كتب الكاتب الفاتح جبرا المتوفرة بمعرض الدوحة
|
|
 دا عيدى انا,,,, انتو عيدكم كيف؟؟؟؟؟....صغيرتى اكلت الصبغة
|
احى ليكم من بعد الفطور
وقرب يكون عيدى بدون زهور
بعد مافطرنا قلنا نسابق الريح , طرنا والمدام ولما الى بيت حنان الحنانة عشان نرسم للعيد الله يقطع الرسم,نزلت المدام فى بيت تلك الحنانة وجدنا,قدامنا 3 حريم نزلوهم قبلنا,عندى عمى قريب من بيت تلك المراة قلت امشى اتكل معاه حبة,,المدام قالت لى شيل معك لما دى وهى بنتى الصغيرة
بعد البوردابية لدن, قلت ليها ما بشيلها , شبت الحنانة قالت خلوها تعلب مع العيال عمرها سنة يادوب بتتهبع مشيا , ييت الحنانة فى منفوحة ولا منفوخة على قول الاخوة الاعاجم كما يسمون البطحاء(بطططا),قبل سنين خلت كنت بركب البص ,,وراكب معنا بنقالى قال نااااااااادل ( قاصد نازل) فجنبى هندى ضحك عليه قال لى بنقالى دماغ خراب لغة عربية نهى معلوم,,بدل نادل قال نااااااااادل
المهم بعد الساعة عشرة اتصلت على الحرمة الحقنى بسرعة,,الحمد لله ان العربية واقفة فى باب الحنانة ,,خير ياولية فى شنو فتحت الباب لقيت جمهرة غير عادية من حريم منتقطنا ومناطق اخرى متجمعات عند تلك الحنانة المنانة,,,قالت لى لما اكلت الصبغة ركبنا ومشوار السيارة ,,تلك المسافة من قرب اشارة عتيقة لمستشفى الفلاح قطعتها فى ساعة كاملة السيارات تدب دبيب ,,وكل ما البنت تاخد ليها غمده اقول خلاص راحت فيها,,المدام تبكى ومعانا قريباتنا يهدن فيها,,الكمية بسيطة,,ونحن لحقناها وطرشناها,,عموما شارع البطحاء من اشارة طب الاسرة التى قطعتها وهى حمراء,,كادت الكامرى ان تروح فيها,,لقيت الشارع على جوانبه مليان خالات وسيارات زحمة قلت ادخل بالحى وانا الخبير فى شوارع غبيرا حمتها خرم خرم,,بس ليلة امس كل الاخرام مقفلة عموما ووقفت العربية فى اقرب نقطة لشارع غبيراء العام,,قصاد مستشفى الفلاح,,وخطفت بنى وقطعت الشارع وقلت للحريم الحقنى على راحتكم,,وحين دخولى طوارىء مستشفى الفلاح قابلت طبيب على ما اظنه سودانى لكن لهجتو كانت سعودية كنت بشوفو كتير وعلى ما اعتقد بعرفنى لكنى تغابى فى العرفة تلك اليلة ,,,قال لى لازم تمشى مستشفى الشميسى او الايمان ,يعنى مستشفى كبيرة يوجد فيها كاشفات سموم,تقول كاشافات الغام ,قلنا اقرب سكة هى الايمان طرنا وشارع الفرزدق,,,برضو ين من كترة المارة,,,شنو الحكاية الجماعة دى جو من وين ما بعرف , انطلق الخبر فى دنيا المعمورة,,اتصالات من الرياض واخرى من خميس وجدة,,والسودان..واثنين من خال المدام فى بريطانيا ودعمى من امريكا,,دى كلها وانا زاحف على مستشفى الايمان,,ذلك الشارع الجميل الذى يسمى اسلام اباد وفى ذلك الحى الراقى الخان شليلة وشوارعه الجميلة الزاهية لكن امس شفتو اضيق من خرم الابرة..عموما وصلنا المستشفى ومشينا قسم طوارى الاطفال وما قصروا معنا عملو غسيل معدة,,لتلك الصغيرة المسكينة,,وقالو نخليكم شوية عشان نشوف مدى الخطورة,,فوجدت اغلب اهلنا بالرياض يزحفون على المستشفى,,حريم الحنة وحنان الحنانة,,ياجماعة امشو شوفو شغلتكم,,ولدن بنتى الكبيرة خليناها مع الجيران,,بكى وصياح ,وهى مرة تبكى ومرة تغنى مين بتحبى اكتر ,ماما ولا بابا,,وهى اول مرة تغيب عن امها 6 ساعات,,,طلعنا من المستشفى الساعة 2 صباحا ونحن منتشين فرحا لان لما ضحكت,,وصلنا البيت ورقصت على نغم طيور الجنة ,,اخدت لى غفوة,,بعدها مشيت حراج ابو القاسم لبعض الشغلات الصغيرة عدت الساعة الرابعة ,,مشيت صلاة الصبح وانتظرت صلاة العيد,,جيت نمت ,,وصحيت الان قلت اشوفكم معيدين كيف
