هلا يا خليل والفريق ده كلامو عجيب.. قال الاتي علي المواطن احترام وطنه ومطاره حتي بعد داك يحاسبوه... اولا يجب ان يفهم هذا الفريق بانه راتبه الذي يستلمه شهريا هو من جبين هذا الشعب وثانيا فشله في توفير بيئة مطارية متحضرة في مطار الخرطوم لن يتحمل وزها المواطن السوداني الغلبان البحترم بلدو بالتاكيد.. بل هذا الفشل نابع من مثل عقليته العجيبة التي ترمي الفشل والقصور في رووس المواطنين الذين لا ناقة ولاجمل لهم في ادارة المرافق والمطار.. وبل اسف دي عقليات الذين يدفع لهم الشعب مرتباتهم من ابنائه ويعتقدون بانهم ارقي وانظف من الشعب
08-27-2009, 01:21 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: المطار هو واجهة البلد فان فشلت في جعله منارة عليك بالاستقالة
زي ده يا خليل قبل ما يستقيل مفروض ياخد درس عصر مكثف في الادارة وادارة المرافق العامة.. وياخد في ايضا درس عميق عن الشعب والوطن وضرورة احترامهم.. والكلام ده كلو هنا ده لانو كارثة السودان الحقيقية الفي العقليات دي.. الناس تدفع ليهو ماهيتو ويجي يبرطع ويعمل فيها ابو عرام
08-27-2009, 05:09 PM
khaleel khaleel
تاريخ التسجيل: 02-16-2002
مجموع المشاركات: 30134
الأخ خليل والأخوة المتداخلون انا ما عارف انتو زعلانين ليه من كلمة الحق ؟ نعم نحن نتعتمل مع ممتلكاتنا العامة بسبهللية عجيبة كأنها ليست ملك لنا.فبالأضافة لسؤ استعمالنا لمرافق المطار بس اطلعوا لى برة شوية حتى تشاهدوا كيف صارت الحديقة التى تمتد من مدخل شارع المطار وحتى نادى التنس انظروا اليها كيف صارت مليئة بالمخلفات وكيف تزعمطت النجيلة بسبب لعب الكرة بها وكأنها اقيمت لهذا الغرض انظروا للكنبات المعمولة للجلوس وكيف تم تشليعها انظروا لمجسم مسجد الصخرة بنفس الشارع وكيف صار مقلبا للطوب انظروا لشوارعنا كيف صارت عبارة عن مزابل لأكياس النايلون وباغات المشروبات الغازيةالفارغة.سيبكم من دة كلو وانظروا لكيف نتعامل نحن مع عملتنا الوطنية..حاجة تقرف .دعكم من هذا وذاك انظروا لعلم السودان ويرفرف على الوزارات والمرافق الحكومية والشركات والبنوك..حاجة تكسف وعلى ذلك يمكنكم ان تقيسوا كثيرا جدا من الظواهلر القبيحة (فينا)والتى ان دلت انما تدل على مدى درجة السبهللية التى تصل لمرحلة الهبل التى نتمتع بها ولا يحسدنا عليها احد. ياشباب حقو تشكرو الراجل ورحم الله رجلا اهدى لى عيوبى .
08-27-2009, 04:53 PM
khaleel khaleel
تاريخ التسجيل: 02-16-2002
مجموع المشاركات: 30134
Quote: الأخ خليل والأخوة المتداخلون انا ما عارف انتو زعلانين ليه من كلمة الحق ؟ نعم نحن نتعتمل مع ممتلكاتنا العامة بسبهللية عجيبة كأنها ليست ملك لنا.فبالأضافة لسؤ استعمالنا لمرافق المطار بس اطلعوا لى برة شوية حتى تشاهدوا كيف صارت الحديقة التى تمتد من مدخل شارع المطار وحتى نادى التنس انظروا اليها كيف صارت مليئة بالمخلفات وكيف تزعمطت النجيلة بسبب لعب الكرة بها وكأنها اقيمت لهذا الغرض انظروا للكنبات المعمولة للجلوس وكيف تم تشليعها انظروا لمجسم مسجد الصخرة بنفس الشارع وكيف صار مقلبا للطوب انظروا لشوارعنا كيف صارت عبارة عن مزابل لأكياس النايلون وباغات المشروبات الغازيةالفارغة.سيبكم من دة كلو وانظروا لكيف نتعامل نحن مع عملتنا الوطنية..حاجة تقرف .دعكم من هذا وذاك انظروا لعلم السودان ويرفرف على الوزارات والمرافق الحكومية والشركات والبنوك..حاجة تكسف وعلى ذلك يمكنكم ان تقيسوا كثيرا جدا من الظواهلر القبيحة (فينا)والتى ان دلت انما تدل على مدى درجة السبهللية التى تصل لمرحلة الهبل التى نتمتع بها ولا يحسدنا عليها احد. ياشباب حقو تشكرو الراجل ورحم الله رجلا اهدى لى عيوبى .
