كتب الكاتب الفاتح جبرا المتوفرة بمعرض الدوحة
|
Re: عفشك دهـ حق غيرك تشك ...! ده يمين خراب (Re: ابو جهينة)
|
عزيزي ابو جهينة ازيك ياخال والشوق بحر يعلم الله الاهل بخير غير انو الشوق عامل عمايل لو لقيت فرقة تعالنا يا مك ومتع روحك بالدهشة أهو الناس مبسوطة برضو
حكاية الحلفاوي الليلة شاهدتها بأم عيني كم سكر ذاب وكمين بيت انماصو وكمين جالوص
يا للبلاد يامك
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: Osman Musa)
|
عثمان العزيز كيفنك ياخ ورمضان كما ينبغي شئ عجيب ياعثمان ان تشاهد فجأة ذوبان ممالك وبويتات كانت تستر في داخلها أجمل الناس هكذا يخرجون من ما تبقي سرير سريرين ومرتبة ممزقة ودولاب بلا ابواب والحكمة (خلف السور)
ياخ ازيك وشيكاغو الليلة كيف الا زالت جميلة الخطي انيقة المصارف الصحية ياخ نشتهي لبلاد مطمئنة تنوم وتقوم وبيتك آمن ومطامن
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: خدر)
|
يا حبيب يشهد الله انا راقد في سريري ده من الصباح سكة يمرقوا بيها الزلط ما لقينا المهم لو مسكلنا ليكم بكرة جيبوا لينا فطور بنشيله جبادة او حولوا لينا رصيد اعملوا اي حركة
ما تجي تفطر معاي يوم...ولا اقول ليك كل زول يفطر قبله.. المفاصل بالرطوبة بقت تطق طق في الجزيرة العايشنها دي
كوماري سوود
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: خضر حسين خليل)
|
خلاص جهز ليك قيراط لوبيا ونص قيراط اشرنكي وتلاتة قواريط فول خلينا نزرع يمكن تقوم ونفلح في حاجة ما عارفنها وجيب الترمس كحدود للمساحات عشان مافي زول يخش في واطة الناني
غايتو اتذكرت العجب لما كان عاطل في جمعية جد لما قالوا ليه في شغلة قام قعد في السرير قال ليهم الشغلة شنو قالو ليه حش بلح في مزرعة الامير تركي بن منو بعرف
قال ليهم هسة الشغلة دي بالسبيطة ولا بالقروش
هسة الزول يعوم ليهم هنا يبقوا في رقبتك فلان غرق تعال طلعه لينا
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: GamarBoBa)
|
يجازيك ياموسي والله ضحكتني نصايص الليل قلت لي قيراط اشرنقي وقيراطين فول المشكلة الموية دي البمسكها منو ياموسي يات طورية ومقاس كم ؟ مهاراتك بتاعت السباحة احتفظ بيها ياخينا فالغريق قدااام
والله الواحد بي صراحة فكر في استثمار السباحة باكر من الصباح نعمل لينا يافطة اقلاها نكسب حسنة في ناس ناجي ديل
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: خضر حسين خليل)
|
الخوف فى إنو نحن ما بنعرف نعوم والنيل بقى فى خشم الشارع ,,, الناس تكوركــ مع الصباح الحق تعال,,,الحق امش الحق الحق ,,, نحلق شنو واللا منو,,,
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: خضر حسين خليل)
|
الله أكرم,, وربنا يحقق أمانيكــــ ... أعزرنى يا صاحب,,,نسيت مع غمرة الامطار
الخوف ما من الامطار الامطار من الله,,,
الخوف من الباعوض والأمراض وإنهيار البيوت,,, والخوف من من لا يخاف ربه فينا,,,
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: الملك)
|
عارفك ممغوس ياناجي لكن نسوي شنو ياصاحب الموضوع مافي يدنا ولايحزنون اهو نحنا مجرد ناس عاديين حيطنا تقع نقعد اسابيع عشان نبنيها باعوضة تجي بلهارسيا ملاريات اي سجم رماد نتوكل نموت
موش قلت ليك مافي يدنا شئ ياناجي ياريتك ياناجي بي كاميرتك كنت معاي وشفت دموع الامهات غايتو ربك يهون
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: خضر حسين خليل)
|
Quote: موش قلت ليك مافي يدنا شئ ياناجي ياريتك ياناجي بي كاميرتك كنت معاي وشفت دموع الامهات غايتو ربك يهون |
تعرف صحيت على صوت الإسعاف وتقريباً,,,كان برحل فى المساكين الروحهم راحت ,,,أثر غلطات هندسية وإستعدادات راحت "جيوب ,,,,,,,,,,,," اللهم انى صايم حاولت اصور ما قدرتا تصدق غلبنى,,,
اللهم تفش مغستك ,,,لمن فجأة يجيك مسئول حايم يقول ليكــــــ أمطار هذا العام,,,جاءت فجأة
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: الملك)
|
ياخدر كان البيوت اتوقنعن كلمو الناس تختا الادبخانات وموت وعفانه كمان البيوت لو ممسوحه اعرف درب الاربعين واختا الحيط يا موسى الواطه مستهلكة بالنعلات والركشات ودين الله لو زرعتها بفطريات ما تقوم ترمس وفول منو لكن ابو ادم ارض خصبه
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: خضر حسين خليل)
|
وام قشران تنونى.. التعداد.. الانتخابات.. اللجان.. المفاعل النووى.. ابشروا.. الوسيط الاوربى. المبعوث الامريكى.. لجنة الحكماء.. الخصخصة.... السد..الرد.. القد.. قانون الانتخابات الاتحادى الاصلى.. الما اصلى الامة القومى الامة الوطنى بالمناسبة الاتنين مش ترجمتهم بالانجليزى umma national party وام قشران تنونى النظام العام افتتاح اخ ياخضر الزول كان قام يوم من الصباح لقى راسه مافى ما تستبعد او لقى اضنيه طارشات فى مخو ما تستغرب برضو؟؟؟
| |
|
|
|
|
|
|
Re: عفشك دهـ حق غيرك تشك ...! ده يمين خراب (Re: خالد العبيد)
|
سلامات يا خضر العريس,,
كلو منك يا عريس,,, الخير على قدوم الواردين,,
دحين يا حبيب ,,
أردوا الماء صفوا,, أو عكرا,,
ما فارقة,,
لا حول ولا قوة بالله,,
يا رجل أنت تتداعى كحائط جالوص قديم,,مهما إدعيت,, أجمد يا زول وأمشى خارج القمر بوباى صاحبى دا,, كان الله فى عونك يا مؤمن,,الزول دا بقى بالجد رهيف ,, منهكة روحه ,, الشهادة السودانية والعمل الصالح!!! التعليم المستمر دون هوادة,,كل يوم,, وإمتحانات الصبر,,
لك الله يا شعب يا مغلوب,, متين حا تسكن بيوت الطوب!!!!
أبشرو يا ناس نزل المطر,, ونزل ونزل,, إنفتحت أبوب السماء,, وطاقاتها وشبابيكها!! الصبر الصبر,, فالمطر غسول الذنوب,,, يا مذنبين اين ذهب سكأن مجارى الخريف؟؟؟
لا بد أن يتوقف هذا ,, أو,,, هذا أو الطوفان,,,
,,,
وليكسّر المطر اى شى ,, إلا ارواحكم!!
فمازالت بعض السحب تنتظر,,
| |
|
|
|
|
|
|
|