كتب الكاتب الفاتح جبرا المتوفرة بمعرض الدوحة
|
|
 من الخرطوم ســـــــــــــــــــــــــــــــــلام
|
وانا وسط الاهل والحبان والاصحاب
والجو الخريفي البديع والحلومر والآبري
وكمان وسط الطين والبرك والبيوت الوقعت واللسة ح تقع والبعوض المنتظر والملاريا المتوقعة (دة عشان أكون امينة في نقل الصورة كمان)
قال كدي بكري ابوبكر مشكور لبّى طلباتي باعادة الباصوورد الكان ضائع
فمن العرضة دعواتي ان كل سنة وانتو بخير ونعمة وتصوموا وتفطروا ع خير
شَـــيْماء
|
|
 
|
|
|
|
|
|
|
 Re: من الخرطوم ســـــــــــــــــــــــــــــــــلام (Re: Shayma)
|
سلامات شيماء..
وكل عام وانت بخير..
عارفة يا شيماء الخرطوم بي بعوضا وبركا وبيوتا الواقعة الواحد بيشتاق ليها..
عارفة ليه؟؟
عشان لمة الاهل والاحباب والاصحاب القلتيها دي وقطعتي قلبي بيها..
يا حليل امدرمان يا شيماء..
النبي فيك لو ما اخدتي لي رقدة في حوشكم..
وشمي لي هبة هواء..
ـــــــــــــــــــــ
حمد لله علي سلامة الباسويرد..
| |
|
|
|
|
|
|
|
|
|
Re: من الخرطوم ســـــــــــــــــــــــــــــــــلام (Re: baha eassa)
|
| Quote: سلامات كتارات ياخ .. |
نوبي
سلامات بالاكتر
ومبروك العمرة ديييييييك
| Quote: صدقتي والله فعلا دايرة ليها اسبوع دي |
ود البشرى
اسبوع الشوية دة؟!!! ياخ طلباتي لي بكري براها دايرة ليها اسبوعين
بصبر ليك لمن تعمل شهور المنبر!
ذو اليد
ضفادع وجراد وقُمّل واييييك ما تعدّش
خليها مستورة احسن
| |
|
|
|
|
|
|
|
|
|
Re: من الخرطوم ســـــــــــــــــــــــــــــــــلام (Re: Shayma)
|
نوفل
وانت بالف خير ونعمة ان شاء الله
امير
وين الحي بيك واخبارك والامارات وكلو كلو
سلام خاص لامورتك الفي البروفايل
بهاء
عندي مفعوص صغيروني كدة قايم في الكورة بالطول والعرض من وين ما بعرف
وهلالابي كمان
شايفاه اتكسر عديل في صورة بروفايلك !!
اخبارك والقاهرة ع حسك
وكل سنة وانت بخير وعافية
| |
|
|
|
|
|
|
|
|
|
Re: من الخرطوم ســـــــــــــــــــــــــــــــــلام (Re: Shayma)
|
عارفة يا سرور
حكاية الخرطوم حلوة بي ناسها دي انا خايفة تكون ديباجة نحن بنطلعها وقت اللزوم نخفف بيها احساسنا بالذنب عشان بعدنا عن الوطن والاهل الماعندنا نية نضع ليه نهاية
ما تزعلي ما بقصدك انتي بالكلام دة
عارفة بقول كدة لييه؟ لانه بقى عندي احساس ما حلو ابدا مؤخرا انه الاحباب والاصحاب ديل بيتغيروا تبعا لتغير الحال في السودان الماشي من سيئ لاسوا.. بقول الكلام دة من واقع مواقف حصلت لي من اقرب الناس من الاهل والاصحاب ديل فييييي قعدتي دي.. باقي الناس بتحسي في فتور وبياخة وما عاد الحماس الشديد والاخلاص في العلاقات داك موجود
والله يا سرور وهموني ولا الغربة خلت اسلاكي ضربت ما عارفة
غايتو المتاكدة منه انه في شي مختلف
يكون يا ربي عشان انا بجي كل سنة ملّوا وزهجوا مني (وش متفائل انه دة ممكن يكون السبب)
تحياتي بدون حدود يا غالية
| |
|
|
|
|
|
|
|
|
|
Re: من الخرطوم ســـــــــــــــــــــــــــــــــلام (Re: Abdlaziz Eisa)
|
سلام يا شيماء
رمضان كريم
ايوه اتدكرتك ..انت شيماء الما جاءت برلومة في المنبر
هرشتها ...ياااااااااه والله زمان
تتدكري كنتي بتخشي بوستاتي ..هرشة ساكت .
والله
البرالمة كبروا .
تخيلي انا كنت بعيد من المنبر ..باختياري وما مثلك باختيار بكري والباسوورد .
انا بعيد من السودان بالاف الفراسخ والفراسخ ..ومشتهى قراصة بملاح تقلية
بس اوعي تكتري الملح .
تحياتي واحفظي الباسوورد بتاعك يا برلومة
..مفهوم ؟
تحياتي
| |
|
|
|
|
|
|
| |
Shayma
فيصل نوبي
محمد البشرى الخضر
ذواليد سليمان مصطفى
نوفل عبد الرحيم حسن
Amir Omer
سارة علي
baha eassa
Abdlaziz Eisa
salah elamin
محمد عبد الماجد الصايم
فيس بوك
تويتر
انستقرام
يوتيوب
بنتيريست