة!!
Quote: الله لا كسب شافع الحاج
العيدان الغرقو وحاتك
كانو عشان القهوة الكيف |
والله لا بارك في الغيم البغشي ديارك
ويفتح شهية مجاريك
ويقهموا بي المحل
تسلم لي يا الحبيب
شكرن كتيرن!
| |
|
|
|
|
|
|
|
|
 Re: المرا دي فقـُر ... الله لا غزّا فيها بركة ... (Re: الطيب رحمه قريمان)
|
Quote: اختيار ممتاز للمفردة و الجملة و من ثم رسم صورة تفرض نفسها على القارئ
الجمع ما بين المطر و الرقيطة و تلك المراءة ذات الوزن التقيل و الرجل الذى يكابد
ما بين لعن زوجته الفقر و الحيطة التى انهارت و تلك المطرة "خوفا و طمعا |
الطيب قريمان
ياخي أشكر مرورك علي هذا الدفاق
الدنيا ليل غربة ومطر
ربنا يجبر بي خاطرك
قول آمين !!!
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: حبيب نورة)
|
حبيب نورة
مطرتك المنطرة عينيها دي سكتت تب
وسرسرت بولها فرق فشقيها ومرقوا الجنيات البعوا التيوة
امحمد ود اللخدر وجاقوم ود نفيسة اسامو
الروس الروس
حباي التروس
من الدفسا للقطع نفسا
اجيني الدفسا
جاك جاقوم ود نفيسة
الروس الروس
حباب التروس
من الكيك للكمل بلادو فريك
اجيني الكيك
اجيك هردام مطر العتامنة
والتيوة دورت لمن حومرت
تسقط تسقط تسقط الامطار
وكنا قايلين الحيكومة بيوت الغفرا
وتسقط بيوت الغفرا
وعبود اكال الدود
وعية وعية وارعد ومن العتامنة ما تبعد
والسنبيرية ام مقود عيش ابوي بقوم متين
بقوم باكر مع العساكر
والعساكر قلبوها قلبة مطرة فوق صنقور الصغير فيكن
وانقطعت وانشبطت
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: عبدالله ود البوش)
|
Quote: حبيب نورة
مطرتك المنطرة عينيها دي سكتت تب
وسرسرت بولها فرق فشقيها ومرقوا الجنيات البعوا التيوة
امحمد ود اللخدر وجاقوم ود نفيسة اسامو
الروس الروس
حباي التروس
من الدفسا للقطع نفسا
اجيني الدفسا
جاك جاقوم ود نفيسة
الروس الروس
حباب التروس
من الكيك للكمل بلادو فريك
اجيني الكيك
اجيك هردام مطر العتامنة
والتيوة دورت لمن حومرت
تسقط تسقط تسقط الامطار
وكنا قايلين الحيكومة بيوت الغفرا
وتسقط بيوت الغفرا
وعبود اكال الدود
وعية وعية وارعد ومن العتامنة ما تبعد
والسنبيرية ام مقود عيش ابوي بقوم متين
بقوم باكر مع العساكر
والعساكر قلبوها قلبة مطرة فوق صنقور الصغير فيكن
وانقطعت وانشبطت |
البوش ياني الراجع ليك صاد
بس أبلبل عطشي دة!
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: حبيب نورة)
|
حبيب نورة
كيفنك
ها جني السما انفشت فوق دقنوس البويت الاصلو سجمان من قبالةوالزبالة سالت دموع عروس حردانة الحنة الله لا غزة في الجبر بركةوالمطر كان ما بتطفي النار كان الشجر انضارى في اصبع الريح الفاردة سبابتا قهارة ومقدرة
اللة يجازى شلاقة الكتابة البتحفر في الروح مجرى الغناوى وتصب سبلوقة العشم البفتح باب النزق ضلفتين
في امان الله
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: امال حسين)
|
Quote: ها جني السما انفشت فوق دقنوس البويت الاصلو سجمان من قبالةوالزبالة سالت دموع عروس حردانة الحنة الله لا غزة في الجبر بركةوالمطر كان ما بتطفي النار كان الشجر انضارى في اصبع الريح الفاردة سبابتا قهارة ومقدرة
اللة يجازى شلاقة الكتابة البتحفر في الروح مجرى الغناوى وتصب سبلوقة العشم البفتح باب النزق ضلفتين
في امان الله |
آمال يا آمال
نُقناقتِك
صبّابة
ما كضابة
لمن غافلت صحرة عشمي
ونزلت شو
كبّت
شو
ما دقت باب
ما قالت كو
المطرة مُلاح الباتن قو
ياخي جيتك دي بالدنيا والله
تشرح تفرّح قلب
تسلمي كتير
وربنا يديكي العافية
شكرن كتيرن!
