دعواتكم لزميلنا المفكر د.الباقر العفيف بالشفاء العاجل
|
|
 طارق ابوعبيدة .. بداية الجولة الأمريكية‘ فيرجينيا عيد الأضحى
|
الصورة: عدسة دكتور حسن ابوزيد
الغناء عند ابوعبيدة سرحة صوفية تحسها و تحس معها انه انما يغني ليطرب طارق في المقام الأول
و أنه عاشق وأنه يتذوق رحيق الكلام قبل أن ينطق به‘ و أنه يسلك طريق الأغنية تماما
و يتلبس روحها حتى تخاله نسمة او صدى للمشاعر كلها.
ندعوكم جميعا الى مشاركة طارق شدوه و فرحه بالطرب
السبت ٢٨ نوفمبر
Double Tree Hotel Crystal City
|
|
 
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Tagelsir Elmelik)
|
التاج الملك سلامات ...
وتشكـر على العيدية وربك يجيب لينا العيد بديوكه وبخرفانه وبخدره
وإنشاء الله نعيد معاكم بكل لحمة ولحن فيهو (بس ربك يستر من الكلسترول)
وده موسم سمح... عيد شكـر (رومي) وعيد (ضحية) وخدر (الفنان)
ونحنا في إجازة من الأربعاء لغاية الإتنين
عاد في أحسن من كده
وتسلم يا فنان يا مبدع.....
_____________________________
ملحوظة:
كتاب "إيش لون الأحمسة" جنب فراشي
قريته خمس مرات... ومازلت أواصل في قرايته
عاوز أنقده بس ما عارف ليهو عوجة
كل مرة أقراهو يجيني وجع رقبة
تدخله لغاية الصفحة الأخيرة ما تجيك من غير ما تحس
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Osman Musa)
|
سلامات يا ملكـ ليكـ و لي ضيوفكـ
و شكرا علي البوست اللطيف و البوستر الفنان يا فنان
باكر فجر من دربي علي لندن لحفل 21 نوفمبر و منها لي حلتكم
حا اصل في واشنطون مساء الاتين 23 نوفمبر
نتلاقي و نغني و نرسم و نبل الشوق يا صاحب
شكرا من قبل و من بعد ليكـ و لي بكري و لكل الاصدقاء
بسودانيزاولاين ود الصائم - اماني - محمد خليفة - عثمان موسي
شكرا علي كل الكلمات بحقي و ده كلو منكم و ليكم
احساس بشيلو منكم و برجعو ليكم
دامت المحبة و دام الفن السوداني
شكرا يا فنانيين
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Hussein Mallasi)
|
| Quote: البوستر فعلاً فنان |
شكرا يا حسين ملاسي
color can be used to represent many things or ideas , to create visual impact
to create contrast and contradiction for the benefit of the overall
value of whatever project you doing, the main theme color here ( the backdrop) , is a dominant variations of subtle grayish color
which by all measure neutral. enhancing gray and (black and white art work)
with pure primary colors , is a known technique, in the end it is style, and I personally like it,
But anyway I thank you
دعواتك لطارق بالتوفيق
الملك
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Luay Elhashimi)
|
قريبى تاج السر الملك
تحية لك و لضيوفك
كان بودنا ان نكون معكم و نستمتع باغانى الفنان طارق ابوعبيدة
الا ان الظروف قد تمنعنا من الحضور نسبة لانو عندنا حفلة فى
نفس اليوم بالفنان ماهر تاج السر بمدينة سالسبرى بالساحل الشرقى
لولاية ميريلاند... معزومين معانا مع انو عارفنكم ما حا تجو
اذا عملتو حفلة تانية بى خدر مؤكد حا اكون حاضرا...
تحياتى لى خدر و ان شاءالله سوف نكون من الحضور
فى احد حفلاتك القادمة فى نيويورك او كنتكت
عادل
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Luay Elhashimi)
|
عاين يا تاج السر .
من بدرى شديد سمعتو بغنى .
والدنيا عيد والقطار كاسح تلك الصحارى نواحى العالياب .
اذكر يا التاج الزول ده كان بغنى أغنية الشاعر عبيد عبدالرحمن .
..
أفكر فيه واتأمل أراه اتجلى واتجمل
هلالى الهل واتكمل .
