بشـرى سـارة فقـط لعشـاق المـريـخ بـدول المهجـر !!!!

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 20-09-2018, 02:08 PM الصفحة الرئيسية

مكتبة حسين يوسف احمد(حسين يوسف احمد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-05-2007, 04:37 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


بشـرى سـارة فقـط لعشـاق المـريـخ بـدول المهجـر !!!!


    منقـول من منتدى محبي المريخ ..

    بشرى سارة للأخوة المغتربين

    بحمد لله وتوفيقه وافق مجلس ادارة نادي المريخ بمنح الأخوة المغتربين
    والمريخاب عموما خارج ولاية الخرطوم بطاقة العضوية بالانتساب وهي نفس
    العضوية المتاحة للاعضاء داخل ولاية الخرطوم ويحق للعضو التمتع بكافة
    شروط العضوية ما عدا التصويت ويحق له الدخول للنادي والمشاركة برائه
    من داخل الجمعية العمومية ..

    الشروط المطلوبة لنيل العضوية هي نفس الشروط التى يتمتع بها اعضاء النادي
    الحالين وهي كالاتي:

    الاسم ثلاثي ...
    وعدد 2 صور فوتغرافية...
    ورسوم عضوية 15 الف جنيه..
    ورسوم الاشتراك الشهري 10 الف جنية..
    ورقم الجواز والعنوان.


    وبحمدلله وتوفيقه تم اليوم استخراج عدد 16 عضوية لرابطة المريخ بالمنطقة
    الشرقية (الدمام) ..

    للاستفسـار والتنسيق :


    http://www.hemamtec.com/phpbb/viewtopic.php?t=14089



    ودمـت يـا مـريـخ التمـيز ..
                   |Articles |News |مقالات |بيانات

08-05-2007, 04:41 PM

بهاء بكري
<aبهاء بكري
تاريخ التسجيل: 26-08-2003
مجموع المشاركات: 3417

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    طيب ياحسين الله لاقدر انو انا كنت مريخابي وبقيت عضو منتسب ذي مابيقولو جماعتك .... اها انا في الاجازة حضرت جمعيتكم العمومية ليه مااصوت ....... ؟
                   |Articles |News |مقالات |بيانات

08-05-2007, 05:16 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: بهاء بكري)


    عزيزي بهـاء ..

    Quote: طيب ياحسين الله لاقدر انو انا كنت مريخابي وبقيت عضو منتسب ذي مابيقولو جماعتك .... اها انا في الاجازة حضرت جمعيتكم العمومية ليه مااصوت ....... ؟


    حسنا عزيزي ..

    حسب النظام الأساسي لنادي المريخ ..
    كان الوضع كالآتي :

    * لا يحق نيل العضوية إلا لمن يسكن ولاية الخرطوم ..
    * العضوية لديها فترة محددة في العام ..

    الآن وحتى نصل بالمريخ للمكانة التي نريدها ، تم :

    * فتح باب العضوية لكل المريخاب ( وين ما كانو )
    * العضوية أصبحت على مدار العام من الساعة سبعة
    ونصف مساء وحتى العاشرة والنصف مساء ..

    وحتى يتم تعديل النظام الأساسي للنادي ، ليس من حق
    الأعضاء خارج ولاية الخرطوم التصويت والترشيح في الانتخابات

    وأتفق معك أن هذا الوضع غير عادل ولابد من تعديله ..

    أرجو ان أكون قد وفقت في التوضيح ..

    مع الحب ..
                   |Articles |News |مقالات |بيانات

08-05-2007, 04:56 PM

بهاء بكري
<aبهاء بكري
تاريخ التسجيل: 26-08-2003
مجموع المشاركات: 3417

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    Quote:
    والمريخاب عموما خارج ولاية الخرطوم


    انت ياحسين مريخ الجن ده بقي حدو الخرطوم بس ...... طيب من زمان بتاحكونا مالكم لمن تقولو مريخ السودان علي وزن هلال السودان ..... ده انت ماعندك عضو واحد خارج الخرطوم ..... اها قرار مجلسكم المعين القادم هو انتساب ناس بحري والخرطوم كمان
                   |Articles |News |مقالات |بيانات

08-05-2007, 05:29 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: بهاء بكري)


    عزيزي بهـاء ..

    Quote: انت ياحسين مريخ الجن ده بقي حدو الخرطوم بس ...... طيب من زمان بتاحكونا مالكم لمن تقولو مريخ السودان علي وزن هلال السودان ..... ده انت ماعندك عضو واحد خارج الخرطوم ..... اها قرار مجلسكم المعين القادم هو انتساب ناس بحري والخرطوم كمان


    الظاهر عليك مستعجل شديد !!!
    فمداخلتك التانية كتبتها قبل أن أوضح لك ..

    على العموم يا صديقي هذا الأمر يجب مناقشته
    بدون عصبية وبكل علمية ..

    وإنت ما تناقض نفسك ..
    فانت بتقول ما عندكم عضو واحد خارج الخرطوم ..

