|
|
 خسارة يا نادية عثمان ما قايلك كدي!...توجد صور"
|
البنية الخلتني ابحت في جحر الضب
كايس لي لي نملة.....
جات تتضرع وتتقدل ..........
مركبة مكنة قملة
الداقس انا
ملاح التقلية ياهموم فرح الدقاسة
نفسي قايم قومة نفس قعونجة نفسا قايم بعد النفاسة
خنفسانة كافوري تتمغا فترانة
هدّاها كوجان الابري ونيران العواسة
من نيران حشاها ولعت
دمعت....
وكوعت.... في خشم باب الحراسة
كتبت شقاي انا الشقي فوق سطور شطور الدنيا
عولقتني
وعلقتني
وشنقتني بي تِــكة لباسا
.............................................................
"القصيدة ليس لها علاقة من بعيد او قريب بنادية عثمان"
سمح!!!!؟
....................................................
ندوبة ... نادية عثمان اتلومتي فينا لوم ضكر ... في برنامجك " بالدليل القاطع" في قناة هارموني ..... و خليتين اغالت نفسي باصرار واقول قطعا دي ما انتي دي زولة تانية.... الفكرة يا ندوية فكرة سمحة وان كانت قبال كدي انا شفتها وين يا ربي ماني متظكر.... طريقة الاسعلة واضحة انها طريقة لجرجرة الزول البيجي يقعد قدامك وتقعدي تجرجري فيهو.... المحيرني عبد القادر سالم وفرفور... نفسهم قام.. واتحرقو وفرفور دا ما فضل لو علا يشيل عكازو ويربط لي اي زول قال فيهو نضمن ما وقع لو.. وعبد القادر مسيكين يشيل ويتعضر..لكن جمال حسن سعيد طلع تفتيحة .. كنت يا نادية متوقع منك برنامج اخير من كدي واسمح من كدي ... والعترة بتعدل المشية
ومن هناك قمت للنيل اللزرق حيث سهرة البلابل.... اصلها النيل اللزرق دي مسخت علي من يوم فارقتا نسرين سوركتي وبقت مسيخة وما عندها طعم....و مابجي اتاوق لها علا كواسة خبار بس... علي التعترني جيت تاوقت ولقيت البلابل متحكرات بربطة المعلم .. ومعاهن عصام الدين الصائغ و ومنو كدي نجيب زول نضام وبراي ماركة انتل وعصام الدين مسيكين ماسك لو في غنية واحدة وقال عاجباهو ويمشي ويجي للغنية دي والبلابل ما هببنو ليهو وما غننها ليهو لكن باقي لي يا عصام النسوان ديل يكونن نسن الغنية دي!باقي الزمن طول اعفا ليهن عليك الله في رمضان دا.... السهرة كانت ما سمحة برضو ... اولك بالتبادي البلابل كانن فترانات وعينن واقعة... وحسهن مو حسهن السمعت بيهو حفلتن في نادي الظباط في عيد الحب ...باقي انا دخلت الحفلة ديك ويا الله ويا امين لقيت لي كريسي قعدت فيهو من كترة الامة والعالمين...اكتر حاجة عجبتني في السهرة دي سهرة النيل اللزرق " القلوبية" اللابسها هادية في اضنيها.... يا ربي جابتا من وين؟
|
|
 
|
|
|
|
|
|
|
|
Re: خسارة يا نادية عثمان ما قايلك كدي!...توجد صور" (Re: سجيمان)
|
سجيمان ياصديق
رمضان كريم
مالك قايم سداري كدا
بالراحة علي البنية
الزولة د برضو صاحبتنا في النهاية
الشغلة شكلها ماحقتها و مفروضة عليها
لاننا بنعرف زولتنا دي بالحيل
ودا ما كلاما
بس نديها راينا بشويش
الا نصبر لمن نشوف الاخر شنو
يمكن يكون في عسل اخر البرميل
اخر النضم:
فتك بي عافية
| |
|
|
|
|
|
|
|
|
|
Re: خسارة يا نادية عثمان ما قايلك كدي!...توجد صور" (Re: سجيمان)
|
يا سجيمان ...انت من ندي (الخلوات ..واللا الصادقاب )ما متاكدة ...غايتو لكن ما عارفة مالك ومال البنطون ...
مركب حديد صغيرة كدي تمرقكم علة جزيرة (ماعارفة اسمها شنو لكن فيها فواكه عجيبة ..)
بعدين نجيك لحكاية البلابل ..
بصراحة كدي ...
بالنسبة للزول النقه في الغنيوة ديك وما غنوها ...لانها على ما عتقد كدي (من الغنيوات القلعوهم منهن ناس بشير عباس وكدا ..
