|
|
 رسول زي دة أصلو ما شفنا !!
|
تخيلوا إلى أي حد بلغ التطاول و السخف و ( قلة الأدب ) بهؤلاء العاملين فيها ( مداحين ) و كمان ( مداحات ) ..
|
|
 
|
|
|
|
|
|
|
|
Re: رسول زي دة أصلو ما شفنا !! (Re: عصام دهب)
|
في فقرة ( أفراح .. أفراح ) التي تقدم ضمن حلقات برنامج مساء جديد بتلفزيون النيل الأزرق .. شاهدت مرة لقطات من حفل زواج أحدهم ..
هذا الأحدهم يبدو أنه كان يريد أن يكسب رضا المدعوين فأحضر ( فنان ) و ( مداحة ) ..
أيووة مداحة عديل كدة و كمان ( بتمدح ) ..
الأخت ( المداحة ) شوف عيني واقفة في المسرح تغرود في عيونها و تتمايل ـ نظام درويشة و كدة ـ و من ثم ( تسكسك ) بمدحة أجزم أنها ( لاطشاها) من واحد سمعته ( يغني) منها ( كوبليه ) في دعاية لتوزيع ( الشريط ) ..
و الأنكى من ذلك أن ( السباتة ) مليانة تووووف ,, اولاد و بنات و نسوان و رجال و عريس و عروس و حاجات و شنو شنو و أختلط الحافل بالسافل ..
و الفنانة ..
أقصد ..
المداحة ( تردح )....
و ( الكشافة) تكشف ..
آكل أيه .. أكل عجوة ..
أشرب أيه .. أشرب قهوة ..
أبكي كيف ؟؟
ـ
تبكي بس ..
و بأبي أنت و أمي و بذريتي يا سيدي و سيد الخلق يا محمد يا رسول الله ..
| |
|
|
|
|
|
|
|
|
|
Re: رسول زي دة أصلو ما شفنا !! (Re: عصام دهب)
|
و مع أن السودانيين يقولون عن أنفسهم أنهم أكثر الناس محبة للرسول الكريم محمد صلى الله عليه و سلم ..
إلا أنني أرى أن كثير من هذه المحبة المزعومة ( كلام فارغ ) ..
فالرسول ( ص) و هو الذي لا ينطق عن الهوى قال في حديث شريف « لا يؤمن أحدكم حتى أكون أحب إليه من ولده ووالده والناس أجمعين »
و لأن المحب لمن يحب مطيع فإن محبة الرسول صلى عليه و سلم تقتضي بالضرورة طاعته ..
لا يمكن أن تحب أحدا و أنت لا تطيعه ..
| |
|
|
|
|
|
|
|
|
|
Re: رسول زي دة أصلو ما شفنا !! (Re: عصام دهب)
|
الفنان محمد وردي زعلان ..
و مبعث هذا الزعل لمحمد وردي أنه سمع ..
أحد العاملين فيها مداحين ..
و هو ـ أو كما يعتقدأنه ـ يمدح ..
و يقول ..
( رسول زي دة أصلو ما شفنا ) ..
ـ
اللهم لا تؤاخذنا بما يفعل الجهلاء السفهاء منا ..
| |
|
|
|
|
|
|
|
|
|
Re: رسول زي دة أصلو ما شفنا !! (Re: محمد عبدالله مختار)
|
سلام يا محمد عبد الله
| Quote: ياخ والله ديل يرفعوا للواحد ضغطو! |
يا إن بقت على كدة و بس ما في مشكلة ..
| Quote: كمان الموضة الجديدة (المداحات)!! |
و بعد شوية حتشوف مجموعات و فرق مديح حريمي و بناتي و مافي زول أحسن من زول ..
| Quote: ديل ناس مستهبلين وده رأيي الشخصي فيهم |
و أنا رأيي أن معظمهم ( مستنكحين ) بدليل تقاضيهم أجوراً باهظة عما يقومون به مما يسمونه مدحاً ..
