|
Re: ما بنصعــد برااانــــا .. (Re: معتصم دفع الله)
|
Quote: أبوحميد يا صديقي .. وأنت طيب وبألف خير .. وين الحي بيك ليك وحشة شديدة |
والله انا مشتاق ليكم لكن مشاغل وحركات بكري البعمله في البورد ده زهجتنا منو
لكن والله متذكر اتصل بيك بس الحياة دي بقت دافوري عديل كده لكن اهو نرجع نتنفس تاني ومكانك القلب
| |
|
|
|
|
|
|
Re: ما بنصعــد برااانــــا .. (Re: مزاحم الضوي)
|
Quote: التحية من داخل المقبرة ليتكم كنتم معنا قبل قليل وصلت المظاهرات الاحتفالية لمنزل الوالى بحى الصفا من هتافات الجماهير قون ايفوسا حلو حلا |
يا سلام يا باشمهندس مزاحم .. بالله أنقل لينا التفاصيل من هناك .. نحن في شوق للهتافات والمسيرات الهلالية التي تجوب الشوارع .. والفرح الذي يعم الجميع والوطن ..
خالص التحايا والتهاني ..
| |
|
|
|
|
|
|
Re: ما بنصعــد برااانــــا .. (Re: ALGARADABI)
|
مبروك يا قرضابي وتهانينا القلبية ..
ياخي ربنا يحفظ لينا سيدا وأخوان سيدا .. أي كورة تطلع من رجله سيمفونية إبداع .. وأبوالنسب زاتو اليوم ما قصر كان نجم فوق العادة .. و (العجب) قون إيفوسا ياخي دا بتاع حرقة ساااي
| |
|
|
|
|
|
|
Re: ما بنصعــد برااانــــا .. (Re: الشيخ صالح محمد)
|
Quote: الكأس ثم الكأس هو التحدي |
الله يبارك فيك يا الشيخ .. ونحن لا نرضى بغيره .. آن لأسياد البلد أن يأتوا بكأس بطولتهم المحبة والتي إستعصت عليهم طويلاً .. رغم باعهم وريادتهم الطويلة في هذه المنافسة .. كل الأمنيات لسيد البلد بتحقيق هذه البطولة وحصولهم على كأسها ..
تحياتي ..
| |
|
|
|
|
|
|
Re: ما بنصعــد برااانــــا .. (Re: معتز مقبول)
|
Quote: المحموله جوأ دي معروف اسياده!!!!!! بصراحه اعترفو. |
كيفك يا معتز .. وهاردلك الخسارة والخروج من بطولة الكبار .. تعالوا السنوات الجاية بعد ما تكونوا عرفتو بطولة الكبار شنو ..
قلت لي المحمولة جواً دي عندها أسياده .. بدليل شنو عليك الله .. ياخي الكلام دا حصل ليهو 20 سنة وتاني غير الهزائم داخلياً وخارجياً جانا منكم شنو .. آخر بطولة وقلتوا حقتكم جاء التاكسي شاله وطار عارف صديقنا المريخابي قال لي شنو .. والله نحن ما خايفين نطير بس خايفين منكم تجيبوا الكأس .. كااااااااك ..
وإعترفنا بالتلاتة الحلاتة .. وبأن التصنيف ما بدي حريف .. قال أول المجموعة قال .. الطيش دي عيبوها لي
تسلم يا حبيب .. وهاردلك ..
| |
|
|
|
|
|
|
Re: ما بنصعــد برااانــــا .. (Re: فتحي الصديق)
|
يا سلام يا فتحي .. كان نصر عظيم وجميل أسعد كل قاعدة سيد البلد .. لا شي غير الكأس والصعود لوحده لا يكفي .. لابد من تضافر الجهود والعمل بجدية أكثر لنيل كأس هذه البطولة المحببة ..