طبعاً الإنطباعين سيأتون ليبرروا سبهللية السوداني وفوضويته ويفضّلوا توجيه اللوم للعقيد المعقّد من هذه الفوضى السوداني لا يعرف أبداً الإلتزام بالمواعيد وله تبريرات أخير منها الصمت ولا يعرف الإتزام بالنظام أقل صف تلقاه بقى صفين وتلاتة ودخل واحد أمامك بل ويجيب معاه تلاتة يقيفوا قدّامك على عينك يا شاطر ويقعدوا يضحكوا وكأنهم عملوا عمل بطولي دا غير المحسوبية وأي واحد بيعرف مسؤول أو خفير ح يعملوا واسطة لتأدية عمل بسيط هذا غير السبهللية والفوضى في العمل والتسيّب الواضح بل والتفريط في العمل وتركه لساعات ويأتي أخر الشهر يطالب بالمهاية بعين قوية ويحاجج كمان التشطيب والإتقان في العمل اليدوي هذا محال من سوداني إلا من رحم ربي التفاف في الشوارع بل وحتى والمستشفيات وتف السعوط في الحدائق والأرض محل ما يجلس الناس أو أمامهم في السفر طبعاً السوداني بغتكر الطيارة عبارة عن دفّار حدثت لي نادرة في الطائرة التركية المتوجّه لاستانبول جلس سوداني في درجة رجال الأعمال وعندما جاء صاجب المقعد وهو أيضاً سوداني ذكر الأول بأنّه كان الأسبق للمقعد ولذلك لا يرى سبباً لماذا يفسح له المكان حتى لو كانت واسطته مضيفة
خلي دا كلّه شوف شوارع الخرطوم تلقى الناس ماشة في طول الشارع يعني ما قاطع الشارع من ناحية لأخرى بل يسير مع السيارات في اتجاهها ولو ضربت له بوري أن ابتعد ح يتلفت عليك ويسبك ويلعنك ويقول هو الدنيا طايرة ما براحة
أييييييييييك لو بدينا نحصي السبهللية والفوضى السودانية ما ح نخلص بس ليه دا كلّه وفي شماعة جاهزة
الإنقاذ
كمال
08-29-2009, 08:42 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: أييييييييييك لو بدينا نحصي السبهللية والفوضى السودانية ما ح نخلص
يا فرانكلي قول يا زول الشعب ده سبهلل وفوضي وشعب ماعندو اي حبة نظام.. الانقاذ دي في وسط الجوطة دي كلها وقاعد ليها 20 سنة ما قادرة تنضف ليها حمامات في مطار القاعدة ليها شنو وفايدتها شنو وجاية لشنو .. مادام هي الدولة والسلطة التي اتت وادعت بانها اتية للتغير والنظام والتدبير..؟؟ 2- رمي مثل هذه الاشياء في سلوك وسبهللية الشعب ده تبرير فطير وسبهللي هو زاااتو في روحو لانو العلم... والنظام والقوانين لو اتعلمت بالطريقة الصاح والدغري فهي قادرة علي علاج كل شي في هذه الدنيا
من الموسف والسخف القاء اللوم علي الشعب السوداني والسلطة فطيرة وفاشلة في تطبيق اساسيات الحكم والادارة..!!!!
08-29-2009, 08:59 AM
Frankly Frankly
تاريخ التسجيل: 02-05-2002
مجموع المشاركات: 35211
يا عبد الكريم الإنقاذ دا جاية من وين مش من الشعب السبهللي الفوضوي دا ولا غيروا؟ حيثما تكونوا يولى عليكم هو لو ما الشعب السوداني فوضوي كان بيقعدوا عسكر علينا 20 سنة وكل يوم اتفاقية سلام وعسكري جديد وحامل سلاح جديد فوضوية السوداني ما مربوطة بالإنقاذ ولا الكيزان كما يحلو لك تسميتهم بل هي عادة مستقرّة في لا وعي السوداني منذ الأزل قبل مجيئ الإنقاذ وبعد ذهابها الدولة لو وضعت من القوانين واللاوائح ما وضعت سيخربّها المواطن الفوضوي من السذاجة رمي كل زبالات المواطن السوداني ونتاجه المنتن والقبيح بالسلطة يا ناس يبولوا في وسط الشارع تقول لي إنقاذ أي حيطة عبارة عن مبولة أنا شوف عيني البعض يقضي حاجته في فناء استاد الهلال بين أكوام التراب معقولة بس تقول لي "شماعة في"