    والدليل عضويتي أنا ..
    أنظر إلى الصورة :



    ( الجـزيرة ـ قرية الربوة )

    ولو ذهبت لمنتدى محبي المريخ ستجد العشرات
    خارج الخرطوم وأعضاء بالمنتدى وعملوا عضوية ..




    سـؤال بـرئ :








    ما هي شروط العضوية في الهلال !!!؟؟؟
                   |Articles |News |مقالات |بيانات

08-05-2007, 06:09 PM

ناذر محمد الخليفة
<aناذر محمد الخليفة
تاريخ التسجيل: 28-01-2005
مجموع المشاركات: 29121

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    والله يا حسين ياخ أنا كنت زمان مريخابي متعصب ..

    لكن هسي لو قلت لي سمع لي أربعة لا عبين من الفريق حا إتلفت !!!

    فهسي لو داير لي عضوية ...

    ممكن النادي يقدر يديني كورسات ومحاضرات مكثفة عن مسيرة الفريق من زمن كمال عبد الغني والدحيش وكمال عطا والمرحوم سامي عز الدين عشان أقدر أواكب ولا لأ ؟!!

    لو بيقدر .. طوالي سجلني معاكم ...
                   |Articles |News |مقالات |بيانات

08-05-2007, 06:30 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: ناذر محمد الخليفة)


    ناذر ..

    حبي وتقديري ..

    Quote: فهسي لو داير لي عضوية ...


    مافي حاجة اسمها لو داير لي عضوية ..
    هسع تدور عربيتك وتمشي النادي ..

    تلقى الأستاذ عزالدين وابتسامته تسبق يده ..
    وتلقى الأخ حاتم وخبيب وسامي عبد الوهاب
    على طول يعملوها ليك في عشرة دقايق ..

    Quote: ممكن النادي يقدر يديني كورسات ومحاضرات مكثفة عن مسيرة الفريق من زمن كمال عبد الغني والدحيش وكمال عطا والمرحوم سامي عز الدين عشان أقدر أواكب ولا لأ ؟!!


    دي بسيطة خالص ..
    خش هنا :

    http://www.almerrikh.com/[/U]

    وبتلقى كل شئ عايزو ..
    والمواضيع البنزلها هناك تثقف أي زول ..

    بعدين إنت العايزو ده قريب جدا أنا بحكيهو ليك ..

    Quote: لو بيقدر .. طوالي سجلني معاكم ...


    سجلناك يا ناذر ..
    وجهز حالك أول ما أصل الخرطوم تعمل العضوية ..


    مع الحب ..
                   |Articles |News |مقالات |بيانات

08-05-2007, 10:06 PM

حسام يوسف
<aحسام يوسف
تاريخ التسجيل: 16-02-2005
مجموع المشاركات: 2204

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    موفقين دائما

                   |Articles |News |مقالات |بيانات

09-05-2007, 10:19 AM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسام يوسف)


    عزيزي حسام ..

    Quote: موفقين دائما


    باذنه تعالى ..
    ونرجو أن تتحركوا لنيل شرف العضوية ..
    صدقني التنسيق ما صعب ..
    بس خش الرابط الموجود على الموضوع ..
    وكل شئ يهون ..
    لأنو ناس السعودية خلاص بدأوا في نيل
    العضوية ..

    المريخ يحتاج للعضوية المستنيرة عزيزي
    وليست عضوية ( ستات الشاي)
    عضوية تعرف كيف ومتى وأين توجه مسيرة
    المريخ وتحفظ حقوقه وتطوره ..

    بالتوفيق يا عزيزي ..
    وإيدك معانا ..


                   |Articles |News |مقالات |بيانات

08-05-2007, 10:20 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    العزيز حسين..

    سلامات ومراحب..

    شكرا للخبر الجميل.. ومبروك علينا البطاقات.

    غايتو أنا حاثني طلبات بهاء ومنى وراوية ولنا مهدي وكمال عباس وعمر الفاروق وعاصم ..

    تحياتي
                   |Articles |News |مقالات |بيانات

09-05-2007, 10:26 AM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: Raja)


    العزيزة رجاء ..

    تحياتي وتقديري ..

    Quote: شكرا للخبر الجميل.. ومبروك علينا البطاقات.


    صراحة لا أدري أين أنت ـ جغرافيا ـ
    فوجدانيا ندري تماما أين أنت ..

    المهم وين ما كنتي ـ جغرافيا ـ يمكنك أن
    تنالي شرف العضوية من أجل مريخ أجمل وأكمل

    Quote: غايتو أنا حاثني طلبات بهاء ومنى وراوية ولنا مهدي وكمال عباس وعمر الفاروق وعاصم ..


    أنا شخصيا ح أعترض بشدة على إتنين !!
    وأثني وأوافق على الخمسة !!!

    والاتنين عارفين نفسهم ..

    واحد متعصب جدا جدا ضد الجمال والكمال ..
    والتاني صديقي وبعرفوا كويس !!!

    ما بفيدنا في شئ !!

    مع التحايا ..

