|
|
|
 Re: أفطار بورداب واشنطن الكبرى 35 رمضان 2020م (Re: سامى عتبانى)
|
| Quote: انت مش بقيت من بورداب بنسلفانيا؟؟ |
أولا بنسلفانيا نورت والله
مع إني ماعارفة نيو كاسيل دي وين(تكون ضواحي وكدا)
وبعدين يادانيا ركها ياخد 15جنوب ولا 83 و على بال مايسمع غنيتين تلاتة يلقى روحو في قلب واشنطون
بالمناسبة سلمي لي على حمودي
___________
بالمناسبة ناس أبراهيم وأنوار نشيطين جدا وبشهد ليهم
| |
 
|
|
|
|
|
|
|
 Re: أفطار بورداب واشنطن الكبرى 35 رمضان 2020م (Re: Dania Elmaki)
|
عتباني يا عريس رمضان كريم
رواية و دانية تحياتي و كل سنة و إنتوا طيبين جميعا"
| Quote: هبه الماحى مافاضيه من منظمة السلام |
هبة الماحي دي ما فتحت بوست طوووويل و عريض عن لمة قبل
رمضان و زول هببو ليها مافي !
عليك الله بلا بورداب واشنطون بلا بطيخ خليك في بورداب بنسلفانيا أحسن
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: heba Elmahi)
|
Quote: و بعدين لمة كوجان دي زااااتها لو قريتي البوست كوووويس بتلاقي إنه الدعوة إتقدمت لكل بورداب
واشنطوان للإحتفال بي ضيف البلاد د. كوجان |
غريبه
Quote: و برضو ما عبرونا إلا قلة من الناس و لهم جزيل الشكر
و خالص التقدير !
|
والعبروكم ديل جو عن طريق الاعلان فى البوست
ولا عن طريق الاتصال عبر التلفونات يا هبه
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: Dania Elmaki)
|
Quote: هبه, لمة كوجان دي ما تدينا اللنك حقها؟؟ العارفينه انك وصيتي ناس لناس معينه و ما عرفنا بيها الا بعد الصور, ثاني حاجه لمتك الثانيه دي كدي فكري و شوفي لناس عملوا فيها رايحين ليه؟؟ يمكن عندهم كرامه و حسوا بيها ترضيه ساي عشان كده؟؟ انا شخصيا ما شفتها الا نفس اليوم, انا غايتوا سمعت بلمة كوجان عن طريق كمال الجزولي انك وصيتي ليه عبدالله, و الواعي ما بيوصوه, يعني برضه ناس معينين
|
دانية كيفنك مع الصيام ؟
يا ستي مافي توصية لي ناس معينة ولا شئ الكلام كان في البورد بي صورة عامة لكل بورادب واشنطون و الما شاف البوست تبقي دي مشكلته ما مشكلتي وفي ناس شافوا البوست و جوا و انا قابلتهم لاول مرة في حياتي ( مثال : أخونا عثمان موسي ) يعني الحكاية ما كانت بي اتصالات
ولا شئ الدعوة كانت عااااااااااامة في بوست عااااااااام
Re: و لاقـيييييييت لـيـكـم ابـــراهـيـم كـوجـان
Quote: يلا يا بورداب واشنطن ورونا همتكم للاحتفال بالزول دا و لانه هو ما قاعد
كتير لازم نتحرك سريع جدا" و نطلع لينا بي برنامج و لو بسيط خلال ايام
الاسبوع لانه راجع في الويك إند الجاي !
و إعتبروا البوست دا بمثابة دعوة لكل بورداب واشنطن و الحلال المجاورة
عشان ما يطلع لينا واحد بكرة بي عنوان بوست ( إنقسامات بورداب واشنطن ) !
|
شفتي كيف يا دانية الدعوة كانت عامة ؟
Quote: بعدين تعالي احنا قاعدين في الشقله عوج الدرب؟؟ معليش فورت دمك في الصيام لكن قولي يا لطيف.
