|
كتب الكاتب الفاتح جبرا المتوفرة بمعرض الدوحة
|
|
 Re: وليد محمد المبارك .. كلامك جميل .. ويا اهل الحقوق كسلتم والا اتكسرت المقاديف ؟ (Re: وليد محمد المبارك)
|
نعم يا وليد ..
Quote: عندي قناعة تامة انه مشكلت السودان ما نظام سياسي
مشكلة السودان الشخصية السودانية
نحن شعب هش جدا .. عيوبة اكتر من حسناته
|
وكمان بنقنع سريع ويصيبنا اليأس ونقعد نفتش لشماعة نعلق عليها الاحباط دا ..
كل هزيمة بتنالنا في مستوي من المستويات طوالي بنلقي ليها مبرر ..
ونتمني الحل دائما يجينا مساعدة من برة يدينا ..
هسع بعد شغل لبني وانشغال وسائل الاعلام العالمية بيهو ..
خائف القضية تتنفس من يدين الناشطين والحقوقيين وتبقي مجرد معركة شخصية ليها ..
ونفضل في استئناف ورد كرامة وغيره .. والقانون والمادة يكونن قاعدات في محلهن ..
لوما كمان اتفعلن بعد القضية بصورة اوسع ..
الله في ،،،
| |
 
|
|
|
|
|
|
|
|
Re: وليد محمد المبارك .. كلامك جميل .. ويا اهل الحقوق كسلتم والا اتكسرت المقاديف ؟ (Re: HAIDER ALZAIN)
|
ياخ خليك من الناشطين
هي لبنى ذاتها قصرت .. بدل ما تتحدث في مؤتمرها الصحفي عن الحق العام
قلبتو حق خاص
وياريتها لو تحدثت بوعي .. وعن انها ما كانت لا متعرية ولا متزقة ولا لابسة شفاف ولا شاذة من عادات او تقاليد - دي حقيقة -
لكنها اختارت الحديث عن اشواقها للبس الساري الهندي وملابس الفارسيات
طيب هي لو قناعات شخصية بالنسبة ليها في لبس الساري الهندي واخرج البطن .. ما قناعاتها دي نسوان كتار مامتفقين معاها فيها ...
قوة قضية لبنى كانت مبنية على انها بتدافع عن حقها في ايطار موضوعي مستمد من تقاليد الشارع وقناعته .. ثم تطور ليتشكل رائي عام بدافع عن قضيته عبر لبنى .. ولبنى ساقت الدفة وبقت هي بتدافع عن رائي الشارع عبر قضيتها
وفجأة في مؤتمر صحفي تتحدث لينا عن اشواقها في لبس الساري الهندي واظهار البطن ..
معقولة عاد
لكن شنو يعني لبنى
نشكر فضلها في اظهار القضية ووقوفها موقف مشرف
لكن قضيتنانحن هي قضية عادات وتقاليد شعبنا
انا ضد المادة 152 وضد الساري الهندي واخراج البطن
ياخ على الاقل كانت بدل الساري الهندي ده كان تقول كنت متمنية البس رحط زي حبوباتنا زمان على الاقل كان بكون شكلها سوداني اكتر .
وبرضو معا للالغاء المادة 152 لانه ده المهم
| |
|
|
|
|
|
|
|
|
|
Re: وليد محمد المبارك .. كلامك جميل .. ويا اهل الحقوق كسلتم والا اتكسرت المقاديف ؟ (Re: وليد محمد المبارك)
|
سلام وليد يا راقي ...
القضية من الاساس وقت الناس تكلمت عنها - حتي ولو من خلف لبني - بعتقد انها كانت مكرّسة لالغاء
المادة 152 من القانون وتصدر اسم لبني الامر والعديد من الجهات والمنظمات وانا شخصيا
كنت بفتكر الامر ليس مجرد جلدت لبني او تركت ولكن هي قضية جوهرية تتناول قانون يجب تغييره
ولا تسكت الاصوات بمجرد الحكم - بالجلد او سواه - للبني ..
قبلها تكلم ياسر عرمان عن امثال هذه القوانين - وتصاعدت بعض الاصوات الخجولة مؤيدة له وسرعان
ما خرصت تحت فتاوي التكفير وإهدار الدم فتحول الامر من قانون للدفاع عن ياسر عرمان ودوره البطولي ..