دا كان عيدى انا انتو عيدكم
كل سنة وانتو طيبين
وصية اليوم
اياكم والرسم فى العيد
الحكيم
احمد ابقوتة
صنفرة
ابرهومة عمل شنو مع كانو
تحياتى لهارون وجميع المريخاب
بقوليكم خلونا نطلع من الصفر شوية
|
|
 
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: omer osman)
|
| Quote: حمدا لله على سلامة الأمورة وربنا ستر وكل عام وانتم بخير |
الجميل عمر عثمان
تشكر على الاطمئنان ودى المحرية فيك
اها ازول مبروكة النقطة...امس طبعا كنت فى المستشفى
ما حضرت خطط اب رهومة...قالو طلع سفارى نكاية فى الهلال
ومو دارى ان الهلال عاوز يجى التانى ,,,مجهز حكاكو للسيمى فاينال
وموعدنا الفاينال المقبرة
شكرا ياذوق
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: abuguta)
|
سلامه كبيره يا ابو قوته
يا ولدي وماا اوصيك مره تانيه لو ام البنيات ماشه للحنه انت امسك البنيات بعيدا عن بيت الحنانه
الاطفال عايزين مضارفه شديده
وكذلك الكهرباء البلقات لازم تكون مامنه
وكل مواد النظافه من كلوركس او فيم وغيرها لازم تكون محفوظه في مكان بعيد عن متناول يدهم
وكدي الله يستر عليهم ويبرد حشا الوالدين .
| |
|
|
|
|
|
|
|
|
 Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: إسماعيل وراق)
|
أبوقوتة عيدكم سعيد وكل سنة وإنتو طيبين,,
حمدلله على سلامة الأمورة,,,
تسوق المدام والحنانة تفتح فيهم بلاغ إهمال وإستعمال مواد خطرة على البشر,,,
ربنا يحفظ أطفالنا وكبارنا ...
تحياتى..
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: أيمن الطيب)
|
Quote: تسوق المدام والحنانة تفتح فيهم بلاغ إهمال وإستعمال مواد خطرة على البشر,,,
ربنا يحفظ أطفالنا وكبارنا ... |
ايمن الطيب
محق فى ما قلت,,,المدام حنت ما تمت لكن لسع ما صحت من ذنبها
عسى ان ياتى لها بقلب
اما الحنانة رزقها فى الشغلة دى
تسلم,,,
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: Elfadil Sabeil)
|
اب قوته .. الخرزة والياقوته
بريــــــه يا يابا للبنيه
الف الف حمد الله على السلامه
لكن يعلم الله قطعت قلبى لامن تميت قصتك
لفيت معاك زقاق زقاق وشارع شارع
وكمان شاكلت الدكتور القال ليكم ودوها لى مستشفى تانى
ياخى ما كان يعمل اى اسعافات اوليه
يعنى غسيل المعده ده داير ليه اكتشاف ذرة ؟
بعدين هو الناس قالوا ليك حصل كده ..
لزومو شنو يمشوا يشوفوا جهاز حديث لاكتشاف السموم لا قدر الله
على كل حال ربنا قدر ولطف والبركه فى ضحكة البنية وفرحتكم من تانى
ربى يخليهن ليك انت والمدام ويخليكم ليهم ويحفظكم من كل شر
تحياتى عبرك للمدام وكل سنة وكل يوم وانتو طيبين يا ود الجروف والطين
تحياتى
اسماء الجنيد / مسقط
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: soma)
|
أبو قوتة
و كل عام وأنتم بخير . وحمد لله بالسلامة
يا خى دى ساعات صعيبه أى لحظة فيها كالساعة وأنت تسابق الزمن للوصول للمستشفى وهمك على البنية
السعودية و الرياض بالذات ما فيها خدمات إسعاف سريعة لتصل المصاب فى موقعه؟
لأنه بما وصفته لو الحالة حرجة بيضيع المصاب بسبب التأخر فى إسعافه
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: Ishraga Mustafa)
|
Quote: الحنة الساده جميلة وراقيه
والرسم ممكن بيها..