امشي أي محل واطب حاجة بلطف أو أسأل عن حاجة بلطف شوف الجواب كيف؟ السوداني لا يحسن المعاملة في محلّه ويعتبر نفسه الملك والزبون هو العبد "يازول ما قلنا ليك ما عندنا ولو عندنا زاتو ما ببيعو ليك... عالم عجيبة" مرّة كنت في سوق ليبا جات سيدة وطلبت شيء قام صاحب المحل قال ليها "ماف" بعد شوية جات واحدة تاني سالت جاب ليها المطلوب وكان هو نفسه ما سألت عته الأولى فقلت له الأولى سألت من نفس الشء قال نحن نعرف من يشتري من البعلّنا تقول لي انقاذ السوداني سلوكياً عاماً, فاشل فاشل فاشل دي لا بيحلها إنقاذ لا حركة شعبية السبهللية حتى في الطب والتحاليل الطبية يعني حكاية تحلل في معمل واحد وتقتنع بالنتيجة يعد اليوم نوع من العبط عادي جداً يقولوا ليك أسفين اتلخبطت تنيجة فحصك بنتيجة أخرى عند المواجهة بنتيجة معمل أخر
08-29-2009, 09:33 AM
Nazik Eltayeb Nazik Eltayeb
تاريخ التسجيل: 11-27-2007
مجموع المشاركات: 2357
Quote: وبل اسف دي عقليات الذين يدفع لهم الشعب مرتباتهم من ابنائه ويعتقدون بانهم ارقي وانظف من الشعب
هذه هي العقلية السائدة التي تعيد السودان كل يوم للوراء البسطاء (المتخلفون) من هذا الشعب المهان يمكن تحسين سلوكهم(المشين) بتوفير خدمات افضل (تعليم افضل وصحة افضل وحياة افضل ) لكن من يستطيع ان يقول البغلة في الابريق اعرف بعض هولاء من من يدعون التطور و الرقي ينطبق عليهم المثل السوداني(تشوف القبة تقول تحتا فكي). مثل هذا الكلام ذكرني تذمر بعض سكان المدن في الثمانينيات من حركة النزوح الكبيرة للمدن وقولهم (للنازحين ) ارجعوا بلدكم امشوا ازرعوا اوا عملوا اي شئ بعيدا عن هنا و كشات نميري فذهبوا ينبشون بيوت النمل بحثاً عن القوت حتي غنا لنا العالم we are the world في ركن من بلادي وفي ركن أخر مات الناس جوعا وتبعثرت جثثهم طول خطوط السكسك الحديدية لم تجد من يدفنها و مات أخرون بالسل وفي مناطق اخري اهلكتهم الحرب و الجوع وفي اركان وطني المشتتة انتشرت البطالة والبؤس المصنوع صناعة والذي ليس للغبش اي ذنب فيه واستمرت الكوارث المصنوعة وتفاقمت في التسعينات وماتلاها من السنوات العجاف بسبب العقلية اعلاه و برضو نقول غلطان المرحوم.
08-29-2009, 09:45 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: الإنقاذ دا جاية من وين مش من الشعب السبهللي الفوضوي دا ولا غيروا؟
سلام يا فرانكلي.. - ياخي فعلا الانقاذ دي ناسها جايين من الشعب السوداني وما جايين من حت تاني.. والسوال المهم هنا جايييين لييه..؟؟ السوال ده مش للانقاذ ده بل لاي حكومة .. الحكومة بتجي ليييه يا فرانكلي هل بتجي عشان تقول الشعب سبهلل وفوضوي وشعب ما بنفع بتعريفة..؟؟ ده يا فرانكلي اسمو الكلام الساهل الممكن اي زول لمن يفشل يقولو لكن الكلام الصعب والجد جد بطل في العمل والتطبيق السليم لاسس وبرنامج تنظيم الشعوب وتوفير الخدمات ورفع مستوي وعيهم بالمرفقات العامة والتعامل مع العام (ودي مهمة وشغل واولويات الحكومة).... خلي الحكومة تقول كده واي زول ممكن يقول كده لكن ويين الخطط والبرنامج والعلم والادارة الواعية لكل مشاكل المجتمع مهما كانت تافه (حتي ولو بول في شارع عام او وقوف فوضوي في صف).. الحكومة الواعية المدركة لمشالكل شعبها يا فرانكلي بتحلها وبتضع ليها خطط وبرنامج وتوعية ومناهج وبتواضع بتوصل للشعب ده الحلول وبتعمل علي اشاعة التثقيف بكل نكران ذااات مش بتعالي ونظرة فوووقية ترسل الشعب في خانة الرعاع (وماهم برعاع)... اي مشكلة وعندها حل وعبر التاريخ هنالك شعوب اكثر فوضوية من شعبنا البطل ده ولكن الامور عندهم سلكت ورتبت الاشياء دون (قمع او ازدراء)...
