|
|
 اعادة انتـــاج بوسط من الارشيف *** رجال يمرون بـ(قرفة)!! *** عزاز شامي 2005
|
الباب يطرق بعنف
اصحا يا ولد الدنيا بقت ضهر قوم ما ماشي الشغل
خلاص قمت يا امي
مد يده الي التربيزة الجمبوا التقط علبة السجائر والولاعة
صنغر في نص السرير
حك شعروا
ادخل يد تحت المخدة الموبايل بة 7 مس كولات ومسج
المكتب 2
واحد داير ليهوا دين 4
صديق حميم 1
المسج من ناس زين تمتع .......... جنس ثقالة
رجع لمكتب .... الرقم المطلوب مشغول تمتع ..... برضوا زين
قفل المحادثة
قام بعد انطفاء السجارة ليعد كباية قهوة ووش مصرور لي الليفة عشان الحجة ما تقول ليهوا نسيت قروش البيت الشغالة امبارح اختو الصغير عاملة ساتر لانوا حتقول ليه المصاريف بتاعت الجامعة قربت ...ومستنية فرصة كويسة عشان تكلموا
وكررك لي البت الشغالة شغلي الموتور الموية قاطعة .... اخد دشا سريعا وطلع لقا القهوه ادفقت في البتجاز اموا عاينت ليهوا... كل يوم انت ما بتفهم قاعد في كافتيريا ماالبتاع دا بنظفوا كلو يوم .... لم يعبا لحديثها كثيرا
وانطلق الي الدولاب قميص نص كم وبنطلون جنز وجزمة اصبورت يوم الاثنين مكجولها علي الاخر لانوا كره الكم الطويل ةالحزام والبنطلون... لفح اللابتوب والنظاره واتخارج بي سرعة ...
بتاع الامجاد .. المشوار دا بعيد ما بمشي السوق العربي بي 8 الف انت قايلني ركشة الموبايل ضرب أ محمد عندكم شيك راجع ... استغرب من بيت البنك والامجاد
سريعا قال لي بتاع الامجاد ما ماشي خليتوا وواصل حديثوا مع بيت البنك بعبارة عجيبة قالت ليهوا شنو الخليتوا قال ليها ما معاك قلتي لي شنو ... انا ما كاتب شيكات اليوم اتضح انها ضاربة ليهو غلط واعتزرت بعد ما كملت الفيهوا 50 مليون لو كان عندي كان اشتريت عربية كورلا عشان اركب حبيبتي الغورلا
ابتسم واستغفر واشر تاني لي بتاع امجاد ركب معاهوا وماشين في السكة عمك سلفي لمن غلط دقن كبيره لمن محننا مشغل ليهوا شريط وعظ لشيخ سعودي بكورك النار وقودها الناس اصحاب الكبائر لمن جسموا كشة
نزل وحاسبوا ودلف لي المكتب سغالة وقرف وزهج وناس دايرين شغل وناس دايرين قروش وشوش الناس زي ما هي ابتسامات نفاق مفرط غايتوا تم ساعاتوا وضرب لي صحبوا الانتيم ...
وين يا ابوا
كيف الامور وين انت ؟
قاعد في كافية.... معاي .....
طبعا صحبوا دا حسب البجتجي من الصباح بدري بي رسالة او تلفون بظبط اموروا معاها بحبها اليوم دا كلوا وتاني يوم البعدا ورايح ليهوا روحة غريبة سالتوا مرة انت البخليك تتعامل من طن البنات ديل شنو ؟
كل واحدة فيها حاجة حلوة عاجباني بس لو الحال كويس كان عرستم الاربعة
امممممم
غايتوا تمام لمن تنتهي تعال لي في البيت
رجع البيت بدري علي غير العاده
اتغدي ورقد ... سرح في الدنيا الحبيبة ... الوطن ... ناس البيت ... الشغل ...
جات اموا شايلة الشاي كيف تمام .. تعرف امشي شيل الفاتحة حجة فلانة بت ناس علان ماتت في الشارع الورانا ... كويس قبيل ضرب خالك قال عيان امشي ليهوا بعد المغرب ... حاضر ..ورصة مشاوير فجاءه صوت الهاتف المحمول خارجوا من بقيت اللستة
ابوا انت وين ؟
انا قاعد في البيت ؟
انا برا تعال ؟
ضبط
طلعوا من بيتم شارع الاذاعة
ست شاي جنب القناه الدولية .... كباية شاي وقهوه وسجاره برنجية
وبداء الحديث قلت لي كيف اخبارك
اها الجديد شنو الليلة كيف البنية ...