    و ...


                   |Articles |News |مقالات |بيانات

09-05-2007, 10:36 AM

حمزاوي
<aحمزاوي
تاريخ التسجيل: 10-10-2002
مجموع المشاركات: 11590

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    الزعيم
    مريخ الملايين
    مبروك علينا البطاقات
    وموفقين ان شاء الله
    وشكراً جزيلاً اخي حسين
    وأرمي لي قدام
                   |Articles |News |مقالات |بيانات

09-05-2007, 11:04 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    دوماً يحاول الوصيف والرديف المحاكاة واللحاق بركب الزعيم والبطل..
    حتى في العضوية تودون اللحاق بنا ..؟
    ولكن هيهات ..هيهات ..لا جن ولا سحرا ..
    عضوية الهلال حققت أرقام كبيرة بينما عضوية المريخ فشلت لأكثر من مرة ولم تتعدى عدد اصابع اليدين مع الكرعين ..
    تموها موية يا حسين يوسف..
    يا جماعة ليي دايماً بتحاكو الهلال ؟؟؟؟؟
    وليي دايماً بتسرقوا أفكار الهلال..
    سميناهو الزعيم عايزيين تحاكونا ..
    سميناكم الوصيف عايزين تحاكونا..
    فتحنا العضوية عايزين تفتحوها..
    غايتو الله يخلي ليكم الإستاد الحفرة الصلحتوهو بي قروش الحكومة والشعب ده ..

    وبعدين عجبتني حكاية " خارج ولاية الخرطوم "..
    يعني أسة إنت ما حا تقدر تصوّت ؟؟؟
    لأنو شايفك مكتوب من الجزيرة وكده ..
    غايتو لو فعلاً بطاقتك دي ممنوع تصوت بيها انا تاني ما حا اشتغل بيك الشغلة وتكتب زي ما تكتب لأنو اذا كان ناديك ما مقتنع بيك اجي اقتنع بيك انا ؟؟؟؟؟
    حق التصويت ده ياهو الحق البيخليك تنتمي للنادي وإلا :
    شن فايدة مديدة الحلبة والويقود بيشيلو اليانكي!!!؟؟
    التصويت مخلّنو لي ناس ابو جريشة وابو كريشة وابو عريشة عشان يجيبو العايزنو ويشيلو العايزنو مش؟؟
    وعشان الوالي الذي إستقال منذ توليه لرئاسة النادي أكثر من عشرة مرات يجو يحنسوهو الجماعة مش؟؟
    عضويتكم فاشلة يا حسين ..
    تخريمة :
    انا عايز أبقا عضو ممكن ؟؟؟
                   |Articles |News |مقالات |بيانات

09-05-2007, 11:21 AM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: عمر الفاروق)

    الفاروق ..

    البوست ده من أجل عمل أكبر منك ومن عقليتك ..

    بسألك سؤال وأتحداك تجاوب عليهو :

    إنت عضـو في نادي الهلال ؟؟
    عندك عضوية ؟ بالدارجي كده ؟؟
    ولا مشجع ساي ؟؟

    أنا أرجح إنك شجع وبس ..

    ولو عندك عضوية هات الدليل ..
    بعد كده تعل تحدث عن عضويتنا ..

    Quote: حتى في العضوية تودون اللحاق بنا ..؟


    الحمد لله ضويتنا ما ستات شاي لا يفقهن في الرياضة شئ !!!

    والسؤال لا زال قائما :

    إنت نفسك عضو ؟؟
    ونضيف له :

    ما هي شروط العضوية بناديكم ؟؟
    ولماذا صلاح ادريس يسددها من ديونه على النادي ؟؟
    من متين في زول بسددوا ليهو اشتراكاتو في ناديهو ؟؟
    ومتى تم فتح باب العضوية لناديكم ؟؟

    يا الفاروق أخوي ، دا شعرا ما عندك ليهو رقبة ..
                   |Articles |News |مقالات |بيانات

09-05-2007, 02:13 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: عمر الفاروق)


    الفاروق ..
    قدر ما حاولنا أن نكون رحماء بك ..
    لكنك مصر على أن تجعلنا نلجأ لاسلوب
    ما كنا نريد أن نتبعه هنا !!!
    لأني أعتقد أننا يجب أن نكون أكثر حرصا
    من الصحفيين الذين يحاولوا أن يقللوا
    من حجم أي عمل يدفع بمسيرة الرياضة للامام
    ولكني أراك تتبع نهجهم خطوة بخطوة ..
    وحتى مفرداتك تستمدها من أعمدتهم ..
    ما كنت أود أن أتعامل معك بالأسلوب الذي
    يفضح ضحالة معرفتك الكروية ، ويفضح الصبينة
    الرياضية التي تعاني منها ..