حكومة بتتعامل مع الشعب ده بتواضع وتحل مشاكل (بولو) وسفتو بتواضع ونكران ذااات مرحب بيها ولكن اي حكومة تسي مرة شحاديين ومرة ببولو في الشارع ومرة شعب رمم وبتعالي وغطرسة مافي زول جابر الانقاذ انها تحكم السودان ده ولا مشينا للبشير والكيزان في بيتهم وقلنا ليهم تعالوا احكمو ماقادرين للشغلة ببرنامج وخطط وفهم عميق للمشكل السوداني يتفضلو يتخارجو ويشوفو ليهم شغلة تاني
Quote: هذه هي العقلية السائدة التي تعيد السودان كل يوم للوراء البسطاء (المتخلفون) من هذا الشعب المهان يمكن تحسين سلوكهم(المشين) بتوفير خدمات افضل (تعليم افضل وصحة افضل وحياة افضل ) لكن من يستطيع ان يقول البغلة في الابريق اعرف بعض هولاء من من يدعون التطور و الرقي ينطبق عليهم المثل السوداني(تشوف القبة تقول تحتا فكي). مثل هذا الكلام ذكرني تذمر بعض سكان المدن في الثمانينيات من حركة النزوح الكبيرة للمدن وقولهم (للنازحين ) ارجعوا بلدكم امشوا ازرعوا اوا عملوا اي شئ بعيدا عن هنا و كشات نميري فذهبوا ينبشون بيوت النمل بحثاً عن القوت حتي غنا لنا العالم we are the world في ركن من بلادي وفي ركن أخر مات الناس جوعا وتبعثرت جثثهم طول خطوط السكسك الحديدية لم تجد من يدفنها و مات أخرون بالسل وفي مناطق اخري اهلكتهم الحرب و الجوع وفي اركان وطني المشتتة انتشرت البطالة والبؤس المصنوع صناعة والذي ليس للغبش اي ذنب فيه واستمرت الكوارث المصنوعة وتفاقمت في التسعينات وماتلاها من السنوات العجاف بسبب العقلية اعلاه و برضو نقول غلطان المرحوم.
مرحب يا نازك ورمضان كريم وده اسمو الازدراء وتبرير الفشل لعدم الالمام بايجدبيات انك تكون مسوول وتعالي شديد ومفاجي ... وزي ما قال خليل هل كل زول مركب (بورة دبورتين) ما بالضرورة يفهم في الادارة وواعي بدوره في مرفق زي ده... ومش اي زول يجلس في القصر الجمهوري ومعاهو جيوش من الوزراء والنجدات ويو ويو ويو معناتها بعرف في فن وعلم وادارة الشعوب وترقيتها والسخاء في خدمتهم بكل نكران ذاات
08-29-2009, 10:14 AM
Frankly Frankly
تاريخ التسجيل: 02-05-2002
مجموع المشاركات: 35211
يعني أنت يا عبد الكريم عايز العقيد دا يدخل مع كل مسافر للحمامات ويوريهو كيف يبول وكيف يخرا وكيف ينظّف خراهو بعد ما يرفع سروالو؟ يا أخي دا حاجة ما ممكن تقول لي فيها إنقاذ وحركة وتبش وعجور الموضوع عن ثقافة سلوك سوداني سبهللي وما ممكن ترمي اللوم على السلطات في المطار التي وفّرت الحمامات وتنفق من أموالها الشيء الفلاني لنظافة الحمامات ما ممكن كل واحد يبول في الشارع يجي بوليس النظام العام يقيف جنبو ويقول ليهو البول في قارعة الطريق خطأ يا ابن العم المرّة الجاية ما تعمل كدا كويّس؟ ويمشي يخليهو ويشوف البعدو وممكن جداً يلقى واحد بعد ما يديهو النصيحة تاني ويقعدوا يتونّسوا في هلال مريخ أو بالصدفة يلقاهو بلدياتو الموضوع ما موضوع حكومة وانقاذ وكيزان والشمّاعات الما بتدينا الرؤية الواضحة للمعالجة الصحيحة إي سوداني يعمل فوضى عذرو جاااااهز "الإنقاذ" هي الخلتو يعمل كدا طيب الناس دي لو بتسمع كلام الإنقاذ للدرجة الساذجة والبليدة دي زهجانة منّهم ليه ما ياهو أحمد وحاج أحمد وطرّة (صورة) وكتابة القرش الموضوع محتاج لمعالجة جذرية بوعي تام للاوعي السوداني في سلوكه العام وهذا ما مجهود السلطة والقائمين عليها لوحدهم بل الحراك المدني بأكمله وكل الإ‘مكانيات المتوفّرة في الدولة المشكلة هي أنّ المسؤول هو واحد من هذا الوطن وقد تجده في موقف أخر في وضع فوضوي عجيب الواحد يقعد ينتقد في الحكومة والسياسة والكورة والوساخة ويتف سفّته بالجنبة ويدنكّل في التانية ويواصل كلامه والتاني يدخن في البرنجية بزهج و ينعل الحكومة على الوساخة القدام البيت البيدفع ليها قروش شهرياً ويطفي السجارة تحت رجلوا ويدخل بيتو
