|
كتب الكاتب الفاتح جبرا المتوفرة بمعرض الدوحة
|
|
 Re: فتـاة الخبـز الحــافي ... (Re: الطيب شيقوق)
|
| Quote: والله قرت يا العشاء اب لبن - قلت وكنتى بتقري شنو ؟ عيييييييييييييك امانة ما قراية طالما دخلت غابة الشكرية |
ود شيقوق أخوي :
غابة الشكريه فوضويه؟
الخبز الحافي ..
أحسن ليها من تسمع صوت (قيقم) المتشتت من السماعات وقتئذِ)
والله يا شيقوق كل ما تجي سيرة الخبز الحافي دي..
أتذكر واحد كان بقرا معانا وعامل فيها متفلسف علينا..
مره سألني بتعالي كده:
قريت (الخبز الحفيان)؟
والله يالطيب رديت عليه بسرعه:
: الحفيان؟ سجم أمك يا إفلاطون إنت.
: حفيان ؟ لا المكاشفي أبو عمر.
المهم هي يا ود شيقوق ..
كانت طاعمه زي (شاهي الشكريه أبقُنانه داك).
كل الود يا شيخ العرب ..
| |
 
|
|
|
|
|
|
|
|
Re: فتـاة الخبـز الحــافي ... (Re: فاروق أبوحوه)
|
Quote: وروحي النزلت برضو وراها
صحّت عين الحِلم الغَافي
كنت بكُوس لِك يا مُتصالحَه
إنتي الواحده ورهَقِك كااافي
وكيف إتنين يا صَالحه وفَالحه
بيهُن ألَملِم فَرحاً |
دا الكلام البعجبنا ويخلينا
مازال المنبر بخير
لله درك يا جميل
وزيد زيد والدن فينا فارغ نستقبل كلمك الطيب
تحياتي ومودتي أبوحوة
| |
|
|
|
|
|
|
|
|
|
Re: فتـاة الخبـز الحــافي ... (Re: محمد الطيب يوسف)
|
Quote: ده كتابة جن
نص مجنون شديد |
محمد الطيب يا يوسف :
الجِن بدّاوي ..
كعبه الإندراوه ..
جننا مقدور علي كبحه ..
ولكن جنس إندراوة ود شيقوق دي ..
إلا تشوفو معاه صرفه..
ممتن يا طيب ..
ورمضان كريم
كل الود
| |
|
|
|
|
|
|
|
|
|
Re: فتـاة الخبـز الحــافي ... (Re: خالد علي محجوب المنسي)
|
Quote: دا الكلام البعجبنا ويخلينا
مازال المنبر بخير
لله درك يا جميل
وزيد زيد والدن فينا فارغ نستقبل كلمك الطيب
تحياتي ومودتي أبوحوة |
ود المنسي يا خالد :
دا البجنن شوقنا فينا .
إنو في عينيك زمان ..
بي حالو ساجد ..
والدن مفتوح الشهية دوماً يا خالد..
أسمع دي :
بين المدرسه والخلوه وبَنية الشيخ..
شاهد ظبية الردن مدالق الفيخ ..
الخِصرو نحيل طبيعه مو رِديخ ..
والحركه القليله تجيبلها المليخ .
قول لي ود شيقوق دي بت (ليّون_ لِعاب) ؟
المهم يا خالد كل الود
والمنبر بخير
والجنيات ضراعن أخدر لي باكر وبعدو
تحياتي
| |
|
|
|
|
|
|
|
|
|
Re: فتـاة الخبـز الحــافي ... (Re: فاروق أبوحوه)
|
Quote: بين المدرسه والخلوه وبَنية الشيخ..
شاهد ظبية الردن مدالق الفيخ ..
الخِصرو نحيل طبيعه مو رِديخ ..
والحركه القليله تجيبلها المليخ . |
ودا النضمي البودي الزول البحر وأجي عطشان
هيييييييييييييييييييع ومحل رهيفة التنقد
وداك قال
ويا الخصر الشوية تقول مدّين
ولا داك القال
عال صدرك ولي خصرك برى
في جوز رمان جلى البرا
خلا ولع البحر جاب ولاد البحر
سووووووو ونم الشي دا بالحيل بعجبنا
أ[وحة موتي وتحياتي
| |
|
|
|
|
|
|
|
|
|
Re: فتـاة الخبـز الحــافي ... (Re: خالد علي محجوب المنسي)
|
ود ابو حوة
Quote: بين المدرسه والخلوه وبَنية الشيخ..
شاهد ظبية الردن مدالق الفيخ ..
الخِصرو نحيل طبيعه مو رِديخ ..