    وقبل كل شئ أسمح لي أن أرد على هذه الفقرة التي كتبتها
    أنت والتي تؤكد أنك لا تفقه شئ في قانون الرياضة السوداني ..
    فأنت كتبت :

    Quote: وبعدين عجبتني حكاية " خارج ولاية الخرطوم "..
    يعني أسة إنت ما حا تقدر تصوّت ؟؟؟
    لأنو شايفك مكتوب من الجزيرة وكده ..
    غايتو لو فعلاً بطاقتك دي ممنوع تصوت بيها انا تاني ما حا اشتغل بيك الشغلة وتكتب زي ما تكتب لأنو اذا كان ناديك ما مقتنع بيك اجي اقتنع بيك انا ؟؟؟؟؟
    حق التصويت ده ياهو الحق البيخليك تنتمي للنادي وإلا :
    شن فايدة مديدة الحلبة والويقود بيشيلو اليانكي!!!؟؟
    التصويت مخلّنو لي ناس ابو جريشة وابو كريشة وابو عريشة عشان يجيبو العايزنو ويشيلو العايزنو مش؟؟
    وعشان الوالي الذي إستقال منذ توليه لرئاسة النادي أكثر من عشرة مرات يجو يحنسوهو الجماعة مش؟؟
    عضويتكم فاشلة يا حسين ..


    حسنا يا الفاروق ، مفترض تخجل والله على كلامك دا!!!
    المريخ ليس استثناء ، فكل الأندية بما فيها هلالك
    مقيد بذات القانون ..
    قانون العضوية واحد حسب قانون الرياضة السوداني
    ولو كنت حريص على هلالك كنت عرفت إنه ى يحق لأي هلالي
    الانتساب لعضوية نادي الهلال طالما هو لا يسكن ولاية الخرطوم
    شايف الجهل العايش فيهو إنت ؟؟
    والمريخ هو النادي الوحيد في السودان الذي استطاع
    أن يمنح محبيه عضوية بالانتساب ..
    أما الهلالاب خارج الخرطوم فلا إنتساب ولا يحزنون ..
    يعني حتى الانتساب ساي إنتو محرومين منو ..
    مش قلنا ليك يا الفاروق قبل ما تندفع بكل صبينة رياضية
    أقرأ وأعرف وتعال ناقش ..
    في داعي تفضح نفسك كدا ..

    هلالك يا عزيزي لا يستطيع أن يمنح العضوية لمن
    يسكن خارج الخرطوم ، ناهيك عن الانتخاب والترشيح ..

    يعني إنت وناس الأخ تاج السر وأحمد الريح
    تبقوا مشجعين وبس !!!


    يا صديقي العزيز قبل ان تتكلم عن الارقام القياسية
    لعضوية الهلال ..
    أرجو أن تحدثنا عن الشكل الذي تم به استجلاب هذه
    العضوية ..
    وهل يرضيك ؟؟
    هل يرضيك أن تكون العضوية للحشد الانتخابي ليس إلا ،
    وبعد ذلك كل واحد يذهب لحاله ؟؟؟
    هل يرضيك أن يدفع صلاح ادريس أو غيره رسوم العضوية
    إنابة عن الآخرين ومن ديونه على نادي الهلال ؟؟
    دي عملية شراء أصوات عديييل ..
    وعضوية كهذه لا أعتقد أنها ترضيكم ..
    نحن العضو لابد أن يدفع من حر ماله ..
    ولابد أن يدفعا لمسؤول العضوية مباشرة
    أو من ينوب عنه ..

    الفاروق يا عزيزي ..
    الأمور التي تدفع مسيرة الرياضة السودانية للامام
    دعنا نناقشها بعيدا عن منطق الكرة في الميدان !!

    فالمشوار لا زال أمامنا طويل ..
    سواء في المريخ أو الهلال ..
    ولو ظللنا نناقش الامور بهذا الشكل
    فسنظل محلك سر ..


    تخريمة :

    طبعا لا يمكن منحك العضوية في نادي المريخ
    لأنك تنتمي لنادي الهلال ـ حتى لو مشجع ساي ـ
    باعتبار أنك ليس عضو في نادي الهلال !!!!!


    أخيرا
    ــــــــ

    قانون الرياضة السوداني يمنع منح
    العضوية الكاملة لغير سكان ولاية الخرطوم
    مريخ على هلال على موردة على نيل ...الخ
    والمريخ هو النادي الوحيد الذي يمنح عشاقه
    عضوية بالانتساب ..

    وحتى نستطيع تغيير هذا القانون ..
    سنستمتع بعضويتنا وانتسابنا لنادينا ..
    وأتمنى أن تجدوا حلا للهلالاب خارج ولاية الخرطوم
    كما فعل مجلسنا !!!
                   |Articles |News |مقالات |بيانات

09-05-2007, 11:17 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    عجبتني حكاية (صلاحية البطاقة خمس سنوات) دي..
    يعني عندكم أعضاء من ما إنضمو للعضوية المريخية لحدي أسة ما شافوا كاس الدوري الممتاز ؟؟؟
    والله ديل كراعهم حارة عليكم شوفو اي زول انضم للعضوية من سنة 2002 وشوتوهو لأنو ده نحس ..
                   |Articles |News |مقالات |بيانات

09-05-2007, 04:17 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: عمر الفاروق)


    حمـزاوي العزيز الرائع ..

