|
|
 أنا بصدد شراء عربة...وأحتاج مشورتكم...
|
أخوكم خبرتو تعبانة في الحديد
وكل يوم ادخل الإنترنت عربات معروضة بالكوم..
شئ أمريكي..
وشئ ياباني..
وأسعار تمخول الدماغ
نسبة للأزمة الأقتصادية العالمية
والآن وبعد التجول الشديد والحيرة
أتمني مساعدتكم..
فكل من له خبرة ..
يمكن ان يدلو بدلوه
والله في عون العبد..مادام العبد في عون أخيه
مع خالص مودتي للجميع
سيف
بوسطون-ولاية ماساشوستس
|
|
 
|
|
|
|
|
|
|
 Re: أنا بصدد شراء عربة...وأحتاج مشورتكم... (Re: جعفر محي الدين)
|
عمنا جعفر
عن تجربة شخصية عندي بليزر 2002 وارد كندا
التكلفة الكاملة ليها بعد الجماركـ والترخيص كانت في حدود 36 ألف ريال
العربية فل كامل ومريحة راحة السنين أي حاجة بتشتغل براها
تشغل المفتاح النور يولع المكيف يشتغل السي دي يشتغل نظام الملاحة تش!
تصدق رغم إنو العربية موديل 2002 لكن حتى المنشات بتشتغل توموتويكي توموتيكي!
| |
|
|
|
|
|
|
|
|
|
Re: أنا بصدد شراء عربة...وأحتاج مشورتكم... (Re: سيف اليزل برعي البدوي)
|
Quote: حقيقة الحديد الامريكي وثير
وماهل
والواحد لمن يجي يركب العربية الامريكية
كأنو داخل صالون
يقعد ويمد رجليه زي ما داير
لكن سؤالي هو عن الأسبيرات
يعني أنا عايش في امريكا
أيهما ارخص إذا تعطلت السيارة لا قدر الله
الأسبيرات اليابانية
أم الأمريكية؟
|
تحية طيبه الاخ سيف
وغايتو بوست للونسه اكثر من الشراء
لان الناس ما ممكن تخبرك تشتري شنو
انت لو داير عربية جديده معاها ضمان خمسه سنه اذا باطت بصلحوها ليك
وانت يظهر انك بتكوس للاسبيرات الرخيصه لذا يظهر انو حالتك زي حالتنا بتكوس في المستعمل وكمان مش استعمال خليج لان استعمال الخليج
سمح وكانها جديده وناس الخليج ديل غالبا المهنيين\ات ناس مرطبه جدا اثق فيهم لكن فرقتهم مختلفه عن حالنا
اذا اردت اتصل باي سوداني او خلافه من مكانيكا امريكا الحديثه
تجد مرادك بعدين هب انك اشتريت غلط بكره تمشي للصاح؟؟
اسال صديقك سامي هنا اصحاب المساعده علي قفا من يشيل حضر قروشك
اذا داير عربية كبيرة صغيره
من ديييلر او اوكشن او مرات تكون واقفه تزازي في جنبات الطريق خوفا من الغرامات
فصاحبها برضو بهاود في البيع
عموما لك تحية رمضانية واتمني فطور علي خير
| |
|
|
|
|
|
|
|
|
|
Re: أنا بصدد شراء عربة...وأحتاج مشورتكم... (Re: Sabri Elshareef)
|
الأخ صبري
رمضان كريم,وكل عام وانتم بخير
فعلا انا ببحث عن المستعمل
وخبرتي في العربات ضئيلة جدا
لكني أمتلك الجدية للشراء ,والسوق مليان والمقارنة صعبة
وبيت الشوري ما بخرب زي ما بيقولوا
وبما انني ساكن لي في خلاء بعيد كده عن الناس
أجد في هذا المنبر المشورة والخبرات والنصائح
ودمت ودام كل السودانيين في صحة
مودتي
سيف
| |
|
|
|
|
|
|
|
|
|
Re: أنا بصدد شراء عربة...وأحتاج مشورتكم... (Re: الكباشى البكرى)
|
الأخ سيف
تحياتى
لدى عربتين أمريكى ويابانى
نسبياً اليابانى أغلى فى أسعار إسبيراته
ولكنه أقل أعطالاً من الأمريكى
* لاحظ يابانى أمريكا وأوربا يختلف
فى جودته وقوته عن يابانى الخليج و السودان
هناك خفيف و مصمم لإستهلاك الإسبيرات
وبأمريكا مصمم بجودة عالية لمنافسة الأمريكى
الأمريكى و ثير و مريح ولكنه أعلى إستهلاكاً للبنزين
هذا فى مقارنه العربات الصوالين
أما رباعيات الدفع .. فلدى تايوتا Runner ـ 4 بتشرب البنزين
و الأمريكى أيضاً كذلك ..