ولو لاحظت غنوا حاجات محددة ..لا ليلي الشجن ولا سلافة الفن ولا ولا..المهم يا زول انا عندي راي ...(زولاتك ديل غنوا ...بشراهة شديدة ..
شراهة شديدة بلحيل ..وفرحة كدا زي ادوني احساس انهم بماغسوا في ناس ..وان بعض الظن ..قلة عرفة ..احتمال دي زيادة اشواق وفرحة لجيتهم ..ودا كان تبريري ليهم في الحفلة الاولى ...بهجة عارمة وزيادة حركة ...لكن الان ما في داعي فقد ذهب الظماء وابتلت العروق كان نفسي القى امال الزماااان الجالسة في الكرسي الطرف وعينا دي ما رفعتا ..ولكن الله يجازي محنك يا مريكا ورانا ورانا للبلاوي دي ..
المهم السهرة كانت جميلة ..ورغم حواره الفتران فتر حمارة حبوبتي ..الإنسان رخيصة ..الله يرحمه ..ودى برجع للمقدمين طبعا وعدم المامهم الشديد بالبلابل ..وماضيهم ..وكنا نريد ان نعرف جديدم شنو وقاعدين والله راجعين وغايتو سعالات كتيرة لكن انشاء الله نلاقيهم في هارموني او الخرطوم ,,,او طيبة او ابوني او الضحى ...
والسد السد ...يا ناس الشريك وندي وابوحجار ..
دمت
| |
|
|
|
|
|
|
|
|
|
Re: خسارة يا نادية عثمان ما قايلك كدي!...توجد صور" (Re: سجيمان)
|
يا سيجيمان يا أخى بالغت ،، البنية والله عفوية وتلقائية بصورة مزهلة حتى تكاد أن تقول أنها تتحدث مع ناس بيتهم وكده ،، دى واحدة ،، أما الثانية فإن طبيعة البرنامج نفسها تتطلب أن يتنرفز الضيف حتى نهاية الموجة لدرجة أن القاعدة قدامها لو كانت راجل كان دور ضرب فيه أو شىء شبيه بذلك .
أها لكن ما بترطب الكلام بعد داك ؟؟ ما شفت عبدالقادر سالم ده ساح كيف حتى كاد أن يقول خذونى ؟؟
أها وأقول ليك حاجة تانية كمان ؟؟ يا أخى الواحد لو عاين نادية دى وهى بتتكلم براه كفاية ،، والأخير ده طبعاَ ما كسير تلج ،، أوكى ؟؟
ماهر
| |
|
|
|
|
|
|
|
|
|
Re: خسارة يا نادية عثمان ما قايلك كدي!...توجد صور" (Re: صديق الموج)
|
صديق الموج .. صديق الزمن الجميل زمن كنا كلنا ولاد ابرق
| Quote: يورينا الفائده الغذائية الفى الفتريته بالنسبه لود ابرق؟؟؟ |
بسم الله الرحمن الرحيم والصلاة والسلام على سيد المرسلين
القارئ الفاضل صديق الموج سعل سوعالا.. على جانب كبير من الاهمية
يا اخ صديق لا حياء في العلم...سمت العرب ود ابرق بهذا الاسم في عصر النعمان بن المنذر...قيل انه اطلقها عليه النعمان ذات نفسه..عندما رأى النعمان ود ابرق ومعه زوجاته الستةعشر من عشوشات...وراءه وهو يواقعهن الواحدة تلو الاخرى ثم يعيد الكرة ..وذلك منذ بداية الشوط الاول حتى نهاية شوط الزمن الاضافي... والنعمان واقف محتار ومعجب بضكرنة هذا الطائر ... ويردد" بخٍ بخِ لك يا ود ابرق...لقد طلعت صليبهن ولم يطلع لك صليب"... واخذ النعمان يردد ابيات من الشعر:-
ودع زليخة بوادي الشخم ابرق
وما زليخة الا كمنعه بركة تجلبق
بانت بالاربعين سبعة بيوت تزحلق
وعصامي انجد يترجرج وينتفش ويبرق
كميت اللون ذا جنز منفوخ يفعل فعل ود ابرق
.... قيل امر النعمان بن المنذر وزيره بان يرى ما يتغذى به هذا الطائر المغوار .. فوجدوه يتغذى على حبوب الفيتريته.....