    Quote: الزعيم
    مريخ الملايين
    مبروك علينا البطاقات
    وموفقين ان شاء الله
    وشكراً جزيلاً اخي حسين
    وأرمي لي قدام


    وحتى يرمي الزيم لي قدام ..
    وحتى تكتمل ملامح المريخ الزعيم ..
    لابد ان نكون بقدر حبنا له ..
    لابد من الارتفاع بعدد العضوية فعلا وقولا ..

    عضوية حرة أبية ..
    وليست عضوية مستجلبة ..
    عضوية تدفع من حر مالها ..
    لكي تقول للأعور إنت أعور ..
    وليس عضوية يسددها رئيس النادي من ديونه
    على النادي ..

    نريد عضوية مستنيرة ..
    لذا طرحنا هذا الموضوع هنا ..

    نرجو الاهتمام بالأمر والعمل على نيل
    شرف العضوية ..

                   |Articles |News |مقالات |بيانات

09-05-2007, 05:43 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    أخونا حسين يوسف:
    حا أجاوبك وبكل صراحة ..
    لا أحمل عضوية نادي الهلال ولأسباب أنا اعلمها تماماً وقد رفضتها في وقت كانت فيه عضوية الهلال في نادي الهلال يحملها أناس بعدد الأصابع (يعني زيكم أسة) وكان رفضها ليس عدم الرغبة في نيلها فنحن نتشرف أن نكون مشجعين وخدّام للهلال العظيم (والعظمة لله) ناهيك أن ننال عضويته والتي لو كنت أملك بطاقتها حالياً لوضعتها في أي مكان أي زمان (موبيتل بس) ولكن هي ظروف في وقتها منعتني منها ..
    عضوية الهلال يا حسين كنت سأنالها بحكمي لاعباً بنادي الهلال لو إستمريت وسجّلت في إشبال الهلال ويا له من شرف ولكن وحسب رأي الأهل الكورة والقراية ما بيتلمّوا ..
    الهلال يا حسين لو طلبوني غفير لبوابته لما توانيت الان ناهيك ان اتوشح بعضويته ..

    Quote: والمريخ هو النادي الوحيد في السودان الذي استطاع
    أن يمنح محبيه عضوية بالانتساب ..

    هل العضوية هي بطاقة وصورة فوتغرافية عليها شعار المريخ ؟؟؟؟
    هل العضوية تعني أن تدخل النادي وتتمتع بمشاهدة التلفزيون الملون والدش وتلعب الكونكان والضمنة ؟؟
    هل العضوية تعني لبس الجلابية والعمة والطاقية والدخول لمشاهدة ود الياس والونسة مع ليمونة ومصفحة تمساح .؟؟
    هل العضوية تعني أن تذهب بعد نهاية المباراة التي خسر فيها فريقك لتدلو برأيك بأن تجوط وتكورك وتقول غيرو المدرب واشطبو داك وجيبو ده ؟؟؟؟

    عضويتكم بحالتها الحالية بطاقتها مثل بطاقة الطلاب لركوب المواصلات وإن كانت بطاقة المواصلات للطلاب أكثر فائدة فيكفي أنها تجعلك تركب بنصف القيمة ولكن ما فائدة بطاقة تشغل حيزاً في الجزلان لا تعطيني حق التصويت لإختيار قيادتي..؟؟
    في كل دول العالم الحضارية يكون المقيم لديه كل حقوق المواطنين ولكن لا يحق له التصويت لأنهم يعتبرون أن التصويت هو الذي يمنحك صفة المواطن وهي التي تأكد فعلاً ملكيتك لوطنك وانك صرت فرداً فيه تؤثر فيه وتتأثر به ..
    إن كانت القوانين لا تسمح بأن تصوتوا فلا تستعجلوا إستخراج البطاقة فلا الإستديهوات ستنعدم ولا أكياس السلفات سيحجبها عنا النقادة فلما العجلة ؟؟؟؟؟
    إن كان الهلال أو المريخ كليهما لا يمنحان حق التصويت فعلى العضوية السلام ولن أتشرف بعضوية لا تمنحني حقي في النادي فليس النادي حكراً لصلاح إدريس ولا عبد الجبار المبارك !!!!
                   |Articles |News |مقالات |بيانات

10-05-2007, 11:02 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: عمر الفاروق)


    أخونا عمر ..
    ح أناقشك بكل موضوعية ..
    وبعيدا عن مسميات مريخ هلال ..

    وقبل أن أناقشك ، دعني أسرد لك
    ما أسمعه من بعض الذين أعتقد أنهم
    مستنيرين وواعين ..

    يقولون لي : هسع كورتنا دي كورة يشجعوها ؟؟
    ومعهم حق !!
    ولكني أوقل لهم :
    كورتنا متخلفة لأن المستنيرين زيكم تركوها للعقليات
    التقليدية وهربوا ..
    أنا شخصيا ما ممكن أسيبها لأنها متخلفة ..
    لنحاول نحن أن ندخل هذا المجال لنصلح ما نراه خطأ ..
    أما النقد والهروب فلن يطور الحال وسنظل أسرى لعقليات
    تقليدية ..

