حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-10-2018, 04:44 PM الصفحة الرئيسية

مكتبة حسين يوسف احمد(حسين يوسف احمد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
24-05-2006, 11:58 AM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة


    بيـان مـهم

    حـزب البـعث العـربـي الاشـتراكـي - قـيادة قـطر السـودان

    اتفـاق ابـوجـا حـل زائـف لازمـة حـقيقـية ومـطالـب عـادلـة ..


    * نعم لوقف إطلاق النار .. لا لتمدد التواجد الأجنبي

    * اتفاق ابوجا حل زائف لازمة حقيقية ومطالب عادلة

    * لا حل للازمة الوطنية الشاملة في إطار النظام القائم وركائزه

    * خياران، لا ثالث لهما، أمام شعبنا للخروج من الأزمة الوطنية : استقالة النظام وتكوين حكومة وحدة وطنية حقيقية أو الانتفاضة الشعبية

    * المراهنة علي الدور الإقليمي والدولي يفتح الطريق لفرض كامل الوصاية الدولية علي بلادنا.

    * نعم لعلاقات حسن الجوار .. لا للتدخل في الشئون الداخلية


    جماهير شعبنا الوفية

    في سبتمبر 2004م أصدر حزبنا بياناً بعنوان (دارفور بين التدويل واتجاهات الحل) أكد من خلاله أن ما يجري في دارفور أحد المظاهر ، الأشد ما ساويه ، وعنواناً من العناوين التي تشملها الأزمة الوطنية الشاملة ، كقضية عادلة تتطلب مشاركة واسعة لمعالجتها بأفق وطني وبعيداً عن التعصب القبلي أو الجهوى ، في منبر وطني يضم إضافة إلي أبناء وبنات دارفور ، مع اعتبار خاص للزعامات المحلية الوطنية ، وكافه القوى الوطنية .

    ومضي البيان إلي التقرير بأن مفاوضات ابوجا لن تقدم حلاً جذرياً لأزمة حقيقية ، وأن أفضل ما يمكن أن تفضي إليه وقفاً لإطلاق النار.
    وقائع ما تمخض عن مفاوضات أبوحا في مايو 2006م أكدت علي ما توصل إليه حزبنا في بيانه المشار إليه .

    معادلة مزدوجة يطرحها اتفاق ابوجا علي ارض الواقع ، كونه قد أقر وقفاً لإطلاق النار ـ يجد منا كل الترحيب ـ دون إغفال أن أطرافاً أخرى لم توقع عليه ، بكل ما يحمله ذلك من احتمال تواصل إطلاق النار. إن ترحيب حزبنا ، بوقف إطلاق النار ، ينطلق من موقفنا المبدئي ، الرافض للعمل المسلح طريقاً لحل الأزمة الوطنية الشاملة .

    حيث ظل حزبنا يؤكد علي خيار الشعب السلمي ، وبإرادته الحرة ، عبر الانتفاضة الشعبية .
    كما أن ترحيبنا ينطلق من بواعث إنسانية ، تحرص علي حقن دماء أبناء وبنات شعبنا وإنهاء معاناتهم التي كانت الحرب إحدى أشد عناوينها قساوه . ويأتي ترحيبنا ، بوقف إطلاق النار ، أيضا لأنه يعيد للصراع الدائر في قطرنا وضوحه ، كصراع سياسي اقتصادي اجتماعي ، ويزيل الغشاوة الزائفة التي تحاول إضفاء طابع قبلي أوجهوى أو عنصري عليه .

    أن وضوح طبيعة وحقيقة الصراع سيفتح الباب إمام فرزاً تاريخياً في الخنادق . تتحرر فيه حركة جماهير شعبنا ، حينما تصطف في خندق مواجهة النظام وبدائله الزائفة ، المندمجة فيه أو في الانتظار ، والقوي الإقليمية والدولية التي تسنده ـ ذلك الخندق الوطني الذي يضع كل رهانه علي الإرادة الوطنية والثقة المطلقة في قدراتها واستعدادها للاضطلاع بدورها الوطني القومي الإنساني.

    يا جماهير شعبنا

    أن ما تم في أبوجا بهذا المعني لا يمثل حلاً لقضية دارفور ومعاناة أبناء شعبنا فيها ـ ذلك أن إطراف مفاوضات ابوجا لا تمثل كل أبناء دارفور ـ فهم بعض هؤلاء ولم يفوضهم الآخرون للتحدث باسمهم ولم يختاروا الطريق الذي اختارته الحركات المسلحة سبيلاً للحل ـ كما ولا يمثل المفاوضون باسم النظام شعب السودان ـ وقبل هذا وذاك فإن الصراع الدائر ليس صراعاً بين أبناء السودان في إقليم دارفور وبين أبناء السودان في الأقاليم الأخرى.

    لذلك فإننا ندرك تماماً أن ما قدمته ابوجا لا يعدو كونه حلاً زائفاً لازمة حقيقية. لم يتعده فيها ما طرحته ابوجا حصة من السلطة والثروة لبعض ممن حمل السلاح ، امتداداً للنهج الذي كرسة النظام وجاءت عبر ضغوط إقليمية ودولية عبد طريقها كل من النظام والحركات المسلحة لتعطي تلك الضغوط الحصة الأكبر للتواجد والحضور الأجنبي الإمبريالي علي ارض السودان وبين طيات قرارات مستقبله. وتطلق يد النظام في دارفور برعاية الأجنبي ورضاه من جهة مقابل خضوع النظام لتمدد تواجد القوات الأجنبية والإرادة الإمبريالية بدارفور كامتداد لخضوعة لذلك الحضور الأجنبي منذ القبول بإملاءات القس دانفورث حول جبال النوبة .

    وذلك بتغييب متعمد للأسباب الجوهرية للصراع والتي تتمثل في غياب التنمية وهيمنة الفئات الحاكمة ومحاسيبها علي مقدرات الوطن وموارده ، وما افرزته الحرب من معاناة عشرات الألوف في معسكرات النازحين ، ومطلوبات أعادة تهيل مناطقهم وتعويضهم العادل عما فقدوه بسبب الحرب وتداعياتها. إن الضغوط التي مارستها الأطراف الإقليمية والدولية لتحقيق اتفاق ابوجا.تبين خطورة الاتكاء علي الأجنبي أو الاستنجاد به في مواجهة خصم داخلي.

    حيث كانت هذه الأطراف الضاغطة هي من أمد الحركات المسلحة بالدعم المادي والسياسي والعسكري طوال سنوات الاقتتال .
    ثم أرتات كما خططت لذلك من قبل إن الوقت قد حان لتمارس قدراً من الضغوط علي الطرفين يحقق لها أهدافها في الهيمنة علي السودان والمنطقة عبر تواجد كثيف لقواتها في دارفور لتصبح بذلك رديفاً لقواتها المنتشرة في أجزاء أخري من السودان.

    إن التأمين علي أهمية تواجد قوات أجنبية بضوء التوقيع علي اتفاقات ابوجا ، وبعد عام علي دخول الحركة الشعبية كشريك للإنقاذ في السلطة، يفضح زيف وخواء شعارات السودان الجديد ، التي راهن عليها بعض الواهمين، ويعكس حقيقة تبعيتها هي وشريكها المؤتمر الوطني للسياسات والإملاءات الأمريكية .

    ولقد تبين بحسب إفادات بعض المراقبين ، إن المنتسبين للحركة في الوفد الحكومي للمفاوضات ، كانوا معنيين بعدم المساس بمكاسب الحركة في نيفاشا وليس بسبل إيجاد حل لمشكلة دارفور ، وهو ما يؤكد سابق حكمنا علي نيفاشا بأنها صفقة تطلق يد الحركة في الجنوب مقابل أطلاق يد الإنقاذ في الشمال وكل تحت خيمة الوصاية الأمريكية.

    وإذا كان توقيع بعض من حمل السلاح علي مشروع الاتحاد الأفريقي قد تم بسبب تحول الجهات الإقليمية والدولية من خانة الداعمه لتلك الحركات المسلحة إلي خانة المهددة بتقديم بعض رموزها لمحكمة الجنايات الدولية وحرمان الحركات من الدعم الذي كانت تتلقاه بحصارها ، إضافة لبعض الطموحات الشخصية من قبيل منصب مساعد رئيس الجمهورية وغيرها من الوظائف ، فإن توقيع الطرف الحكومي قد جاء لعدة أسباب أولها الغياب التام للدولة ومؤساتها علي أرض دارفور وعجزها عن توفير الأمن والغذاء والخدمات للمواطنين واعتمادها في ذلك علي إغاثات ومعونات المنظمات الأجنبية التي إلي جانب توفيرها لفرص تخديم وعماله واسعة فإن الأغاثه قد ساعدت إلي جانب أهدافها الأساسية بالنسبة للنازحين في التخفيف من حده الغلاء الذي كان النتيجة الطبيعية للتوقف التام في النذر اليسير من المشروعات التنموية الإنتاجية الكائنة.وبسبب ارتفاع تكلفة ترحيل السلع والمواد بسبب المخاطر الأمنية التي يتعرض لها أسطول النقل البري والإتاوات أوالجبايات المفروضة عليه من قبل تجار الحرب.( النظام والحركات المسلحة) يستخلص جباياته في المناطق التي يسيطر عليها ، يضاف إلي ذلك أيضا العامل المشترك الخاص بالتلويح بتقديم عدد من رموز النظام لمحكمة الجنايات الدولية وبالتالي فإن النظام بتوقيعه علي الاتفاقات ، وكذلك الحركات المسلحة ـ يعلنون معاً تسليمهما بأيلولة مهام حفظ الأمن والغذاء إلي الولايات المتحدة عبر بوابة قوات الاتحاد الأفريقي أو الأمم المتحدة .
    نقول الولايات المتحدة ، لأن الكل يعلم أن كلاً من الاتحاد الإفريقي والأمم المتحدة لا يملكان إرادة التحرك والفعل ولا ينفذان إلا ما تطلبه منهما الولايات المتحدة ، وتتباري القوي السياسية التي لم تتعلم من تجربتها بتعديل ميثاق التجمع، ومراهنتها علي الدور والضغوط الأجنبية لأعادتها إلي سده الحكم ، تتباري تلك القوي التي لم يكن حصادها من نهجها في نيفاشا والقاهرة سوي الحصرم والهشيم ، في التباكي علي الوجود الأجنبي ظناً منها هذه المرة ، إن حلول الأجنبي محل الإنقاذ النيفاشية سيوفر لها من المكاسب ما عجزت عن توفير مستلزماته وطنياً ، بالاعتماد علي الجماهير والرهان علي استعداداتها وقدراتها .

    وفيما يتذبذب موقف تلك القوي بين رفض الاتفاق وقبوله ، يتطابق موقفها العملي من القبول بالأجنبي سواءً قواته أو منظماته تحت غطاء (الشرعية الدولية) أو مع أطروحة تقديم المتهمين لمحكمة العدل الدولية .

    إما موقف دول الجوار غرباً وشمالاً الداعم للاتفاق فإنه يتراوح بين الرغبة في أن يكف الاتفاق أذي الإنقاذ ودعمها للحركات المسلحة المعارضة للنظام غرباً .
    وفي تطوع الجارات الشمالية لتقديم مزيد من الخدمات والتأمين علي التواجد الأمريكي في دارفور كي تكافأ برفع اسمها من قائمة الدول الداعمة للإرهاب . وتعيد علاقاتها مع الولايات المتحدة .
    وكي تتخلص في ذات الحين من ثقل التكلفة المترتبة علي تواجد هذا الكم الهائل من رموز الحركات المعارضة المسلحة غرباً وشرقاً وجنوباً وشمالاً التي اتخذت من طرابلس وغيرها من المدن الليبية مقرات قيادية خلفية لها . أخيرا فإن الضغوط الأمريكية المباشرة والتي عبرت عنها زيارات وتصريحات كبار المسئولين في البيت الأبيض والخارجية الأمريكية وغيرها . تحركها بشكل أساس مخططات الولايات المتحدة واستراتيجية فرض هيمنتها علي المنطقة حيث يوفر لها الهيمنة علي السودان عدة مكاسب أهمها:

    {1} مكسب دبلوماسي يغطي علي فشل مشروعها في العراق . ويحاول أقناع الرأي العام الأمريكي أولا، والعالمي ثانياً ، بنجاحها في تحقيق سلام أوقف الحرب المأسوية في دارفور بكل فظاعتها التي لعب الأعلام الأمريكي والغربي الدور الرئيسي في وضعها ضمن القائمة الأولي لأهم إخبار العالم ودون أن يتردد في تضخيم حجمها بأكثر من ماسي أخرى لم يسلط عليها نفس الضوء والتحرك السياسي مثل ما ساه رواندا وبورندي ، إن لم نشأ الحديث عن محاولاته إخفاء حجم الكارثة الإنسانية في العراق التي تسبب فيها الغزو والاحتلال الأمريكي لذلك البلد الشقيق المناضل.

    {2} حماية الضفة الغربية للبحر الأحمر من أي تهديد محتمل لأن تقع في أيدي يمكن أن تهدد مصالحها النفطية شرق البحر الأحمر ـ الجزيرة والخليج

    {3} السيطرة علي مجري النيل من منبعه إلي مصبه ، واستخدامه كورقه للضغط علي مصر ، وربما تزويد دولة الكيان الصهيوني بما تحتاجه من مياه.

