|
نقطة هدية للمشـــــــير البشير ... !!!
|
مرات بتجيني حالات خيال ( خيالية .. ) بكون غالباً ما عندي موضوع .. وبسرح ليكـ في أوهام ما ليها نتيجة محددة وما حا تفيد الدنيا بأي حاجة .. طبعاً مخجلة وما بتتحكي .. بس في حاجات ممكن نتونس بيها شوية.. يعني مثلاً المشير البشير لامن يكون جالس وسط الشلة ... باعتبار ثقافة الشلة تخص العامة والخاصة .. يعني حقت البشر عموماً .. أها الونسة بتكون شنو ...؟؟؟ يعني مثلاً يقوم مصطفى يقول لي د. سين : شنو يعني ماري فينا فووووووووو لا سلام لا كلام شنو الحكاية كاتل الجدادة وخامي بيضة .. ناس دفعة وحاجاتم من زمان معروفة المشكلة وين في نوع اللغة البتعاملو بيها...؟؟ يضحكـ الزول الإتعافى ( أصلو ما مرض ) ضحكة خبيثة ومعروفة للشلة ويشير بأصبعيه إلى ثلاثة ( شكلو قاصد الراجل شاغلاهو المرة التالتة ) !!!!!!!! أها يوم مباراة الفريق (الما قومي ) يجي حاج بكري متأخر ..!! يقوموا الشماشرة يضاحكو بعض (تحت تحت ) ويتغامزوا ، عاااااااادي شفناها حكاية الغمز واللمز دي وسط الشلليات الما خمج كمان ، خليكـ من ( أ ) ، و( د.) القدام الأسامي دي ، الموضوع عادي ... أها يقوم حاج بكري يضحكـ وهو ينظر للمشير لا والله أخرتني الكورة ، يلعن قليلاً بكلمات مختلفة في حضرة المشير .. الوطنية نافخاهو .. ثم يردد تونس عملت عشرة والجزائر عشرة ونحن نقطة يا ريس !!!!!!!!!! . . . . يتبع !!! . . .
نقطة مهمة لباقي البشر : المسألة ليست سخرية بقدر ما هي تداعيات لأمر تواصل الفشل فيه مع إمكانية الحل ..
|
|
|
|
|
|
|
|
Re: نقطة هدية للمشـــــــير البشير ... !!! (Re: عمران حسن صالح)
|
أها قام المشير زعل ، الجعلي راجل عديل كده ، أتنفخ نفختو ديك ، يوم قال للشيخ إتخارج ، أها ديكـ برضو ما كانت زعلة عشان خاطر الوطن ... أها حسي الوطن ده كيفن يكون عندو نقطة ... ؟؟؟ وجماعة ( ابن النيل) سبعة نقاط !! المشير ما ( بسجر ) ولا ( بشيش ) ولا عندو شغلة بي بهارات جلسات الشلة حقت الونسة ، وزل حارة وسط أهلو من يوم شبَ ، ما عندو غير أصبعو عضاهو زييييييين وسرح يفكر !!!
| |
|
|
|
|
|
|
Re: نقطة هدية للمشـــــــير البشير ... !!! (Re: ود الباوقة)
|
العزيز ود الباوقـــــــــــــــــة ... يوم جرب تخش (جوووووووووة) الموية ... اتقدم لي قدااااااااااااام .. محل الموية غرييييييييييييقة .. واسبح .. صدقني حا تبتهج بدل العوم في ( القيفه ...) تخريمات رمضانية : اللجنة الطبية (منبثقة ) منها لجنة ولا الموضوع قاضي من أول مقابلة للجنة
| |
|
|
|
|
|
|
Re: نقطة هدية للمشـــــــير البشير ... !!! (Re: عمران حسن صالح)
|
طالت سرحتو ، لا خلى قاقارين لا كمال عبد الوهاب ، حسي قاقارين ده بينفع البلد وهو سفير ؟ حسي كان جاب لينا عشرة نقاط ؟؟؟!!! ما كان أحسن ليهو وللبلد .. ؟؟ وظيفة سفير أحسن ولا مدير للفريق حق البلد أحسن ؟؟ .. هز راسو وعض أصبعو تاني .. البلد فضت ، عدمت الراجل اليقول وطني وطني ويقدم لينا اقتراحاتو عشان النقطة دي شينة ياخي !! وتاني عضَ أصبعوا ، اتذكر ود عبد الفتاح الغلبوا يبني ستاد البلد ، ضاعت الدراهم ، أقصد الدنانير ، أقصد الجنيهات ،.............وعض أصبعو !!!
