|
|
|
 Re: إستمتعوا يا هلالاب العالم ............ شاهدوا أهداف دفن الوصيف بالمقبرة (Re: عمران حسن صالح)
|
تعليقات لاذعــة ( يمكن لازعة ما متأكد ) .... من شريط قناة هارموني ..
- الدفن في المقبرة ليكم مفخرة .. كاك
- مريخنا فوق والماعاجبو يقع البحر ( احترموا الشريط الإعلاني ) ..
- مليون دباب خلف الأرباب
- تلاته حلاته وباركوا لي عربيتي المازدا
- هلال شوال هل قبل الموعد
- جمال الوالي أخد جائزة نوبل للصبر
- الليلة المريخاب ما بتعشوا ، بكرة الفطور الساعة تلاتة .. كاك
- تصوموا وتفطروا على تلاته بلحات
| |
 
|
|
|
|
|
|
|
|
Re: إستمتعوا يا هلالاب العالم ............ شاهدوا أهداف دفن الوصيف بالمقبرة (Re: عمران حسن صالح)
|
العيد يوم 21 رمضان
< الدنيا عيد.
< عيدوا لانتصاره...اتقادموا ...امرقوا ..ادخلوا علي بعض...(الفوز مبارك عليكم).
< كل سنة وانت الهلال.
< كل عام وانت منتصر.
< كل يوم ..كل مباراة ...كل لحظة.
< افرحوا...وحدك يا هلال من يعطينا ذلك الفرح..من حقك..نفرح بيك...ونطلع شايلين في عيونا (فرحتك).
< نتوسم بيك ونتونس...نفلي الرملة..ونتسامر مع القمرة.
< وحدك انت..نتابهي بيك...نغالب بيك (القرفة)..ونكاوي بيك (الضل)..نرسمك ...نكتبك ...نشخبط اسمك في اي حتة..في الذاكرة والقلب ...والخدود الشاربة من لون الشفق.
< (يا وسيم الطلعة)..شال وجلابية وعمة ...وزول يغالطك في حبة عينك.
< (عريسنا سار البحر يا عديلة قطع جرايد النخل...يا عديلة)...سلمتنا للفرحة وما رجعت خليتنا.
< شاركتنا في اي حاجة...حتي ونحن في غفواتنا...كنت معانا يا هلال.
< عيدت لينا قبل العيد.
< طبيعي ان تقيف (ليلي) في خشم الباب...سنواتها لم تتجاوز الاربع سنوات ..لابسة فد نعال...تغالب (نعس) يحاصر عيونها العسلية.
< تحرد مقاطعها...وتبدل في كراعياتها ...كل مرة تقيف علي واحدة.
< طبيعي ان تمسك (ليلي) بي جلباب والدها..وهي تشد علي الجلباب فتطبع (يدها) في جلباب والدها الابيض.
< ابوها قبل ما يزيل البقعة التي تركتها علي جلبابها ينهرها.
< يا بنت مالك عاوزة شنو؟.
< ليلي تصيح بتقاطعات صوتها الطفولي : ابوي ..ابوي...جيب لي هدوم العيد (شعار الهلال).
< تعرف نحن في حلتنا ..قررنا نعيد بي شعارك ..الزي الازرق الكامل.
< شفع حلتنا (الشفوت) ديل عيدوا بالرقم (8) يا هثيم مصطفي.
< يا سيدا شفعنا الشفوت ديل لو جبت ليهم فانلة رقمها (27) بقولوا ليك ما عاوزنها...عشان كان بيلبسها هيثم طمبل.
< اولاد مفتحين...وقت يتشروا في الشارع ...تحلف تقول بيناتهم (فييرا).
< الشقاوة كاتلاهم.
< حبابك ...عيدت لينا قبل الناس...قسمناك في عيونا..شارع...شارع.
< قررنا نعمل كدا...ننشر (لونك) في كل البيوت.
< قررنا نطبع شعارك في شفع الحلة بدون فرز...ما فيهم طفل مريخابي كلهم يشوفوا العمى ما يشوفوا (السابعاب).
