|
Re: أحسن طرفة عن النساء... الموافقني يوقع هنا (Re: GeerTor Tong)
|
Quote: هي قالت الحمدلله عشان ما طلقوها ... واللا عشان مات ابوها؟ مغزى كبير لا نفهم منها شيئاً،والنساء يفهمنه اكثر منا |
من خلال الحوار (الحمدلله ) عشان ما طلقوها والشاهد (خوفتنى)
والظاهر أنها عملت ما سمعت الجزء الأول من الكلام للحالة النفسية
التى مرت بها.............. بعدين ده زوج سخيف ..!!
كل الود محمد كابيلا
| |
|
|
|
|
|
|
Re: أحسن طرفة عن النساء... الموافقني يوقع هنا (Re: محمد مختار جعفر)
|
الطرفه دي استهتار واضح بمشاعر النساء عمره ما يملي مكان الاب انسان اخر ولو قلنا ليكم انت اغلى عندي من أبوي وامي وكل اهلي ما معنى كده نحن بنشيلهم من مكانهم ونختكم مكانوا ابدا والله بس بكون تعبير عن حبنا ليكم والله انت زكرتني زميله لي قالت زوجي مابخلينيق اشتري اى حاجه كل شي بجيبو لي على ذوقه قلت ليها ليه كده قالت لي لما كان بيشتري لى هديه كنت بشكرو خالص وامدح الهديه وامدح ذوقه لغاية ماصدق تصدق أول مرة ازعل في المنبر دا جد جد
| |
|
|
|
|
|
|
Re: أحسن طرفة عن النساء... الموافقني يوقع هنا (Re: وجن)
|
سلامات يا استاذ قير تور طمنا على المدام بقت كيف الان ؟؟؟؟؟؟؟؟؟؟؟
Quote: وقال ليها : حبيبتي أنا لا عرست عليك ولاهم يحزنون بس ... ابوك مات !!! هي بدون ماتشعر قالت:
الحمدلله خوفتني ... |
وفي رواية اخرى لو قالت الحمد لله ......... ساي بدون كلمة خوفتني دي تكون محقة ونعتبرها بتحمد الله على المكروه الاصابها والحمد لله على كل شئ
تخريمة : هو في راجل بستاهل !!!!!!!!!!!!!!!!
| |
|
|
|
|
|
|
Re: أحسن طرفة عن النساء... الموافقني يوقع هنا (Re: mayada kamal)
|
Quote: طمنا على المدام بقت كيف الان ؟؟؟؟؟؟؟؟؟؟؟ |
الحمد لله الذي نحمده على ما نحن فيه وامدنا بصحة نستطيع بها متابعة المستشفيات والصيدليات فعلى الأقل ساشتري دواءً واحداً ،إن لم تطرأ امور أخرى غير التي هي عليه الآن،بعد إنتهاء صلاة المغرب بإذن الله. ....................
Quote: وفي رواية اخرى لو قالت الحمد لله ......... ساي بدون كلمة خوفتني دي تكون محقة ونعتبرها بتحمد الله على المكروه الاصابها والحمد لله على كل شئ |
رأي ووجهة نظر...