    وعلى هذا الأساس دعنا نتحاور ..

    Quote: لا أحمل عضوية نادي الهلال ولأسباب أنا اعلمها تماماً وقد رفضتها في وقت كانت فيه عضوية الهلال في نادي الهلال يحملها أناس بعدد الأصابع (يعني زيكم أسة)


    أوكي يا عزيزي ، حتما لكل واحد منا رؤية مؤمن بها
    في هذا المجال ..
    وبما أني لا أعرف أسبابك التي رفضت من أجلها العضوية
    فحتما لن ألومك ..
    ولكن رؤيتي تختلف عنك ..
    فأنا أرى من الواجب على كل واحد منا أن ينتسب لناديه
    بشكل كامل حتى ينتقل من عصبة المشجعين إلى عصبة الفاعلين
    المؤثرين الذين يستطيعون أن ينهضوا بأنديتهم ..
    أما مسألة عدد الأصابع دي ، فهي عبارة خارج النص ولا تفيد
    أي حوار موضوعي ..
    والدليل على ذلك :
    رقم عضويتي أنا : 4908 وكانت بتاريخ 28 فبراير وقبل اسبوع
    استلم أحد الأصدقاء بطاقة برقم العضوية 6007 ، أو 7006 (لا أذكر)
    يعني في ظرف شهرين تقريبا سجل ما يقارب الألف عضو وبكامل ارادتهم
    وبصورة فردية ، يعني مش حشد ..
    والأهم من ذلك :
    ليس الكم في العضوية ، الأهم هو النوع والفعل ..
    هل هي عضوية فاعلة ، تعرف كيف تخدم ناديها أم هي عضوية للحشد
    الانتخابي ليس إلا ؟؟
    نحن نتطلع لعضوية تقود ناديها سواء في المريخ أو الهلال أو الموردة ...الخ

    Quote: الهلال يا حسين لو طلبوني غفير لبوابته لما توانيت الان ناهيك ان اتوشح بعضويته ..


    ودا واجبك تجاه ناديك ..
    ولكن أرى هنا المسألة مسألة عاطفة ـ مع احترامي لرايك ـ
    لأني أعتقد أن الهلال سيكون محتاج لأمثالك في مجال آخر !!
    وأعتقد ـ حسب قناعاتي ـ أن الهلال يحتاجك كعضو فاعل .

    Quote: هل العضوية هي بطاقة وصورة فوتغرافية عليها شعار المريخ ؟؟؟؟


    البطاقة هي التي تؤكد أنك عضو في النادي أو غيره يا عزيزي ..
    هي الوسيلة وليس الهدف ..

    Quote: هل العضوية تعني أن تدخل النادي وتتمتع بمشاهدة التلفزيون الملون والدش وتلعب الكونكان والضمنة ؟؟
    هل العضوية تعني لبس الجلابية والعمة والطاقية والدخول لمشاهدة ود الياس والونسة مع ليمونة ومصفحة تمساح .؟؟


    أولا يا عزيزي ..
    النادي في حد ذاتو مفترض يكون مجمع للتلاقي
    وما ممكن الواحد يا عمر يسيب بيتو وأولادو وأخوانو
    عشان يجي يشاهد التلفزيون في النادي ..
    لأنو ببساطة التلفزيون موجود تقريبا في أي بيت
    وكما الكشتينة ...الخ
    فهناك من يأتي للتواصل وابداء الراي وللتلاقي ..
    ونحن أعضاء منتدى المريخ والحمد لله جلنا لو لم نكن كلنا
    نحمل العضوية وعلاقتنا بالنادي علاقة ممتازة ، ولا نذهب
    لهذه الأشياء التي ذكرتها ففي النادي نناقش وبكل حرية امور
    النادي ونطرح وجهات نظرنا لدعم الايجابي ومحاربة السلبي ..
    ونحتفل بالأعزاء المغتربين حين يعودون لأرض الوطن ، ونكرم
    المبدعيم من لاعبين وصحفيين ...الخ
    صحيح هنالك من يأتي للاشياء التي ذكرتها ، ولكن هل من أجل ذلك
    نهجر نادينا لهم ؟؟
    حتما لا ولابد من اقتحام هذا العالم للاصلاح الذي نراه ..
    فإذا كنت ترى لعب الكشتينة والتلفزيون ...الخ خطأ
    فمن واجبك أن تقتحم هذا العالم لتنجري الاصلاح اللازم
    أما لو جلست بعيدا وتفرجت ، فسيظل الحال كما هو .

    أما ود اليأس وأبو جريشة وليمونة...الخ
    فهم رموز يا عمر خدموا هذا النادي بما يرونه صحيح ولو
    اختلفنا معهم لكننا نحترمهم ونقدرهم ..
    وهكذا يجب عليكم أن تحترموا من خدموا الهلال ولو اختلفتم معهم
    وبدلا من أن نسئ لهم يجب أيضا اقتحام عالمهم والتقرب لهم لتصحيح
    الأوضاع التي نراها خاطئة ..