ـ
شكراً و يا ريت كل زول يقول رأيو بي صراحة ..
| |
|
|
|
|
|
|
|
|
|
Re: رسول زي دة أصلو ما شفنا !! (Re: عصام دهب)
|
و الله عارفين يا ( جماعة )
أن في السودان كل شيئ
في غير مكانه ..
و كل شئ ( جايط ) ..
و البعض يقولون ـ كذبا ـ كل شيئ( لله ) ..
و أن هناك إنحدار
و أن هناك إنحطاط
لكن ليس إلى هذا الدرك ..
درك أن تخرج علينا ( واحدة) ..
ربما لا تحسن ( التطهر ) حتى ..
تخرج علينا
لـ ( تمدح ) في ( الحفلات ) ..
و الأوفر نايتات ..
لتعلم الناس ( الحب )..
فبئس الصيّاحة ..
ـ
و نعم الممدوح أفضل خلق الله ..
| |
|
|
|
|
|
|
|
|
|
Re: رسول زي دة أصلو ما شفنا !! (Re: حيدر حسن ميرغني)
|
Quote: دي التجارة بالدين يا عصام
لا يستطيع احد ان يمنعهم من ذلك للاسف الشديد
وفاقد الشيئ لايعطيه |
نعم يا حيدر صدقت و الله ياهي التجارة الواحدة دي ..
أستغل هؤلاء ما فطر عليه غالبيه أهل السودان من محبة عفوية لسيدنا و حبيبنا أفضل خلق الله ..
و كان لهم ما أرادو في إستغلال هذا الحب ..
تخيل يا حنين تلقى ليك أتنين ماسكين طارات و الناس متحلقين حولهم في نص السوق و هم خاتين ليهم قطعة بتاعة قماش في الأرض عشان الناس تجيئ ( تعرض ) و ( تخت ليهم ) الفيها النصيب ..
بالله دة مش إستنكاح و أكل أموال الناس بالباطل ..
و الحكاية طبعا إتطورت
و بقت فرق و جماعات و أفراد و كاسيتات و سي ديهات و حركات و حقوق مؤلف كمان و حق أداء علني .
قال بحبوه !!
| |
|
|
|
|
|
|
|
|
|
Re: رسول زي دة أصلو ما شفنا !! (Re: عصام دهب)
|
كنت قد قرأت ذات مرة ..
أن والد أحدى ( المداحات ) ..
أقام حفلاً كبير بمناسبة عيد ميلادها ..
و أنه أعتاد إقامة هذا الحفل سنوياً لها ..
( في رأيي عادي كل زول يحتفل بعيد ميلادو ) ..
لكنه كان تجمعاً !!
أو كأنه نظام ( حولية ) و كدة ..
و قرأت أنه كان من ضمن حضور الحفل رئيس الوزراء السابق السيد الإمام / الصادق المهدي ..
حقيقة السيد الصادق المهدي زول فاهم جداً ، جداً ..
و من ( كبارنا) ..
و مع ذلك !!
| |
|
|
|
|
|
|
|
|
|
Re: رسول زي دة أصلو ما شفنا !! (Re: حيدر حسن ميرغني)
|
الاستاذ دهب رمضان كريم
Quote: حديث شريف « لا يؤمن أحدكم حتى أكون أحب إليه من ولده ووالده والناس أجمعين »
|
صلى الله عليك يا أشرف الخلق يا سيدى يا رسول الله .
ما ذكرته سيدى يعتبر منتهى قلة الادب و السفاهة و السفالة و الانحطاط , يجب ان يتم خطابه صلى الله عليه و سلم بما يليق و مكانته صلى الله عليه و سلم .