واتنسي تماماً السبب الذي من اجله كُفّر واُهدر دمه ..
الان هل تكرر الامر مع لبني احمد حسين واصبحت القضية جلدت ام غرمت ؟
ومن دفع الغرامة ولماذا ؟
وهل هي مخالفة لنص القانون ام حكم تعذيري ؟
ووووو ...
واخاف تروح القضية الاساسية شمار في مرقة ويكسب الكهنة في تطفيش الكورة بعد ما يقعوا
ويقوموا الجماعة وهم جاريين وراها ..
| |
|
|
|
|
|
|
|
|
|
Re: وليد محمد المبارك .. كلامك جميل .. ويا اهل الحقوق كسلتم والا اتكسرت المقاديف ؟ (Re: HAIDER ALZAIN)
|
Quote: اتمني نسمع الاصوات عن فوائد ومثالب الاقتراح دا :
|
ما جينا بهناك وقلنا الكلمتين الفيهم فايدة نطيتو لينا في حلقنا عطشتونا زااتو ، والله ياحيدر بغض النظر عن اى شيء وبي امانة
كده البلد دي مافيها تنظيم او حزب سياسي او منظمة مجتمع مدني عارفة هي عايزه شنو وتعملوا كيف غير المؤتمر الوطني.
احزاب هرجلة في هرجلة ومنظمات مجتمع مدني عبارة عن لافتات واجندة اجنبية وحقيقة الشعب السوداني مسكين لانه لايصح ان يكون هناك
حزب حاكم قوي فقط بل يجب ان تكون هناك معارضة قوية فعالة ذات اهداف وطنية مرسومة بدقة وبرنامج واضح وديمقراطية حقيقية داخلها
وتدوال سلمي للسلطة والرئاسة فيها.
ياحيدر يا اخوي كنا داخل الحزب الاتحادي الديمقراطي (الاصل) زمنا كان اسمو المرجعيات والله العظيم ياحيدر دفعنا من جيوبنا وقوت
اولادنا عشان نفتح دار للحزب في الخرطوم موجودة الان في امتداد الدرجة الثالثة كنا مجموعة من الشباب المتحمس ومن اعضاء المنبر
كانت معنا الاخت انعام عبدالحفيظ وهي تشهد على هذا الكلام بتبرعاتنا ومجهودنا وتبرعات تلاتة اربعة من الخيرين افتتحنا الدار وكان
يوماً مشهوداً وارتفعت معنويات جماهير الاتحادي بشكل غير مسبوق ونشط الشباب في بحري وامدرمان لافتتاح دورهم وقد كان كل ذلك بمجهودات
شباب دون اى سند من قيادة الحزب ، يوم افتتاح دار الحزب في امدرمان صدرت توجيهات من السيد رئيس الحزب بمنع الاستاذ فتحي شيلا من
مخاطبة حفل الافتتاح لانه يهاجم ويشتم المؤتمر الوطني .... وغادر شيلا غاضباً وكتب سلسلة من المقالات في الصحف السيارة ينادي بالاصلاح
والمؤسسية واعقبها ببيان اعلن فيه تجميد نشاطه ولم تحفل قيادة الحزب بالرجل الاول في هيكلها التنفيذي نسبة لغياب الاستاذ سيداحمد
الحسين بدواعي المرض لم تحفل بالرجل وانا صائم احلف بالله انا جاب السودان شرقه وغربه وشماله ووسطه بسيارته الخاصة يقيم الندوات
ويخاطب طلبة الجامعات وقطعت سيارته في سنة واحدة 47 الف كيلوميتر ولا ابالغ اخي حيدر اذا قلت لك في 2007م كان هناك انتخابات
في جامعة الجزيرة وبعد ندوة عقدها الاستاذ شيلا في حرم الجامعة فازت قائمة الاتحاديين والمعارضة بشكل ساحق وفي السنة التالية سقطوا
اشر سقطة وكتب الطلاب الاتحاديين بيان وزع على الصحف قالوا بالحرف الواحد سقطنا لان الاستاذ شيلا ترك الحزب الاتحادي وهو الوحيد الذي
كان يقف معنا ويبث فينا الحماس.