ألف ألف مبروك يا صديقي ..
| |
|
|
|
|
|
|
Re: ما بنصعــد برااانــــا .. (Re: الشيخ صالح محمد)
|
يا نصعد برانا يا نطير الاتنين التلاتاء كيف ؟
اهداء خاص لجمهور الكفوه :
جن ماشات تلاته فيهم زولتى ذاتا ترفع فى حويجباتا ارسل ليها هيثم يشيلا بالمازدا من الدورى داكا وكاكا
معتصم يا ازرق يا مجنون مليون مبروك
| |
|
|
|
|
|
|
Re: ما بنصعــد برااانــــا .. (Re: ادريس خليفة علم الهدي)
|
مبروك يا معتصم الهلال جاب قونين من اجمل ما يكون نتمنى كمريخاب الهلال يشيل الكاس اهم حاجة ما يقابل مازمبي في نصف النهاية لانه لعيبتكم باللياقة الشفتها انا دي مع مازمبي بتشربوا الزيت لكن لو قابلوه في النهائي يمكن حرارة قلب ساكت تجيبوا الكاس بس بي لياقتكم دي ما بتاكلوا عيش اتمنى مدرب الهلال ينتبه للحتة دي خصوصا انه اثبت انه مدرب كبير وعرف يوظف امكانيات لاعبيه كويس المريخ على مستوى الافراد افضل بكثير من الهلال لكن عندنا مدلاب لا يصلح حتى لتدريب الجنادب
| |
|
|
|
|
|
|
Re: ما بنصعــد برااانــــا .. (Re: Osman Musa)
|
سلامات وعوافي والله يا معتصم الفرحة حمتني النوم .. ياخي الليلة مدرب الهلال داعمل ليهو عملية يمكن لي اكتر من عشر سنوات ماشفتها في هلال مريخ.. التغييرات داخل الميدان ادتني احساس بي انو الهلال اجرى 5 تعديلات .. عندما اخرج كابوندي المدافع الايسر رجع سيف للطرف اليمين وحول خليفة للطرف الشمال ونزل ايفوسا يلعب خلف المهاجمين من الناحية اليسرى.. الحاجة التانية العجبتني المدرب اطلاقا ما كان داير من سادومبا يحرز اي هدف لو لاحتظتو للحتة دي سادومبا بس قاعد يسقط في الكور للاعبي النص وحتى امبيلي لم دخل برضك تحركاته ماعدا لانفراد بتقول انو لقصد شغل عمق دفاع المريخ لخلق ثغرات تمكن لاعبي الوسط من التهديف .. لكن برغم النتيجة انا عندي راي كبير في اداء لاعبي الوسط في الهلال في حالة اللعب مان تو مان والضغط علي حامل الكرة .. مثلا الدافي دا رجل مزعج جدا كان حريا بلاعبي الوسط ان يضغطو عليه في قبل وصول الكرة اليه ..لكن كل الكور الاستلما الدافي كانت خطرة علي الهلال وواحدة من تحركاته نتج منها هدف التعادل والتانية الكزرة اللعبا من داخل الخط لخارج الخط وقابلها موسى الزومة لينجح المعو في اخراجها من مقص المرمى .. اتمنى انو الجهاز الفني ينتبه لي حتة اللعب الضاغط دي لانو صدقني في المرحلة القادمة مهمة جدا جدا .. الخطأ الوحيد الذي استغربه للمدرب هو اشراك مهند الطاهر فمهند بعيد جدا عن مستواه في الفترة الماضية دي .. والمكيفني انو بدايل الهلال في كل الخطوط جاهزة سواء الدفاع او الوسط او الهجوم ... ويارب يارب يارب الهلال يتوج بالكأس .. امين يارب العالمين .. مليون مبروك لعشاق الموج الازرق..