الموضوع شائك والبحث عن كبش فداء وشمّاعة غير مجد ومفيد دا شغل نعام ساي دفن رؤوس في الرمال
Quote: يعني أنت يا عبد الكريم عايز العقيد دا يدخل مع كل مسافر للحمامات ويوريهو كيف يبول وكيف يخرا وكيف ينظّف خراهو بعد ما يرفع سروالو؟
لا يا فرانكلي القصة ما بالبفهم الفطير ده.. العقيد ولا الفريق ده مادام مسسول عن المطار فجزو من واجبو هو توفير حمام نضيف عبر الاقسام والتبعو وده ما شغلو المباشر ولكن بحكم وظيفته فهو المسسوولية العليا في هذا المرفق... يا فرانكلي شفنا حمامات عامة في دول كثيرة ومطارات عديدة وشركات النظافة اصبحت علي قفا ما يشيل وعامل النظافة تقريبا ساكن سكنة جووه الحمام (بعد كل شخصين او ثلاثة بعمل كروس جيك للحمام وينظفوا) دي صعبة يا فرانكلي في شنو حسسسسسع..؟؟؟ ولييه داير تجيب العميد من مكتبو وينظف ..؟؟؟ شوف يا فرانكلي.. قلت انو القصة ما مسسولية الدولة براااها نعم الاشياء تتكامل وجهات كثيرة عليها المسئولية في ذلك ولكن الدولة هي راس الرمح وهي الجهة الاساسية الواقع عليها عب تحريك كل هذه الجهات للاصلاح وتوفير الخدمات والحمامات العامة في المناطق والاسواق والطرق ... الحكومة... ....... مافي كبش فداء ولكن هنالك ادارة للمجتمع فاشلة وفيها قصور وليس ليها خطط وبرنامج علمية وادارة المجتمع عند منوووووو يا فرانكلي عند الانقاذ لذا نقول الانقاذ فاشلة ولو في حكومة غيرها فبرضها فاشلة لانها فشلت في حل ازمة المجمتع في اصغر اشيائها زي حمام في مطار
Quote: العقيد ولا الفريق ده مادام مسسول عن المطار فجزو من واجبو هو توفير حمام نضيف عبر الاقسام والتبعو
يا عبد الكريم ما ياهو دا الفريق دا بيأذن في مالطا بيقول ليك وفّرنا حمامات نظيفة وعمال نظافة لكن في ناس بتخرا وبيخلي خراها وترفع سروالها وتمشي تشوف الطيارة بوين لما نقول ليك المشكلة في سلوك السوداني العام وتعامله مع الممتلكات العامّة تمشي وتجي للفرمالة "الإنقاذ" قلنا ليك الشغلة دي قبل الإنقاذ وبعد الإنقاذ واللي بعد بعد الإنقاذ ذاتو دا ثقافة متجذرة في لاوعي السوداني لو عملت بلاط في الشارع ح يتسرق يوتعمل في البيوت ولو عملت عمود تلفون خشبي تلقاه بكرة مرينة في صالون حدادي مداي أسلاك الكهرباء والتلفونات والكيبلات البتتسرق حدث ولا حرج وتتباع على عينك يا تاجر في سوق الخردة بتاع الطعمية يقش عرقه بيدو البعجن بيها والجزار يتمخّط ويقش يدو في هدومو وبعد شوية يقول ليك شوف اللحمة دي نظيفة كيف؟ عادي جداً تلقى جوار نادي ثقافي كمية بتاعة أوساخ قدام الباب دا لو ما لقيت ليك كوم تراب وكسّار حجار تعود لعشرة سنين يا عبد الكريم الموضوع محتاج شجاعة تعترف بالسبهلليلة البيتعامل بيها السوداني بعدين شوف ناس ساس يسوس
كمال
08-29-2009, 10:56 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: يا عبد الكريم الموضوع محتاج شجاعة تعترف بالسبهلليلة البيتعامل بيها السوداني بعدين شوف ناس ساس يسوس
يا فرانكلي عميدك ده مادام وفر حمام نضيف الكواريك ليهو شنو..؟؟؟ العميد ما وفر اي حمام نضيف فعشان كده قال الحمامات دي وسخوها الناس السودانين ديل..!! يعني لو انت فهمت الموضوع زولك ده جو لقو حمامتو وسخانة وقالو ليهو حمامتك دي وسخانة لييه قال(ديل السودانين السبهلليون).. وقعت ليك القصة يا فرانكلي.. 2-يا فرانكلي من قبيل قلت ليك متفق معاك انو القصة فيها عشوائية ولسع الشعب دايرة شغل عشان يترقي شوية.. لكن الحل بجي من وين.. وكدي عشان ما نعمل حوار دائري وغير مجدي انا بقول ليك بعيد عن السياسة والكيزان (وبالمناسبة الجكومة دي لو ما سكها جهة غير الكيزان وجو قالو كلام زي ده برضو ح اقول ليك الكلام ده) فالقضية ليس كيزان او بطيخ بل هي دور الدولة في ادارة المجتمع بدون عشوائية وتخبط وارتجال ووضع شماعات الاخفاق في سلوك الشعب .. ومن قبيل قاعد اقول ليك كلام وشايفك ما اشغلت بيهو.. ما دام الدولة ماقادرة تغيير سلوك الشعب ونمط حياته جاييييية لشنو وقاعدة لششششنو..؟؟؟ كدي جاوبني يا فرانكلي
