|
ناس المريخ جونا الليلة
|
استقبلنا صباح اليوم بمطار لوساكا بعثة فريق المريخ السوداني قادمة من نيروبي وذلك لملاقاة فريق زيسكو الزامبي في الجولة الرابعة لربع نهائي بطولة الاندية الافريقية الابطال يوم الاحد القادم بلوساكا وسيجري المريخ مساء اليوم مرانه الاولى بملعب زيسكو ــــــــــــــــــــــــــــــــــــــــــــــــــــــــــــــــ يا المريخاب لو حضرت التمرين الليلة بمدكم بالتفاصيل ولو اني ما متاكد حامشي ولا لا لاني ما زول كورة.
دمبيك
|
|
|
|
|
|
|
|
Re: ناس المريخ جونا الليلة (Re: الكباشى البكرى)
|
الكباشي تدفعوا تقيل هههههههه نجيب ليكم الاخبار السيد محمد عبدالله مازدا مدرب المريخ ادلى بتصريحات صحفية صباح اليوم في مطار لوساكاالدولي اكد فيها ثقته بفوز المريخ في المباراة القادمة.
| |
|
|
|
|
|
|
Re: ناس المريخ جونا الليلة (Re: khaleel)
|
الاخ dombek yai
اسعد الله اوقاتك بكل الخير وشكرا جميلا على هذا البوست الرائع واتمنى من الله صادقا ان تجتهد معنا وتجلب لنا اخبار الزعيم لانه يعيش فى منعطف تاريخى ويتحدد مصيره فى بطولة الابطال بنتيجة هذه المباراه ..
كما افيدك بأن بوستك هذا قد وجد الاهتمام فى منتدى محبى المريخ وقد ناشدونا هناك بأن نقول لك هم متابعين بوستك هذا ومنتظرين المذيد من اخبار الزعيم
وشكرا جزيلا لك مقدما ..
| |
|
|
|
|
|
|
Re: ناس المريخ جونا الليلة (Re: طلحة عبدالله)
|
طلحة مشتاقيين ياخ وينك؟ شوف يا اخوي انت عارف انا لا مريخابي ولا هلالابي انا فتحت البوست ده عشان اوصل المعلومات العندي وبرضو بفتح بوست زي ده الشهر الجاي لمن يجى الهلال. عشان كده البوست مفتوح ليك انت المريخابي والاخ ياسر الهلالابي وكل المريخاب والهلالاب في البورد عشان تتجادلوا زي ما عايزين وما بتحتاج تاكد مني اذن يا ابوالشباب مع الشكر
| |
|
|
|
|
|
|
Re: ناس المريخ جونا الليلة (Re: نادر الفضلى)
|
الاخ نادر بالنسبة للجالية السودانية في لوساكا فهي جالية بسيطة جدا يعني عددهم حوالى كم وعشرين شخص ولو اضيفنا اطفالنا مكن نلحق اربعين. الطقس جميل بالرغم من انو الصيف لكن درجات الحرارة بتتراوح ما بين العشرينات والثلاينات والمباراة حتكون الساعة 2:30 ظهرا بتوقيت لوساك و 3:30 ظهرا بتوقيت السودان. بالنسبة للاستاد لسه ما مشيت اشوفو احتمال بعدين كده امشي لكن ما بيكون قدر حقاتنا استادهم بيكون تعبان شوية. تمرين المريخ حيكون اليوم الساعة 3:30 ظهرا في نفس الاستاد البلعبوا فيه يوم الاحد ،امبارح بالليل عملوا تمرين عضلات بس في الفندق في شوية صور الاستقبال بالمطار بحاول انزلها بعد نجى من المطار مع التقدير
| |
|
|
|
|
|
|
Re: ناس المريخ جونا الليلة (Re: dombek yai)
|
ياسلام عليك يا دومبيك ، نرجو الافادة اول باول وانشاء الله النصر للمريخ لانه
الفريق الوحيد الجدير بالبطولة وليس الصدفة....
