كتب الكاتب الفاتح جبرا المتوفرة بمعرض الدوحة
|
وظيفة إنترنتية... مع شركة عالمية، وجادة جداً... الساعة بي 10 دولار
|
تحياتي للجميع.. احب اكد للجميع ان دي وظيفة حقيقية.. وفيها امتحان، وممكن تمتحنوا وما تنجحوا... وفي ناس كتيرين حول العالم شغالنها... بطلبوا منك تشتغل معاهم من 10-20 ساعة في الاسبوع... وسعر الساعة عنده 10 دولار في المعدّل.. ممكن يكون أكتر.. يعني الواحد ممكن يطلع لي بي 100-200 دولار في الاسبوع... ومن بيته.. بس اهم شي الواحد يباصي الامتحان بتاعهم.. وهو النصيحة لله، ما ساهل.. واختكم في الله امتحنته وما نجحت.. بعتررررررررف... الشركة عامله المشروع بتاعها ده وشغال ليه اكتر من سنتين.. وانا قريت reviews كتيره لناس شغالين معاهم وبياخدوا قروش كويسه..
الشركة دي عامله المشروع ده لصالح google رغم انهم ما معلنين الحاجه دي، لكن حتلاحظوا لما تبدأوا الامتحان، انه الشغل كله في search engine، وهو google.. الناس العندهم رغبة.. حأكتب معلومات زيادة في البوست ده...
عايزه في الاول احدد الدول الموجود فيها الوظيفة دي، مع اشتراط انك تكون مقيم فيها ما اقل من خمسة سنوات... بعدين كل دول، مطلوب انك تكون عندك لغتين، الانجليزي، ولغة محدده لكل دوله.. حأوضحها بعد شويه...
الوظيفة ما عايزه اي background في الكومبيوتر، اهم مافيها اللغة، وعايزه common sence، الاكتشفته انه ما عندي لاني فشلت في امتحانهم.. وزعلته منهم... لكن يمكن زول منكم يشتغل معاهم، وكان طلعت لي بدعوة دعوتين، اكون كسبانه ألف...
اطمئنكم جداً، انه في زول من HR بتاعهم حيتواصل معاكم، وما بطلبوا منكم قروش، وممكن يرفضوا طلبكم.. يعني وظيفة جد جد..
بنت الحسين
|
|
|
|
|
|
|
|
Re: وظيفة إنترنتية... مع شركة عالمية، وجادة جداً... الساعة بي 10 دولار (Re: مريم بنت الحسين)
|
انا حأذكر البلدان، واللغات المطلوبة فيها.. وحأكتب عنوان البريد الإلكتروني لكل وظيفة في كل بلد...لان كل بلد عنده عنوان مختلف...
انا حأكتب البلدان العارفه فيها بورداب.. لكن لو ف زول من بلد انا ما ذكرته.. يكتب لي يسالني.. طبعا البلدان العربية الموجوده فيها الشغلانه.. حأكتبها كلها.. يعني لو في زول في دولة عربية وما لقاها هنا، معناها الوظيفة ما مفتوحه فيها... برضه الوظائف بتفتح وتقفل، يعني مثلا ناس قطر قريب كانت فاتحه، حسي قفلت...
ملحوظة مهمة، اللغة بتتطلب انك تكون عندك انجيلزي، بالاضافة للغة المذكوره بجنب كل دولة...
البلدان هي:
امريكا، اللغة الانجليزية Here (ناس امريكا في وظيفة تانية برضه مخصوصه ليكم غير دي، ومع نفس الشركة حأكتبها بعدين)
المغرب، اللغة الفرنسية Here
السعودية، اللغة العربية Here
مصر، اللغة العربية Here
الامارات، اللغة العربية Here
المملكة المتحدة، اللغة الانجليزية Here
الهند، اللغة الانجليزية (يا ناس الهند، الهنود واقعين في الشغلانية دي تش، الحقوها قبل ما يقفلوها Here
هولندا، لغة هولندية (دي هدية لأبو لقاء) Here
ألمانيا، لغة ألمانية (دي هدية لناس الكمون) Here
ما اكون اتأخرته عليكم...
مزيد من المعلومات بعد الفطور.....
بنت الحسين
| |
|
|
|
|
|
|
Re: وظيفة إنترنتية... مع شركة عالمية، وجادة جداً... الساعة بي 10 دولار (Re: حمور زيادة)
|
وب علي يا حمور زيادة.. والله خوفتني.. حسي الواحد شال ليه ذنوب ناس كتااااار.. واحباطاتهم لكن نعمل ليكم شنو، كان حكومة السودان مفروضه عليها عقوبات.. اي حاجه من هذا القبيل ما بتكون موجوده عندهم... ده تبريري المنطقي حاليا لعدم وجود الفرص في السودان.. رغم انه المشروع اصلا هدفه علمي.. ومفروض انه العلم ما تحدّه حدود وما تدخله السياسة.. ! المفروض...
اتخيلوا الهدف الاصلي من الشغلانه دي انه الناس يدرّبوا الsearch engine بتاع google على اختيارات الناس.. دي حاجه احنا بنسميها مجازاً عندنا في مجالنا باسم الmachine learning... هدفها تعليم الكومبيوتر (او في الحالة دي، البرنامج بتاع البحث) انه الناس بتفكر كيف لما تبحث عن شيء ما...
واتخيلوا برضه، انه لحدي الان السودانيين ما كشكروا ليهم... هل ده يعني اننا خارج منظومة البحث الانترنتية القوقليه! لو ده صحيح معناها احنا خارج الدنيا كلها المتجهه كلها للانترنت..
اعفوا لي يا اخوانا المحبطين... لكم العتبى حتى ترضوا
| |
|
|
|
|
|
|
Re: وظيفة إنترنتية... مع شركة عالمية، وجادة جداً... الساعة بي 10 دولار (Re: مريم بنت الحسين)
|
الاخت مريم لك التحايا النواضر ومأجورة علي ما تقدميه
قدمنا وجانا الرد الاتي ونحن في الانتظار ولك الحلاوة لو تم الامر
Quote: Dear Mohammed Ali,
Thank you for your application for a position with Lionbridge.
This is to confirm that you are applying for the following position:
Internet Assessor (ES)
We will keep you up to date on the progress of this application via email. If you want to make any changes to your application or to your candidate profile, please feel free to return to our careers page as often as you wish.
Kind Regards,
Your Lionbridge Recruiting Team
|
| |
|
|
|
|
|
|
|