08-29-2009, 11:14 AM
Frankly Frankly
تاريخ التسجيل: 02-05-2002
مجموع المشاركات: 35211
يا عبد الكريم يعني عمال النظافة المعينهم الفريق دا بينظفوا الحمامات ويخلوا الخرا والبول ولا السوداني السبهللي المتبلّد الأحاسيس يعمل عملتو ويحمد ربّه ما دام في واحد زيّك بيجي يبرر ليهو خريتو المنيلة دي أنا بقول ليك حكاية تفتش عن تبرير للسبهللية والوضى الضاربة اطنابها في كل مناح الوطن امر غير مجد الدولة توفّر ليك حمام نظيف وتجي تلقاهو نظيف ليه تخرج منه وسخان وتجي بفلهوة تحمّل الوفّر ليك الخدمة مسؤولية وسخك يا عبد الكريم أنا بقول ليك المسؤلين ودور الدولة ووغيره كلهم سودانيين وكلّهم نابعين من نفس الثقافة والسلوك العام وما في فرق بين مسؤول في دولة وعامل ورنيش في مسألة السبهلليلة دي علاج الموضوع محتاج لمنظمات مدنية متخصصّة توفّر لها الدولة الأمكانيات المادية التي تؤهلها لنشر الثقافة السلوكية والوطنية وكيف نحافظ على الممتلكات العامّة وكيف تكون المعارضة والنقد من أجل بناء الوطن لا من أجل هدمه على من فيه لتحميل الحكومة السبب الدولة دي لو عايزة تغيّر سلوك ح تشبكونا حرية وجبرونا وعملو لينا وسوّا لينا ولو خلوكم برضو الجكومة خلتنا نعيش في السبهللية وهي القادرة على فرض جبروتها علينا
غايتو زي ما قلت ليك الحكاية كلها أحمد وحاج أحمد والسبهللية سلوك سوداني من الدرجة الأولى
كمال
08-29-2009, 11:26 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: علاج الموضوع محتاج لمنظمات مدنية متخصصّة توفّر لها الدولة الأمكانيات المادية التي تؤهلها لنشر الثقافة السلوكية والوطنية وكيف نحافظ على الممتلكات العامّة
... بس ده الكلام الانا دايرو زاااتو يا فرانكلي.. والدولة هي الجهة التي ايييه..؟؟ التي توفر.. يا فرانكلي مافي زول قال ليك لشعب ده مية مية ومرتب ومنظم بل بالعكس وااحدة من اسباب تخلفنا انو المجتمع جايط ..والحكومات البتجي عشان بتصلح بتكون اجوط من المجتمع.. يا فرانكلي الزول لمن يكون جاهل ما بيعرف وبقراء بمشي المدرسة وبعد فترة بجي بتفاصح في القراية والكتابة وزي فصاحتي وفصاحتك دي..(والمدرسة دي منهج واسس وفرتها الدولة لحل المعضلة دي).. لمن تكون عيان بتمشي طبيب عارف منهج حل المرض بتاعك دي وهكذا.. لذا يا فرانكلي السبهللية دي البتعالجها الحكومة... الدولة...الميري.. عبر منظمات زي ماداير انت... عبر توعية ... عبر اعلام..عبر منهج...عبر خطط وقنوات بتقدر تذوب السبلهللية دي وتفتتها... اذن الدور الحكومي هو الاعلي صوتا وهو الدور الاساسي لانو الحكومة مهما كانت هي المفروض تشوف للمجتمع ده بتكامل وتضع خططها واولوياتها وقروشها التي هي قروش الشعي ده... .................. دفن الروس الحقيقي هو تحديد الاشكال ومعرفته ثم القول بانو الاشكال ده ما عندو حل لان الشعب ده طبعو كده وجايط.... الحكومة جسم مدني كبير ولها دور وفي حالة الانقاذ هي من اتت طواعية وغصب لهذا الدور لذا يجب عليها ان تقوم بهذا الدور كل نكران ذات وتواضع وان لم تستطيع فعليها ان تشيل عفشها وترحل لانو علاج الاشياء السالبة في المجتمع لن تدار او تحل بهذه الطريقة السمجة والعشوائية.. عندك مشكلة حددها حللها ثم اجد الاليات الكافية لحل هذه المشكلة فشلت في ذلك تطلب الحكومة الله وتفرتق
08-29-2009, 11:45 AM
Frankly Frankly
تاريخ التسجيل: 02-05-2002
مجموع المشاركات: 35211
Quote: بس ده الكلام الانا دايرو زاااتو يا فرانكلي..