اليأس والقنوط والاحباط تملكنا تماماً من اصلاح حال الحزب الاتحادي وماشايف باقي الاحزاب احسن حالاً منه ولما فتح المؤتمر الوطني ابوابه
مشرعة للجميع وتخلي عن الاطروحات المتشددة في ايام وسنوات الانقاذ الاولي ولجنا من بابه الواسع حباً في خدمة هذا الوطن وطالما ان
الناس ديل ناس شغل نشتغل معاهم وندلي بدلونا ومساهمتنا في ادارة سئون هذا الوطن بدلاً عن انتظار اشارة الرضا من السيد او غيره
معليش ياحيدر يمكن اكون تجاوزت حدود البوست لكن الغبينة اتجاه عجز وفشل الاحزاب السودانية هو مادفعني لكتابة هذه المداخلة.
| |
|
|
|
|
|
|
|
|
|
Re: وليد محمد المبارك .. كلامك جميل .. ويا اهل الحقوق كسلتم والا اتكسرت المقاديف ؟ (Re: حيدر حسن ميرغني)
|
عزيزنا وفخرنا حيدر حسن ميرغني ..
لك التحية يا ملك وعيدك سعيد ( انتو باين طوكيو بعيدة يكون رمضان دااابو وصل عندكم لووول
وليد هو ما قلت انت اراءه شجاعة وبيقولها ..
بختلف معاهو في الكثير ويعجبني طريقتو في الاختلاف .. الادب مع من تادب والجهل على من تجاهل ..
اكثر ما حبيت لفت النظر له الان هو اقتراحه هذا البعتقد انه غير انه جميل بيسلط لينا الضوء
انه نفكر بعيد عن الانفعالية البنناقش بيها قضية لبني .. لانها اصبحت قضية مادة وقانون الان وليس لبني .. وهو ما وجب التفكير بشأنه ..
لك كل الود
ــــــــ
يجن كيف شيوعي احمر وهلالابي ازرق ديل .. عاوزوايصاب بشزوفرينيا قبال ما يدخل الحزب ههههههه
| |
|
|
|
|
|
|
|
|
|
Re: وليد محمد المبارك .. كلامك جميل .. ويا اهل الحقوق كسلتم والا اتكسرت المقاديف ؟ (Re: omer osman)
|
أبداص يا عمر عثمان ما طلعت من موضوع البوست لانه اساساً موضوعه هو التنبيه
لبوست الاخ وليد محمد المبارك اولاً ثم معرفة اسباب تعاجز وكسل الناس فس دعم قضاياهم
رغم ما قد يكون تحقق من نجاح مبدئي فيها ..
قد يكون هو الاحباط زي ما قلت انت في ظل عدم وجود قيادات فاعلة وناجزة بفعل غياب التخطط والرؤية الاستراتيجية
او يكون بفعل الشخصية السودانية في عضمها الكسولة والمنتظرة الحلول من الخارج لانها هشةو وضعيفة ..
او انه فعل اغلب منظمات المجتمع والاحزاب السياسية والحقوقيين بيهدف للتلمع تحت اضواء الفلاشات
ويكون عمر فعلهم ومدي تأثيرو زيو وزي ضوء الفلاش نفسه ..
فنسمع هتاف .. هتاف .. صياح .. ثم صمت وموات لكل القضايا...
قصة تجربتك يا عمر عثمان ما بعيدة ولا غريبة عن تجارب الكثيرين الخاضوا العمل السياسي سواء بالجامعة او بعدها وتركوا العمل والنشاط السياسي بفعل الاسباب عاليه نفسها ..
وبعضهم غير مواقفه ..
لكن التحول يا عمر من خانة رافض الظلم والقهر والقائل بكلمة حق في وجه الجلاد سواء من بين الاتحاديين او الامة او غيرهم من الاحزاب لداعم له ومؤيد - حتي ولو النية الاصلاح من الداخل- تتطلب قوة قلب وعزيمة كفيلة بخنق الضمير واخراس كل صوت له ..
وفي الاخر يبقي الحق حق والقول به واجب مهما كان الخط الذي نقيف به جميعا سواء مؤيدين او مناؤين ..