    {4} محاصرة مصر من جنوبها ـ والتحسب لتراجعها عن اتفاقات كامب ديفيد إذا ما تم تغيير جوهري في النظام يعيد مصر لعروبتها وموقعها الطليعي المناصر لقضايا النضال القومي العربي وفي مقدمتها مناصرة المقاومة العراقية ، وقضية تحرير فلسطين والتصدي للضغوط الموجهة والمستهدفة لكل من سوريا ولبنان.

    {5} الدخول في منافسة للاستثمارات الصينية بشكل خاص التي تجاوز حجمها الـ 5 مليار دولار في السودان لاسيما في مجال النفط جنوباً وشمالاً واتخاذ السودان قاعدة متقدمة تهدد تلك الاستثمارات الصينية في العمق الأفريقي ، وسطاً وغرباً ، ومحاصره أقطار القارة لأي محاولة لها للتحرر من التبعية الاقتصادية للغرب .

    {6} الحرص علي الهيمنة علي المنطقة الغنية بمواردها النفطية والمعدنية يورانيوم ـ نحاس ـ حديد ـ بوكسايت ... الخ

    يا جماهير شعبنا

    ولئن كانت ثنائية الاتفاق وقصوره عن مشاركة كل عناوين دارفور بل وامتناع بعض حملة السلاح عن التوقيع يمكن أن ينذر بتواصل إطلاق النار فإن ما سيعزز هذا التواصل بل وما قد يفتح الباب أمام التحاق وتحرك قوي ساكنة أخري ، هو محاولات نزع سلاح هذه القوى وتجريدها منه بدون أن يوازي ذلك نزع سلاح الجميع لاسيما في ظل معادلة استيعاب ألاف من مقاتلي الحركات المسلحة في الجيش والشرطة والاجهزه النظامية.
    إي بما يميز هذه الحركات عن غيرها من التكونيات المسالمة حتى الآن في دارفور ولعل أللافت للنظر هو تلك التصريحات التي أطلقها ، مني أركو مناوي ، والتي توعد فيها بخوض حرب ضد المعارضة الشادية !!
    وذلك ينبئ بأننا موعودون باشتعال حرب مكان التي توقف بعضها كما يعبر عن بداية دفع استحقاقات الطرف الشادي الذي كان وراء صعود نجم (مني) ... وهو بدوره يسئ لعلاقات شعبنا بالشعب التشادي ، وليس لأي طرف سوداني ، نظاماً كان أو معارضة أن يعمل علي تهديد استقرار الجارة تشاد من أراضينا أو بأيدينا ، كما وليس من مسئوليتنا القيام بدور الحكومة الشادية إزاء الحركات المعارضة لها ، بإيجاز علينا أن نكف أيادينا عن تشاد وأن تكف هي بالمقابل أيديها عن دارفور أو غيرها من بقاع السودان . إن تجاهل الأسباب الحقيقية وراء حرب دارفور وتخلي الدولة عن مسئوليتها كسلطة مسئولة عن الحفاظ علي سيادة القطر وأمنه وغذائه وعلاج أبنائه ... الخ هي التي تفسر بؤس وزيف الحل الذي توصلت إليه اتفاقات أبوجا وفي نفس الوقت يوضح حدود قدرات واتجاهات إطراف الاتفاق ، وهو نفس النهج الذي كان يتناول الأزمة الوطنية الشاملة كجزئيات لا ينظمها جامع ..

    لذلك فإن التحدي الذي إضافته اتفاقات ابوجا للازمة الوطنية الشاملة لا يطرح سوي خيارين أمام شعبنا للخروج من تلك الأزمة:

    الأول هو استقالة النظام الراهن وتكوين حكومة وحدة وطنية حقيقية تشارك فيها كافة القوى السياسية بدون تمييز لإطراف الاتفاقات السابقة ، نيفاشا ، القاهرة، ابوجا وغيرها ، علي أن تلتزم هذه الحكومة الجديدة بما نعتبره ثوابت وطنية وخطوط حمراء لا سبيل لتجاوز الأزمة الوطنية الشاملة بدون التمسك بها وإنزالها لأرض الواقع وتوفير كافة الشروط الكفيلة بتحققها .
    تلك الثوابت هي استعادة استقلال السودان وسيادته الوطنية وتطهير أرضه من كل تواجد أجنبي ، وتأكيد وحدة السودان شعباً وأرضا ونبذ كافة أشكال التعصب والتعالي الجهوى والعنصري والقبلي والديني ورفض محاولات تسييس القبائل ، تحقيق تحول ديمقراطي يحمي الحريات العامة ويوسع قاعدة المشاركة الجماهيرية في صناعة القرار ، ويؤكد مبدأ التداول السلمي الديمقراطي للسلطة والفصل بين السلطات التنفيذية والتشريعية والقضائية ويطلع فيه القضاء برد المظالم ومساءلة الجناة الذين ارتكبوا جرائم بحق الشعب والوطن إفراداً وجماعات ، وإعادة بناء مؤسسات الدولة علي أسس وطنية تنهي هيمنة الحزب الحاكم وشركاءه والاضطلاع بمهمة الإصلاح الاقتصادي والاجتماعي الذي خربته الإنقاذ وما سبقها من عهود وصياغة خطط للتنمية المستقلة الشاملة والمتوازنة جهوياً واجتماعيا وأن يكون السودان فاعلاً إيجابياً في حركة التحرر الوطني العربي والأفريقي .

    إن هذا الخيار من شأنه أن يفتح الطريق لحل ألازمة بحشد كل القوي الوطنية في جبهة الحل الشامل ، وإن مسئولية إنجاح هذه الفرصة تقع علي عاتق القوي الحاكمة في الشمال والجنوب ... ويقيننا أن شعب السودان قادر بموارده وقدراته علي إغاثة أهلنا في دارفور بما يؤمن لهم الاستقرار والتنمية والعدالة والتعويضات اللازمة لاستعادة حياة يسودها التآخي والتفاعل ، متي ما وضعت اولويات الصرف من مواردنا لتلبية احتياجات الشعب وتطلعاته وليس لتلبية نزوات وبذخ وفساد الحكام ، عند ذاك فإن شعبنا سيقبل بمعاناة الجوع بديلاً لذل السؤال والركوع الذي يتسلل عبر بوابات ومنظمات الإغاثة. ولا مبرر لبقاء سلطة عاجزة عن توفير الطعام والعلاج والأمن.

    فإن لم تفعل إن فإن الخيار الثاني أمام شعبنا هو تجديد فعله العبقري الذي ابتدره في أكتوبر 64 وجدده في مارس / ابريل 1985م .

    أي الانتفاضة الشعبية التي تضطلع بتحققها جبهة واسعة لكافة القوي المؤمنة بالبرنامج أعلاه ، ولن تفلح قوي التخزيل في إقناعنا باستحالة الانتفاضة بقدر ما سيتعزز تقديرنا لعجزها وقصورها من جهة وثقتنا في جماهير شعبنا التي حققت انتفاضاتها تلك بالرغم من تقديرات قوى التييس السالبة آنذاك. إننا في الوقت الذي ندعو فيه الكل لوقف القتال واعتماد الحوار أو النضال السلمي الديمقراطي طريقاً للتعبير عن رؤاهم . فإننا ندعو رأس النظام من موقع المسئولية وفق ما تطرحه من عناوين وتحديات تواجه قطرنا الآن ، للاستقالة وفي حال رفضه فإننا نجدد دعوتنا لكافة القوي الوطنية الديمقراطية لبناء جبهة الانتفاضة الشعبية والحل الشامل .

    حزب البعث العربي الاشتراكي

    قيادة قطر السودان ـ الخرطوم
                   |Articles |News |مقالات |بيانات

24-05-2006, 03:06 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)
                   |Articles |News |مقالات |بيانات

25-05-2006, 03:13 AM

عبداللطيف خليل محمد على
<aعبداللطيف خليل محمد على
تاريخ التسجيل: 01-09-2004
مجموع المشاركات: 3498

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    **
                   |Articles |News |مقالات |بيانات

26-05-2006, 12:40 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: عبداللطيف خليل محمد على)


    فـوق ..

    إلـى حين العـودة !!!
                   |Articles |News |مقالات |بيانات

26-05-2006, 01:12 PM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    البعثي التكريتي حسين يوسف احمد
    Quote: اتفاق ابوجا حل زائف لازمة حقيقية ومطالب عادلة

    يعني إنتو بجدكم معترضين على الإتفاق لأنو ما قدم حلول عادلة لأهل دارفور؟
    ولا أصل المسألة إعتراض على تدخل القوات الدولية وخوفا على الهوية العربية!
    طيب ما تكونو واضحين ولا خايفين تتكشف عمالتكم وأهدافكم الحقيقية!

    يا للجبن والخباثة!!

    (عدل بواسطة Adrob abubakr on 26-05-2006, 01:22 PM)

                   |Articles |News |مقالات |بيانات

26-05-2006, 02:03 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: Adrob abubakr)


    الأخ العـزيـز ..
    أدروب أبـو بكـر ..

    التحايا والود ..

    ألا تمتلك غير لغة السقوط وتجار الشنط والفاقد التربوي والوطني هذه !!؟؟
    إذا كنت تريد أن تعرف حقا فأهلا وسهلا ، أما إذا أردت الهتر والشتائم فهذه أسهل لغة يا عزيزي ..
    لغتك هذه لغة مشاطات ، إذا أردتها سنأتيك بها !! ولا يعجزنا أبدا !!
    للمرة الثانية سأتجاوز عن اسهالك الكلامي هذا ..
    وأرجو ألا تجبرني على الانحطاط إلى مستوى لغتك !!

    والآن دعني أجاوب على أسـئلتك ، عسى ولعل ....

    Quote: يعني إنتو بجدكم معترضين على الإتفاق لأنو ما قدم حلول عادلة لأهل دارفور؟



    أنا أعمل ليك شنو لو كنت لا تجيد القرأة والفهم والاستيعاب !!
    لأنك يا عزيزي لو قرأت ما هو مكتوب ما كان سألت هذا السؤال الغبي البليد ..

    النص دا ما لاقاك ؟؟

    Quote: أن ما تم في أبوجا بهذا المعني لا يمثل حلاً لقضية دارفور ومعاناة أبناء شعبنا فيها ـ ذلك أن إطراف مفاوضات ابوجا لا تمثل كل أبناء دارفور ـ فهم بعض هؤلاء ولم يفوضهم الآخرون للتحدث باسمهم ولم يختاروا الطريق الذي اختارته الحركات المسلحة سبيلاً للحل ـ كما ولا يمثل المفاوضون باسم النظام شعب السودان ـ وقبل هذا وذاك فإن الصراع الدائر ليس صراعاً بين أبناء السودان في إقليم دارفور وبين أبناء السودان في الأقاليم الأخرى.

    لذلك فإننا ندرك تماماً أن ما قدمته ابوجا لا يعدو كونه حلاً زائفاً لازمة حقيقية. لم يتعده فيها ما طرحته ابوجا حصة من السلطة والثروة لبعض ممن حمل السلاح ، امتداداً للنهج الذي كرسة النظام وجاءت عبر ضغوط إقليمية ودولية عبد طريقها كل من النظام والحركات المسلحة لتعطي تلك الضغوط الحصة الأكبر للتواجد والحضور الأجنبي الإمبريالي علي ارض السودان وبين طيات قرارات مستقبله. وتطلق يد النظام في دارفور برعاية الأجنبي ورضاه من جهة مقابل خضوع النظام لتمدد تواجد القوات الأجنبية والإرادة الإمبريالية بدارفور كامتداد لخضوعة لذلك الحضور الأجنبي منذ القبول بإملاءات القس دانفورث حول جبال النوبة .

    وذلك بتغييب متعمد للأسباب الجوهرية للصراع والتي تتمثل في غياب التنمية وهيمنة الفئات الحاكمة ومحاسيبها علي مقدرات الوطن وموارده ، وما افرزته الحرب من معاناة عشرات الألوف في معسكرات النازحين ، ومطلوبات أعادة تهيل مناطقهم وتعويضهم العادل عما فقدوه بسبب الحرب وتداعياتها. إن الضغوط التي مارستها الأطراف الإقليمية والدولية لتحقيق اتفاق ابوجا.تبين خطورة الاتكاء علي الأجنبي أو الاستنجاد به في مواجهة خصم داخلي.


    يا عزيزي ، السياسة ما هرجلة وشتائم ، أقرأ وتاني تعال ناقش ، وتسهيلا لك أختصرنا لك النص أعلاه ، ولو غلبك تقراهو تاني بختصرو ليك !!
    ودا كلو عشان نزيل أميتك السياسية !!
    وجهلك المعرفي !!

    Quote: ولا أصل المسألة إعتراض على تدخل القوات الدولية وخوفا على الهوية العربية!


    ولأننا يا صاحبي لا نمارس الدعارة السياسية (والقوادة) السياسية ، تجدنا معترضين وبشدة على دخول أي قوات أجنبة للسودان !!
    إنت رايك شنو ؟ موافق ولا ما موافق !!؟؟
    حزب البعث العربي الاشتراكي ضد أي تدخل أجنبي في السودان .. وقع ليك ؟؟؟


    Quote: طيب ما تكونو واضحين ولا خايفين تتكشف عمالتكم وأهدافكم الحقيقية!