أبداً يا عبد الكريم دا ما الكلام الإنت قاعد تقولوا ذاتو أنا كلامي عن معالجة المشكلة بعد أن تقرّ أنت بوجود سبهللية للسلوك العام عند السوداني وكلامي وكلام الفريق في جهة وكلامك التبريري لمن وسّخ الحمامات ورمي اللوم على الفريق في جهة
أنا يقول الحل يكمن في تبني "منظّمات مدنية متخصّصة" العمل على توعية السوداني بلا وعيه السلوكي وطبعاً هذا الأمر محتاج لميزانية معتبرة للإعلام في الصحف السيارة والتلفزيون والراديو ووضع ملصقات في أماكن التجمّعات توعي بالواجب الواقع على المواطن تجاه وطنه وعدم انتظاره للدولة كي تزيح وسخه عندما يتركه ويريد أن يعود ويجي زعلان الحكومة ما نظفت لي خراي ليه؟ عشان أعملها تاني وتالت الدولة عندها قروش وعنده خدمات توفرها للمواطن بس المنظمات دي محتاجة قروش عشان التوعية تحصل التعوية من ماذا من مردودات السبهللية والفوضى السلوكي للسوداني يا أخي حتى مطارات الخليج تشكوا من سلوك السوداني في المطارات والإزدحام الفوضوي الشديد واحد مسافر يجو معاهو ميّة مودع ليه ما تعرف
في ختام كلامي أشكر السيد الفريق على قول كلمة الحق في فوضوية السوداني وسلوكه المشين والفاضح وأتمنى أن نكون صفعة تفيق من السبات العميق
كمال
08-29-2009, 11:53 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
يا فرانكلي من قبيل انا قاعد اذن في مالطا ولاشنو.. قلنا ليك المجتمع جايط ومحتاج لحكومة عشان تنظموا دايرني اقوك ليك شنو اكثر من كده..؟؟؟؟ وبعدين ليه انت مصر علي حكاية المنظمات دي... مكبر اللفة عن المسسوو الحقيقي عن الحل وهي الدولة.. منظمات شنو ويجيبوها ليك من وين والبجيبها شنو عشان تربي الشعب ده... ....................... يافرانكلي الحمامات الانت والعميد راميين وسخاتها علي الشعب السوداني ده اقرار حقيقي بالفشل في معالجة الازمة (الانا وانت متفقين بوجودها) عشن ما تقول لي تاني ما قلت كده.. ولمن تجي انت وزولك ده تقولو انو القصة دي ما بتصلح لانو الشعب فوضوي وغيره من الحجج الواهية زي حكاية المطرة جات فجاة والخرطوم مسطحة دي تبريرات واهية لناس الشغلة غالباهم.. ياخ لو غلبتك شغلة عامة زي دي انت الجابرك عليها شنو..؟؟؟ زح وجزاكم الله الف خير وفي مليون طريقة وطريق لاصلاح الشي ده
08-29-2009, 12:14 PM
Frankly Frankly
تاريخ التسجيل: 02-05-2002
مجموع المشاركات: 35211
يا عبد الكريم أنت ما كنت بتأذن خالص أنت كنت بتبرر للوساخة وترمي اللوم على البنظف فيها وزهج من حكاية الفوضوية الحاصلة دي وعبّر عنها بصريح العبارة أنت كنت ناكر حكاية أنّ المسؤولية الأولى تقع على المواطن في تنظيف وساخته ودا البيتكلّم عنه الفريق ودا البقولو ليك من أول الدرس الدولة توفّر حمامات وفّرتها
المواطن السوداني بيخرا وبخلي خراه وراءه نلومو هو ولا نقول الكيزان والجرادل
لابد من معالجة من متخصصين وأنا عشامن شايف الدولة كمؤسسة ما ممكن تقوم بتوعية المواطن لأنّها هي نفسها جزء من نفس ذلك المواطن لذلك أرى قيام متخصصين في عملية التوعية ويجب أن يكونوا من المتخصصين الذين يمثّلون مضرب مثال في الإلتزام والسلوك السليم
حكاية تفرض موضوع سلوكي بمقدرات الدولة وسلطانها لن يأتي بالنتيجة الصحيحة المشكلة المواطن عارف أنو البيعمل فيهو دا غلط وما صاح زي الكثير من المخالفات السلوكية الأخرى سواء كانت في الصحة أو التجارة أو السياقة أو اللباقة كلام الفريق صحيح مية المية ولا يحتاج لكبير عناء لإثباته
علينا بتعلّم الدرس من زعلة الفريق ويجب على المواطن الإلتزام بواجباته تجاه الممتلكات العامّة
شكراً سعادة الفريق على الصيحة علها تفيق النائمين من سباتهم العميق
بس من يصلح لينا الحال داخل الطيارت بعد زيارة السوداني لها؟