الاولاد امام سلم الطائرة اكيد اولاد ايداهور!
| |
|
|
|
|
|
|
Re: ناس المريخ جونا الليلة (Re: dombek yai)
|
اوردت الصحف الزامبية الصادرة صباح اليوم تصريحات مدرب المريخ مازدا في المؤتمر الصحفى الذى عقده امس مع مدرب زيسكو حيث جدد مازدا استعداد المريخ للفوز بهذه المباراة اما مدرب منتخب زيسكو سيموكوندا فقال بانه واثق من الفوز بالرغم من غياب ستة لاعبين بسبب التوقيف و الاصابات
| |
|
|
|
|
|
|
Re: ناس المريخ جونا الليلة (Re: dombek yai)
|
مندوبنا الرائع بلوساكا .. دومبيك
نتابع التغطية الإعلامية الممتازة.. الجالية .. رغم حجمها الصغير .. إستعداداتها كيف؟ .. دايرين نشوف فى الإستاد أعلام حمراء و صفراء، و نسمع زغاريد تلهب الحماس وإن شاء الله تقضوا وقت جميل و تستمتعوا بمباراة جميلة و منصورين بإنتصار مريخ السودان.
| |
|
|
|
|
|
|
Re: ناس المريخ جونا الليلة (Re: نادر الفضلى)
|
شكرا أخونا دومبيك علي المتابعه سوداني وخليك سوداني
الاخوه بالاحمر ( نحن في المريخ أخوه ) ارجو ان نستمتع بما يأتينا به دومبيك من أخبار وحتي لا نفسد البوست اتركو النقاش الجانبي ركزو مع المريخ اللهم التوفيق ومرة أخري شكرا دومبيك واجتهد معانا .......ازهري
| |
|
|
|
|
|
|
Re: ناس المريخ جونا الليلة (Re: نادر الفضلى)
|
Quote: دايرين نشوف فى الإستاد أعلام حمراء و صفراء، و نسمع زغاريد تلهب الحماس وإن شاء الله تقضوا وقت جميل و تستمتعوا بمباراة جميلة و منصورين بإنتصار مريخ السودان. |
الاخ نادر ان شاء الله ما حنقصر بحجم عددنا البسيط ده لكن بكره كلنا باولادنا ونسوانا حنكون في الاستاد ان شاء الله ــــــــــــــــــــــــ تخيلوا بكره حيكون لي تاني مرة في حياتي ادخل استاد عشان احضر كورة المرة الاولي كان السنة الفاتت لمن جو الهلال ولاعبو مع زيسكو سافرنا من لوساكا لمدينة اندولا عاصمة حزام النحاس حوالى ثلاثة ساعات بالعربات عشان نشجعهم والحمد لله كان لاعبو كويس وفازوا نتمنى التوفيق بكره كمان للمريخ ان شاء الله
| |
|
|
|
|
|
|
Re: ناس المريخ جونا الليلة (Re: Azhari Mohamed)
|
Quote: وأصـــــــــــــــــــل ....المبارة الساعه كم بتوقيت السودان |
المباراة حتكون الساعة الثالثة ونصف ظهرا بتوقيت السودان الثانية ونصف بتوقبت زامبيا وحتكون مذاعة على الهواء مباشرة في اذاعة امدرمان. مع التقدير
| |
|
|
|
|
|
|
Re: ناس المريخ جونا الليلة (Re: omer osman)
|
Quote: بوست موفق جدا ، ياريت تورينا موقف النقل التلفزيوني عبر قناة ال ART |
الاخ عمر بالنسبة للبث التلفزيوني انا ما متاكد من نقل المبارة عبر ٌART لكن حتكون منقولة على التلفزيون الزامبي المحلي واحتمال في ال DSTV
| |
|
|
|
|
|
|
Re: ناس المريخ جونا الليلة (Re: dombek yai)
|
Quote: الاخ عمر بالنسبة للبث التلفزيوني انا ما متاكد من نقل المبارة عبر ٌART لكن حتكون منقولة على التلفزيون الزامبي المحلي واحتمال في ال DSTV |
الف شكر على المعلومة.
| |
|
|
|
|
|
|
|