وكل سنة واسرتك بخير |
الانيقة الجندرية
ام واصل
وانت سيدة العارفات
مقبول التعديل,,انا ذاتى ما بعرف كانن بستخدمن شنو,,,
الا فى ليلة الصبغة,,,ايش دخل الصبغة مع الحنة
دا كله كان غئب عنى
تسلمى والعيال من كل خير
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: نادر الفضلى)
|
Quote: السعودية و الرياض بالذات ما فيها خدمات إسعاف سريعة لتصل المصاب فى موقعه؟
لأنه بما وصفته لو الحالة حرجة بيضيع المصاب بسبب التأخر فى إسعافه |
نادر الفضلى
يوم ما قبل العيد الا تستخدم مروحية
صدقنى ذلك المشوار انا بقطعو كدارى فى ربعة ساعة
لو ما عربيتى فى نصف الشاعر كنت تركتها ومشيت
وين صورتك الجميلة ديك,,,ولا مخليها لما سيد البلد يكونو يومه
كل سنة وانت طيب
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: soma)
|
| Quote: اب قوته .. الخرزة والياقوته |
بت الجنيد كيف حالك
تذكرتك ليلة امس,,كان عندنا يوم اسرى مفتوح
ولم تتكرم علينا حرمة واحدة بكلمة مايك
كلهن جلوس لا زغرودة,,ولا صفقة يدين
حتى الحنة العاوزة تقرض بنتى ما ورننا ليها
قلت فى سرى ياريت لو كان دعينا بت الجنيد
لتلهب المشاعر
وتخلى الناس تساهر
شعر ما ليه اخر
عن البوادى والبنادر
تسلمى كتير كتير خالص
دمتى والعيال
تحياتى ل ود الجنيد
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: أسامة عبد الجليل)
|
Quote: سيبك من الهلال
ركّز على العيال |
اسمامة عبد الجليل
كيف,,,,,,, ياجميل
الهلال دا ساعينو بس لى ناس طلحة
وكيجا وهارون دياب
لو ما مناكفتنا معاهم كان حردو البورد
تسلم
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: فيصل نوبي)
|
Quote: بقوليكم خلونا نطلع من الصفر شوية
|
ابوقوته حمدلله على السلامه والف لاباس عليكم
والله عيدك دا ذكرني نفس الحادث مع صغيري مصطفى
دا بلع حبوب ضغط امي كاتبين ليها في اليوم واحده وقويها زول خمه ليها اربعه ولا خمسه ماعارف ومافي حد شافو وفجاءه كدا نام نومه عميقه ونصحي فيه وبقى زي المغمى عليه ونفس الشئ جري وغسيل معده والدكتور بوظ اعصابي يعاين في المونتير ويقول لي بلع كم ونحن ماعارفين بلع كم وكان البلع قبل 5 ساعات والوقت طال والمدام تبقى وامي واختي وانا صائم يوم اثنين والاعصاب مشدوده والحمدلله حولونا المستشفى ل24 لكن ربك لطف دقت في العارضه
بس انا ضبحت خروف عشان كدا ياخوي لمم طريفاتك وبحت في جيوبك وامشي كدا اشتري ليك خروف ابو اربعة انشاء الله (صومالي) وتعال لو في الرياض خلي ناس خالي ودالموج ديل يضربوا الشيــه.