كمال
08-29-2009, 12:29 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: يا عبد الكريم أنت ما كنت بتأذن خالص أنت كنت بتبرر للوساخة وترمي اللوم على البنظف فيها وزهج من حكاية الفوضوية الحاصلة دي وعبّر عنها بصريح العبارة
زهج...؟؟؟ طيب ياخي الجابرو يزهج شنو ..؟؟ ماقادر تقدم حلول موضوعية لمشكلة زي دي باختصاركده سيبها وووفت ياخي..؟؟ والقول ده ينطبق علي الحكوم بالتالي.. لانو لو بتتعامل من القضايا الدايرة معالجات وصبر ونكران ذاات بزهج وانت اساسي جاااي للحكم لبط وسلفكة بتكون انت زول منكنكش في الشغلة ساااكت.. وعاوز راحة بالك وما عاوز تقوم بدورك الحقيقي والاساسي وما فاهم وظيفتك في مرفق بتاع جمهور زي ده.. .............. مافي تبرير للوساخة... وبالعكس انت وزولك ده القاعدين تببروا للوساخة وبتجدو ليها من التبريرات ماهو بعيدا عن المسئولية الملقاة علي عاتق الدولة وعاوزين تخارجوها بحمد وتطلعوها بخوجلي في مجتمع (فيهو شعب وفيهو دولة) الشعب عندو مشاكل وقضايا اساسية بما فيها الجوطة دي الدولة او السلطة مهما كانت كيزان او انصار سنة او تبع الحزب الشيوعي ليها مسئوليات انها تحل مشاكل الشعب ده بصبر ونكران ذات وبدون عجرفة وحتي المنظمات الانت قلتها دي لو فرضنا جدلا هنالك منظمات لترقية المجتمع فلازم تكون تحت اشراف وتمويل و تحقق سياسيات الدولة...والدولة هي من عليها اختيارها والاشراف عليها متابعتها لانو ده دور الدولة ولانو دور تخصصي بتجاب ليهو ناس متخصصين...
الشعب يا فرانكلي وطيلة سنين وجوده الكوني لم يجد حكومة تراعي اشيائه بطريقة منظمة ومدروسة وعملية فعشان كده بتلقي الجاهل وبتلقي المرضان وبتلقي الغير متحضر ... ومن ينبري لسلطة هذا الشعب عليه ان يكون قدر الشي ده ومستعد علي كده وصبور وقادر علي امتصاص النقاط السيئة فيه بصبر وجلد ومنهجية مش بزهج وغطرسة وهو افشل الفاشلين
08-29-2009, 03:24 PM
عابدون محمد عابدون عابدون محمد عابدون
تاريخ التسجيل: 07-30-2008
مجموع المشاركات: 2607
اللى قاعدين تتحاوروا فيهو دا مايسمى بعملية البناء - بناء الوطن والمواطن - وهى عملية تاخد من عمر الحكومات سنين طويلة لغاية مايتم التغيير والتغيير بيحتاج الى آليات والشغل يكمل بعضه الحكومة توفر الخدمات والمرافق والمواطن لازم يتعلم كيف يستعمل هذه الخدمات والمرافق بإحترام لكن كمان بصراحة ياكمال لما نشوف مثلا الحكومة تشيل من الناس ضرائب مثلا زى ضريبة النفايات وتجى تشوف البلد كلها كومة نفايات المواطن يصاب بإحباط فى انو الدولة ماقايمة بواجبها رغم انو المواطن يدفع من مصاريف اولاده عشان تكون البلد نضيفة وبرضو بصراحة ياكمال انضباط حركة المواطن والنظام تفرضه الدولة وبقوة القانون ونفاذه يتعلم المواطن ان يضبط سلوكياته ..
أنا ماعايز انحاز لأى طرف فكلاكما يتحدث وكلاكما محق نسبيا فالمسؤولية مثلما تقع على الدولة على المواطن ايضا مسؤولية ولكن طبعا الدولة تتحمل الجزء الاكبر ..
قبل ما اختم كلامى عايز اقول نحن فى الغربة دى شفنا شعوب كتيرة فى بلدهم تجدهم فى غاية الانضباط والاحترام وكمثال انو لما تسافر الى مصر وبالذات اذا رجعنا لورا من ايام عبد الناصر وانت ماشى تلقى فى انضباط ونظام فى حركة المواطن وتجد برضو الحزم والتوجيه الى جانب توفر المرافق والخدمات من جانب الحكومة ..
08-30-2009, 12:45 PM
khaleel khaleel
تاريخ التسجيل: 02-16-2002
مجموع المشاركات: 30134
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
khaleel
ود العجمى
عبدالكريم الامين احمد
حيدر حسن ميرغني
قلقو
Ahmed Abdallah
Frankly
Nazik Eltayeb
عابدون محمد عابدون
فيس بوك
تويتر
انستقرام
يوتيوب
بنتيريست