كتب الكاتب الفاتح جبرا المتوفرة بمعرض الدوحة
|
|
 يا ناس المنبر ... انتو المكسيك فيها بورداب
|
شباب سلامات والله و رمضان كريم
والله يا اخوانا قاعد في أمان الله و حفظه طاخ ترسل لي ربة عملي الحجرية .... فكيت ليكم الفي يدي و خشمي و سرعة رسمت ابتسامة نفاق كدا
و كان الحوار كالاتي:
انا: سلام يا بوس Boss
الربة: ايوا يا حافظ اقعد
قعدت قعدت و انا اتوهط
الربة مواصلةً يا حافظ في مؤتمر في المكسيك و دايرينك تمشي تمثل المكتب هناك
انا: فتحت ليك خشمي كبير و صرت اكثر هبالة
يلا بجي اواصل
|
|
 
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
بعد شويتين كدا افقت من الصدمة , و سالتها .... شنو؟
هنا بدأت النظرة التي اعرفها جيداً و كررت الكلام مره اخري....
انا: طيب يا بوس حيدوني فيزا كيف؟
الربة: يا حافظ بتاع اللوجستك حيتابع موضوع الفيزا دي
بس هي انا دايراك تجهز ورقة عن الصحة و الفقر ... انتهي الحوار
أها يا اخوانا انا بسأل و بكرر السؤال المكسيك دي فيها بورداب؟
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: esam gabralla)
|
عبدالعزيز عيسي سلاما و تشكر يا ملك علي لنصيحة و المرور بس مستني اتصال يا رب....
وتصوم علي الف خير يا عبدالعزيز
عصام جبر الله سلامات
Quote: انت الله وداك حته مافيها قشرانى ... حقو تفرح و تعمل نايم مش تجى تنشرا هنا
امه تعتر لي روحا براها
فعلا بنى كجه على قول الملك |
يا فرده مش الجنس للجنس رحمة....لكن عموماً المثل ما دايماً صحيح
في 2008 مشيت تايلاند براااي زي الكلب ... لقيت ليك 4 سودانين هناك و كانوا معاي في نفس الفندق ... اها اتلاقينا في الفطور الصباح
شلت الفطور بتاعي و جيت قعدت جنبهم ... المهم امتعضوا شوية كدا ولكن اكثرهم جلافة قام سألني
يا حافظ إحتمال اللحمة دي ما تكن مذبوحه بطريقة اسلامية ... لاني انا كنت بأكل في لحمة طبعاً اخوك ما بقدر يقاوم اللحمة علي الاطلاق و في رواية اخري بأكلها نية ...
يامان عارفها ما مزبوحة اسلامياً لكن حأكلها رأيك شنو؟
هنا انفض سامرنا و لحد ما اتخارجت من تايلاند ما قعدت معاهم تاني ... لكن كل امل السوداني الحلاقيهو في المكسيك حيكون مختلف....
و ربنا ما يقطع العشم ..... بالمناسبة تصوم و تفطر علي خير يا عصام
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
Quote: يا حافظ إحتمال اللحمة دي ما تكن مذبوحه بطريقة اسلامية ... لاني انا كنت بأكل في لحمة طبعاً اخوك ما بقدر يقاوم اللحمة علي الاطلاق و في رواية اخري بأكلها نية ...
يامان عارفها ما مزبوحة اسلامياً لكن حأكلها رأيك شنو؟
هنا انفض سامرنا و لحد ما اتخارجت من تايلاند ما قعدت معاهم تاني ... لكن كل امل السوداني الحلاقيهو في المكسيك حيكون مختلف....
|
الأخ حافظ
أولا في بلادا بعيدة زي المكسيك دي ان شاء الله تلقى الناس الطيبين..
عينة الشاكلة الفوق دي صارت كثيرة جدا وحصلت معي في ماليزيا..
وتايلند ياها حدودها مع معاها.. ودخولها ساهل..
بقينا زي بعض الشعوب.. عندما نكثر في مكان ما تصبح الجلافة أحد المميزات..
وربنا يستر..
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: عبدالوهاب علي الحاج)
|
| Quote: أها يا اخوانا انا بسأل و بكرر السؤال المكسيك دي فيها بورداب؟ |
يا حـــــــــافظ
ازيك و رمضان كريم..
المكسيك في جالية اسلامية و عربية كبيرة,و قطع شك فيها سودانيين!