و شكرا
| |
|
|
|
|
|
|
|
|
|
Re: رسول زي دة أصلو ما شفنا !! (Re: عروة علي موسى)
|
الاخ عصام والاخوه الاكارم
رمضان كريم
يحكي ان الشيخ احمد عوض الكريم ابوسن زعيم قبيلة الشكريه
ورجل له صفحات في تاريخ السودان السياسي القديم ايام الاستعمار
هذا الرجل عرف بذكاء وحكمه
يقال انه ايام توليه امر البطانه من قبل الحاكم العام الانجليزي
امر الناس في حاضرة البطانه رفاعه بانهم في فصل الخريف يجب
عليهم الذهاب الي الزراعه يعني ما داير زول يتسكع في وسط السوق بنهار
الكل يجمع في الزراعه يحش يزرع حتي يكتفي الجميع غذائيا
وفي واحده من صباحات الخريف خرج من داره وهو علي عجل مسافرا الخرطوم للقاء الحاكم العام
واثناء مروره علي وسط سوق رفاعه شاهد جمع كبير من الناس فامر سائق العربه بتوقف وسال
الجمع ماذا هناك قالو له ديل مداح
قال ليهم بيمدحو شنو
قالو ليهو بيمدحو الرسول (ص)
اشار للحاشيه جيبوهم ودقوهم واحبسوهم
هو الرسول الشتمو منو عشان يمدحوهو
اعتقد مستوي عالي من العقلانيه والحكمه
| |
|
|
|
|
|
|
|
|
|
Re: رسول زي دة أصلو ما شفنا !! (Re: الرشيد ابراهيم احمد)
|
صدقت يا أخي عصام دهب
في أحدي القنوات المخصصة للمديح في السودان يمكنك أن ترى العجب العجاب
خصوصا الفرق المصرية التي تمدح
سمعت مرة واحد أو واحدة لا أذكر
يقول : نحن محرجين منك أوي يا رسول الله (أو ما شابه ذلك)
لا حول ولا قوة
اللهم صلي وسلم على نبينا وحبيبنا محمد بن عبد الله وعلى آله وصحبه وسلم تسليما كثيرا
| |
|
|
|
|
|
|
|
|
|
Re: رسول زي دة أصلو ما شفنا !! (Re: جعفر محي الدين)
|
Quote: و مع أن السودانيين يقولون عن أنفسهم أنهم أكثر الناس محبة للرسول الكريم محمد صلى الله عليه و سلم ..
إلا أنني أرى أن كثير من هذه المحبة المزعومة ( كلام فارغ ) ..
|
لو ترك الأمر لهذا التسيب
فسيحولنه الى مجرد فكي ايده لاحقة
| |
|
|
|
|
|
|
|
|
|
Re: رسول زي دة أصلو ما شفنا !! (Re: عبد الرحيم حسب الرسول)
|
أخي / عبد الرحيم
رمضان كريم .. و من الفائزين إن شاء الله
Quote: أتفق معك تماماً بأن بعض المدح هو شئ آخر لا أسميه تأدبا مع المحبوب
صلى الله وبارك عليه وآله |
ليس المدح فقط هو غير المتأدب ، هناك من المداحين يا عبد الرحيم من لا يصلي أصلاً و مع ذلك تجده مادحاً و يظهر لك و هو يمثل حالة الإنجذاب الصوفي من تأثره بالمدح و هو في ذلك كاذب بلا شك .
| Quote: وبعضه للإستهلاك فقط لا طعم ولا لون ولا رائحة |
و هذا الإستهلاك الضار سببه كل من أسهم في نشره عبر القنوات الفضائية و الإذاعية و الوسائط الأخرى و مسئول عنه أيضاً من يسمعه و لا يقاطعه ..
ـ
و صلى الله وبارك عليك و على آلك و صحبك يا حبيبي يا أطهر خلق الله ..
| |
|
|
|
|
|
|
|
|
|
Re: رسول زي دة أصلو ما شفنا !! (Re: الطيب رحمه قريمان)
|
أخي / الطيب
رمضان كريم و تحياتي
| Quote: ما ذكرته سيدى يعتبر منتهى قلة الادب و السفاهة و السفالة و الانحطاط , يجب ان يتم خطابه صلى الله عليه و سلم بما يليق و مكانته صلى الله عليه و سلم . |
تعظيم الرسول الكريم صلى الله عليه و سلم يا أخي الطيب يكون بالإهتداء بهديه و التأسي به قدوة ، و كثير مما نسمعه و نشاهده ـ للأسف ـ هو فلة أدب ليس إلا ..
