أجمل ما قرأت (أطرد الأحلام يا وصيف وأصحى) .. دعوة لأسياد البلد .. البطيخاب يمتنعون

Quote: * بادي محمد الطيب من الذين كانوا يغنوا اغنيات الحقيبة (بحقبتها)..بمعني انه يقدم مع النص الغنائي تجسيد زماني ومكاني وصورة مباشرة لبيئة الاغنية. * لذلك كان بادي محمد الطيب عندما يطرب (يصرخ) وهذا من عشق المتصوفين. * بادي محمد الطيب فنان متصوف وهو قد تحلي بهذا الادب الصوفي الجميل وتأثر به..يوضح ذلك من مشاط شعره ومن احساسه العالي بالنص الذي يكون فيه (تبتل) وتقرب لله. * اغاني الحقيبة لم تكن بعيدة عن هذه الروح ومعظم الذين كتبوا تلك الاغنيات أثرت فيهم الخلوة بشكل او بأخر. * بل ان الغالبية العظمي من اولئك الشعراء كانوا من حفظة القرأن الكريم ...ولا يكون حافظو القرأن إلا اصحاب روح متبتلة ومتعبدة في كل سكناتها. * ود الرضي احد الذين نقلوا (المفردة) المتصوفة الي قصائده التي كانت تفيض بالسماحة. * وكان العبادي شاعر اخر ينقل الكلمة من مرحلة الصوت الي مرحلة الصورة. * واحسب ان عبدالرحمن الريح بلغ درجة من (اللطف) ان كتب احد اجمل اغنياته في (الطاؤوس) ليتغني احمد الجابري لملك الطيور. * عبدالرحمن الريح احد الذين برهن بالكلمة قدرة الله سبحانه وتعالي عندما تغزل في الطبيعة وافتتن بجمالها الاخاذ. * يهتم عبدالرحمن الريح كثيرا بالاسحار...لذا كانت اجمل اغنياته (اسحار الجمال). احترامى اليك من صميم قلبى دون ما اشعر اتفانا عليك والدليل حبى تسمح تنظر شوف دموع عينيى سايله فوق خدى من لهيب الشوق يعنى مافى خلاص اهكذا جزاء الاخلاص ياظالم * ليس هناك شاعر مثل عبدالرحمن الريح يقدم الاغنية للفنان مكتملة اذ يقدمها ملحنة ويكتفي الفنان باجر المناولة. * اعود الي بادي محمد الطيب الذي سطر عنه يوما الاستاذ حسين خوجلي مقالا بعنوان الصوفي المعذب واكتشف صوفيته الجميلة. * ما يحكي عن صوفية اغاني الحقيبة بكاء احد الشيوخ عندما سمع الفنان يتغني بـ اغنية (يا ليل ابقي لي شاهد)...وكل يبكي ليلاه. * تسكنني اغنية بادي محمد الطيب (اطرد الاحلام يا جميل واصحي)..والاغنية من اغاني السكنة والفسحة الجميلة. اطرد الاحلام ياجميل واصحى قوم نقضى الليل فى ضفاف النيل ننشد الفسحة شوف جمال الليل يا جميل اصحى واسمع البلبل و لهجته الفصحى الغصون ماخدات مع النسيم كسحة والطبيعة تخيل ثوبها كاسى النيل من جمال مسحة * اتخيل ان هذه الكلمات مثل (الفيلا)..فيها سكنة جميلة ... وفيها فسحة لروحانية الكلمات وتقديمها للطبيعة في نزهة للمفردات..وربما في الكلمة دخول ..وطلوع. * حتي انك تكاد تشكي من الفتر ...من رهق الخروج. ديك شواطى النيل بالسرور طافحة لابسة بدرى التم وللنجوم لافحة شتلة الياسمين مايلة بي صفحة ميلها بيشجيك و من شذاها يجيك كل حين نفحة شوف وجوه الروض باسمة منطرحة وتضحك الازهار ميتة بى الفرحة ليه شجرة الفل ياخى منشرحة * شوفوا الشاعر عندما جاء للبدر قال (لابسة بدري التم)...وعندما جاء للنجوم قال (للنجوم لافحة)..شوفوا الاستصغار (والحقارة) دي. * الشاعر بصوت بادي محمد الطيب (المشكل) يعود للبدر في حالة فرح اخر. منظر البدرى و بهجته الفاضحة تبدو ليك فى النيل كالدرر واضحة والطيور تختال فى الغصون صادحة والسرور ميل.. روق واتخيل كفتة الراجحة * هذه الاغنية تذكرني احلام المريخ في الصعود للمربع الذهبي. * بي نقطتين الجماعة ديل بحلموا (واطرد الاحلام يا وصيف واصحي). * الطريف ان المريخاب اصبحوا يحلموا حلم مركب. * في جماعة بحلموا يصعدوا ....يصعدوا كيف بالنقطتين ديل ما تسألوني. * النقطتين ديل إلا تتموها (طوب). * واطرد الاحلام يا وصيف واصحي. * في مريخاب تانين اكثر واقعية من المريخاب الفوق ديل ...