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: عبدالله ود البوش)
|
Quote: مطرتك المنطرة عينيها دي سكتت تب
وسرسرت بولها فرق فشقيها ومرقوا الجنيات البعوا التيوة
امحمد ود اللخدر وجاقوم ود نفيسة اسامو
الروس الروس
حباي التروس
من الدفسا للقطع نفسا
اجيني الدفسا
جاك جاقوم ود نفيسة
الروس الروس
حباب التروس |
ود البوش
ياخي هطولك عجول
كضاب القمح الما بطولك
كضاب الزمن الما بقولك
ياخي كلامك
عجوة معطونة فوق عسل
برجعنا هنا
للزمن السمح
والبكانات الفرايحي
كُلّيقة فرح
شكرن كتيرن!
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: حبيب نورة)
|
مسدار المطرة الكبّت شو
ما دقت باب
ما قالت كو
المطرة مُلاح الباتن قو
ما قالت كيف
لا قالت لو
بس كبّت شو
بس مرقت شو
لا بتفهم ريح
لا بتعرف نو
لا خافت ليل
لا هابت ضو
من إيد الرب القالِك سو
مسدار المطرة الكبّت شو
بتمد للمحل البنبح هو
بتكيل للحر الساكن الجو
بي برقاً شالع
بضرب رو
بي رعداً كاسر
بضرب كو
مسدار المطرة الكبّت شو!
نمّت.. نظمت... مسدار قمحة
خطبت بالخير .. فاطمة السمحة
حضنت غابة وروت الجو
فهمك للدنيا نخيل وخدار
رايك في النيل ما بتلولو
مشوار النور في شارع الضي
مسدار المطرة الكبّت شو
لا شحدت كسرة ولا صفقة
ولا طنُّوب من لبن الضو
مرقت حفيانة تقابل الضيف
قدلت بي سيف
مدّت ماعون .. وقدت كانون
كيل يا مكائيل .. وافر بالحيل
معطون في الخير
مسدار المطرة الكبت شو
ما دقت باب ما قالت كو
المطرة ملاح الباتن قو !!
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: حبيب نورة)
|
الحبيب حبيب نورتنا..... سلام
نزلْ الرُشاش
والدُنيا فِرْحَتْ بالرزاز
هبَّت فجُر ريحة الدعاش
وغِشَتْ ديار ناساً عُزاز
ويعطِّر النال كُلْ فضاءاتنا
ويدوبي البَهَمو رازْ
كم فرهد القش في الخلا
ومن الفرح جدَّع صِفيقاتو الحراز
أخدت لي فركة كعب للسودان يالحبيب
عزّيت عفرا في (نفقه) وجيت
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: محمد فضل الله المكى)
|
Quote: نزلْ الرُشاش
والدُنيا فِرْحَتْ بالرزاز
هبَّت فجُر ريحة الدعاش
وغِشَتْ ديار ناساً عُزاز
ويعطِّر النال كُلْ فضاءاتنا
ويدوبي البَهَمو رازْ
كم فرهد القش في الخلا
ومن الفرح جدَّع صِفيقاتو الحراز |
الحبيب الخال الجنرال
ألف حمدا الله علي السلامة
هطولك بدّي المحل طعم الخريف
وسيل فرحك هميمم
دفاق
ومطرك نقناق
وبرقك قبلي
جيد ليكم بالمطر
زي كلام حبوبة حين ميسرة وميكائيل
يكيل بالربع الكبير
Quote: أخدت لي فركة كعب للسودان يالحبيب
عزّيت عفرا في (نفقه) وجيت
|
هنيئاً لك
والله فركة كعبك دي نحن متقريفين ليها من سنين ودنين وعمر مسلمين!
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: حبيب نورة)
|
Quote: وتصُر وشيشا ... المكتّح بالدفاق
المرا أم جعبات دي حايمة هسة تقوم تقع تكسر كراعا!! |
سبحااان الله ....
Quote: تقع فوق هوِيّة ورقبتك ملويّة !
تطنطن عجبت في زهج
إتي بتقولي في شنو ؟ خُشِّي يخش فيك قندراني! |
لاااا حولا ولا قوتاااااان إلا بالله ....
... المهم ...