| |
|
|
|
|
|
|
Re: ما بنصعــد برااانــــا .. (Re: abdalla osman)
|
Quote: الحمام صاعد يا أبوالسيوف حسب مقولة المخدراتية جماعة حوووصة |
ههههه.. والله يا مووو .. فنجرية ساكت حقو .. تسوقوهم معانـا ياخ دا رش عجيب جدا .. رش عجيب جدا .. جدا .. جدا مبروووك لي ابو الهــل .. الف مبرووك بعدين شايف جماعتك مسكو في حيطة المبكى .. وفي الرهيفه .. قاليك شنو..؟ قاليك إن شاء الله تجيبو الكاس .. لالا كدي خلونـا من مسالة الكاس دي بي الجمبه .. إنتو حسسسع دي ما الكاس كان قدامكم .. وفي النهائي وقاد في المقصورة .. جو لمو فيكم بتاعين التاكسي ركبوكم التاكسي .. نحن نرجمكم . رجم زي دا .. في ذكرى خالده زي حداشر سبتمبر دي دا كاس براهو .. بعدين نجيب كاس ما نجيبو .. دي حاجة بترجع لينا . إنتو بس كدي ابكو وقشقشو لينا دموعكم .. واقعدوا هواك اتفرجوا .. عليك الله يا موووو متعني .. واي صهيوني يجيك داخل مدردق هنا دا .. حولو العناية المركزة .. وركب ليهو اوكسجين .. ضرب امس دا بيحتاج لي اوكسجين شديد ..
| |
|
|
|
|
|
|
Re: ما بنصعــد برااانــــا .. (Re: tmbis)
|
شكراً للأخ إبراهيم الرشيد على الصورة ..
ضلنا دا نسوقو وين يا تامبا .. ديل يقعدو هنا دا يلعبو في محليتهم دي .. مبكى وين والله المره دي حدهم لوزان زاااتو .. ما عندهم غير الفرمالة دي قال جيبو الكأس .. إنتو مالكم ومالنا كأس ما دايرنو كفاية التلاتةالحلاتا .. كدي شوف الجنازة دا حارسنها كيف .. القدامهم داك شالوهو منهم ناس التاكسي وقعدوا يساككو في الإعارة والشكوى والدي إتش إلـ .. كاااااااااك كبيرة يا صاحبي .. الذكرى بقت ذكرتين 11 سبتيمبر وووب علينا يا قول أميرة الشيخ ..
Quote: عليك الله يا موووو متعني .. واي صهيوني يجيك داخل مدردق هنا دا .. حولو العناية المركزة .. وركب ليهو اوكسجين .. ضرب امس دا بيحتاج لي اوكسجين شديد .. |
أنا غايتو من هسي حولت ليك الحالات المستعجلة دي .. بس بالله أعمل حساب البنج والتخدير دا عنده ناسه ( حوووصة ) مثلاً ..
| |
|
|
|
|
|
|
Re: ما بنصعــد برااانــــا .. (Re: ودرملية)
|
يا سلااام .. معقول ود رملية هنا .. إزيك يا صاحب شنو الدنيا دي أخدتك مننا .. كيف أخبارك والشوق كميات ..
عارف يا عبدالرحيم أجمل ما في كامبوس إنو عارف بيعمل في شنو رغم إنو الزول دا غاظني بإحتفاظه بمهند الطاهر للشوط الثاني ياخي دا المفروض ما يكون ضمن التشكيلة زاتو .. مهند للأسف ما رجل المرحلة وفنياً غير جاهز هو وزميله كاريكا بالرغم من حبي له .. الحاجة التانية التغييرات داخل الملعب ودي للمره الثانية ينجح فيها قبل فترة برضو عمل نفس العملية ودي بتأكد إمكانياته الكبيرة وقدرة لاعبيه على إستيعاب طريقته وتنفيذها وتوظيفهم التوظيف الصحيح ولعمري دي الإحترافية بعينها .. الزول دا من ما جاء الهلال يلعب ويجرب ويوظف وخلق بدائل في فترة وجيزه ودخل قلوب الجماهير الهلالية من أوسع أبوابها .. في مباراة كانو بنيجريا شعرنا بهلال مختلف يمكن أن يهزم أعتى الفرق وفي بلدها وهذا هو الفريق الذي نحتاجه فريق عنده القدرة على الفوز وتغيير النتائج وإحراز البطولات ..