| |
|
|
|
|
|
|
|
|
|
Re: خسارة يا نادية عثمان ما قايلك كدي!...توجد صور" (Re: سجيمان)
|
Quote: بسم الله الرحمن الرحيم والصلاة والسلام على سيد المرسلين
القارئ الفاضل صديق الموج سعل سوعالا.. على جانب كبير من الاهمية
يا اخ صديق لا حياء في العلم...سمت العرب ود ابرق بهذا الاسم في عصر النعمان بن المنذر...قيل انه اطلقها عليه النعمان ذات نفسه..عندما رأى النعمان ود ابرق ومعه زوجاته الستةعشر من عشوشات...وراءه وهو يواقعهن الواحدة تلو الاخرى ثم يعيد الكرة ..وذلك منذ بداية الشوط الاول حتى نهاية شوط الزمن الاضافي... والنعمان واقف محتار ومعجب بضكرنة هذا الطائر ... ويردد" بخٍ بخِ لك يا ود ابرق...لقد طلعت صليبهن ولم يطلع لك صليب"... واخذ النعمان يردد ابيات من الشعر:-
ودع زليخة بوادي الشخم ابرق
وما زليخة الا كمنعه بركة تجلبق
بانت بالاربعين سبعة بيوت تزحلق
وعصامي انجد يترجرج وينتفش ويبرق
كميت اللون ذا جنز منفوخ يفعل فعل ود ابرق
.... قيل امر النعمان بن المنذر وزيره بان يرى ما يتغذى به هذا الطائر المغوار .. فوجدوه يتغذى على حبوب الفيتريته..... |
أها آمنت ياود الموج
| |
|
|
|
|
|
|
|
|
|
Re: خسارة يا نادية عثمان ما قايلك كدي!...توجد صور" (Re: صديق الموج)
|
Quote: سجم الرماد صاحبى البوم
كل سنه وانت طيبب
اول شى انت دكتور بطرى
وتخصصك فى الحمير وابو الرقيع والسمبر
ما بحق ليك تتكلم عن الغزلان والظباء والبلابل ديل
بعدين ناديه عاجبانا وتقديمها سمح زى نيتها البيضاء...
انت ممكن تطلع منها؟؟ |
سي جي
ياخوي كيفنك
والله مشتهيك أكتر من أم فِت فِت
ياخي وينك يا رجل
أسمع كلام الموج دة
داير مصلحتك باقي
| |
|
|
|
|
|
|
|
|
|
Re: خسارة يا نادية عثمان ما قايلك كدي!...توجد صور" (Re: المر)
|
اليوم يوم الرجال
سيجيمان ود المـــــــــوج والله مصيبة
الله يستر على نادية من لسانتكم الكرفتات دى
ويا خالدالمحرب زول عارف ود ابرق والفتريرتة من وين ليه الارستقراطية والله فى الشماشة شماسى مميز
ٍســــــــــجيمان سجم السجم دكتور البهايم كان ماعارف فائدة الفتريرتة انا بجاوب عندك
من انواع الحبوب التى لا تصلح للاستخدام الادمى ولا الطيور الحديثة المتخذة للزينة
وبما انا ود ابرق صايع وضايع وجدت الفتريتة معدة ود ابرق من اجمل المعدات التى تصلح لها فتخذها مكان امن بالاضافة للميزاتها وهى صعوبه هضمها ووجودها بالمعدة لفترات طويلة مما تشكل نوع من انواع الرجيم القاسى والاجبارى.
وبماانها تميزت بهذة المميزات فهى الوسيلة السريعة للقبض على ود ابرق عن طريق المابرش (الشرك حسب موسوعة ود الموج )
وجد ود ابرق ضالتة فيها فبدلا عن البحث المتواصل عن الغذاء فجعلها وجبتة المفضلة وتفرق بالعب مع زوجاتة عشوشات المتعددات
وفكو نادية وخلوهااا فى حالها برنامجها كان كعب شديد علينا زى العسل.
| |
|
|
|
|
|
|
|
|
|
Re: خسارة يا نادية عثمان ما قايلك كدي!...توجد صور" (Re: Yousif A Abusinina)
|
يوسف ابو سنينة
رمضان كريم
| Quote: وجد ود ابرق ضالتة فيها فبدلا عن البحث المتواصل عن الغذاء فجعلها وجبتة المفضلة وتفرق بالعب مع زوجاتة عشوشات المتعددات |
اضافة لمعولماتك الخترية.. فان الفيتيرتة تدخل في عرقي العيش ... وهو عرقي ذو سعرات حرارية عالية والشاهد ما تنغى به احمودة ود الفقير وهو طالع من الانداية :-
عرقي العيش ما تدفرني براي بمش
| |
|
|
|
|
|
|
| |
سجيمان
Ahmed Abdallah
محمد الامين محمد
نعمات حمود
حيدر حسن ميرغني
طارق جبريل
Rawia
صديق الموج
مصطفى توفيق
وجن
حبيب نورة
عادل عبدالعزيز عبد الرحيم
خالد عبد الله محمود
خالد المحرب
Yousif A Abusinina
abdulhalim altilib
فيس بوك
تويتر
انستقرام
يوتيوب
بنتيريست