جماعتنا التانين ديل بحلموا بس الهلال ما يصعد. * قالوا مباراة 11 سبتمبر بموتوا فيها موت مع الهلال. * تموتوا بي منو انتوا؟. * بي ريتشارد وراجي. * بي منو؟....قولوا اتكلموا. * تموتوا مع الهلال بي حافظ. * حافظ دا برجف من مباراة زيسكو. * الزول من عرف انو اساسي في مباراة القمة..قعد يقنع ليك في محمد كمال. * محمد كمال طبعا الحاجات دي ولا بجامل فيها. * محمد كمال مفتح من عرف ليك اكرم الهادي سليم موقوف ..ربط الركبة. * طمبل دا قنع عديل ..قالوا ليك من شهر فبرائر بشكي من الرباط الصليبي. * انت الرباط الصليبي دا اتمزق ليك وين يا طمبل. * اول مرة اشوف لي رباط صليبي بتمزق من (الكنبة). * انتوا يا طمبل ويا ريتشارد ..زعلانين في شنو؟. * زعلانين عشان قاعدين في الكنبة. * هو جمال الوالي ذاتو قعد كنبة. * انا اول مرة اسمع بالموضوع دا. رئيس قاعد كنبة. * دا انت طلعت اي كلام يا جمال الوالي. نحن ما رضيناها ليك. واطرد الاحلام يا وصيف واصحي.. قوم نقضى الليل فى ضفاف النيل ننشد الفسحة * غايتو شوارع المريخ دي فيها جنس (فسحة). * ريتشارد دا لو لعب لينا يوم 11 سبتمبر ...كامبوس ما بلعب امبيلي. * كفاية علينا ريتشارد. * سفاري طبعا بعد (الجهجهة) العملها فيه (امبيلي) قال ما بيلعب مباراة القمة. * قام عمل شنو؟. قام اخذ ليه كرت. عشان شنو؟. عشان يقيف يا عالم. * الحكاية واضحة ...سفاري عاوز يحافظ علي باقي ركبه. * نظام شنو؟.نظام الولد موقوف. * سفاري كان مع امبيلي وسادومبا ديل إلا يربط ركبه الاتنين. * انتوا ما شفتوا امبيلي عمل في سفاري شنو في مباراة القمة الاخيرة. * قالوا ليك اكرم الهادي الي الان زعلان من سفاري. * قال ليه الشفقة الدخلتها فيني في مباراة القمة ...الي الان ما طلعت. * اكرم مسكين يلاقاها من منو؟...وإلا منو؟. * مرة من الوحدات ومرة من زيسكو ومرة من اتراكو. * اتراكو عيشتو تطير. * ملحوظة: واطرد الاحلام يا وصيف واصحي. هوامش * مزمل ابوالقاسم قنع من (اعارة) امولادي و(اعارة) دي سوزا وقبل علي رقم فانلة ديبما. * نوعدك بعد مباراة القمة القادمة تكتب عن معسكر جزيرة الفيل للدور التمهيدي. * الناس ديل بي نقطتينهم ديل إلا يتحولوا لجزيرة الفيل. * الناس كلها بتشكي من الامطار والسيول ..المريخاب بشكوا من (النقطتين). * والاتنين ...الاتنين الليلة وين؟. * واطرد الاحلام يا وصيف واصحي. * احلام المريخ بالصعود للمربع الذهبي بتذكرني بي قصة. * هسع تقولوا لي احكي لينا القصة دي. * القصة دي طويلة شديد ..لو حكيتها ليكم للسحور ما بتمرقو مني. * عشان كدا اختصر لينا الموضوع يا ابو الشباب. * قالوا ليك في زول طويل شديد كل ما يدور يقوم الناس تكورك فيه : المروحة ...المروحة. * الناس بقت تنتظروا يقيف عشان يكوركوا فيه : المروحة ...المروحة ...المروحة يا ابومجيدة. * اسمو ابو مجيدة...اعمل ليكم شنو انا؟...اسمو كدا. * ابومجيدة دا مرات بكون قاعد ليه في حافلة ...يوقف الحافلة ويشرع في الوقوف الحافلة كلها بي سواقها تكورك: المروحة ..المروحة يا ابومجيدة. * طبعا الحافلة ما فيها مروحة...لكن الناس اتعودوا يقولوا ليه كدا..كل ما يكون عاوز يقيف. * اها هسع نحن ناس المريخ ديل بنقول ليهم حاجة واحدة. * بنقول ليهم: المروحة ..المروحة ...المروحة يا عالم. * المروحة في عينك. * واطرد الاحلام يا وصيف واصحي. * في اعتقادي ان اهم لاعب في مباراة القمة ..