|
Re: صور الإفطار الجماعي لرابطة الجالية السودانية بجمهورية كوريا، سيول (Re: AnwarKing)
|
توضيح: هذا الإفطار يقدمه السودانيون...لكل المسلمين في مسجد سيول المركزي في ذلك اليوم...يوم مُحدد في شهر رمضان، ويتكفل الجميع بمساهماتهم الفردية...
كما يأتي الجميع ليقوموا بواجب الطبخ في المسجد، وإكرام ضيوف الرحمن كما ينبغي، وبعد ذلك غسل الأواني وكل ما يستلزم والذي منو...
يعني كأنوا ضبيحة لضيف الفزعة...مع إختلاف الزمان والمكان...
درجنا على هذه العادة منذ بضعة أعوام...وما شاء الله، يتطور إيقاعها كل عام...
ربنا يثبت أجر كل من ساهم/يساهم/سيساهم في مثل هذه الأعمال الخيرية، والتي تتم بأسم السودان من أبناء السودان، دون إنتظار أي مردود مادي أو غيره...
في هذا اليوم، وكما ستبيّن الصوّر لاحقاً...يعمل الجميع على قدم وساق،
أعضاء السفارة والمكتب التنفيذي لرابطة الجالية وأعضاء ومنتسبي الرابطة...حتى الضيوف الزائرين وعلى عادة السودانيين، لا يكتفون أيديهم وينظرون، بل يشاركون في العمل...
زي صف الصلاة...
أستوووووا....
| |
|
|
|
|
|
|
Re: صور الإفطار الجماعي لرابطة الجالية السودانية بجمهورية كوريا، سيول (Re: AnwarKing)
|
المكتب التنفيذي لرابطة الجالية السودانية بجمهورية كوريا، دورة 2008- 2009 من اليمين :
1- أنور محمد نور، درس ماجستير في كوريا، ويعمل الآن في شركة إل جي، وهو السوداني الوحيد الآن في رئاسة الشركة الكونية هنا، في سيول. (سكرتير المالية للرابطة).
2- مهند أحمد سلمان طيفور، مترجم بسفارة سلطنة عمان في كوريا. (سكرتير الأنشطة والإتصالات)
3- العُمدة فضل الله خاطر، درس ماجستير في كوريا، مستشار إقتصادي بسفارة دولة قطر في كوريا. (رئيس الرابطة)، وعضو جديد في البورد
4- نصر الدين شريف، محاضر في جامعة الزعيم الأزهري، في مرحلة الدكتوراة تخصص معامل طبية. (سكرتير عام الرابطة)
5- أنور دفع الله ،مترجم/مذيع في تلفزيون أريرانغ الكوري، في مرحلة الدكتوراة، تخصص تنقيب وتأمين البيانات. (نائب رئيس الرابطة).
| |
|
|
|
|
|
|
Re: صور الإفطار الجماعي لرابطة الجالية السودانية بجمهورية كوريا، سيول (Re: AnwarKing)
|
صورة تبيّن التحضريات للإفطار... الاستاذ عماد جوهر (الأول على اليمين) الأستاذ بجامعة الخرطوم سابقاً، مستشار بالسفارة السعودية في كوريا، الأستاذ إبراهيم مصطفى، رئيس الدورتين السابقتين لرابطة الجالية السودانية، صحفي في وكالة يونهاب للأنباء الكورية،
الأخ محمود لولح، تاجر، الأخ عمر العوض، مترجم بقنصلية السعودية بكوريا، الأخ جمال الدين، الملحق الإداري بسفارة السودان في كوريا،
| |
|
|
|
|
|
|
Re: صور الإفطار الجماعي لرابطة الجالية السودانية بجمهورية كوريا، سيول (Re: ثروت همت)
|
العزيز أنور والأفاضل أعضاء الإفطار الرائع
رمضان كريم وتحياتي
بالله بكري دا مالو ما مركز مع الفطور خايف الزمن يتمط ولا شنو
العزيز إبراهيم مصطفي بالله يا أنور تلقي ليه حبة صبغة سوداء
الصديق فضل الله خاطر قول ليه البحيراوي قال ليك أقع الجلابية البيضاء في الإفطارات
الصديق الدكتور آدم عبد الحميد يبدو إنو أم روابة خريفها العام مسكو
السنير الريح حيدوب خلية يظهّر القدح بتاع النعيمية
تحياتي
بحيراوي
| |
|
|
|
|
|
|
Re: صور الإفطار الجماعي لرابطة الجالية السودانية بجمهورية كوريا، سيول (Re: البحيراوي)
|
الحبيب البحيرواي...
تحياتي وشكري العميق على مرورك الكريم...
ياخي فتحتا ليك سبعة مواضيع بمداخلة واحدة...لكن إجمالاً كدة أقول ليك نعم!
Quote: بالله بكري دا مالو ما مركز مع الفطور خايف الزمن يتمط ولا شنو
العزيز إبراهيم مصطفي بالله يا أنور تلقي ليه حبة صبغة سوداء
الصديق فضل الله خاطر قول ليه البحيراوي قال ليك أقع الجلابية البيضاء في الإفطارات
الصديق الدكتور آدم عبد الحميد يبدو إنو أم روابة خريفها العام مسكو
السنير الريح حيدوب خلية يظهّر القدح بتاع النعيمية |
بتاعة إبراهيم مصطفى دي حا تكون موضوع وكدة...هههه
تحياتي أنور
| |
|
|
|
|
|
|
Re: صور الإفطار الجماعي لرابطة الجالية السودانية بجمهورية كوريا، سيول (Re: AnwarKing)
|
الأخ الكريم أنور فتح الله عليك أن جعلتم للمكان روعة تحياتي للأخ البحيراوي فهو نعم الأخ كريم وابن كرام ولعن الله الغربة التي تشتت أبناء الوطن
لكل المتداخلين ما يحدث في سول ونشاط للجالية السودانية لا ينفصل عن أي مكان آخر يحدث فيه السودانيون الإبداع ويكشفون فيه عن معدنهم السوداني الأصيل وكما قيل : السودانيون من نفر عمّروا الأرض أينما قطنوا ودمتم جميعا فضل الله خاطر
| |
|
|
|
|
|
|
|