|
قوم لِف معقووووووووووووولة بس !!!!
|
البديل لى قوم لف خلينا ياااخ ... فكنا ... أكسح وبقية مفردات الشارع
يعني بعد 25 سنة وواولادكم جايين يقرأوا المنبر دا لو سمعوا بي طاريهو
يلقاك كاتب قوووووم لِف او اكسح او يافردة او او او الخ ... يرجع لى منو
عشان يسأل عن المعنى معليش أصحاب القاموس دا يعملوا حاشية ويشرحوا المعنى
برضو معانا في المنبر دا ناس ماليها علاقة بشارعنا العام ولغته وفي ناس اجانب
بيقرأوا فننهري نحن بالأسئلة يعني شنو كلو كلو يارفاعي يعني شنو قوم لِف يعني
شنو ياشتات بالله راعوا لأؤلئك ولنا في مملنا التوضيحات ... أجمل حاجة اتصل صديق
من البلد المضياف دا وقال لي يعني شنو عمو رفاعي قووووووووم لِف .
............................................................حجر.
|
|
|
|
|
|
|
|
Re: قوم لِف معقووووووووووووولة بس !!!! (Re: الرفاعي عبدالعاطي حجر)
|
اها نضيف سؤال جديد وردني بالفاكس من السائل :
يعني آيه معنى : ثمح ... بالله في داعي للإمتحان دا
انا ماعارف من كتب ثمح وبأي مناسبة لكن أنا برضو اٍسأل
يعني شنو ثــمح : هل مقصود سمِح بشئ من الهظار واللا شنو الحكاية ياناس .
* لحل الامر ممنوع دخول الاجانب وغير السودانيين عموماً... طبعا دا ظار يا حبة ويعني شنو والله لو عرفتم معناها ... عند اخوانا في اليمنالسعيد لما رددتموها مرة آخرى .
......................................................................................حجر.
| |
|
|
|
|
|
|
Re: قوم لِف معقووووووووووووولة بس !!!! (Re: الرفاعي عبدالعاطي حجر)
|
ألأخ/ الحبيب الرفاعى حجر..السلام عليكم..
يا اخى فرتق....
عملت لينا وجع وش...
طبعآ أكيد إنت ما المقصود لما تعرفه من ود لك ولكن هذه مفردات مستحدثة نتعامل معها بعفوية وفى محيط الناس الأقرباء لنا وبما إن هذا المنبر قرب البعيد فلا حرج فى فك النفس شوية بهذه المفردات الغير مملة...
كنت بتكلم مع احمد ولدى بالتلفون فجأة قال لى يابابا الرصيد بدوى عبيد..قلت ليهو مالو الزول ده إفتكرتو غلط فى الكلم ة..قال لى يعنى رصيدى قرب يكمل..بصراحة ضحكت وإتكيفت من الناس الخيالهم واسع وبطلعوا مثل هذا الكلام...
موضوعك جميل وأنا ما بقوم بلف..قاعد معاك هنا....تحياتى....إسماعيل محمد احمد عباس...
| |
|
|
|
|
|
|
Re: قوم لِف معقووووووووووووولة بس !!!! (Re: ismeil abbas)
|
تعرف مرات بعض المفردات عشان تشرحها وتبسطها لعربي بتحتاج لى مفردات من بيئة من تريد الشرح له
حينها ح تقول الله .......... يغيط اللي كتب قوم لف وقوم فرتق واعفص هنا , تعرف المنبر دا مقروء
بكثافة عالية الدليل زول يقول ليك في واحد كدا بيكتب كاااااك ترااااااخ اكيد ديل ابناء شمال الوادي
العارفين لغة كاااااااااك الخاصة بود الصائم لكن يسألون عن تراااااخ ما عارفين مضمون حوارنا كلو تراااااخ
تاااااح تاااااخ ترخ تاخ .
الجميل ودعباس لك هائل التقدير والمودة ... وشكرا واقعد برااحتك فالدار دارك .
................................................................حجر.
| |
|
|
|
|
|
|
Re: قوم لِف معقووووووووووووولة بس !!!! (Re: almogira alemam)
|
Quote: انا يا الرفاعى يا اخوى بعمل موتا فى الحاج عبد اللطيف دا وكمان بعمل قاعدة الجماهير معاك وعندى جاحات تانية اعمل استوكهولم بس انا بعمل ليك جزيرة الفيل لجاحات تانية |
الترجمة يا مغيرة
رمضان كريم ومروك جميل.
..................................حجر.
| |
|
|
|
|
|
|
Re: قوم لِف معقووووووووووووولة بس !!!! (Re: almogira alemam)
|
أخوي رفاعي والله المصطلحات دي أحياناً بنجتاج ليها علشان تسطح بواحد جنبك وما ديرو يفهم حاجة
وأجمل حوار في الرندوق بين طالب يدرس في الهند وأخوه مغترب .. وإليك الحوار
المغترب : شيكاغو كيف الطالب : والله ما يوسف الموصلي المغترب: طيب عايش كيف الطالب: والله بعمل عبدالله دينق إن شاء الله تكون فهمت حاجة يا رفاعي ... طبعأً عامل السن ليهو أثر في الحاجز الزمني بين الأجيال ..
وإليك الشرح : شيكاغو كيف .. يعني الشيك وصلك ما يوسف الموصلي : يعني الشيك ما وصل وعايش كيف : يعني بتاكل من وين بعمل عبد الله دينق : يعني بتسلف من ألأصحاب
| |
|
|
|
|
|
|
Re: قوم لِف معقووووووووووووولة بس !!!! (Re: عادل عوض بلال)
|
صديقي فتحي الصديق ... خليك قريب العزيزي رغيم بالله عليك الدنيا فبائل عيد غيّر البروفايل . العزيز عادل عوض بلال الله لحدي هس شيكاغو والموصلي معانا بس مش حراااام يوسف الموصلي يكون في الحنة دي وهو حلقو إنهرى بالغناء الجميل .
......................................حجر.
| |
|
|
|
|
|
|
|