|
افكر فى العودة الى القرير
|
هنالك كان مسقط راسى وطفولتى الباكرة هنالك مقابر ابائى واجدادى احس بالامان النفسى والعافية الجسدية حين اكون هناك فى بيت جدى الكبير ارمم تلك الغرف واعيد بناء بعضها مازالت شجيرة النيم تلقى بظلالها الوارفة على ذلك الحوش الكبير وقد تضخم ساقها جدا زريبة البهائم تكاد ان تكون كما هى الا انها خالية من تلك النعاج وصغارها من الحملان حتى سرج حمار جدى مازال باقيا اريد ان اضعه على ظهر جواد من بعد ان تقوم الحكومة التركية باعادة الخيول الى ديار الشايقية وكان قد سحبها جيش محمد على باشا بقيادة ابنه اسماعيل بعد معركة كورتى الشهيرة..اريد ان اصعد قوز ام شديرة واكتب قصيدة لامى:
|
|
|
|
|
|
|
|
Re: افكر فى العودة الى القرير (Re: عمار محمد ادم)
|
واى الليلى واى الليلى وعاد يا يمه واى الليلى ياهو قليبى وما هو الليلى ويمة همومى باقى تقيلى اسوق خطواتى وما بتمشيلى اقوم اوبح وتب شاد حيلى اشيل مكيالى وانتى تكيلى دى لوبى وعفنى تبقى بليلى واصلك يمة ما بترتيلى تطردى جنونى بى ترتيلى واسكت اقرا سورى طويلى تعالى معاى شيلى الشيلى
| |
|
|
|
|
|
|
Re: افكر فى العودة الى القرير (Re: عمار محمد ادم)
|
امانى التومى ماها دقيلى تعوس فى الكسرى تغنى حليلى تغنى معاى واى الليلى واى الليلى اقوم فى اسراع واسقى نخيلى تقولى قروشى وحاتى قليلى اقيف والوقفى يمة طويلى حمار التومى هيلها وهيلى اقوم اندله والله وكيلى عشان التومى ما تشكيلى
| |
|
|
|
|
|
|
Re: افكر فى العودة الى القرير (Re: عمار محمد ادم)
|
اصلو زمنا لو سويتلو ما بسويلى دموع عينى كبى وسيلى على يا النخلة تحنى تميلى وعارفك تمرى شانى تشيلى تانى اغنى واى الليلى واى الليلى امانى التمرى ماها جميلى فالحى التمرى فى ضليلى اجيك وانتى ما بتمشى لى احبك وتحتك انتى خاتو سبيلى
| |
|
|
|
|
|
|
Re: افكر فى العودة الى القرير (Re: عمار محمد ادم)
|
عمار ، ياخي إنت كوز شنو؟ ماممكن إنسان بهذا الجمال والإبداع يعمل نفسه كوز. ياخي أنا قلت ليك قبل كدا إنك ماكوز، لكنك دخلت الحكاية من باب الشفتنة. ياخي أكتب الشعر الجميل ، زي قصيدة أبوك حقة الأمس شفت أولاد الكماسرة لمن يكونوا صادقين مع نفسهم بيبدعوا كيف؟
تحياتي
| |
|
|
|
|
|
|
Re: افكر فى العودة الى القرير (Re: عمار محمد ادم)
|
عمار ، ياخي إنت كوز شنو؟ ماممكن إنسان بهذا الجمال والإبداع يعمل نفسه كوز. ياخي أنا قلت ليك قبل كدا إنك ماكوز، لكنك دخلت الحكاية من باب الشفتنة. ياخي أكتب الشعر الجميل ، زي قصيدة أبوك حقة الأمس شفت أولاد الكماسرة لمن يكونوا صادقين مع نفسهم بيبدعوا كيف؟
تحياتي
| |
|
|
|
|
|
|
Re: افكر فى العودة الى القرير (Re: عمار محمد ادم)
|
الاخ عمار
رمضان كريم
ياخى الحكاية شنو ؟؟؟
يوم اعتزلت السياسة
يوم اعتزلت الصحافة
واليوم ماشى القرير
ـــــــــــــــــــــــــــــــ
انا شايف انك افتقدت الامان بعد الضربة الاخيرة
ـــــــــــــــــــــــ
زمان انا قلت ليك خف قلمك دا شوية من اهلك ديل
يجى يوم تكوسن ما تلقاهم
| |
|
|
|
|
|
|
Re: افكر فى العودة الى القرير (Re: jini)
|
فكرة العودة للبلد والحصاد ...... جسد الشوق والحنين اليها الممثل القدير رسل كرو في فيلم المصارع رغم انه كان في قمة نجاحة كقائد
القرير بالحيل بتستاهل الرجعة ياعمار
| |
|
|
|
|
|
|
Re: افكر فى العودة الى القرير (Re: Faisal Elrasheed)
|
الشايقي مو حنين
والله يا مدن الضياع .. آمالي فيك ما بتتحسب في دوبه فارقت البلد .. جيتك مقاسي الشوق غصب
رمضان كريم .. بالمناسبة مرة سافرت البلد اجازة
عملت فيها تربال
زرعت المريق وشوية خضروات
لبست العراقي واكلت الكسرة بملاح الأرّيق
شربت الشاي المنعنع..
شربت الموية من الجدول مباشرة بدون كوز
كنت اجلس لساعات طويلة -سعيداً بهذه الوحدة- أتفكر في خلق السماوات والأرض وما بث الله فيهما من دابة
بأمانة .. كانت اجمل الأيام في حياتي على الاطلاق .. وبصراحة حسدت اهلنا الهناك على الحياة البسيطة والتي لا يعرف حقيقتها الا من عاشها على ارض الواقع.
| |
|
|
|
|
|
|
Re: افكر فى العودة الى القرير (Re: محمد عبدالله مختار)
|
القرير اعود اليها احمل لها حبا عظيما فهى بقعة من الارض فى طول 17 كلم الا انها غميقة الاثر فى نفس كل من عاش فيها حتى اولئك الذين اتو من خارجها من كان مثل حسن الدابى ينساب الشعر من دواخله بسهولة ويسر مفردات بسيطة ورائعة (مادام طار جنى الوزين...يادوب قل نوم العين) ..وهل احكى لكم عن محمد سعيد دفع الله ذلك السهل الممتنع..
| |
|
|
|
|
|
|
Re: افكر فى العودة الى القرير (Re: د.نجاة محمود)
|
إنت مالك ياخوى اليومين .. مره اقرر مره افكر مره ساتخذ وساعمل ياخي دي حاجات تخصك إنت ..وأنا في إعتقادى إنك بتملك قلم جيد وعندك مقدرة في مواضيع افيد بالنسبة للقارئ ..
إنت الظاهر شيلت قريبك دا جهجتك وشطبت راسك وغلبك التسويه
| |
|
|
|
|
|
|
|