وانا في اميركا ولاية تكساس..مدينة هيوستن\يعني بلد الكاوبويات..و حدود المكسيك من هنا زي 4 ساعات,وطبعا انت
غالبا ح تمشي مكسيكو سيتي..
فيها كتبر من المسلمين و العرب عموما و فيها بعض السودانيين بدرسو هناك..عشان البلد ارخص كتير من هنا,
المهم انا الليلة مسافر فرجينيا.وح الاقي كمية من البورداب في حفلة \شرحبيل
و بالتاكيد بكون في زول بعرف ليه سوداني هناك
اها يا مـــــــــــان
نتابع معاك بكرةمن فرحينيا
لك الود
هواري
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: esam gabralla)
|
Quote: أولا في بلادا بعيدة زي المكسيك دي ان شاء الله تلقى الناس الطيبين..
عينة الشاكلة الفوق دي صارت كثيرة جدا وحصلت معي في ماليزيا..
وتايلند ياها حدودها مع معاها.. ودخولها ساهل..
بقينا زي بعض الشعوب.. عندما نكثر في مكان ما تصبح الجلافة أحد المميزات..
وربنا يستر..
|
عبدالعزيز عيسي ... انا ما عارف قدر ما اقرأ اسمك دايماً بتضيف ليهو الحلو ...يعني كدا كدا تبقي عبدالعزيز الحلو... و بالتأكيد انت لو ما كنت قائدنا و استاذنا الحلو ربما تكون من نفس الطينة وربما أحلي (شفت الغزل وكسير التلج دا) ... عموماً يا مان ربك يستر
لكن لحد هسي ما لقينا لينا زول عبرنا
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: esam gabralla)
|
وهبة سعيد بمرورك و رمضان كريم .... تصوم و تفطر علي الف خير و السنة الجاية تامين و لامين
| Quote: في المنبر دا ياحافظ _ رغم حداثة انضمامي _ بتحصل فيهو اشياء فوق التصور والخيال |
والله يا وهبه اتفق معاك 200 ال 100 .. برضو انا جديد كرت كرتون في المنبر لكن بالجد اتخلقت علاقات جميلة جداً و بالجد بعتز بيها ...
لكن يا وهبة عصام زي ما وضح ما اظن قاصد الكلام داك بكل ابعاده بقدر انه طرفة ما أكتر ..... و بالتأكيد الود بينكم قايم جداً....
| Quote: الرد اعلاه نيابة عن بورداب الصومال جناح المحاكم وجيبوتي جنوب |
افو يا وهبة ديل البودراب الجد جد لكن والشهادة لله فوق الحتة ديك انا ما بجي ...تسلم يا حنين
عصام جبر الله سلامات يا منقة و كيف الوليدات
| Quote: لووول ......... يا زول انا متخارج من هنا , تمشي المكسيك و لا كازخستان و تقابل بورداب قيرقيزيا زاتا |
يا عصام شنو يا خي متخارج .... انت قايل دخول الحمام زي طلوعو .... بالله اركز هنا و شوف لي بوردابي مكسيكي
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
هواري سلام.... رمضان كريم و تصوم و تفطر علي خير ... يا خي شكراً جزيلاً علي المجهود و انا مستني مشوار فرجينينا ...
Quote: المكسيك في جالية اسلامية و عربية كبيرة,و قطع شك فيها سودانيين!
|
يا مان اسلامية دي انا بقبلها مع وقف التنفيذ لكن عربية ختيني ليهاخالص ... بس لو امكن تركز لي مع الكلمة ال بعد قطع شك دي
شفت كيف شحاد و عينو قوية .....و بختار كمان
تشكر كتير يا هواري اها رمضان هناك وصل و لا لسا؟
المدينة الفيها المؤتمر اسمها cancun
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
يا حافظ....
ازيك..ياخي
انا زاتي معاك..في حكاية عربية دي لانو ما ما بركبو لي في دماغي ده, و لو ما الدنيا رمضان...كان التانية برضو !!!
اها..يا زول
لسه احنا هنا في بداية يوم الجمعة..
يعني يادوب 6 صباحا...
وزي ما قلته ليك...الليلة مسافر فرجينيا و في الحفلة ..بجيب ليك الاكيدة..
_________
اها المؤتمر... لو هسي
يبقي ...اقول ليــــــــــك!