تفاصيل قولى والمجمل سأصبر يأخى ايه أعمل
اذا قلب الفتى أتحمل مصائب الدهر والامه
أرى ألصبر الجميل أجمل .
..
عليك امان الله يا التاج حتى الكمسارى صار يسكسك ويشيل فى أفكر فيه واتامل
مع طارق .
تلك المناطق يا تاج السر كلها فنانين الصغير والكبير والما بغنى بدوبى
من هناك بابكر ودالسافل وسيد الجعلى وحسن خليفة وأحمد فحل وعثمان بشير وودالعبد
ألف مرحب بالفنان طارق .
وكل عام وابنا وبنات السودان فى خيرين ونعيم .
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Tagelsir Elmelik)
|
يا...سر يا ملك..
احتراماتي...
دائماً دأبك احتضان الدرر...ليس مستغرباً أن تكتب عن صديقنا الفنان عبد الهاي او طارق او عمر بانقا اوحتى الموصلي وميكائيل وباص وكل القبيلة...
وبهذه السانحة....هناك حق تاريخي واجب علي اعطاءك اياه...لأنه دين في رقبتي ...
وهو..... ايها الناس....
الاستاذ تاج السر الملك هو اول صحفي كتب عن عقد الجلادوتنباً بنجاحها وهي مازالت في طورها الاول وكان ذلك بصحيفة السوداني الاولى...
وظل هذا الشرف يزين جبيننا ومازال عالقاً على رقبتنا....فأنت يا استاذ بذلك تكون صحفياً مؤسساً لفكرتنا مثبتاً للبنتنا وداعماً اصيلاً....
حفظك الله ذخراً لبلدك واهل بلدك وقبيلتك في الإبداع ...ايها الفنان الحادي والشفيف....
عوض الله ع/ عقد الجلاد
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Awadallah Bashir)
|
يا عوض الله يا أخي العزيز
Quote: يا...سر يا ملك..
احتراماتي...
دائماً دأبك احتضان الدرر...ليس مستغرباً أن تكتب عن صديقنا الفنان عبد الهاي او طارق او عمر بانقا اوحتى الموصلي وميكائيل وباص وكل القبيلة...
وبهذه السانحة....هناك حق تاريخي واجب علي اعطاءك اياه...لأنه دين في رقبتي ...
وهو..... ايها الناس....
الاستاذ تاج السر الملك هو اول صحفي كتب عن عقد الجلادوتنباً بنجاحها وهي مازالت في طورها الاول وكان ذلك بصحيفة السوداني الاولى...
وظل هذا الشرف يزين جبيننا ومازال عالقاً على رقبتنا....فأنت يا استاذ بذلك تكون صحفياً مؤسساً لفكرتنا مثبتاً للبنتنا وداعماً اصيلاً....
حفظك الله ذخراً لبلدك واهل بلدك وقبيلتك في الإبداع ...ايها الفنان الحادي والشفيف....
عوض الله ع/ عقد الجلاد |
اعدتني بحديثك الى ايام خوال باقيات
ولا يزال شرف ثقتي في ان تكون عقد الجلاد يزين رقبتي
الشريط الوحيد الذي كان في حقيبتي وانا مسافر الى امريكا
كان شريط ( نعمة)‘ و الذي سهكته سهكا اقطع به ضجر امسيات نيويورك
لكم الشكر و التحية مني و من كل قطاعات الشعب السوداني
و سعيد بلقياك مرة أخرى ‘ ولنمد جسور التواصل
عودة الى طارق
سيتبوأ مكانه في خارطة الفن السوداني
احساسي لن يخيب هذه المرة ايضا انشا الله
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Anwar Ahmed)
|
| Quote: العيد بديوكه وبخرفانه وبخدره |
شكرا كثيرا ياملك
الجمعية السودانيةلخدمات المجتمع- بايوا ستى ولاية ايوا
والملتقى السودانى - بديموى عاصمة ولاية ايوا ايضا
على قدم وساق فى الترتيب والتجهيز لاستقبال طارق وميكائيل
وكما سيشترك معهم عدد من الموسيقيين السودانيين بايوا
يدكم معانا..
وامنياتنا بلحظات خالدات ..لجميع الفرجيناب وجيراننز.