    يا عزيزي ما في أوضح من كدا ، بس إنت الأعمى ، وإنت الجاهل وما بتقرأ !!
    نحن ما خايفين وليس لدينا شئ نخفيه ، لكن بسألك سـؤال أيها الغر :
    أي عمالة تقصد !!؟؟
    أنا ضد التدخل الأجنبي ، وانت الظاهر عليك مع التدخل الأجنبي ، طيب منو العميل !!؟؟

    صراحة كدا لو ما الواحد عندو دور وطني تجاه أطفال السياسية أمثالك ما رديت عليك ..
    لأنو كلامك كلو مشاتر ..
    يا أخوي إنت بتتكلم في السياسية ولا تاجر شنطة !!؟؟

    ولك الود والتقدير ..
                   |Articles |News |مقالات |بيانات

26-05-2006, 02:13 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)


    كتـب المـدعـو Adrob abubakr


    Quote: يا للجبن والخباثة!!



    وعملنـا جـولـة فـي ملفـه ، فـوجـدنـا :


    Quote: اللقب: Adrob abubakr
    الحالة: .


    عدد البوستات: 150
    تاريخ التسجيل: 10-05-2006
    محل الاقامة:
    : Not shown
    عنوان مكتبتى بسودانيزاونلاين دوت كم :
    اكلات مفضلة:
    الاسم الحقيقى:
    التعليم:
    التلفون:
    الحالة الاجتماعية: Single
    العنوان الدائم:
    الفنان المفضل:
    اللون السياسى:
    النوع: Male
    الهوايات المفضلة:
    الوظيفة:
    تاريخ الميلاد:
    شاعرك المفضل:
    عدد الاطفال:
    معلومات اضافية:
    مكان العمل:
    مكان الميلاد فى السودان:



    أها يـا أخـوي إنـت المـا جبـان دا ، مـا عنـدك بطـاقة شخصـية ولا شـنو !!؟؟

    كل شـئ خجـلان منـو ، حتى اسـمك وعنـوانك !! يـا كـافـي البـلا !!

    أمـا اللـون السـياسـي ، فالظـاهـر عليـك اتعـاملت معـاهـو مـن بـاب الشـينة منكـورة !!؟؟3

    نـاس جبـانة بشـكل !!؟؟
                   |Articles |News |مقالات |بيانات

26-05-2006, 02:25 PM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    ياتكريتي يا موهوم
    جاي عليك بس أركز!
                   |Articles |News |مقالات |بيانات

26-05-2006, 04:55 PM

altahir_2
<aaltahir_2
تاريخ التسجيل: 17-11-2002
مجموع المشاركات: 3949

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    حسين ازيك انت صاحبنا دا عمل ليهو اسم جديد شايف الاسلوب وحتى العبارات واحدة بين وبين طفل السياسة جهلول باشا الحكاية شنو?
                   |Articles |News |مقالات |بيانات

27-05-2006, 02:53 AM

عبداللطيف خليل محمد على
<aعبداللطيف خليل محمد على
تاريخ التسجيل: 01-09-2004
مجموع المشاركات: 3498

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: altahir_2)

    Quote: ياتكريتي يا موهوم
    جاي عليك بس أركز!


    أدروب : وينك ؟ منتظرين من أول أمس ...
                   |Articles |News |مقالات |بيانات

27-05-2006, 05:06 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    *
                   |Articles |News |مقالات |بيانات

27-05-2006, 05:15 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    غلمان البعث الأخوة حسين والطاهر وعبد اللطيف
    Quote: دارفور بين التدويل واتجاهات الحل

    هذا هو المحك ومربط الفرس بالنسبة لكم...كيف؟
    الواضح من بياناتكم منذ 2004 وحتى أبوجا أن سبب تصديكم لقضية دارفور ليس غضبا لمعانات إنسان دارفور من جراء الظلم والعنصرية والتهميش بقدر ما هو خوفكم على الهوية العربية (كهدف قومي!) التي لا وجود لها أصلا في السودان إلا في خيالكم..عشان كده ما زلتم بتنظروا للتدخل الأجنبي الذي لا مناص منه حاليا لإنقاذ أرواح الضحايا ومراقبة السلام من زاوية صراع حضاري مهدد للعروبة في المنطقة!

    فما يعني هذا لإنسان دارفور البسيط؟!
    Quote: ولم يفوضهم الآخرون للتحدث باسمهم

    أصحاب الوجعة الذين لم يستطيعوا تحمل الظلم ورفعوا السلاح في وجه الإنقاذ وأذنابها ما كانو ليحتاجوا لتفويض لكي يردوا العدوان ويدافعوا عن أهاليهم حتى فرضوا أنفسهم بقوة السلاح وأجبروا النظام على الجلوس لطاولة المفاوضات
    فهل يتساوى القاعدون مع المحاربون؟!
    Quote: تصطف في خندق مواجهة النظام

    هذه هي المفارقة وإنتهازية كل قوي الشمال يسارها ويمينها بنظرتها لإنسان الهامش كأداة يحارب بالسلاح أو سلما (إنتفاضة) من أجل إسقاط الحكومة لكي يعيد تلك القوي لسدة الحكم ويستلموها جاهزة …يا سلام!!
    إنتو يا أهل المركز وأحزابها بدون فرز إختلافكم بيناتكم لا معنى له لإبن الهامش وهدفكم لإسقاط الحكومة لإستعادة الديموقراطية ترفي بالنسبة له
    شفت ليه نحن بنطالب بالسودان الجديد؟
    Quote: ويزيل الغشاوة الزائفة التي تحاول إضفاء طابع قبلي أوجهوى أو عنصري عليه

    هذا هو التغبيش الذي أقصده والنظرة الزائفة والبعيدة عما هو حاصل فعلا ليس فقط في دارفور بل في الأطراف كلهاا.. أس البلاء ومشكلة السودان أصلا وسبب ثورة المهمشين قبل ما تكون تنمية يا أخي هي العنصرية والإستعلاء بالأساس والحقيقة ده ينكروها كل أحزاب المركز وده واحدة من القواسم المشتركة بيناتهم
    بس شوف الجنجويد في الغرب المدعومين طبعا من المركز دوافعهم للقتل والإغتصاب وتشريد الأهالي شنو لو ما كانت جهوية وقبلية وعنصرية؟!
    Quote: وذلك بتغييب متعمد للأسباب الجوهرية للصراع والتي تتمثل في غياب التنمية وهيمنة الفئات الحاكمة ومحاسيبها علي مقدرات الوطن وموارده ، وما افرزته الحرب من معاناة عشرات الألوف في معسكرات النازحين ، ومطلوبات أعادة تهيل مناطقهم وتعويضهم العادل عما فقدوه بسبب الحرب وتداعياتها

    هنا في خلط شديد جدا أولا أنك أختزلت المشكلة كلها في التنمية والفئات الحاكمة الإنتهازية وتجاهلت متعمدا السبب الجوهري الذي ذكرناه أعلاه..والغريبة تصورك هذا نفس ما إبتدر به علي عثمان محمد طه في بداية الأزمة!

    (عدل بواسطة Adrob abubakr on 27-05-2006, 04:43 PM)

                   |Articles |News |مقالات |بيانات

27-05-2006, 04:45 PM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    Quote: تحقيق تحول ديمقراطي يحمي الحريات العامة ويوسع قاعدة المشاركة الجماهيرية في صناعة القرار ، ويؤكد مبدأ التداول السلمي الديمقراطي للسلطة والفصل بين السلطات التنفيذية والتشريعية والقضائية ويطلع فيه القضاء برد المظالم ومساءلة الجناة الذين ارتكبوا جرائم بحق الشعب والوطن إفراداً وجماعات ، وإعادة بناء مؤسسات الدولة علي أسس وطنية

    عارف يا حسين التكريتي
    أنا مستغرب من قوة عينكم وإنتو بتدعوا لآيدلوجية البعث العربي في بلد زي السودان لا هو عربي ولا يمكن أن يكون عربي ولا داير يكون عربي ببساطة لأنو ربنا خلقنا زنوج ونحن راضين بكده وثم ما في حاجة تغرينا في العرب عشان نسطو على هويتهم ونحن عارفين سلفا ما مقبولين لديهم فلماذا نرضي لنفسنا الدنيئة وبعدين البعثية ده ما نجحت حتى في عقر دارها كيفن يا رب تنفع عندنا أليس هذا مبعث سخرية !
    ألا ترون أن دعوتكم لقومية عربية في السودان فيها إستفزاز لأصلهم الزنجي وثقافاتهم العريقة التي يعتزون بها أيما إعتزاز ولا فاكريننا مقطوعين من شجرة وجايين تبشروا في وسطتنا بثقافة جديدة علينا تثير إنبهارنا!
    هل يعجبكم نموزج العراق ولا نموزج سوريا أين الديموقراطية ودولة المؤسسات التي تتحدث عنها ولا ده كلام الطير في الباقير أليست شعوب هذه البلدان أكثر من يرزح تحت نير الظلم أين المثال الذي يحتذي به أم تريدوننا أن نصدق الخطاب الغوغائي المثالي المؤسس علي العقلية المؤامراتية والمغلف باللغة الفصيحة للتأثير علي عاطفة البسطاء الذين يحسون بالدونية تجاه العرب !!!!
    خلاصة القول نحن لدينا حضارة وثقافة عريقة نعتز بها لأنها ملك لنا ولا تجعل مننا تابعين لأحد وتمثل بالتالي هويتنا وعزتنا وكرامتنا لهذا لسنا في حاجة إلي إستيراد أو السطو علي هوية الغير وكننا في نفس لا نستعدي الثقافات الأخري ولا نرفض تعلمها ولغاتها من باب المعرفة لا أن نتبناها ونترك أصلنا ونصبح كالمنبت أو عالة على شعوب أخري
                   |Articles |News |مقالات |بيانات

27-05-2006, 05:37 PM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: Adrob abubakr)

    والله يا ناس البعث العربي لو غيرتو لينا البعث دا من عربي لي بعث سوداني تكونوا عملتوا فائده كبيره خلاص.
                   |Articles |News |مقالات |بيانات

28-05-2006, 01:26 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    لك التحية يا دومة
    Quote: والله يا ناس البعث العربي لو غيرتو لينا البعث دا من عربي لي بعث سوداني تكونوا عملتوا فائده كبيره خلاص


    أنا أول من يعلن إنضمامه إليه
                   |Articles |News |مقالات |بيانات

28-05-2006, 12:07 PM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    مالكم كبيتو الزوغة يابعاعيت البعث!
                   |Articles |News |مقالات |بيانات

29-05-2006, 01:46 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: Adrob abubakr)

    كتـب النكـرة ، المـدعـو :

    Adrob abubakr

    Quote: ياتكريتي يا موهوم
    جاي عليك بس أركز!



    [حقيـقي يـا أيهـا النكـرة :

    (الببـاري الجـداد بمش الكـوشـة) !!

    وحقيـقي :

    (البلاعـب الجـريـوات بخـربشـنو )

    وأنـا لـو بـاريـت عقـدك الاقليميـة والجهـويـة والعـرقيـة :

    ح أمشـي الكـوشـة !!

    و ح تخـربشـني الجـريـوات !!

    " واللبيـب بالاشـارة يفهـم"

    بـس يـا جـاهـل ، عيـب علـي لـو خليتـك فـي جهـلك السـياسـي دا !!
    لازم أجهـز الزيـك ديـل مـن هسـع ، وأزيـل أميتهـم السـياسية والفكـريـة ،
    ولازم أعلمهم مـا معنـى الانتمـاء لحـزب سـياسـي ..

    فبخصوص أميتك السياسية ، وجهلك الفكـري ، ينبغي عليك أن تعلم أن كل شرفاء وأحرار العالم اليوم يتمنون لو كانوا من تكريت ، هذه البقعة الطيبة المباركة التي أنجبت صحابي العصر القائد المجاهد صدام حسين فك الله أسره ..

    أما بخصوص الانتماء السياسي ، فينبغي عليك أن تكون شجاعا ، وتوضح انتماءك السياسي ، وهويتك ، وتفتخر بالفكرة التي اقتنعت بها ..
    مش تندس وتخجل حتى من اسمك ومن هوية حزبك السياسي ..
    أنا عارف إنو الشينة منكورة ، لكن لازم تتعلم الثبات على المبدأ ، وتجاهر بحزبك السياسي ، ولو وقف ضدك أهل الأرض جميعا ..

    يا راجل ما تخجل مش عيب ، تنتمي لحزب ، انما العيب أن تخجل من المجاهرة بهذا الانتماء !!
    طيب إنت ح تنشر أفكارك دي كيف !!؟؟
    طبعا دا لو أساسا كان عندك أفكار !!
    لكن الظاهر عليك زول عنقالي ساي !!

    الله يعينك ايها النكرة !!
    بس الناس اللي زيك ديل ، متعبين لأنك عامل زي ديك العدة ، لو نهروا كسر العدة ، ولو خلو كسر العدة !!


    بس يا صاحبي عدة البعث أعظم من عقدك الاقليمية والعرقية !!

    ونشوف باقي هترشتك !!

                   |Articles |News |مقالات |بيانات

29-05-2006, 01:56 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)


    العـزيـز ضـياء ..
    التحايا والحب والتقدير ...

    Quote: حسين ازيك انت صاحبنا دا عمل ليهو اسم جديد شايف الاسلوب وحتى العبارات واحدة بين وبين طفل السياسة جهلول باشا الحكاية شنو?



    والله يا ضياء الدين ، برضو في واحد هنا علق نفس تعليقك دا ، وقال :

    إنتـو دا مـش اسـلوب (.....)

    يكون دخل باسم جديد ...

    ديل ياخي متشابهين في كل شئ ، زي الكأنهم وجهين لعملة واحدة !!