< السبعة عندهم متل (الحنضل).
< قرحناهم بي مصل (والي الدين) عندما كان يشخبط برشاقته حواسنا...خلانا فات ..قاعدين نتونس بيه.
< نتاقسم بيه الوقت ...وننتظر بيه (السحور).
< نشيل ونتقادم في بعض.
< يا والي الدين (حجزت) لينا القون ومشيت.
< يا سيدا...هل تسمعني...جبتوا لينا (العيد) قبل وقتو.
< في ناس ما صرفوا ..يعيدوا كيف..ما شافوا هدف عمر بخيت.
< سبقتوا العالم كله..خليتوا الهلالاب من الفرح زي (جنوي) المدرسة القالوا ليهم امشوا البيوت..الحصة الاخيرة فاضية.
< الاستاذ مافي.
< بقينا الواحد وقت يلقي ليه واحد تاني ..بطرف بيه برة الشارع وبقول ليه : العيد مبارك عليك.
< بجنب بيه ويقول ليه : كل سنة وانت ما وصيف.
< ان شاءالله الوصافة تطير.
< انتوا قايلين نفسكم ساهلين يا علاءالدين يوسف...صالحنا بيكم الزمن...عدلنا عبركم الظروف...بقينا نضحك من الاضان للاضان تقول صرفوا لينا بدل (ورغنة).
< تعرف يا عمر بخيت ...عندنا نسوان في الحلة خبزوا لانتصاركم..لبسوا جديد.
< قلت ليكم جبتوا لينا العيد قبل وقتو..قعدتوا تغالطوا.
< الله اتذكرت حاجة.
< دخلت في ضفوري ...مرقت من نفسي...انتوا (المريخاب) ديل عاوزين يعيدوا كيف بالنقطتين ديل؟.
< فضحتونا...احرجتونا ...انتوا (سيكافا) دي ما عاوزين تتطلعوا منها.
< وروني بس؟.
< كيف بتعيدوا بي نقطتين..دي بتستحملوها كيف؟.
< تقولوا شنو للناس في العيد...تصرفوا كيف؟...تعملوا ايه؟.
< مفروض قانون الحركة والمرور يمنعكم تعيدوا معانا..مفروض تواصلوا صيام.
< عالم عندها (نقطتين) وتتحدث في الكورة.
< عالم ما بتختشي.
< هسع يوم العيد..بتلبسوا جديد زي ما نحن بنلبس...بتشربوا شاي الصباح عادي زينا كدا.
< ما بتتحورجوا من بعض...وقت تقعدوا براكم ما بتقولوا ناس الهلال ديل جابوا ليهم فريق زي (الفل).
< ما بتتعقدوا واتحسوا بالضل.
< والله مفروض تشتكوا.
< مفروض (تتغاششوا) فينا تاني.
< اشتكوا في هيثم مصطفي..قولوا كيف يلعب وهو عندو (إلتهاب)..ما في احترام للالتهاب دا.
< قانون الفيفا يمنع اي لاعب عندو (إلتهاب) يلعب كورة ...المادة س 87 من قانون لوائح اللعب النظيف بتقول ليك اذا ثبت ان هناك لاعبا عنده إلتهاب مشارك مع فريقه في مباراة انتصر فيها الفريق صاحب (الالتهاب)..فان نتيجة المباراة تحسب عكسية لما انتهت عليه.
< وإلا اقول ليكم.
< اشتكوا في (ايفوسا)...قولوا اخوه الكبير عندو ثلاث كروت صفر ..مع ذلك ايفوسا لعب في المباراة.
< قانون (الكاف) بقول اذا كان هناك لاعب عنده اخوه الكبير بيلعب في فريق ما وعنده ثلاثة كروت فان هذه الكروت تحسب علي اخوه التاني اذا كان هذا اللاعب بيلعب في الهلال.
< يعني شكوى ايفوسا دي مضمونة.
< ما عاوزة ليها حاجة غير تتدفعوا الرسوم...بس ان شاءالله تعرفوا تكتبوها في البرد دا.