الدنيا سخانة, و الناس ماشة من غير هدوم...(ما انت علي سفر)..ههههه
البلد رخيصة ,الاكل رخيص و اكلهم في شبه لي بتاعنا.هم بياكلو برضو الرغيف
ويحبو البهارات و الشطة...و المحدقات,,,
ح تلاقي العرديب متوفر, هناك!! هههههه
كتر من اللبس الخفيف..يعني الرياضي..لزوم الطلعة بعد المؤتمر..
اها تاني شنو؟؟
غايتو الناس ديل بحبو ياكلو الكدرايك..
اها خلي بالك الايام دي انفلوزا الكدروك الحايمة دي...
اول ما تصل ..
بس اقع فيهم..اميقو..اميقو..
بكرة ان شاء الله نجيب خبر حبايبنا السودانيين
هناك..
اكتب اسم
المدينة في قوقل وح تلاقي كل المعلومات عنها...بالذات من الناحية الامنية
فتناك بي عافية..
______
لو في طريقة تصلنا و تجيب معاك طرقة طرقيتن من الحلو مر
بالمناسبة...
ياحافظ..انت من النيل الازرق و لا شنو؟؟
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: هواري نمر)
|
Quote: cancun..............!!
يا زول انت ودووووك البحر
الموية....
الرمال.. والزوارق..
الناس السمحة..
الصيف..
اها كان كدي ..رمضانك ده..ربنا يعوضك فيه!!
مدينة ساحلية سياحية من الدرجة الاولي..
بس حاول ادخل المحلات الشعبية,لانها ارخص كتير |
يا هواري يا فرده يا صاقعة تشكر والله علي المعلومات القيمة دي ... بعدين قلت لي المدينة طلع فيها الموية و الوجه الحسن اها نسألك في اي خضرة؟ عشان الواحد داير ينجم في عضمو دا من القلاية الهنا دي.
رمضان الله يعوضني فيهو ... و بعدين معاك دا أخر رمضان في الحياة و لا أول رمضان يتجلد؟ و في حاجة ما تنساها قصة علي سفر دي....
يا خي انت شايف علي شنو؟ ليه تقول لي اقع المحلات الشعبية؟ يا خي انا حياتي دي كلها عايش شعبي ووقت الله يفتحها علي برضو اضر اكون شعبي بس برضو أحسن من وطني شوية كدا ... شوف يا فرده دا قانوني انا براي في الحياة يعني اي سفرية امشيها لو ما كملت البرديم ما بجي راجع علي الاطلاق و ما في داير اوفر اي برديم ....
بس يا منقة والله عندي اسعلة كتيرة لكن الا في الخاص
تسلم يا حبة
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
يازول انت الموديك المكسيك شنو؟؟؟؟
بعدين ما تسال أكل بعدين اسال............... (اللحم حلال في كل بلاد العالم)
تعال ماري بهنا نديك الزواده؟؟
( واحد سكران .. وضرب الجوع في البلاد دي .. مشي مع صحبو لمطعم اها جابو ليهم الاكل قام صحبو سال الجرسون : إنت اللحم دا حلال .. لانو نحن مسلمين؟؟؟ قام السكران قال ياخ خلينا ناكل يا عم هو نحن شاربين موية زمزم؟؟؟
فبالله امشي وتعال بالسلامه البلا اليشيلك وما يجيبك الا بعد العيد
رمضان كريم
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: ibrahim kojan)
|
Quote: هنا بدأت النظرة التي اعرفها جيداً و كررت الكلام مره اخري....
|
اااي النظره دي بعرفه كويس
تخيل يا حافظ انا جايه من المديره يا دوب و ادتني
نفس النظره دي, نوع, بطلي هبل و عبط كلامي واضح
ياخ الدنيا دي ما ممكن تكون من غير مدرا
غايتو
استمتع كويس و اهما حاجه ابعد من امت لاالله إلا الله ديل
اكتر ناس بعملوا ليك مس ليدنق و دايماً بدوك إحساس
إنك ابعد زول من ربنا مع انو سبحان الله العلاقه بين العبد و الرب دي علاقه خاصه
الاكل المكسيكي معروف لزيز و مبهر كويس و بحبو اللغاويس زينا
كده
الشعب المكسيكي ماعارفاهو كيف في المكسيك لكن لو زي البجو امريكا ديل
فا سوري بدوك إحساس الهباله, مبسوطين دايماً سبب بلا سبب
انا لما ازهج بمشي المحلات البشترو منها المكسيكان
القاهم ليك كتار كده ماشين يشتروا و يضحكوا و ما جايبين خبر الدنيا و الحاصل فيها,, فطوالي تمسكني عدوا الإنبساط
نجي للاهم....