    بس حكمـة الله إنـو الوجهيـن "طــــرة" !!!!!


    مـع الحـب والتقـديـر ...
                   |Articles |News |مقالات |بيانات

29-05-2006, 03:31 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)
                   |Articles |News |مقالات |بيانات

29-05-2006, 05:26 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)


    كتـب الـوجـه التـانـي مـن العمـلة ( طـرة الطـرة) :
    المـدعـو Adrob abubakr

    Quote: الواضح من بياناتكم منذ 2004 وحتى أبوجا أن سبب تصديكم لقضية دارفور ليس غضبا لمعانات إنسان دارفور من جراء الظلم والعنصرية والتهميش بقدر ما هو خوفكم على الهوية العربية (كهدف قومي!) التي لا وجود لها أصلا في السودان إلا في خيالكم..


    يا طفلي مراهق السياسة الغر ، في بيت شعر بقول :

    ما بفهم المكتوب البقرأ بالقلبة !!

    والظاهر عليك إنت من النوع البقرأ بالقلبة !!

    وعشـان نفهمك كويس ، أقعد مؤدب ، واستمع للدرس دا :

    نحن وكل الشرفاء في بلادي نتصدى لقضية دارفور أو غيرها ، من منطلق وطني شامل ..
    لا ننظر لقضايا الوطن المصيرية نظرة جزئية ، وباالقطاعي ، الليلة دارفور وبكر الجنوب ..
    لا يا صاحبي دا فخ أرادته لنا الجبهة الاسلامية ، ولن نقع فيه ..
    شئت أم ابيت أزمة دارفور جزء من الأزمة الوطنية الشاملة التي أدخلنا فيه الكيزان ..
    لا يمكن أن تحل والكيزان اللي تسببوا فيها وعمقوها موجودين ..
    من أراد أن يحل قضية دارفور وقضايا الوطن المصيرية عليه أن يناضل من أجل ازالة هذا النظام الفاسد ..
    أما هترشتك الطفولية عن العنصرية ، فهذه تعبر عن عقدك الذاتية ، وأنا لست بطبيب نفسي !!
    أما أحاديثك عن الظلم والتهميش ، فيا صاحبي ليست دارفور وحدها المظلومة والمهمشة ، إنت ما سمعت بالتقارير البتقول أكثر من 90% من الشعب السوداني يعيش تحت مستوى خط الفقر ؟؟ ولا شنو ..
    يا كافي البلا ، لا سياسة ، ولا اقتصاد ..
    أكثر من 90& تحت خط الفقر ، وبرضو عايز تجزئ قضايا الوطن !!؟؟
    حزبنا ينحاز للجماهير سواء في دارفور أو غيرها ..

    أما هترشتك عن خوفنا على ضياع الهوية العربية ، فهذا يؤكد أميتك الفكرية ، والسياسية ، والتاريخية !!

    نحن لا نخاف على الهوية العربية من الضياع بفعل قوات أجنبية !!
    لأنو يا فالح وببساطة ، لا توجد قوة في الرض بقادرة على أن تمحو هوية أي شعب وأي قومية ، أيا كانت هذه الهوية وهذه القوة ..
    لو كانت القوة قادرة على ذلك لاندثرت هويتنا العربية مع الاحتلال التركي ، ومن بعده الأوربي ..
    أي قوة يا صاحبي في التاريخ استطاعت أن تزيل هوية الشعوب !!؟؟
    يا أخي والله أنا بشفق عليك من جهلك السياسي والفكري دا !!

    Quote: عشان كده ما زلتم بتنظروا للتدخل الأجنبي الذي لا مناص منه حاليا لإنقاذ أرواح الضحايا ومراقبة السلام من زاوية صراع حضاري مهدد للعروبة في المنطقة!


    لا يا طفلي العزيز ، كلمة (عشان) دي أمشي إتعشى بيها !!

    نحن ننظر للتدخل الأجنبي باعتباره يطلق يد النظام في دارفور برعاية الأجنبي ورضاه ، مقابل خضوع النظام لتمدد تواجد القوات الأجنبية والإرادة الإمبريالية بدارفور كامتداد لخضوعة لذلك الحضور الأجنبي منذ القبول بإملاءات القس دانفورث حول جبال النوبة .
    ننظر للتدخل الأجنبي باعتبار أن هذه القوة الأجنبية يمنها أن تبيعنا للنظام في أي لحظة طالما مصالحها مع النظام تتطلبت ذلك ..
    وهذا ما حدث ايها الغر المسكين ، فأين اليوم حديث القوة الأجنبية السابق عن النظام الارهابي ، وعن ضرورة اسقاط النظام ... الخ الأحاديث الجوفاء !!
    القوة الأجنبية ضغطت على النظام لفترة محددة بهدف أن يركع لها النظام ويحقق لها مطالبها ، وحين تم ذلك تحولت إلى نصير وحامي حمى النظام ..

    نرفض التدخل الأجنبي لأننا لا نريد أن نرهن وطننا وقدراتنا للأجنبي أيا كان ..
    نرفض التدخل الأجنبي لأن ثقتنا في جماهير شعبنا عالية ، ولا تحدها حدود ..
    نرفض التدخل الأجنبي لأننا فقط نراهن على قوة وارادة الجماهير في احاث أي تغيير ..
    يا طفلي المشاغب هنالك مليون ومليون سبب يجعلنا نرفض التدخل الأجنبي !!
    بس انت اديني سبب واحد يخليك تقول وبكل بجاحة التدخل الأجنبي لا مناص منه !!
    أنت عارف يا فالح كلامك دا معناهو شنو !!؟؟

    إنتبه عشان توعـى :

    معناهو إن حزبك ( لو عندك حزب أساسا ) ، لا يؤمن بقدرة الجماهير على احداث التغيير ..
    معناهو إنك أضعف وأوهن من أن تواجه قمع وارهاب الكيزان ، عشان كدا استعنت بالجنبي ( والمحرش ما بكاتل )
    معناهو إنك حيدت الجماهير في صراعك ضد الظلم والقمع والتهميش كما تقول ..
    معناهو إنك سنيت سنة قبيحة ، تفتح الباب واسعا للاستعانة بالأحنبي بكرة ..
    معناهو إنك لو وصلت للسلطة اليوم ، لا تستطيع أن تلوم غيرك غدا لو استعان عليك بالأحنبي ..

    يا صاحبي السياسة ما لعب عيال ، ولا شطحات حشاشين ، السياسة فعل وطني جاد ، يجب أن يراعي المصلحة الوطنية العاليا ..
    إنت لو ما قادر على الكيزان ديل ، قول الروب ، وأقعد في بيتكم ..
    زي هترشتكم دي ياها البتخلي الكيزان يقولوا لطلاب الجامعات ( السياسة فعل قذر ) ..
    لأنو حقيقة اسلوبكم دا اسلوب قذر ، وقذر للغاية !!!


    Quote: أصحاب الوجعة الذين لم يستطيعوا تحمل الظلم ورفعوا السلاح في وجه الإنقاذ وأذنابها ما كانو ليحتاجوا لتفويض لكي يردوا العدوان ويدافعوا عن أهاليهم حتى فرضوا أنفسهم بقوة السلاح وأجبروا النظام على الجلوس لطاولة المفاوضات
    فهل يتساوى القاعدون مع المحاربون؟


    شفت مش قلت ليك ما بفهم المكتوب البقرأ بالقلبة !!

    شنو يعني حملوا السلاح ؟؟
    الكلام دا ما قريتو في البيان ؟؟

    Quote: لذلك فإننا ندرك تماماً أن ما قدمته ابوجا لا يعدو كونه حلاً زائفاً لازمة حقيقية. لم يتعده فيها ما طرحته ابوجا حصة من السلطة والثروة لبعض ممن حمل السلاح ، امتداداً للنهج الذي كرسة النظام


    أول حاجة يا فالح الحملوا السلاح ديل نفسهم اتقسموا لكيمان ، فهنالك من اتفق مع الكيزان ، وقبض الثمن !!
    وهنالك من ينتظر !!

    بس انت تبع منو فيهم (مني) ولا عبدالواحد ؟؟
    ولا الانشقو من (مني) ولا الانشقو من عبد الواحد ؟؟
    ولا تبع (خليل) ..
    كدي قول لينا انت تبع منو في ديل !!؟؟

    تاني حاجة ، شنو الهترشة الفارغة الماسكين فيها دي ؟؟
    شلنا السلاح عشان نفاوض !!
    هو بالله هدفكم التفاوض ؟؟
    يعني هسع القتل والحرق والتخريب والموت والدمار دا كلو عشان تتفاوضوا مع الكيزان ؟؟
    يا سبحان الله !!
    أها يا فالح بعد ما اتفاوضتو ، الحصل شنو ؟؟
    خلاص الظلم والتهميش انتهى ..
    مبروك عليكم التفاوض مع الكيزان ، انشاء الله انور ليكم !!


    Quote: هذه هي المفارقة وإنتهازية كل قوي الشمال يسارها ويمينها بنظرتها لإنسان الهامش كأداة يحارب بالسلاح أو سلما (إنتفاضة) من أجل إسقاط الحكومة لكي يعيد تلك القوي لسدة الحكم ويستلموها جاهزة …يا سلام!!


    شفت دا كلام الجداد البودي الكوشة زاتو ، ونبيح الجريوات البخربش !!

    يا ايها الغر لا توزع التهم يمينا وشمالا ، لأنو لا يوجد حزب في السودان تستطيع أن تقول عليه حزب شمالي أو جنوبي أو غيره ..
    كل الأحزاب الوطنية لديها برنامج وطني شامل لكل السودان ، نختلف أو نتفق معه ما مشكلة ، بس لا تتجنى على الأحزاب بالكذب الفارغ ..

    كلامك الفطير دا يا صاحبي لا يوجد إلا عند تلك الحركاتى الجهوية البغيضة ( قرنق ، عدل ومساواة ، تحرير السودان ...الخ)
    هذه الحركات التي تجزئ قضايا الوطن حسب الجغرافيا والسكان ..
    وانت يا أيها المراهق السياسي كدا ح تخسر كل الجماهير في الشمال ، لأنك صنفتها على أساس إنها عدو بالنسبة لك ..
    الصراع الدائر ليس صراعاً بين أبناء السودان في إقاليمه المختلفة ، هو صراع بين أغلبية الشعب وهذه الفئة الانتهازية القذرة التي تتحكم في مصيره ..
    ولو أردت أن تقيس المسألة بهذا الفهم المتخلف عليم أن تستعد لمحاربة كل بقاع السودان ، لأن الرئيس من الشمالية ، ونائبه الأول السيد سلفاكير من الجنوب ..
    ورئيس جهاز الأمن من جهة ، ونائبه من الجنوب ..
    تركيبة السلطة الحاكمة أيها المسكين لا علاقة لها بالاقاليم الجغرافية ..
    أنتو عاوزين تدورا لينا حرب أهلية ولا شنو !!؟؟

    Quote: إنتو يا أهل المركز وأحزابها بدون فرز إختلافكم بيناتكم لا معنى له لإبن الهامش وهدفكم لإسقاط الحكومة لإستعادة الديموقراطية ترفي بالنسبة له


    يا بطل عشان ما تهترش ساي ، ممكن تورينا أهل المركز ديل منو ؟؟

    لو إنت أدروب من الشرق ، بنلقى رئيس واحد من أكبر الأحزاب الوطنية في السودان من الشرق (محمد عثمان الميرغني) ، ولو من النيل البيض بنلقى رئيس واحد من أكبر الأحزاب السودانية من النيل الأبيض (المهدي) ، ولو إنت من الغرب الأمين العام لحزب البعث العربي الاشتراكي ، ونائبه من الغرب ، ولو إنت من الجنوب بنلقى نائب رئيس الجمهورية السيد سلفاكير من الجنوب !!

    فرجاء ممكن تورينا الهامش دا وين والمركز وين ، لأنو نحن بنؤمن إنو كل السودان مهمش ، وانو هنالك فئة فاسدة ، أفسدتها السلطة وأفسدها الترف تتحكم في مصير الوطن ..
    هذه الفئة هي الأجدر بحربنا ، وهي التي يجب أن نوجه سهامنا ضدها ..

    أما إذا أردت أن توجه سهامك ونضالك ضد الجماهير ، فقط لأنها شمالية السكن الجغرافي ، فثق تماما يا عزيزي أننا سنوجه لك سهامنا في الأول !!
    لأن سلوكك دا ما سلوك زول سوي ، شنو يعني أحاسب جماهير بحالها بجريمة فئة انتهازية ؟؟
    خسئت يا هذا ..

    Quote: شفت ليه نحن بنطالب بالسودان الجديد؟



    الخط التحت ( نحن ) دا ما خاتيهو ليك ساي !!
    فاهم ؟؟
    أول حاجة عايز أعرف ( نحن) ديل منو ؟؟
    قولها وما تخجل !!

    تاني حاجة، يا ريتني لو ما شفت !!
    أخجل على سودانك الجديد دا !!
    سودان يصنف الشعب حسب سكنه الجغرافي ، تالله لن يقوم إلا على جثثنا !!
    سودان يحكم على الشعب بأنه مجرم ، لأن هنالك فئة حكمت زورا وبهتانا باسمه ، تالله دونه الأعناق !!
    سودانك الجديد دا يا فالح قادته الذين كانو يبشرون به الآن منبطحين للكيزان داخل القصر الجمهوري ..
    سودانك الجديد دا المبشرين به اليوم جزء لا يتجزأ من الانقاذ ..