Quote: لكن برغم النتيجة انا عندي راي كبير في اداء لاعبي الوسط في الهلال في حالة اللعب مان تو مان والضغط علي حامل الكرة .. |
للأسف دا عيب في اللاعب السوداني وقليلون من يجيدونها .. علاء الدين يوسف اللاعب الوحيد البجيد الضغط على حامل الكرة لذلك ينال إنذارات كثيرة ولو كامبوس إشتغل معاهو ح يكون له شأن كبير في كرة القدم .. في مباراة منتخبنا مع غانا لاعبونا كانوا يتفرجون على لاعبي غانا وهم يتناقلون الكرة لا أحد يضغط ولا أحد يقطع ولا حتى شفنا فاول تكتيكي واحد إلا علاء الدين يوسف ونال منه إنذار مع فدائية سامي عبدالله وجسارته في تعامله مع المهاجمين .. ولو أننا شاهدنا التكتيك الذي يلعب به كامبوس وظهر في لاعبي الهلال تعاملهم مع المباريات الكبيرة بتكتيك عالي وطرق مختلفة في اللعب .. كلامك عن سادومبا وإمبيلي بعد دخوله كلام صحيح وحتى ذكره فوزي المرضي أمس في برنامج عالم الرياضة بالحرف وقال من يحرز الأهداف في الهلال .. أي لاعب من الخلف ممكن يحرز الأهداف المدافعين قبل المهاجمين وقد شاهدنا ديمبا وأسامة التعاون وحمودة بشير ومن الوسط مساوي وهيثم وعمر بخيت أخيراً .. دا شغل جميل وهو التيم ويرك وجماعية اللعب ولا مركزية اللاعبين ..
Quote: ويارب يارب يارب الهلال يتوج بالكأس .. |
يا رب يا رب وبركة هذا الشهر الكريم الهلال يفوز بهذه البطولة .. لأنها دافع كبير له وللكرة السودانية ووضعها في مكانها الصحيح وعودتها للريادة .. لأن هذه البطولة تعد الأهم من بين الدوريات ونيلها فيه مكاسب كبيرة مادية ومعنوية .. اللهم أنصر الهلال ..
وآلاف التبريكات والتهاني لعشاق الموج الأزرق ..
| |
|
|
|
|
|
|
Re: ما بنصعــد برااانــــا .. (Re: Osman Musa)
|
عثمان موسى يا صديقي .. سلام وشوق شديد وألف مبروك لسيد البلد ..
التلاتة حبات ديل عند اللزوم تاني نعمل ليهو شغل الكمدة بالرمدة أو العلاج بالصدمات .. قلت لي التلاتة حارات .. والله أنا زاتو وجعوني حتى حموني النوم زاتو ..
تحياتي يا حبيب ..
| |
|
|
|
|
|
|
Re: ما بنصعــد برااانــــا .. (Re: طارق جبريل)
|
طارق جبريل يا صاحب .. هاردلك لكم الخسارة تعوضوها في الجايات ..
أول حاجة لطريق البطولة ونيل كأسها هو تساوي كل الفرق في الأهمية بالنسبة للهلال .. أنا ما عايز إحساس اللعب مع مازيمبي يدخل لقلوب اللاعبين ولا أنكر قوة مازيمبي ولكن في النهاية هو فريق كرة قدم يتكون من 11 لاعب .. وأي فريق يصعد لدور الأربعة عينه على الكأس وهنا بتتوفر الفرص للجميع وتبقى الأهمية متساوية .. وأذكرك بنهائي 2007 ومواجهة النجم الساحلي والأهلي المصري وهزيمته في مصر ونيل كأس البطولة .. أما عن اللياقة فالصيام كان له تأثير مباشر على اللاعبين .. الهلالاب يملكون الدافع القوي للمضي قدماً في هذه البطولة وإحساسهم بالمسؤلية ظاهر في طريقة أدائهم .. نعم مدرب الهلال شاطر ويملك الحلول لتغيير مجريات اللعب وعنده بدائل على مستوى عالي في إعتقادي أنه محتاج لمزيد من الجهد للإرتقاء بالفريق ..
يديك العافية يا حبيب ..
| |
|
|
|
|
|
|
Re: ما بنصعــد برااانــــا .. (Re: معتصم دفع الله)
|
Quote: واهم من كان يظن أن سيد البلد لن يصعد لمربع الكبار ..