فعلن ظبت الورقه بتاعتك لانو المؤتمر دا بكون مهم و فيهو جعهات مهمه
كتيرا زي ناس باهو و ال يو إس ايد و ممكن جدI تكون فرصه كويس ليك
لكن ما قلت لينا الورقه عن الفقر و الصحه وين في بلد معينا ولا بصوره
عامه زي تاثير الفقر علي الصحه
و رمضان كريم للكل
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: وجن)
|
كوجان سلامات و حمدالله علي سلامة الجية من الامريكا ... يا ابراهيم والله عندك شناة رجل بس انشاء الله الفيس ما يكون زيها
Quote: يازول انت الموديك المكسيك شنو؟؟؟؟
|
والله شكلي اشتقت لي لانفلونزا خنازير و قد تكون هنالك مأرب أخري يا كوجان
| Quote: فبالله امشي وتعال بالسلامه البلا اليشيلك وما يجيبك الا بعد العيد |
أمين يا رب العالمين و تسمع منك السماء يا كوجان ... في معلق كتير يا فرده لكن نجيهو في التلفون
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: وجن)
|
نون سلامات و تصوم علي خير
| Quote: ياخ الدنيا دي ما ممكن تكون من غير مدرا |
والله يا نون بدون مدرا بتكون جميلة جمال ... و انتي ما عارفة والله في نوع مدرا كدا اجارك الله ... يعني نوعية صنعت خصيصاً للسودان
و بتعبير اخر كي تلائم طقس السودان ... بس النوعية دي والله الشمار كاتلني و داير اجيب أوصافها هنا ... لكن الشهادة لله بخاف من العطاله
Quote: فعلن ظبت الورقه بتاعتك لانو المؤتمر دا بكون مهم و فيهو جعهات مهمه
كتيرا زي ناس باهو و ال يو إس ايد و ممكن جدI تكون فرصه كويس ليك
لكن ما قلت لينا الورقه عن الفقر و الصحه وين في بلد معينا ولا بصوره
عامه زي تاثير الفقر علي الصحه |
هي الورقة عن التأثير المتبادل بين الفقر و صحة الرئة تحديدأ ... ايو هي ورقة عامة لكن في دول ماخوذه كنموزج ...
لكن ليكي علي قبل ما ارسل الورقة برسلها ليكي و بالتأكيد حتطلعي لي فيها حاجات مفيده ... يلا سؤالي الاخير
لقيتو لي سوداني بدون رتوش زايدة في المكسيك و لا لسا؟
و تاني تصومي و تفطري علي الف خير
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
Quote: يلا سؤالي الاخير
لقيتو لي سوداني بدون رتوش زايدة في المكسيك و لا لسا؟
|
ولله يا حافظ يا اخوي دايره اديك نصيحه تنفعك
و إنت ماشي بلد غربه لكن ولله بخاف من امت الله الهنا
زي خوفي من مديرتي و خوفي من العطاله و الخواف ربا
عيالو ,,, خليك في حالك و شيل معاك صور كتيره
كل ما تشتهي سوداني عاين للصور احسن ليك من الايف لوك
اكيد لازم ترسل لي الورقه, اكيد حا استفيد منها
بس ما طلع سوداني و تقول لي نسين
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: وجن)
|
ود الصايم سلام
Quote: لكن قبل كــدا مشيت ناقورنو كرباخ كان فيها مجموعة مقدّرة من البورداب!
|
يا ود الصايم سؤالي واضح انا داير سوداني\ه في المكسيك ما في الحتة ام اسم غريب دي ...اها يا ود الصايم الصيام الكاتبو اسمك جدك دا بكره جاييك و انشاء الله تبقي قدرو ... و يا بركات الصايم ديمة تصوم في محل الكهرباء تقطع فيهو من هسي ما تجي الا يوم العيد ... و يا ناس السجدات لا غيمة لا ضل لود الصايم دا .....