    إلى الجحيم سودانك الجديد دا البخليكم تركعوا لدولار الكيزان وتصالحوهم وتتحالفوا معاهم ...

    أصحي يا بريش ...

    Quote: هذا هو التغبيش الذي أقصده والنظرة الزائفة والبعيدة عما هو حاصل فعلا ليس فقط في دارفور بل في الأطراف كلهاا.. أس البلاء ومشكلة السودان أصلا وسبب ثورة المهمشين قبل ما تكون تنمية يا أخي هي العنصرية والإستعلاء بالأساس والحقيقة ده ينكروها كل أحزاب المركز وده واحدة من القواسم المشتركة بيناتهم



    يا أخي والله أنا كنت قايلك بتقرأ بالقلبة وبس ..
    لكن اكتشفت أنك ما بتقرأ خالص ، الفقرة دي ما لاقتك في البيان ؟؟

    Quote: كما أن ترحيبنا ينطلق من بواعث إنسانية ، تحرص علي حقن دماء أبناء وبنات شعبنا وإنهاء معاناتهم التي كانت الحرب إحدى أشد عناوينها قساوه . ويأتي ترحيبنا ، بوقف إطلاق النار ، أيضا لأنه يعيد للصراع الدائر في قطرنا وضوحه ، كصراع سياسي اقتصادي اجتماعي


    كلمة اجتماعي اللي تحتها خط دي ما شفتها ؟؟

    نحن نرى أن وقف اطلاق النار في دارفور يعيد للصراع الدائر في قطرنا وضوحه ، كصراع سياسي اقتصادي اجتماعي ..

    فهمت يا بطل ( سياسي ، اقتصادي ، اجتماعي ) ..

    ونرى أن أن وضوح طبيعة وحقيقة الصراع سيفتح الباب إمام فرزاً تاريخياً في الخنادق .
    تتحرر فيه حركة جماهير شعبنا ، حينما تصطف في خندق مواجهة النظام وبدائله الزائفة ، المندمجة فيه أو في الانتظار ، والقوي الإقليمية والدولية التي تسنده ـ ذلك الخندق الوطني الذي يضع كل رهانه علي الإرادة الوطنية والثقة المطلقة في قدراتها واستعدادها للاضطلاع بدورها الوطني القومي الإنساني.

    أها إنت حلك شـنو !!؟؟؟


    إنـتهى الدرس يـا ....
                   |Articles |News |مقالات |بيانات

29-05-2006, 11:29 PM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    Quote: فرجاء ممكن تورينا الهامش دا وين والمركز وين ، لأنو نحن بنؤمن إنو كل السودان مهمش ، وانو هنالك فئة فاسدة ، أفسدتها السلطة وأفسدها الترف تتحكم في مصير الوطن ..
    هذه الفئة هي الأجدر بحربنا ، وهي التي يجب أن نوجه سهامنا ضدها

    يا شباب والله طرحكم ممتاز بس حكايه انه بعث وعربي دي شويه بتخلق مشكله لما لا يكون البعث السوداني من غير عربي ؟؟ اتمني ان اجد منكم اجابه واضحه مع فائق الشكر
                   |Articles |News |مقالات |بيانات

30-05-2006, 05:46 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    *
                   |Articles |News |مقالات |بيانات

30-05-2006, 07:45 AM

JAD
<aJAD
تاريخ التسجيل: 05-02-2002
مجموع المشاركات: 4768

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    الأخ حسن يوسف ..

    أولاُ في التبادي التحية لشخصك الكريم ،

    هو حزب البعث العربي دا شنو؟؟

    ما يكون زي بتاع ناس صدام حسين؟؟

    لو كان كذلك .. فالله يضمم بطنك ..

    هو في زيف أكثر من حزب البعث ..

    هل رأيت زبداً أسرع تطايراً من الزبد الذي الرابي الذي كان رابطاً على جسد الأمة في العراق ..

    ذلك الزبد الذي تلاشى في رمشة عين ..

    حزب البعث زيف .. خيانة .. خديعة كبرى .. وكيان هلامي قام على النزوات الشخصية لقياداته وانتهى إلى لا شيء ..

    أعتقد أن بنداً واحداً من اتفاق أبوجا أمن به خائف أو طعم به جائع أو عاد به مهجر من دياره أفضل من كامل التفاهات التي قام عليها حزب العبث العربي ..

    حزب البعث قال ..

    جاد
                   |Articles |News |مقالات |بيانات

30-05-2006, 05:23 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: JAD)


    المـاجـدة العـزيـزة ، دومـا..

    التحـايـا والتقـديـر ...

    Quote: والله يا ناس البعث العربي لو غيرتو لينا البعث دا من عربي لي بعث سوداني تكونوا عملتوا فائده كبيره خلاص.


    Quote: يا شباب والله طرحكم ممتاز بس حكايه انه بعث وعربي دي شويه بتخلق مشكله لما لا يكون البعث السوداني من غير عربي ؟؟ اتمني ان اجد منكم اجابه واضحه مع فائق الشكر


    أولا ، لك الشكر عزيزتي على المداخلة الطيبة...

    ثانيا ، جزء من الاجابة موجود في مداخلتك الثانية ، فالطرح السياسي الذي قيمتيه مشكورة بأنه ممتاز ، هو نتاج طبيعي للخط الفكري لحزبنا ..
    فكل طرحنا وخطنا السياسي نابع من فكر حزب البعث العربي الاشتراكي ...

    ثالثا ، لا اعتقد المجال متسعا للافاضة ولتناول الفكرة من مختلف نواحيها، فاكتفي في هذا الحديث بان القي ضوءا على الروح التي تدفع حزبنا.

    لكل حزب روح أو عاطفة او صورة تسبقها وتحفز على تحقيقها.
    ووراء كل حزب نظرة الى الحياة تكون صميمة راسخة في اذهان الذين ينتمون إليه، وهي التي تلون حزبهم وترسم له منطقه.
    فما هي اذن روح حزب البعث العربي الاشتراكي ، او فلسفتة الأيدولوجية؟؟

    المادة (1) من دسـتور حـزبنـا تقـول :

    حزب ( البعث العربي الاشتراكي ) حزب عربي شامل تؤسس له فروع في سائرالاقطار العربية وهو لايعالج السياسة القطرية الا من وجهة نظر المصلحـة العربية العليا .

    هـذا فيمـا يتعلق بدستور الحزب ..

    أما من الناحية الفكرية فان أهداف الحزب نفسها تقوم على جدلية الوحدة العربية ، ولدينا رؤيتنا الفكرية لذلك ، فقد لخص البعث مشروعه في النضال من اجل تحقيق أهداف ثلاثة كبرى هي :

    الوحدة والحرية والاشتراكية ·

    وإن مفاسد الواقع الذي تعيشه الأمة اليوم تتلخص في :

    التجزئة ، وغياب الحرية وتفشي الاستغلال ، وتأتي الأهداف التي يناضل من اجلها البعث لحل هذه الناقضات وللقضاء على هذه المفاسد ذلك ان تحقيق هذه الأهداف ينقل الأمة من الواقع المشوه الذي تعيشه إلى واقع جديد سويّ ويضعها على عتبات نهضة جديدة ، ويمكنها من استكمال مشروعها الحضاري وأداء رسالتها الإنسانية ·

    وقبل التعرف على طبيعة هذه الأهداف ومضامينها لا بد لنا من أن نفهم فكرتين أساسيتين :

    الفكرة الأولى :

    إن هذه الأهداف مترابطة في ما بينها ترابطاً عضوياً حياً وفعالاً ، بالرغم من أهمية الوحدة العربية ورجحانها المعنوي وتقدمها على سائر الأهداف ، لا تكفي وحدها لتحرير إرادة الأمة وتحقيق نهضتها وأداء رسالتها ·

    إذ لا بد لهذه الوحدة من أن تكون مقترنة بتحرر الأمة من أشكال النفوذ الأجنبي كافة ومن أشكال القمع والتسلط والوصاية الداخلية جميعاً ، وكذلك لا بد للوحدة من أن تكون ذات مضمون اشتراكي تتوفر في ظله العدالة الاجتماعية وتكافؤ الفرص بين المواطنين العرب · وبدون ذلك ، أي بدون توفر الحرية والاشتراكية في مجتمع الوحدة لا تتحرر إرادة الأمة ·
    ولا تتفجر طاقات جماهيرها الكامنة ، ولا تحرص هذه الجماهير على العمل من اجل الوحدة قبل قيامها ، ولا تحمي الوحدة بعد قيامها ، وبالتالي تعجز الأمة عن تحقيق نهضتها وأداء رسالتها ·

    والفكرة الثانية :

    هي أن تحقيق الوحدة والحرية والاشتراكية ليس نهاية المطاف لا بالنسبة للأمة ولا بالنسبة للحزب فتحقيق هذه الأهداف ليس مطلوباً لذاته فحسب ، بل هو مطلوب أساساً لتحقيق نهضة عربية شاملة تمكن الأمة من تفجير طاقاتها الخلاقة المبدعة وتؤهلها لأداء رسالتها الإنسانية وخدمة البشرية ، بما تقدمه من قيم روحية حضارية رفيعة ، وبما تنتجه من ثمار الحضارة المادية ·

    وهذا يعني أن بناء المجتمع العربي الاشتراكي الديمقراطي الموحد هو مجرد مقدمة لمرحلة جديدة في حياة العرب مرحلة أداء الرسالة الإنسانية بمعناها الشامل العميق ·

    كما يعني وحدة الوسيلة والهدف فالنضال من اجل تحقيق هذه الأهداف ينبغي أن يرتفع دوماً إلى مستوى متطلبات العمل المبدئي الأخلاقي التاريخي وهو يعني أيضاً ، أن دور الحزب القيادي في حياة الأمة لا ينتهي بمجرد بناء ذلك المجتمع بل يستمر لقيادة الأمة في مرحلتها الجديدة ، مرحلة أداء الرسالة ·


    الوحدة :

    ينطلق مفهوم الوحدة العربية لدى البعث من مسلمة بسيطة واضحة ، ومن حقيقة موضوعية ملموسة ، هي ان العرب امة واحدة ، تجمعها وحدة اللغة والثقافة والتاريخ والجغرافية والدور الحضاري المشترك ، وتجعل لها شخصية ذات هوية واحدة ، ورسالة واحدة في الحياة الانسانية ·

    اما التجزئة التي نراها اليوم فهي حالة مرضية عارضة · كان للغزوات الاجنبية ، ولتسلل الاجانب الى مواقع قيادته في حياة الامة ، ولمطامع الزعماء وانانيتهم ، دور اساسي في خلقها في الماضي ، وكان للاستعمار والصهيونية وللحكام المرتبطين بهما ، او الخاضعين لنفوذهما وسطوتهما او المنتفعين من اوضاع التجزئة والمخدوعين بمغرياتها ، دور مشابه في تثبيتها وترسيخها في عصرنا الراهن ·

    لذلك يجب ان تعود الامة العربية الى وضعها الطبيعي شأنها في ذلك شأن الامم الموحدة ، او التي توحدت ، اي لا بد من ان تتخلص من التجزئة وتستعيد وحدتها القومية الكاملة ·

    غير ان الوحدة العربية التي ينشدها البعث ليست وحدة سياسية شكلية ، لا تختلف عن التجزئة الا بالاسم ، كبعض اشكال الوحدة التي قامت بها الحكومات العربية واصبحت حبراً على ورق ، بل هي وحدة كيانية عميقة ، وحدة تفاعل والتحام وحدة خلق جديد ، وحدة لا تقوم على اساس الجمع الكمي (العددي) بين الاقطار العربية ، بل على اساس الالتحام العضوي الحي بين هذه الاقطار ، وصهر جميع امكانتها المادية والبشرية في بوتقة واحدة وخلقها خلقاً جديداً ، يجعل منها جسماً حياً واحداً بارادة واحدة ، وفعالية واحدة فهذه هي الوحدة التي تنقل الامة الى حالة نوعية جديدة تجعلها قادرة على تحقيق نهضتها الحضارية واداء رسالتها الانسانية ·

    وبهذا المعنى فان الوحدة في نظر البعث ثورة تاريخية تحقق تحولاً شاملاً في حياة العرب ، وفي نظرتهم الى انفسهم والى العالم من حولهم ، وفي طريقة تفكيرهم واسلوب حياتهم ، وفي ممارسة دورهم في المجتمع الانساني ، فيتجهون الى انفسهم والى العالم ، ويواجهون قضايا الحاضر والمستقبل ، وهم كيان واحد ، امة واحدة ، موحدة في ارادتها وفي امكاناتها وفي مصالحها ، وفي دورها الحضاري · وما لم تكن الوحدة على هذه الدرجة من العمق والشمول فإنها تظل شكلية ، وتظل عرضة للعواصف والتقلبات وبروز التناقضات ·

    ولهذا احتلت الوحدة وقضية الوحدة ، مكانة بارزة في فكر البعث وفي نضاله ، وفي تركيبه التنظيمي وحياته الداخلية حتى اعطاها البعث ( تقدماً ورجحاناً معنوياً ) على الحرية والاشتراكية ، وصاغ لها نظريتها الخاصة بالرغم من ترابط اهدافه الثلاثة ، وتعذر فصل احدها عن الاخر ·