|
عليك الله و في ذمتك شانتيلي دي ما ياها زااااتها الشقلة عوج الدرب ؟ مع الاعتذار لي نزار كروم و فارس موسي ههههههه
أبدا" والله مافي فورة دم ولا حاجة رمضان دا بخلي الاعصاب هاااادية و الدم رااااايق بكثرة التسبيح و الصلاة علي الرسول ( ص )
والله يا حلييييلها بالكتيييير ، انا شخصيا" فرقت معاي شدييييد
وافـــر الــتــحـايــا
_________________________________________
صورة من الرد أعلاه للاخ سامي عتباني
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: Dania Elmaki)
|
دانـــيـــة
معقووووولة بس أتصل بكل عضوية سودانيزاونلاين في واشنطون ؟
ولا كان أختار ناس معينين برضو و أتصل بيهم ؟
انا كنت فاكرة إنه الناس ح تتجاوب مع فكرة البوست و شالتني
الهاشمية و مشيت أجرتا الصالة بتاعة Southern Towers و قلت
أكيييد الناس ح تجئ و تحتفل بي د. كوجان خصوصا" لينا زمن ما اتلمينا
في جلسة حلوة كدة مع بعض ، المهم لما ماااااافي زول هبب لينا الموضوع
و لا حتي الناس دخلوا البوست لغيت الحجز بتاع الصالة و تمت الدعوة علي
أضيق نطاق و في حدود أصدقاء كوجان وبس بالاضافة الي الناس الشافت البوست
و إتصلت و إهتمت ... !
ما فات شئ يا دانية إتحركي إنتي ولا اي واحد من الشباب البتفاصحوا أعلاه
ديل و أعملوا لينا دعوة لي لمة في رمضان المبارك دا و ما تفرزوا معاكم
زول !
وافر التحايا و تصبحي علي خير ياختي
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: heba Elmahi)
|
| Quote: مشيت أجرتا الصالة بتاعة Southern Towers |
من متين الناس بتتحرك لوحدها
Quote: الشباب البتفاصحوا أعلاه
|
انت ما تطعنى الفييييل عديييل
احسن ليك من انك تطعنى ضلو
| Quote: أعملوا لينا دعوة لي لمة في رمضان المبارك |
مالك يا اختنا بطلتى التنسيق والمتابعه؟؟
| |
|
|
|
|
|
|
|
|
 Re: أفطار بورداب واشنطن الكبرى 35 رمضان 2020م (Re: سامى عتبانى)
|
..
.
لكن زعلكم لذيذ
طعمو قمردين قمردين
كلو بسبب سخانه فرجينيا
الواحد ما عارف لو كان درجة الحرارة عندكم حصلت 40
حتعملو شنو ؟؟
بعدين انتو بتكتبو قبال الفطور ليه؟؟
________
عموما نداء لدينق عشان يبقى الكونترول والمنسق
ما دام الفطور يوم 35 وهو سادس ايام العيد ..
( حل مش كدا )
رمضان كريم للجالية السودانية
بواشنطون وضواحى فرجينيا وبنسلفانيا ودنفر
ونيويورك وهاملتون الكندية زاتها ..
وتصوموا وتفطروا على خير ..
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: Tabaldina)
|
| Quote: رمضان كريم للجالية السودانية |
الاخ تبلديكم
رمضان كريم
وكل سنة وانت بخير
ياخى انتو مرتاحين بتلاقو سودانيين فى سوداننا الجميل
لكن نحن وين بنشوف السودانيين من ندوة لندوه
مافى حاجه اجتماعيه بتجمع سودانيي المهجر هنا
عندهم شلليات زى شلت ناس هبة الماحى ومتولى مالك وهاشم دبز
وشلة تانيه فيها ناس دانيا وناس محمد نور وناس شانتلى
وشلة تالته فيها ناس فلان وعلان ديلاك
وشلة فيها ناس قرعتى راحت وبتضم سامى نزار كروم
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: سامى عتبانى)
|
..
.