    Quote: هل العضوية تعني أن تذهب بعد نهاية المباراة التي خسر فيها فريقك لتدلو برأيك بأن تجوط وتكورك وتقول غيرو المدرب واشطبو داك وجيبو ده ؟؟؟؟


    طبعا لا يا عمر ..
    ولاظاهر عليك ما فاهم شنو معنى عضوية !!
    لأنو الكلام ده مكن يقولوا اي مشجع عادي .. ولا يحتاج لعضوية ..
    نحن يا عزيزي ننادي بعكس ما طرحته تماما ..
    نحن ننادي ألا يتدخل المشجع في عمل الاداري ..
    ولا الاداري في عمل المدرب .. ولا المدرب في عمل الصحفي ..
    ولا الصحفي في عمل المشجع ..
    نحن نسعى للتخصصية وأن يؤدي كل منا دوره فقط .

    Quote: ولكن ما فائدة بطاقة تشغل حيزاً في الجزلان لا تعطيني حق التصويت لإختيار قيادتي..؟؟


    وعشان كدا يا عمر بنقول ليك حاول تنال العضوية ولو بالانتساب ..
    فأنت حتى مداخلتك الماضية لم تكن تعلم هذه المعلومة ..
    هذا ما تراه أنت وأنا عيبا في قانون الرياضة السوداني
    فهل نترك الأمر برمته أم نتقدم خطوة نحو الاصلاح ؟؟
    من الأفضل أن تتقدم خطوم نحو الاصلاح بدلا من ان تقف
    محلك سر ..
    قبل مسألة العضوية هذه لم تكن تعلم أن قانون الرياضة السوداني
    يحرمك من حق الانتخاب والترشيح ..
    الآن عرفت ، فواجبك أن تنال العضوية لتوصل صوتك لناديك
    ويصل صوتي أنا لنادي ، وصوت المورداب ...الخ
    وحينها ستجبر ادارات الأندية المسؤولين على تغيير هذا
    القانون ، فحسب علمي ادارات الأندية لا تعترض على التعديل
    والأمر برمته لدى السلطات ..
    فلنضع ايادينا مع بعض لتخرج أنديتنا لرحاب كل الشعب ..
    ومشوار الميل يبدأ بخطوة يا عزيزي ..

    Quote: إن كانت القوانين لا تسمح بأن تصوتوا فلا تستعجلوا إستخراج البطاقة فلا الإستديهوات ستنعدم ولا أكياس السلفات سيحجبها عنا النقادة فلما العجلة ؟؟؟؟؟


    طبعا ده تقييمك ونحترمه ..
    ولكن بالضرورة عليك احترام خياراتنا ..
    أنا أرى من الأفضل أن أتقدم خطوة واشارك في التغيير
    ولو بالراي فقط فربما استقطبت لرأي عدد لا باس به من الذين
    يحق لهم التصويت ..
    وأرى من الأفضل أن يكون راي مسموع داخل الجمعية من أن أجعل غيري
    يتحدث بلساني ويصوت لي كمان ..
    سأطرح ما أراه مناسبا ، ولو كان مقنعا فحتما هنالك من ينتصر له ..
    لن أنتظر حتى أنال كافة الحقوق ..
    إنما سأوفي بواجباتي مقابل هذه الحقوق من أجل تحقيق
    كل الحقوق ..
    ولكل منا رؤيته ..

    Quote: إن كان الهلال أو المريخ كليهما لا يمنحان حق التصويت فعلى العضوية السلام ولن أتشرف بعضوية لا تمنحني حقي في النادي فليس النادي حكراً لصلاح إدريس ولا عبد الجبار المبارك !!!!


    أجل يا عمر الهلال أيضا لا يمنحك حق التصويت ..
    فهل ستنتظر متفرجا ؟؟
    حينها ستكون العضوية بالهلال موجهة لخدمة أغراض محددة
    ولن تفي بما هو منوط بها ..
    ستمنح العضوية شئت أم ابيت لمن لا يعرفون عن الهلال
    سوى الذي دفع لهم أموال العضوية ، وصدقني هذه عضوية غير
    مفيدة ، عضوية لا تستطيع أن تقول للأعور أعور لأنها مستجلبة
    ومحشودة لأغراض محددة ..
    ولأنو الهلال ليس حكرا لصلاح ادريس أو عبد الجبار المبارك
    أرى من واجبك أن تتقدم لـاخذ مكانك في العضوية ..
    ولا تنظر الآخرين ليأخذوا لك حق أصيل ..

    يا عزيزي ، العضوية المنتظمة المنظمة الفاعلة هي التي
    تجعل النادي حكرا للجميع ، فالأموال التي ستدخل الخزينة
    ستجعل من المقدرة المالية آخر المعايير لانتخاب مجلس
    ادارة النادي !!!!!!!!!
    فحين يكون هنالك مصدر مالي ثابت يستطيع كل من يأنس في نفسه
    القدرة الادارية أن يتقدم للترشيح لمجلس الادارة ..