طبعا قاصد يفتح صحبوا
وقام انداح ......
يا سلام البيت دي ماتيور خالص واعية جدا
طبعا حاقول ليك كلام ما حتصدقوا
قالت ما دايره أي حاجة عرس بالفاتحة بس
لا شيلة لا هند حمتو لا الريفيرا
عقد وعذاء وبس
ضحت من دواخلي
دي دردقة ساي
لمن تخش البيت
لا الجري بس الاميرقك
غايتوا ما ظنيت البيت دي دايره عرس وبس
صحباتك عرسوا زماااااااان وعندهم تلاتة وليدات بايره خالص
صر لي لاني كسرت حلمو الجميل
والباقيات خبرم شنو
وجات الرصة
فلانة ضربت قبيل وما رديت عليها كنت مع هناية
الراقية رسلت لي رسالة عجيبة قراني ليها
امممممممم
وام الصبيان وين ؟؟؟
ضحكت (طبعا البيت دي قالت عندها ام الصبيان ومشت لي شيخ تتعالج منو ) لانوا أي زول بجيها بطفش لا صحبي دا
والبنت الصغننه (تعبير كان بستخدموا احد اقربائي تزوج بنت صغيره جدا وهو كان كبير السن وبتكلم مصري )
لم تميت ه بتاعت الصغننه دي صحبك نط
احححححححححححححححححي يا فرده
يا ضربت ليها تلفون مباااااااااااااااااااالغة
انت عارف زي الهلال لم اغلب
حاله صعبة انا ما فضل لي لا اتير
وباغتني بسال ما في خبر ...
اخت نفس وعدت لي النص
ابتسمت ببلاهة
من وين بجي الخبر
يا زول انت ما قادر تقتنع انو انحنا انتهينا خلاص
الزوله دي ما بتشبهني خالص
لا طباع لا اهتمامات
لا أي شي انسي
الله كريم
حس انوا ما عندي رغبة لواكه في الفارغ
قام حول الموضوع
ناس البيت كيف
طق اتذكر خالوا العيان
وبسرعة قال لي صحبوا وديني الثورة خالي عيان داير اشوفوا
واسرعو لدخول في العربة الفلوكسواجن السماوية
وانطلقوا خلفهم دخان المكنة والصوت العالي لعربة
ونواصل ...............
محمد ابوالقاسم محمد
|
|
 
|
|
|
|
|
|
|
|
Re: اعادة انتـــاج بوسط من الارشيف *** رجال يمرون بـ(قرفة)!! *** عزاز شامي 2005 (Re: محمد ابو القاسم)
|
الفلوكسواجن بلا اكسجين من الداخل
صوت الخال محمد احمد عوض في الكاسيت
ايام مرت سنين راحت وكم ضلينا فيك يا ليل
ترم ترم
الايقاع الشعبي وايقاع المكنة وبوري ركشة بالجنبة
طيط طيط وفحط فاتنا ليك
صحبي بابتسامة حتي بتاع الركشة ابو تلاتة فاتنا
ودوت الضحكات ............ عاد كيف حال البنات
وصلنا الثورة الخال طريح الفراش
ومربط العينين
عملية موية بيضاء وشربنا الموية الزرقاء الساقطه
وطلعنا نقصد الفول او البوش لنملاء الكروش خدرا جميلا
عمر بوش قطعنا لينا نحنا الاثنين 15 عيشة
حتي رمقنا وقال دا ليكم براكم
قلنا ليهوا الجماعة جاين وراء
انطلقنا ناكل في مقصة مفرطة
وصديقي عاد الي الهزيان
ام الصبيان
البنت الصفننه
التانية
وانا استمع اي في استغراب
دا قلب واستاد كورة
انتهينا من 15 عبشتنا ومرقنا علي الشارع