ولا عزاء لبتاعين التخدير والشتِل ..
فرحة الهلال امس ذكرتنى العيد..ولمتنا الجميلة...
شعور الأنتصار ده جميل والجميل ان يكون معكم..وفى بيت زول جميل ربنا يحفظو يارب...
عمران كان مخطط لهذا اليوم للمة اكبر عدد من ألأحباب..إفتقدنا عمر الفاروق.. بالجد..
تمبس كعادته لايستطيع مشاهدة مباريات الهلال...
أيمن.وحميدة..جملتو القعده..مع وجود ضيفين واحد هلالابى وواحد مريخابى قدر قونن الجابو...
الحمدالله الذى وفقنا لهزيمة الجماعة ديل لسانهم طويل فى الفاضى.....
طلعنا منكم والله من الفرح الشارع ما عرفتو بوين......مودتى الشديدة........إسماعيل محمد احمد عباس...
| |
|
|
|
|
|
|
Re: ما بنصعــد برااانــــا .. (Re: ismeil abbas)
|
Quote: . المحموله جوأ دي معروف اسياده!!!!!! بصراحه اعترفو. |
يا معتصم هسي دي حالة شنو دي ! ؟ الزول ده صحو هوووووو - لسه عايش علي المحموله - !
،،،،،،،،،،،،،،،،،،،،،،،،،،،، يا معتصم مبروك تفطيس الفطيس - طبعا ده عااااااادي جدا
| |
|
|
|
|
|
|
Re: ما بنصعــد برااانــــا .. (Re: abdulhalim altilib)
|
أضرب أي تلاتة أرقام في أي عدد يعجبك دي تهانيا ليك يا ليمو .. والله تستاهلوا الفرح على الدوام يا أهلة .. تستاهلوا الكأس وتستاهلوا تتسيدوا أفريقيا كلها طالما إنتو أسياد بلد .. عجبوني أولادنا وسروا بالنا ..
تحايا ومحبة ..
| |
|
|
|
|
|
|
Re: ما بنصعــد برااانــــا .. (Re: جمال السنوسي)
|
يا جيمي .. موووش في واحد كده صاحبنا إسمه حوووصة قال .. القطن والشلف ما أختلف وشنو شنو كده ما عارف .. والمريخ بمن حضر والدريم تيم ووررووووووك .. طبعاً صاحبنا حوووصة دا فاتح ليهو مستشفى عديل كده للتخدير .. وشغال شتل شديد .. قام قال للجماعة بعد ما التاكسي جاء شال منهم الكاس وشتت .. نقبل على الهلالاب ديل نزعزع ليك منامهم .. لكن نسى صاحبنا إنو في الهلال شفوووت والله يودوك سكة اللي يروحش ما يرجعش زي ما بقولوا أولاد بمبة .. أها شبك ليك الجماعة الإعارة وأمولادي والإتحاد النيجيري ومرقه لا عند بوليفيا كمان .. وكت قنع قبل على الشكوى قال ليهم تشتكوا طوالي .. جماعتك مساكين ما ناقشين حاجة .. أها قوم يا ناس الإتحاد الأفريقي أرفضوا الشكوى ( شكلاً ) بالله في داعي للفضائح دي .. شكوى ما بعرفوا يكتبوها .. عماد الطيب قال ليهم تعالوا نديكم دروس في محو الأمية لله كده ساي .. ولسه شغالين شتل في شتل .. لغاية ما أولادنا شتلوا ليهم تلاتة شتلاتة في رأسهم الماكن دا ..
ياخي ألف مبروك يا حبيب ..
| |
|
|
|
|
|
|
Re: ما بنصعــد برااانــــا .. (Re: ياسر بيناوي)
|
Quote: داخل يهدي جمهور الصفوة عشان مايفلق وللا موهيك |
باقيلك كده يا ياسر .. ياخي كان اللعيبة ما بسمعوا كلامو الجمهور يسوي شنو .. والله دا غير ( يردمو ) ليك حجار ما بعملو ليهو حاجة ..