| |
|
|
|
|
|
|
Re: نقطة هدية للمشـــــــير البشير ... !!! (Re: عمران حسن صالح)
|
يا بكري .. طلع قرار وكون لجنة برئاستنا .. جيب لي الأعضاء من الناس الزمان البحبوا الكورة والبلد ، خريجي أوربا ، خليكـ من أبو هريرة وشداد ، كلم كرار يوقف لم القروش ، بس يلم لينا مية دولار في السنة من كل مغترب ، قروش بترولكم دي ما بتدونا ليها ، عارفكم ما ضامنين ولاء الجماعة ، ما مشكلة يا بكري عارفكـ عايز تقول شنو ، كون لجنة لاستلام الدولارات من المغتربين المعروفين للناس بالعلم والفهم وعينم ملانة ... !! الجاز وينو ؟؟
| |
|
|
|
|
|
|
Re: نقطة هدية للمشـــــــير البشير ... !!! (Re: عمران حسن صالح)
|
الجاز في الطريق يا ريس .. خلاص كلموهو يشوف لينا طريقة غير أورنيكـ 15 ده يلم بيها قروش لي فريق البلد .. 4 مليون مغترب .. ضرب مية دولار في السنة ... 5 % من إيرادات البترول .. 5% من إيرادات الجماركـ .. 5 % من إيرادات الضرائب .. 5% من الـ ..................... هم هم هم هم وعضَ أصبعــــــــــــــــــــوا !!!!!!!!!!!!!
| |
|
|
|
|
|
|
Re: نقطة هدية للمشـــــــير البشير ... !!! (Re: عمران حسن صالح)
|
استغرب الأمر مصطفى ود. سين والإتعافى والجاز الوصل متأخر ... معليش اتأخرت يا ريس ، على زعلان من الجماعة ، مصرين الشهر ده نزيد النسبة شوية 5% للكورة يا ريس ؟؟ لا كده الجماعة أصلهم زعلانين وحا يطرشقوا عديل ... طلع القرار يا بكري ورسل صورة لي شداد ... الفيفا يا ريس ما حا تقبل ، الحكاية ديمقراطية ، وشداد ممكن يزعل ، بلاش موضوع الكورة ده يا ريس ... أحسن جهات تانية تطلع ونضطر نعمل ليها لجان جديدة .. وتنبثق منها لجان ، ولجان ، وتظهر عمارات جديدة وفواكه جديدة ومستهلكين جدد ، ومتمردين جدد !!!!!! ويصمت الريس .. ويصمت الناس ويصمت الوطن ونعود بي نقطة ............................................
| |
|
|
|
|
|
|
Re: نقطة هدية للمشـــــــير البشير ... !!! (Re: عمران حسن صالح)
|
لابسه بنطلون .. لا لابسه كلسون .. أجلدوها ..!! لا غرامة ... ويسأل من حولي ماذا تفعلون في أنفسكم ؟؟ الهزائم تسيطر على أخباركم الواصله عبر ميديا الدنيا للدنيا .. ليه ؟؟ مالكم ؟؟ عاصمة غرقانة ، ذباب وباعوض ، كلسون ولا بنطلون ، نقطة لفريق الوطن .. قرف يقرفكم ....
| |
|
|
|
|
|
|
Re: نقطة هدية للمشـــــــير البشير ... !!! (Re: عمران حسن صالح)
|
تحدث المشير البشير قبل سنوات موجهاً حديثه إلى كمال شداد بما يعني أنه يدعمه ... ومن ديكـ وما حد قادر يقول لشداد تلت التلاتة كم ؟؟ قبل كده شاغل نميري مقدم برناج الرياض على ...... ، ومن ديك الراجل صار يعين ويفصل في التلفزيون .. .......... سأل مقدم برنامج الرياضة بقناة العربية ضيفه المدرب التونسي أو المغربي لا أذكر بعد انتهاء مباريات السودان والمغرب والجزائر عن أن الإتحاد السوداني لا يدعم الفريق الوطني .. فرد الضيف محرجاً الدعم يظهر في النتائج !!!!!!!!!
| |
|
|
|
|
|
|
Re: نقطة هدية للمشـــــــير البشير ... !!! (Re: عمران حسن صالح)
|
تصرف حكومات الدول على فريقها الوطني .. صرف من لا يخشى الفقر .. الدول الفقيرة تقاتل من أجل الصرف على فريقها الوطني .. تستعين أحياناً بلاعبيها مالكي الثروات الكبيرة .. أمثال دروغبا ، وآسيان أخيراً الذي أنزل فريق غانا في معسكر بفندق خمسة نجوم .. ... أعطو الفريق الوطني جزء من أموال البترول يا ريس ..
| |
|
|
|
|
|
|
|