Quote: تخريمة : هو في راجل بستاهل !!!!!!!!!!!!!!!! |
السؤال من راسك واللا من كراسك؟
| |
|
|
|
|
|
|
Re: أحسن طرفة عن النساء... الموافقني يوقع هنا (Re: mayada kamal)
|
Quote: ما مهم من وين المهم هي قناعة عندي والكثير من الشواهد تؤكد كلامي |
ما دامت فناعة عندك اكيد في واحدة متزوجة في بيتكم هي اللي اقنعتك كدا برضو اخوكي ح يكون عندو واح متزوج زرع ليهو قناعة عن البنات..عفوا النساء وهكذا دواليك نرمي بعضنا بهذه الكرات.. مع تحياتي
| |
|
|
|
|
|
|
Re: أحسن طرفة عن النساء... الموافقني يوقع هنا (Re: GeerTor Tong)
|
Quote: ما دامت فناعة عندك اكيد في واحدة متزوجة في بيتكم هي اللي اقنعتك كدا برضو اخوكي ح يكون عندو واح متزوج زرع ليهو قناعة عن البنات..عفوا النساء وهكذا دواليك نرمي بعضنا بهذه الكرات.. مع تحياتي |
؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!11
| |
|
|
|
|
|
|
Re: أحسن طرفة عن النساء... الموافقني يوقع هنا (Re: الصادق ضرار)
|
Quote: العين بالعين و السن بالسن و البادئ اظلم
قير تور ده كلو من محنك
بس يا ميادا اطردي الشيطان و جربي ح تلقي البيستاهلوا يا بت امي . |
قلت كدا؟ ما بوافقك يا اخوي لانو البت دي لهسع ما ورتنا كلامها دا من راسها ولا من كراسها يعني بالبلدي كدا ... ميادة دي بتقول الكلام من موقف خبرة راسخة أمنقل تجارب اخريات. مع خالص ودي شكراً على المرور
| |
|
|
|
|
|
|
Re: أحسن طرفة عن النساء... الموافقني يوقع هنا (Re: وجن)
|
Quote: الطرفه دي استهتار واضح بمشاعر النساء عمره ما يملي مكان الاب انسان اخر |
بالنسة لمنو؟
Quote: ولو قلنا ليكم انت اغلى عندي من أبوي وامي وكل اهلي ما معنى كده نحن بنشيلهم من مكانهم ونختكم مكانوا ابدا والله بس بكون تعبير عن حبنا ليكم |
جائز نكوني صاح نظرياً...
Quote: والله انت زكرتني زميله لي قالت زوجي مابخلينيق اشتري اى حاجه كل شي بجيبو لي على ذوقه قلت ليها ليه كده قالت لي لما كان بيشتري لى هديه كنت بشكرو خالص وامدح الهديه وامدح ذوقه لغاية ماصدق |
هو فعلاً لو كان عندو زوق كانت صديقتك دي بتتحدث عن الماضي بس....
Quote: تصدق أول مرة ازعل في المنبر دا جد جد |
ليه يا استاذة وجن؟ هو القصة دي حصل في المنبر هنا جد جد؟ واللا انتي زعلانة عشان الراجل في القصة كذب على زوجتو؟
| |
|
|
|
|
|
|
Re: أحسن طرفة عن النساء... الموافقني يوقع هنا (Re: GeerTor Tong)
|
أنا زعلانه منك انت ده لان الطرفه عجبتك وجيت جاري بيها جري وكمان شايل ورقة التوقيعات مااتخيل لي طرفه زي دي ممكن تحصل في الواقع لانسانه بكامل قواها العقليه الواحده يتخيل لي ممكن تسمع خبر طلاقه مية مره ولا تسمع خبر وفاة ابوها على الأقل الطلاق ممكن الزول يرجع فيه لكن خبر الموت دا شين ماممكن يتراجع عنه
| |
|
|
|
|
|
|
Re: أحسن طرفة عن النساء... الموافقني يوقع هنا (Re: وجن)
|
