|
|
 Re: قالوا مندلِّين يشوفوا كل زول ينزل جروفو (Re: طارق جبريل)
|
يعلم الله يا طارق اتوقعتك اول زول تندلي للبوست دا
دي الاغاني القمنا معاها مثل النباتات في تربة طيبة خصبة حنينه
في قصة لطيفة يبقالي حكيتها قبل كدا هنا، في طفولتي الاولي
ما شفت فنان غير فنانين الطمبور،النعام، محمود اخوه، ود كرم الله
ود جبارة و صديق، اها ديل طبعا بعملوا موسيقتهم براهم
كنت لما اسمع الرادي ولا اسطوانات ابوي بتصور انه فنانين الخرطوم
ديل برضو بسووا الموسيقي الكتيرة دي براهم، اتصورت انه الواحد
يضغط علي حاجة تطلع الموسيقي الدايرها، طفل بذلك الغباش اني له تصور ما يمكنا تسميته بالزر بعد ان تمدنا و طوفنا الافاق؟
الفنان الوحيد المختلف الجانا في البلد كان المرحوم أحمد الطيب و هو برضه بسوي موسيقته براهو فاترسخت الفكرة
و اذكر انا في ذاك الحين لم يعجبنا و تمنينا لو كان النعام، الاصله لا ملينا لا ملانا، تماما كما وصف الفاتح بشير الطمبور
علاقته بنا و علاقتنا به...
اليومين ديل متاوراني اشواق و قايم علي حنين و ترافقني ذكريات للبلد بحالها.. كنت تربال و لم ابلغ سن الدراسة، احش القش و ارطه تمساحي و انط اخلف كريعاتي فورق رقبة حمارة مكعوجة تتصادم قماها الخلفيتان فيتأذيان و تزعزع اجسامنا الضئيلة المعتليه ظهرها المتهالك.. اجلب الماء من الجدول و ايام تفتح زهرة النيم نطر الي قطع مسافة اضافية لجلب الماء من النيل لان الزهرة اللعينة تصيبنا بالطمام اذا شرنا ماءاَ احتوتها..
| |
 
|
|
|
|
نصار
طارق جبريل
فيس بوك
تويتر
انستقرام
يوتيوب
بنتيريست