< نحن عارفنكم انتوا بتتلخبطوا في (البرد).
< وإلا اقول ليكم حاجة.. قولوا (امبيلي)..عندو ود خالتو عندو صاحبو بعرف ليه (روسي) عندو (رباط صليبي).
< الموضوع دا حسب لوائح اتحاد كرة القدم السوداني يعتبر مخالفة واضحة للدستور.
< الدستور عيشتو تطير...الدستور هسع الدخلوا شنو في الموضوع دا.
< اعمل ليكم شنو؟..انتوا كل مرة بغشوكم كدا وتصدقوا.
< هسع لو في واحد قال ليكم المريخ ما عندو نقطتين بتصدقوا.
< ولو في قال ليكم الهلال عندو نقطة واحدة..برضو بتصدقوا.
< انتوا اصلو بتصدقوا اي حاجة.
< لو في زول جاب ليكم (بطيخة) وقال ليكم اعارة (البطيخة) دي غلط ..دي ما بطيخة..دي تفاحة ..بتصدقوه.
< ولو في زول قال ليكم عمود الكهرباء دا بيلعب كورة زي الطلقة ويعتبر افضل مهاجم في المنطقة..برضو بتصدقوا واليوم التاني بتسجلوا (العمود) وتشطبوا امير دامر.
< هسع امير دامر ذنبو شنو؟.
< قولوا اي حاجة..ما تقعدوا كدا..غشوا الناس ديل..زي ما بتغشوها كل مرة.
< الناس ديل غلبانين بصدقوكم.
< بس انتوا اتكلموا..قولوا حاجة..ما تتمحنوا كدا...نحن المحنة دي ما بنرضاها ليكم.
< المحنة قبل العيد ما كويسة...شفعكم ديل ذنبهم شنو؟...عشان تمحنوهم معاكم كدا.
< انتوا موش قلتوا (ما بنطير برانا).
< عرفة من متين دا...ما بتطيروا براكم ليه؟.
< في سيكافا انتوا موش طرتوا براكم ...الحصل شنو يعني؟...في زول طار معاكم.
< في الاردن موش برضو طيرتوا براكم...في زول جاملكم في (الطيران) دا.
< هسع في الممتاز موش طيرتو...في زول طار معاكم.
< يمين هلال كادوقلي ما يطير معاكم.
< امشوا (اطايرو) بعيد مننا.
< السنة كلها تتطايروا.
< جمال الوالي الزول الكل 48 ساعة بقفل ليه ملف ..قفل ملف البطولة الافريقية وإلا لسع؟.
< اي زول عندو نقطتين يطلع لينا برة..البطولة دي انتوا ما قدروها ..شوفوا مستواكم وين؟.
< عشان تعرفوا الفرق بين الكونفدرالية وبطولة الاندية الافريقية للابطال.
< فاكرنها لعب.
< كونفدراليتكم دي كنتوا بتموها بالطابق التاني ...والطابق التاني في بطولة الاندية الافريقية ما بيأكل عيش.
< قال شنو؟.
< قالوا ما بنطير برانا.
< ما بتطيروا براكم ليه؟...بتخافوا؟...الطيران انتوا غريب عليكم.
< اتكلموا ..ما تسكتوا لينا كدا.
< خلاص الكلام صعب عليكم ..فجأة كدا بقيتوا ما بتعرفوا تتكلموا.
< قلنا ليكم (نجيلة) الهلال دي صعبة عليكم ..قعدتوا تغالطوا..قالوا الهلال من سنة 2007 ما غلبنا في استاده.
< نغلبكم ليه؟..نحن ما كنا محتاجين نغلبكم ..هسع وقت جاء الجد اخذتوا (تلاتة) زي الما حصل حاجة.
< انتوا بعد كدا ما محتاجين تحلقوا للعيد.
< ديمبا حلق ليكم.
< نحن ديمبا دا من الجزائر ما حذرناكم منو!!...المشكلة ما بتسمعوا الكلام.
< ديمبا دا الظاهر عليه كابتن طيران.
< ركزتوا لي في سادومبا وخليتوا (ديمبا).