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Tagelsir Elmelik)
|
قطار الشوق
متين ترحل تودينا
نشوف بلدا حنان اهلا
ترسى هناك ترسينا
نسائم عطبرة الحلوة تهدينا و ترسينا
نقابل فيها ناس طيبين فراقم كان مبكينا
يا قطار الشوق
متين توصل هناك
حبيبنا راجينا
متين نحضن عويناتو
متين يسرع يحيينا
يا قطار الشوق
دا ليل الغربة فيهو ودار
متين تسرع
متين بتكمل المشوار
عشان ما نلقى سيد الناس
و نطفى البينا من النار
نشوفو عيونو نعسانة
و لونو الزاهى كلو نضار
يا قطار الشوق حبيبنا هناك
يحسب فى مسافاتك
و لو تعرف غلاوة الريد
كنت نسيت محطاتك
وكان بدرت فى الميعاد
و كان قللتة ساعاتك
و كان حنيت على مرة
و كان حركت عجلاتك
//////////////////////
القصيدة من كلمات علي محجوب
أغنية الفنان الكبير بابكر الزكار .
فى ما بعد تغنى بها حسن خليفة العطبراوى ثم أحمد فحل و البلابل .
يا تاج السر طارق ابوعبيدة بجنن الأغنية دى جن وبدخل فيها شغلات تعجب . وطارق ابوعبيدة
هو ابن منطقة بابكر الزكار الفنان المرجع ...
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: أيزابيلا)
|
حفل عيد الأضحى المبارك
دعوة للسودانيين بفرجينيا، ماريلاند، واشنطن
لحضور الحفل الساهر الذي يقيمه الفنان
طارق أبوعبيدة
"طارق غيم"
الدعوة موجهة للجميع لحضور الحفل الساهر الذي يقيمه الفنان طارق ابوعبيدة وفرقته القادمة من أوروبا، وذلك بتاريخ 11/28/2009، الذي يوافق عطلتي عيد الأضحى المبارك وعيد الشكر الأمريكي. لا تدعو الفرصة تفوتكم للاحتفال بالعيد، وتكتمل الفرحة بحضور الجميع على طاولات مستديرة في جو سوداني حميم.
Address
Double Tree Hotel
300 Army Navy Drive, Arlington, Virginia, 22202
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: Osman Musa)
|
يا آش
تعال انت بس بنفاصلك
احتمال تدفع زيادة عشان انت معرفة
و احتمال نقطة
واحتمال تجي بدري تعتل معانا الكيبوردات
و تساعد في نفخ الهنابيب
و عشا الفنانين
وتراقب الباب من البني كجة البخشو بلاش
و البعملو اسكانينق للتذاكر و قايلننا هبل
اها اخير ليك تكون معرفة؟؟
تعال انت اعمل ما بتعرف زول
و لابس قناع هالوين
نشوفك الليلة يا رجل و نكون سعداء
الملك
| |
|
|
|
|
|
|
|
|
|
Re: طارق ابوعبيدة .. بداية الجولة الأمريكية‘ فيرجينيا عيد الأضحى (Re: هشام هباني)
|
هشام هباني
أسعد الله ايامك يا اخي
Quote: واهلا بالاخ المبدع الجميل طارق ابو عبيدة ( خدر)
في الديار الامريكية التي يعطرها هذه الايام بفنه الراقي
الجميل وهو عيد في حد ذاته اعطي العيد القا وضياء وجمالا
فاهلا به والف مراحب. |
سعادتنا لا توصف بوجود طارق بيننا
اتمنى ان تجتهد مع الأخوان في تكساس
لتسهيل زيارته و اقامة حفل هناك.
لك مودتي الدائمة
الملك
| |
|
|
|
|
|
|
| |
Tagelsir Elmelik
محمد عبد الماجد الصايم
الجندرية
بكرى ابوبكر
Mohamed Yassin Khalifa
Osman Musa
خدر
انعام حيمورة
قيقراوي
انعام عبد الحفيظ
Hussein Mallasi
محاسن أحمد محمد
Adil Hamza
خالد العبيد
Khalid Kodi
Awadallah Bashir
نادر السوداني
على عمر على
محمَّد زين الشفيع أحمد
منعمشوف
أيزابيلا
Mohamed Foto7li
khatab
Adil Osman
عامر باضاوي
نصرالدين صلاح
فضل الصادق
Ehab Eltayeb
هشام هباني
فيس بوك
تويتر
انستقرام
يوتيوب
بنتيريست