    ولهذا ايضاً اتخذت الوحدة في فكر البعث شكل ثورة فكرية ونفسية عميقة وشاملة ، شكل انبعاث روحي ، فارتبطت عنده بمفهوم الانقلاب الجذري على الواقع المريض الذي تعيشه الامة فالانقلاب على هذا الواقع لا يتحقق بمداه العميق الشامل الا بعقلية الوحدة ونفسيتها ، سواء اكان ذلك على مستوى الامة ام على مستوى الحزب ومناضليه ، حتى ليصح القول اننا لا نكون انقلابيين بالمعنى العميق لهذا المصطلح الا اذا كنا وحدويين في الفكر والسلوك ·

    ولذلك اتخذ البعث من الايمان بالوحدة ، ومن النضال اليومي في سبيلها ، معياراً لثورية الافراد والجماعات ، ولثورية الامة نفسها في هذه المرحلة التاريخية ·

    بل ان اهمية الوحدة في فكر البعث قد ارتقت الى الحد الذي اقترنت فيه برسالة الامة في الحياة ، وهذا ما يعبر عنه بكثافة شعار الحزب ( امة عربية واحدة - ذات رسالة خالدة ) ·

    ذلك ان الامة العربية لا تستطيع ان تستكمل شروط انبعاثها وتحقيق نهضتها الحضارية ، والنهوض باعباء رسالتها الانسانية الا بالوحدة · وفي مجتمع الوحدة ، فالوحدة هي الاطار الانسب والانضج والارقى لتفتح طاقات الامة وازدهارها وارتقائها الى مستوى التعبير عن رسالتها الحضارية ·

    غير ان تحقيق الوحدة ليس بالامر السهل فكل اعداء الامة العربية هم اعداء وحدتها ، وفي مقدمة الاعداء الامبرياليون والصهاينة · وذلك ان هؤلاء يدركون ان الوحدة طاقة انبعاثية جبارة تعصف بكل اشكال الهيمنة والاغتصاب ، وتحول الامة الى قوة عظمى قادرة على ان تؤدي دوراً عالمياً ايجابياً لصالح الانسانية المعذبة ، وهذا ما لا يريدونه ويضعون كل العراقيل التي يستطيعون وضعها في سبيله ·

    وليس هؤلاء وحدهم من ينفر من الوحدة ويقاوم فكرتها بل هناك الى جانبهم شرائح من ابناء الامة · وليس هذا بمستغرب · ذلك ان للتجزئة ارثاً ثقيلاً في حياة العرب ، فقد مرت عليهم منذ سقوط بغداد في ايدي المغول عام 1258م قرون وهم يعيشون حياة التجزئة بكل اشكالها المختلفة ، ويتفاعلون مع اوضاعها المادية والنفسية ويتأثرون بها فكراً وسلوكاً ، حتى غدت الوحدة في نظر بعضهم مجرد حلم من احلام الساسة الخياليـيـن ·

    وغدت في نظر غيرهم هدفاً مؤجلاً لا ينبغي الانشغال به وتقديم التضحيات في سبيله ، في الوقت الراهن · بل لقد غدت الوحدة في نظر اخرين تهديداً مباشراً لمصالحهم الانانية الضيقة وامتيازاتهم السياسية والاجتماعية والاقتصادية التي غنموها في ظروف التجزئة ، وفي مقدمة هؤلاء الحكام الفاسدون والشرائح الاجتماعية الطفيلية ·

    لهذا يرى البعث ان معركة الوحدة اصعب معركة تواجهها الامة منذ زمن طويل ، وان هذه المعركة تتطلب قبل كل شيء ان نجعل من الوحدة هدفاً شاخصاً من اهداف نضالنا اليومي ، هدفاً غير قابل للنسيان فالظروف قد تتطور في اتجاهات تكرس التجزئة وتخدم اوضاعها وتضع امام الوحدة المزيد من العراقيل ·

    [BLU]ولكي يتحقق هذا الهدف لا بد له من جهد فكري يومي لبناء وعي جديد وعي وحدوي متطهر من انانيات التجزئة وعصبيتها ومغرياتها ، ثم لا بد من تعميم هذا الوعي ونشره على اوسع نطاق ، بحيث يكون عنصراً متحكماً في التفكير والسلوك ، ونشيداً يلهب النفوس حماسة لقضية الوحدة والنضال في سبيلها والتضحية من اجلها وبذلك يكون هذا الوعي بمثابة انبعاث روحي جديد·

    وهذا يعني ان النضال من أجل الوحدة يجب ان يكون عملاً منظماً يقوده حزب منظم ، حزب وحدوي في فكره وتنظيمه ، حزب تدخل الوحدة في نسيج فكره ، وفي وعي مناضليه ، وفي بنيته التنظيمية ، بحيث يصبح طليعة جديرة بقيادة النضال الوحدوي ، واداة مؤهلة من كل الجوانب لتحقيق الوحدة ·

    وبناء على ذلك اختلفت نظرة الحزب الى الوحدة وقضية الوحدة ، عن نظرة غيره من الاحزاب والقوى السياسية التي تنادي بها · فالوحدة لم تدخل في نسيج فكر تلك الاحزاب ، ولا في بنيتها التنظيمية ، ولا في مفردات نضالها اليومي كما هو الحال عند البعث ، بل ظلت شعاراً مجرداً يذكر في المناسبات ، وتبشيراً ( عاماً ) يتسع لشتى التناقضات ، وهدفاً مؤجلاً ينتظر الظروف المواتية والفرص السانحة ·

    وهكذا يصح من هذه الناحية ، ان نصف حزب البعث العربي الاشتراكي بأنه حزب الوحدة العربية ·

    واليوم ، يزداد هدف الوحدة اهمية وخطورة · فقد اصبحت المواجهة المصيرية بين الامة العربية وقواها الحية وطلائعها واجيالها الشابة من جهة واعداء وحدتها ونهضتها من جهة اخرى ، تفرض توحيد النضال العربي وتعبئة جماهير الامة كلها لصد المؤامرة على مستقبلها وعلى هويتها القومية فأعداء الامة يريدون اليوم تشويه هذه الهوية بل محوها ، بتثبيت التجزئة بين الاقطار العربية وبطرح مشاريع لدمج الكيان الصهيوني بالمنطقة بحيث تعطي لاقطار المشرق العربية هوية جديدة غير هويتها العربية الحقيقية هي ما يسمى اليوم بالهوية الشرق اوسطية ، وهذا يعني ان معركة الوحدة اصبحت معركة دفاع عن هوية الامة وبقائها الحضاري ..

    آسف للاطـالة ، لكن كان لابد من التوضيح ...
    صحيح قد نختلف في ذلك أو نتفق ، لكن الأهم أن نعرف في ماذا مختلفين ..

    ومن ناحية أخرى أخبرك أن هنالك رفاق سابقين قد رأوا نفس رؤيتك هذه ، وغادروا الحزب ، ولديهم الآن حزب اسمه حزب البعث السوداني ...

    وعليك أن تقارني !!!

    عميق الود والتقدير لك عزيزتي ، وثقي أنني مستعد للاجابة الموضوعية عن أي سـؤال ..
    وآسف لو تأخر الرد ، فوالله ووالله شبكة النت في السودان زي الزفت اليومين ديل ...

    ولك السـلام .. ولنـا السـلام .. فـي زمـن البحـث عـن السـلام .. حتـى مجـئ السـلام ...

    ·
                   |Articles |News |مقالات |بيانات

31-05-2006, 09:05 AM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: JAD)


    الأخ العـزيـز جـاد ..

    التحـايـا والتقـديـر ...

    صـراحـة كـدا دخلتنـي فـي ورطـة !!!

    فـامـا أرد عليأك بمثـل ألفـاظـك القـاسـية .. أو أتجـاهـل مـا كتبتـه !!
    ودا حـار ، ودا مـا بتكـوي بيهـو !!

    عـارف ليـه ؟؟

    لأنـو تـوجـد فـي هـذا المنـبر أقلام لن يسبق لي أن تداخلت معهـا من قبل ، لأسباب عديدة ، ولكن تجدني أحترم ما تكتبه حتى لو كان لدي وجهة نظر أخرى ..
    ومن هذه الأقلام أنت ..
    وبالتالي تجدني عاجزا أن أرد عليك بذات الأفاظ ( فالله يضمم بطنك .. هو في زيف أكثر من حزب البعث ..حزب البعث زيف .. خيانة .. خديعة كبرى ..)

    فالعبارة الآولى (الله يطمم بطنك) ، تفتكر أرد عليك أقول ليك فيها شنو !!؟؟
    وما علاقة بطني أو بطنك أو بطن المتابع بهذا الأمر !!؟؟
    حقيقة إنت طممت بطني من متابعة كتاباتك !!

    أمـا باقي العبارات ..
    فهي تندرج تحت باب الكتابات الانشائية فقط لا غير !!
    لأني وبذات القدر يمكنني وبذات منطقك الضعيف هذا ، وببساطة تامة ، يمكنني أقول ليك :

    هو في حقيقة أكبر وأعظم وأقدس من حزب البعث .. حزب البعث حقيقة .. صدق .. بطولة .. جهاد .. نضال ....الخ الأفاظ الجميلة ..

    ولكن ، لا عبارتك الأولى تنفرني من الحزب ، ولا عباراتي أعلاه ستجعلك تشيد بالحزب !!

    كنت أتوقع من قلم مثلك أن يعيدني إلى سواء السبيل طالما رأى أن هذا الحزب زيف وخداع وخيانة ...الخ
    وبحوار هادئ يقوم على حقائق علمية ..
    أنا يا عزيزي لم أرث الانتماء لهذا الحزب ، انتميت بعد أن مررت على معظم الأفكار المطروحة .. واقتنعت في النهاية بأفكار حزب البعث ..
    ومستعد تماما لكي أستمع منك النقد الذي يبرز عيوب هذا الفكر ..
    أما ألفاظك هذه فهي لا تقدم ولا تؤخر شئيا ...

    Quote: أعتقد أن بنداً واحداً من اتفاق أبوجا أمن به خائف أو طعم به جائع أو عاد به مهجر من دياره أفضل من كامل التفاهات التي قام عليها حزب العبث العربي ..


    أرأيت يا عزيزي ها أنت تتفق مع حزبنا في نصف ما ذكرته أعلاه حين قلت :


    Quote: أعتقد أن بنداً واحداً من اتفاق أبوجا أمن به خائف أو طعم به جائع أو عاد به مهجر من دياره


    وهـذا يتطابق مع ما جاء في البيان الذي يبدو أنك مثل الكثيرين لم تقرأه !! إنما أتيت بدوافع ذاتية للحوار ، فالبيان ذكر :

    Quote: كما أن ترحيبنا ينطلق من بواعث إنسانية ، تحرص علي حقن دماء أبناء وبنات شعبنا وإنهاء معاناتهم التي كانت الحرب إحدى أشد عناوينها قساوه .


    أمـا النصـف الآخـر ، الذي قلت فيه :

    Quote: أفضل من كامل التفاهات التي قام عليها حزب العبث العربي ..


    أكيد الحزب لا يتفق فيها معك !!
    لكن أنا مستعد أقتنع لو وضحت لي بهدؤ كامل التفاهات هذه !!

    أكرر يا صديقي كامل التفاهات ..

    وحتى أساعدك على نقدك لكامل التفاهات هذه ، فأنا أول ما اقتنعت به في فكر البعث هو الموقف من الدين بصورة عامة والاسلام بصورة خاصة ، ومن ثم اقتنعت بأهداف الحزب الثلاثة ، ومن ثم اقتنعت بالفكرة الانقلابية ، ثم جاء بعد ذلك الرسالة الخالدة والايمان ..
    ومن ثم بحثت في التاريخ النضالي للحزب وأعجبني دوره النضالي ضد نظام جعفر نميري ، والممتد حتى اليوم ضد نظام الكيزان ..

    فأرجو أن تقنعني بكامل التفاهات التي قام عليها هذا الحزب حتى أغادره وأعود انسانا سويا !!
    أرجو ذلك ..


    ولك عميق الود والتقدير ...
                   |Articles |News |مقالات |بيانات

30-05-2006, 05:51 PM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    ماهذا الخواء!
    جاييك بس أصبر علي
                   |Articles |News |مقالات |بيانات

30-05-2006, 08:47 PM

Deng
<aDeng
تاريخ التسجيل: 28-11-2002
مجموع المشاركات: 46699

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    صدام حسين البورد.

    الغريبة أنت حتى ما عندك أحساس بخجل أو مراعة لشعور الناس.
    بعث شنوا وبطيخ شنوا؟ الايديلوجية دي أنتهت قبل سقوط نظام المجرم صدام وقبل موت الديناصور حافظ الاسد.
    أنت الان بتبعث في شنوا يا زول؟ أوع تكون بتبعث في أفكار البعث السوداني!!! يا راجل أنت فقدته عقلك ولا شنوا؟
    قال بعث عربي قال. البعث العربي في بلاد السود, ده عنوان مسرحية أو حلقة فكاهية تضحك العرب في برامج رمضان القادم.


    دينق.
                   |Articles |News |مقالات |بيانات

30-05-2006, 09:09 PM

Abureesh

تاريخ التسجيل: 22-09-2003
مجموع المشاركات: 19467

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: Deng)

    Quote: حزب البعث العربي الاشتراكي ضد أي تدخل أجنبي في السودان .. وقع ليك ؟؟؟


    الأخ حسين،

    هل تدخل العراق فى حرب الجنوب وإرسـال طائـرات لضـرب الجنوبيين فى الكرمك وغيرهـا، هلى هـذا يعتبـر عندكم تدخل دولـة أجنبيـة أيضـا؟

    وشكـرا.
                   |Articles |News |مقالات |بيانات

31-05-2006, 08:12 AM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: Abureesh)


    الأخ العـزيـز أبـو الـريش ..