والحركه القليله تجيبلها المليخ . |
ما تباري معاك المسنوح المنسي جاى وجاى الكلام دفقوهو في الواطة دى وجيبوا النم البلوع جنس ده
الليل بَرَد وكل زول دخل في تِكيْلو
وينو (المتلي نا) ..ضربو الصقيع وا فليلو ؟!!
ردسولوا الطلح .. ملَّص عقودو و تيلو
طبق البوخ .. قام عرقو الصفيح ما بشيلو
هيييييييييييييع
| |
|
|
|
|
|
|
|
|
|
Re: فتـاة الخبـز الحــافي ... (Re: الطيب شيقوق)
|
Quote: ما تباري معاك المسنوح المنسي جاى وجاى الكلام دفقوهو في الواطة دى وجيبوا النم البلوع جنس ده
الليل بَرَد وكل زول دخل في تِكيْلو
وينو (المتلي نا) ..ضربو الصقيع وا فليلو ؟!!
ردسولوا الطلح .. ملَّص عقودو و تيلو
طبق البوخ .. قام عرقو الصفيح ما بشيلو
هيييييييييييييع
|
يا ود شيقوق ..
الفجه كانت حر ..؟
الصاقعه (النَطُع) ما تخليه قول آمين..
الليل برد وكل زول سرح بالفيها..
وينو المتلي انا فاقد شويفعه وجيهه
سولا العديل حتي الخرز والجيهه
وضربت في الكباد.........
اها لقيتني كيف؟
كل الود
| |
|
|
|
|
|
|
|
|
|
Re: فتـاة الخبـز الحــافي ... (Re: خالد علي محجوب المنسي)
|
Quote: ودا النضمي البودي الزول البحر وأجي عطشان
هيييييييييييييييييييع ومحل رهيفة التنقد
وداك قال
ويا الخصر الشوية تقول مدّين
ولا داك القال
عال صدرك ولي خصرك برى
في جوز رمان جلى البرا
خلا ولع البحر جاب ولاد البحر
سووووووو ونم الشي دا بالحيل بعجبنا
أ[وحة موتي وتحياتي |
يا ود المنسي ..
الراجل كبس علينا ..
آآي رمضان .
بالمناسبه دي ..
رمضان كريم ..
والمسنوح دا شايفو لخبت البكان بي دخاخينو دي..
مودتي
| |
|
|
|
|
|
|
|
|
|
Re: فتـاة الخبـز الحــافي ... (Re: مهند الجيلي بادي)
|
Quote: ود أبو حوة حبابك فينا
وحرفك لي إحساسنا بعَافي
جميل هذا الترتيل
كن أنت
ولنا فيك مآرب تزيد من صفاء السريرة
حبابك فيني
مرفق:
حبي الكبير
بـــــادي |
بادي يا سمح:
حبابك فينا ..
وانت حروفك بتدفينا..
أستدعي الذاكره ودكتور ود بادي ..
تذكرني به دوماً ..
تأكد يا صديقي ..
مثلما أنت بجمالك أعشقك ..
وهذا عربون وصالي ..
كل الود
| |
|
|
|
|
|
|
|
|
|
Re: فتـاة الخبـز الحــافي ... (Re: خالد علي محجوب المنسي)
|
Quote: ودا النضمي البودي الزول البحر وأجي عطشان
هيييييييييييييييييييع ومحل رهيفة التنقد
وداك قال
ويا الخصر الشوية تقول مدّين
ولا داك القال
عال صدرك ولي خصرك برى
في جوز رمان جلى البرا
خلا ولع البحر جاب ولاد البحر
سووووووو ونم الشي دا بالحيل بعجبنا
أ[وحة موتي وتحياتي |
ودا المنسي أخوي:
في ناس كلامن يوديك البحر ويجيبك عطشان ..
قبل يومين بسمع في الجنا اللسمو عمار السنوسي دا..
علي الليمان (بحتلو) غنيه كدي .!!!
يا سُقاة الكأس من عهد الرشيد..
قال شعرها ليلُ تموج..
صدرها الوثابُ هودج ..
شوف جنس دا عليك الله ..
والله الشقي وصافاً طاير..
دا السبب القبيل
قطع قلبي و مرض فشفاشي
بسوي الحيله ناس خالتي
وبجيكم غاشي ..
مجنون انا والله دا هسه.؟
كل الود
| |
|
|
|
|
|
|
| |
فاروق أبوحوه
الطيب شيقوق
خالد علي محجوب المنسي
مهند الجيلي بادي
حبيب نورة
معاوية عوض الكريم
فيس بوك
تويتر
انستقرام
يوتيوب
بنتيريست