Quote: أنا زعلانه منك انت ده لان الطرفه عجبتك وجيت جاري بيها جري وكمان شايل ورقة التوقيعات مااتخيل لي طرفه زي دي ممكن تحصل في الواقع لانسانه بكامل قواها العقليه الواحده يتخيل لي ممكن تسمع خبر طلاقه مية مره ولا تسمع خبر وفاة ابوها على الأقل الطلاق ممكن الزول يرجع فيه لكن خبر الموت دا شين ماممكن يتراجع عنه |
الحمدلله زعلك بقى علي بس عشان السببب اللي انتي ذكرتيه اعلاه وهو ليس صحيحاً كما يبدو لكي الطرفة الحقيقية الا يحدث مثل هذه الواقعة في الحياة كما تفضلتي وإذا حدثت حقيقة فهذا بحاجة لدراسة وبما أن كل شئ جائز وربما تكون ما نعتبرها طرفة هنا قد حدثت في مكان ما كان علي ايراد هذا النص هنا لابراز الآراء المختلفة التي نراها في الظاهر تحمل الهزل لكنها في باطنها تحوي الكثير من الحقائق التي يظهر بسهولة إلا بالفحص الدقيق خبر الموت لا يفجع كل الناس في الوقت الراهن وبيعتمد على نوع الناس اللي بتلاقيهمبل هناك من يتمنون وفاة ابائهم وامهاتهم... وكذلك هناك من يتمنين وفاة آبائهن وأمهاتهن لأسباب ليس من إختصاصنا. تخريمة:ما تزال الخرطوم تعيش على ذكرى مقتل شخص في بري على يد إبنه حسب الروايات الخبرية التي وردت حتى الآن. مع تحياتي قير تور
| |
|
|
|
|
|
|
Re: أحسن طرفة عن النساء... الموافقني يوقع هنا (Re: محمد زكريا)
|
Quote: شباب السؤال دي قصه جدجد ولا نكته غايتوا وجن بتفق معاها كلامها صح .... ياقير يجازي محنك فقعت مصاريني الفاضيه والفطور عندنا باقي ليه خمسه ساعات نكته بايخه جداً |
وما في زول قال انها غلط...بس صح خليهو بعيد شويه لانو شئ نسبي موضوع الفطور دا ممكن نقول إنو الصيام عندكم بيبدأ بعد خمسة وعشان كدا بتتاخروا خمس ساعات؟ يا ها براك قلت نكتة.. وبالنسبة لمصارينك تاثيرها شنو مع النكتة البايخة؟
| |
|
|
|
|
|
|
Re: أحسن طرفة عن النساء... الموافقني يوقع هنا (Re: GeerTor Tong)
|
من يتمنون وفاة ابائهم وامهاتهم... وكذلك هناك من يتمنين وفاة آبائهن وأمهاتهن لأسباب ليس من إختصاصنا. تخريمة:ما تزال الخرطوم تعيش على ذكرى مقتل شخص في بري على يد إبنه حسب الروايات الخبرية التي وردت حتى الآن.
أعوذ بالله هولاء
مع تحياتي
لكن برضو مغيوزه منك
| |
|
|
|
|
|
|
Re: أحسن طرفة عن النساء... الموافقني يوقع هنا (Re: مريم بنت الحسين)
|
Quote: معاك يا وجن.. انا برضه اتغظته من النكته... والسبب الغاظني إضافة لسببك، هو الكذب... ده كذب صريح عديل كده... ده والله كان بعداك قال كلامه ده، إلا اطلب انا الطلاق، قال شيل الشنطة قال! |
يا سلام عليكي يا بنت الحسين... كدا احسبي لي كم ح تخرب إذا كانت النساء يطلبن الطلاق بسبب الكذب.. كدا وريني انتي متزوجة واللا لا؟ كان متزوجة تكوني بتكضبي لينا هنا... لو ما متزوجة يبقى لسه ما لقيتي ليكي كضبة كدا عجبتك
Quote: والسبب الغاظني إضافة لسببك، هو الكذب... ده كذب صريح عديل كده |
الحتة دي وجن ما ورتنا رايها فيها..
