|
عاد دا كلام دا؟ وفي رمضان كمان؟ "توجد صورة"
|
كمدخل عن اذنكم انقل قصيدة النعمان بن المنذر الكتبتها في بوسطي نادية عثمان وانا ارد بها على المتزحلق المتجلبق صديق الموج....... حتين بعد داك اجيكم للنضم البيعشر ويلد...:-
ودِعْ زليخةَ بوادي الشخمِ ابرقُ وما زليخةَ الا كمنعهٌ بركةَ تجلبقُ بانت بالأربعين سبعة بيوتٍ تزحلقُ وعصامي انجدٌ يترجرجُ وينتفشُ ويبرقُ كميتُ اللونِ ذا جنزٍ منفوخٌ يفعلُ فعلَ ود ابرقُ
بعد ما حاولت ابقى مطرب .... وما قدرت اصلو الغنا دا قسمة ونصيب... وانا عودي فيهو عود مرا ... وليت لي عود ابو اللمين ... او كمانة حمدية.. او دلوكة من دلاليك بني جعل.... المهم حلفتا ان اطارد الغنا اين ما حلّ.... وعشان اوري الناس اني موسيقار وحالف ما اخلي الغنا لي ناس الموصلي وزولنا الاسمو خدر وياسر مبيوع وتمتام وفرفور وبربور وناس حمبرة وغناما ... قعدت وفكرت كثيرا ... درست الحروف الموسيقية فوجدتها نضم فاضي وما عندو اي قيمة بلا "دو- ري- مي "بلا نضم فاضي ... وحيث انني بيطار ... وقد توصلت الي لخبتا البيطرة مع المزيكية... وواصلت دراستي بجد واجتهاد الي ان اكتشفت حروف موسيقية جديدة معتمدة اعتماد كلي علي حروف النهر" من نهر ينهر فهو ناهر او منهور".. حروف النهر للحيوانات يعني لما تنهر حيوان ح تقول ليهو شنو.... مثلا الغنماية تقول لها "تك"... الكلب " جر"... الكديسة" بس".... وهكذا .. فكونت حروفي الموسيقية وهي كالاتي:-
تكْ = تقال للغنماية واهلها عيْ= تقال للنعجة وعشيرتها عرْ= تقال للحمار وذوي القربى هُورتْ= تقال للحصان واهله كرْ= تقال لكل الطيور الداجنة وغير الداجنة جرْ = تقال للكلب ومن يتصل به برحم بِسْ = تقال للكديسة واهلها
حركة السكون في نهاية كل هذه الحروف والفتحة في مطلعها ماعدا حرف" هُورت" بدايته ضمة .. وحرف" بسْ "بدايته كسرة... لم اختار حروف النهر للبقر لانو ممكن تكون هي نفسها حرف نهر النعجة .. اما حرف نهر الجمل لم اختاره لاني بعتقد انو اي زول ينهر جمل والله يتلوم في جمل دا زول ما عندو انسانية بتعريفة وحقو يموت ..وميزة الحروف دي انها ساهلة واي قرد قاعد يغني ممكن يسوي النوتة بتاعتو براهو ويغنيها براحتو....والحروف دي ممكن تتكتب كنوتة برمز اضان الحيوان لكل حرف ... والاضنين البتتشابه او خوفا من التشابه ممكن نرسم اضان ونميزها بشختة تحت رسمة الاضان.. يعني مثلا لو خفنا اللخبتة بين " هورت" الحصانية ... و"عر" الحمارية" نرسم اضان الحمار وتحتها شختة... والحصان نخلي الاضان بلا شختة ... ودا برضو بالنسبة للغنماية وللنعجة... والكديسة والكلب...الميزة في هذه الحروف الموسيقية انها تمثل ما يتميز به صوت الحيوان المنهور وليس لها اصل لغوي في كل اللغات الحية علا كان لغة ماتت وانا ما عندي خبر........ وعليه منكن نعيد كتابة كل تراثنا الموسيقي بناءا على هذه اللغة الموسيقية الجديدة .... يعني انا مثلا كتبة نوتة غنية يا نور العين لمحمد وردي كالاتي:-
عيْ – تكْ- عيْ –بسْ كرْ- هُورتْ – جرْ- بسْ كرْ – كرْ- بسْ – جرْ
........................ عرْ– عرْ- هورتْ بسْ – تكُْ– تك ْ– جرْ هورتْ – عيْ - بسْ
... وهكذا لان نور العين تعتبر بمقايس هذه اللغة تعتبر غنية ضعيفة موسيقيا ... وتكرار في تكرار......
شخصي الموشيقار الفقير لله مستعد لتوزيع اجعص غنية ... في اقل من خمسة دقايق
والله من ورا القصد
* النقاش لاهل العلم والمعرفة .... لانو الموضوع جاد .. وانا عايز اسجل الاختراع رسمي!
نموذج للنوتة القديمة المتخلفة......
|
|
|
|
|
|
|
|
Re: عاد دا كلام دا؟ وفي رمضان كمان؟ "توجد صورة" (Re: سجيمان)
|
Quote: تكْ = تقال للغنماية واهلها عيْ= تقال للنعجة وعشيرتها عرْ= تقال للحمار وذوي القربى هُورتْ= تقال للحصان واهله كرْ= تقال لكل الطيور الداجنة وغير الداجنة جرْ = تقال للكلب ومن يتصل به برحم بِسْ = تقال للكديسة واهلها |
ما كنته قايله دخلوها المقرر.... غايتو جنس غايتو
يالحبيب رمضان كريم تصوم وتفطر انت والمعاك وست النفر وكل الاحباب علي الف خير وصحه وعافيه وسعاده ابديه.... ويكفين شر الخنازير والبيجي منهم امين يا كريم....