لكن برضو يا منقة تصوم و تفطر علي خير
وجن سلامات
انشاء الله يا وجن الاقي سوداني هناك و يسمع منك رب العالمين
كل سنة و انتي طيبة و تصومي و تفطري علي خير
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
Quote: ولله يا حافظ يا اخوي دايره اديك نصيحه تنفعك
و إنت ماشي بلد غربه لكن ولله بخاف من امت الله الهنا
زي خوفي من مديرتي و خوفي من العطاله و الخواف ربا
عيالو ,,, خليك في حالك و شيل معاك صور كتيره
كل ما تشتهي سوداني عاين للصور احسن ليك من الايف لوك
|
والله انا زاتي بخاف منها لكن تقولي شنو يا اختي العين بصيرة و اليد قصيرة
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
Quote:
عبدالعزيز عيسي ... انا ما عارف قدر ما اقرأ اسمك دايماً بتضيف ليهو الحلو ...يعني كدا كدا تبقي عبدالعزيز الحلو... و بالتأكيد انت لو ما كنت قائدنا و استاذنا الحلو ربما تكون من نفس الطينة وربما أحلي (شفت الغزل وكسير التلج دا) ... عموماً يا مان ربك يستر
لكن لحد هسي ما لقينا لينا زول عبرنا |
الأخ الحافظ
سلام
عبدالعزيز الحلو حتة واحدة كدا!!
اذا ما كنت الحلو.. بكون من نفس الطينة..
ياخي إنت سحار عديل كدا..
يكفي أنه نحن ناس غبش وبيجمعنا الهامش..
التلج ماشي في رمضان..
أمشي وتعال لينا بالسلامة كدا وبعدين نشوف الباقيات..
أمسك في كلام هواري وكوجان ده شديد وما بتجيك عوجة هناك..
تحياتي
عبدالعزيز
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
صديقي حافظ احزرك من حمى ( الكداريك )
ويا زول امشي عيش حياتك كما تكون ... واحد سوداني قهر من السودان
قهر السنين قرر يهاجر لمن خلاص الهجرة ظبطت قرر يهاجر لبلد في الخريطة
عشان ما يلاقي سوداني ذاتوو قام مشى جزيرة صغيرة شديد تابعة لاستراليا
خت رجلوا في الجزيرة كان يسمع ليك صديق احمد يغني وطمبورو في السما ,,
امشي ساكت ممكن تلقى عبد الله البعيو عندو حفلة هناك
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: حافظ حسن ابراهيم)
|
الأخ حافظ مدينة Cancun المكسيكية تقع على حدود ولاية تكساس الأمريكية
على خليج المكسيك.. تبعد عن مدينة هيوستن حوالي ساعتين ونصف بالطائرة..
وهي مدينة سياحية كما ذكر لك الأخ هواري نمر.. ولا أعتقد فيها سوداني يسكن
هناك.
على كل حال حتستمتع بساحلها الجميل وصدقني ما حتحتاج لأي سوداني.
وعلى فكرة أي أكل يعجبك أهم شيء يجب أن تسأل إذا كان مخلوطا بلحم
الخنزير أو (البيكن Bacon) لأنه المكاسيك بيحبوا أكل الخنزير شديد
خاصة البقوليات مثل الفاصوليا واللوبيا العدسي الخ.
مع أمنياتي لك برحلة ممتعة.
ورمضان كريم
| |
|
|
|
|
|
|
|
|
|
Re: يا ناس المنبر ... انتو المكسيك فيها بورداب (Re: عزيز عيسى)
|
يا حافظ انت ماشي لمؤتمر ودة المهم والاطراف المعنية او الداعية له تجهز ما لزم وغالبا المؤتمرات لا تسمح بوقت لاجتماعيات الا اذا كنت قد دبرت امر تمديد فترة تواجدك هناك الي ما بعد المؤتمر .. واجمل ما في الاسفار انو انك تعرف البلاد التي تزورها من وجهة نظرك اولا ودون تاثير ,,
المهم اولا جهز ورقة البحث و سافر ورمضان كريم
| |
|
|
|
|
|
|
| |
حافظ حسن ابراهيم
HAIDER ALZAIN
Abdlaziz Eisa
عبدالوهاب علي الحاج
هواري نمر
ibrahim kojan
noon
محمد عبد الماجد الصايم
وجن
معتصم ود الجمام
عزيز عيسى
abubakr
فيس بوك
تويتر
انستقرام
يوتيوب
بنتيريست