و صلى الله عليك يا أشرف الخلق يا سيدى يا رسول الله .
| |
|
|
|
|
|
|
|
|
|
Re: رسول زي دة أصلو ما شفنا !! (Re: عمار محمد ادم)
|
عصام..ود بت عمتي
رمضان كريم وكل عام وأنتم بخير
يا ود أختي الحاصل في السودان كل لا يتجزأ....وده كلو جزء من المتاجرة بالدين..من الحكومة لحدي المداحين
رسول زي ده أصلو ماشفنا......منتهي السفالة ..والصعلكة....
صلي الله عليك وسلم يا أعظم خلق الله.....
| |
|
|
|
|
|
|
|
|
|
Re: رسول زي دة أصلو ما شفنا !! (Re: عمار محمد ادم)
|
Quote: تعظيم الرسول الكريم صلى الله عليه و سلم يا أخي الطيب يكون بالإهتداء بهديه و التأسي به قدوة ، و كثير مما نسمعه و نشاهده ـ للأسف ـ هو فلة أدب ليس إلا ..
و صلى الله عليك يا أشرف الخلق يا سيدى يا رسول الله .
|
شكرا عصام دهب
فعلا الحاصل قلة ادب وسفه والمقصود منه تفريخ جيل خائب من الشباب
وصلى الله عليك ياحبيب الله
| |
|
|
|
|
|
|
|
|
|
Re: رسول زي دة أصلو ما شفنا !! (Re: Dr.Mohammed Ali Elmusharaf)
|
قبل مجيئ الإنقاذ لم تكن هناك فرقاً ( غنائية ) للمديح أو الإنشاد الديني ..
و أذكر أنه كانت هناك فرقة إسمها ( نمارق ) ..
و كانت هذه الفرقة مهتمة بالإنشاد الديني إلى جانب بعض الأغاني الوطنية ..
و ّأذكر كان من بينهم فنان مدينتنا الأول ـ آنذاك ـ عمر بانقا ..
و عمر بانقا لم يكن كوزاً بأي حال ..
و مع ذلك كان كثير من الناس يقولون أن( نمارق ) هي فرقة ( الفنانين الكيزان ) ..
نمارق كانت مغمورة و لم يكن لها صدى واسع كعقد الجلاد أو ساورا أو السمندل أو غيرهم من الفرق الغنائية والموسيقية ..
لكن مع بداية الإنقاذ كانت نمارق فوووق ..
و في الإنقاذ ظهر بعض الفنانين الفجائييين و المنسيين و هم يؤدون الأناشيد الجهادية و الحماسية ..
و أضحى هؤلاء أصحاب الحظوة في كافة الإحتفالات الرسمية ..
و كانوا ينتظرون أي إحتفال فيه خطاب للرئيس حتى يتغنوا قبل صعود الرئيس للمنصة و بعد إنتهاء خطابه ..
و في إطار ما أسموه ( التأصيل ) كان و لا زال بعض الإنقاذيين و المنافقين من إتباعهم يرون أن الغناء ( بتاع الفنانين دة ) حرام..
ـ
أواصل ..
| |
|
|
|
|
|
|
|
|
|
Re: رسول زي دة أصلو ما شفنا !! (Re: عصام دهب)
|
دهب ..
زمان في حلتنا في زول لذيذ كدا اسمه حسن سالم .. كان عنده عبارة مشهورة بقولا طوالي .. ( و الله انا كان قمت عفن خلاص ) ..
كما يبدو لي ان دا حال السودان الآن ..
ممكن بكل حياد .. نقول السودان ( قام ) .. !!
| |
|
|
|
|
|
|
| |
عصام دهب
محمد عبدالله مختار
وجن
حيدر حسن ميرغني
الطيب رحمه قريمان
عبد الرحيم حسب الرسول
الرشيد ابراهيم احمد
جعفر محي الدين
محمد عبدالقادر سبيل
Osama Mirghani
humida
فيس بوك
تويتر
انستقرام
يوتيوب
بنتيريست