هو لاعب الهلال (ايفوسا). * ايفوسا عندو حسابات عاوز يصفيها مع ناس المريخ. * طبعا تصفية الحساب عند ايفوسا اقوان. * المريخاب عندهم نقطتين وبتكلموا في سياسة. * نحن لو كان عندنا نقطتين كنا برنامج (اغاني واغاني) ما اتكلمنا عنه. * كنا (اتحورجنا) في الدنيا دي جنس حورج. * مازدا قالوا بدرب في ناس امير دامر علي ألا يتغلبوا اكتر من تلاتة. * عقدو مع المريخ كدا. ما يتغلب اكتر من تلاتة. * الغريبة عقدو مع الاتحاد العام كان برضو ما يتغلب اكتر من تلاتة. * طيب يا مازدا (السبعة) دي اخذتها في (صندوق). * واتطرد الاحلام يا وصيف واصحي. * مهند الطاهر امامه فرصة تاريخية للعودة الي مستواه في مباراة القمة القادمة. * منذ فترة طويلة ونحن نبحث عن مهند الطاهر. * هل يعود مهند الطاهر في مباراة القمة القادمة. * اجمل خطوة اتخذها الجهاز الفني للهلال هو اغلاقه لتمارين الهلال. * استاد الهلال بصورته الحالية لا تفتتحوه إلا في المران الختامي لمباراة القمة. * عاوزين الهلالاب يشوفوا استادهم في مباراة القمة. * السنة دي الضحية يوم 11 سبتمبر. ضحية ما فيها اي كلمة. * واطرد الاحلام يا وصيف واصحي. جهزوا الشكاوي. * واتعلموا قبل ذلك كتابة الشكاوي. * ما تقوموا تتحورجوا لينا تاني. * خبر عاجل: لقاء المتصدر والمتذيل يوم 11 سبتمبر.

Quote: حتى الآن هناك بصيص أمل أن تكون نسخة كاس العالم للأندية التي ستنطلق في أبوظبي تاريخية بالنسبة للعرب لأننا ضمنا وجود ناد أماراتي ولكن هناك فرصة بأن نشاهد ثلاثة عرب إن تمكن الهلال السوداني من التتويج باللقب الإفريقي واتمنى أن لايغضب علينا محبو النجم التونسي أو المريخ السوداني لأن فرص المريخاب والنجماويين باللقب والتأهل أساسا للنصف نهائي تبدو شبه معدومة للأول وصعبة للثاني ..... أما آسيويا فلم يبق لنا سوى الإتحاد السعودي وفرصه تبدو قوية بوجود أسماء كبيرة مثل التونسي الشرميطي والعماني كانو والمغربي بوشروان والأرجنتيني لوسيانو إضافة لهزازي ونور ومبروك زايد والرهيب ولا ننسى أم صلال القطري الذي وصل بعدما تجاوز كل التوقعات وهذا لا ينفي نهائيا قوة فرق شرق آسيا وأستعداداتها ولكنا فعلا نتمنى أن نشاهد ثلاثة أندية عربية في مونديال الأندية في أبو ظبي إضافة لبيضة الديك الحالية وثاني الواصلين بعد الأهلي الأماراتي حامل الخماسية برشلونة ( حبيب عصام سالم حاليا ) ويبدو أنه ليس حبيب عصام الوحيد فالملايين في العالم يعشقون البارشا خاصة بوجود نجوم يجمع العالم على روعتهم ورفعة أخلاقهم مثل ميسي الذي حصد هو الآخر لقب الأفضل في الدوري الأقوى وإبراهيموفيتش الذي أراه شخصيا اللاعب الأكمل والأجمل والأمثل في العالم ومدرب مغامر لايخاف المجازفة مثل غوارديولا ونجمين يتمنى أي مدرب في العالم أن يكونا في صفوفه وهما بويول وكزافي واللذين أعتبرهما كل المراقبين السبب الأول في تتويج برشلونة باللقب الأوروبي ... وللامانة وإن كنت من مشجعي تشيلسي وليس برشلونة ورغم وصول البارشا على حساب البلوز وبظلم تحكيمي إلا أنني في النهائي الذي تابعته في روما كنت مع الفريق الكاتالوني فقط لأني كريستيانو رونالدو المغرور والمتكبر في الجانب الآخر .... كل هؤلاء النجوم سيتواجدون في الدولة قريبا ولأول مرة سنستمتع بأماسي كروية بعدما كنا نتابع صباحات يابانية وأعتقد أن مسألة التوقيت وعدم وجود فوارق كبيرة بيننا وبين أوروبا ( ليس كما بين اليابان وأوروبا ) هي مسألة تصب في خانة نجاح البطولة قبل أن تبدأ وحصول برشلونة على لقب السوبر الأوروبية أيضا يصب في مصلحة البطولة فالكل سيراهن على التتويج السادس للفريق الأسباني وبالتالي زيادة حدة المنافسة وقوة الدافع لدى نجوم البارشا للعب بالطاقة القصوى وللآخرين بمحاولة ترك البصمة وكتابة التاريخ .. وكم أتمنى فعلا أن يكون نصف المشاركين من ديرتنا حتى نتفاعل مع أحداثها وليس فقط نتفرج على مبارياتها ... وقولوا آمين يارب العالمين ... "نقلا عن صحيفة الإتحاد"