وصلنا بيتنا وانزلي ومشي
دخلت الساعة 11 ونص
تذكرت العشاء والشفع والوتر
انتهيت اخذت حمام بارد ثم استلقيت
لكن المفاجاة كانت غير متوقعة
لدرجة اني قمت من السريح زي العاضيهوا دبيب
ملسوع ومخلوع
ونواصل
| |
|
|
|
|
|
|
|
|
|
Re: اعادة انتـــاج بوسط من الارشيف *** رجال يمرون بـ(قرفة)!! *** عزاز شامي 2005 (Re: محمد ابو القاسم)
|
صحبي المجنون رسل لي رسالة غريبة جدا
اوتظن لانه الخيار الاخير اوتظن إنهاالفرصة الاخيرة تضع رجلك حتا و انت واقف شماعة علي قطارالحياة الاخير..لا ايها الشاعر الذي ارقم علي خلع عراقي الشعر ليرتدي بذة المدير...وطفق يجري مناديا ومقفيا كل ماصادفه من اجل بشري سارة !لا ايها الصديق الحبيب فاحبيبتي انثي بنكهة خاصة فيها رائحة التكل وطعم المخلل والتقلية..وريحة اذقة الخمسينات وعبق خمرتنا ودلكتنا وثقافة جيلنا..انثي إرتدت البنفسج واعتلت قوس قزح في موسم الاحزان..انثي جعلتني إله اسطورتها (جودو) التي انتظرته طويلا واتي وفتح الباب اومن الفتيحاب، ممتطيا عشق االماني بمكنة ورا..انها انثي مترعة ياصاح فلا تنقصها حقها..وانا وإن اعترتني بعض نوبات تيه وطيش لاتقلق..لكن درويش الشجن مطول من الزكر وطار الريد فيتعب فالبداية لكن سرعان مايعتاد واخوك درويش بدرجة لواء..جبتي ومرقوعتي ولالوبتي جاهزيييين..
زعل من اني استهترت ان حبيباتة قالت لا تريد لا هو وعقد
زعل طبعا
وانا استغربت جدا
بكل هذا الكلمات يدافع عن حلمة الجميع بأنثي من زمان جميل
طيب انا ما لي
استغفرت واتوسدت اللحاف ونمت لاحلم بي حاجة حلوة انشاء غد بي حبيبة
ونواصل
| |
|
|
|
|
|
|
|
|
|
Re: اعادة انتـــاج بوسط من الارشيف *** رجال يمرون بـ(قرفة)!! *** عزاز شامي 2005 (Re: محمد ابو القاسم)
|
الاخ محمد أبو القاسم،
كل سنة و انت طيب و القابلة على امنياتك و (القرفة) مفارقة دربك
ما تتخيل رسالتك المهذبة لاستئذاني في إعادة تدوير قرفة حينئذ رجعتني
كام سنة ضوئية في حساب المشاعر و الهموم و المعيار النوعي و الكمي للقرف
كم يبدو الآن ذلك القرف بهيجا و سعيد و بخيت علي كان رجع لي تاني، و فك قبضة ما بي الآن
فقد تكالبت على صنوف قروفات أخرى نزعت عني صبري دسمه الذي لطالما حال بيني
وبين السأم الحقيقي ... الآن أنا في طور السأم و هو أعلى مرتبة من القرف
و أدنى بدرجة من اليأس ...
حتى مداخلات تلك الزمن اخف و النفوس أصفى قبل أن تخالطها صنوف من ذرات غبار شقاق
ذر في غفلة من الزمن ...
كتر خيرك ... و اريت قرفتك حسي تكون أسوء ما يمر بك، ولا تعود يوما تفتش عن قرف قديم
تستنجد بيهو من قرف جديد كرت رمتو الايام في خشم باب أملك ...