Quote: قيرتور تحية.. ويبدو انها اول مره اتداخل معاك... عارفاك ما انت العملته النكته، والزعل ده ما موجهه ليك كله (ربعه بس هههههه) |
يا اخوانا ساعدوني في إنزال الأغنيتين: كلام زعل ما بنقبلو:محمد الأمين. سامحني غلطان بعتذر:صلاح مصطفى. مع تحياتي قير تور
| |
|
|
|
|
|
|
Re: أحسن طرفة عن النساء... الموافقني يوقع هنا (Re: GeerTor Tong)
|
Quote: وبالنسبة لمصارينك تاثيرها شنو مع النكتة البايخة؟ |
وانت زعلان كده مالك؟ علي اي حال النكته البايخه لا تعني ان من يسردها ايضا كذلك اما تاثيرها علي مصاريني الفاضيه انها تتاكسد وقد تنتج بعض الغازات غير المرغوب فيها نكات اضطهاد المراه كثيره مثلاQuote: واحد بيدق في مرته وهي تكورك عليك الله ما دقني حلفتك ما دقني وجاء واحد ماري وسمع الكواريك قال للراجل يازول المراه بدقوها باختها الرجل ما فهم حاجه قام طلع ليه بره قال ليه قصدك شنو قامت مرته جات جاريه وجرته قالت ليه يا راجل تعال كمل دقك ما تسمع كلام المجنون ده |
اها دي بايخه ذيي كده ولا لا
تحياتي ابوالزيك
| |
|
|
|
|
|
|
Re: أحسن طرفة عن النساء... الموافقني يوقع هنا (Re: محمد زكريا)
|
Quote: وانت زعلان كده مالك؟ |
قول اعوذ بالله من الشيطان الرجيم نحن في رمضان يا راجل البزعلني منك شنو انت صايم؟
Quote: اما تاثيرها علي مصاريني الفاضيه انها تتاكسد وقد تنتج بعض الغازات غير المرغوب فيها |
لمن تكون مليانة بتنتج غازات مرغوبة فيها من ياتو نوع؟.
Quote: واحد بيدق في مرته وهي تكورك عليك الله ما دقني حلفتك ما دقني وجاء واحد ماري وسمع الكواريك قال للراجل يازول المراه بدقوها باختها الرجل ما فهم حاجه قام طلع ليه بره قال ليه قصدك شنو قامت مرته جات جاريه وجرته قالت ليه يا راجل تعال كمل دقك ما تسمع كلام المجنون ده |
نكتتك دي يا اخوي بيعرضك إلى عدد من المواد منها إنتهاك حقوق صراخ النساء الخلا الماري دا يسمع كوراك المرا ديك شنو؟. Quote: اها دي بايخه ذيي كده ولا لا |
بعرف نفسي بس مسيخ ...لكن البياخة بيحكو عني الآخرين..
| |
|
|
|
|
|
|
Re: أحسن طرفة عن النساء... الموافقني يوقع هنا (Re: GeerTor Tong)
|
Quote: يا سلام عليكي يا بنت الحسين... كدا احسبي لي كم ح تخرب إذا كانت النساء يطلبن الطلاق بسبب الكذب.. كدا وريني انتي متزوجة واللا لا؟ كان متزوجة تكوني بتكضبي لينا هنا... لو ما متزوجة يبقى لسه ما لقيتي ليكي كضبة كدا عجبتك |
والله انا مافهمته اي حاجه في الغلوتية دي هههههههه.. لكن بحمدالله متزوجة... شكرا ليك.. وتحية
تعرف.. الكذب انا ما بتهاون فيه ابداً.. لكن في زول ممكن يكذب ويخجل من كذبته، ويضاريها جاي جاي.. ويحاول كل جهده انها ما تتكشف.. يعني خجلان منها، وشايفها عيبة... وفي زول.. زي زولك ده.. على عينك يا تاجر، شايف فضيلة في كذبه.. وشايف انه it is ok to lie .. وان يخلعها الخلعه دي كلها عشان ما تزعل لوفاة ابوها.. اها النوع التاني ده، المابستحي ده.. ما بنفع معاي.. لانه ده بفتكر انه الكذب جزء طبيعي ومكمل للحياة.. وانه وسيلة تبرر غايات كتيره...