معزتي واحترامي
| |
|
|
|
|
|
|
Re: عاد دا كلام دا؟ وفي رمضان كمان؟ "توجد صورة" (Re: Ahmed Yousif Abu Harira)
|
شان البلد بي قشة مكشاشة تقوم وتقعد وتشتت في الأستاذية لي متل ناس عاطف السماني وناس قريعتي راحت ولي ناس ندوية "لكن بيني وبينك أستاذة" .... مش .... الموسيقار سجيمان إنت قلت عندما تكون داير تكتب الحرف الموسيقي "عي" لازم تفرزو من الصوت النعاجي البعامي ، وهو الصوت الوخيم ، والبعامي صفة ملازمة للخروف الذي لم يقسم له رب العالمين قرون . وعملية الفرز دي لازم تحدد ليها قاعدة ثابتة شان الشرامة الزي ناس هناي مايجو يصوتو ساكت ، وأنا عندى فكرة .. لوسم البهايم في السودان مسميات تختلف بإختلاف القبائل السودانية ، فمثلا ً نجد وسما ً محددا ً للحسانية ، أها جمل الحسانية كان راح ولا سرقوهو الهمباتة ، بيتعرف طوالي بدون أي شك. وعلى ذلك قس ياسجيمان وحكاية الوسم بتاعة الهناي دي بتريحك شديد.
| |
|
|
|
|
|
|
Re: عاد دا كلام دا؟ وفي رمضان كمان؟ "توجد صورة" (Re: سجيمان)
|
سي جي العزيز رمضان كريم
أهنئكم على هذه الطفرة الكبيرة في ( تنويت ) و توزيع الغنيات
كما أن
Quote: وترقبو غريبا توزيع غنية " ورا ورا ... والماعندو ورا يطلع برا" |
هذه الأغنية تحتاج منكم إلى البحث عن كلمات لنهْر الفيل و الخرتيت و فرس البحر و كل ذوات الأعجاز
دمتم
| |
|
|
|
|
|
|
Re: عاد دا كلام دا؟ وفي رمضان كمان؟ "توجد صورة" (Re: ابو جهينة)
|
الحبيب الغالي النبهان : عدولة سيد الغنية المقبولة ( سجيمان ) كيفك يا راجل .. ليك وحشة وشوق .. ورمضانك كريم ياالمتعلي فوقن فوق !!..
وأنا المسكين من ساعة قريت (البوست) ولا دربي ودربك قاعد مصنقر (حارث !!!) قناة النيل الأزرق وهارموني وزول و(قناة جونقلي!!)وقناة (السويس ) ذاتها !! علك تطل علينا ونسمع منك هذه العبقريةالموسيقية .. لكن ياخسارة !!!. الظاهر انتظارنا حيطول الى ما بعد رمضان 2020 ذاتو !!!.. لكن برضو حننتظر رغم أنف كل هذه القنوات وحتى لا يفوتنا هذا الشرف /العصري /العظيم !!!.
وسلامي كيمان .. يا سجيمان !!!.
خضرعطاالمنان
| |
|
|
|
|
|
|
Re: عاد دا كلام دا؟ وفي رمضان كمان؟ "توجد صورة" (Re: saif massad ali)
|
دة شنو يا شقى الحال
والله فعلا يا سى جى مى تطلعت عب قرى (بضم القاف)
شغل جن فى جن والله يستر عليك من العين العبقرية ذادت عندك وقال بينهم حبيل صغير
حسع دة كــــــــــلام
عيْ – تكْ- عيْ –بسْ كرْ- هُورتْ – جرْ- بسْ كرْ – كرْ- بسْ – جرْ
........................ عرْ– عرْ- هورتْ بسْ – تكُْ– تك ْ– جرْ هورتْ – عيْ - بسْ
انت خلى بالك الدكترة بتاعت البهائم دى ما دراسة بس بالخبرة سرحت لما اتششقت كورعيك وبقيت دكتور
ههههههههههههههه تحياتى ومودتى يا ابو الطيب المتنبى
| |
|
|
|
|
|
|
Re: عاد دا كلام دا؟ وفي رمضان كمان؟ "توجد صورة" (Re: سجيمان)
|
الاستاذ سجيمان ... عايزة اقول ليك (البنية نادية ما قصرت معاك جابتك لينا مرتين مرة مع مدني النخلي والتانية مع زولتك الجد جد شروووقنا (لكن مسعول من الخير خبر الكراتين بتاعت الشرايط (الكاسيت )البايرات ديك عملتو عليهن شنو وديتوهم وين لانو التخزين زاتو مشكلة وخاصة انك من منطقة بعيدة والقطارة بقت صعبة والبصات سياحية وكدا ما حيسمحوا ليك ترحل ليك كاسيت زي دا ...غايتو بعد سمعت كلامك اطمئنيت وقلت زولي دا حيتصرف حتى لو كسروهم (بيع بالخسارة تلتو ولا كتلتو ) امشوا استديو راشد والله الروماني وكدا
عفوا نقطة وواصل بوستيك
| |
|
|
|
|
|
|
|