    أما في ظل هذه الأوضاع ، فستظل أنديتنا حكرا لجيوب الأفراد ..
    سيظل المريخ والهلال أفقر ناديين في السودان ..
    لأنهما في الحقيقة أفقر ناديين ..
    فهذه الأموال التي تراها لا علاقة لها بالناديين ..
    فهي أموال أفراد ليس إلا ...

    مع الود ..
    وأرجو عدم الانفعال فالأمر أكبر من أن نناقشه
    بمنطق الكورة في الميدان ..
                   |Articles |News |مقالات |بيانات

12-05-2007, 11:26 PM

حسين يوسف احمد
<aحسين يوسف احمد
تاريخ التسجيل: 17-08-2005
مجموع المشاركات: 4490

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)


    فـوق ..

    فـوووق ..

    مـريخنـا فـوق ..
                   |Articles |News |مقالات |بيانات

13-05-2007, 08:00 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: حسين يوسف احمد)

    الأخ حسين يوسف:
    تحياتي..
    طيّب جميل جداً دخلنا جانب الموضوعية في النقاش ..
    وانا كمان حا أتكلم معاك بي موضوعية ..
    يا عزيزي الهلال والمريخ وجهان لعملة واحدة وصورة بالكربون فما نشاهده في نادي الهلال هو نسخة مكررة من ما نشاهده في نادي المريخ ..
    نعم تطاولت وبكل أسف على إداراتنا من هم أصحاب العمم والجيوب المليانة والعقول الفارغة واقول هنا(بعض) وليس (كل)..
    فإداري كالطيب عبد الله رحمه الله والسماني والبلولة لا يدخلون في هذا الجانب ولكن أمثال البرير وصلاح إدريس وبكل شجاعة أقولها هم من (البعض)..
    وأمثال الراحل عبد الحميد الضو حجوج وابو العائلة وعبد الرحمن زيدان هم لايدخلون في هذا الجانب ولكن ود الياس وابو جريشة وليمونة هم من(البعض)..
    بعض الإداريين يأخذون الرياضة بصورة العنقالة فقط والحمية والجوطة والهرش بعيداً عن أخلاقيات الرياضة وفي زمن ما كان الهلال به مثل هؤلاء فأثرنا الإبتعاد لأننا وبكل صراحة لن نجد فرصة معهم فهم يستصغرونا ويعايرونا بي "كم عندك من المال" ولا يسألون ماذا ستقدم للهلال..
    انا حالياً خارج السودان ولكن يا حسين أول شئ سأفعله عند عودتي إن شاء الله هو إستخراج العضوية فقد مللنا تسلط الرأس مالية وتحكمها في مشاعرنا ..
    ما شعرت به من غبن وجعلني أبكي حين رأيت صلاح إدريس يتحكم في النادي فيوم يأتيني بقرار إنسحاب ليس لنا نحن كجماهير الهلال أي رأي فيه ومرة يأتينا بتحويل النادي والاستاد ضارباً برأينا عرض الحائط ومرة ومرة ومرة ..
    نعم جاء العهد الذي يجب أن يصلح فيه الجمهور حال ناديه ولتكن الإنطلاقة من المتعلمين من الجماهير ولكن هل سعطوننا الفرصة ؟؟؟؟؟؟
    شاهدت كيف تدار الكرة في بالدي وانا أتمرن مع أشبال الهلال وكيف تنطلق لفظة يا "ريّس" وكيف يقوم الإداريون بإحتواء اللاعبين لمعاكسة أشخاص داخل النادي ولمعارضتهم ولتصب في مصلحة الشخص لا مصلحة الفريق ..
    فقط قل يا "ريّس" ...
    العضوية حتى وقت قريب كانت حكراً على فئة بعينها وطبقة بعينها وهنا اتوقع أن طفرة قد حدثت بغض النظر عن الإهتمام باكم لا الكيف وإن كانت هناك ثغرات ولكن دوما البداية تكون بها ثغرات ..
    انا معك من أجل عضوية فاعلة ونشطة تخدم النادي وتقدم له الدعم والتوجيه وتسهم في إبداء الرأي ولكن وبكل صراحة زهلت وانا اعرف انه ليس من حق الإقليمي والخارجي حق التصويت !!!!!!!!!!!!!!!!

    لي عودة إن شاء الله ..
                   |Articles |News |مقالات |بيانات

23-05-2007, 05:52 PM

شهاب الفاتح عثمان
<aشهاب الفاتح عثمان
تاريخ التسجيل: 28-08-2006
مجموع المشاركات: 11922

للتواصل معنا

FaceBook
تويتر Twitter
YouTube


Re: بشـرى سـارة فقـط لعشـاق المـريـخ بـدول المهجـر !!!! (Re: عمر الفاروق)

    Quote: فـوق ..

    فـوووق ..

    مـريخنـا فـوق .. ..


    هو المريخ سمو النجوم و بهائها
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>

������� ��������� � ������ �������� �� ������� ������ ������� �� ������ ������ �� ���� �������� ����� ������ ����� ������ �� ������� ��� ���� �� ���� ���� ��� ������

� Copyright 2001-02
Sudanese Online
All rights reserved.




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de