ابقى عافية ...
| |
|
|
|
|
|
|
|
|
|
Re: اعادة انتـــاج بوسط من الارشيف *** رجال يمرون بـ(قرفة)!! *** عزاز شامي 2005 (Re: عزاز شامي)
|
عزاز
تحياتي وسلامي
ابعد شي من نفسي هو الزهج الدائم لاني احب الضحكة دوما والابتسام
علمتي تجربتي ان الابتسامة والكلمة الطيبة مداخل لنفوس الاخرين
لكن لي اكثر من ثلاثة اشهر منذ عودتي من غربة لشهر ونيف
ليس انا لا اعرف ما حل بي استمتع بالهم واتلذذ به دوما
استوقفني في بوسطك القديم وانا ابحث عن كلمة قرف
كنت انوي ان انزل بوسط باسم قرف
لكن اعجبني الاسم جدا لاني ولي اخرون اعرفهم في حياتي البسيطه
يمرون بما انا فية الان حياري وتائهين جدا ومغرمون ومهمومين
غايتوا الحمد لله
اتمني ان اكون ارجعت اليك قرفة سعيد من داك الزمان الاخضر
وان لا اكون اوجعت فوادك
تقبلي سلامي
مع ودي وسلامي
وتمتد الرؤيا بعد الرؤيا الي الابد
| |
|
|
|
|
|
|
|
|
|
Re: اعادة انتـــاج بوسط من الارشيف *** رجال يمرون بـ(قرفة)!! *** عزاز شامي 2005 (Re: محمد ابو القاسم)
|
لقاء اخر من رحم القرف بعد ذلك اللقاء بايام
انا وصديقي جالسون في حتة كدا نسميها بالغرزه
نشرب الشيشة في خور ابوعنجة من ناحية العباسية
ست شاي حبشية وولد الشيشة السئية
حقيقة الشيشة سئية لانو الحجر بكون فيهوا جراك وتاني بتعبوا معسل وكدا
المهم نطلب الشاي باللبن وبعدين القهوة
وعدد اثنين شيشة وهاك يا شجن
شجن شجن شجن لمن ملاء الخور ذاتوا
صديقي يحكي عن حبيبة التي فارقت ديارة
لتتزوج باخر زميل لها كيف الود والتفاهم والانسجان
اتنين بحبوا بعض في الجامعة خمسة سنين
تفاهم عجيب بتلاقوا يومي بمشوا يومي
بياكلوو سوا كلو سوا
انت عارف ان يا صحبي لم اتذكرها بحس انو الزمن النحنا فيهوا دا غريب وكئيب
شوف بالله نحنا كنا وين واسع وين قاطعتوا انت كنت وين ما اان
انا دا تاريخي مع النساء كلوا طرف واحد زي الشارع الاتجاه الواحد وفيهوا استوب
ونضحك ويسترسل مرة اخري
تعرف يا ابوا انا كنت بصحا بدري جدا جدا الساعة تسعة كدا
وضحكت انت محاضرة الصباح دي عمرك ما حضرتها
بغيض
يعني ان التانية كنت بتحصلها ما الليل كلو شعر وسهر وشجن وقراية لي الفجر وتنخمد
بضحكة ما طوالي انا احسن منك زمن الجامعة مواظب
وعاد
تتذكر لمن جابت لي كتاب مائة عام من العزلة هدية في عيد ميلادي
ابدا ما اتذكرت
الشلتوا ولي اسع ما جبتوا اديتو لي بتك بتاعت الكلاكلة الفصلوها ديك
ببتسامة اي عرفتها رغببة مني في مواصلة الحديث
من قريت الكتاب دا ما كسبت عافية
دخلت في عزلة العزلة
احسست انها بتودعني
خفت سالت نفسي يا ربي البيت دي بتجهز لي الفرار
لكن اتاكت في ما مضي انها كانت ناوية علي الرحيل
المستغرف فيهوا انا كنت عاطل فترة طويلة جدا بس خليتا اشتغلت
تتذكر الايام دي
احسيت انوا برجع ليها اسع تقول لي موافق علي الرجوع
بس زي ما قال اخوي حق الزينة الفي عرس اختا ديك ما عندي
ههههههههههههههههه
وكنت شغال بي جد فاكر انو ممكن نرجع لي بعض ونشكل اسره
لكن وحياتك حرنت زي الما بتعرفي
الله شافا حسبتا صاح صحبتنا
ضحكناااا بمل الفم ونشفط في الشيشة بوله كانتا لم نجدها مرة اخري فك في القرف
بمفاجاة اسمع او تقو لي ملهمة الضجيج ومغلة الاحزان واوهامك دي ..
يا سيد ......
ونواصل
| |
|
|
|
|
|
|
| |
محمد ابو القاسم
فيس بوك
تويتر
انستقرام
يوتيوب
بنتيريست