رمضان كريم .. وشكرا ليك
بنت الحسين
| |
|
|
|
|
|
|
Re: أحسن طرفة عن النساء... الموافقني يوقع هنا (Re: مريم بنت الحسين)
|
Quote: والله انا مافهمته اي حاجه في الغلوتية دي هههههههه.. لكن بحمدالله متزوجة... شكرا ليك.. وتحية |
والليلة... يعني انتي واحدة من ضحايا الكضبة عشان كدا.... بس انا زاتي متزوج لكني صدقت كلام بعض النساوين اللي بيقول الله خلق الرجل يكضبوا والنساوين يصدقن.. اها منو الكضاب:الرجال واللا النسوان؟ مع تحياتي قير تور
| |
|
|
|
|
|
|
Re: أحسن طرفة عن النساء... الموافقني يوقع هنا (Re: GeerTor Tong)
|
نكتة رائعة جداً.... وبكرة جمال حسن سعيد يجي يعملها ليك أسكتش أول أمس شاهدت أسكتش كان نكتة أو قيل بأنه حدث بالفعل بالمملكة (سمعتها في الثمانينات وقرأتها في إحدى الصحف حينها" لذلك الزوج الذي تلقى تلغراف من أخو الزوجة مفاده "الوالد توفى - البركة في الجميع" فظن أن والده توفى وصادف أنه بمقر عمل الشركة التي سارعت بالإجراءات وحجزت له في نفس اليوم للحاق بالطائرة فأخبر زوجته أن والده توفى ... والزوجة بدأت هندام عالي بإختيار أجمل اللباس ثم الذهب وإعادة نقش الحنة وغيرها من الميك آب ... والزوج تضايق من هذه الفعلة وتأخيرها ...وخاصة أن أبوه هو الميت ... فكانت تردد على إحتجاجاته بعبارة "الحي أبقى من الميت" أو " الحي أفضل من الميت" لتصل مطار الخرطوم وتفاجأ بالمستقبلين أن المتوفي أبوها وليس أبوه ... وهاك يا دردقة في التراب ... وزوجها يرفع فيهامن الأرض قائلا لها "الحي أبقى من الميت" ----- يا قير بعض النساء السودانيات يستاهلن الطريقة دي ... البكاء بتاعهن زعاق وكواريك ووب علي وكر علي وتلم فيك الخلق والعالمين ... عندنا زميلتنا في الجامعة جاء تلغارف بوفاة عمها - صاحبنا ليبي كان معانا سمع الخبر وجري ليها ... "البركة في رأس عمك" ... لمت فينا الخلق ... وبهدله وبكاء لدرجة التشنج ... مافي صبر ... والجزع بتاع السودانية نوعه آخر ... نحن مجتمعنا غير متصالح مع الموت وما عارف قيمة الموت وفلسفته التي تقوم على أنه إستمرار للحياة....
دي الحقيقة راجيا عدم زعل الأخوات ....
| |
|
|
|
|
|
|
Re: أحسن طرفة عن النساء... الموافقني يوقع هنا (Re: Abd Alla Elhabib)
|
Quote: يا قير بعض النساء السودانيات يستاهلن الطريقة دي ... البكاء بتاعهن زعاق وكواريك ووب علي وكر علي وتلم فيك الخلق والعالمين ... عندنا زميلتنا في الجامعة جاء تلغارف بوفاة عمها - صاحبنا ليبي كان معانا سمع الخبر وجري ليها ... "البركة في رأس عمك" ... لمت فينا الخلق ... وبهدله وبكاء لدرجة التشنج ... مافي صبر ... والجزع بتاع السودانية نوعه آخر ... نحن مجتمعنا غير متصالح مع الموت وما عارف قيمة الموت وفلسفته التي تقوم على أنه إستمرار للحياة.... |
اخ othman.. والله صح كلامك...لكن انا ما فهمته كده من النكته.. انا فهمته انه عايز وقع الخبر يكون خفيف عليها.. (حُسن نية شديدة!).. اعتقدت انه عايز يساعدها على الخبر التقيل.. اتاريه خايف من السكليبه!
