|
|
 كدا العيد بدا
|
الحقوا ابو اللمين و وردي الان علي الفضائية
كل عام و انتم بخير
|
|
 
|
|
|
|
|
|
|
|
Re: كدا العيد بدا (Re: نصار)
|
من الصباح بفتش لملمح واحد للعيدما لقيته
الف شكر للاستاذ الطيب عبد الماجد الريحنا
من سخف التلفزيون و من الم الغربة
| |
|
|
|
|
|
|
|
|
|
Re: كدا العيد بدا (Re: عمران حسن صالح)
|
الطيب قال بعد ما وردي غنى ما في داعي :
كده يا دوب العيد بدأ ..
إنا لله ..
ده إحساس الطيب السجل الحلقة وجالس جنب الناس ديل ..
نحن نلقط ورق يعني .. ؟؟
نبكي .. ؟؟
| |
|
|
|
|
|
|
|
|
|
Re: كدا العيد بدا (Re: عمران حسن صالح)
|
العزيز عمران
عيدك سعيد و كل ايامك عيد
بس قول ان شاء الله تكون فيوزات
الاستديو قوية لانه دي حمولة عالية
الظاهر عنوان البوست دا هو احساسنا
كلنا زي ما قاله الطيب
مبالغة
| |
|
|
|
|
|
|
|
|
|
Re: كدا العيد بدا (Re: نصار)
|
ابو اللمين قال للطيب انه ما بحب اللقب دا
يحب انه ينادوهوا باسمه الاصل لكن معجبيه
كان خلوا ود اللمين بينكتوا الباشكاتب
او يدلعوها الباشكوتا, دا كله تلطف و تمليح
للاستاذ.. بالذات نحنا النشأنا في مدني ما
بنخت مكانه فنان ابدا.. في المدرسة و البيت
و الشارع و المسرح كل السيرة ود الامين
اللقاء دا احي ذكريات بديعة تمثلت في ثنائية
بين ورد و ود اللمين في حفل زواج في مدني
كان فنان الحفلة وردي و الاستاذ جا العرس
و غنوا احدي اغاني وردي دويتو شعلل الحفلة
و تاني ايام مهرجان الابداع الثقافي في مسرح
الجزيرة اثناء ما بغني عبد القادر سالم
طلع ود اللمين يبشر عليهو مسكه عبد القادر
و طلب منه مشاركته الغناء و عينك ما تشوف الا النور
| |
|
|
|
|
|
|
|
|
|
Re: كدا العيد بدا (Re: نصار)
|
نصار
كل عام وانت بخير والاسرة الكريمة
وأعاده الله عليكم بالخير ومحققة كل أمانيك
الحلقة جميلة لكن أفسدها الطيب عبد الماجد بتقليدية الحوار والاسئلة المكرورة
مثل تكريم المبدعين وصراع الاجيال واجترار الاسئلة .. وتلاحظ البون الشاسع بين أسئلته وقامة اجابات بروف شمو
وهذا ديدن غالب فى اجهزة اعلامنا .. التفاوت الشاسع بين الضيف والمحاور
فى رأيى أن الضيوف كان من الممكن أن تستدر كوامن درر من دواخلهم لثراء وعيهم وتجربتهم اذا ما ارتقى المحاور
لقليل اجتهاد برفع مستوى اسئلة حواره والاعداد الذكى للحلقة بدلا من (الخلعة) التى تسيطر على المذيع وهومندهشابمحاورة العظماء
عموما : شكرا لاتاحة كل هذا الطرب (رغم الصوت الذى شاخ بعضه)
مجدد التحايا وكل عام وانت بخير
| |
|
|
|
|
|
|
|
|
|
Re: كدا العيد بدا (Re: سمير شيخ ادريس)
|
سمير يا جميل يا رايع
كل العمر و انت بخير و سعادة
و الله يا سمير ما اقدر اوصف ليك قدر الامتنان و الحب
و الشكر النالك مننا خاصة ام مالك و خوانه و اخواته
الله ما يقطع العشم رغم المتغيرات العنيفة الحصلت
و ربنا يقدرنا علي جزاك و يدم الود
ود اللمين يا سمير لو قدمه ناجي حسن برضو بننبسط
اصله ما بنخلي حاجة تفسد علينا الاستمتاع بيهو
الطيب امكانياته افضل من الظاهر بيها الليلة
لكن احسن من كل مذيعين تلفزيون الكيزان
الحلقة دي تعتبر مساحة زمنية محررة
كما جابت ليها اغنية جديد يا سمير
في مدني كان ود اللمين بخصنا بالاغاني الجديدة
دايما
| |
|
|
|
|
|
|
|
|
|
Re: كدا العيد بدا (Re: نصار)
|
صلاح حاج سعيد + ابو اللمين
عيدين اتنين
علي صحوة شوق الدفة و الالفة
يخب صوت محمد الامين
و نذكر الان مصطفي سيد احمد
و صوته الخل الاوفي في ردته
لقافية صلاح حاج سعيد
| |
|
|
|
|
|
|
|
|
|
Re: كدا العيد بدا (Re: نصار)
|
يا الله ..
الفرعون محمد الأمين ده خايف ليهو من يبكي تاني ..
حساسية هذا ( الإنسان ) ... فاضت حتى صار البكاء حدها الأعلى ..
| |
|
|
|
|
|
|
|
|
|
Re: كدا العيد بدا (Re: عمران حسن صالح)
|
لقاء السحاب ..
لقاء الذهب ..
شبع حد التخمة ..
الله يخليكم لينا ..
ويديكم العافيه ..
تواصلوا تشيلو (وترفعوا) كتف الغناء الميَل .
وترفعوا راسنا فوق بحضوركم وأناقتكم وجمالكم وموسيقاكم البقت آخر سبب يحببنا في البلد ..
| |
|
|
|
|
|
|
|
|
|
Re: كدا العيد بدا (Re: عمران حسن صالح)
|
اجمل ما في اللقاء يا عمران احساس الرضي
الانعكس في كلام العملاقين للتكريم الحصل ليهم
و الح يحصل الفتح نفسهم لتقديم الجديد
بانفسهم و عبر تقديم اعمال للمواهب الشابة
ياريت من بكرة الفنانين الشباب يتلقفوا
دعوتهم لطلب الدعم الفني و يقيفوا صفوف
للحصول علي اعمال كبيرة قدر العملاقين
وردي اعلن اعجابه باسرار بابكر و عصام
محمد نور (لمان يقول عليهو فنان شاب
بتكيف خالص لانه دفعتي و بكدا انا كمان شاب ما فنان)
و واحد اسمه عادل سيد احمد علي ما اعتقد
| |
|
|
|
|
|
|
| |
نصار
عمران حسن صالح
عبدالوهاب علي الحاج
سمير شيخ ادريس
فيس بوك
تويتر
انستقرام
يوتيوب
بنتيريست