< هسع في زول عاقل كدا يسك شكوى سادومبا ويخلي ديمبا.
< ديمبا دا كان تشتكوا معاكم.
< قالوا سجل قون بي اللفت وهو رائد.
< هو عميد عديل ...المشكلة شنو يعني؟.
< تتخيلوا ديبما كان السبب في طيران المريخ من بطولة الكونفدرالية العام الماضي.
< وديمبا يعتبر هذا العام هو السبب الرئيسي في طيران الوصيف من بطولة الاندية الافريقية للابطال.
< الوصيف شبع طيران.
< طيرني يا جدع.
< الوصيف لقي الاتنين ..لقي الجري والطيران.
< تذكروا المريخ وقت جري من الهلال عندما شال زيكو الكورة.
< دا الجري.
< الطيران طبعا عينك ما تشوف إلا النور.
< المريخ يطير رسميا من بطولة الاندية الافريقية للابطال...وسط اجواء طائرة.
< المريخاب مساكين...الظروف لعبت ضدهم.
< هسع لو جات (مطرة)...كانوا لقوا ليهم عذر..ولقوا ليهم سبب يعللوا به الخسارة.
< لكن ممكن تقولوا روسيا فيها (برد) يقطع النخرة.
< يكون حافظ اتأثر بالبرد بتاع روسيا...اصلو قالوا عندو صاحبو كان في روسيا قبل عشر سنوات.
< ملحوظة: العيد ثبت.
هوامش
< الاخ حسن عمر كشف عن دموع كامبوس وهو في غرفة اللاعبين.
< دموعك غالية علينا يا كامبوس.
< سفاري الله مرقو.
< الباشا لحق نفسو بالكرت الاحمر.
< الباشا لو كمل المباراة ...كان (كتوفو) بقن في ركبو.
< اما اذا شارك (ريتشارد)....فان ريتشارد كان سوف يتشتت حرف ..حرف ..(ر...ي...ت...ش...ا...د).
< كل حرف يمشي حتة.
< مفروض تكرم يا ريتشارد عشان ما شاركت في المباراة.
< يا ريتشارد لو شاركت في المباراة كان عملوك السبب ..الله مرق (ولدنا).
< انتوا (مجاهد) وين؟...طمبل الظاهر عليه دخل الجهاز الفني بتاع المريخ...تنظيرو كتر..وكلامه بقي اكتر من لعبو.
< اتوقعت جمال الوالي يقول مازلنا نملك فرصة للتأهل.........للطابق التاني.
< اصلوا المرة دي رفض يقفل ملف البطولة.
< بالمناسبة يا جمال الوالي اول امس مكانتك فاضية في الكنبة.
< افتقدناك في الكنبة.
< احمد شوبير في الرياضية تحدث عن جماعية الاداء في الهلال ورفض ان يتحدث عن نجم معين في الهلال.
< هذا التقييم يثبت قدرات كامبوس الذي جعل الهدف في الهلال يأتي من اي لاعب.
< عمر بخيت سجل ..ديمبا سجل...اسامة التعاون سجل...مساوي سجل ...حمودة بشير سجل...وجميعهم سجل في البطولة الافريقية في مرحلة المجموعات.
< المباراة القادمة نتوقع ان يسجل (المعز محجوب).
< ناس سادومبا وامبيلي يفتروا الدفاعات ويدوخوا الباكات وناس عمر بخيت يلقوا الجماعة رفعوا المنديل الابيض.
< مسكين البدأ (يورغن).
http://goansport.net/article/id/23082
| |
|
|
|
|
|
|
| |
عمران حسن صالح
معتصم دفع الله
عبدالله السفاح
فتحي الصديق
الفاتح الصادق حامد
عماد الدين عبدالله
Hamid Elsawi
محمد عبد الماجد الصايم
tmbis
doma
ممدوح عثمان
معاوية عوض الكريم
عبدالله كع
سيف الدولة كامل
عبد الحكيم طه علي
طارق أحمد خالد
وجن
فيس بوك
تويتر
انستقرام
يوتيوب
بنتيريست