| |
|
|
|
|
|
|
Re: أحسن طرفة عن النساء... الموافقني يوقع هنا (Re: othman mohmmadien)
|
Quote: يا قير بعض النساء السودانيات يستاهلن الطريقة دي ... البكاء بتاعهن زعاق وكواريك ووب علي وكر علي وتلم فيك الخلق والعالمين ... عندنا زميلتنا في الجامعة جاء تلغارف بوفاة عمها - صاحبنا ليبي كان معانا سمع الخبر وجري ليها ... "البركة في رأس عمك" ... لمت فينا الخلق ... وبهدله وبكاء لدرجة التشنج ... مافي صبر ... والجزع بتاع السودانية نوعه آخر ... نحن مجتمعنا غير متصالح مع الموت وما عارف قيمة الموت وفلسفته التي تقوم على أنه إستمرار للحياة.... |
كدا يا عثمان ورينا المعانا في المنبر جزء من (البعض) واللا لا؟
| |
|
|
|
|
|
|
Re: أحسن طرفة عن النساء... الموافقني يوقع هنا (Re: GeerTor Tong)
|
Quote: لمن تكون مليانة بتنتج غازات مرغوبة فيها من ياتو نوع؟ |
منو القال ليك بتكون مرغوبه؟ شفت ليك غاز مرغوب قبل كده؟ لكن ممكن اوريك انواع الغازات لمن تكون المصارين مليانه بالاتي 1-مليانه كبكبيه= غاز ميثان 2-مليانه بليله دخن= غاز اصفران لقتل الجعران 3-مليانه عصيده بملاح روب =غاز الووب والتوبه لي حبوبه 4-مليانه ملاح ام رقيقه=غاز مسيل الدموع والمخاتيت 5-مليانه لوبيا=غاز سد نخرتك واكتم نفسك كفايه ولا في رغبه الي المزيد
Quote: بعرف نفسي بس مسيخ ...لكن البياخة بيحكو عني الآخرين.. |
والله ما عارف اقول ليك شنو, غايتوا قالو العارف عزو مستريح كذلك الفاكي غازاته تحياتي ابوالزيك
| |
|
|
|
|
|
|
Re: أحسن طرفة عن النساء... الموافقني يوقع هنا (Re: GeerTor Tong)
|
Quote: في مغتربات كتيرات هنا طالبات يدك في الحالة دي..
|
من بؤاق لباب السماء يارب, بس مغتربات اوربا ديل متعبات مافي من الخليج؟؟ بالجد بالجد
Quote: لكن بيني وبينك كلامك دا كلام زول شبعان عديل كدا |
ليه يعني المخليك متاكد اوي كده, انت شميت حاجه ولا جابوا ليك بعدين انا باكل ياسمين وفل وحاجات حلوه بس ياخ وحياتك رمضاننا طوله اليوم بيومن هنا , غايتوا دي اخر سنه نصومه في البلد دي الخليج جايكم هواء معطر
| |
|
|
|
|
|
|
Re: أحسن طرفة عن النساء... الموافقني يوقع هنا (Re: محمد زكريا)
|
Quote: اخ othman.. والله صح كلامك...لكن انا ما فهمته كده من النكته.. انا فهمته انه عايز وقع الخبر يكون خفيف عليها.. (حُسن نية شديدة!).. اعتقدت انه عايز يساعدها على الخبر التقيل.. اتاريه خايف من السكليبه! |
أكاد أجزم من خلال النكتة أنه خايف من ذلك الأمر .... وهذا لا يعني أن هنالك صنف من نساء بلادي قمة الوعي ... ... نمط لنساء واعيات مثقفات ضربن مثلا رائعا للوعي ونفرن من قيود التقليد ... والمحاكاة للمشاعر المزيفة التي تعبيرها زعيق وصراخ وآهات ... غير صادقة ... تمثيل في تمثيل بس يا بنت الحسين .. وافر التقدير.
| |
|
|
|
|
|
|
Re: أحسن طرفة عن النساء... الموافقني يوقع هنا (Re: othman mohmmadien)
|
Quote: أكاد أجزم من خلال النكتة أنه خايف من ذلك الأمر .... وهذا لا يعني أن هنالك صنف من نساء بلادي قمة الوعي ... ... نمط لنساء واعيات مثقفات ضربن مثلا رائعا للوعي ونفرن من قيود التقليد ... والمحاكاة للمشاعر المزيفة التي تعبيرها زعيق وصراخ وآهات ... غير صادقة ... تمثيل في تمثيل بس يا بنت الحسين .. وافر التقدير. |
من الأشياء المؤسفة أن بيوت العزاء صارت معرض الأزياء النسائية وأغلى المجوهرات.
| |
|
|
|
|
|
|
| |