Quote: عندهم شلليات زى شلت ناس هبة الماحى ومتولى مالك وهاشم دبز
وشلة تانيه فيها ناس دانيا وناس محمد نور وناس شانتلى |
غايتو يا سامى انا متاكد لو صادفت رمضان معاكم
حاوحد ليك الشلتين دى فى لواء واحد وحينصهروا فى فطور مشترك
_______
بالله انت ودانيا براحه على هبة الماحى
ما تطنشوا المنبر وتقولو ما عزمتكم
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: نزار كروم)
|
سلام لكل الشباب
هبه ما في زول قال ليك اتصلي بكل بوردابي لكن لمن قررتي الزمان و المكان كان تنزلي بوست تقولي للناس يوم كده الساعه كده,
صالح انت تعال بس و انا اوحد لك الحركه الشعبيه مع المؤتمر الوطني
سامي انت ما من فرجينيا مالك معسكر بهنا (ولا عشان فتحت البوست يعني) محمد نور بقى من بورداب تكساس, شانتيلي ما فيها غير نزار
يا هبه معلوماتك ما صحيحه انا من بورداب فير اوكس و اظن البوردابيه الوحيده هناك و في زمتك كان شانتيلي الشقله, ساوزرت تاورز شنو الكلها حبش و ريحتها زغني الديم بس :) و الله بحب اكاويك يا هبويه
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: حمور زيادة)
|
يا حمور بالمتر ده ما بعرفه لكن البيوت فيها من 250000 لغاية 3 مليون, حسب المنطقه و الشارع و الجيران, قريب منها فيها شارع اسمه ففيل رود ده غايتو بيوته من مليون و لفوق, لكن اجارك الله كل يوم فيه سيد بيت بينتحر عشان عاجز عن السداد بعد الاحوال الاقتصاديه و البنت بيكون قرب يشيل البيت و اخرهم زول فاني ماي زاته
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: حمور زيادة)
|
والله يا ناس الموضوع ده جاب ليه اشانة سمعة سكن وكده
طلعنا من زحمة نص المدينة عشان جاك جاك و واك واك برضو ما مريحننا
عندنا ابحاث شغالين فيها دايره ليها جو هادي وبال رايق
ويا حمور زياده بس ابقى مارق البلد عقاراتها واقعة وقعة عدودك نديك بيت ناصيتن بي ناسو كمان قصرنا معاك
تحياتي يا دانيا المكي ومنتظرين الترتيبات الداخلية وخلي بالك العشره التواني دخلت
سامي وهبة ختو الكوره واطة
انتو تعالوا هنا انا ما رفدتكم كلكم قبيل تاني الجرجرة شنو
| |
|
|
|
|
|
|
|
|
|
Re: أفطار بورداب واشنطن الكبرى 35 رمضان 2020م (Re: حمور زيادة)
|
Quote: لكن زعلكم لذيذ
طعمو قمردين قمردين
كلو بسبب سخانه فرجينيا
الواحد ما عارف لو كان درجة الحرارة عندكم حصلت 40
حتعملو شنو ؟؟ |
تبلدينا يا صاحبنا زماااان سخانة شنو ياخي والله اليومين ديل
عندنا جو جنااااان جو أوربي بس
Quote: بالله انت ودانيا براحه على هبة الماحى
ما تطنشوا المنبر وتقولو ما عزمتكم |
مش كدة بالله ؟ لكن انا عارفة إنهم الاتنين ما عندهم موضوع ( وش مادي لسانه )
Quote: جينا نسجل حضور معاكم ككل عام
عشان ما تقولوا العرس بـ يغيّر الناس وكده
سلام لكل الناس الحلوه اللى معاكم |
محمد ساني يا عريس ( ولا قدمنا؟ ) مرورك نور البوست
و أكيد ما انت الزول البتغًير مع الايام
كل سنة و انت طيب
Quote: يا سامي كان امات طة دي بقت على سلفونك بس يبقى مافي عوجة
قال تلفوني قال !!! |
قرقرقرقر .. !
| Quote: هبه ما في زول قال ليك اتصلي بكل بوردابي لكن لمن قررتي الزمان و المكان كان تنزلي بوست تقولي للناس يوم كده الساعه كده, |
تااااااااني سيرة البحر دي ؟ أحيييييي انا !
| Quote: محمد نور بقى من بورداب تكساس, شانتيلي ما فيها غير نزار |
محمد نور بقي من بورداب إنجمينا عدييييييل كدة الايام دي
و شانتيلي ياختي فيها فارس موسي و عوض أبوجديري و نزار كروم دا تمومة جرتق لوووول
| Quote: يا هبه معلوماتك ما صحيحه انا من بورداب فير اوكس و اظن البوردابيه الوحيده هناك و في زمتك كان شانتيلي الشقله, ساوزرت تاورز شنو الكلها حبش و ريحتها زغني الديم بس :) و الله بحب اكاويك يا هبويه |
خلي فيرأوكس العاجباك دي تضوي ليك نحنا برضو ساوزرن تاورزنا عاجبانا و ساااارة بالنا ( أو كما قيل إسكاي لاينا هههههه)
و انا برضو بحب أغيظك لانك بتدوري سريع ( إستارتر )
Quote: يا ناس غرب الاطلنطي بالله قطعة الارض 500 متر ناصية في شانتيلي دي بكم ؟
|
نديك ليها بي راس مالها يا حمور بس انت تعال و ما تشيل هم
| Quote: فيها اسكان فئوي وله لأ ؟ |
إسكان شعبي لمن شعبي زاتووو
| |
|
|
|
|
|
|
| |
سامى عتبانى
Rawia
SHIBKA
Dania Elmaki
heba Elmahi
محمد خليل ساني
أسامة خلف الله مصطفى
عليش
Mohamed Foto7li
حمور زيادة
عوض أبوجديرى
فيس بوك
تويتر
انستقرام
يوتيوب
بنتيريست