    التحـايـا وعميـق الاحـترام ..

    Quote: هل تدخل العراق فى حرب الجنوب وإرسـال طائـرات لضـرب الجنوبيين فى الكرمك وغيرهـا، هلى هـذا يعتبـر عندكم تدخل دولـة أجنبيـة أيضـا؟


    أولا، عـزيـزي الفاضل ، العراق لم يتدخل في حرب الجنوب ...
    ثانيا ، الطائرات والدعم اللوجستي العراقي للجيش السوداني ، لا يمكن بأي حال من الأحوال أن تعتبره تدخلا أجنبيا ، صحيح القيادة العراقية استجابة لمطالب الحكومة المنتخبة آنذاك وأرسلت الدعم العسكري للجيش السوداني في حربه ضد حركة التمرد ..
    ولا يغيب عن عقلك أن هذا تعامل طبيعي يتم بين مختلف الحكومات ..
    وكان من الممكن أن يكون هذا الدعم قادم من أي دولة أخرى غير العراق ، ولأي دولة أخرى غير السودان ..
    وإلا قل لي بربك كيف تستطيع الجيوش أن توفر مطالبها العسكرية لولا هذا التعامل ..
    فنحن لا نعتبر جلب السلاح للجيش الوطني (أكرر الجيش الوطني) ، تدخلا أجنبيا ..
    فالعلاقة هنا تصبح علاقة بين حكومات تحكمها مصالح مشتركة ، فقط يجب لأن تقوم على احترام السيادة الوطنية لكل حكومة ..

    أرجو أن أكون قد أجبت على سـؤالك ..

    ولك السـلام .. ولنـا السـلام .. فـي زمـن البحـث عـن السـلام .. حتـى مجـء السـلام ..
                   |Articles |News |مقالات |بيانات

31-05-2006, 08:27 AM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)



    كتبـت العـزيـزة دومـا :


    Quote: والله يا ناس البعث العربي لو غيرتو لينا البعث دا من عربي لي بعث سوداني تكونوا عملتوا فائده كبيره خلاص.



    رد عليهـا النكـرة ، Adrob abubakr


    Quote: أنا أول من يعلن إنضمامه إليه



    وعشـان أثبـت مـراهقتـك السـياسـية ، وأميتـك المعـرفيـة ..

    ولنـؤكـد إنـك تتعـاطـى السـياسـة بفقـر معـرفـي تـام ..

    وإنـك غـير صـادق فيمـا تطـرحـه ، أقـول لـك يـا فـالح فعـلا هنـالك حـزب اسـمو البعـث السـوداني !!

    أهـا خلينـا نشـوف الفـوضـى والهتـرشـة بتـاعتـك دي حـدهـا ويـن !!

    أرجـو أن تكـون صـادقـا مـع مـا تكتبـه وتنضـم لهـذا الحـزب ..

    ويـا ضـياء الـديـن أمسـك عليـك ..

                   |Articles |News |مقالات |بيانات

31-05-2006, 09:59 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    Quote: ينبغي عليك أن تعلم أن كل شرفاء وأحرار العالم اليوم يتمنون لو كانوا من تكريت ، هذه البقعة الطيبة المباركة التي أنجبت صحابي العصر القائد المجاهد صدام حسين فك الله أسره

    صحابي مرة واحدة كدة!

    يا جماعة إنسان في حالة غيبوبة زي ده وأغتراب وإستلاب ذهني وفكري وعاطفي لمن …لأغبى وأكبر سفاح في القرن الواحد وينظر لمشاكل بلده بعيون أجبنبة لكي يستورد لنا أسوأ نظام وأفشل تجربة في التاريخ
    يعني السودان أصبح بالنسبة للجلابة مزبلة لإستجلاب كرت الفاشلين في مكان ولهذا ليس غريبا أن يستوردوا البراز أيضا!

    Quote: حزب عربي شامل تؤسس له فروع في سائرالاقطار العربية وهو لايعالج السياسة القطرية الا من وجهة نظر المصلحـة العربية العليا

    لا حول ولا قوة إلا بالله!

    يعني عازيننا نثبت ليكم عمالتكم أكتر من كده كيف المصيبة أنك قاعد في السودان ووعيك مغيب تماما هناك في تكريت عشان كده ما هو حاصل في الغرب والجنوب من قتل وإغتصاب ما يحرك فيك شعرة بقدر ما تغضب وتنفعل بل مستعد تتطوع في قوافل الموت في العراق
    ده هي المفارقة الكبيرة!

    Quote: فيا صاحبي ليست دارفور وحدها المظلومة والمهمشة

    هذا هو بالضبط التغبيش الذي يمارسه كل الجلابة لتمييع قضايا المهمشين ..نقول ليكم ألف التهميش ليس موضوع تنمية فقط
    متي كانت الشمالية أو الخرطوم ميدانا للحرب ..متي تم قصفهم بالطائرات والأنتنوف ..متي كانت عمليات إغتصاب منظمة في الشمال
    ما لكم كيف تحكمون!

    صدقني لو كانت للإنقاذ محمدة أنها عرت كافة أحزاب الجلابة التي كانت تدعي القومية ونبذ العنصري حتى أصبح ضهرها الآن مكشوفا أمام الجماهير
    عشان كده أصبح لعبكم مكشوف ولا ينطلي على أحد
                   |Articles |News |مقالات |بيانات

31-05-2006, 03:46 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: Adrob abubakr)


    النكـرة Adrob abubakr

    قـررنـا ألا نعطيـك أي دروس حتـى تثبـت لنـا مصـداقيـة مـا تطـرحـه هنـا ..


    كتبـت العـزيـزة دومـا :



    Quote: والله يا ناس البعث العربي لو غيرتو لينا البعث دا من عربي لي بعث سوداني تكونوا عملتوا فائده كبيره خلاص.




    رد عليهـا النكـرة ، Adrob abubakr



    Quote: أنا أول من يعلن إنضمامه إليه



    يجـب أن تـكون قـدر كلمـتك أو تتـوارى خجـلا ..

    ونحـن فـي انتظـار هتـرشـتك حتـى تتـورط أكثـر ..

    متـى ستعـلن ذلك ؟؟

    أم هـو لعـب عيـال ؟؟
                   |Articles |News |مقالات |بيانات

31-05-2006, 06:46 PM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    حسين التكريتي
    أنا أقصد بعث سوداني إفريقي أصيل غير وافد ولا مستورد (أنا سوداني أنا إفريقي!)
    يستلهم وحدة المكون السوداني لا بمنظور خارجي مرتهن للأجنبي يجعل مني دمية لخمططاتهم الإستراتيجية وصراعهم الحضاري
    بل سوداني أصيل يشعر في وطنه بكينونته وإنتمائه لجزوره وتاريخه العريق الذي بدأ قبل ظهور العرب أنفسهم
    وطن يعترف بالتنوع الثقافي في جو من الحرية و التناغم والإنسجام بعيدا عن الإستعلاء الثقافي والمركزية ومحاولات طمس ثقافة لصالح أخري
                   |Articles |News |مقالات |بيانات

05-06-2006, 02:03 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: Adrob abubakr)


    النـكرة مـراهق السـياسـة Adrob abubakr

    Quote: أنا أقصد بعث سوداني إفريقي أصيل غير وافد ولا مستورد (أنا سوداني أنا إفريقي!)


    يا أخي والله إنت عايز تفضح نفسك وبس !!
    وكلامك دا يؤكد إنك بتمارس السياسة من منازلهم ..
    لا بتقرأ ، لا بتابع ، وما ناقش فيها اي حاجة ..

    قلنـا ليك ما تنطط وأبقى قدر كلامك في حزب بعث سوداني ..

    وبعد دا تجي وبكل غباء تقول (سوداني أفريقي أصيل) ، غير (وافد) ولا (مستورد) ..
    أفريقيا دي يا فالح جوة السودان ولا شنو ؟؟
    ماهو بقى أفريقي معناهو وافد أو مستورد ..
    حزب البعث دا سوداني ، وقادته ومؤسسيه سودانيين ..

    بطل جرسة وأمشي أنضم ليهو !!
    وأوع تفضح ضحالتك السياسية تاني .. فاهم ؟؟

    والنشوف آخر اكاذيبك دي !!

    أقـول ليـك حـاجة :

    إنـت منتظـر الناس يعملوا ليك الحزب البتحلم بيهو ليه ؟؟
    مـا تسـويه بـراك !! الناقصـك شـنو ؟؟
    أعمـل حـزبـك دا عليك الله ، وأطرحـو لينـا هنـا ، عشأن نشـوف أفكـارك العظيمـة دي !!

    بس إنـت يـا فـالح أجبن مـن أن تعلـن انتمـاؤك الحـزبـي ..
    بـل أجبن مـن أن تعلـن حتـى عـن ذاتـك واسـمك ..
    وبتتخفـى وراء قنـاع الخـوف والخجـل ...
                   |Articles |News |مقالات |بيانات

31-05-2006, 07:13 PM

Deng
<aDeng
تاريخ التسجيل: 28-11-2002
مجموع المشاركات: 46699

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    Quote: يعني السودان أصبح بالنسبة للجلابة مزبلة لإستجلاب كرت الفاشلين في مكان ولهذا ليس غريبا أن يستوردوا البراز أيضا!


    الاخ أدروب.

    ده كلامك الفوق ده مية المية. لقد هان السودان في زمن الكيزان.

    دينق
    .
                   |Articles |News |مقالات |بيانات

01-06-2006, 04:04 AM

JAD
<aJAD
تاريخ التسجيل: 05-02-2002
مجموع المشاركات: 4768

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    Quote: هو في حقيقة أكبر وأعظم وأقدس من حزب البعث .. حزب البعث حقيقة .. صدق .. بطولة .. جهاد .. نضال ....الخ الأفاظ الجميلة ..


    الأخ الفاضل حسين ..


    هل أنت جاد فيما كتبت أعلاه ..!!!!!!


    هل أذكرك بأهم إنجازات حزب البعث على المستوى القومي ؟؟

    وهل أذكرك بأهم إنجازات حزب البعث قطر العراق ؟؟


    أما على المستوى القومي فمن أهم إنجازات الحزب:

    - هو إتمام القطيعة الكاملة بين العراق وسوريا أكبر دولتين في منطقة الهلال الخصيب والعمود الفقري لهذه الأمة .. وهذا الإنجاز هو أهم أهداف مؤسس هذا الحزب وهو نصراني وغير عربي بل من الطائفة الأرثوذكسية وهي أكثر الطوائف النصرانية تشدداً ..

    - تدمير هائل لثروات ومقدرات العراق بخوضه حرباً هوجاء رعناء ضد جاراته إيران ..

    - تدمير هائل لثروات العراق بإقدامه على غزو الكويت - البلد العربي - .

    - تدمير هائل لثروات الكويت بتحميله تكاليف جزافية دفعها من ثروات هذه الأمة إلى أمريكا وحلفائها بهدف التحرير والذي اقتضى في ذات الوقت تدمير البنيات التحتية والاقتصادية والسياسية والاجتماعية للعراق.

    - التمكين الكبير للنفوذ الأجنبي في مصير هذه الأمة من خلال السيطرة الكاملة على بر وبحر دول الخليج العربي والتحكم من قرب على منابع أهم الثروات العالمية التي يفترض أن تكون مصدر قوة للعرب والمسلمين بخلاف ما هي عليه الآن .. فنفط الخليج ينهب بحجة تسديد فاتورة التحرير .. ونفط العراق ينهب بحجة تسديد نفقات التخلص من الحكم الدكتاتوري ونفقات إعادة الإعمار ولا إعمار في الواقع ..

    أما فيما يخص إنجاز حزب ميشيل عفلق في العراق فهو تسليم العراق العربي على صينية من ذهب إلى أمريكا، والتي أنهت ما بدأه البعث بتدمير العراق وتفتيته إرباً:: عرب، أكراد، تركمان، آشوريين، وفي نهاية المطاف تعزيز النفوذ الفارسي ..


    من هو مؤسس حزب البعث العربي والأب الروحي له:

    Quote: ميشيل عفلق (1910 - 23 يونيو 1989) يعد الاب الروحي لحزب البعث العربي الاشتراكي. ولد في دمشق لعائلة متوسطة من الطائفة الارثوذكسية. تلقّى تعليمه في المدارس الفرنسية في سوريا الواقعة تحت الانتداب الفرنسي. لمع ميشيل على مقاعد الدراسة وانتقل الى باريس ليلتحق بجامعة السوربون حيث بلور افكاره الحزبية. وبعد رجوعة الى الشرق الأوسط، عمل عفلق كمدرس كما نشط في الوسط السياسي. وفي عام 1940 وخلال سيطرة فرنسا الفاشية على سوريا، أسّس ميشيل عفلق حزب البعث العربي الاشتراكي بمساعدة صلاح بيطار.


    يعني مؤسس هذا الحزب المسخ الذي يدعي أنه يهدف لبعث أمجاد العرب غير عربي ومسيحي متشدد !!!

    إذاً لماذا لا تطم بطني وأتقيأ في ردهات هذا البوست ؟؟؟!!!



    تحياتي،،

    جاد



                   |Articles |News |مقالات |بيانات

05-06-2006, 03:54 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: JAD)


    الأخ جـاد ..
    التحـايـا والتقـديـر ..