لك الود وعيدك سعيد بإذن الله مقدماً ولكل افراد اسرتك الرائعين ..
| |
|
|
|
|
|
|
|
|
|
Re: وليد محمد المبارك .. كلامك جميل .. ويا اهل الحقوق كسلتم والا اتكسرت المقاديف ؟ (Re: الفاتح سليمان)
|
الأخ الفاتح سليمان ..
لك كل التحايا وكل الود ..
كلامك سليم مية في المية لناس عاوزين يتحركو بايجابية وخطوات عملية بدل تدبيج المقالات والشجب والادانة
بعتقد انه قضية لبني - او المادة 152 من القانون - اخذت نصيبها من البحث والتشريح وتسليط الضوء
عليها من قبل الاعلام واصبحت تحت انظار الاعلام المحلي والعالمي ..
اصبح الامر الان حسب وجهة نظري ينتظر التحرك من المهتمين بها من منظمات وحقوقيين وتنظيمات وتجمعات
اقتراح الاستاذ سالم احمد سالم بخصوص تكوين وتسجيل جمعية اقتراح عملي جدا في بوست الاخ وليد المبارك
يتبقي له ان نري ماذا فعل الاخوة او مبادرة لا لقهر النساء او ماذا سيفعلون
هل هناك خطوات تمت ؟
عل في اقتراحات اخري ؟
هل نفذ شئ ؟
ام الامر مجرد انتظار لاستئناف لبني وما ستفعله هي وبعده تنتهي القضية كقضية شخصية تنتهي بمجرد ما ترفع لبني احمد حسين يدها منها ..!!
| |
|
|
|
|
|
|
|
|
|
Re: وليد محمد المبارك .. كلامك جميل .. ويا اهل الحقوق كسلتم والا اتكسرت المقاديف ؟ (Re: HAIDER ALZAIN)
|
Quote: اقتراح الاستاذ سالم احمد سالم بخصوص تكوين وتسجيل جمعية اقتراح عملي جدا في بوست الاخ وليد المبارك
يتبقي له ان نري ماذا فعل الاخوة او مبادرة لا لقهر النساء او ماذا سيفعلون
هل هناك خطوات تمت ؟
عل في اقتراحات اخري ؟
هل نفذ شئ ؟
ام الامر مجرد انتظار لاستئناف لبني وما ستفعله هي
وبعده تنتهي القضية كقضية شخصية تنتهي بمجرد ما ترفع لبني احمد حسين يدها منها ..!! |
أسئلة في الصميم!
و كل عام وأنت بخير يا (كاتبي/المحاور) العزيز حيدر الزين،
و التحايا مزجاة لك أصدقها بما وجدت لك الكثير من ضمن أنضج الآراء التي قرأت هنا عن موضوع لبنى أو التي في حواشيه.
و في ضمنها أيضاً ما أثارته مبكراً رحاب الخليفة و ما نثره في أكثر من مكان وليد المبارك و ما جاد به سالم أحمد سالم من أفكار قانونية.
كتابتكم كانت و لا تزال خارج الغوغائية و ضد المجانية و مبشرة و مفرحة و يعول عليها أو قل هي العليها الرك.
و تحية خاصة بهذا الموضوع يستعيد زبدة الكلام الجابو وليد فـ(قطع به قول كل خطيب!).
لن أزيد...
و تبقى علي واجب التحية المستحقة لوليد في بوسته عطلتني عن المبادرة بها الشواغل رغم متابعتي للبوست من بدايته
و لم استغرب من قلة رواده و كأني توقعت له(كمثل كل حديث لا يهرج) أن أمة سودانيز كانت سـ(تنحرج) به!!
و ما غريب إلا حال السودان!!
يا ليت لو تنسقان جهدكما بعد الأرشفة في بوست مكرس للآراء تخدم مقصود أفكاركما بخصوص المادة 152.
و تقديري الفائق لك و لوليد.
| |
|
|
|
|
|
|
| |
HAIDER ALZAIN
وليد محمد المبارك
omer osman
حيدر حسن ميرغني
الفاتح سليمان
هاشم الحسن
Amir Omer
فيس بوك
تويتر
انستقرام
يوتيوب
بنتيريست