|
لى رفيقات الزنزانة بالقسم الشمالي بقلم د.ناهد محمد الحسن
|
إلى رفيقات الزنزانة بالقسم الشمالي (1)نداء الخروج(لا لقهر النساء) دلّن حللكن وامرقن قشّن حننكن وامرقن غطّن حفركن وامرقن ماتقولن البيت والعيال همومنا كبرن وفرّخن تاني لا بيته لا بيتك براك الليلة بيتكن كلّكن لا متين تخدمن في الرّجال الليلة ناداكن وطن همّا تشيلي على الهموم وياك لزّامة المحن (2)مظاهرة(تحت عنوان :أبنت –نسبة إلى بنت-منكم) وقفن معاي قدّام وراي ركزن/ ولا النخل الثبات سكتن /ورفعن رايتن نبحوا الكلاب المؤجرين /قصدا يفرّقو لمّتن وقفن وغرقن في السكات قعدن وتبّن واقفات الكان بوصّفو في الحريم ويقولو/نقّة وخايفات أخواتي غيّرو فكرتهم عدلن مفاهيم البنات (3)الزميلة أميرة عثمان حامد مشهد خاص سبّاها بصقت عزّتو قاواها .. قلعت هيبتو لاواها هزمت قوّتو بي إيده بس وبدون سلاح فضحت رجالتو وخيبتو خجلان وعاري ومنكسر جات العساكر حاطتو وقفت براها وسط كتااار جالت ولا زول نادتو جرّوك من وسط الصفوف دفرونا منّك وحاوطوك ضربوك انصاص الرجال عسكر هراواتن تقيلة يا فارسة وحدك داب قبيلة يا أميرة خجّلتي الحروف صاحية وتقدّري للظروف ماكي (الأميرة النائمة) ميتانة راجية الينقذه واميرتي تنقذ بالألوف دفروها شان تركب معاهم بالقدلة ركبت زي اميرة كنداكة والزيّك قلال مستورة ربّوك بالحلال سكوتة ماناس قيل وقال ركزتي ..زلزلتي الجبال وصمدتي خجّلتي الرجال بتّي../إن شاءالله /وكفاي ما لنت صبّرتي المعاي ماشفتي زينب وبتّها دايرات يروحن بي وراك جونا العساكر بالسياط حرقت عواطف يدّها مجروحة صبرها عندها والقال قضيّة /وانتهت شافنا نهتف نهتف ضدّها والحق مشاويرنا ابتدت حالفين نوصّله حدّها يتبع
|
|
|
|
|
|
|
|
Re: لى رفيقات الزنزانة بالقسم الشمالي بقلم د.ناهد محمد الحسن (Re: عفراء عمر)
|
Quote: سبّاها بصقت عزّتو قاواها .. قلعت هيبتو لاواها هزمت قوّتو بي إيده بس وبدون سلاح فضحت رجالتو وخيبتو خجلان وعاري ومنكسر جات العساكر حاطتو وقفت براها وسط كتااار جالت ولا زول نادتو جرّوك من وسط الصفوف دفرونا منّك وحاوطوك ضربوك انصاص الرجال عسكر هراواتن تقيلة يا فارسة وحدك داب قبيلة يا أميرة خجّلتي الحروف صاحية وتقدّري للظروف ماكي (الأميرة النائمة) ميتانة راجية الينقذه واميرتي تنقذ بالألوف دفروها شان تركب معاهم بالقدلة ركبت زي اميرة كنداكة والزيّك قلال مستورة ربّوك بالحلال سكوتة ماناس قيل وقال ركزتي ..زلزلتي الجبال وصمدتي خجّلتي الرجال بتّي../إن شاءالله /وكفاي ما لنت صبّرتي المعاي ماشفتي زينب وبتّها دايرات يروحن بي وراك جونا العساكر بالسياط حرقت عواطف يدّها مجروحة صبرها عندها والقال قضيّة /وانتهت شافنا نهتف نهتف ضدّها والحق مشاويرنا ابتدت حالفين نوصّله حدّها |
سلمت يد أم محمود محمد طه
وشكرا عفراء على إطلاعنا
تحاياي
| |
|
|
|
|
|
|
Re: لى رفيقات الزنزانة بالقسم الشمالي بقلم د.ناهد محمد الحسن (Re: عفراء عمر)
|
عزيزتي ناهد رفيقة اللحظات الفريدة حضن الوطن ما ضاق بس ضاقت الزنزانة عليك النبي يا ناهد شفت الحتة كانت لينا برحة وشرحة كيف؟؟ ولا ده إحساسي براي ما إتاضيقنا بل كنا مستعدات للبقاء طويلاً هناك كانت لحظات إتحاد ما أجملها وكانت كلماتك وقود الصبر والثبات شفتي عليك الله البنوتات الصغيرونات ؟؟ كعصافير الجنة جيد لبلد به مثل هؤلاء
شكراً يا سيدتي على هذه الكلمات خاصة التي وصفت حال أميرتنا
| |
|
|
|
|
|
|
|