    عـن قصـد تعمـدت أن يتـأخـر ردي عليـك حتـى أعطـيك الـوقـت الكـامـل لتنقـذنـي مـن (كامل التفاهات التي قام عليها حزب العبث العربي ..) !!

    ولكن للأسـف الشـديـد لـم تفـدني بشئ مقنـع ..
    بل جاء ردك أكثر سطحية ، وموغل في الاعياء الفكري والسياسي ..

    وحتى أوضح لك ذلك ، دعني استعرض معك بعض ما حاولت أن تقنعني به من كامل التفاهات التي قام عليها حزب البعث العربي :

    وقبل ذلك ، وحتى أساعدك مرة ثانية لتنقذني من هذه التفاهات التي قام عليها حزب البعث العربي ، أحب أن أخبرك بالآتي :

    قبل أن أنتمي لحزب البعث قرأت - كما ذكرت لك - معظم الآفكار المطروحة ، وطبعا أعظمها تأثيرا في تاريخ الفكر الانساني كانت الماركسية ، ومن ثم الفكر الجمهوري ، ومن ثم قرأت لبعض الحركات الدينية ..
    فوجدت أن أفكار حزب البعث العربي الاشتراكي هي التي تتوافق مع أحلامي وأمنياتي ..
    وعليه يا عزيزي ، يستحيل أن أدخل معك أو مع غيرك في حوار فكري ، وأسئ لحزبك أو أفكارك بمثل الأفاظ التي أتيت بها أنت ..
    فقط سأطرح عليك ملاحظاتي النقدية عن فكرك لا غير ..
    لأن ما جعلني لا أقتنع بالفكر الماركسي مثلا ليس تلك الأقاويل التي تقال عنه ، إنما رفضته بناء على نظرية نقدية كاملة متكاملة عن الماركسية ، يستطيع من خلالها الماركسيين أن ينتقدوها أيضا ..
    وكذلك حركات الاسلام السياسي .. رفضتها لأسباب نقدية جوهرية ، يستطيعون أن يردوا عليها ..

    فتخيل يا صاحبي لو جاء زول ، وعايز يقنعك بفساد شئ أنت تؤمن به ، ووقع فيهو نبذ وشتائم .
    وجاء زول تاني وجاء قاليك والله الشئ دا غلط لأنو 1 ..2 .. 3...
    أكيد الحالة ستختلف ..

    مرة ثانية اقول لك ، والحمد لله لدينا الشجاعة الكافية للبحث عن الحقيقة ، فقط وطالما أردت لي طريق لا يقوم على تفاهات أرجو أن تقنعني ..
    ومن ثم تطرح لي فكر بديل يلبي حاجتي ، ويستوعب طاقتي !!

    آسف للاطالة ولنعود لما كتبته :

    Quote: هل أنت جاد فيما كتبت أعلاه ..!!!!!!


    ودي أولى علامات فشلك في اقناعي ، لأنك تعاملت مع ما كتبته لك على طريقة ، (ويل للمصلين ) ، و ( لاتقربوا الصلاة ) !!

    يا عزيزي هذا هو النص الذي كتبته أنا كاملا غير مشوها ولا مجزأ :

    Quote: أمـا باقي العبارات ..
    فهي تندرج تحت باب الكتابات الانشائية فقط لا غير !!
    لأني وبذات القدر يمكنني وبذات منطقك الضعيف هذا ، وببساطة تامة ، يمكنني أقول ليك :

    هو في حقيقة أكبر وأعظم وأقدس من حزب البعث .. حزب البعث حقيقة .. صدق .. بطولة .. جهاد .. نضال ....الخ الأفاظ الجميلة ..

    ولكن ، لا عبارتك الأولى تنفرني من الحزب ، ولا عباراتي أعلاه ستجعلك تشيد بالحزب !!


    طبعا الخطوط من عندي حتى أوضح لك ، أنني كتبت لك بذات منطقك الضعيف ، وقلت لك هذا المنطق لا يثبت امام أي حوار جاد ..

    ولكنك للأسف بترت النص وأخذت منه فقط ما يخدم غرضك ، ولا يقنعني في ذات الوقت ، أنت أخذت منه هذا الجزء فقط :

    Quote: هو في حقيقة أكبر وأعظم وأقدس من حزب البعث .. حزب البعث حقيقة .. صدق .. بطولة .. جهاد .. نضال ....الخ الأفاظ الجميلة ..


    ولو ملاحظ يا عزيزي ، إنك نجرتو نجر من داخل النص !!
    هذا فعل لا يليق بالكرام !!

    Quote: هل أذكرك بأهم إنجازات حزب البعث على المستوى القومي ؟؟

    وهل أذكرك بأهم إنجازات حزب البعث قطر العراق ؟؟


    لا يـا صاحبي ، أنا أدري يتماما انجازات حزبنا على المستوى القومي والقطري ..
    وزي ما ذكرت ليك ليست هذه السباب الرئيسة التي قادتني لحزب البعث العربي ..

    أنا ذكرت لك أسباب فكرية وأيدولوجية ، هي التي قادتني للانتماء لحزب البعث العربي ..
    وحددتها لك ..
    فهل لديك القدرة الفكرية لنقد هذه الأفكار ، وتؤكد لي تفاهتها أم لا !!؟؟

    Quote: - هو إتمام القطيعة الكاملة بين العراق وسوريا أكبر دولتين في منطقة الهلال الخصيب والعمود الفقري لهذه الأمة ..


    شفت يا صاحبي ، دا موقف سياسي بين دولتين ، ولم يكن سببا في انتمائي لحزب البعث ..

    Quote: وهذا الإنجاز هو أهم أهداف مؤسس هذا الحزب


    حسنا يا عزيزي جـاد ،
    إنت قلت هذا الانجاز هو أهم اهداف مؤسس هذا الحزب ..

    وعشان أصل معاك للنهاية ، بقول ليك :

    أنا قرأت كامل الكتابات لمؤسس البعث ، ولم أجد هذا الهدف ...
    وعليه من واجبك أن ترشدني لمصدر ما أتيت به هنا ..
    هل حقا هذا من أهداف مؤسس البعث ؟ أم هي الحرب والخدعة والمكيدة ؟؟
    أرجو أن تمدني بالمصدر الذي وجدت فيه كلامك أعلاه !!!

    Quote: وهو نصراني


    دي قـديمـة وعارفها ، وما بتهمني خالص ، لأنو لا عداء لي مع المسيحية والمسيحين ..
    بس بي نصرانتو البتقول عليها دي ، ممكن تأتيني برؤيته للالام ، وتوضح لي أين التفاهات !!

    Quote: وغير عربي


    يـا راجـل عيـب عليـك !!
    أسحـب معلومتك دي لأنها ستجعلك موضع السخرية والضحك ..
    وبرضو ما مشكلة ممكن تقولينا لو ما عربي ، هو شنو ؟؟؟

    Quote: بل من الطائفة الأرثوذكسية وهي أكثر الطوائف النصرانية تشدداً ..


    لقد آن لأبي حنيفة أن يمد رجله إذا !!
    شفت دينق ضحك عليك !! من متين كان الانتماء للأرثوذكس يجعلك عربي أو غير عربي ؟؟
    يا راجل عيب والله ..

    Quote: تدمير هائل لثروات ومقدرات العراق بخوضه حرباً هوجاء رعناء ضد جاراته إيران ..


    Quote: تدمير هائل لثروات العراق بإقدامه على غزو الكويت - البلد العربي - .


    Quote: - تدمير هائل لثروات الكويت بتحميله تكاليف جزافية دفعها من ثروات هذه الأمة إلى أمريكا وحلفائها بهدف التحرير والذي اقتضى في ذات الوقت تدمير البنيات التحتية والاقتصادية والسياسية والاجتماعية للعراق.


    Quote: - التمكين الكبير للنفوذ الأجنبي في مصير هذه الأمة من خلال السيطرة الكاملة على بر وبحر دول الخليج العربي والتحكم من قرب على منابع أهم الثروات العالمية التي يفترض أن تكون مصدر قوة للعرب والمسلمين بخلاف ما هي عليه الآن .. فنفط الخليج ينهب بحجة تسديد فاتورة التحرير .. ونفط العراق ينهب بحجة تسديد نفقات التخلص من الحكم الدكتاتوري ونفقات إعادة الإعمار ولا إعمار في الواقع ..


    Quote: أما فيما يخص إنجاز حزب ميشيل عفلق في العراق فهو تسليم العراق العربي على صينية من ذهب إلى أمريكا، والتي أنهت ما بدأه البعث بتدمير العراق وتفتيته إرباً:: عرب، أكراد، تركمان، آشوريين، وفي نهاية المطاف تعزيز النفوذ الفارسي ..


    ياها دي كل التفاهات اللي قام عليها حزب البعث !!؟؟

    والله لقد آن لي أن أمد رجلي الاتنين كمان !!

    يا بطل ، دي مواقف سياسية ، يمنني أن أجادلك فيها وتجادلني فيها ، كل بوجهة نظره السياسية ..
    أنا قلت ليك كلام واضح أنا أنتميت لأفكار حزب البعث ، فهل لديك القدرة على نقد هذه الأفكار ؟؟
    أقسم بالله العظيم إنك لا تستطيع ..
    بل أتحداك اساسا لو كنت محيط بها ..

    يا صاحبي السياسة ما لعب عيال ، لو ما عندك القدرة على النقاش الفكري الجاد من الأفضل لك أن تناقش قدر عقلك ..
    لأنو حقيقة ما أتيت به أنت هو قمة التفاهات والانحطاط الفكري ..
    إنتو قايلين نحن بنمارس السياسة دي ترف ولا شنو ؟؟
    ما ياهو بنرقد ليكم كدا عشان نفضح حصيلتكم المعرفية ..!!
    حاجاتك الجبتها دي ما عندها أي علاقة لما قام عليه حزب البعث ..
    الحاجات دي بطل حصلت في التمانينات ، وحزب البعث قائم من 1947 ..

    يا إما تثبت حصيلتك المعرفية ، وتأتي بهذه التفاهات ، أو لتحترم حصيلتك المعرفية وتصمت .. فـاهـم !!

    Quote: يعني مؤسس هذا الحزب المسخ الذي يدعي أنه يهدف لبعث أمجاد العرب غير عربي ومسيحي متشدد !!!



    والله حقيقة أنا تأسفت لكل لحظة قرأت لك فيها ..

    لم أكن أعلم إنك تتوارى خلف هذا الجهل أبدا ، من وين جبت معلوماتك دي ؟؟
    الله اسألك قريت أفكار الزول دا حول الأديان ؟؟
    أقسم صادقا إنك لم تقرأها !!
    وإلا ما كان قلت كلامك الفطير دا !!
    ما عربي دي طبعا أكبر كذبة أتيت بها ..
    أما مسيحي متشدد ، فاقول لك :

    إن الرفيق القائد المؤسس : أحمـد ميشـيل عفلـق ، ليس متشـدد !!!!!!!!
    شـفت الاسـم دا كيف : أحمـد ميشـيل عفلـق !!

    الله يسـألك فـاهـم حـاجـة؟؟؟

    Quote: إذاً لماذا لا تطم بطني وأتقيأ في ردهات هذا البوست ؟؟؟!!!


    أنـا أجـاوبـك :

    إنـت تتقـيأ ممـا ورد فـي هـذا البـوسـت لأنـك مـريـض !!
    والمـريـض دائمـا يتقيـأ !!
    خصـوصـا إذا كـان العـلاج كلـوركين مـر !!

    وأنـا سـأعـالج مـرضـك المعـرفـي هـذا ، وسـأجعلك تذهـب لتقـرأ وتبحـث عـن هـذه التفـاهات التي قـام عليهـا حـزب البعـث العـربـي ..

    مـع التقـديـر والتحـايـا ...
                   |Articles |News |مقالات |بيانات

01-06-2006, 04:47 AM

Adrob abubakr

تاريخ التسجيل: 10-05-2006
مجموع المشاركات: 3895

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    الأخ جاد
    أتفق معك فيما ذهبت إليه من أن البعث وصدام حسين مسئولين عن تسليم العراق العربي على صينية من ذهب لإمريكا,لكن ألا تعتقد أن الإنقاذ تسير في نفس الإتجاه؟

    ولا أب سن يضحك علي أب سنين!!
                   |Articles |News |مقالات |بيانات

01-06-2006, 06:13 AM

Deng
<aDeng
تاريخ التسجيل: 28-11-2002
مجموع المشاركات: 46699

للتواصل معنا

FaceBook
تويتر Twitter
YouTube


Re: حـزب البعـث العـربـي : اتفـاق ابـوجـا حـل زائـف لازمـة حـقـيقـية ومـطالـب عـادلـة (Re: حسين يوسف احمد)

    Quote: يعني مؤسس هذا الحزب المسخ الذي يدعي أنه يهدف لبعث أمجاد العرب غير عربي ومسيحي متشدد !!!

    إذاً لماذا لا تطم بطني وأتقيأ في ردهات هذا البوست ؟؟؟!!!


    الجاهل التاني الكوز جاد.

    أنت مشكلتك مع أفكار عفلق ولا دين وأصل عفلق؟
    من أين أتيت بعدم عروبة عفلق هذا؟
    بعدين يجب أن تعلم أن الارسوثكس طائفة دينية وليس عرقية.

    دينق
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>

������� ��������� � ������ �������� �� ������� ������ ������� �� ������ ������ �� ���� �������� ����� ������ ����� ������ �� ������� ��� ���� �� ���� ���� ��� ������

� Copyright 2001-02
Sudanese Online
All rights reserved.




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de