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: حبيب نورة)
|
حبيبها كما نحن
سلام فيه ألف بركة
Quote: والممسحة بي دِلكة البعر المارق
مقدار كُلّيقة ..
البايت القوي !
..ومصارين السِّعِد واللوبيا لم تشتكي من لوّاية محل
ولكنها بدأت تترّع من شدّة الشبع ..
التي كان فيها دونها ودون الضرع .. خٌرتاية من قائمة الممنوعات!
الغيمة دقّت طناش من أنين البيوت الطينية .. التي ما عادت تحتمل عفصة كراع
من شدّة ما تفجّخت سقوفها من لبعات المطر..
ولكنها أصطنعت ثمة رجالة .. وهي تلعن وتسب .. وتقول بينها وبين المِرق
المعصور .. والخايف من تشتُّت الرصاص والقنا والحصير ...
السباليق .. تخُم وتصُر من مثانة السما ... فيزنقها شوية إحتقان
فتتبوّل علي الحيشان !
فتبادلها الملامة
وتصُر وشيشا ... المكتّح بالدفاق
تطنطن عجبت في زهج
.. تساهر بيها عقرب ولا يفتح حسبو خشمو دة
طبق الكسرة كان مبلول .. فقد أنسرقت بضعة قطرات من المطر و غافلت الرقيطا
التي كانت مفروشة في سقف التُكُل ..وحلّة المفروكة قد تحتاج لي كتحة ملح
أيضاً .. حتي يعود إليها طعمها .. ولكنها لن تتلايق مرةً أخري
فقد أفقدتها موية المطرة تماسكها..
خرتت كمية من الزبالة وهي تحاول أن لا تتوحّل في الطين.. وفي نفس الوقت تخاف
علي سفنجتها الجديدة نمرة حداشر !
مؤخرتها الجبّارة تشدّها إليها .. وهي تحاول أن تأمر صدرها المترهِّل بأن يوزن الشغلانة
ولكن لعب الما قدرك بفِك سدرك !
وووردُلُب ... |
ديجيتالية الحروف ... ترصف درب هذا الحكي المنسرب من ذاكرة عامرة بكل ما هو ( سوداني صميم ) فيؤكد ما نحاول بثه هنا من سودنة للغة
تسلم أناملك ياخي
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: حبيب نورة)
|
Quote: كانت المطرة تناغم في البيوت الطينية الغبشاء .. والممسحة بي دِلكة البعر المارق
من بطن الزرايب التي لم تبيت مواشيها القوّي أبداً |
Quote: ولكنها أصطنعت ثمة رجالة .. وهي تلعن وتسب .. وتقول بينها وبين المِرق
المعصور .. والخايف من تشتُّت الرصاص والقنا والحصير ...
فيها شنو لو المطرة تغيِّر رأيها وتجي بعدين ؟
السباليق .. تخُم وتصُر من مثانة السما ... فيزنقها شوية إحتقان
فتتبوّل علي الحيشان ! |
الرائع والشفت / حبيب نوره
كتابه تفوق حد الروعه
لم أكن محظوظا بالمرور على البوست قبل اليوم
لكنى ابدو أكثر حظا بعد مطالعته اليوم وبمزاج رايق وجو أحلى بمدينة زايد
كل عام وأنتم بخير
| |
|
|
|
|
|
|
|
|
|
Re: المرا دي فقـُر ... الله لا غزّا فيها بركة ... (Re: saber alhawatti)
|
Quote: الرائع والشفت / حبيب نوره
كتابه تفوق حد الروعه
لم أكن محظوظا بالمرور على البوست قبل اليوم
لكنى ابدو أكثر حظا بعد مطالعته اليوم وبمزاج رايق وجو أحلى بمدينة زايد
كل عام وأنتم بخير |
ناصر الحواتي الجميل
ياخي إنشاء الله تسلم
وربنا ما قسم لينا بالشوفة
لكن بتتسهل بإذنِ واحدٍ أحد
الفرد الصمد
بنتلاقي في الرملة الدقاقة
سعدت بالمرور
وشكرن كتيرن!
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
حبيب نورة
عبدالرازق الطيب يس
doma
الرفاعي عبدالعاطي حجر
فاروق أبوحوه
بدرالدين شنا
Fathi Ali Mohammed
الطيب رحمه قريمان
يوسف الولى
عبدالله ود البوش
امال حسين
baha eassa
محمد فضل الله المكى
ناصر احمد الامين
تبارك شيخ الدين جبريل
ابو جهينة
saber alhawatti
فيس بوك
تويتر
انستقرام
يوتيوب
بنتيريست