ألف مبروك يا حبيب .. وسلام شديد ..
تحياتي ومحبتي ..
| |
|
|
|
|
|
|
Re: ما بنصعــد برااانــــا .. (Re: soma)
|
الحنينة بت أمي أسماء .. الشوق نيلين .. والبركة في الطلة ورجوعك لينا ..
Quote: قولى لى شتات وتمبس عاد الفرحه دى كان ما عرستوا فيها اتلوموتوا تب |
المفروض أهل العروس يقولوا تب ما دايرين مهر غير التلاتة الحلاتة والكابلي كان عارف كان يقول بدل قمر دورين تلاتة .. وأنا شفتك وين يا حافظ دخلت بين وين .. لا لا يا سوما تاني الشيلة أي حاجة تلاتة تلاتة .. والعرس يكون في يوم 3 واليوم زاتو تلاتاء .. والفناين تلاتة والعروس حلاته ..
إن شاء الله دائماً بالفرح مليانة والسعادة ما تفارقك يا رب .. ألف ألف مبروك ودي عايزه ليها قصيدة كاااربة .. تحياتي للفاتح والأولاد ..
محبتي التي تعلمين ..
| |
|
|
|
|
|
|
Re: ما بنصعــد برااانــــا .. (Re: Maawya Hussein)
|
يا سلااام عليك يا معاوية .. ألف ألف مبروك يا صاحب .. متعتني بالصور دي ياخ الله يسعدك .. بالجد هلال يسر العين ويدخل البهجة والسرور لكل الوطن .. ما أجملك يا هلال .. ما أروع عزفك وطربك .. كل اللاعبين كانوا أبطال بالأمس لعبوا بمسؤلية كبيرة وعينهم هناك على الكأس .. عقبال ما يشرف الديار ونسعد كلنا .. واصل في تحليلاتك ونحن معك إن شاء الله ..
تحياتي ومودتي ..
| |
|
|
|
|
|
|
Re: ما بنصعــد برااانــــا .. (Re: ismeil abbas)
|
Quote: فرحة الهلال امس ذكرتنى العيد..ولمتنا الجميلة... |
ما دا العيد زاتو يا إسماعيل .. إنت قايل العيد شنو غير الفرحة .. ولمة ناس في فرح .. زي لمتنا بتاعت أمس دي في منزل أخينا عمران العامر دوماً إن شاء الله .. أنا غايتو مباراة ما تكون حاضره معانا ولا بمشي عليها .. بنتفاءل بيك ياااخ
Quote: الحمدالله الذى وفقنا لهزيمة الجماعة ديل لسانهم طويل فى الفاضى..... |
غايتو جماعتك ديل لسانهم بلعوهو .. تاني خليهم يجو بدري ..
Quote: طلعنا منكم والله من الفرح الشارع ما عرفتو بوين |
مني ومنك كان توقف عربيتك وتسأل أي زول في الشارع تقول ليهو .. بالله ياخينا ورينا شارع الفرح حي الهلال .. طوالي بوديك ليهو
ألف ألف مبروك يا صاحب .. إن شاء الله دائماً بالفرح مليان ..
| |
|
|
|
|
|
|
Re: ما بنصعــد برااانــــا .. (Re: معتصم دفع الله)
|
Quote: ألف ألف مبروك يا صاحب .. إن شاء الله دائماً بالفرح مليان .. |
وانت كمان يا ابوعمر...إنت مش ملاحظ نحن عمر ده الله يحفظو من ما جاء مارق أمورنا إتصلحت...يا أخى زى ما بقول تمبس وعمر الفاروق الله وفقك فيهو الولد ده...
إنت قايل يا معتصم انا خفت شفت الزحمة فى الشوارع قلت الناس مرقو من ألأستادوللا شنو؟؟ إتخيلت نفسى فى ام درمان وطالع من ألأستاد بعد مادفنا المرحوم...
يا اخى ضحكتنى والله..الله يديك العافية..فعلآ العيد ما ياهو الفرح ولمة ناس حلوين زيكم..الله يديم الفرح يارب......غايتو مباراة يوم العيد أحضروها براكم...والله معاكم...
