كتب الكاتب الفاتح جبرا المتوفرة بمعرض الدوحة
|
|
 أصحاب البوستات الـ بتكسح.. حركتي دي كده صاح؟
|
بما إني حديثة عهد،
بأنه يكون لي بوست طويل،
دايره استفسر،
في حالة الرد على مداخلات الزملاء..
الأفضل أمشي نهاية البوست وأنزل ردي عليهم
واحد واحد؟
ولا أخش تحت أي مداخلة وأعمل رد؟
مع العلم أنه الطريقة التانية دي مريحة..
بالذات لو كمان عرضت المداخلات في شكل سلسلة..
النبي فيكم،
البيزهج من سؤالي مايسب لي-
الدنيا رمضان..
|
|
 
|
|
|
|
|
|
|
|
Re: أصحاب البوستات الـ بتكسح.. حركتي دي كده صاح؟ (Re: أميرة فاروق عبد العال)
|
أميرة
أنا طبعاُ أقدم من الكسرة المرة في المنبر ده لكن زول مهمش ساكت أفضل أن أقرأ على أن أكتب في هذا المنبر لذلك بديك رأي بتاع زول قارئ ..
نزلي الردود بعد آخر مداخلة عشان الناس تقدر تتابع البوست يعني ما ممكن تكون المداخلة الأخيرة في الصفحة التانية و أنت ترجعي تردي لي زول في الصفحة الأولي ؟ عشان القارئ لما يجي اليوم الثاني و يفتح البوست حيفتح الصفحة التانية طوالي و ما حيلاحظ لأي كلام في الصفحة الأولي ..
| |
|
|
|
|
|
|
|
|
|
Re: أصحاب البوستات الـ بتكسح.. حركتي دي كده صاح؟ (Re: أميرة فاروق عبد العال)
|
Quote: عشان القارئ لما يجي اليوم الثاني و يفتح البوست
حيفتح الصفحة التانية طوالي و ما حيلاحظ
لأي كلام في الصفحة الأولي ..
|
أستاذي خالد..
طبعا ده النهج المتبع غالبا،
وبيني وبينك مريح للقارئ..
وطول عمري بتابع البوستات من محل ماوقفت،
لكن بيني وبينك لمن بوستي بتاع (الغرق)،
كسح وجيت أرد على الناس،
لقيتها عملية صعبة خلاص،
تخش تشوف المداخلة المعينة،
وتنزل آخر البوست ترد وترسل الرد
ويطلعك بره يقول ليك تم الإرسال،
تقول ليه رجعني تاني يرجعك،
تخش البوست تاني، وتنزل لآخر مداخلة،
مش شغلانة بتقوم النفس؟
ومن شلاقتي ما يكسح لي بوست إلا في رمضان..
رمضان كريم يا خالد..
| |
|
|
|
|
|
|
|
|
|
Re: أصحاب البوستات الـ بتكسح.. حركتي دي كده صاح؟ (Re: SHIBKA)
|
| Quote: ياطولة بالك يا خالد |
شبكة يا برلومة
هو الزول كان ما بالو طويل كان قعد في شمبات ديك ستة سنة ؟؟ 
اسه عليك الله الزول يتصابح بي وش عبدالله خضر ستة سنة مش مفروض يدخل الجنة طوالي ؟؟؟
حمد الله على سلامة الإيميل بس نصيحة خلي كلمة الباسورد صعبة جداً و طويلة و عبارة عن حروف و أرقام و رموز عشان تاني ما تتهكري بسهولة....
كيفكم مع رمضان ؟؟
| |
|
|
|
|
|
|
|
|
|
Re: أصحاب البوستات الـ بتكسح.. حركتي دي كده صاح؟ (Re: خالد عبد الله محمود)
|
خالد
برلومتك في الكلية وفي المنبر
بختك تمارس فيني السنيرة زي ما عايز
Quote: هو الزول كان ما بالو طويل كان قعد في شمبات ديك ستة سنة ؟؟
اسه عليك الله الزول يتصابح بي وش عبدالله خضر ستة سنة مش مفروض يدخل الجنة طوالي ؟؟؟
|
ستة سنة
انت قريت طب شمباتي ول شنو
احنا ياها الخمسة دي ومرقنا
لانو اصلا ما خلوا لينا طريقة تربيت
تشيل وتشمي طوالي والله مرقنا
عبد الله ملجة قالوا خلى الجامعة ومشى استراليا مشيتو بهنا
تتذكر الزول الكان في البستاني وكان هو المنسق الاكاديمي
ما متذكرة اسمو
المهم كان في استراليا
اول ما عبد الله ملجة وصل هناك
دا جا راجع
ومسك القسم
وعبد الله ملجة طار في الهوا
وباسويردي تاني ببقى عليهو حرص السنين
| |
|
|
|
|
|
|
|
|
|
Re: أصحاب البوستات الـ بتكسح.. حركتي دي كده صاح؟ (Re: وليد محمد المبارك)
|
Quote: ما قلنا ليكم
البرامه ديل ادوهم كورس 6 شهور في منبر
اقل زي سودانفوراول
حتين جيبوههم لينا هنا |
قلت لي منو يا وليد؟
كدي كلمني..
وتقول ليه أصلا
كان تعمل الفصل وتدق الإعلان
كنا جيناك جري
(مع العلم إني مابرلومة)
اها هسه خلينا في الوضع الراهن..
أديني رأيك..
المطرة كيف معاك؟
رمضان كريم عليك..
| |
|
|
|
|
|
|
|
|
|
Re: أصحاب البوستات الـ بتكسح.. حركتي دي كده صاح؟ (Re: أميرة فاروق عبد العال)
|
Quote: لكن بيني وبينك لمن بوستي بتاع (الغرق)،
كسح وجيت أرد على الناس،
لقيتها عملية صعبة خلاص،
تخش تشوف المداخلة المعينة،
وتنزل آخر البوست ترد وترسل الرد
ويطلعك بره يقول ليك تم الإرسال،
تقول ليه رجعني تاني يرجعك،
تخش البوست تاني، وتنزل لآخر مداخلة،
مش شغلانة بتقوم النفس؟ |
دا إسمو إفتراء
أو بطر النعمة
ياخ الناس بي هناك يفتشوا ( تفتيش الضهبان ) للمداخلات عشان يرفعوا بيها البوست
حبيبنا نصار ( وهو من أطول الناس بالاً ) في هذا المنبر إنتابته زهجة ذات يوم
سبب الزهجة قلة المتداخلين في بوستاته
ونصار يا أميرة من أميز العقول في هذا الموقع وصاحب رأى متوازن وعميق وصاحب مفردة يزنها بميزان الذهب قبل كتابتها
المهم يا ستي نصار دا ( بعد كل هذه الصفات ) أطلق ذات يوم بوستًاَ شهيراً أسماهو
ما بنمشي لى ناس ما بيجونا
تهديداَ لكل من يعنيه الأمر بأنه لن يتداخل في بوستات من لا يتداخل معه في بوستاته
وتجي يا برلومة ترفسي النعمة وتقولي ( شغلانة بتقوم النفس ) ؟
________________
رمضان كريم يا أميرة
| |
|
|
|
|
|
|
| |
أميرة فاروق عبد العال
حبيب نورة
ود العجمى
SHIBKA
معتز القريش
خالد عبد الله محمود
وجن
حامد محمد حامد
Siham Elmugammar
عاطف عمر
محمد البشرى الخضر
محمد عبد الماجد الصايم
معاوية المدير
moaz elsir
قاسم المهداوى
فيس بوك
تويتر
انستقرام
يوتيوب
بنتيريست