كرامه وسلامه
ابومصطفى
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: keiga2000)
|
| Quote: بس انا ضبحت خروف عشان كدا ياخوي لمم طريفاتك وبحت في جيوبك وامشي كدا اشتري ليك خروف ابو اربعة انشاء الله (صومالي) وتعال لو في الرياض خلي ناس خالي ودالموج ديل يضربوا الشيــه. |
والله لكن قصة محيرة,,,ما سمعت بيها ولا انت ذكرتها على الموقع
عموما جات سليمة,,,فعلا نفس الاسئلة سالنى ليها الدكتور
قلت ليه ياخى النجيضة اعمل غسيل معدة وبس,,,لكن نرجع نقول اغلب الاطفال ربنا حافظهم
لانهم عجلة الحياة المستقبلية,,,
صديق الموج لو بجى,,,اسى بضبح الخروف,,,لكن هو بعتبر ضيوفى هلالاب,,ما هو دارى فى بيتنا مريخى يارجل ,,, ام العيال مريخابية متعصبة كمان,,كدى عليك الله شوف المحن دى,,,وقصة الاهمال فى
البت دى كانت التلاتة,الله يقطع الهلال كان داير يضيع بتى ,,لووووووووووووول,,
صنفرة
انت خليل دا بتعرفو بقرب,,قالو معاكم فى الامارات
اها زولك دا,,,مشى يستلم يوم الوقفة قسطنتين حقو من حظيرة قيود الشواطين
,,اول سوال,,ساله لقسطنتين قال ليه الهلال بشيل كاس افريقيا,,رد قسطنتين هذا العام
الهلال بشيل 4 كاسات,,ولو لا برشلونة كان شال الخامس,,,قالو خليل جدع قسطنتين بعيد
ومسكتو هستيريا وبقى يحولل ويقولل
ورجع يفتش لى واحد غيره,,,لكن الحارس قال ليه يازول دى شيطانك ودى رقمو المسجل عليه
دحين لا تبلغ هارون دياب قالو سكريهو زائد الايام دى
لكن فى كاس الاندية قطع شك نحن مشرفنكم هناك,,,ويومها بلبس مصطفى
ازرق فى ازرق,,وانت وام عيالى خليكم فى حماركم
تسلم والعيال
ابو لدن
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: abuguta)
|
الاخ ابوقوته
حمدلله على السلامه والله الصبغه ده لوشربتها هنا فى السودان كان راحت فيها....
لان الصبغه الفى السعوديه عندكم هى من النوع المصنع وهى ليست من نوع
صبغه الحجر الموجوده هنا فى السودان والتى تودى غالبا للوفاه او المضاعفات
الشديده.
طبعا لو لا قدر الله ولطفه وكنتم هنا كان يكون الوضع اسوء شديد..
نرجو منك ياابوقوته ان تنبه المدام الى ان الصبغه اخطر من السرطان...
******
عيدك سعيد
| |
|
|
|
|
|
|
|
|
|
Re: دا عيدى انا,,,, انتو عيدكم كيف؟؟؟؟؟....صغيرتى اكلت الصبغة (Re: abuguta)
|
العزيز أبوقوتة
ألف حمدا لله على سلامة الأمورة وربنا قدر و لطف،،
تذكرت حادثة قبل شهر في نفس المنطقة دي كنا في عزاء
وإحدى الحوامل تشنجت حوالي صلاة المغرب وطلب إلي أن
أذهب بها إلى طواريء الفلاح!! قطعت المسافة في حوالي ساعة تقريبا
وعند لبوابة جاء نفس الطبيب : الشكل سوداني واللهجة غير!!
مافي إمكانية إسعاف لحرمة متشنجة وفي حالة حمل ،، قسما بالله
بكل البرود والوقاحة والمراة ممددة بين الحياة والموت ،،
بدأت رحلة البحث عن المستشفى الوطني في الملز نصف ساعة أخرى
لحين الدوران والخروج من شارع غبيرة في تلك الساعات،،
تجربة قاسية أن تتقمص شخصية سائق إسعاف في الرياض،،
لكل الحبان في الرياض : مستشفى الفلاح لا يصلح في الحالات
الطارئة،،
ألف حمدا لله على السلامة يابوحميد ، وأكيد المدام من الليلة بطلت الرسم،،
سلام للجميع،،
| |
|
|
|
|
|
|
| |
abuguta
محي الدين جبريل
Ahmed Abdallah
فاروق أبوحوه
mayada kamal
خدر
omer osman
khaleel
عماد الدين عبدالله
Sidgi mattar
علي الكرار هاشم
وليد عبد اللطيف
صديق الموج
طارق جبريل
فتحي البحيري
البدري عبد الله
doma
رأفت ميلاد
Elsanosi Badr
إسماعيل وراق
أيمن الطيب
محمد عبد الماجد الصايم
عبدالوهاب علي الحاج
جلال عثمان
محمد إبراهيم علي
انور التكينة
نجلاء سيد أحمد
الفاتح سليمان
elsharief
أسامة عبد الجليل
عبد الحميد البرنس
Mohammed Haroun
أمين فاروق
JAD
عمران حسن صالح
نادر الفضلى
ابو جهينة
Ishraga Mustafa
waleedi399
سيف الدولة كامل
د.محمد بابكر
فيصل نوبي
keiga2000
هند محمد
شرفى عبدالقادر
سيف بخيت موسي
رغيم عثمان رغيم الحسن
فيس بوك
تويتر
انستقرام
يوتيوب
بنتيريست