تسلم يا معتصم على كلامك الجميل.....مودتك.....................إسماعيل محمد احمد عباس....
| |
|
|
|
|
|
|
Re: ما بنصعــد برااانــــا .. (Re: د.محمد حسن)
|
Quote: تم طردي من بيت السيد وزير الري بعد توقف الراجمات باصفارة الحكم يعني الليلة فاطر مع البنغالةفي خيم الجوامع |
والله ما رضيناها ليك يا دوك .. غايتو بيني وبينك إدريس ضرب لي بعد الكورة قال إن شاء الله ما تنفعكم تاني لما تجي تحضر كورة أضرب لي بنوريك الدرب ولا أقول لي أسأل إدريس ..
ألف مبروك يا حبيب ..
| |
|
|
|
|
|
|
Re: ما بنصعــد برااانــــا .. (Re: ismeil abbas)
|
Quote: وانت كمان يا ابوعمر...إنت مش ملاحظ نحن عمر ده الله يحفظو من ما جاء مارق أمورنا إتصلحت...يا أخى زى ما بقول تمبس وعمر الفاروق الله وفقك فيهو الولد ده... |
صباحك زين يا إسماعيل .. ياخي عمر دا وش السعد علينا ربنا يخليهو ويحفظه .. إن شاء الله دائماً الهلال منتصر وفائز ..
Quote: إنت قايل يا معتصم انا خفت شفت الزحمة فى الشوارع قلت الناس مرقو من ألأستادوللا شنو؟؟ إتخيلت نفسى فى ام درمان وطالع من ألأستاد بعد مادفنا المرحوم... |
تخيل أنا زيك طلعت الشاعر لقيتو زحمة وقلت خلاص الناس دي كلها طالعين معانا فرحانين بفوز الهلال .. صورت الشارع دا كلو على إنو هلالاب فرحانين شفت الكلام دا كيف ..
تسلم يا صاحب ربنا يديك العافية ..
| |
|
|
|
|
|
|
Re: ما بنصعــد برااانــــا .. (Re: Mahassin Ibrahim)
|
Quote: دا لا ينفي أن المريخ عظيم ولا يستحق ان يكون جنازه |
إزيك يا محاسن .. كيف عاملين مع رمضان .. هاردلكم الهزيمة وإن شاء الله المره الجاية تكونوا احسن .. بلا شك المريخ فريق عظيم ونحن لا نقول غير ذلك وستظل المناكفات بيننا في إحترام وود .. وأتمنى أن لا تغادر مكان ما وصلت إليه من تردئ وسوء سلوك بين محبي الفريقين .. بل أتمنى أن تعود الروح السمحة بين الفريقين ومشجعيهم وأن يظل الود موصول ..
شكراً ليك يا ذوق .. وسلام وشوق شديد ..
| |
|
|
|
|
|
|
Re: ما بنصعــد برااانــــا .. (Re: مجدي عبدالرحيم فضل)
|
Quote: ونبارك ليكم يوم تحملوا كأس البطولة |
يا سلام عليك يا أبوقصي .. ياها دي الروح السمحة وياها دي الرياضة .. الكورة غالب ومغلوب ويوم ليك ويوم عليك لكن البقنع الديك منو .. البطولة لن تتوقف لغاية هنا السنة الجاية جولة تانية نتمنى ليكم التوفيق .. وإن شاء الله نجيب الكأس ونسعد بيهو أهل السودان كلهم ..
تحياتي ليك يا زول يا جميل .. ولك خالص الحب والمودة ..
| |
|
|
|
|
|
|
Re: ما بنصعــد برااانــــا .. (Re: معتصم دفع الله)
|
العزيز معتصم
اولا الف مبروك
تعرف مواعيد المباراة كان قبل الفطور عندنا بربع ساعة الواحد كان متعشم في ناس العجب ديل
لكن مازدا ديم شكله متعود على التلاتات ،،،،،
بس انشاء الله الهلال يجيب الكاس والساعة ديك صدقني بنفرح بالجد ليكم
| |
|
|
|
|
|
|
|