الكلام عن أن الباباتى تمته فيهو دا كلام حسب تجربتى ما صحيح
وإذا كان الغرض الإستعمال .. والسعر والبنزين المعقول
إستفسر أكثر عن الهونداى رباعيات الدفع تناسب مناطق الجليد
وعن الصوالين أيضاً الهونداى و اليابانى
بالمناسبة مرة فى واحد خواجة قال لى إشترى عربية من ال eBay
بسعر مناسب جداً و مبسوط من جودتها .. Good Deal
أتمنى لك التوفيق فى شراء العربة المناسبة تقوم بالمطلوب وقليلة الأعطال
** أخونا و زميل البورد ياسر السيد خبير عربات .. خير من تستشير
| |
|
|
|
|
|
|
|
|
|
Re: أنا بصدد شراء عربة...وأحتاج مشورتكم... (Re: الطيب العامرى)
|
السلام عليكم
أبو السيوف
ياخي مالك ماشي بعيد علي قول المثل ,, جارك القريب
ولا ود أمك البعيد..( تكاكي هنا و داير تبيض بي هناك )
عندك ما شاء الله مبلغ ذي دا و تقول البلد فيها ريسيشن ؟
نمبر تو ال Honda Odyssey 2002 دا ما عارفو معروض للبيع
الرجاء .. ذيد المبلغ دا و خلي عندك ( اتش H ) بس في حالة الطلب
و البلد دي بلد الهوندات براك شايف الامريكي فلس ..
وقتالك ياهو قتالك و شورتك عندك و الببقالك ( لا توجد صورة ال H )
اخووووووووووووك فاتح خالد
و السلام .
| |
|
|
|
|
|
|
|
|
|
Re: أنا بصدد شراء عربة...وأحتاج مشورتكم... (Re: رأفت ميلاد)
|
تحياتى
لو عايز تشترى عربية لازم تعرف انه العربية ماكينة وليس بودى يعنى مكنتها تكون نظيفة وبعد داك شوف البودى وخليك من سيارات الدفع الامامى ما بتعيش كتير لأنه روح العربية كله قدام المكنة + الجير
افضل لك الكورلا عربية اقتصادية جدا فى البنزين وفى موديل 1600 سى سى و موديل 1800 سى سى
بعدها الكرونا برضع اقتصادية فى البنزين ما تقرب من الكورى لأنه كله تجارى حتى لو كان بمواصفات امريكا ركز على التايوتا والدفع لازم يكون خلفى افضل
عربات 4\4 فنوع لا يصرف البنزين خصوصا لو ما 3000 سى سى الفل تانك بيعمل معاك 500 كيلو فى الهاى وى اما داخل المدينة بيعمل معاك 420 كيلو اللاندكروزر البرادو 3400 سى سى نفس الحكاية اما اللاندكروزر الكبيرة فسعتها 4500 سى سى لكن صرفها احسن من الجيب الأمريكى
النيسان بثفايندر عربية قوية جدا جدا فى منه نوعين 3000 سى سى و 3500 سى سى الباجيرو ايضا من السيارات القوية ولكن قطع غيارها غالية نوعا ما
انا شخصيا افضل ليك النيسان الباثفايندر لأنى جربتها
اما لو عايو تشترى صالون وعربية ركوب تعيش معاك وعربية وجاهة اشترى مارسيدس اى موديل من المارسيدس بس ابعد فى نوع بيصرف بنزين ركز على ذات الأربعة سلندر
والله يوفقك
| |
|
|
|
|
|
|
| |
سيف اليزل برعي البدوي
عبد الحكيم طه علي
Ahmed Abdallah
الحاج حمد الحاج
محمد عبد الماجد الصايم
جعفر محي الدين
نصار
نادر الفضلى
ismeil abbas
أسامة خلف الله مصطفى
سيف الدولة كامل
الطيب العامرى
محمد الفاتح خالد حسون
رأفت ميلاد
مصطفى توفيق
عمر سعد
Gaafar Ismail
Dania Elmaki
محمد الأمين موسى
saadeldin abdelrahman
سامى عتبانى
doma
فيس بوك
تويتر
انستقرام
يوتيوب
بنتيريست